الموضوع: آه وان جتك طعنه من يدين ابدوي

ابدوي؟؟؟؟؟؟, حبك, يجدن

آه وان جتك طعنه من يدين ابدوي

قصيده لحمد السعيد من اروع ماكتب

ياعلي لاانشدوك وش فيه منطوي
قلهم ماللسعاده في قلبه مكان
اختلف عقب ماكان في شخص سوي
وانحرف بعد ماكان في قمة الاتزان
ماهم اللي يقولون البقاء للقوي
لو تراهنت معهم والله اني قد كسبت الرهان
والله اني قوي لاشك ماتستوي
قوة مع خيانة من عطاك الامان
امس طاح الوفاء من دون صوت ودوي
طيحة ماسمعها الا الزمن والمكان
يوم جتني من اقرب صاحب تلتوي
كل شئ تحطم في عيوني وهان
طعنة من خوي في زمن فوضوي
لاكتما خفوق ولانطقها لسان
قبلها لي خفوق صادق يحتوي
نصف كله وفا ونصف الاخر حنان
عقبها كن وسطه ذيب غدر يعوي
منه بيض النوايا استاحشن يافلان
بيض الله وجه الموقف الملتوي
يوم بين رقاع ويوم بين طمان
ياعلي كن رجلي في جليب تهوي
غشني جالها ماكنت احسبه جفان
غلطتي دنيتي ماعشتها فهلوي
كان ماخانت الرمله ايدين الحصان
ياعلي شفت طعنات الخوي للخوي
مالها بالوصوف الا طعنات الزمان
آاه وان جتك طعنه من يدين ابدوي
مابقى للمراجل في زمان امان

---

Ni ,hk [j; 'uki lk d]dk hf],d