فزيت له مجنون ثم صحت أناديه ثم قالها ( لبيه ) وطحت بمكاني

**الهوى الغايب** · 27-Apr-2011,08:21 PM

مشتاق أنا أسمع منه اليوم(لبيه)
ودي أعيش بجوها لو ثواني

بس أتلهف كلمته يوم أناديه
وليا نطق(لبيه) طحت بمكاني

أعيش في عينه وأنا (ميت) فيه
في وسط عينه كون من نوع ثاني

فديت خصلة قذلته يوم تذيه
حتى جبينه صار منها (يعاني)

الموت لاجاه الهوى وصار مشقيه
ثم انشغل فيها وأنا (الموت) جاني

ويا ويل قلبي لا بكىآ يوم ألاقيه
عقب البطا لا شفت زوله لفاني

يقول أنا (مشتاق)والشوق يعنيه
وأقول أنا اللي فيك ربي بلاني

وقمنا نسولف عن (هوى) عاش ماضيه
وبعض الكلام إن قيل زلزل كياني

وقام يتمنى قلت أحقق أمانيه
وأثره تمنى (الموت) كانه نساني

يا زين هرجه لا تكلم يغنيه
حتى كلامه صار مثل الاغاني

وإذا أنتهى وقت اللقى قمت أهديه
وأقول لا تعجل ترى العمر فاني

يقول أنا ما أقدر وأعاند وأسليه
من عقبها يضحك ويجلس ثواني

وأزعله ويفز و أرجع وأراضيه
ويقول أحبك والمصيبة أناني

كان اللقى (عشرة دقايق) وأخليه
وصار اللقى (ساعة) وساوت زماني

وراح يتمشى ماخذٍ قلب غاليه
بس يتلفت وبعيونه معاني

فزيت له مجنون ثم صحت أناديه
ثم قالها ( لبيه ) وطحت بمكاني

**لون الغروب** · 28-Apr-2011,06:24 AM

ياخوي هذا الحب وهذي بلاويه
وكم عاشق ن عاش عقبه يعاني
وما عاد في الحب لنا شي نرجيه
الا عذاب وهم وحزنن طواني
وان كان تبي الحل جرحك وداويه
وقووول يا لبيه بعدك كفاني
0000000000000000
لبيه يالهوى الغائب
وتسلم على الكلمات يا ذوق
تقبل مروري المتواضع وكلماتي الغير مرتبه والعذر والسموحه كتبتها وانا مستعجله ابغى اكون اول من يرد على مشاركتك الحلوه 00000
ودمت

**الهوى الغايب** · 28-Apr-2011,12:45 PM

يعطيك العافيه لون الغروب وصح قلبك ولسانك ورد رائع على طرحك يدل على
ذوووقك المميز وشاعريتك المميزه ومانحرم من ابداعاتك المتواصله

**عيون دافئه** · 28-Apr-2011,03:29 PM

يــســلــمــووو

**قمرالجامعه** · 28-Apr-2011,06:07 PM

أعيش في عينه وأنا (ميت) فيه
في وسط عينه كون من نوع ثاني

فديت خصلة قذلته يوم تذيه
حتى جبينه صار منها (يعاني)

يسلم اختيارك وذوقك العذب ياعذب
بجد استمتعت كثيرا وقراتها مرار
تقبل تحياتي

**أوهــــــامَ** · 28-Apr-2011,08:04 PM

يعطيك العافيه علي أختياركـ الراقي
دمت بخير

**الهوى الغايب** · 28-Apr-2011,11:43 PM

اخواتي عيون دافئه وقمر الجامعه واوهام الف شكر لكم على مروركم العذب والرائع
بالتوووفيق

**سموها شامخ** · 09-May-2011,12:31 AM

هنيئا لنا بوح قلبك الرائع وابداع قلمك المتالق
فاسمح لقلمي ان ينثر اعجابي
بين سطور بوحك سلمت يمينك
ودمت بود
مررت من هنا

|

+

|

**الهوى الغايب** · 09-May-2011,12:35 AM

يسلمووو مليووون ولايكفون على مرورك
الرائع وكلماتك الراقيه والمميزه لاهنتي اختي سموها شامخ على شموخ ردك

الموضوع: فزيت له مجنون ثم صحت أناديه ثم قالها ( لبيه ) وطحت بمكاني

LinkBack

أدوات الموضوع

المواضيع المتشابهه

فسخت خطبتها منه فأحرق وجهها بماء النار

{ كنت أضنك . (وطحت) !!

·~-.¸¸,.-~مجنون بحبك مجنون!·~-.¸¸,.-~

نطحة زيدان الشهيرة بعدة اشكال

لعبة نطحة زيدان

المفضلات