الموضوع: ديوان كلمات الأغاني .

•?• ماكل من يضحك •?•

كلمات : بسام السلامه

ما كل من يضحك من الهم سالي
ولا كل من يبكي من الحب محزون
أحد ضحك و القلب فيه أشتعالي
و أحد بكى من شان ناس يبكون

و أنا بكيت من حر شئ جرالي
بكيت و يبكي من الحال عربون
ويا ما بدرب الحب ضاعت رجالي
و اللي مشوا بالحب خطراً يضيعون

و أنا عرفت الدرب صعب المنالي
زود على عرفي أهلي يقولون
مسكين يا من حالته مثل حالي
يسهر طوال الليل و القلب مطعون

°° قصة ضياع عبيد 1988م °°

•?• الصاحب اللي •?•

كلمات : سعد الخريجي

الصاحب اللي شد وأقفت مطاياه
مايدري انه حط جوفي حرايق
أكبر دليل ان الجفا من ما أقواه
أموت وأحيا في غيابه دقايق

واللي تحبه حيل ياشين فرقاه
جربتها وعندي عليها وثايق
ينساني الله ان كان بالبعد بنساه
ماغيره بعيني من الناس لايق

ماقد خبرنا الطير يزهد بمرباه
الا اذا ماهو له الجو رايق
الشاهد الله صاحبي همي رضاه
ماقد جرحته وش بلاه متضايق

ياخوفتي وياحسرتي وين دنياه
خوفي عليه مغيرين الحقايق
الامر لله قدر البعد واقصاه
يالله عساها ماتزود العوايق

•?• جتني تقولي •?•

كلمات : حامد الحامد

جتني تقلولي ما أبي غيرك
عطني المحبه وكل تفكيرك

دار الزمان واعرفت منهو انا
بعد ما حل على الفرقا سنه

باقي حياتي عشت وحداني
ضاع العمر من كثرت احزاني

هذا نصيبي وربي اشقاني
باللي تركني ورد من ثاني

أنا عزيز النفس يافلانه
ما اعطي قليبي للذي خانه

بعد الجفا قلتيلي غلطانه
شالفايده ياهيه ندمانه

•?• سيد الغواني •?•

كلمات : بو فيصل

أسيد الغواني حبه سقاني
حلو الغرام يالأسمراني
نوره هما ورمش رما
فز قلبي وسباني
يالأسمراني

ريم خلاني مر وحياني
سلم سلام وفرح زماني
بنظر روى غصن الهوى
ريقه عذب السواني
ياالأسمراني

تسع وثماني بدر الزماني
حبه الله الله الله بلاني
أهلا هلا ضبي الفلا
ايدي بيده أماني
ياالأسمراني

•?• قصة ضياع عبيد •?•

كلمات : هاشم الشمري

ياناس راح عبيد من غدى وضاع
والعقل عقب عبيد تايه وضايع
أقفى وانا بوقت الضحى بحزة قداع
كنا على القهوى نقول الروايع

لو انصدم كان الخبر ياملا شاع
تفزع له العالم ولوهي هجايع
ما أعتقد شاله من الباب طماع
قصده يدور من وراه الطمايع

عمره ثلاث سنين ماهو برضاع
ما اضنه اقفى يامخاليق ضايع
بالحلم أشوفه يأشرلي بالاصباع
ويفز من نومه اذا صحت فايع

أسمع ابكاه اليا من اصغيت الاسماع
واحس به لامن ضما وصار جايع
واشوفه اذا نام نومه على ذراع
يصيح يبي امه تجيه بفزايع

ياعبيد انا كثرت همومي والاوجاع
وفي كل لحظه بي تزيد الفجايع
لو رجعتك ياعبيد تشرى او تنباع
لشريك مهما كثروا بك طمايع

يالله تفرج كربتي بساع
ياواحدن يمشي لك العبد طايع
أشكيك م اشكي لمن عنده اسناع
يرحم قلوبن مع بعضها ولايع

واشكي لك مخلوق يمشي على القاع
يرحم فؤاد امن لها طفلن ضايع
هذي حقيقه ياملا ماهي ابداع
قصة ضياع عبيد حلو الطبايع

•?• هلا باللي •?•

كلمات : محمد المسحل

هلا باللي بعد غيبه طويله
يسلي وحدتي بين الليالي
هلا باللي يسميني خليله
وكل الناس يعرفونه حلالي

يجيني وبهدب عيني اشيله
ويلاقيني وسيله بالوصالي
يخبرني عن همومن ثقيله
واذا ضاقت به الدنيا شكالي

الا كلمني حروفه جميله
لو انه بالذرابه مايبالي
خفيف الظل اجنابه نحيله
حبيبي لا مشا مثل الغزالي

°° يا مليح 1989م °°

•?• لا تغـلى •?•

كلمات : عزام

ماشربنا منك كاسات الهنا
بس شوف العين ياعنق المها
لا تغلا وإنت غالي يالمنى
لاتروح الروح وإنتم في الحياه

والعيون السود تحكي حبنا
فاتنات ناعسات ساحرات
ودي أقطف ورد خدك بالسنا
وأتلذذ بالخدود الناعمات

وردة الدمام بعيوني أنا
إنها أحسن وردة وسط البنات
تذبحين اللي ترى يومه دنى
والبنات البيض تفعلها سواك

•?• مسافر •?•

كلمات : علي الغدير

مسافر في سما النسيان
أريد أنساك أنا أريد
وأطوي صفحة الأحزان
ونار الحب والتنهيد
عيش إنت مثل ماتريد

أنا ما أقدر على التوديع
أخاف القلب مني يضيع
أخاف أبكي من الاشواق
ولا أتحمل التلويع
عيش إنت مثل ماتريد

أنا ماشي بصدر الريح
كفاني يالغضي تجريح
عساني أنسى تعذيبك
وأقولك روح بلا تلويح
عيش إنت مثل ماتريد

تذكرني بغروب الشمس
تذكر لهفتي والهمس
وأنا بتذكر عيونك
وبتذكر لقانا أمس
عيش إنت مثل ماتريد

•?• ودعتني وسافرت •?•

كلمات : ساري

ودعتني وسافرت
وقالت يمكن أعود
بعدها غابت سنين

ليتها ماهاجرت
بعدها مالي وجود
فالبشر مالي معين

ما أصدق لو حصل
آخر الحب الجحود
والأمل يصبح حزين

آه أذكريني وأذكري
كم رسمنا من عهود
فوق جدران السنين

يا جروح اتصبري
يمكن السمرا تعود
يرتوي فينا الحنين