الموضوع: من روائع الشاعر حامد زيد

خالد, روائع, سيد

انتبهت لدمعها بالهدب والكحل ســــــــــال
لين جفت عينها دمع والقاع ارتـــــــــــوى
وابتدت لحضة جفا وانتهت لحضة وصال
وأنطفى نور السعادة واحسب انه ضــوى
ما اكتفيت من الهوى والغرام أربع ليـــال
واقفت أيام التلاقي وجا وقت النـــــــــوى
كنت ابسلى وابتسم والتفت عنها شــــمال
لا قويت الصد عنها ولا قلبي قــــــــــوى
ما هقيت ان الهوى عذب قلوب الــــرجال
لين ضاع القلب مني وتفكيري ســــــــوى
رحت أدور دفوة الشمس ضيعت الضلال
جيت اطفي شعلة النار والقلب انكــــــوى
ماهقيت ان السعادة خيال في خــــــــــيال
تروى قلوب الحبايب وقلبي مـــــــا روى
كنت ابشتال الهوى والهوى ثقل الجبــــال
وان تحملت الجبل ما تحملت الهـــــــــوى
كنت ابسلى بالهوى والهوى صعب المنال
ما رضا لي حظي اللي طواني وانطــــوى
قلت لا فراحي تعالي ولا قالت تعـــــــــال
والخفوق ان قلت ابقبل على صدي نـــوى
الله أكبر لا شرقت شمس يتلاهــــــا زوال
كيف ابفرح في صباح مع الليل استـــوى؟
لاحصل بالحب قسمة ولا جا لي مجـــــال
غير اشوف معاند الجرح وعنــــاد الدوى
شبت النيران واقفت وجاء رد الســــــؤال
ما تشب النار يا كود يوصلها هـــــــــوى

بمشي على درب له الناس يسعــــــون
واصد عن درب الدجي والعتامــــــــة
وبقصر اليسرة عن الضيم والهــــــون
وطلق يميني للصخا والكرامــــــــــــة
وبحترم نفسي وانا شخص ممنـــــــون
ومن يحترم نفسة وجوب احترامـــــــه
ماني من اللي في ذرى الحيط يمشون
ولامن اللي معتلي في مقامــــــــــــــه
متواضع وأمشي على الحق بالهـــــون
متوسط المعرفة والشهامــــــــــــــــــة
ولي مجلس دايم له الناس يلفــــــــــون
شرعت بابه والدلال العلامـــــــــــــــه
مايفتح الا فيه الاجواد يدنــــــــــــــــون
ويالله عسى اللي يقرب للسلامــــــــــــه
هذا طريقي وكثر الناس يــــــــــــدرون
صديت عن درب حلاله حرامــــــــــــه
ميزت ربعي بين عاقل ومجنـــــــــــون
واكشف بليد المنفعة من سلامـــــــــــــه
واهل المصالح لو على يوم يبنـــــــــون
في يوم ثاني يرغبون الهدامــــــــــــــــه
واهل الحكي لو لك عن الناس يحكــــون
بيجيك يوم ويقصدك في كلامــــــــــــــه
لاصار سيفة لاقرب الناس مســــــــنون
يضرب رفيقة وان اقوى في عـــــضامه
ناس مع الكلمة يروحون ويجــــــــــــون
بس المصيبة يدعون الفهامــــــــــــــــــه
ولانيب ديان ولانيب مديـــــــــــــــــــون
ولا بغيت من الهروج الملامــــــــــــــــه
ولاطلبت من المخاليق يبكـــــــــــــــــون
ولا بغيت من الحزين ابتسامــــــــــــــــه
بمشي بدربي واترك الناس يمشـــــــــون
كلن على كيفه رقى كل هامــــــــــــــــــه
ولا صرت انا من راعي الطيب مطعون
ابيستوي قرب الرفيق وعدامـــــــــــــــه
وأن خاب ضني بأقرب الناس وشلـــون
بعطيك ضني يارفيق الندامـــــــــــــــــه

والله وصرتي تستهينين فيني
وانا الذي سويتلك قدر بيدي
تدرين وش كنتي قبل تعرفيني
ان قلتلك كنتي ولاحاجه شوي
انا الذي فرشتلك رمش عيني
وعملت منك شي وانتي ولاشي
جيت اعشقك ماجيتلك تحقريني
جيت اسكنك بسمه ماهو بسكنك غي
لاصرت عاملك قدر قدريني
ترى الكرامه صفحة مالها طي
والله لهجرك قبل لاتهجريني
اجل تبيعيني واجيلك برجلي
ياتتركين الكبر ياتتركيني
لان المحبه شي والمهزله شي
ان كانت الدعوه غلاي وحنيني
بكره يزول الحقد ويشعشع الضي
لكن حكاية يتحنيلك جبيني
في ذمتي ماينحني لك وانا حي

مااقسى من فراق الجنوب الا فراق اهل الجنوب
ويلي على اللي كل ماتزعل تشد رحالها
اللي مذيرها العتب لاشبت بصدري شبوب
عيت اراضيها وهي عيت تطول بالها
كانت معي مثل النصيب يحدني من كل صوب
كانت دروبي من متاهات الضلل لضلالها
كانت هروبي لاشعرت اني بحاجه للهروب
كانت سماي اللي لاضاقت علي الجالها
ليه تحداني وانا في كل الاحوال مغلوب
ليه احرمتني من قهر عذالي وعذالها
ليه تجاهلني وانا ماني جبان ولاكذوب
ليه ارخصتني وانا اللي مابكيت الا لها
ماترحم اللي له سنه كنه على النار محطوب
ماهزها دمع الفقيد اللي بكته اطلالها
ماخافت تهدم السنين اللي بنتنا طوب طوب
مافكرت تشفق على حالي وترحم حالها
قولولها لو ماتذوب انا بخليها تذوب
قولولها لو ماعنتلي مستعد اعنالها
اليادمحتلي هالخطا بدمحلها كل الذنوب
وان جابت الحسنه معي تبشر بعشر امثالها
افرش لها صدري وطن واجمع من ضلوعي شعوب
وارقالها المكانه اللي ماحدن يرقالها
ان كاني مخطي فانا ماني خالي من العيوب
الذنب يغفر والبشر تجزى بقدر اعمالها
البعد قاسي والفراق يضيق الصدر الرحوب
وانا تعبت ادور الحيله وارد احتالها
قولولها ترجع ترى ماني على الحزن مغصوب
ولا ترى نذرن علي انه ماهو اشوالها
اما تجنب هالهبال وتترك البعد وتتوب
ولاتبشر بالهبال اللي ماهو بهبالها
كافي زعل ترى الظروف مقفله من كل صوب
وانا حملت من الهموم انواعها واشكالها
يكفيني اني كل ماحنت عيوني للجنوب
تحن عيني للجنوب وتلتفت بلحالها
وعز الله اني كل ماحنت عيوني للجنوب
تطريلي الريم اللعوب وسالفة ترحالها
وعز الله اني كل ماتطريلي الريم اللعوب
حرمت امد ايدي على حاجه وانا مااقوالها

وسلامتكم واسف على الاطاله

---

lk v,hzu hgahuv phl] .d]