الموضوع: يا همسة الروح

الروح

يا مهرة الليل ياطفلة صباح الضياء
ياهمسة الروح ياروح الجمل والقصيد

يالمسة الدفء يالفحة برود الشتاء
يانزعة الموت يانبضة حياة الوريد

ياهيبة الضلم يانضرة عيون الثراء
ياوردة الصبح ياصبح الورود السعيد

ياموجة اليم يا يم النفوس الضماء
يابسمة الحلم يا حلم ابتسام الوليد

ياضيقة البال ياعالم وسيع الفناء
ياجنة الروح يا نار(ن) تريد المزيد

ياضحكة الفرح يا اخر حدود البكاء
يافرحة العيد والثوب الحرير الجديد

يلي بذاتي لوصفك الف ياء(ن) وياء
يلي تناقض صفاتك من قريب وبعيد

انتي اول اللي عطتني طابع الاغنياء
بالحزن ولا تراها مو بزود الرصيد

وانتي اول اللي عطتني عفة الاتقياء
في عزلتي واحتقار العيش الا الزهيد

وانتي اول اللي عطتني وقفتي فالبلاء
من كثر صدماتك اللي له بروق ورعيد

وانتي اول اللي عطتني كلمة(ن) به ثناء
قلتي لي انك تحمل كل بطش(ن) شديد

وانتي اول اللي عطتني نضرة الاذكياء
لما صنع بي برودك نار وسط الجليد

وانتي اول اللي عماني عن جميع النساء
لن النضر ما يطاوع كل جادل وجيد

حتى انضر الكل دونك يشبه المومياء
وانتي الحياة الوحيده في حياة الفقيد

يامهرة الليل يكفي من سخائك عناء
من وصفك اللي عصاني في بحور القصيد







مع حبي

---

dh ilsm hgv,p