الموضوع: حسبي الله على الفرقا ونعم الوكيـل

[align=center]


بعد ثالث ثلاثـه حـل والوقـت ليـل
______كل عين" من العبـرة سقـت خدهـا
ارتعـش واتثبـت والعبايـر تسيـل
______لقـدر اقـول ليـه ولقـدر اردهـا
واقف" وقفـت المحتـار وقت"طويـل
_____انظـر لواقعـي بالعيـن واصـدهـا
مقدر اهرب من الواقع على المستحيل
____تقصر الرجل خطـوه قبـل لامدهـا
بين حزن الوداع وبين هـم الرحيـل
______كـل لحظـه تمـر بهـم واعـدهـا
حسبي الله على الفرقا ونعم الوكيـل
____هددتني وانا مجـروح مـن ضدهـا
اشهد الجدي في مبداه واشهد سهيـل
_____قصتـي تبنـي الاهـرام واتهـدهـا
ماشفالي جـروح ولابردلـي غليـل
___صادت الروح روحا" بيحـت سدهـا
كلما قلت شـده قلـت يمكـن تزيـل
_____وكل ماقلـت راحـة قلـت لابدهـا
شرهت القلب عدل ونظرة العين ميـل
____اقنع النفس ميـر النفـس ماودهـا
المشاعر لها بيـن الحنايـا صهيـل
___والخواطـر تحـز النفـس واتحدهـا
اكتب الشعر من دمي ودمـي ثقيـل
____كـل ماجيـت امـد القافيـه شدهـا
اقربي يالقوافي واشربـي سلسبيـل
__من نهورا" يذوب الذوب مـع ندهـا
وذعني للحقيقـه واشربـي حنظليـل
__من بحورا" يساقـي جزرهـا مدهـا
مايشـح الكريـم ولايجـود البخيـل
___كـل نفـس" طبيعتهـا علـى قدهـا
دمتم بكل الخير والمحبه

[/align]