الموضوع: ابداعات المبدع حامد زيد

المبدع, ابداعات, خالد, سيد

والله وصرتي تستهينين فيني
وانا الذي سويت لك قدر بيدي

تدرين وش كنتي قبل تعرفيني
ان قلت لك كنتي ولا حاجه شوي

اناالذي فرشت لك رمش عيني
وعملت منك شي وانتي ولاشي

جيت اعشقك ماجيت لك تحقريني
جيت اسكنك بسمه ماهو اسكنك غي

لاصرت عامل لك قدرقدريني
ترىالكرامه صفحه مالهاطي

مادام ماجيتي غلا لا تجيني
نارالجفاعندي ولاالذل بالفي

والله لهجرك قبل تهجريني
اجل تبيعيني واجي لك برجلي

ياتتركين الكبرياتتركيني
لان المحبه شي والمهزله شي

ان كانت الدعوه غلاي وحنيني
بكره يزول الحقد ويشعشع الضي

لكن حكايت ينحني لك جبيني
في ذمتي ماينحني لك وانا حي

لشاعر المبدع((((((((((((حامد زيد)))))))))))))
[bdr][/bdr]


غــــــــــــــــــــدر الخنــــــــــــــــــــــــــــــاجــــــــــــــ ـــــــــــــــــر


عفى الله عن خطا غدر الخناجر والضلوع ابطال
بسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك
انا عيب علي انقض كلامي والرجال افعال
واذا قلت بقطع حبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك
مسوي في حياتي شي مايذكر ولاينقال
حشى حتى العدو وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد جبال
رحلت من العذاب وماوقفت الا على جالك
علامك كل ماجيك متواضع جيتني تختال
معاك ليا متى بصبر وصبري معك يحلالك
مثل ما اقبلت لعيونك لزوم تلد لي بقبال
ومثل ماقد حشمتك حس واحشم قلبي اشوى لك
انا ماحد(ن) بجابرني اساير معك هالمنوال
تراني لاني تبيـــــع لك ولاني اصغر عيالك
انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت بضمى عاشق تعب يطرد سراب اللال
انا جيت استفز رضاك من فرقاك والجالك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك
تخيل من كثر ما اخاف تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك بقفاك وقبالك
ابي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح إن الفراق اقسى ولكن الوصال محال
وانا صعب علي ارضي غرورك واضعف قبالك
بعد ماحققت عيني في بعدك للرقاد امال
اعود للسهر يا اخوي فال الله ولافالك
ببدل نظرتك فيني واجي لك كل يوم بحال
بكون اقرب من ثيابك عليك ولاتهيالك
بلمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك
ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك
ابهديك الوصال فراق واهديك الفراق وصال
بسوي مثل ماشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحة واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال لك عندي هبال اطفال
لا وابشر بعد بهبال حب ماهو بهبالك
واذا قصدك تهين اسمي عشان تشمت العذال
حشى لا انت ولا غيرك ولاعشرة من اشكالك
[bdr][/bdr]

السفينه

يوم قلبي ما عصاك , و ما قدرتي تذبحينه
ليه خنتي فيه و انتي من نفس الديانه ؟
كان ذبحي بيدك ارحم من اللي تفعلينه
و ان طلبتك تذبحيني ما ذبحتيني لعانة
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه !!
و الا انا ما كنت ابيها توصل لحد الاهانه
قلت: ( من باب الميانة ) صاحبك و تعذبينه
لعنبوك ارخي معاي شوي ما صارت ميانة

[bdr][/bdr]

الحلم

اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني تعشقيني ليوم الدين

[bdr][/bdr]

ياناااااااااااااااااااااااااااااااااااس والله شااااااااااااااااااااااااااااعر مبدع

لاحظو ان كل قصايده وكل بيت وكل شطر حكم والله حكم وقصايدة تلامس مجتمعنا وحياتنا


ابداع بمعنى الكلمة

---

hf]huhj hglf]u phl] .d]