الموضوع: غيمـــه حزينـــة دمعهـــا ماكفـــاها

هــل المطــر من غيمــــة المـــزن هتــــان .
غيمـــه حزينـــة دمعهـــا ماكفـــاها .

حسبتهــا مع باقــي الغيـــم له شــــان .
تمشــي وباقــي الغيـــم يمشــــي وراهــــا .

أثــره تسـابق بالآلـــم كل من كـــــان .
تسبـــق دمـــوعة ســرعة(ن) في خطاهــــــا .

وده تلاقـــي ديـــرة(ن) مابهـــا أحـــــزان .
ديــرة فـــرح ماجــاء الحـــزن في سماهـــــا .

وتبعــــد عن ديـــار(ن) بهــا شخص خـــــوان .
بــاع المحبـــه بعـد ماهــو شراهــــا .

بـــاعه برخيــــــص وبـدلــه بــ "أحقــــر إنســان"
ونســى سنيــن(ن) كـــان يركــــض وراهــــا .

نســى المحبـــه والوفـــا كــــان ماكـــان .
وأنكـــر مشاعرهـــا وتجـــاهل غـــلاهــــا .

وعقــب الغـــلا والشـــوووق جــــرح(ن) ونكـــــران .
وعقــب الأمــل يــأس(ن) يقطـــع رجاهــــا .

وخيــــم علـــي الليـــل وهلالهــــا بـــــان .
ليـــلة آلـــــم ماينعـــرف منتهــــاهــــا .

وحسيــت بالغـــربه وأنـــا بـــأرض الأوطـــان .
وصممـــت أخـــاوي غيمتــــي في سمــاهـــا .

وأدور ديــار(ن) بهـــا شـــوووق خـــــلان .
وأنســـى قديـــم الذكـــريــــات وشقــاهـــا .

وأبــدا حيـــاتــي مرهفــــة حـــس،،،وجــــدان .
كلــي مشـــاعـــر صـــادقه فــي عطــاهــــا .

أســـاعد الغيمــه علــى مـــر الأزمــــان .
وأنسيـــه دنيــا العنـــا ومبتـــداهـــا .

وهيـــا تعــاهدنــي عهـــد حيـــل وأيمـــان .
تبقــى معـــي بدنيــــا قليــــل(ن) حـــلاهـــا .

فيهــا المــآســي صايـــره أشكـــال وألــــوان .
والدمــع والحرمـــان زاااااااد بمــداهـــا. .

ونهايتـــي بدنيــا أسرتنـــي بحرمـــان .
حدتنــي بخـــوه غـريب(ن) ثواهـــا .

خــــوة غيـــوم(ن) خيـــر من حـــب سلطـــان .
غيـــوم السمــاء تمطــر علـــى من وفـــاهـــا .

ولا إنت ،،، خـــاااااين بالعهــــد أحقر إنســـان .
حســـافة العشـــره معــــك ياغثــاهـــا .

رح وإبتعـــد مابيــــك مـادمت شيطــــان .
طيـــور السمــاء ترجمـــك وأنا معاهـــــا .

وإن كـان ماصدقتنــــي فــأنت غلطــــان .
علــة ضميـــري مالقينــــا دواهـــــا .

والله لقطـــع قـلب لحبكــــم صـــــان .
وأعلمــــه وشـــلوووون " ديمــــــه " نســـاهــــــا .

وإن قالـــوا إن الحـــب يابنــت سلطــــان .
ألعــــن أبــو نفـس(ن) يــذلــك هــواهــــا .

المــوت أولــى بــك ياقلبـــي من فــــــلان .
عــزتــك فـي مــوتــك وذلـــك رجــاهـــا .

بكفنـــــك ياقلــب وأرســـلك جثمـــــان .
وودعـــك وأدفنــــك بعــــالـــي ثراهـــــا .

يمكـــن يجـــي لــي يـــوم وأكـــون ولهــــان .
أشتــــاق لــك والنــفس تنســى عنــــاهــــا .

وأوقــف علــى قبــرك وأناجيـــــك هيمـــــان .
وأرش دمــع العيــن وأسقيـــك مــاهـــا .

وأرحــل وأكمــل رحلـــة العمـــر ظميــــان .
بنـفس(ن) تعــانــي وذنبهـــا هــو وفــاهـــا .

تخــلص وتـوفــي والنهـــايـــه بخســــران .
بسهـــــم الخيـــانـــه والمــــذله رمــاهـــا .

أخطــت مـــره والجــــزاء كـــان هجـــران .
مابيـــك ياقلبـــي تكــــرر خطــــاهـــا .

وهــذي نهـــاية قصتـــي بيـــوم هتــــان .
وهــذي روايــة غيمتــــي ومنتهـــاهــــا .

والعـــذر كــان أخطــيت أو فيـــه نقصـــان .
وكــل الشكـــر للــي إستمـــع أو قــراهــــا .

والخــاتمــه نصيحـــه لكـــل هيمـــــان .
أتـــرك دروب الحــب وأقطـــع رشـــاهـــا .

من شخــص جــرب والنهـــايـات برهــــــان .
سجـــل معــانـاتـه وقلبــــه رواهــــــا .