الموضوع: يوم احترق بيت جدتي شوفو ايش سوينا

اخترق, ايش, تحت, جدتي, يوم, شوفو

سلام لكل الحلوين

بخبركم عن قصة حريق بيت جدتي ايام عيد الاضحى
هي طويلة شوي بس تتخللها مواقف مضكحة اقروها لاتفوتكم

كنا بالمدينة وناويين ننزل ينبع للبحر فمرة مستانسين احنا البنات ورقص هذيك الليلة خاربةخاربة خلينا نعميها ومنطربين طبعا مافي ولا رجال بالبيت كلهم راحوا ينامون عشان السفر بكرة من بدري
قامت اختكم الحلوة تبي تاكل وسوت لها ساندويش وجبت ببسي بارد ايش زينه حطيته عند الدفاية ورحت اشوف ولد عمتي الصغيرون وينه يوم طلعت من الصالة الا واقابلة يقولي تعالي شوفي بخور يوم طلعت معه شفت السيب كله دخان والديوانية تدخن كانت معي امي وصرنا نصرخ شوي الا دخلت عالبنات وقلت لهم حريقة كانوا قاعدات عالنت بلاب توب من سمعوا الصوت وحدة جت منهم واختي وش سوت اخذت لاب توبها وطلعته الحوش ثمن رجعت تاخذ عباتها,,,,,,,,,,شكلها دافعه عليه القيمة
اما احنا البنات حقات فزعة مانحتاج رجاجيل وحدة طفت العداد وحدة طلعت انبوبات الغاز وحدة طلعت الدفاية طبعا امي اخذ الولد الصغيرون والشغالات وهجت بيتنا بما انه جنب بيت جدتي الجدار بالجدار وهي طالعة بالشارع لقت اخوي اللي بالمتوسطة وعيال اعمامي اللي كبره وهجولتهم وجو ركض وصحوا ابوي طبعا اختكم وش دورها تطلع الجدة من البيت انا وبنت عمتي يعني ماكنا لابسين عبيياروح مابعدك روح مين فايق يلبس عبايته
بس تعرفون مخوخ العجايز بيتي من ولع به النار ابي اشوفه وسبحان الله جتها كل قوتها ذيك الساعة ودفتنا بقوة بس اصرينا وطلعناها بالقوة
نحمد ربنا ان البيت به ثلاث ابواب واحد حق الضيوف يسمونه الباب الشرقي وواحد اللي ندخل منه يسمونه الشمالي وباب يطلع عالبستان يسمونه الغربي وكانت ستي (الجدة) كل يوم تسأل وكل شوي قفلتوا الابواب شوفوا الشرقي وشوفو الغربي,,,,,,,,,,,,,,,صراحة الحين عرفنا وش فايدة الشرقي والغربي لاننا طلعنا منه(الغربي)
يوم طلعنا اللي توهقنا مابه رجال غير ابوي وبزارين المتوسطة استلمنا احنا البنات مهمة ايقاظ الاعمام طبعا نايمين ولاردوا قلنا ندق على زوجاتهم طبعا نسيت شي مهم البنات وش مهمتهم غير الصراخ طول هالفترة لأننا صرنا بالحوش والبيت بدا يدخن من الشبابيك
واحد من اعمامي الله يهديه زوجته باررررررررردة ثلج ندق نقولها صحي عمي بيتنا احترق تقول أي بيت؟,,,,,,,,طبعا اختي اللي داقه عليها ارتفع ضغطهاا وصارت تصرخ تفهمها
وبنت عمي بعد مثلها نقولها صحي ابوك البيت يحترق تقول تمزحون,,,,,,,,,,ياشين حركات بنات العم
انا استلمت مهمة الاتصال على الدفاع المدني اللي ماردوا ,,,,,,,,,شكلهم نايميييين
لأن الحريق كان الساعة وحدة ونص بالليل فاضطروا شلة بزارين المتوسطة يروحوا يجيبوهم
بنت عمتي (اللي طلعت معي بدون عباة)استلمت مهمة الاتصال بأخوها وعيال اعمامي اللي حوله سهرانين فلما شاف الرقم طنش وقال اكيد يبون غرض ولا طلعة فإضطرت ,,,,,,,,,,,,,ومادري كيف جتها الجرأة
انها تدق على ولد عمي خوي اخوها وتنادينهم
طبعا الاخوة جو يفزعون ومع انهم ببيت واحد الا ان الذكاء اللي بالعايلة خلى كل واحد يجي بسيارتة (قمة الذكاء)
شوي إلا جاء عمي ببيجامته وابوي كان لابس ثوب بيت امي عمي الكبير كاشخ في الزحمة لابس ثوب وغترة وعقال اشوي ورفع ثوبة وطلعت البيجامة الجميلة ,,,,,,,,,,,,,,,حرام ضلمناه
وصل الدفاع وانقذ الموقف بعد فوات الاوان طبعا احنا البنات طردونا الرجال لانه جا الدفاع الى بيتنا وطبعا بيتنا كان عبارة عن غرفتين نوم وسيب ومطبخ صغير وحمامين المطبخ فاضي لاننا مانقعد بالبيت من اساسه كله ببيت ستي بعد ماخمدت النار وطمننونا قام هبال البنات قلنا نبي نروح نشوف وش صار بالبيت ونجيب اغراضنا اعطونا الكشافات الرجال وهم قعدوا بالخيمة قبال البيت يتناقشون واحنا بداخل البيت بالضلمة شفنا في السقف قطعة خشب مجمرة وقاعدة تدخن والعة يعني قامت اختي ودقت على ابوي وجو الشباب كلهم يشوفوا شالسالفة طبعا البنات الحلوات خشو المطبخ واخذنا البباسي والعصيرات واللي خذت اندومي وكيس الخبز والجبنة السايلة.نأمن فطورنا
طبعا انا كنت ادور ببسيي اللي تركته قبل الحريق مالقيته بالصالة رجعنا بيتنا طبعا ماجانا النوم قلنل لما يطلع الضو بنروح البيت واذن الفجر وصلينا وطلعنا مع الضو نبي نشوف البيت دخلنا وصورنا بعض المقاطع بالجوالات ,,,,,,,,,افشر شوي
وانا كنت ادور الببسي وبرضه مالقيته المهم رجعنا ونمنا عالساعة ثمانية
من زود الروقان صحينا الساعة 12 الظهر وسافرنا لان كان فيه زواج مهم واحنا بالطريق قالولي البنات بالسيارة الثانية ان اللي شرب ببسيي الحبيب هو ولد عمي سألنا ليه؟قال:ياسلام بعد التعب والحريق تلقالك ببسي بارد وتشربه ,,,,,,,,,,بالعافية

انتهت قصتنا وخرجنا سليمين بدون اصابات بس ماحد سأل وش سبب الحريق؟الصغيرون ولع كبريت وطشه بالزبالة وقالنا





(بخوووووووووووووووووووووووووووووور)


تقبلوا تحياتي وانشالله تكون القصة خفيفة دم لانها واقعية

هو اول موضوع لي اتمنى يعجبكم

---

d,l hpjvr fdj []jd a,t, hda s,dkh