الموضوع: بوح بخاطري 00

من هويتكـ وحبيتكـ عزتي صارت خضوع
وكبريائي نار تشعل بالضلوع
هذي الحقيقهـ
كل شي نزلتهـ عشانكـ
حتى عزتي تجاهلتها كلهـ في سبيل الحب ولعيونكـ
واليوم لو ماحترمتكـ من أفعالكـ
للحب والغلا احترامهـ
وشلون بمشي بطاعتكـ
وانتي علي تقسين
اخذي القرار براحتكـ
ما اسألكـ زين او شين
الحقيقهـ كل شي صار متساوي
مادام هذا الحظ وهذا قدري
والمشكلهـ
صرتي وياهم ضدي
ليهـ اشرههـ
وليهـ اعاتب
وليهـ الوم
بإختصار ليهـ انا
اللي احاتي واهتم وابني وبالأخير
تهدمين وتكسرين وتحبطين شعوري قبل
كياني وإلى متى
وانا باقي كذا وإلى متى وأقرب نهر
تبخل علي جداولهـ كم مرهـ
سامحتكـ وغضيت النظر
مايوم جرحتكـ وعانيت وش كثر ترى
جرحي الخفي منكـ مكتفي
انا بعيوني شفت منكـ جفا وهجر
والحين ما عاد ابي منكـ حتى عذر
وللأسف هذا زمن فيهـ الوفا ضاع
وهذا زمن فيهـ البشر انواع
ناس تشري قربها وهو للأسف ينباع
كل واحد صار بس يشوف مصلحتهـ وحاجتهـ
ولو كانت على حساب الشعور
ويحاول يوفر لنفسهـ فقط
كل شي ومو ملقي للناس اي اعتبار همهـ بس نفسهـ
وكيف يريحها وكيف يوفر لها ماتحتاجهـ
بأختصار ناخذ ولا نعطي والمشكلهـ
إنا نشوف بعين وحدهـ فقط عين بس تعرف مصلحتها
لكن العين الثانيهـ
متوقفهـ او بالأصح عميانهـ
عن شوفة الناس وشعورهم
واللي يحتاجونهـ عجزت افهم ليهـ ؟
ليهـ بس تبين توفرين كل شي لنفسكـ
وغيركـ مايهم حتى علاقة
المصالح فيها تبادل منفعهـ
تاخذ وتعطي
لكن للأسف علاقتنا تعدت حدود المصالح اتوقع انها علاقة استغفال
وعلاقهـ للأسف اوطى من المصالح
بس مافيهـ مشكلهـ هذي الدنيا
نستفيد من تجاربها ونستفيد من
صدماتها وبكرهـ الزمن يدور
وكل الجروح تخف
وكل الدموع تجف
وبكرهـ تبرد النيران والضي يروح
والليل يروح
والجروح تجي وتروح
وبكرهـ نطلع من جروحنا بفائدهـ
ويقولون :
اللي يحب شخص ماهو في مستواه يبطي وعينهـ بالمدامع جايدهـ
واقصد بالمستوى مستوى
الطيبهـ والتضحيهـ اللي
للأسف صارت استغفال صار الطيب
مغفل واللي همهـ يرضي غالينهـ ويوفر لهم كل شي
صار مغفل بنظركم لأن
او ما ابي ازووود بالكلام للأسف
عنادكـ حاجب عن نظيركـ
شريككـ اللي بالهوى صاح محتار
واليوم لا عاد تربط مصيري بمصيركـ
ما اظن حب ينفع اليوم جبار
ماني همزة وصل او لعبهـ زمان
او جسر توصل على برهـ الأمان
أنا لا حسيت بالحظة غدر
تلقى شوقي يصير
نار وهجر 00