مشتقي بالحب قلبي والليالي عذبني

**الهاشمي 28** · 03-Mar-2010,12:20 PM

مشتقي بالحب قلبي والليالي عذبنّي
كل ما امرحت ليلي مع حلومٍ يسعدنّي

مرني وضح النهار وطير الاحلام عني
{كن ليلي مع نهاري خرزتينٍ في قلاده)

لا بغيت اضحك وسولف وآتسلى وآتمنّع
عن همومٍ رافقتني ومنعتني لا تمتّع

زارني طيف الحبايب واستريّح ثم تربّع
{بين قلبي والحنايا حاملٍ بيده عتاده}

صورة اكفوفٍ كوتني سابحه وسط الهبايب
مع بقايا ذكرياتٍ ذكرها ماهوب غايب

واربع اوارق بكتنا تنثر انواع السكايب
{كيف ابهنى بعد هذا ياهلي فوق الوساده}

من رحل طيفه وقلبي تشتعل فيه الوقايد
والعيون المتعبه في هالفضى صارت شرايد

والمدامع المدامع لو وراها لي فوايد
{كان ردت صاحبٍ لي يوم هلت في بعاده}

مير انا ادري ايه انا ادري ما بقى غير الكئآبه
والحسايف والكلايف والقلم ثم الكتابه

عن حبيبٍ تل قلبي واحرمه لذة شبابه
{قلب شخصٍ راح عمره ماعرف درب السعاده}

بفتح الشباك ورفع راحتي لك يامعين
يامن ابأمر ه يهون كل جرحٍ مستكين

يامن ابنوره يقدّي حاير القلب الحزين
{تلطف ابقلبٍ تعنى ما تحقق له مراده}

مع حبي

**شتآت}~** · 03-Mar-2010,12:25 PM

الله الله

عيني عليك باردة

في منتهى الذوق والروعة أنا أشهد

الهاشمي 28

صح الله لسانك واعتلى شانك

لا هنت يالذيب

عساك دوووم على القوة ولا ننحرم منك

ألف ألف ألف شكر لك يا شاعرنا

بإنتظار جديدك القادم بكل شوق ولهفة

جل ودي وتقديري وفائق احترامي لشخصك الكريم

**مشاعر مبعثره** · 04-Mar-2010,03:49 PM

الهاشمي 28

صح لسانك وعلا شانك

قصيده روعه بروعة احساسك

تحيتي

**ღღ ـآلـمّـحَـبُـوووبْ ღღ** · 04-Mar-2010,09:04 PM

آلسلآم عليكَم ورحمة آلله وبركآته

يعطيكْـ ألف عآفية أخوي آلغآلي آلهآشمي 28 .

صح لسآنكْـ وعلآ شآنكْـ يآلغآلي .

أبدعت يآلغآلي بطرحكْـ و أنفردت بكلمآتكْـ يآلغآلي .

سلمت يمنآكْـ اخوي على آلطرح و أدآم آلله آلخير لكْـ بإذنه .

ولآ تحرمنآ من جديدكْـ و إبدآعآتكْـ .

أخـــوووكْـ

آلـمـحـبـوووبْ