عين تشربك شوف

**العنـ بدر ـزي** · 02-Oct-2008,10:18 PM

بشرتك, شوف, عين

بين فرحة لقاك وهم فرقاك
لاتذكرت جرح ولا نسيتك

حي هالشوف ماتنمل دنياك
شف سواة العيون ليا لقيتك

عين تشربك شوف وعين تظماك
لاذبحني ظماك ولا رويتك

قمت اخيلك هنا وهناك وهناك
وين ترحل بي النظره نصيتك

ان تبسمت قلت الموعد شفاك
وان تمنعت بانفاسي دعيتك

وان طلبت الغلا قلت الغلا جاك
وان سكنت الخفوق البيت بيتك

وان نثرت القصيد بدرب لاماك
ذاع صيت القصيد وذاع صيتك

يارجا العمر لو حفتك الاشواك
ليتك اول طريق القلب ليتك

ودع البرد كف ضم يمناك
صافح الود قلبي يوم جيتك

حي هالشوف رغم هموم فرقاك
لو تناسيت جرحي مانسيتك

الشاعر/ مساعد الرشيدي

udk javf; a,t

**شتآت}~** · 03-Oct-2008,01:33 AM

صح الله لسان الشاعر المتألق مساعد الرشيدي

وتسلم يمينك أخوي بدر العنزي على هالنقل الجميل

ألف ألف ألف شكر لك

لا خلا والله ولا عدم

تسلم دياتك وعساك دوووم على القوة

تقديري وفائق احترامي لشخصك الكريم