الموضوع: قصه يشيب لها راس الطفل الرضيع

لها, الرضيع, يصيب, راس, قصه

السلام عليكم
هنا تقع احداث قصه يشيب لها راس الطفل من النصب <<<<<<<
انا وانتم بحاجه لبعض المرح احياناً وانشالله تتعجبكم القصه تبدا هذه القصه في محافظه رفحاْ شمال المملكه
التي هي اقرب الى الخيال لكنها واقعيه ( باين اللي يبي يكذب )
بطل هذه القصه هو رجل مجهول سوف اروي القصه على لسانه يعني مهو انا مفهوم
( ا ل ك ن ز ا ل ع ج ي ب )
في صباح احد ايام عطلة منتصف العام خطرت ببالي فكرة ان اخرج لاصطياد السمك في إحدى البحيرات ( ماصارت رفحا هي بحيره وبالحلقه الاخيره طلعت حقت صرف صحي ) ولما وصلت البحيره اذا بماء البحيره يعكس ضوء الشمس والهواء عليل ( والله من الصحيح وش لون يعكس والماء لونه اخضر) الوكاد وانا انزل الحاجات حقات الصيد وابدا الشغل وانا منهمك بالصيد فإذا بالسناره تتحرك بشكل غريب وانا اتل لك السناره هاقي انا وصابري انه سمكه وهي تطلع فإذا هي ورقه قديمه داخل قارورة تيم ( جديد المشروب ) (انا الله حق حسبته صك بيت بيثرب ولا وكاله على فرس ) الوكاد وانا آخذه واتركه تنشف على النار ( راعي معاميل عند البحيره شاب نار والله هذا اللي فاهم المرجله غلط) بعد مانشفت الورقه وانا اقراه الا خريطه مكتوبه بخط غريب ووصف اغرب قلبته بجنبي وكملت صيد ولا انتبهت ورا الورقه وبعد قليل وانا ادور الدخان ( خرمان الولد) الا وانا انتبه ان ورا الورقه
( لك شغل بالظمائر الا وانا وش لون جن ورا بعض العن ام اللي درسك عربي )
مكتوب كلام واليكم ماكان مكتوبا خلف الورقه :
ادري ان مالقى الخريطه هنا الا واحد سندول ولا من يصيد هنا المهم هذا من حظك اذا لم تفهم الخريطه( طق راسك بالجدار امزح) هناك شيخ طاعن بالسن ( وفيه شيخ اعرفه طاعن بخشمه الله يستر عليه هاهاهاها) يعرف ترجمة رموز الخريطه وفك الغازها وهو يسكن في راس تلعه اي مكان مرتفع
وللتواصل وكاتبين ايميل الشايب
هذا ماكان مكتوب خلف الخريطه
قلت في نفسي شايب ومعه ايميل هذا اللي يقول كحبه ومسبحه بقربته ( لك شغل بالامثال الحين وش دخل هالمثل اللي مثل وجهك )
.
المهم خذيت الخريطه ورحت للبيت وانا مستلقي ( مهي لايقه مستلقي منجضع وتخب ) قمت افكر ليه مااروح للشايب يمكن عنده تفسير لهالخريطه المهم رحت للشايب وهو فيض وسيل لا لا قصدي عقدت العزم على الذهاب الى الشايب فذهبت الى التل الذي يسكن فيه فإذا هو شديد الارتفاع فبدأت الصعود وبعد عناء وجهد وصلت لراس النبا ( هذي اسم اغنيه ياتنكه )
يوم وصلت لقمة التل الا وذيك الخيمه حقت الهنود الحمر واقعد اصوت ولد ولد (العن ام الزرقه [ المجامله ] ولد وهم قايلين لك طاعن بالسن ) المهم شوي وهو يطلع الشايب حاط ريش براسه ولابس لبس هنود حمر
قال : آمر
قلت : الله لا يهينك على كم زوج الحمام اللي فوق راسك
قال : اخلص وش عندك لا افقع عينك
قلت: السالفه كذا وكذا عندك سنع
قال: والله كان عندي بس راح عنده شغل هاهاهاها
قلت: عندك سالفه ولا احرجك اسألك عن اول يوم لك بالمدرسة تذكره ولا لا
قال : انا اللي عندي سالفه معك الخريطه
قلت : ايه
وهوياخذه ويقعد يراعي
قال : ابشر بعزك
قلت بنفسي : اووووخس
قال : ياولدي ترى منت اول واحد يدور هالكنز قبلك ناس دوروه وراحو عشا ليل
وانا اللي اسلكه [ اخاف ]قلت تبي شي
قال : وين هذا اوله وهو يشحط من اولها بدينا عناد
قلت : اسكت لا املا افمك من التراب وبعدين من وشو راحو عشا ليل
قال: ياولدي قبل لاتاصل للكنز فيه خمس مخاطر واختبارات اذا اجتزتهن اخذت الكنز وهن على النحو التالي ( متأثر بالاعلان عن الميزانيه )
1 توصيل الامانه
فيه وغد فكوك تاخذه من القريه اللي شمال التل اللي أسكن به وتوصله لاهله لان هومسير على خواله لا يغرك شكله لان عنده معلومات تفيدك
وصفه: وغد غبي بليد قصير فكوك اذا تكلم ملا وجهك سعابيل اذا فتحت راسه ماراح تلقى مخ راح تلقى اربع نعول حقات رجل يسار يعني مايفهم ياكل الخبوب اي مايتبقى من قماش الثوب بعد تفصيله
شعره مادري وش يبي رث الثياب اي وصخ يجب ان يصل اهله سالم معافى والا خسرت الرهان ( الشايب شكله اول حق حانات )
( اختبار الصبر )
2 فيضة الخرفان وهو مكان يعيش فيه قطيع من الخرفان المنغلثه مهو تقول لهن يح يح ترى يفقعن وجهك لانهن يتكلمن ويفهمن
( اختبار الحكمه )
3 الغاز التنين
فيه تنين يجيك يعطيك 3 الغار
لازم تحل 2 منهن ومعك يوم واحد ولا يانار شبي من ضلوعي حطبكي يعني يسعر بك ( جديده الاغنيه حيل ماشاالله )
( اختبار الذكاء )
4 الوحش
فيه قريه اللي وراه الجبل اللي فيه الكنز اهل القريه هذي معزر بهم وحش في يوم معين حين يكتمل القمر اوووو ( اليه هذا والله اللي فضخ قلبي مايكفي متحمل وجهه اللي يصوت للهم )
ها ها ها ( ضحكة المنخرع )
يجي الوحش ويطلب من اهل القريه قربان [ اي يعطونه شي يتقربون به إليه ] من اغلى مايملكون واذا ماعطوه لعن والديهم ومشى وهو يجي مره بالسنه ( عيد الفطر مهو وحش )
وانت لازم تخلصهم منه
( اختبار القوه )
5 لغز الكهف
هذا آخر إختبار يعني وزاره
قلت : اخلص لا امعطك مقصيه ارجعك عشرين سنه ورى
قال بعد القريه بشوي فيه جبل طويل براسه فيه كهف له ثلاث فتحات وحده به الكنز و2 اذا دخلتهن باودعك يالظنا يعني تروح في خبر كان لان فيهم حيوانات مفترسه عايشه هناك
( اختبار الثقه واتخاذ القرار )
تذكر اهم شي صف النيه وخلك واثق من نفسك واذا وفقك الله ولقيت الكنز ارجع لي ابي اقول لك شي
( انتهى الجزء الأول الى اللقاء مع الجزء الثاني اللي راح نشوف خوينا وش يبي يصير عليه )
بقلم :
بلا روووح
وانشاله القى ردودكم على هذه القصه وتحمسوني عشان اكتب الجزء الثاني

---

rwi dadf gih vhs hg'tg hgvqdu