الموضوع: وش تسوي لو عشقت انسان ماهو من نصيبـك

وش تسوي لو عشقت انسان ماهو من نصيبـك
لا لك بهالوضع يد و لا له بهالوضع سبه !!


وشهو ذنبك لو غدى من بين خلـق الله حبيبـك
تعرف إن قربه محال و قلبك مصمم يحبه ؟!


و انته متأكد و عارف يب يجي يوم و يسيبـك
يعني متوقع بأي لحظه يغيب و تغتـرب بـه!!


كل دربٍ يرحل بطيفه على وجهـك يجيبـك
كل حرفٍ يُكتب لغيره تحسه منكتـب بـه !!


كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك
عارفٍ بانّك تحب و ما يعَـرْف انّـك تحبـه


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!

اتمنة ان تعجبكم من كل قلبى مع تحيااااااااااتى
@@@@ ضل @@@@ اااااااااااااااااااااااااااااااا لحنين