مقارنه 00

**هزني رحيله** · 10-Oct-2007,03:07 PM

هناك عدت فروق مابين سواقت الحريم والرجال في سواقة السيارة
وقلت خلني اسوي مقارنه مابينهم وصراحه طلعت بنتايج حلوه :
- مشاوير
الرجال الى: الدوام + البيت + البقاله + استراحة الشباب .
مشاوير الحريم: الكوفيره + الشغل + السوق + عزاء + عرس .

- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان
سياره الحريم :نقاب + مناديل كلها روج + علك مستكه +كعب مكسور+ مجلة سيدتي.

- في جيب الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط مليان شعر + شباصات.

شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة الحريم: مزيل عرق + فازلين + مرطب+ حبل غسيل + عطر مخيس للأحتياط

السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه معاضد يوو تقولين كانها زوجها يغرف فلوس من بير؟

- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه بارد لحد ما تخلص ؟هههاي

- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .

- اثناء السياقه :
الشباب : مّبعد الكرسي لين اخره كانه منسدح عند عيادة اسنان بالله كيف عيادة الأسنان ههههههاي وهو يسوق .
الحريم : ملزقة مقربة الكرسي لين اخره كانها سواق لموزين.

اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنات : تصلح شعرها.

- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه بعض الأوقات .
الحريم : متعلقطه في الدركسون بشكل كانه طوق نجات.

- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش اخبارك

- اثناء كتابه المخالفه :
الشباب : اقسم بالله ماقطعت الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنات : بلييز الله يخليك لأهلك لا تعطيني مخالفه بليز بليز,, وهي تناقز .

- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره

- اثناء السواقه و أحد السيارات حدك :
الشباب : اسفط على جنب يابن ال؟ انا اعلمك وش لون تسوق يا ولد ال , وين العجره بس؟
الحريم : ياحقييييييييييير يا حقييييير ماتشوف زين , رح ياجعل ريح تنشبك في لمبه انشالله.

- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام حياة الشقا وين اروح انا الحين ,روحي دربك خضر ؟

- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟<< أصير بزر

**ريمااااااس** · 10-Oct-2007,08:13 PM

- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟<< أصير بزر

ههههههههههههههههههههههههههه
هههههههههههههههههههههههههه
ههههههههههههههههههههه
مشكوره يالغلا
هههههههههههههه

**هزني رحيله** · 10-Oct-2007,11:22 PM

العفوو 00

اسعدني مرورك 00

**البــــرنس** · 11-Oct-2007,04:31 AM

خخخخخخخخخخخخخخخخ
والله الشباب كشخه

**فـــاقد حـــنان** · 11-Oct-2007,04:38 AM

- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .

جذابه بــس كذابه

ما اقول الا الله يرج ابليسك هالهبال منتي مخليته متى تعقلين هع هع
الله لا يحرمنا منك ومن مشاركاتك الاكثر من رااااائعة

وعلى فكرة انا انقطعت عن المنتدى و أول شيء سويته لما رجعت دخلت مواضيعك وربي

تقبلي مروري