السلام عليكم ورحمة الله وبركاته
الحمدلله على سلامتك دكتور وليد
ياريت تقولي وش الحل مع هالحاله الله يرضى عليك
جوجو لاتتذكر اي شي نهائيا بعد حدوث الصدمه لها ولا تأكل ولاتنام ولا تتكلم ما الحل
عرضنها على عدة اطباء ولكن كلهم يقولون تبي شوية وقت بس الحين صار لها شهر ونص وهي بنفس الحاله تتحسن شوي وبعدين تعود نفس الحاله والتحسن يظهر فقد في النطقلديها احباط شديد ماعاد صار يهمها اذا اعطينها العاطفة ولا لا؟ ولاصارت تهمها ابدا لو تنحرق الدنيا قدامها ما تتحرق ولاتهتم ما تخاف زي اول تحب الظلام ما تحب تغير ملابسها ولا تتحمم ولا تقوم بأي نشاط غير النظرات والتحديق والبكاء اذا حاولنا الاقتراب منها او حتى لمسها او محادثتها تصرخ ولا تريد احد غير العزله والظلام وطقوس مخيفه ومرعبه مع انها كانت تخشى الظلام بشكل فظيع
وبصراحه يا دكتور صرنا نخاف من تصرفاتها مره تسمعك وش تقول وفي النص الحديث تقوم تمشي وتتركك بدون سابق انذار وتجلس تاكل اظافرها الين ينزل الدم ونجلس نسوي اسعافات صرنا نخاف ما ننام الين تنام ولازم احد ينام معها عشان ماتقوم نص الليل وتسوي شي لا سمح الله وهي على فكرة تنام وهي جالسه ما ادري كيف ؟ اول ما تدخل غرفة النوم تجلس حوالي ساعة ساعتين بعدين تغفو ولا تعدي 5دقايق وتصحى بعدين تجلس ساعة وتنام وهكذا طول الليل والنهار ولا تأكل ابدا واذا كنا جالسين في غرفة فيها باب تقوم فجأة وتسكر الباب بقوة لدرجة انو في باب انكسر
واذا سألتها ليش تجلس تبكي ولا تسكت وعدوانيه ترميك بأي شي وتضرب حتى لو ما سوينا لها شي توقع انه يجي شي على راسك بدون سبب واذا حاولنا نكلمها تجيها حالة العدوانيه اكثر
ياربي وش نسوي معاها والله تعبنا يا دكتور وليد
ساعدني بأرشادات نسويها معها او طرق واساليب تنفعنا وياريت تقولي وش تسمى هذي الحالة
جزاك الله خير