الموضوع: حضورك مميز ولو بكلمة

واهنا بقرب الزين فرحه وقرة عين
وانسى شقى عامين واروي عطش روحي

في خفوقي لك حكايه ضمها كتاب المشاااعر
وفي عيوني لك مدينه يا حلاها من مدينه

انت لو تامر على روحي من غلاتك بس تامر
فدوى روحي من غلاتك والله ماهي بالثمينه

شفت عاد اش قد غالي ولا عندي شي اخر
كل هالعالم بدونك اشبه بدمعه حزينه

احنا قصتنا قديمه وحبنا صادق وطاهر
انقى من حبة رذاذ فوق خد الياسمينه

احنا لو نكتب محبتنا ضاقت اوراق الدفاتر
وان كتبنا شي تبقى اغلب كنوزه دفينه

انت تبحر في عيوني وانا في عيونك اسافر
فوق غيمه من محبه لا شراع ولا سفينه

جيت لك كلي وضوح بلا قناع ولا مظاهر
وجيتني من طيب اصلك لا غرور ولا ضغينه

تذكر بأول لقانا كيف خانتنا الحناجر
الحكي عيا وحروفه في حناجرنا سجينه