الموضوع: تسأليني منهوأنتي في حياتي؟!

تسأليني

تسأليني منهو أنتي في حياتي مادريتـــــــي ؟!

أنتي فرحت عمري اللي مت انا ادور عليها

أنتي اللي من بديتي في حياتي ماانتهيتي

نعمةٍ جتني من الله يا عسى الله يمد فيهـــا

من عرفتك وانتي أهلي وانتي ناسي

وانتي بيتي وانتي احساسي وصوتي

ورغبتي وحاجه أبيــــــــــــــها

وأنتي أحلا من سكن هالقلب وأول من وفيتي

وأنتي أغلا من تجيني ساعة الشده وأجيها

ينطفون الناس في عيوني إلى منك ضويتي

كن ما في الكون غير عيونك انتي وحاجبيها !

كنك الصبح ورذاذ الماء وغيثٍ لا عطيتي

ينبت النوير في كفوفي وتثمر راحتيـــــها

وانتي اللي تشرحين الصدر لامنك حكيتي

وللسوالف معك طعم الهيل يوم تبهريــها

وأنتي اللي لاتمايل خيزرانك وارتخيتــي

مالت الدنيا وكيفك عدليها وميليــــــــها

والله انك تقدرين والله انك لا بغيتـــــــي

تحرقين اعصاب اعصابي قدرتي تحرقيها

لكن الله صخرك لي كل مازعلتك رضيتي

الله لايحرمني هالطيبه ويرحم والديـــــها

كل هذا وتسأليني عن غلاك ومادريتي ؟!

أنك الشمس اللي تشرق في عيوني واحتريها

شفتي يوم الله يحبك قطك الله في كويتـــــي

لاتولعله بحاجه غاليـه يتعب عليـــــــــــها

دمتوا بود وسعادة

---

jsHgdkd lki,Hkjd td pdhjd?!