الموضوع: ديوان كلمات الأغاني .

نسـيناكم

ما عاد بقلبنا ذكرى نسيناكم
ولا لأيامنا ذكرى نسيناكم
مدام أنتوا تغيرتوا
بعد حنا تغيرنا
ولابه شئ يرجعنا
خلاص اليوم نسيناكم

ياليت فوقتها كنتوا فهمتونا
ولا عنا تخليتوا وبعتونا
وقدرتوا الوفاء والحب
اللي جالكم منا
حسافة ماتفاهمنا
خلاص اليوم نسيناكم

عانيت ياما لأجل أرضي خواطرهم
وداريت همي وكنت أشقى وأريحهم
صبرت وصرت أنا وقلبي
ندور من يصبرنا
خسارة ماتفاهمنا
خلاص اليوم نسيناكم

يسلم راسك


أجيك يسلم رأسك وشلون ما أجيك
وياك أنا بالذات صعب أتغلى
والله مدري من الغلا وين أوديك
تسوى عيوني ولا بعد يمكن أغلى

لا جيت أنادي غيرك أسهى وأناديك
غصب علي أليا طروك أتجلى
روحي تناديلك وقلبي يناديك
عليك ومافي دنيتي شئ يغلى

أمر تدلل مالك الا اللي يرضيك
قدرك على كل الخلايق تعلى
قلنا تغلى مير زدت بتغليك
والناس قالوا من تغلى تخلى

علـمني



علمني وشلون أنساك وأنام
وأنا اللي لك صاحي أيام وأيام
شاغلني في بالي شوقك ولا يروح
صاحي أنا ونايم ما يروح ما يروح

دنياك دنياي هو حد يسواك
في القلب وياي و في البال وياك
يالغالي وشلون تظن أبنساك
كيف الهوى يهون والقلب يهواك

تسهر عيوني تحلم بلقياك
ليت اللي باقي من عمري وياك
ماعشت عمري الحب ومعناه
لوعة وحرمان ماودي أنساه

الهدايا

أعذريني يا لهدايا
لو هملتك في الزوايا
ما ني متحمل أشوفك
والي جابك و معايا
إلي جابك وينه عني
يا ترى زعلان مني
مادرى إني في غيابه
كم شكيت أنا المرايا
أعذريني يا لهدايا
راح وخلاني لحالي
شفت واش سوا في حالي
خبريني ويش أسوي
لوعشق قلبه سوايا
أعذريني يا لهدايا
قولي لو هو حب غيري
وش يكون أسمه مصيري
غير أموت أنا في مكاني
وأترك الدنيا ورايا
أعذريني يا لهدايا

العيـــــــــون

اويلي . اويلي . اويلي . اويلي
سود العيون كبار والشامه حلوه شايل جمال الكون وباليني بلوه
هالعيون اشلون اميلها سحر ذوبني بغزلها
بوسه من عندك حبيبي تسوى عندي الدنيا كلها
ياضوى عيوني وحياتي قلب اقدم لك هديه
اطلب اش ما ردت مني قول وادلل عليّ
انت مني وانا منك مستحيل ابتعد عنك
ابتسم يا بعد عمري ضحكتك ماكو مثلها
ذاب قلبي بالمحبه لا تظن عنك اتوب
طيّرت عقلي بغرامك ياما ذوبت القلوب
انت حبي نبض قلبي بس تعال شويه قربي
يا اعز انسان عندي وأغلى من هالناس كلها

من يقول

من يقول اني لغيرك انا لك ماني لغيرك
انا متعلق مصيري يا حبيبي في مصيرك
خلهم يحكون فيا مهما هم قالوا عليا
انت منهم وش عليك وانا منهم وش عليا
ودهم بس يتعبونك وعن عيوني يبعدونك
حاولوا ادري كثير بس صعبه يوصلونك
انت اكبر منهم وما اصدق حكيهم
زيديني حب وغرام يالله اضحك غيضهم

مااتصلتـــــي


ما اتصلتي ما سألتي ولا قلتي فلان شخباره
ما سهرتي ما تعبتي وما وصلتي لعتبت داره
وينك عني وينك ودي بشوفت عينك
انا مالي غيرك انتي هوا ولا غيرك لجروحي دوا
كاني غالي لي تعالي قبل حالي لا تذبل ازهاره
يا حنيني اللي فيني وعلى عيني تبين آثاره
ما عشقتي ولا ذقتي ما احترقتي بهالوا وناره
لو تجيني انسى ويلي وفيك ليلي تنور انواره

لك بعد عيـــن

لك بعد عين نتواجه او تشوف عيوني فيها
انت ما خليت حاجه اغفر ذنوبك عليها
اختلف قلبك وقلبي من بعد ذاك الوفا
صار دربك غير دربي وانتى عهد الصفا
مهما في الدنيا يصير الوفي يبقى وفي
واللي في حبه كبير ما يهزه اي شي
ما بتشفع لك دموعك انت من قلبي انتهيت
ما كسر قلبي خضوعك لو ترجيت وبكيت

غلاهـــــــــــــا


غلاها ياكبر عندي غلاها
عشقها القلب ولخاطر هواها
تولعت بهواها دون مدري
وباع الناس قلبي واشتراها
تلاشى البدر من طلعت ضياها
جمال الكون كله في سناها
بديت اغار من نفسي عليها
واغار من العيون اللي تراها
إلاه العرش بالحسن انتقاها
يحق لها بطلعتها تتباها
عليها من الدلع نظرات تأسر
اشوف القلب ما يصبر بلاها
معاها بهجة ايامي معاها
رضاها غاية النفس ومناها
عساها ترحم بحبٍ متيم
شفا المجروح كله في لقاها