الموضوع: ديوان كلمات الأغاني .

شهــــــــــــر

عبادي الـ ج ـــوهر

ياللي تحبيني شهر
ثم ٍ تجافيني شهر
ثم ٍ تحنيلي شهر وتفكري كيف الرجوع كذا شهر
وترجعيلي في شهر
ماقد خطر في خاطرك ان السنة اثنعشر شهر ؟!

وقتي معك نصفه هموم
ونصفه الباقي اسى ولو طبعك القاسي نسى
وبالصدفة جاء مرة صباح وكلمة منك فرحتني
لابد ما همس الجراح تسمعيني في المسا
ولو تعتب جروحي عليك وتشتكي منك إليك
بترجعي تحبي شهر ثم ٍ تجافيني شهر
ثم ٍ تحنيلي شهر وتفكري كيف الرجوع كذا شهر
وترجعيلي في شهر
ولا يجي في خاطرك ان السنة اثنعشر شهر

اعذريني لو اقول حبك نسى معنى الفرح
اعذريني لو اقول وشلون يذكرنا الفرح ؟!
مادام اذا كنتي قريبه كل تفكيري يكون
بُعدك متى ؟! وإلى بعتي ابلا سبب
الاكيد بترجعي بس الأكيد هذا متى ؟!
ولو تعب مني الصبر وملّ من صبري العذول
وقلت ياناس اسألوها الحب هو كله هجر ؟!
ردك يجيني في شهر
قالوا تقول :
" ماينتظر بس يشتكي !
يصبر عليّ ترى السنة اثنعشر شهر " ؟!

أمـــــــــــــــــــــــي

عبادي الـ ج ــوهر

اسألوا دمي وسعادتي وهمي

اسألوا التوفيق

والكدر والضيق

اسألوا الطيب في صفاتي

والدعاء اللي في صلاتي

واسألوا شهودي

الدموع اللي في سجودي

اسألوهم واسألوا دمي

عن غلا أمي

لليل أحبك

عبادي الـ ج ــوهر

لليل أحبك مابقى في السما نور
و الى ضواني الليل للصبح أحبك
و اللحظه اللي كلها صد و غرور
أشــوف قــبــري بـيـن عـيـنـــك و قلــبـك
في صدري اسراجٍ حزينٍ ومكسور
رغم المطر و الريح شلته افدربــك
و الله مابه غير لوعـــــــاتي اقــــــصــور
و خـــوفي عليك الله ربي و ربــك
إلى متى بـبني على صمـتك اجســور
لا حيرتــني أسبـــاب سلمـــك و حـــربـــك
العمر أحبـك مابقى فيـني اشعــور

ابسألك


عبادي الـ ج ـوهر


ابسألك هو أنا استاهلك ؟
!استاهل الدمع اللي جرّح وجنتك ؟
استاهل اني اعشقك ؟

ابسألك عن حالنا انتي وانا ياللي احس
انك انا حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين عشقنا دايم يزين
ماهو غريب اني لو مرة في همي نسيت وبكلمة جرحتك
قبل ما تتألمين اللي ينزف هو دمي
ابسألك ماهو غريب
استاهلك

ابسألك لو قلت لك
ان الحنان اللي في قلبك ينبت من الصخر الزهر
وان النهار اللي في خدودك يخلي النسمة عطر
وان العذاب اللي في عيونك يعلـّم الناس الشعر

ولو قلتلك اني احبك اكثر من هموم البشر
وكثر الجفا وكثر السهر .
لو قلت لك وانك اقرب من عيوني للنظر
كل الذي اقدر اقوله واللي ما اقدر اقوله
استاهلك حبيبتي ؟!وباجاوبك
للأسف ما به احد يستاهلك

أنتي سراب


عبادي الـ ج ــوهر


أنتي سراب ورملك الضامي انا
أنتي وكاي وحلمي وافراح وعنا
ياللي لكي بقلبي مكان
عايش بلا وقت وزمان
مدري قسى قلبك على
والا الهوا مابه حنان

أنتي عذابي يافتون
أنتي لي الصدر الحنون
تدرين قلي في ايدي
واني انا اللي بفقدك
وحدي انا اللي دايم
اركض ورا اللي يسعدك

أنتي فرح عمري وياليتك عذاب
أنتي امل ظامي ولو انك سراب
ان كان حبك غلطتي ماهو بأنا الغلطان
ليه الجفا يادنيتي صار العطا حرمان
لاتتركيني فحيرتي قصه بلا عنوان

عيـــــونــك

عبادي الـ ج ـوهر

عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيك كثر رمل اليم
وابيك فوق الناس وابي ماينحني راسي

بنفترق

عبادي الـ ج ــوهر

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيّى لايطول
قولي واقول
ان كان عندك لي حلول
يافرحة القلب الحزين
الوقت يمر
ومالك عذر
كانك تبين ننسى العمر
ننسى السنين
وانذوب في حب وحنين
تدرين وش سر الحكاية
الوقت يمر ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

أصدق ماكتبت

عبادي الجوهر

انتي تدرين من انتي ؟!
تدرين انك لي غديتي كل شي
وانك غديتي شمس ليلي وفي الهجير الفيّ
وانك اصدق ماكتبت
وانك احزاني وفرحي لاضحكت اوانجرحت
وانك غديتي ياعذابي اغلى من حبك علي ّ
قبل أحبك يا ما كذّبني القصيد
وبعد حبك صار يكتبني القصيد
هو يوصفك بسمة وطرف
وأنا اعشقك في كل حرف
منك شكالي وصف حسنك اتعبه
وانا شكيتك وعشقي لحبك اعجبه
ومهما شكى ومهما وصف
انتي احلى ماكتبت انتي اصدق ماكتبت
وانتي احساسي وجرحي لاضحكت أو انجرحت
وانك غديتي يا عذابي اغلى من حبك عليّ
تدرين من انتي !!

بس معك

عبادي الـ ج ــوهر

َبفارق فراقك وبخنق عبرتي واجرّح اضمادي واسافرلك معك
بشد للماضي واقدم ساعتي واعاند اعنادي واقودك واتبعك
بجامل احزاني واجافي فرحتي واعادي خلاني واحبك واخدعك
بصير انا طبعك وأنتي طيبتي وبيحزنك ضحكي وهلّي بمدمعك
بسامر دموعي واعزّي ضحكتي وبهدي انا ضلالي ضلال ٍ ياسعك
بلبس انا ذلك وقيسي عزتي وبتصيري ذنوبي وخيري بيطبعك
بحارب في ضعفي وافر في قوتي وإلى رضختيلي لموتي بدفعك
ولجل اللقاء برحل وتمضي رحلتي وإلى حصل شوفك بكون مودعك
اببعد واوصلك وبسبق خطوتي وبنثرك فيني وانسى اجمعك
بضم أنا هجرك في قربك وحدتي وتدلك عيوني وقلبي مضيّعك
واذا اضلمت دنياي بطفي شمعتي واذا كثر زادي بجوع وبشبعك
شردتي رقادي وسمعتي نضرتي وغمضت أنا عيوني لجل ما اسمعك
صرخت في سكوتي ولمستي صرختي وقربتي وجهك لي لجل ما اصفعك
عند الحزن تثقل خطاكي دنيتي وعند الفرح قالت خطاكي مسرعك
قصيدتي يكفي غبية كذبتي حبيبتي آسف بخونك بس معك