الموضوع: مسجات روعه لعيونكم يا الغالين

مسجات, لعيونكم, الغالين, روعه

مسجات روعه لعيونكم يا الغالين

--------------------------------------------------------------------------------





يافجر ليــــلي متي أشوفك صباح
ومتـي مره القاك يافجــــري قريب
ومتي يافجر طيــرك يميل الجناح
وياخذني لمن خلا قـلبي عطيب
لو قلت أغفــــي ولو قـــــلت ارتاح
عيا هالقلب فيني لــو مره يجيب
عايش مع الناس مثل ضيـف وسواح
وأدور الماء وأنا وسط المشــــاريب





وش تقول بشخص مثلي مات فيك!
حبك لحد الجنون وما اكتفى!
لو نسى عمره وروحه ما نسيك
دام حبك نبع صافي للوفا
لو تكون بآخر العالم يبيك
دام شوفك فيه للروح الشفا
كم تمنى في عيونه يحتويك
لجل يسري في حناياه الدفا


أنا مالي سوى حبك
تدلل يحفظك ربي
حبيبي يووووه ما اقصد
نسيت انك بعد عمري
نسيت انك قمر هالكون
وبحبك والله أنا مفتون
تبي الصراحة والوضوح
وصمت يشغل البوح
أنت اللي على عمري تمون
لبا قلبك على هالعيون

مساء الكلمة الحلوة
مساء الحب بليا حدود
مساء ريحته قهوة
وطعمه بالحلا معقود
مساك نغمته تغريد
وصوته ينعش المجهود
مساك خير يا الغالي
مساء الشوق ودهن العود
مساء يحتويه الكون
لأنك أنت فيه موجود


زادت بي الأشواق وملت بعضها
وشمسي عن الإشراق صارت بعيدة
دنيا عقب فرقاك ضايع عمرها
وقلبي نسى نبضه ومجرى وريده
وينك فقيد الروح وينك أملها؟
وينك طعون الشوق والله شديدة

عرفتك صادق الإحساس
عرفتك غير عن هالناس
تداوي الجرح
وتجبر الخاطر المجروح
حنون القلب
وكلماتك ترد الروح
تعطي ولا تأخذ أبد
وما أظن في مثلك أحد
أنت بحر ماله حدود
أنت عطر كل الورود
روحك كلها طيبه
وغيرك أنا وش لي به ؟
فز الخفوق وقلت يا الله عسى خير
أثر الليالي عاد غايب قمرها
يا ناس أحبه والمحبة مقادير
هذا هوى نفسي وهذا قدرها
والحب ماله يا أهل الحب تفسير
قلبين والله بالمحبة أمرها





قلت لك: روحي تبيك وأبيات شعري تحتويك
قلت لك: عمري وحياتي والمشاعر تحتريك
قلت لك: قلبي يحبك والعيون تموت فيك
قلت لك: أنا احبك والقلب يشتريك
أنا قلت
وأنت وش تقول ؟




فقدتك !! و جيت أتصل ثم هونت
دامك بقلبي وش يفيد اتصالي
ما ودي أشغل وقتك بقول : وين أنت ؟
وإلا أنت في قلبي وساكن خيالي



تبي تعرف مين أنا ؟

أنا الغلا وأكثر من النفس مغليك
أنا الوفا رغم الجفا جيت شاريك
أنا السهر لا نامت عيني تراعيك
وأنا الذي لا ضاق صدرك يسليك
أبختصرها وأعترف جيت "هاويك"
أنا غرامك بس في صورة إنسان يغليك





إيه احبك قلتها والصدى غطى المكان
والتفت من كان حولي مندهش من كلمتي
ثم جلست اردد الكلمة إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبها طول الزمان
ربي اكتب كل خير بدربها واقبل دعوتي





صرت أتشفق شوفتك يوم بالعام
من عقب ما كنت عندي العام كله
أحد تمنى شوفته طول الأيام
وأحد تشوفه دقيقتين وتمله




الله يجيبه

الغايب اللي سولفت عنه الأقلام
راح وترك له بالمعاليق صورة
هو ما درى إنه بالحشا من كذا عام
يبني على ساس المحبة قصوره
الله يجيبه دام باقي لي أحلام
و"ألمس كفوفه" وانبسط في " حضوره"





أشتاق لك والقلب ما هو بيديني
أنت الحبيب ومالنا غيرك أحباب
عن حب غيرك تايب من سنيني
ولاشك قلبي عن غلاك "أنت" ما تاب
غلاك بالدنيا ترى مبتليني
لا غاب زولك كل شي غاب




ما كل غالي بالقصايد نوفيه
بعض الغلا في داخل~ القلب~ ذكراه
دايم لكل إنسان "ميزة" تحليه
وأنت بعيني شي ما ألحق أقصاه
الله يطول عمر *قلبك* ويحييه
لشخص يشوفك أنت أجمل هداياه




اشتقت للحظاتك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف إن قربوا له عصاته
ماهو زعل لاشفت وجهه و دنقت
العين تخفي في نظرها غلاته





لا تنبهر ،، ماجاك من حبي قليل
أنت تستاهل وأنا طبعي كريم
أنت ما مثلك بهالدنيا بديل
أنت آية صاغها الرب الكريم
لو يشوفك فاقد العقل الهبيل
صار ما مثله بهالدنيا حكيم
يكفي إنك صرت للشمس البديل
والقمر في غيبتك يصبح يتيم




أحبك*
لا تحسب كلمتي زلة لسان
الغلا ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب وحنان
وكل شدة باس قدامك تلين
مابقى للصمت في صدري مكان
إيه *أحبك* قلتها والله يعين




أموت بنظرتك وأعشق سكون الحرف بشفاتك
أبي أصبر على بعدك ولكن كل شي ضدي
ولا أقدر على بعدك ،، خلاص بشوفتك ودي
حبيبي كانك المخطي،، حضنت بروحي زلاتك
إذا عندك عذر مقنع،، أنا هاللحظة ما عندي
سوى حب ملا صدري،،يفوق الحب في ذاتك



الحب
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح ان الهوى غلاب
ومن حب الهوى مره
يضل مرهون تحت امره
على حلوه
على مره
على برده
على جمره



احبـك والولـه فينـي يبـان بنظـرة عيـونـي
احبك يانظر عيني وانا لـك عاشـق ولـهـان

انا يا من سكن قلبي بحبك صرت مجنوني
الا ياليت تسقيني من اشواق الوله عطشان

كلامك رقتك طيبك وضحكاتك ينسوني
همومٍ عايشـه فينـي تعـذب قلبـي الحيـران

---

ls[hj v,ui gud,k;l dh hgyhgdk