الموضوع: تبي ذلي؟!! تهبىآ لا أنت و لا هالوقت يذللني !! للشاعر المبدع ((سالم سيار))

لعلمك و الزمان اللي رماني لك يعلمني
أعز النفس و بصبر الشموخ بدمي ارويهآ


حسبتك من جروح الوقت و الأيام ترفعني
و تحط روحي على كفيك في عز و تداريها



حسبتك راس أكيد الراس للأمجاد ياخذني
ولا فكرت مثلك للوطا عيونه يمشيها



تبي ذلي؟!! تهبىآ لا أنت و لا هالوقت يذللني !!
عيونك للوطا و عيني علىآ القمره اضريها



صحيح الشوق لأوراق الرصيف المر يدفعني
و تفاصيل الحنين هناك في بالي اناديها



و لكن توصل لنشوه غرورك ما تقدرني
تحسبني أرد بأشواق عمري لك و أهديها



غريبه كنت أحسبنك مع الأيام تعرفني
مع إنك تدري اني لا بغيت أعميها أعميها



صحيح إحساسي ضيعني و طيبي حيل بهذلني
و معك لا ينفع الإحساس و الطيبه و معانيها



و إذا في يوم أشواقي تبي عندك توصلني
و من كفوف الوله تاخذ يديني لك توديها



يمين الله و لا لك غير يمين الله تحلفني
إذا نفسي توصلني لمثلك والله ل أفنيها