الموضوع: انا ماهزني غيرك من البشر انسان

انا ماهزني غيرك حبيبي بالبشر انسان
ولا حبيت ابد قبلك ولافكرت احب ثاني
دخيل الليل والقمر او النجم في سمانا ضال
ودخيل الحب وعيونك ودمع/ن غرق واوجاني
ابي حبك يزلزلني يفجر داخلي بركان
ابيه يطهر جروحي و يمحي باقي احزاني
ابيك تشد من عزمي إذا همي تلقاني
ابي حبك ينسيني همومي وباقي احزاني
وابي قلبك يصبرني إذا جيتك انا اعاني
ابيك تشيل من قلبي معالم لوعة الحرمان
ابيك توقف بصفي إذا ظرفي تحداني
ابي حبك يجنني وينبش في سماي الوان
ابي قلبك يحسسني في صدق الحب لا جاني
ابيك الصاحب الوافي يحيطني دايم بهيماني
ابيك العاشق المخلص يشافي دوم عطشاني
ابي قربك ابي حبك يكمل باقي بنياني
ابي قلب/ن كبير لاملاه الشوق ناداني
ابيك المغرم الهايم تبيع الروح من شاني
ابي اسكن وسط قلبك لوحدي مامعاي انسان
ابملك كل تفكيرك وتملك كل وجداني
وابي قلبك يواعدني لوخان البشر ماخان
""ابي اطلب طلب واحد"" رجيتك وهو المهم الآن
وانا ادري مستحيل ترفض إذا كنت جد تهواني
ابيك تعيش في قلبي إذا تسمح مدى الأزمان
ابيك تشوف ماتملك في قلبي وماتعداني