الموضوع: د.وليد بليييييز مهم جدا

اختي جوجو اسمحي لي بهذه المداخله
تدرين عاد ابوك الي سواه غلط يعني يشوف بنته تكلم واحد وبتعامل معها بلطف مثل ماتقولين شي طبيعي انها بتفكر ترجع تكلمه مره ثانيه وثالثه وعاشره بعد لانها مالقت مين يوفقها عند حدها البنت مراهقه واللين الزايد في هذي الامور انا اشوف انه غلط اما انها زعلت وبكت وماادري وشو خليها تبكي وتزعل كم يوم و مصيرها تنساه وتتركه بس انتو مره مستهينين بالموضوع
وانت ياطويلة العمر كسبتي ثقتها هذا شي حلو لكن انت لا تحسسينها انك راضيه عن الموضوع اما سالفة انها تقول بانتحر لو علمتي احد صدقيني هذا دلع بنات وهي تقول كذا عشان ماتعلمين احد وتساعدينها وتوصلينها للي تبيه ولو سكتتي بتضيعينها لانها مقتنعه باللي قاعده تسويه
انا وجهة نظري انك تتصرفين معاها بشده اكثرولاتجيبين لها جوال ولا غيره واذا انت ماقدرتي عليها اتركي ابوك واخوانك بتصرفون معاها وصدقيني مهما زعلت منك الحين بيجي اليوم اللي تبوس راسك فيه وتشكرك لانك خفتي عليها و بعدتيها عن هذا الطريق

وياكثر البنات اللي يسوون كذا هاليومين ماادري متى يعقلون و يتعضون من اللي نشوفه ونسمعه عن العلاقات مع الشباب الله يهدي بنات المسلمين.

عزيزتي اميره اشكرك على مداخلتك بس حبيت اوضحلك مو كل بنات الناس سوا في بنات ما يمشون الا بالشدة وفي بنات لازم اللين معاهم ولا تنسين انو اي انثى على وجهه الارض تحب ان تعامل بلطف لو غلطت مره وحده في حياتها
اختي اميره والدي لما تصرف بلطف فهو اكيد له حكمه في الموضوع ولا مستهينين في الموضوع ولا شي وبالنسبة لكلمة (ماهي لاقيه مين يوقفها عند حدها) هذا كلام غلط وما اسمحلك تقوليه لانو اهلي ادرى كيف يتصرفوا مع بنتهم لانهم هم اللي ربوها عارفين من اي مدخل يجونها وكيف يقنعونها بالطريقه اللي تناسبها وتناسب السن والمرحله اللي هي فيها او تمر فيها حاليا
اما اساليب زمان والضرب والتعقيد والصراخ ما يجيب نتيجه بالعكس ما يجيب الا الاكتئاب والتعقيد وفي النهايه بنت بأمراض نفسيه لا اكثر محطمه
اذا ما كانت مقتنعه تترك الشي اللي تسويه ماراح تتركه
الوالد الله يحفظه انسان مثقف ومتعلم تعليم عالي ولا يخفى عليه شي من حركات البنات وهو حاليا يتدرج معاها في البدايه باللين وبعدين تبدأ الشده حبه حبهلانو مافيه شي يجي بالشده وبالقوه لازم المداره والحكمه مو بس نفكر كيف نحل المشكله وانما ايضا كيف راح يكون الوضع بعد حل المشكله وهل سوف تيقى في نفسها اثار سلبيه من تصرف والدي او لا؟ لازم النظر لبعيد عند حل اي مشكله مو بس خلصنا من المشكله وبس لازم نعرف ايش حتكون اثارها الايجابيه والسلبيه في المستقبل.
ولك خالص الشكر والتقدير.
انتظر اجابة د.وليد