الموضوع: التسلط من قبل الرجل ، ودور المراة السلبي في الحياة

التسلط من قبل الرجل ، ودور المراة السلبي في الحياة


--------------------------------------------------------------------------------

~ بسم الله الرحمن الرحيم ~

اليوم ابكتب عن موضوع رافع ضغطي ،، ولاني اطمح اني اغير فيه الشي الكثير
يخص الرجل بشكل عام والمرأة بشكل خاص
موضوعي التسلط من قبل الرجل ،ودور المراة السلبي في الحياة
أكره الرجل اللي متسلط على حرمته وعياله ويفرد عضلاته عليهم ,,
اكره الحرمه اللي صفر على الشمال ،،اللي ماعندها غير كلمة (ابشر ،انت تأمر )،، احترميه لكن بحدود من على حساب كرامتك لا
ماااقول نافخي عليه وسوي النون ومايعلمون لا ابغاك تثبتين وجودك تعرفين تتصرفين تناقشيه تقوولين لا مو دايم سلبية


طيب هذا من واقعنا
وحدة راحت لابو عيالها وهي عيونها في الارض تخاف يهواشها يقولها شي
نادته ابو فلان لانها تعرف لو تناديه بأسمه سوى الهوايل ،قالت له نبغى نروح السوق انا والعيال اشتري لهم اغراض .، هينا هو مو بخيل بس يشوفها دايم اقل منه حتى لو كانت متعلمه <<هي اللي عودته تكون كذا ،هي طلبت هالطلب المسكينه وراحت شربت مويه قوم الدنيا وماقعدها يقول (انتي هذا اللي همك سوق وطلعه وعيالك لاهية عنهم ،وهات ياضرب ) الضعيفه ماتسوى عليها تلاقيها ماتشوف الشارع الى بالعيد
بس وش نقول هي اللي عودته على سلبيتها هي اللي ماوقفت بوجهه وعارضته هي اللي عودته يمد يده ويتجرء عليها وعلى عيااالها
اصحيييييييييييييييييييييييييييييي الى متى هالسلبيه وهالضعف
ومشهد ثاني من واقعنا الاليم ::
الحرمه توها خلصت شغل البيت وجلست ترتاح شوي فجاءه يدخل عليها يقولها يامراة <<حتى مايكلف نفسه يناديها باسمها او بأم فلان لانه يشوفه عيب <<قمت التخلف

ترى عندي عشااء اللية وابي شي يبيض الوجه لا تسودين وجهي قدام المعازيم ، قال هالكلمتين وطلع وهي مو عارفه وش تسوي متى راح يمديها تسوي كل هذا ليش ماقالها بنفس اليوم ؟! لانه لو طلع شي ماعجبه بيحط اللوم عليها انتي رفلا ماتعرفين شي انا مدري وشلون متحملك وهاات ياكلام يغث القلب

مع العلم انها ماقصرت قامت بواجبها على اكمل وجه
حقك على زوجك تقومين بواجبك واللي تمليه عليه نفسك
وحقه عليك يعاملك بحترام وتقدير
طيب جاوبني انتم ::
ليه ماتعامل الزوجه بحب وتفاهم وبدون مشاكل
ليش دايم تحب تفرد عضلاتك عليها وكانك( تقول ياأرض انهدي ماعليكي ادي ).؟
ليه دايم مقلل من قيمتها قدام عيالها ؟!
<<هذا موجه لفئة الرجال
طيب انتي جاوبيني ::
ليش دايم مظهره سلبيتك ؟!
ليه ماتحاولين تغيرين من نفسك وتوقفين جزء من هالمهزله اللي صايره واللي تعانين منها ويعاني الاف غيرك ؟!
وتساعدين نفسك ويصير يحسب لك الف حساب مو خوف منك لا، احترام وتقدير لك

لاااا تقولون مافيه ناااس كذا فيه وياااكثرهم والله يكون بعونهم يارب
ترى لها مشاعر وأحاسيس مو رجل آلي قلبه من حديد


خلونا نناقش الموضوع بشكل جدي ونغير اللي نقدر نغيرهـ

---

hgjsg' lk rfg hgv[g K ,],v hglvhm hgsgfd td hgpdhm