الموضوع: يـ ـ ـ ـ ـ ا خســارة !!

عاد ما حصلت غير اللّي يحبونك
يا خسارة ما قدرت الاّ على أحبابك

قسوتك صارت على ناسٍ يودّونك
و اللّي هانك صار ساكن بين أهدابك

يعني ما فكرت ؟ لا ما شفت بعيونك ؟
و انت عارف كم لعب بالحب (ع) اصحابك

كنت كاشف لعبته في دور مجنونك
بس غريبة كيف مكره أثر وصابك ؟

مثّل وصادك و بدّل لونه بلونك
مثل ما هو صاد قبلك صفوة أقرابك

شي طبيعي مش جديدة قال مفتونك
قال احبك يا حبيبي موت و احيابك

كلمته هذي غزت غيرك يصيحونك
ما تذكّر دمعهم لي بلّل ثيابك

من يخون الكل لا بد يوم بيخونك
ما يصونك في حضورك كيف بغيابك ؟!