الموضوع: ديوان كلمات الأغاني .

نسيت انساك فضل شاكر

نسيت انساك حوليا كل الناس وبالى معاك
نسيت انساك حوليا كل الناس وكانى لسه عايشه عشان فكراك
حبيبى مهما رحت بعيد معاك دائما وبعمل ناسيه ومبنساش فى يوم ابداابدا
نسيت انساك نسيت انساك
غيابك طال ولا عارفة اعيش حياتى مع العايشين
غيابك طااااااااااااااااال تعدى كل ليله عليا سنين
حبيبى مهما رحت بعيد معاك دائما وبعمل ناسيه ومبنساش فى يوم ابدا
نسيت انسـاك.نسيت انساك
نسيت انســـاك

الاسطورة

على نفس الطريق الي مشينا قبل بضع سنين
بقت آثار ممشانا ونقـش حـروف محفـوره
حفظها الله من ذكرى بقت تجمع قلوب اثنيـن
بقوا عالعهد ما خانـوا وكلـن قايـم بـدوره
مابين الناس حس بها خفوقي قبل شوف العين
وانا يا كثر ما قابلت لكن مـش بهالصـوره
شعرت بشي يجذبني وفجأه اكتشفـت لويـن
لقلبن حس فيني واشتعل به لاظـي شعـوره
لعشقن دوم يرحل بي الى أقصى حدود الصين
يشتتني ويلملمني بسمـا هالكـون وبحـوره
أبد لا يغرج المنظر ترى القسوة وراها ليـن
وقلبي المرهف يداريه حصنن معتلي سـوره
تراني موج متلاطم من الاحساس لو تدريـن
واذا النيات ما تصفى عليهـا بعلـن الثـوره
أنا لي قلب يا روحي رهيف ويغلـي الغاليـن
ولكن دونه ضلوعي الحنايا ودونه اسطـوره
انا اسطورة الشاعر نعم اسطـوره ولسنيـن
بقيت الشامخ بقصري ولأجلك فارق قصـوره
ولكن مثلنا لو قام شفـه مخيّـر ف أمريـن
يا اما يعيش قصة حب او انه يمحي سطـوره
نعم يمحي كيانه بيده ويسكـت ليـوم الديـن
ويمسح دمعة ن طاحت على الخدين مجبـورة
لأنه عاش في الدنيا على مبدأ أجـي وتجيـن
اذا حبيتي واخلصتـي ببـادل قلبـج شعـوره
واما لو تبين انج تكوني مـن هـل الحبليـن
من أولها أنا استأذن وما قصرتـي مشكـورة
ترا مانيب مجبر بج ولا انتي بـي بتنجبريـن
ولا جيتج وانا هالك وروحي بـذل مكسـورة
على كثر العيون الي رأتني ما انجذبت لعيـن
لأني لو عطيت القلب فرصة شذ عن طـوره
وخلاني تبيع ن له وعيشنـي همـوم البيـن
وذوقني من اصناف العذاب و زاد في جـوره
ولكن ما خلف قلبج وعوده ولا بـدا بالشيـن
وبادلني وفا واخـلاص بـدد خوفـي بنـوره
سموح وطيب وصادق وابد ما كان ذو وجهين
وغلطاتي قبـل لا اعتـذر القاهـا معـذوره
غمرتي قلبي بحبج وهالحب ألمسـه للحيـن
أبد لا ما تغيـره المواقـف صـادق شعـوره
عسى الله لا يغيّر ما بدينـا ويستمـر سنيـن
ونصبح أجمل واحلـى وأرق ودوم اسطـورة

وين يالغايب

وين يالغايب عن ولوفك قاطعـ(ن) ماتذكر أولافك
مرت سنين ع شوفك ونظري بالعين ماشافك
بك تغلي ولو بك ظروفك لو حسود(ن) بالحشى لافك
صرت لاشوفك ولا لوفك معتلي في راس مشرافك
قلبي بحسرات ملهوفك يشتكي الهجران بعنافك
مانكر لك طيب معروفك يوم تصخي له من اعطافك
وانت عني مبتعد طوفك ما لفتني نجدت اسعافك
قاسيـ(ن) ماداخلك خوفك ف الهوى تلعب بي أسرافك
ف المحبه ذاب متلوفك وان غدى يازين بتلافك
مدخل الله خذني بروفك لا تعذب روح مولافك
بك جمالـ(ن) خذت به نوفك يوسفي ترفه أترافك
كلهزاعي يهلك طروفك والسحر في ساجي أطرافك
معتزل عودك من نصوفك مايسـ(ن) ويميل غريافك
لو بوصف فاقت وصوفك والوصايف كامل أوصافك
وين يالغايب عن ولوفك قاطعـ(ن) ماتذكر أولافك
مرت سنين ع شوفك ونظري بالعين ماشافك

مالك رجا
مـالك رجى ياقلبي فيهم ولالي
حيله على نسيانهم لو تناسيت
راحوا وأنا عايش وحيد(ن) لحالي
تايه ولا لحظه بعدهم تهنيت
هذا جزا من كان يسهر ليالي
ياما عليهم في دجى الليل ونيت
لجل الوفا أشقيت فكري وبالي
كلـ(ن) نسى الماضي وانا أقول ياليت
راح الزمان الي نعيمه صفالي
مثل السراب الي من أجله تعنيت
صار الشقا والهم فوق احتمالي
عقب اتصافي بالتجافي تجازيت
مـــاباقي إلا ذكرهم في خيالي
ذكرى تجيني كل مصبحت ومسيت
ياقلب لا تبكي على ضيم حالي
انسى ترا مالك رجا وإن ترجيت

من كثر حبك

من كثر حبك تشابه دمك ودمي
اتبدل الدم من موجب إلى سالب
وأصبحت لي في الحياه احساسي وهمي
الحب مأساه يامغلوب ياغالب
غلاك ماله مكان بروحي يضمي
من هامت الراس إلى لقدام متشارب
والناس أجناس وانته مالك ملمي
أعلن بك الصلح ولجل وصالك أحارب
ياليتك تكون واحد من بني عمي
وأكون أنا لولي بالحق لمطالب
إن شلـ(ن) أهداب عينك بالنظر يمي
أخضع استسلام لا صامد ولا هارب
إلى متى صاحبي هالحال بيتمي
على الضما لا شربت ولاني بشارب
من كثر حبك تشابه دمك ودمي
اتبدل الدم من موجب إلى سالب

حاربت عيني

حاربت عيني كراها
ياعلي والله تراها
مـ العنا يلي بدالي
ويل روحي واشقاها
من فتاتـ(ن) تيمتني
واملكتني في هواها
ملك ملِي فـيد عمه
في الاماره وانتهاها
هايفه الخصرين تسلب
إن اقبلت بدر(ن) تباها
لونها والجيد ماخذ
وصف ريمـ(ن) في فلاها
والخدود كما لِـي
نور شمسـ(ن) في ضحاها
واليديل يذول وأسمر
خر ع الردف وكساها
والـعيان عيان حر(ن)
شاف صيده واعتناها
كامله لوصاف حسنـ(ن)
شيب عيني من غواها
في الملا مامن مثلها
خالجي فردي نشاها
ياملا ميلام صبر(ن)
بات يتشفق لقاها

القبعه

لا اتعذر حبيبي ولا أباك إتحلف
يامليكـ(ن) ملكني في حروف أربعه
مايس القد عوده ومن نصف منتصف
به مثل خيل التبع وخلفها تبعه
من يصادفه صدفه في محاسن صدف
ينحني له تواضع ويرفع القبعه
يندهش في مفاتن بين كتف وردف
عزته واحترامه والمجد يتبعه
الجمال الحقيقي ياعرب ينعرف
في حبيبي بيانه ساسه ومنبعه
من يوصف جماله بالوصف مانصف
شل حسن الخلايق في طروف اصبعه
يوم أناظر عيونه بالصحيح أعترف
وأكشف أسرار قلبي للذي طبعه
يرني في وداده لين قلبي وكــف
وعن هوا غير شخصه صده وشبعه

يا حبيبي


ياحبيبي حبك فدمي
وسط قلبي والشراييني
يوم أشوفك ينجلي همي
ومن على الدنيا تنسيني
الغوى والزين ملتمي
فيك ياسيد المزاييني
فيك كل الحسن متنمي
مـ الجدم لي حاجب العيني
واليديل أسمر ومدهمي
زاد ع الخصرين ويليني
ورد فايع راقي الشمي
فوق الخد الباهي يبيني
في حياتي عندي مهمي
دايمـ(ن) روياك تغزيني
في بعادك همي وغمي
وبوجوده تزهي سنيني
يعل دارها يود(ن) معمي
رملها وبطاحها تزيني
والغدر من فيضها تزمي
والبدو تورد بها الهيمي

الدنيا حلوه

هالدنيا حلوه بشوف عيونك الحلوه
يامن غديت بحياتي كل مافيها
إن غابوا الناس عني قلت انا فدوه
إلا انته لا تغيب عن عيني وتجفيها
إن قلت أحبك ترا ماقلتها رضوه
من كل قلبي أحبك صدق وعنيها
لكن خذني حبيبي خطوتـ(ن) خطوه
بكره الليالي تفسر لك معانيها
آنا تمنيت شوفك في العمر منوه
والروح تسأل عيوني وين غاليها
وأحلم بك ان كنت صاحي والا في غفوه
واليوم دنياي تتحقق أمانيها
ياقلب طيب أبد مايعرف القسوه
ياسنين شفت السعاده في لياليها
من نور حسنك غدت أيامنا حلوه
تحلا بشوفك ويحلا كل مافيها