الموضوع: قـصـة ولادهـ مصـوره لاتفوتكم خخخخخخخخخخخخخخخخ

السلام عليكم
صبحكم الله بالخير والعافيه

كان يامكاان في سالف الشهر الماضي وقبل اسبوعان

جهازي الله يصلحه جته حاله غريبه


هذا جهازي





المحروس من حمولتن طيبه يقالهم دل

ماقصر الولد له سنتين معي مكروف على خشمه ماعنده اي مشكله

يشتغل بدون شكوى او ملل

وإذا غص بالبرامج والفيروسات سويتله غسيل معده ويرجع صاغ سليم


الشهر اللي راح جته علتن غريبه
ماينفع معها لاغسيل معده ولا عملية زايده

قام يتوجع ويتولول ويزفر ويخربط ويطفي ويشغل


خليته يوم كامل يريح ثم جيته وضغطت الزر ابيه يشتغل

قال:وجع بغيت تفقع بطني شوي شوي انت واصبعك المنتفخ ياملا الوجع

انا : ياللي تحت السرير اطلع بلا إستهبال



قال : انا اللي اهرجك






انا :



وشووش وووشوووووش وش


قال : لاتخاف انطق بس خلني بقولك سوليفه


قلت : آآآمر


قال : انا بقولك سر , وصارت خشته كذا




أنا : وشوووو

قال : انا حااااامل


وانا اطمر عليه بالزنوبه ايا قليل الحيااا ياللي ماتستحي يالسمرمدي يالسلقه

وهو يقول : لحظه لحظه ياخي

انا والله حبيتك وقررت اخلفلك قبل اموت

مايرضيني تتلحط من بعدي وتتمرمط مع ايسر وكومباك

وبجيبلك جهاز يذكرك فيني ويحمل اسمي





شوي قامت تبطبط دموعي وخشيت جو معه

قلت : اصيل يادل اصيل


إلا تعااال تعااال وشلون تبي تخلفلي وانت ولد


قال :

الحقيقه حنا يالإجهزه مافينا مثلكم ذكر وإنثى
حنا على كيفك بأي وقت تصير اللي تصير


أنا :
ياااالله ياحظكم

والله حركتكم حلوه

يمدي الواحد يحضر عرس وينقي عروسه ثم يرجع ولد ويخطب بقلب جامد <كلن على همه سرى

بس المصيبه كان خطب وحده هي بالأساس واحد متحول عشان يدور بنت يخطبها

قال : اقول بلا سماجه

انا بموت بعد كم ساعه خلاص

بس ابيك تساعدني ابخلف لك



قلت : لا بالله لاتسويها تكفى مابي تطيح من عيني كل هالسنين احسبك ولد
مش آآآدر أتخيلك بتويلد


قال : اقول انثبر بس ورح جب طشت به ماء دافي

وانا انقز ابجيب ماء دافي إلا الدنيا كلها حاررره والمواصير شابتن نار الله لايبلانا

واروح افتح ماء السخانه خبري نطفيها ونتوضى بماها يصير بارد

طلع احد البزران مشغلها يحسبه زر اللمبه

واحوس احوس مالقيت

وارجعله اركض

والقاه يتوجع



قالي : هاه يالفاهي جبت الماء



انا :


قال : اجل مالنا إلا قيصيريه مع مكان السي دي المكسور












<هذا انا ترا متحمس







البزر يبي يطلع
طلع شوي







يالبيه يهالطخمه بسم الله بسم الله











يمديكم على نظره الحنان

الحمدلله رزقنا الله بدلدول صغير يالبيه بس يالبيه


بس مات مدري ماتت أمه


يالله من يبي يسويله طلايع (رشايش , تمايم , عقيقه )

والله الله بالبرامج الطيبه يبيله تغذيه توه صغير




احترماً للعقول الموضوع منقول