الموضوع: عااشق الترااب والطيــن

الى مصر الحبيبة
انا منك
عاشق للتراب والطين
ولو يجلدنى سلطانك
ضريبة عشقى يابلدى
ولو يسجنى سجانك
ولو موتى فدا مجدك
يهون العمر علشانك
ويبقى المجد عنوانك
وهنسج من صمودى حرير لفستانك
وهزرع من ثباتى زهور لبستانك
تهون الروح فدى رمالك
انا عاشق التراب والطين
انا نهرك روانى حنين
زرع فيا شهيد عايش
ومستنى بقى له سنين
شوق لشهاده فى عنيكى
ده حلم سنين
ويتقال فى التاريخ اسمى مع اسمك
ده مجد كبير
انا عاشق تراب ارضك
وطين نيلك
انا شاعر نجوم ليلك
باغنى لك
هيرجع كل شىء ليكى
قصور المجد ترجع لك
وسحر الكحله لعنيكى
هاغير كل شىء فيكى
وتكبر شجرة الاحرار
تخضر كل اراضيكى

انا ثاير باشواقى

عشان مجدك
انا هاين على روحى
ولا تروحى
و ارمى بروحى وسط النار
ولا تنوحى
ولا تبكى عيونك يوم
ولايعكر صفا نيلك
عتاب ولا لوم
ولاتقولى فقدتك شاب ياولدى
وودعتك فقير مظلوم
انا راضى مادام العدل ياعمرى
صبح حاكم
مادام الحكم يابلدى صبح محكوم
ترابك لما يحضنى
يكون عادل بحضن حنون
ينصبنى على ربوعك
شهيد مفتون
انا لترابك الطاهر
كقيس ليلى بقيت مجنون
انا عاشق التراب والطين
وليل ونهار
انا ثاير
وعشقى فى ثورتى جبار
هجيب مهرك
هصون عرضك
وتبقى عـ الدوام عايشه وطن احرار
تلمينا فى احضانك
ونزرع حلم فى غيطانك
ويطرح حلمنا ثوار
تصارع ظلم سجانك
وتكسر كرسى سلطانك
وتتحرر من الطغيان
وتكسر خوفها وتجى لك
تنور تبقى قنديلك
وترمى زنوبها فى نيلك
وتبقى كالملاك ابرار
جموع ثوار
تضميها وتحميها
تغير فيكى بايديها
وتمسح من عليكى العار
تلاتين سنه
سنين الذل محفورة على هرمك
نبات القهر شيطانى على ارضك
تجاعيد الهوان باكيه فوق خدك
تلاتين سنه
كان بيحكمنا الهوان
كنا نيام
تلاتين سنه وانتى اسيرة سيف جبان
واحنا صغار
وكبرنا فيكى بانكسار
وعصابه تسرق مننا
احلامنا فى وضح النهار
نهبوا فى خيرك
سجنوا صغارك
قتلو الحلم فى كل شبابك
باعوا ترابك للمستثمر والسمسار
تركو ا ديابا تنهش لحمك
هربوا وسابوا حراسة مجدك
زرعوا لصوص بالليل فى شوارعك
فتحوا سجونهم للاشرار
امن الدولة وحسنى مبارك
والداخليه وحزب العار
عبرة ودرس لكل الخونة
شعبك لما يثور جبااار
مصر يا اجمل مافي الدنيا
وعد نصون مجدك ثوار
وعد نكون لترابك فدوة
وعد نكون لعدوك نار

كلمات : سوينج فاير

---

uhhar hgjvhhf ,hg'dJJk