الموضوع: نزعتي الرمح من صدري وفي ظهري طعنتيني !!

الرأي, صدري, ظهري, نزعتي, نفي

[frame="10 80"]تشيكتي تزينتي وكـل الخافيـات تبـان
الا يالخاينه وين الكـلام اللـي وعدتينـي ؟
تمنيت الزمن يرجع واخونك ياغصين البـان
وارد الصاع لك مثله مثل مانتـي تخونينـي
حلفتي لي تصونيني إذا صار الزمـن خـوان
وأول ما عثر حظي علـى دربـك خذلتينـي
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني
خسااااره كييف حبيت! نعـم والله ندمـان
غبي أدري نعم ادري ما دام انـك سكنتينـي
سنه من عمري وانـا فـي لعبتـك غرقـان
أشيل الشوك من دربك وجرحي كان يدمينـي
وكنت أبكي إذا تبكي وأكون لبسمتك فرحـان
وكنت اقرب من رموشك لعينك يـوم تبغينـي
عرفتك للآسف صحراء وحولتك إلى بستـان
وشلتيني غصن أخضر وفي صخرك زرعتيني
حفرتك داخلي وظني تصوني عشرتي أزمـان
وكنت أحفر قبر موتي على ساحل شرايينـي
على كف الشقا نامت جروحي والألم سهـران
يحطمني يبعثرني وفي صحراك يرميني
ولكن عزتي تفرض أكـون بدنيتـي سلطـان
وإن ظنك أجي أركع لرجلك. مـا عرفتينـي
انا ما عادتي اشحذ من أمثالك رضا وإحسـان
ا مـوت بعزتـي ارحـم ولا ذلـك يغطينـي
وما دام الوفا عندك يدور لـه علـى عنـوان
بدور لي على قلب يصـون الحـب وسنينـي
ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي
ولو دار الزمن ضدك وجيتي تطلبي الغفـران
وجبتي الشمس في كفك لعنديما بتلقينـي
تقول الناس في وصفك:جميله مثل عود البان
وإنك أجمل وأحلى بشر مخلوق مـن طينـي
وإنك غالية وأثمن من الياقـوت والمرجـان
تقوم أكوان من أجلك وتقعـد لـك بلادينـي
حساااااافه غرهم شكلك ويا ما تخدع الألـوان
عموماً بقت كلمة أخيرة لـك واسمعينـي
إذا كنتي بنظر غيري ملاك على هيئة إنسـان
قسم بالله ما تسوي شعره من رمـش عينـي [/frame]




منقوله

---

k.ujd hgvlp lk w]vd ,td /ivd 'ukjdkd !!