شنبك اللي تفاخر فيه ترا اللي جابته حرمه

**اشتاق للماضي** · 30-Sep-2009,03:36 PM

السلام عليكم ورحمة الله وبركاته

إسم المرأة عيب؟ <-- خاصة عندنا يالسعوديين

بس مدري ليه ماصار اسم الرجاال عيب بعد عند الحريم اكيد بيصير واذكركم

كثير مانسمع ونشوف قد ايش الاحراج اللي يشعر فيه بعض الرجال

وهو يتكلم مع زوجته او خواته خلال التلفون

اذا كان في وسط رجالي بحت

يحاول يخلص المكالمة في أسرع وقت ممكن

طبعاَ يعرف كل اللي حوله انه يكلم "وحده"

من طريقه كلامه بالرموز والايحاءات وبلغه (ايه طيب لا )

ويتمنى الارض تبلعه ولا احد يعرف اسم امه أو اخته أو زوجته

فالرجل يعتبر اسم المرأة عيب

مايصرح فيه او هي عورة لابد من سترها ؟

وغالباً يستخدم الرجل عند مناداه زوجته,اخته عبارات يحاول أن يخفي

اسمها من خلالهاأو اي شيء يخصها !!

كأنه قانون ينص على عدم تصريح إعلان اسم المرأة وتحريمه .!!!

ونسى أن القرآن الكريم سبقه منذ 1400 عام بذكر اسم" مريم بنت عمران"

وجعل سورة كاملة بأسمها .

و

الرسول " عليه الصلاة والسلام" صرح بأسماء زوجاته وبناته وبعض نساء الصحابيات

في جملة من الآحاديث.

ومثل هذه التصرفات يمكن تحجب بعض من حقوق المرأة

وتجرح شعورها وتسيء الى أحاسيسها .

فالتصريح بأسمها على أي حال مهو محرج مثل مايتصوره الرجل

لكن هي نظرة قاصرة ودونية من الرجل اتجاه المرأة .

اذكركم بطااش ماطاااش

امـه منيرهـ مدري مزنه وانهيااار وحاله نفسيه بس علشاان اسم لا رآح ولا جآ ؟

ايش الفرق بين اسم الرجل والمرأة ؟!!

وكلنا نعرف إن

هذي المرأة هي الام الحنون

والمرأة العظيمة اللي توقف وراء كل رجل عظيم .

والزوجة سكن وراحة بالنسبة للرجل !!

وكله كوم ولما ينادي الواحد اخته او زوجته قدام ربعه

(يااااااااااااااابنت,,,ياهوووووووو,,,ياو لد,, هييييه ,,,,, ياهيش>>>كنها غنمه)

ولما يسأله خويه وينك؟مع مين طالع؟

يرد عليه (مع اهلي)او يقول(مع اغراض بوديها لاهلي)

ومافي بالسيارة غير زوجته

وربي انكم معقدين يالسعوديين مصطفى لو يسالونه طالعن مع من قال طاالع مع ست الحبااايب يااسمين بنت حسنين

واذا قال اسم اخته عند ربعه خرقوا عيونه من الخز (( وجه يقول آخ منكم يالسعوديين ))

(رخمه,,,خكري,,,وش يبي ذاالخ)

اللي ابي اعرفه شي واحد

لييييش كل هالاحرااااج يعني

اذا قلت اسمها كنك قايلن الرقم السري حق حسااابك بالبنك اللي به مااال قااارون

ياليت تردووون علي

واللي بيرد علي ويقول اسم البنت عيييب قدآم الرجاال
ماضر الرسوول يوم قال اسمااء زوجاااته

مع كل الود

م\ن

**cup cake** · 30-Sep-2009,10:31 PM

ايه والله صادقه

انا من ناحيتي افتخر بأسم امي واختي

والي مو عاجبه يطق راسه بالطوفه هههههه

اجل وش الحكمه من تسميتهم من الاساس

والي يستخدم بعض هالعبارات بدل الاسم انا برأي يهين نفسه قبل ما يهين غيره

وتقبلي فلسفتي :)

ومشكووره هالموضوع المهم

**اشتاق للماضي** · 01-Oct-2009,12:32 AM

اقتباس:
المشاركة الأصلية كتبت بواسطة cup cake

ايه والله صادقه

انا من ناحيتي افتخر بأسم امي واختي

والي مو عاجبه يطق راسه بالطوفه هههههه

اجل وش الحكمه من تسميتهم من الاساس

والي يستخدم بعض هالعبارات بدل الاسم انا برأي يهين نفسه قبل ما يهين غيره

وتقبلي فلسفتي :)

ومشكووره هالموضوع المهم

مشكور اخوي ع مرورك ويعطيك العافيه

**هدااوي** · 01-Oct-2009,05:04 AM

عذراً
.لاتعليق

**اشتاق للماضي** · 01-Oct-2009,01:38 PM

اقتباس:
المشاركة الأصلية كتبت بواسطة هدااوي

عذراً
.لاتعليق

مشكوره هداويع المرور
بس ليش لاتعليق ؟
تحياتي لك

**احساسي متفأل** · 03-Oct-2009,03:25 AM

ايه والله صادقه

بس رووووووووووووووووعه

**طيـ الأمل ـــف** · 03-Oct-2009,04:38 AM

موضوع جميل أختي اشتاق لكن حبيت اقولك موكل الشباب كذا , انا اخواني عادي يقولون اسمائنا واسماء زوجاتهم مافيه مشكله ابد ,
ذكرتيني في وحده تقول اخوي كاتب اسمائنا في جواله
ف\ع
ن\ع
ر\ع
كل وحده باول حرف من اسمه هههههههههههههههه

يسلمو يالغلا الله يعافيك