الموضوع: الداهيــــــة

قراءة ممتعه على فكرة تراي كاتبن هالموضوع بمنتدى ثاني يا رب محد يجيني و يقول ناقله :(


التكملة :


حاول النوم و لم يقوَ على ذلك يتقلب مرة يمين و مرة يسار الهواجيس لعبت دورا في ذلك وش اسوي و انا لحالي ما تعودت على كذا دايم مجتمعين نطلع و ندخل شلة كاملة يلعنها عطلة تخليني لحالي ما ابي كذا ما تعودت اقل ما فيها كان الحين متسدحين بالاستراحه لو ما عندنا شي لو ما نشوف الا وجيه بعضنا . حتى لو صارت الجلسة مملة اهم شي اني ادري اني مع ناس تسوى مهب لحالي . ولا مع احد ما ابيه
يا ربيه بس ملل ملل ما فيه مكان اروح له و النت ما عاد يونسني هالأيام لا اخبار رياضية ولا منتديات اووف بس

بعد عراك طويل مع الهواجيس اسلم وليد رأسه للنوم الذي يفترض أن يكون مجرد (( تقييله )) اكتشف عندما صحى بأنه كانت اربع تقييلات (( على افتراض ان التقييله الواحد ساعتين )) حسنا على اية حال قد صحى و على صراخ ابن عمته الصغير قبل ابن عمته و عظه و عمل به حركة مصارعه ثم قرص اذنه قائلا (( يا حمار لا عمرك تدخل غرفتي يالله عطن بوسه )) ثم اتجه إلى عمته يسلم عليها قبل ان يخرج كي يضيع في الشوارع بحثا عن مطعم

بعد أن امضى ساعة يفكر في اختيار مطعم . وقع تفكيره على احد المطاعم الكلاسيكيه في حي الملك فهد

و بينما هو يأكل فطيرة اللبنة بالعسل و فطيرة اللحم اتاه اتصال من رقم غريب

بالعادة حينما يأتيك اتصال من رقم غريب قد تفكر من يكون هذا حسنا لن ارد عليه ان أرادني عليه بارسال رسالة تعريفيه بنفسه

وليد ليس من هذا النوع هو اكبر فضولي عرفته البشريه اذا اردت ان تغيظه اذكر طرف قصة ثم قف عن روايتها (( إن قام بقتلك لست أنا الملوم )) لا علينا قام بالرد على المتصل

- الو ؟
- الو أهلييين كيفك يا تبن
- محمد ؟ وجع ههههههههههه كيفك وش الاخبار يا كلب لك وحشه لعنبوا بليسك ما بغيت تدق كيف الحال بشر وش الاخبار هاه كيف مصر . وش سويت فيها بعدين لعنبوا بليسك كل يوم لك رقم يرحم والديك اثبت على رقم خلني اقتنع انك رجال
- بخير الحمد لله يا خوي شوي شوي علي اسمع انا بالرياض الحين قدام مطعم الشكشوكة
- حمد لله ع السلامه طيب طيب اوكي انا حولك بخلص اكلي و جايك خذ لك زقارة لين اجي اهم شي لا تقلق حظي لا تتصل علي انا باتصل عليك اذا خلصت

قبل ان نذهب للمشهد التالي يجب ان نعرف ما هية العلاقة بين محمد و وليد هما ابناء عمومه و اصدقاء طفولة و مترابطين جدا تجمعهما كثير من المبادئ و الأفكار نقاشاتهما اكثر من (( سواليفهم )) محمد هو الأكبر بسنتين شخص كثير التحليل و همام (( من كثرة الهم وليس الهمه )) عقليته راقيه قيادي مؤثر مقنع هادئ صعب الاستفزاز

وليد يتهمه محمد دائما بأنه محظوظ حتى آمن بأنه كذلك كثير (( الهواجيس )) حالم خياله واسع جنوني مغامر حد الفدائية كان يسميه محمد (( ستنت مان )) أي رجل المهام الخطره او شيء كهذا ليس اجتماعيا وليس متوحدا بين بين بعبارة ادق هو يحب مخالطة معارفه القديمه يخاف من العلاقات الجديدة حتى الآن لم يجلس مع شخص تعرف عليه حديثا لوحدهما

بعد السلام و العناق و السؤال عن مصر و المغامرات و السؤال عن حالة الملل بالرياض و كيف تقضي يومك و كيف تقضي ليلتك و هاه جربت هذاك و كيف وضع ذاك و ذاك

اتفقوا للذهاب إلى بيت اهل محمد أكثر تحديدا . ملحق محمد حيث كان المسرح العظيم لتاريخ كبير من النقاشات و الأفكار و الاتفاقيات

يالله عاد تونسوا بهالقصه لمن اكملها لكم اليوم العصر ان شاء الله :d

- ياخي اشتقت لك و الله ذبحني الملل هنا و جدتي الله يهديها سوالفها كلها اسود بأبيض  مير امس قالت لي سالفة علب الصلصه اللي كانوا يجيبونها من الكويت للمرة المليون و سالفة التمرجي و سالفة يوم انسجن اخوها بقضية بيع اسلحه و كيف انه كان مظلوم  يخرب بيت عدوه من وين الظلم و البزارين ذاك الوقت يحفرون ارض الحوش و بدل ما يطلع لهم جذور شجر ولا حتى دود يطلع لهم رصاص و مخازن اسلحه 

- يا بن الحلال جدتي الله يعطيه العافية حبيبة و ونيسه مير موت جدي هدها هد ياخي من عرفت نفسها و هي معه من يوم هي بزر ذاقوا الحلوة و المرة مع بعض تحملها و عطها جوها اسألها عن جدي و تاريخهم مع بعض و سو اللي تقول عليه بالنهاية بتنبسط هي و بتزندك 500 هههههههه حبي لها ام خالد .
- هي حبيبه ما قلنا شي بس الله يهديها اللي بقلبها على لسانها و لسانها انت عارف لا صارت تنتقد يصير مثل السكين  وش نسوي بس بعدين الله يقلعك لا اجتمعنا لازم نقطع بخلق الله ههههههه ؟ حتى امي رقية ما خليناها بحالها هههههههههههه
- وش صار على تقديمك بس خل الخرطي
- و الله هذي خامس جهه اقدم عليها ولا صار شي ياخي انا مدري وش صاير بي . بديت افقد نفسي انا من جيت للرياض و انا فاقد هويتي عجزت لا الفت انتباه احد ما حسيت بهالشي الا بعد التقديم مو قاعد اجذب احد لي مدري انا ابعد عن الناس ولا الناس ينفرون مني ولا وش القصة ما كنت كذا ابد قبل ما اجي للرياض ياخي انت تدري ان كل اخوياي اللي قريبين مني يا معارف قديمه مرة ولا اقارب مير هالوحده اللي انا فيها الحين خلتني افكر بالأيام الماضيه محمد انا مو قاعد اخش مع الناس مدري وش فيني ما اتذكر اني بديت سالفة دايم اكون معقب ولا ساكت ولا اضحك يمكن انك تلاحظ هالشي حتى بالمسن منب قادر اجذب الانتباه لي كل اللي معي يجلسون يومين و بعدها ابدا اراكض معهم حتى ريم مير جحدتني . اكتشفت ان ما عندي شي جديد بلاها ما تدري انك انت اللي قاعد تشبكني معها ههههههههه (( ضحكة سخرية )) و الشباب راعين الاستهبال منب قادر اخش معهم كل اللي عندي اربع ذبات تنتهي خلاص يحترق كرتي 
- وليد اسمع وش بلاك كذا على نفسك يعني متوقع لو ما عندك شي انا بكل جلالة قدري بجلس معك الحين هو صح انك بايخ و سامج بس مهب لهالدرجة عاد هههههههه هدي شوي

شف يا حبيبي الشي اللي قاعد تفكر به . طبيعي انه يصير انت تخرجت و جلست بالبيت طبيعي انك تهوجس بس بدال ما تخلي الهواجيس تاكلك حاول تستفيد منها حاول تلقى حل لمشاكلك بدال ما تاكل بنفسك

بعدين من قال ان ما عندك شي ؟! انت ما تشوف نفسك لكن الناس هم اللي يشوفونك

لمن تبي تجذب أحد سواء ولد او بنت رجل او امرأة لازم يكون عندك شي مميز يشوفونه فيك و كل واحد عنده طريقة مميزه للفت الانتباه و يمارسها باسلوب معين مع الذكور و باسلوب اخر مع البنت

مثلا حسين صديقنا وش اللي يميزه ؟
- ما ادري .
ركز شوي وش اللي يميزه ؟ مدري هو عاش بأمريكا و غريب طبعه عنا

- ايوااه يا سلام عليك حسين كمثال ميزته غرابته قصصه غريبة و بعيده مرة عن قصصنا هذا اللي يميزه بما انه عاش برا تلقى عنده قصص واجد و مفارقات غير مفارقاتنا هذا بالنسبة للشباب لكن مع البنات ؟ بدال ما كان عايش في امريكا 13 سنة . يصير ما رجع من امريكا الا العام و يستخدم كلمات انقليزيه كثير لمن يتكلم مع بنت لأن البنت بطبعها تركز على الاشياء الخارجيه على المظهر أو طريقة الكلام أي الأشياء المزبرقة ذي اللي تلمع هذا حسين

عزيز مثلا مثلا مثلا وش عنده ؟
ياخي مدري بس عزيز الله يهديه يغوووص مرررة بالشي اللي يسوييه مستعد يجحد كل الناس بس يسوي شغله
ايوااه يا سلام عليك قريب من كذا شف عبد العزيز شخص مركز (( مهب دقيق تركيز لا )) يركز على شي معين يصب جام اهتمامه عليه يعيش الحالة حقته يحاول يجيب كل العوامل اللي تخليه ينجح بعلاقته مع الشخص اللي هو يبي

أنا انا يا محاتسيك . وش اللي يعجبك بي ؟
ياخي كل تبن يا حبك لمدح نفسك هههههههههههههه
لا لا صدق وش اللي يعجبك بي

انت عندك سواليف انت لا قصيت قصة كل الناس يتقطعون من الضحك

ايه شفت وش لون اقص القصة ؟ لا يمكن اقص قصة بدون لا اطلع اصوات تعبر عن الحالة و لازم احرك ايديني اغير تعابير وجهي بمعنى (( أعيش الشخص الشعور اللي اعيشه في وقت وقوع القصة )) تلقاني انهبل اذا قصيت قصة صارت لي

إذن الميزة الأساسية حقتي هي الشعور اسوي كل شي حتى ارضي شعوري و شعور اللي قدامي و طبعا كل جنس و طريقته تلقاني اعرف وش جو الولد ووش جو البنت . الولد اكون اكثر جرأة في المواضيع الحساسة و البنت لا اعطيها جرعات بسيطه من هالمواضيع بس بالنهاية كل شي يخدم هدفي بلفت الانتباه استخدمه
بعدين بعد ما الفت الانتباه احلل شخصية اللي قدامي أي حركة أي كلمة اشوف وش يقصد فيها حتى اعرف وش يبي و ااخذ اللي ابي منه باسلوبي .

انت يا وليد تذكر أي سالفة قلتها عند شخص اول مرة تشوفه و لفت انتباهه لك
ياخي مدري ما اتذكر

طيب اول ما شفت حسين وش لون لفت انتباهه ؟
ما ادري ما اتوقع اني لفت انتباهه اصلا ما جلست انا وياه لحالنا و حتى اني ما اذكر وش قلت اول ما شفته بس اذكر ان كلامي كله ردود مهب مواضيع انا جبتها ولا قصص

معقول ؟ طيب يوسف وش لون تعاملت معه أي شخص تذكر تذكر تذكر شخص لفت انتباهه

اممممممم مدري عجزت لا اتذكر

طيب بالجامعه ؟
ما لي اخويا بالجامعه ما لي الا اثنين بس و الباقين سلام و نسولف عن المواد و نمشي
الا الا تذكرت اول مرة جلسنا فيها مع بعض كانت سالفتنا عن الهلال و بعض اللاعبين طبعا كانوا كل اخوياي هلاليين

ايوووه وش صار ؟

كانوا يقولون ان عمر الغامدي ما يعرف يلعب و انه عاله على الفريق

طيب وش قلت انت ؟
قلت لا اصلا عمر الغامدي ما ينفع يلعب لحاله محور لازم خالد عزيز يصير معه محور و عمر يصير سنتر كل واحد يغطي مكان الثاني

ايواااااااااه يا سلام . وش لون دريت بكذا ؟
مدري بس اشوف ادوارهم تذكرني بأدوار فييرا و كامبياسو في الإنتر

اها اها اها طيب وش بعد ؟


غير كذا انا اشوف عيال خوالي أي شي يبون يعرفونه يرجعون لي عشان كذا اكتسبت هالة اعلاميه عندهم

- وليد :ااااااااااهـ تذكرت

وشو ؟


بسيطه انت شخص عندك شي بس انه مجيم يبي له تدريب
وشو ؟ انا تذكرت اني قايل لك شي قبل قايل لك انك شخص عندك شي عندك كمية معلومات هااائلة و عندك ميزة ثانية هذي يبي لك تطورها هذي هي اللي بتنجحك عندك (( الربط )) بين المعلومه و الواقع ,, و الخيال و الواقع

شف وليد انت صحيح شخص بدون جمهور حاول تستخدم اسلوب الربط و المعلومات . اذا مثلا شخص قال سالفة و حس انه بلش و طلعت المعلومه خاطئة و لا عجز يربط ادخل انت و اربط او عطه المعلومه

مرة مرتين ثلاث اربع خمس عشر بيصير عندك جمهور مثل ما صار عند عيال خوالك بتثق بقدرتك هذي مع الوقت و الثقة بتعرف تكون علاقات جديدة بتعرف كيف تلفت الانتباه بتعرف كيف تجذب الناس لك وليد انت عندك كتاب ما قريته ايه كتاب (( مالكوم قلاد ويل : نقطة تحول )) تذكر وش كان شرح العنوان ؟

ايه كيف بامكان الأشياء الصيرة ان تحدث تغيرا كبيرا

يا سلام عليك هالكتاب هذا اقراه . لا تخليه هذا هو افضل كتاب يطور موهبتك فيه ربط غير طبيعي اقراه اقرا كتب عاطفيه حاول تفهم عاطفة الانسان صدقني بتنجح بكل شي تبيه


خرج بعد ما انتهى وليد من جلست النقاش هذه قائلا في نفسه (( يلعن شكله هالآدمي على كثر نرجسيته الا إني بكل جلسة اجلسها معه اقتنع اكثر بأنه داهيه ))

. فكر بالربط كثيرا . كيف يستخدمه حاول ان يتذكر احداث سابقة استخدم فيها الربط اصبح الربط هاجسه الأول و الاخير

انتهت

Keep your friends close but your enemies closer

اسجل اعجابي في هذا الطرح المميز ويسلموا

يسلم لي قلبك ان شاء الله :)