الموضوع: الوقت جاير

الوقت, حاير

[align=center]السلام عليكم ورحمة الله وبركاته
.
.
.
.

الوقت جايـر والليالـي بينّـت مدلولهـا

ماكل عجه يقتفيهـا سيـل واكـوام بـردي

لا يامهدي والبل تعرف من خياار فحولهـا

اسمع كلامي زين وافهمني طلبتك يامهـدي

الناس قبلي بالهوى مبطـي تعـنّ خيولهـا

كلن على صهوة جواده بالهوى قـام يعـدي

هذا يصيب اللي يبيها وذا يجي من حولهـا

وهذاك مع عجة غبار الحب تلقـاه يغـدي

ماغير انا اللي كل ماجيت انتقل بفصولهـا

زاد العنا فيني وخارت قوتي وضاع جهدي

الكلمه اللي مستحـي منهـا تـرى بقولهـا

خربت وخل الناس تدري بالسوالف يابعدي

عز الله اني ميت(ن) فيها عسـاي اطولهـا

المهره اللي حبها ساكن بروحي وجسـدي

ان جيت اوصف دقها ضيعت في مجمولها

ياكيف ابنهي حسنهـا والا ياكيـف اببتـدي

في عنقها المنتوقوالا في سحر معسولها

او ليلا مغطي جبين(ن) من صباحاته نـدي

يأهل القصيد اللي قصدتوا قوموا بس غنولها

اما على بحر الرجز والا على طرق الحدي

عنق المهاه اليا اقبلـت فزولهـا فزولهـا

نجم الثريا يغار منها وينغبن نجم الجـدي

قولولها تكفـون عنـي ياعـرب قولولهـا

زاد العنا فيني وخارت قوتي وضاع جهدي.



وسلامتكم

ماجد العبيوي[/align]

---

hg,rj [hdv