الموضوع: يمـهَ الوَكـــت أذانـــي

الوَكـــت, احلى, بالكون

،،

الوكت اذاني وعلى فراكم دوم بحركة بجاني

هلي دمكم جرى بشرياني والنفس ضاك وكثرت احزاني

ودعتكم وصرخت شغير لونك يازماني

وزرعت الشوك ولملمت جروحكم وصرت بحبكم اناني

سهرت ياما وهجركم دروب الموت دلاني

ويوم المابجيت تبجي اشيائي بمكاني

منو يعوضج يا امي وكلمتج طيبة وتطفي نيراني

هسة صدى صوتج يدفيني وشلون لو نمتي بأحضاني

مشتاقة لكعدتج يمي وانثر بدروبج حب كلبي وحناني

يا ارقى اسم بالكون يهلهل بأسمج لساني

خجلت وردتي من صحت يمة وذابت بيدي اغصاني

شلون البعد ينطاك واموت بفركتج اني

كلبي ينطر شوفتج وبصدري تنام الاحزان

والي ما يشوفج يضل دومة تايه وخسران

اهديلج سنيني ترخص واضل اني ربحان

لمست الطيب منج شوصفج حتى الوصف خجلان

جفت حروف الشوك بشفافي وضل الكلب ضماَن

لو صحت يمة مادريتج ملاك انتي لو انسان

دورت ومالكيت بس بمنفى الروح نسيان


,
.
,


تحياتي لقلوبكم
ارتـ ـواء

---

dlJiQ hg,Q;JJJj H`hkJJJd