الموضوع: قلعة أفــكاري ,,,,,,, من عناقيدي

أفــكاري

جيتك ياحظ على غير موعد وميعاد
جيتك وانا اللي بالغلاء ضايع دونها
جيتك بدمعة متيم عاشة وسط اجساد
ابيك توصل كلمتي للي غديت مضنونها
رح وعلمها وش جرالي عقب البعاد
علمها وش ذقت من مر الحياة وغبونها
علمها عن مركاي اللي علي دوم معتاد
علمها عن حزن غرفتي يوم اتنقل بركونها
علمها عن الشباك ماذاق نسناس البراد
علمها عن المزهريه مات الزهر والبقى بغصونها
علمها عن شوارع بيتها خيم عليه السواد
علمها عن درج بابها شفت العناكب مسكونها
اذكــر انــه واعــدتنــي صبــاح اول الاعــياد
نــتلاقـى ونتــعايد وعيوني تهنـي عيونــها
ولكن للآسف حال بيني وبينها الحــساد
والله أكبر يوم سال الكحل تحت جفونها
فارقتني ياحظ واعلــن لـها قلـبي حداد
واهتزت قلعة افكـاري يوم غيرت تلفونها
وكل مالدت عيني لصورة ولدها يــزداد
جــرح الفــراق وتجــدد بالهجـر طعونها
ابسألك ياحظ عن خـلن ضاع بين العباد
اصيح بأعلى الصوت وينها ياللي تعرفونها
ولكـن مالقيت الاجابه والبلاء وسط الفؤاد
طالبك ياحظ هون على روحي مكنونها
والحين جيتك على غير موعد وميعاد
ابيـك توصل لهفتي للي غديت مضنونها
قل لها أما تجي ونحتفل بعيد ميلاد
وإلا تحفر القبر وبيدينها تكفن مجنونها



للشاعر // مشعل العواد

---

rgum HtJJ;hvd <<<<<<< lk ukhrd]d