مجمــــوعــه مـــن قصـــائــد الـــراااائــع فهــد المســـاعــد .

**kookee** · 02-Dec-2010,11:46 AM

" صـدفـه "

الشــوق مــالــه عمــريفنــى وينعـــاد
لــه في الضلـوع إن عاد وان غــاب رجفه

مع كل فرقا لـه ورى الجفـن ميـلاد
وان مـاتت الفرقا لقـى الشـوق حتفـه

جيت أقتل الفرقـا مـن بـلاد لـبـلاد
مـلّ الطريـق يشيلنـي فـوق كتفـه

وأنا بعد مليت مـن كثـر مـا أرتـاد
هالشارع اللي كان لـك فيـه شرفـه

تظمأ عيوني شوفك وتشبـع سهـاد
عيّا الزمن يقطـع ظماهـا بـرشفـــــه

لاوجهـك أسقاهـا ولا ذاقـت رقـاد
ماغير طيفـك طيفـك اللـي أعرفـه

كنّه ظبـي وعيونـي ظـلال صياد
يجفـل قبـل يرتـد للجفـن طـرفـه

مشكلته أنه كـل مـا أشتقـت يـزداد
حتـى مـلا جـدران وقتـي وسقفـه

وأصبحت أشوفه فـأول الغيـم لاجـاد
وفـأقصى الشفق لاطاحت الشمس خلفه

وفي الأرض لانامت عقب صوت رعـاد
وفي كل شباك ٍ صحـت منـه درفـه

أتعبت طيفـك لـوم واللـوم مافـاد
ويوم الأمل في شوفتـك مـات نصفـه

نويت أسافـر عنـك بجـروح ٍ جـداد
وعمر ٍ من أوراق الزمن حان قطفـه

نويت لكــن جابنـي الشـوق منقـاد
وجابك حنينك والزمن سـال عطفـه

شفتك تبسّم لـي خجـل مـدري عنـاد
وفي نظرتك شوق ٍ من الظلم وصفـه

حسيت كني طفـل وعيونـك أعيـاد
ياعيدي اللي لـه ورى الصـدر رجفـه

سمّ اللقـا صدفـة وأسمّيـه ميعـاد
أنا أنتظرتـك وأنـت مريـت صدفـه

" تعبت أسولف لك "

تعبت أسولف لك وانـا مـا تكلّمـت
أسكت أنـا وأتـرك عيونـي تكلّـم

لاتفهم احساسي ولا تفهـم الصمـت
مدري وش أسـوي علشـان تفهـم

ودي أقول فـيوم كم فيك أنا همت
لكنّي خايف خايـف أقـول وأنـدم

كل ما بغيت أقـول أحبـك تلعثمـت
حتى وأنا أحلم فيـك كنـت أتلعثـم

كم ضقت منك وكم عشانك تبسمت
الله هو اللي بس فـي حالـي أعلـم

أحبـك لحالـي ولا يـوم علـمـت
إحساس أحس الموت من طعمه أرحم

لو بس تدري كيـف أحبـك تألمـت
عن كل لحظـة منـك كنـت أتألـم

تعبت أسولف لك وأنا ماتكلمـت
يارب تفهم بـس يـارب تفهـم

" لحظـة الفرقـا "

اليوم صوتـي يناسـب لحظـة الفـرقـا
كانـك تبينـا نتفـارق خلّهـا الليـلـه

من ينتظره الشقـى لـو ينتظـر يشقـى
دام الشقا ينتظرني ليـه مااجـي لـه؟!

ياقلبي المنتظـر مكتـوب لـك تبقـى
محروم حتى من اللـي كنـت تشكـي ـه

خـل المراكـب تسيـر وودّع الغـرقـا
في موادع الحمْل راحة من هـو يشيلـه

اللـي يـدّور عـذر لفـراقـي بيلـقـى
يامن نويت المفارق قبل تمشـي لـه

أرحل من احلامي اللـي قلـت لـك ترقـى
ومن روحي اللي ماعاد اعرف من هي له

ومن دفترك وأرتباك خطوطه الزرقـا
ومن كل ضحكه ودمعه فـي تفاصيلـه

أرحل وخذ ذكرياتـك معـك لاتبقـى
ساعدني أرجع لنفسـي كـان لـك حيلـه

علمتك الوصـل علمنـي علـى الفرقـا
محتاج لي قلب يشبـه قلبـك لليلـه

" آخــر الصيف "

تغـيّـرت بـنـت الضـلـوع المهـاديـف
تغـيّـرت والله وانــا فــي رجـاهـا

مدري متى أو وين أو ليه أو كيف ؟!
لكــن اعــرف أنــه تغّـيـر غـلاهـا

هـي سلمتـنـي للـزمـن والصـواديـف
وانـا اتذّكـرهـا ولا اذكــر خطـاهـا

شهور كن غيابهـا فـي الصـدر ضيـف
مافـيـه ضـلـعٍ ماتـقـوّس وراهـــا

حاولـت فيهـا ترجـع وقلـت : ياحيـف
هو مـن متـى والأرض تنكـر سماهـا؟!

كان وجه الحزن فـي عيونـك مخيـف
كـم كنـت أواسـي دمعتـك فـي شقاهـا

نسيتـي أمـواج الزمـن والعواصـيـف
ضلوعـي اللـي كـم غفيـتـي وراهــا

ودعتـي البحـر ورميتـي المجاديـف
مـن وصلـك هـذي الشواطـي سواهـا

يامـا كتبتـك فــوق روس لمشـاريـف
قصـايـدٍ مــر الـسـحـاب وقـراهــا

ويـوم المطـر مـرّت عليـه السوالـيـف
حـوّل يبـي ضحكـتـك تسقـيـه مـاهـا

ويامـا انجرحتـي مـن فـراق الموالـيـف
وقـسـوة قـلـوب الراحلـيـن وجفـاهـا

طيب علامـك كـل ماارسلـت لـك طيـف
عــوّد عـلـيّ بدمـعـةٍ مابـكـاهـا

حـقـك علـيّـه يالـعـروق الملاهـيـف
دام الـسـوالـف واصـلــه منتـهـاهـا

الله عطاهـا مـن هنـا لآخــر الصـيـف
إن عــوّدت للـقـلـب والا نـسـاهـا

" إحتيــاج "

يـــوم هبّ الوقـت وأعمانـي عجاجـه
الفرج عيّا وأنـا بالصبـر راهـي

ويوم مال وطـال ميلـه وأعوجاجـه
رحـت أدوّر شـي ٍ يشـد إنتباهـي

وشفت زولك مقبـل ٍ مثـل إنفراجـه
كنّه اللـي جايـبٍ عـزّي و جـاهـي

يـاه ياضيقـات صـدري وإبتهاجـه
تذكر آخر مرة ٍ شفتك متى هـي؟!

صــاحبـك مـن يومهـا زاد إحتياجـه
وأمتطى ظهـر المصايـب والدواهـي

سولف الليلـه علـى قلبـي و ناجـه
من بقى لي غيرك أفخر بـه وأباهـي

يابعـد مـن كـدّر غيابـي مزاجـه
ويابعد من مـرّت حروفـه شفاهـي

رغم حيرة قلبـك ورغـم إنزعاجـه
الزمن ماغيّـر احساسـه تجاهـي

ورغم وحشة بعدك وقسـوة سياجـه
كل حاجه فيـك ظلّـت مثـل ماهـي

الخجل فـي وجهـك أول مـن تـواجـه
والبراءه في عيونـك وأنـت سـاهـي

وبسمتك لامن بغيـت تقـول حاجـه
وغيرتك لاشفت كنّـي عنـك لاهـي

قبل أشوفك والزمن عاقد حجاجـه
أسأله : وش فيك ؟! وألقى العذر واهي

ويوم شفتك قلت للوقـت وعجاجـه
هيه ياللي في طعونـك كنـت راهـي

أنت لـو غيّـرت فينـا ألـف حاجـه
القلوب البيـض تبقـى مثـل ماهـي

" غـربة أعيــاد "

يا رجفتـي والبـرد يبغـى لـه بـلاد
يا غربتـي والعيـد طعمـه بـلاروح

اليـوم عيـد وليلـة البـارح سـهـاد
ماعدت ذاك الطفل ابو ضحك ومزوح

كن السهر ياخذ مـن عيونـي رقـاد
وكن القلق ياخذ مـن لسانـي البـوح

امشي وأحسّ الناس من حولي أجسـاد
وأغيب في صمتي وأشارف على النوح

أهيـم فـي صدفـه علـى غيـر ميعـاد
من كثر ياسـي قلـت للوقـت مسمـوح

ما ادري اتوه او اهتدي بس الوكـاد
منفاي ما ادري موطني حذفـة جـروح

غريب .. تايه وان لفى صـوت نشّـاد
قلت :" ايه هذي غربة أعيـادي تلـوح "

اكذب واسمّي غربتـي " غربـة أعيـاد "
لكـــن عسى اللّه يرحم الحـال والـروح

دام الجسد في بـلاد والقلـب فـي بـلاد
والله لاحصّل غربتي ويـن مـااروح

" حكاية المينــا "

اضمن لي ان البحـر مـا فيـه حوريّـه
وأضمن لك انـه يكـون حكايـة المينـا

اللّـه يرحـم جـدارٍ كـان لـه فـيّـه
وكانت تسمّـي علينـا كـل مـاجينـا

نرمـي تعبنـا عليهـا كـل عصـريّـه
نتبـع قدرنـا وتتبعـنـا خطاويـنـا

انا وذاك وهذاك وكانت بنيّـه
تطّلّ من جرحهـا وتبشّـرّه فينـا

كل ما استلان الزمان احدٍ بكـت هيّـه
وكل ما استهان المكـان احـدٍ تباكينـا

وفي يوم كان الدفـا صـوت " الشماليـه "
نـــادت :" حبيبي " وجينـا نرفـع ايدينـا

خلّـت يديهـم وجتنـي وانكسـر فيّـه
صوت وصدى صوت " تكفى لا تخلينا "

رجعت الـمّ الشتـات وضاعـت يديّـه
كل ما جمعتـه تبعثّـر تحـت اسامينـا

ورحنـا نعـدّي وكـلٍ عـبـرتـه حيّـه
حتـى الزوايـا بكتنـا يــوم عدّيـنـا

انـا وذاك وهـذاك وكـانـت بنـيّـه
وقبـل نتفـارق كتبـت اللـي يعزينـا

" اضمن لي ان البحر مـا فيـه حوريّـه
واضمن لك انـه يظـل حكايـة المينـا "

" كــذبه كبيــره "

اتعبتنـي عيـونـي قــدّ مـاهـي بصـيـره
واتعبتـهـا يديـنـي قــدّ مـاهـي جـفـول

قلت : " خيره " لكن وينهـا و ويـن خيـره
لا عيـونـي تـكـفّ ولا يديـنـي تـنـول

هيه وين انت يا للي كـان مـا فيـه غيـره
يفهـم اللـي اقولـه قبـل حـتـى لااقــول

رحـت ادوّر حبيـبٍ مثلـك ابغـى استشـيـره
واثـر مــا كــل زولٍ ينتـعـوّض بزول

جيـت نـاسٍ تـزوّد حيـرة القـلـب حـيـره
قلـت :" اطيـع الزمـان وكـل شـدّه تـزول "

قالوا " العمر يكبـر " قلـت كذبـه كبيـره
عمر الانسـان يصغـر كـل مـا هـو يطـول

قـالوا " الشعر بيت " وقلت " انا الشعر ديره
اعقـل اللـي سكنهـا فيـه طيـش مهبـول"

قالـوا : " اللـي فقيـر يحـب وحـده فقـيـره "
قلـت : " واللـي يحـبّ يحـب وحـده خجـول "

قالـوا : " و ذيـك هـيّ الأولـه والأخـيـره "
قلت : " ما ادري او ادري بس ما ابغى اقول "

" ليـــــــه؟! "

الباب هذا بـاب بيتـك بـس مـا يفتـح عليـه
البـاب هـذا لـو فتحتـه تنفتـح لـيّ الحـيـاه

وانـا وراه احـسّ كـنّ الدمـع تخنقنـي يـديـه
احـسّ كنّـه حـدّ منفـى والـوطـن كـلّـه وراه

صوتك وحشني يا وطن وأحترت وين القاه فيـه ؟!
وأمسيت اغني به وانا اللّي كنت اغنّي لـه معـاه

وحشني صوتك يا وطن وأمسيت اغنّي : ليه ليه
ليه الكلام اللـي نقـول يمـوت فـي سكـة صـداه ؟!

ليـه الدوايـرتنتهـي مـع دربهـا اللـي تبتديـه ؟!
ليه الشوارع ساكتـه والنـاس كـلٍ فـي هـواه ؟!

ليه اليديـن تصـدّ عـن شـيٍ تبيـه وتشتهيـه؟!
يوم العيـون تسابـق الجايـع علـى لقمـة عشـاه

علمّتني في صف " أول حبـك " ان اكبـر سفيـه
اللـي اذا حـسّ بغـلا خلّـه يفـرّط فـي غــلاه

طيّب علامك كل مـا زدتـك غـلا تـزداد تيـه
آهـات والله يـا وطن حتـى ولـو مـا قلـت : " آآآه "

" لاتســـافر "

قلبي له اليـوم ثالـث يـوم موجعنـي
وعيني لها اليوم ثالث تجمـع طيوفـك

والبـال كنّـه علـى دربـك يوزعـنـي
ولسانـي ماكنـه الا خـلـق لحـروفـك

لاالنـوم نافـع ولا التفكيـر نافعـنـي
انام واصحى على الباقـي مـن وصوفـك

بالله قلي شعوري هـذا وش يعنـي
طمنّـي الله يطمـن همّـك وخـوفـك

بيني وبينك ترى اللي صدق ضيعني
ان انت في اخر لقا شارح لي ظروفك

مدري وش اقول لكن تدري اسمعني
خابرك وافـي و أبيـك تتـم معروفـك

ان كنـت نـاوي تسافـر لاتودّعـنـي
بس انتبـه لا تسافـر قبـل مااشوفـك

مـــن تجميعــي أتمنــى تعجبكـــم
أرق تحيـــاتي / خـــوخـــه