رواية سوالف بنات

[# بنت عتيبة #]

سوالف بنات
بقلم : مفتونه بعيونه

الفصل الاول { بدايـــة .
تبدأ قصتنا مع في سنة 2005 التاريخ 19\ 1 الساعة 6:35,,,
طااااخ الباب ينطق بقووه وفجأه تفتحه وحده بدفاشتها المعتادة واتقول : شعول ووجع قومي جوفي جم صارت الساعه يعني ماتبين اتقدمين الامتحان من راح يقدمه عنج يلا قومي مللتيني
شعول : اووووف انتي شتبين يلا اذلفي برع .
شيخه : انا الغلطانه اني يت اوقضج صج مالت عليج ماتستاهلين اوف منج
وطلعت من الغرفه نفس الدفاشه اللي دشت منه وصكت باب الغرفه بالقوو
مشاعل : قطييعه تقطعج امحق اخت والله
وفي نفس هاللحظه رن تيلفون مشاعل بس بنغمه خلتها اتقوم واهي مستانسه
: صباح الخير
مشاعل : صباح النور والسرور هلا والله بقلبي وبعمري وبحياتي اي هاي الصوت الواحد يستانس لي صبح فيه
: واي كل هاي لي ماقدر
مشاعل : اذا ماقلت هالكلام لحبيبتي لطووف لمن اقول
لطوف : فديتج والله ,, حياتي يلا عادي ترى انا وصلت المدرسه قومي عااد متى بتوصلين
مشاعل : اوك حبي انا الحين بسرعه بقوم وببدل وباي لج بسررعه
لطوف : اوك خلاص سي يو اهناك
صكرت منها وعلى طول قامت اتبدل توها مستوعبه انها متاخره .
لي ماتبدل شخصيتنا لمحة بسيطية عن شخصيتها {مشاعل عمرها الحين 17 سنة طويلة طولها 170 ووزنها متوسط وحلو مالمح وييها بارزة وكيوت نوعا ما وستايلها بوي >> ووع وشعرها طبعا قصير حده صفاتها ماتحب حد يتحكم فيها غير مبالية مو مهتمة باللي حولها بس طبعها انها طيوبه وحليووه للي يعرفها } .
نزلت تحت عشان تتريق جافت اختها شيخة ويا امها قاعدين يتريقون
مشاعل وبدون نفس : صباح الخير
شيخة :- يه يه توج شرفي وانا صار لي ساعة قاعده اوقضج
مشاعل : اوف اقول فارجي مالي خلق لج ولا لكلامج الفاضي خذت لها سكوفي واطلعت وراحت واركبت يم الدريول
ف البيت شيخة واهي حدها معصبة : يمه جوفيها ولا جني اكبر منها اتعاملني جني اصغر عيالها هاي يزاتي عشان وقضتها للمدرسه
الام : شسوي لها يمه والله اني ماقدر عليها احس انها مرات ريال تعبت ماقدر عليها بروحي طاحت دمعة حارة من عيونها وعلى طول مسحتها وراحت غرفتها
شيخة : اوهوو كل واحد في هالبيت عايش بهواه اروح جامعتي ابرك لي من هالغث
لبست شيلتها واطلعت وراحت لسيارتها
لمحة عن شيخة { اخت مشاعل الكبيرة عمرها 19 سنة وتدرس في جامعة قطر سنة ثانية اعلام اما على شكلها ويهها وايد طفولي حلوه , ماتحب اتحط ميك اب وايد على ويهها مجر اي لاينر وكحل وقلوس شخصيتها وايد بسيطة عادية جدا وايد اجتماعية وحبوبة }
انروح للمدرسة
وفي المدرسة وصلت شعول لباب المدرسة الكبير الا واتجوف نص البنات ياين يسلمون عليها شي طبيعي منهم
بعد ماسلمت على طول راحت لشلة اتسلم عليهم
شعول : السلام عليكم اخباركم ؟
الشلة : وعليكم
شعول : اشفيكم ؟ شكلكم متصرقعين من امتحان اليوم
وحدة من الشلة : اي الامتحان موت صعب بالذمة قولي اشلون كان معاج
شعول : نورو من صجج تافه يبه طقعي وقدمي اهم شي ناجحة ولا راسبة
نورة :يه يه شكلهم بعض الناس دارسين ويبون يخربون علي
عالعموم انا طالعة ابي اخذ نسبة اوك هالسنة شهادة مب لعبة
وراحت واقعدت بزاوية بروحها عشان لا يزعجونها
شعول : حمدالله والشكر ناس استخفت
البنات اضحكوا عليهم .
وفجاة اتي وحدة من ورى مشاعل واتحط يدها بعيونها وماسكة ضحكتها
مشاعل : اقول لطوف ماتيوزين عن سوالفج
الا ويزيد ضحك البنية
مشاعل :- لطوف حياتي يلا عاد
الا واتيرها من يدها واتقعدها في حظنها
واتجووف { هيا بنت جيران شعول ويا بعض من يوم واهم صغار
واهم وايد كلوز بس هيا ماتدري انها ان شعول لها حركات ثانيه على نياتها وايد غشيمة}
هيا واعيونها مبققة واطالع شعول مستغربة من الحركة اللي سوتها
شعول : وووي هيو اشفيج متخرعة
هيا : ها ولا شي ,, انتي محد يتغشمر معاج الظاهر
شعول واهي تضحك : اشفيج يبه طلعتي لي من ورى شتتوقعين
هيا واهي مبوزه : خلاص ماراح اتغشمر معاج وقامت بسرعه
شعول : لا لا اشفيج ,, زعلتي مني سوري ماكنت ادري ان هاي انتي
هيا : لا خلاص حصل خير وتمت تضحك على شكل شعول ان ويهها كان جدي
شعول : اذلفي انتي بعد ماعندج سالفة ,, الا صح اقول اشرايج انروح السيتي باجر لان اخر يوم
هيا : اوك بس ويا من
شعول : ويا الشلة اكييد
هيا : اتعرفين امي مابتخليني اطلع الا ويا اختي ماقدر سوري بس ابي اروح
شعول : افا عليج انا اكلمها بقول لها ماراح تطلع ويا غريب خخخخ
هيا : اوك اليوم تعالي بيتنا وتغدي معنا وكلميها
شعول : ان شاءالله
وراحت على طول اتبلبغ باقي الشلة على ان هيا بتروح معاهم
فاطمة : اوف ليش راح اتي معنا مادانيهم واايد مليغة
نورة ويت من بعيد : شنو هيو ماغيرها بتي معنا الااي وناسة
وانتي ليش مادانينها والله حليووة
شعول طالعت فاطمة بنظرة يعني جب ولا كلمة
فاطمة واهي معصبة قامت
مها : حرام عليج مايسوى عليها قالت جي
شعول : خل تحترم نفسها وتنجب اشلون اتقول عنها جي
مها : خلاص انا بروح بكلمها
يت لطوف وجافت ان الكل معصب
لطيفة : اشفيكم ؟
شعول قامت خلاص انا بروح ادرس
لطيفة ومستغربة : ماعندكم سالفة خلوني ادرس انا بعد
في هاللحظة مها قاعده يم فاطمة اللي شوي وبتصيح
مها :لحين منقهره منها,, خلاص انسي
فاطمة : لا بتجوف ماراح انسى لها ويستغربون ليش مادانيها
مها : الله يستر ,, معلية الحين ادرسي وباجر بنجوف شسالفتها
وفي جامعة قطر
شيخة شيخة وحدة اتنادي من بعيد
التفت شيخة ومستغربة
الا واتجوف وحدها ويهها مب غريب عليها وصوتها مالوف
ياترى من هاي .

بنجوفها في البارت الياي
واتمنى ان القصة اعجبتكم
وان شاءالله الاحداث راح اتصير وايد اروع

---

v,hdm s,hgt fkhj

[# بنت عتيبة #]

الفصل الثاني
ليتني ماعرفتج.} ~
لفت شيخة على الصوت اللي كان يناديها جافت وحده اتعرفها مالوفه عليها بس ماتذكرتها عدل
: شيخة انطريني اشوي ابي اكلمج
شيخة وقفت وقالت لها : هلا
. : اهليين ,, شكلج ماعرفتيني
شيخة ابتسمت لها وقالت : لا آسفه اختي اعذريني ماعرفتج
ضحكت البنية : حرام عليج مامدى لج تنسيني ,,, انا لولوه كنت معاج في الاعدادي وبعدها كنت معاج في اول ثانوي بس في ثاني غيرت المدرسة حتى اذكر انج كنتي تمشين مع علية وجواهر
شيخة تمت اطالع البنيه واهي اتقول كلامها. الا مره وحده تذكرت البنية اشلون كانوا ربع وكانت ويا ربعها اضحكت على طول حظنتها قالت : والله وحشتيني يالدبه
لولوه : امبين اني وحشتج حتى اسمي متذكرته
شيخة : اسفه والله امسحيها في ويهي مادري اشلون طلعتي من بالي ,, والله ذكرتيني بالشله ايام لا تنتسى
من يوم قالت ايام لاتنتسى على طول اسرحت وتذكرت شي {لولوه كانت ويا ربع شيخة وكانت رفيجتها بس ماكانوا وايد ويا بعض واخر مره جافوا بعض صار بينهم موقف خلا لولوه انها تنقل من مدرستها وكان الموقف :ان الربع اقعدوا يلعبون الحقيقة والجرأة عاد في هاللعبة الفضايح تطلع المهم طلع الدور على لولوه واختارت سؤال وكان سؤالها اذا اهي علاقة باحد من الشباب البنات كلهم قالوا احنا كلنا ربع والربع مايخشون عن بعض شي اهني احمر ويه لولوه ,, وبكل عفوية قالت شيخة : ها لولو اعرفه هالشخص
واهني لولوه انحرجت ماعرفت اترد واطلعت من اللعبة
بعدها الحقتها شيخه على طول واسئلتها
شيخة : لولوه اشفيج هاي نهاية اللي يحبون واغمزة لها
لوولوه بصوت واطي : اذا قلت لج احلفي 5000 مره انج ماراح اتقولي لاحد
شيخة :افاا عليج ماطلبتي شي ,, انزين قولي لي تراج حمستيني
لولوه وماقدرت تتحمل على طول قالت لها واهي متحمسه : اهو واحد مشاء الله عليه كل الصفات اللي ابيها موجودة فيه ,, واهو بنظري كامل والكامل لله ,, بس بعمري ماجفت انسان نفسه ,, عزيز النفس ,, مايرضى علي بشي,, ويخاف علي اكثر ماابوي يخاف علي ,, واهو ناوي ان شاءالله يتقدملي بعد ماخلص الحين ثانوي وعلى طول بيخطبني ,, شيخه وتمت اطالعها بنظرات اعجاب وقالت لها : الااي يحييج والله,, ان شاءالله ربي يرزقني بواحد نفس جي قولي اميين
لولوه : بل كليتي ويهي , اميين يارب ,, انزين يلا قومي خل انروح لربع ترانا تاخرنا عليهم
بعد هالسالفة باسبوع اهلها دروا بالسالفة انها اتكلم واحد ودروا من بنت خالها الي كانت وحده من اللي كانوا يلعبون اللعبة مع ربعاها بس اهي شكلها مانتبهت في ذاك الوقت ,, يوم اخوها درا على طوول ضربها وخلاها اتجوف كل انواع الضرب ,, ومن هاالضرب اللي كلته من اخوها دشت المستشفى وتمت في غيبوبه وصحت منها بعدها بشهرين ,, وهالشي اثر بدراستها وخلاها اتعيد اول ثانوي,,غيرت مدرستها لانها ماقدرت تتحمل نظرات البنات ,, وطبعا يوم درى اللي كانت اتكلمه بالسالفه على طول شرد ولا كانه مسوي شي ونسى الكلام اللي قاله لها بانه راح يتزوجها ,, اهني لوولوه تحطمت ماقدرت تتحمل وعلى طول قطت السبه على شيخة لانها الوحيدة اللي قالت لها السالفة ,, لكن شيخة ماكان لها يد بالشي اللي صار لها ,, بس لولوه مقتنعه انه شيخة الي تكلمت,, والى يومنا هذا تحقد عليها }

.
.

شيخة : لولو اشفييج سرحانه ,, وين رحتي ,, اكييد حد ماخذ عقلج
لولوه وتوها مستوعبه انها معاها : اسفة بس سرحت بشي ,,والله مهمومه بهم الدراسة وكل شي شاغل بالي
شيخة : الله يوفقج يارب ,, الا ماقلتي لي اذكر يوم كنا باول ان في حد كان راح يتقدم لج وكنتي ميته عليه
لولوه وباضطهاد : تقدم لي بس انا رفضته لان كنت اصغيرة وكنت ابي اكمل دراستي >>بينها وبين نفسها {اونه ماتدرين شصار اكييد تبين تتشمتين بعد اللي سويتيه فيني ,, والله لوريج لخليج تكرهين نفسج وتحتقرينها }
شيخة : الله يوفقج ,, يلا عاد خلينا نمشي , اشرايج انروح الاند نتريق نتذكر ايام اول ,, وحشتني هالايام .
لولوه : اوك خلاص تم, يلا مشي ياحلوه ,, اجوفج محلوه
شيخة واهي تضحك : لا محلوة ولا شي اتجاملين بس ,,,
ومشوا رايحين المواقف .

.
.

في المدرسة
في هذي الاثناء البنات اطلعوا من الامتحان والكل كان خايف على نفسه من الرسوب لانه كان صعب وايد
مشاعل واهي طالعه من اللجنة :ووجع الله ياخذ اللي سوا الامتحان ولا يوفقه دنيا ولا اخره
هيا واهي كنت مستانسه : حراام عليج الامتحان كاان مااي مادري ليش تعبت عمري ودرست له
مشاعل : شنو شنو سهل من صجج
هيا : اي واشفيج والله كان سهل ,, احم هاي نهاية اللي مايدرسون يطلعون من الامتحان ويلعنون المدرسين ,,, وغمزة لها يعني الكلام لج
مشاعل : اقوول انا الغلطانه لاني قاعده اكلم بو حمص
لطوف ويايه من بعيد وبصووت عالي : انااا راااااااسبه ,, وشاقه الحلج
مشاعل : اية علييج ومفتخرة خخخخ
لطوف : الحياة حلوه ,, طنشوا يالربع وانسوا
مشاعل : اي والله على قولتج ,, فديت الرايقين بس
لطوف : لا ماقدر ,, ويهها صار لونه احمر ,,, يرتها مشاعل من يدها وراحوا واقعدوا في مكان بعييد ومنعزل وبروحهم
هيا ومستغربه من اللي صار : اشفيهم ذيلا مب صاحين
نوره ويت من ورا هيا : اجوفج ينيتي اتكلمين عمرج
هيا : بسم الله وانتي من وين طلعتي طيحتي قلبي
نورة : يت لج من السما خخخ ,, قومي خل نتمشى
هيا : ياخفة دمج يلا معليه

وفي هاللحظة كانت اهناك نظرات تمت اتلاحقهم من ورى وعيونها متركزة على هيا واطالعها بكل حقد << اكيد عرفتوها فاطمه ماغيرها
مها : فطووم اشفييج سرحانه وين راح فكرج
فاطمة : ها شنو لاا ماراح مكان معاج
مها : امبين ,, وقامت واهي معصبة لان صار لها ساعة اتسولف واهي مطقعة ومشت وراحت صوب نورة وفاطمة
فاطمة : ااوووف الكل قام اشوي اشوي يكرهني ,, ويروحون عندها ,, ياربي شسويت بدنيتي عشان الكل يحبها ويكرهني . وتمت اتصيح بحرقة بس محد دااري عنها

وخلص الدوااام وكل واحد راح بيته وهيا راحت ويا مشاعل كالعادة لانهم جيران ويروحون ويردون مع بعض



في السيارة
هيا : نفس ماتفقنا انتي بتتلكمين عني ,,, اووه يارب بس اتوافق
مشاعل : يه واشفيج ,, اكييد بتوافق دام الشيخة مشاعل اللي مافي منها بالدنيا راح اتكلمها اشلون ماراح اتوافق
هيا : اوهوو بدينا بالذل .
مشاعل : ياخي مافي شغله ببلاش خخخخ

ووصلوا البيت

وفي بيت مشاعل واهلها
ام مشاعل واهي في غرفتها وصاكه على نفسها الباب قاعده واتفكر بحياة عيالها اشلون عايشين افكار اتيبها واتوديها ,,
واتقول في نفسها :آآه لو الحين الله خذ عمري عيالي شبيصير فيهم حمد كله لاهي بسفرات وشغل ابوه ,, مشاعل الله العالم بحالها اشلون بلحق عليها قبل لا تضيع آآه ربي يهديها ,, واقعدت اتصيح على عيالها اللي كل واحد هامته دنياه ,, الا بنتها شيخة اللي دووم اتحافظ على صلاتها واتحاول قد ماتقدر انها تتقرب من اخوانها ,, اقعدت تدعي لها من قلبها ان الله يوفقها ويحفظها من بنات وعيال الحرام ,,,
عيلة بو حمد تتكون من
بو حمد : {تاجر وعمره 43 سنه تزوج واهو صغير ام حمد واهو عمره 18 سنه ,, واهو دووم منشغل في تجارته واعماله ولا داري عن عياله ومعطيهم مطلق الحرية}
ام حمد :{ ربة منزل ,, وتزوجت ولد عمها اللي اهو بو حمد ,, بعد مايابت مشاعل اكتشفت ان عندها ورم في مخها يروح ويرد مع الوقت وهاي اللي متعبها ومخليها اتسافر كل فترة عشان تتعالج منه ,, وبعد هالشي مخليها تبتعد عن عيالها واللي حست في هالشي اخر فتره }
حمد :{ اكبر عيالهم ,, عمره 24 متخرج من جامعة قطر بتخصص ادارة واقتصاد ,, وهاي اللي يخليه داري بامور واشغال ابوه وهالشي طبعا خلا ابوه انه يهتم بمعظم اعماله ودووم يطرشه لسفرات عشان شركة ابوه}
وشيخة عرفتكم عليها اهي الوسطانية بين اخوانها ,,, واتي بعدها مشاعل اخر العنقود اللي ابوها مايرفض لها طلب

نرد لقصتنا
وفجأة بنطق الباب
ام حمد : مين
: ماما يبي غدا ؟
ام حمد : لا مايبي غدا اذا يا بو حمد جهزي له انا بروح انام
الخدامه : اوك ماما




انرروح عند هيا ومشاعل الي وصلوا البيت طقوا الجرس ,, وبعد اقل من دقيقه افتحت لهم ام فيصل الباب
هيا : هلا يمه ؟ شخبارج ,, توج قاعده
ام فيصل: اي والله ومشت وخلت الباب مفتوح وماجافت مشاعل
دشت مشاعل ويا هيا وراحت ام فيصل اتجهز الغدا
هيا : يمه مشاعل معاي وبتتغدا معانا سوا لها حساب
ام فيصل : وينهي مشاعل ماجفتها
مشاعل : خالتي شخبارج ,,من زمان ماجفناج
ام فيصل : حيالله شعوله ,, انا الحمدالله تمام ,, اعذريني يمه ماجفتج ,, خبرج الكبر شين والعيون تكبر مع الوقت
مشاعل : لا عادي يمه اخذي راحتج
هيا :انزين يمه احنا بنروح فوق حجرتي
ام فيصل : ان شاءالله لو بغيتوا شي قولوا لي وانا حاظرة
هيا : تسلمين يمه,,, وراحوا فوق عند حجرت هيا دشوا واقعدوا يسولفون لي مايا وقت الغدا
في الغدا ,, الكل مجتمع
ام فيصل ,, واخت هيا الكبيره شهد { عمرها 25 واايد معقده على قولة هيا ,, وكله اتغار منها واتعامل هيا جنها ولاشي لانها احلى منها اما على شكلها اهي واايد عادية , وتشتغل في البريد }

وبعد اختهم الوسطانية شيما{ عمرها 19 كبر شيخة رفيجتها الروح بالروح ,, وايد انطوائية ,, ومالها شغل باحد وماتتدخل في امور غيرها,, وماتتحمل المسؤولية }

اما فيصل : اخو هيا اللي اهو اكبر من شهد { دووم لاهي بنوادي وكله من شغله لبيته ولربعه}
وطبعا مشاعل قاعده بينهم جنهم عيلتها ,, اما على اخو هيا بالنسبة لها فجنه واحد من الربع
هيا واهي مترددة وفي يدها القفشه : يمه ابي اقولج شي بس ابيج اتوافقين عليه
ام فيصل واهي مو مهتمه : قولي لي الشي شنو بالاول عقب بقرر
هيا وبنفس التردد : انا ابي اروح الستي ويا مشاعل ورفيجاتها لان اخر يوم باجر وابي اطلع معاهم ,, يمه بلييز وافقي
ام فيصل : اخذي اختج معاج وخلاص
هيا وبدت اتعصب : يمه شهد ماتحب تتطلع معاي احسني لي طلعت معاها تتفشل مني ,, اما شيووم ماعندها مسؤولية واتملل مابيها
هيا وارفست مشاعل من تحت الطاولة
مشاعل : خالتي تكفين خليها اتي معانا ولا مره يت معاي بروحها يعني ماتأمنين بنتج معاي ؟
ام فيصل : لا يمه انا أأمن بنتي عليج بس مأأمنها على الناس
مشاعل : انتي بس خليها اتي معاي وماراح يصير شي واحنا ان شاءالله بنرد من وهل يعني اكييد ماراح يصير شي
ام فيصل : خلاص ان شاءالله روحوا مع اني مو مطمنه لهاي الطلعه
هيا واهي مب مصدقه : نقزت مره وحده وعلى طول حبت امها على راسها ,, تسملين يمه وربي لا يحرمني منج
شهد واهي منقهره : يمه ليش جي مايصير
هيا : اف مشكله المنقهرين ,, وقامت وراحت حجرتها على طول
شهد : الله يهديج ,, ليش مخليتها على راحتها
مشاعل مستغربه من كلام اختها شهد على طول قامت ولحقت هيا
طقت باب الغرفة بس محد رد عليها دشت الغرفة جافت هيا واهي اتصيح
على طول راحت لها : هيو اشفييج ,, قولي لي
هيا والعبرة خانقتها : شسوي بنفسي يعني انتحر ,, جوفي شهد لحد الحين منقهره من ذيج السالفة ,, جني انا اللي قلت له يتقدم لي
مشاعل واهي منصدمه .: عن شنو قاعده تتكلمين
امسحت عيونها : اسفه شعول والله ماكان ودي انكد عليج ,, بس هالقعدة في هالبيت ماقدر اتحملها
مشاعل : ليش يعني
هيا : تذكرين يوم رحنا العرس وغبت من لمدرسة اسبوعين
مشاعل : اي اذكر ورديتي المدرسه وويهج كان كله مشمخ خخخخ من قطوتج المب صاحية
هيا ودنعت براسها : يوم رحنا العرس يت وحدة وجافت اختيوطول العرس ماشالت عيونها م اختي ويوم ردينا البيت توقعنا انها راح تخطب شهد لولدها لان في العرس اقعدت تسال عن عيلتنا وحالة , بعدالعرس بيومين زارتنا ذيج العيوز ويا وحده ثانية ,, اطلبوا يجوفون شهد ,, يوم جافتها العيوز قالت: انا ماكنت اتوقعها جي ,, هاي مب اهي اللي ابيها ,, وينها الحلوه الل كانت لابسة فستان احمر وكانت قصدني بهالكلام
يوم قالت هالكلام ,, اختي ماقدرت تتحمل ,, دشت غرفتي وبغت تذبحني عشان جي كان ويهي مشمخ ,,مادري من ذيج الساعة واهي تكرهني مااداني اتجوف ويهي ,, حتى من البيت ماتخليني اطلع منه الا بعد طلوع الروح ولا لازم اختي شيوم اتكون معاي عشان اقدر اطلع
مشاعل : كل هاي فيج وماقلتي لي ,, افاا جنى احنا مب ربع ,, الله يسامحج زعلت منج الحين
هيا وبيأس : اسفة ماقصد ,, وردت اتصيح

تموا جي ويا بعض ,, لي خذهم الوقت وصارت الساعة 9 العشا
مشاعل : اوبس السعة 9 والله وخذانا الوقت وماحسيت
هيا : اي والله ,, اوبيه مادرستي شي يلا قومي خل ندرس
مشاعل : فديتج والله اتفكرين فيني قبل ماتفكرين في نفسج
هيا : خخخ انا دارسه المواد كلها قبل الامتحان باسبوع ,, الدور عليج يجارة
مشاعل : وووي يعني انا اللي مب دارسه ,, عيل بروح البيت خل الحق اسوي لي براشيم
هيا : من غش فليس منا<< وبوزت
مشاعل : خخ شسوي مضطره يلا بايو بروح بيتنا

وراحت تحت عند الميلس واتصلت . ودقايق وسيارتهم برع البيت




.

بيت مشاعل .
ردت مشاعل بيتها واهي حدها تعبانة واهي ماشية في الممر . مشاعل وين كنتي
بدوون ماتلف ردت عليها : مالج خص ومره ثانية لا تسئليني عن مكاني ولا تسوين روحج مهتمة فيني
ام حمد : شعول يمه الله يهديج اشلون ماهتم لج وانتي عمري وبنتي ,, يت لها من ورى ومسكت جتفها
وبحركة سريعة من مشاعل نزلت يد امها بقو : لا تجذبين بعمرج ماسئلتي عني ,, اقول مالي خلق لج ولكلامج الفاضي ,, بروح غرفتي ابرك.
وخلت امها بدموعها
مشاعل صكت باب غرفتها ومتضايقة:اتسوي روحها مهتمة الحين تذكرت اني بنتها
انا شمخليني افكر بهالغث خليني اتصل بفطوم عشان البراشيم

ان شاءالله هالبارت نال رضائكم
وان شاءالله في البارت الياي الاحداث بتتطور

[# بنت عتيبة #]

الفصل الثالث
وناسة}.~

وجا يوم الخميس بعد ترقب . لانه اخر يوم امتحان والكل مشتط وقاعد من وهل ,,
مشاعل وقاعدة من النوم من وهل الساعة 6:16 ,, انزلت تحت الصالة وجافت ابوها وامها قاعدين يتهاوشون
ام حمد : بو حمد ارجوك اسمعني ,, خلي شغلك جم يوم وافضى لعيالك اشووي
بو حمد : يابنت الحلال تراهم كبار وما ناقصهم شي ,, وشله اقعد في البيت ؟
ام حمد : يعني جوف مشاكلهم وشناقصهم يعني اي شي بس فيدهم
بو حمد : وولي ترى ماني بفاضي لهاي الكلام اروح شغلي ابرك ,, وطلع من البيت واهو قاعد يتحلطم
مشاعل وفي نفسها { صج انها متفرغه لازم ادور شي عشان اتنكد علينا آه متى بفتك منها }
وردت وراحت حجرتها عشان اتبدل واتروح السكول
في هالاثناء
كانت شيخة في حجرتها وقاعده تتكلم بالجوال وحدها مستانسه :والله لولو ماحسيت بالوقت معاج تدرين الساعه صايره جم ??
لولو : ادري ,,خلاص ترى بتشقق
شيخة : يايمه الحين الساعه 6 وانا وراي محاظرة
لولوه : شلج بالمحاظرات وعوار راس ,, اليوم تعالي نتغدى برع وخل نستانس ,, ترى عندي لج مفاجأة حلوووة
شيخة : ومحاظرتي ,, انا يوم كنت اتعب كنت اداوم غصبن عن ويهي الحين وشله اغيب
لولوه: معليه الا يوم واحد ,,, كل ماكلمج ما امل يلا عاد بس اليوم تعالي معاي تكفيين !!
شيخة : امم اوك بفكر وبرد لج خبر
لولو : اوهوو تراج ذليتينا مايسوى علي
شيخة خلاص اوك برقد وبعدين لي قعدت بنروح المول
لولو : اوك يلا بايو حبي
شيخه صكرت منها التلفون وعلى طوول رقدت ماصدقت , وسكرت عيونها بعد السهر مع لولوه



في المدرسة . وبعد الامتحان
لطووف : ها حبي شسويتي بالامتحان سهل ولا صعب
مشاعل : سهل افا عليج فديتها فطوم سوت لي براشيم وكل الاجوبة خذته منها
فاطمة : كح كح حاظرين
في هالاثناء نورة يت من بعييد : بناات بقول لكم خبر خطييير وفرش توه نازل
لطيفة وبلقافة : شنو شنو بسرعة قولي
نورة : احم جم بتعطيني ,, مافي خبر ببلاش
لطيفة : اوف خلاص مابي اعرف منج شي
نورة : خلاص بقول . تذكرون يوم قدمنا امتحان التاريخ اللي كان امس صح كان صعب
الكل وباكتئاب : اي اي
نورة : اليوم قالوا بيحطون درجات زيادة ومادري شنو المهم بيرفع معدلنا
مشاعل : الحين هاي الخبر ,, صج ماعندج سالفة ولا كانت تبيه بفلوس ,, اقلبي ويهج بس
نورة : ماتستاهلون اخبار , اي وبسألكم متى بنروح الستي اي ساعة
الكل طالع مشاعل لانها اهي اللي اتقرر .
مشاعل : اممم الحين لي ردينا البيت وغيرنا وريحنا ساعة تقريبا بعدها بنروح
الكل : اوك
وبعدها خلص الدوام والبقية راحوا بيوتهم

.
.

في بيت نورة
ام نورة : نورة ,, نورة وينج يمه
نورة : هلا يمه دقايق وباي لج
لبست عباليتها وحطت ميك اب خفيف واطلعت من غرفتها ونزلت وراحت عند امها
نورة : هلا يمه اشبغيتي
ام نورة : وين رايحة ,, وشنو هاي اللي حطيتيه على ويهج ؟
نورة : ها ولا شي ,, بروح ويا رفيجاتي الستي وبرد بسرررعه
ام نورة : الله يهديج يمه ,, ليش ماقلتي لي من زمان لان كنت بقول لخوج وبساله {نورة عندها اخو واحد ,,اسمه محمد وهو اخوها الكبير يتحكم فيها عمره 29 سنة وماسك شغل ابوه بعد ماقطه في رميلة وطبعا كل يوم يذلها بالطلعة بينهم طول الوقت هواش x هواش}
نورة واهي مقفلة : شنو وليش تستاذنين منه ,, اهو من يكون , ادري انه اخوي بس ماله السلطة انه مايخليني ,, مالت على هالبيت
واطلعت من الباب بسرعه وصكته بقووو
ام نورة : الله يستر

.
.

وفي بيت فاطمة
فاطمة : يبه يبه ,, ابي فلوس لان ابي اتغدى وادش السينما ويمكن اشتري اشوية اغراض
ابو جاسم : بنتي والله اني مففلس لو عندي شي بعطيج اياه ,, اسئلي اختج اذا عندها
وعلى طوول قامت ركض وراحت عند اختها الكبيره جواهر
فاطمة : جوجو عندج فلوس والله حالتي صعبه والربع يبون يطلعون معاي وابوي ماعطاني شي ,, تكفيين عطيني بس ولو ع الاقل 50
جواهر : سوري ماعندي ولا ريال
فاطمة : بليز بعمري ماترجيتج ,, يلا عاد بس 50
جواهر : تدرين انه لحين مب اخر الشهر نطري 10 ايام وراح ينزل
فاطمة والعبرة خانقتها : خلاص مشكورة مابي وراحت حجرتها وقامت اتصيح
دفت امها عليها الباب ,, بس محد رد عليها , دشت وجافت فاطمة واهي اتصيح ومنسدحة على سريرها
امها : معليه ,, ان شاءالله وضعنا راح يتحسن واخوج جاسم رح يشتغل وكل شي تبينه راح يوصلج تدرين من يوم ابوج خذ تقاعد وفلوسه كله اتروح على الايجار واختج فلوسها ماتكفينا فراعي الظروف شوي.
فاطمة : خلاص مابي شي
امها : خلاص ولا تزعلين مايهون علي اجوف دمعة من عيونج يابنتي
وطلعت من يدها فلوس وعطتها لفاطمة
امها واهي اتقول باذن فاطمة : شوووش لاتقولين لاحد اخاف عقب اتوهق لي دروا
فاطمة وعلى طول شقت الحلج : فديتج يمه وربي يخليج لي ,,, واقعدت اتبوسها


.
انروح عند بيت هيا
هيا كانت تلبس اكشخ ماعندها واكشخ عباية ,,, وحطت ميك اب خفييف مب واضح ,, واهي قاعده اتحط الكحل
شهد دشت غرفتها واهي معصبة وعلى طول مسكت يدها بقوو : شنو هاي اللي بويهج ,, لاي غرض حاطته ,, تبين نص اللي في الستي يلاحقونكم , صج انج مو متربية عدل يبيلج تربية من اول ويديد
هيا وبكل برود : اقول هديني لاصرخ واناادي ابوي ,, وتراه راقد واكيد بيعصب عليج
شهد وزاد قهرها : عبالج بخليج تستانسين بطلعتج ,, ماراح اخليج ,, واي نسيت اقولج عدلي البيت قبل لاتطلعين ,, ولا تبين تتهربي
هيا : خلاص عادي بعد اشوي بسويه وبخلصه ايزي
يوم قالت جي راحت حجرتها واهي منقهره حدها .
بعد الاعدادات لطلعة
صارت الساعة 1و10
والشلة بالستي
.
.

فاطمة وعند البوابة : وينكم ؟
مها : احنا فوق عند لمطاعم عند ناندوز
فاطمة : خلاص اوك دقايق وبوصل
اركبت الايسكليتر وراحت فوق عندهم ودشت داخل ,, جافت كلهم موجودين
مشاعل : فطوم اخر الواصلين كلعادة
فاطمة : شسوي ببعد حن طويل اخوي رضى يوصلني
مها : افاا واانا وين كنت ؟ ليش ماقلتي لي في ثانية كنت راح ايي لج
مشاعل : جفتي اشلون الكل يتسابق بس عشان يوصلج ,, وطلعت لها لسانها
فاطمة ويهها صار طماط : فديتكم والله ,, تسلمون
.

ومضت تقريبا ساعة والبنات يسولفون وخذهم الوقت وخلصوا اكل
نورة : يلا قوموا بسكم زط خلونا نتمشى اشوي عشان الاكل يتهضم عدل
وكللهم قاموا وراحو السينما
يوم راحوا عند الفلبينية عشان يحجزون
فاطمة افتحت بوكها وكانت وراها هيا كانت سرحانة كالعادة ,, المهم افتحت بوكها عشان تصرف فلوس السينما ,, وبدون احساس طاح عين هيا على بوكها واجافت انها ماعندها غير فلوس السينما ,, كسرت خاطرها بس سكتت وماقالت شي ,,,
بعد ماخلص الفلم الكل كان مستانس
لطيفة : حراااام ليش البطل مات كسر خاطري
مشاعل : اصلن حلات الافلام ان الابطال اتموت
لطيفة : اهئ ليش جي انتي قاسية ,, والبطلة شذنبها ان حبيبها يموت
وتموا يضحكون على لطيفة ,,, مشاعل : بنات مشوا خلونا انروح ستار بكس خاطري في فلابشينو
واقعدوا يتمشوون فجاة اسمعوا صوت شباب وقاعدين يقطون كلام وارقام
هيا : اوف صج يهالو. ملاغة
مشاعل واهي معصبة : هيي انتو اشتبون ,, يلا انجلعوا قبل مانادي السيكرتي عليكم ويطردكم برع ,,مابقى غير اخوانية يمشون ورانا
الشباب واهم مستغربين من شكلها ومن الكلام اللي تقوله قال واحد منهم : احترمي نفسج وانطمي احنا نبي الحلوة اللي يمج وكان قصد هيا
اهني مشاعل صار لون ويهها احر جنى راكبها يني : شتقول انت ,, انت اللي لازم تحترم نفسك تمشي ورا بنات الناس واتسبهم بعد ,, صج انك واحد مو متربي هلك ماعرفوا يربونك ,, اذلفوا عنا ترى احنا موب فاضين لخرابيطكم ولعبكم
الشباب يوم جافوا الناس ملتمين حولهم ,, ماعرفوا بشنو يردون عليهم واسكتوا ,, وراحو واهم مكسورين
هيا : وووي شعول فضحتينا ,, اووبيه جوفي اشلون ذيج اللي واقفه اهناك اطالعج
مشاعل : طز انا شسويت يعني ,, يلا قوموا مشووا ,,
وطبعا راحوا مشوا وراحو صوب ستار بكس .
في هاذي اللحظة
.
.
رن تيلفون شهد اللي كانت امسكرة على نفسها الغرفة
شهد بينها وبين نفسها : الحين اشلون ذيج السخيفة اللي ماتسوى شي اتمشي كلامها على البيت كله وتطلع بروحها . هين يا هيو والله لراويج بنجوف نهايتج يا انا يا انتي
وقطع عليها افكارها . صوت تيلفونها .
شهد : آلو
. : الوا . شهد امممم بسالج شي ضروري
شهد : بل بل انزين الناس اتسلم بالاول
: سوري اخبارج شمسووية ,, يلا قولي لي اختج هيا موجودة
شهد وواصلة حدها : اي طالعة شتبين منها
: الحقي ترى انا جفتها الحين في الستي وشباب وراهم واقعدوا يقطون ارقام الا ويت وحده شكلها مريب ,, واقعدت ترادد الشباب ,, صج فضيحة
شهد : سارو من صجج ولا تتغشمرين
ساره : اي عيل اجذب
شهد : خلاص لي ردت البيت انا اوريها شغل ثاني


.

رن التيلفون وصار له ساعة ويرن ,,,, وبعدها يا لها مسج
افتحت المسج وعيونها نص مفتوحه والثانية مسكرة .
كان مكتوب : شيخووة يلا عاد صار لي ساعة وانا ادق لج ويينج وانا انطرج . ردي على تليفونج
يوم قرت المسج انقزت وتذكرت الطلعة وانها كنسلت المحاظرة عشانها
جافت الساعة 7 العشا : ياويلي من ربي لا صلاة ولا جامعة ولا طلعة
على طوول قامت وصلت المغرب والعشا وقلبها مقبوض ,, لان هاذي اول مره تنسى اتصلي فيها
بعدها دقت على لولوه
شيخة : سوووري مادري اشلون تميت راقدة كل هالوقت
لولو ه : خلاص معليه يلا تعالي الحين المول وانا الحين بطلع من بيتنا
شيخة: اوبس نسيت اقولج . سيارتي اخوي اليوم خذاها وسيارته في الوكالة .
لولوه : امم انزين انا بمرج دقايق وبكون عندج بس يلا تجهزي
شيخة : اوك
وسكرت منها وعلى طوول سيدا راحت وبدلت ثيابها
.
.
في ستار بكس البنات قاعدين . وعقار بالناس ,,
نورة : يلا اشتبون ايب لكم
فاطمه اهني انحرجت لان خلاص ماعندها ,,, ونزلت راسها
هيا جافت فاطمة وعلى طول قالت .: بمناسبة ان احنا خلصنا الامتحان
يلا اليوم بعزمكم خخخ
نورة : بعض الناس بطرانين اليوم افا عليج بوهقج بطلباتي
هيا : اطلبوا وتدليلوا ,, واتحصلون كل شي جاهز لعندكم
فاطمة واهي مرتاحة : انا مابي شي غير ماي ,, ماحبت اتثقل عليهم بس بينها وبين نفسها اتقول{تسوين نفسج حاتم الطائي ,, اووف ملقووفه }
وبعد هاللحظة . ويوم خلصوا
هيا : شعول يلا قومي ابي اروح البيت
مشاعل : تو الناس خلينا بعد نص ساعة بنروح
هيا : خاييفة اتاخر ,, ومايلخوني اطلع معاج مرة ثانية
مشاعل : انجين يلا مشي
سلموا على البنات واطلعووا

.



يالها مسج ,,,: يلا اطلعي برع انطرج عند الباب
اطلعت بسرعه واركبت السيارة ورا بدون ماتنتبه اللي يسوق ابها
عدلت شيلتها بالسيارة وسلمت
الا سمعت صوت واحد يقول : وعليكم السلام
استغربت وارفعت راسها بسرعة واهي متخرعة .
انصدمت يوم جافت واحد قطري يسوق فيهم .
طالعت لولوه اللي كانت قااعده يمها بنظرة يعني حسابي معاج
وطول الوقت تمت ساكتة ومنحرجة ومنقرهة من حركة رفيجتها اللي مابلغتها ان اخوها اللي راح يوديهم .

.

.
في هذه الاثناء كانت في اهناك وحدة ادور بالصالة رايحة ورادة
واقعدت تتحلطم طول الوقت .
وانفتح باب البيت ,, وكانت هيا ,,,
شهد اللي راحت لها بسرعة ,, ويرتها من شعرها
: انتي ياللي ماتستحين على ويهج ,, قلت لامي انج مب موضع ثقة ,, هاي اخرتج متواعدة ويا شباب اهناك ولا امسوين فضيحة كبيييرة ,, والسالفة اوصلتني وانا اهني ,, الحين الناس شبيقوولون عنا ,, ها ردي ,, الغلط مو منج من امي اللي مخليتج على راحتج لا رقيب ولا حسيب
انطري على ماخليج اطبين برع البيت مرة ثانية ,, فاهمة
هيا ومو قادرة تستوعب : هددي شعرري يالمعقدة شتبين مني امنيتج اتخليني في البيت ومااطلع منه ها هاي اللي تبينه ,, ماقول غير الله بلاني فيج ,, ربي يعيني عليج
شهد : واترادديني ,, شكلي بربيج من اول ويديد ,, وعطتها كف
هيا ومنصدمة : وصل فيج انج تضربيني , انا اختج الصغيرة مو وحدة من الشارع ,, بس شاقول حسبي الله علييج يالعانس والله لايوفقج في دنيتج ,, مشت بسرعة وراحت غرفتها وصكت الباب بقو وقفلتة
شهد ولحين واقفة ,, مستغربة مو مصدقة اللي سمعته من اصغر اخت لها ,, وبعد تتحسب عليها ,, في نفسها ,, انا عانس تمت هالكلمة ادور في راسها
.
.


بعد هاي الكئابة اللي صارت . كل البنات ردوا بيوتهم .
نورة وردت من برع وصكرت باب البيت ,,, كانت ماشية وتبي اتروح فوق عند حجرتها ,,,,
: نوورة ,, بصووت قوي خلاها تنقز
نورة : خرعتني ,اكاني يدامك ليش اتصارخ

محمد : ليش انا يني عشان تتخرعين ؟ ,, ووين كنتي وليش متاخرة
نورة واهي تتافف : كنت في السيتي
محمد واهو خلاص عصب : وليش ماأستأذنتي مني وبأي حق تطلعين وماتقولين لي
نورة : وليش اقول لك انت منو ,, لا انت ابوي ولا هم يحزنون ,, وانا قلت لامي يعني مايحتاي اقول لك
محمد : جب ولا كلمة ,, مرة ثانية قبل لا تطلعين تستاذنين مني فاهمة ؟
نورة وماردت عليه راحت عند الدري الا مره وحده يت لها يد من ورى . ومسكت يدها بقووو
محمد : اذا كلمتج اتردين علي ,, واذا عدتيها لكسر ضلوعج ,, ودزها وطيحها ع لى الارض ,, ومن بعدها طلع ومشى راح لسيارته


.


في المول وفي البوابة تحديدا بعد مانزلوا من السيارة ,,,
شيخة : لولو ليش ماقلتي لي ان اخوج بيوصلج ,, صج احرجتيني ,, شلون اقدر اركب مع اخوج
لولوه : اسفه ,, يوم كنت طالعه اخوي لزم علي انه يوصلني ماقدر ارده ومالحقت اقول لج ,,, بينها وبين نفسها{ الا انا اللي حنيت عليه }
شيخة ومو مقتنعه : خلاص حصل خير ,, بس مرة ثانية مابي هالشي يتكرر
لولوه واهي تضحك : ان شاءالله عمتي ,, تامرين بشي ثاني
شيخة واهي اطالعها من طرف عينها : لا مشكورة ,, وتموا يضحكون
وطبعا دشوا ,,, وتموا يتسوقون
ويرن تلفون لولوه : الو حبيبتي انتي وينج
لولوه بصوت واطي : انا الحين باي لك دقايق وبكون عندك ,, بس رفيجتي معاي ,, ها وين رفيجك
. : افا عليج موجود
خلاص راح اني عندكم وصكرت منه



يا ترى لولوه شناويه عليه
وشراح يصير لبقية شخصياتنا
ان شاءالله هاي كله بتعرفونه في البارت الياي

[# بنت عتيبة #]

الفصل الرابع
النوايــا الصافيـة ضيعتنا ~}
بعد ماسكرت منه التيلفون التفت صوب شيخة . اللي كانت مندمجة واطالع القمصان
شيخة .: لولو طالعي هاي يهببل ابي اخذه ,, وبدون ماتاخذ رايها خذت القميص وودته الكاونتر
لولوه : اي صح يجنن ,, اممم بقول شواخ الحين بوريج المفاجاة اللي قلت لج عليها
شيخة وبلهفة : صج والله وين المفاجاة
لولو : تعالي صوب المطاعم وبتجوفين شي
شيخة : وواي,, يلا قومي خل انروح
ومشوا وراحوا صوب المطاعم ,, لولوه : شوااخ ترى ابي اسوي شي بس قولي تم وهالشي حلوو وراح يعجبج
شيخة ومستغربة من كلامها : ها شنو ؟
لولوه : انتي قولي تم بس
شيخة : تم
لولوه ومستانسه عيل اوك وافتحت تليفونها ,, يلا وينكم
: اي اي ترى اجوفج قربي عند الطوفه اللي يمج واحنا راح اني صوبكم
لولوه : اوك ,,,,, بعدها بدقيقتين .
قرب منهم اهو ورفيجه اول واحد كان شكله مزيون وحلو والثاني اللي هو رفيجه كان معصفل واسمر بس بعد كان حلوو ويهبل .
: السلام عليكم ,, شخبارك
شيخه واهي مبققه عيونها : وعليكم السلام ,, نعم اخوي شبغيت
وبحركة سريعه يت لولوه وقالت باذن شيخة : هاي اهي المفاجأة ها اشرايج
شيخة ومصدومة والدمعة بعيونها . : حسافة عبالي انج رفيجتي وتخافين علي بس طلعتي مب شي وخسارة اني كلمتج ,,, عبالج ابيع شرفي بس عشانج ,, روحي والله يستر علييج ,, وربي يعينج على نفسج
مشت بسرعه عشان لاتلحقها ,,,
يوم صار هالموقف , لولوه تخصبقت ماعرفت شتقول : آآسـسـفـ.ـة , خبركم يديه بهسوالف وماتعرف شتسوي
: اوهوو خربتي المخطط كله والحين شراح اسوي بالحجز اللي حجزته في الريتز يعني ع الفاضي راح
لولوه : السموحة بس شسوي اسفة ان راح اقنعها
: اي لازم وغصب لانها حلووه عذاب واذا ماقنعتيها اتعرفين شراح يصير بصورج
لولوه وبغت اتصيح : لا تكفى اكييد راح اخليها اتكلمك ,, وكل شي تبيه راح يصير
: اي جي عدل



في هالاثناء مشاعل كانت بروحها في البيت بعد ماردت من السيتي
: اوهوو ملل اففف شسوي ,, خل ادق على لطوف
وخذت تلفونها واتصلت
مشاعل : هلا والله
لطيفة : اهلين بقلبي
مشاعل : اممم بسالج شقاعدة اتسوين الحين
لطيفة ولا شي ,, عايشة الملل بحد ذاته
مشاعل : اوك ,, شرايج اتين بيتنا واتونسيني واونسج ,, وتباتين عندي
لطيفة : هههههه وااي وناسة ,, بس بقول لامي
مشاعل : اوك بس اكييد بتيين ؟!
لطيفة : افاا علييج اكييد ونص ,, بحن على راسها وشوية فلم مصري وبتخليني
مشاعل : خخخخخخ انتي ام الافلام ,, اوك حبي انطرج
لطيفة : اوك باي
وصكرت منها وحدها مستانسه ,, في هاللحظت سمعت صوت اختها واهي اتصيح وماشية بالممر
مشاعل : شيوخ شفييج ,, حد مزعلج
شيخة : لا خلوني بروحي لحد يكلمني وصكرت باب غرفتها بقوو ,,
مشاعل : انا الغلطانة اللي سئلتج افف اروح غرفتي احسن




وفي يوم الجمعة .
وفي بيت مشاعل ,,, في غرفة شيخة بالتحديد
صوت صياحها ماسكت من امس ,,, شيخة وتكلم نفسها : اشلون حطتني في هالموقف ,, جايفتني وحده رخيصه , ولا مو متربية
اه انا الغلطانة لاني سمعت كلامها الله يسامحج ,, وتذكرت الموقف وتمت اتصيح

.


في هالاثناء في غرفة مشاعل .
لطيفة وتوها قايمة من النوم وشاقة الحلج ,, مشاعل :ها اشرايج بالسهرة
لطيفة : فديتج والله اتونسين ,, ولفت وجافت السااعه ,, على طول نقزت
اووبيه تاخرت ليش ماقعدتيني من وهل
مشاعل : ماكنت ابي ازعجج ,, ليش شعندج الحين
لطيفة : عندي موعد في العيادة بيحطون لي تقويم ,, غير جي اليوم اختي بترد من السفر
مشاعل : اوك بقول للدريول يوديج
لطيفة وقامت عشان اتبدل : اوك


.

وفي بيت نورة
نورة وقايمة من النوم وشعرها مربوط لي ورى والقذله الطويلة يدام ,, وطبعا لابسه بيجامه قصير عليها هلو كيتي , ونزلت تحت لي الصاله وما جافت من اللي كان قاعد فيها
افتحت عيونها عدل اول شي جافت واحد لابس ثوب على بالها انه اخوها
ومشت ومرت يدامه وراحت المطبخ وخذت قلاس ماي .
مرت مره ثانيه يدامه وراح فوق واهي ماشية في الممر جافت غرفة اخوها مفتوحه ,,, وجافت ان اخوها يتعطر .
على طول طيحت القلاس واهي متخرعه ,, نورة : اوبيه اذا محمد بغرفته عيل من هاي اللي بالصالة ,,, ونزلت بسرعه من الدري وطلت على تحت بدون مايجوفها انصدمت يوم جافت ولد خالها عبدالله تحت في الصاله .
راحت عند اخوها ,, نورة : عبدالله ليش يا عندنا اليوم
محمد .: بنروح صلاة الجمعه ,, عقب بنروح الاند
نورة : اهاا ,, وطلعت من الغرفة وراحت غرفتها ,, صج فشله الحين اشلون بكلمه مره ثانيه بعد ماجافني بهالشكل
محمد نزل وراح تحت عند عبدالله : عبود يلا قووم خل انروح الصلاة قبل لاتروح علينا ,, بس عبود ماسمع كان سرحان باللي جافه ,, بينه وبين نفسه : الحين هاي نوروه والله وكبرتي بس مشاءالله اتهبل .
محمد : هييي عبود اشفيك يلا قووم ,, ليكون سرحت بوحدة من اللي اتكلمهم .
عبدالله وحس بعمره : ها خخخخ انا اسرح بذيلا الله لا يقول وانت شجايفني مب صاحي
محمد : والله مادري عنك جوف شكلك اشلون , جنه في وحده ماخذه عقلك خخخ
عبدالله : ماعلينا ترى تاخرنا قووم
محمد : ههههههههه صج حالتك حاله
ومشوا وراحوا صوب المسيد .
.
.

بعد ماخلص موعد لطيفة من العيادة
لطيفة في السيارة : ااخخخ يعوور ,, انا شاللي حادني احط تقويم
ردت عليها اختها منيرة الصغيرة واهي اتقلدها : يبه تكفى ابي تقويم شكله حلو على البنات يلا يبه يليييز خخخخخ الله يرحم من قال هالحجي
لطيفة : انتي جب محد كلمج شتبين ملقووفه
منيرة : محد غيرج ملقوفة ,,,, بعدها بنص ساعة هواش بينهم وصلوا البيت وجاافت اختها الكبيرة واهي رادة من السفر
لطيفة : موزو وحشتييييني ,, وراحت عندها وحظنتها
ابوها : الناس اتسلم مو اتدش عرض
موزة : ههههههه خلها يبه مستانسه بشوفتي
لطيفة : لحد يصدق عمره بس ,, وين ريلج المصون وين راح هههه
موزة : اهو برع قاعد ينزل الشنط من السيارة اهو واخوه
لطيفة : موزو اتصدقين لحين ماجفت اخوه شلون شكله ,, طويل قصير اشلون ؟
موزة : يه واشتبين باخوه
امهم : عيب يابنتي استحي , شنو اشلون شكله
لطيفة : يه بس ابي اعرف لقافة
نقزت اختها الصغيرة منيرة : ماتدرين اللقافة شينة
والكل ضحك عليهم
بعد هاللحظة دش ريل موزة ويا اخوه وماسكين الشنط : السلام عليكم
الكل: عليكم السلام
الابو : هلا والله بالغالي نورت الدوحة
ابراهيم : بنورك يبه ,, والله ماتدرون شقد استانست بمجرد وصولي صج اهني غير عن ميونخ بوااايد صج اهناك الجو عجيب بس مادري اشتقت لهاي الحر خخخخ { ابراهيم متزوج موزة اخت لطيفة الكبيرة وتوهم رادين من شهر العسل اللي كان في ميونخ
الابو : اي والله صج فرق الواحد مهما راح بعيداكيد بيحن ويشتاق لبلده
لطيفة : من صجكم انا لو رحت اهناك مابرد
موزة : اي لانج مب جايفة خير
والكل ضحك عليها بس في حد بينهم ماكان يضحك وطول الوقت كان عينه عليها . استحت من نظراته وعلى طول راحت غرفتها
لطيفة واتكلم نفسها : ليش تم يطالعني جي شيلتي ولابستها ومو حاطه ف ويهي شي ,, وي ليكون عشان شفايفي مشققه من التقويم , وجافت نفسها ف المنظرة ,, وووي صج فلم رعب خل احط مرطب .


.
.

في يوم السبت الجو حلوو ومغيم نوعا ما يخلي والحد ينشرح صدره من الجو

في بيت مشاعل
طبعا راقدة وهاي حالها كله خاامدة بس في غرفة شيخة الجو كان غير تلفونها ما وقف اتصالات . واهي دمووع مافارقت عينها
فجآة رن تيلفونها استانست يوم جافت الرقم
.: السلام عليكم
شيخة : وعليكم السلام ,,, زعلانه منج ومابي اكلمج
: افا تزعلين من شيوم رفيجة العمر ,, ماهقيتها منج
شيخة : بل الرد جاهز في المخبى ,, لا يمه مب زعلانه اتغشمر خخ
شيما : وتلعبين على اعصابي انا زعلت الحين
شيخة : تكفين مب ناقصني
شيما : اي على طاري شفيج هاليومين اتصل لج وماتردين وماراحتي الجامعة يوم الخميس ؟
شيخة : بس تعبانة ومالي خلق لاي شي { اه لو اقول لج اكييد بتلوميني
شيما : اها سلامتج ,, انزين متى دواامج ,, وتموا يسوالفون ويا بعض

.


في غرفة مشاعل انطق الباب
مشاعل : ميين ,, اوف شتبووون
: وينج يمه , تعالي قعدي معانا تحت
مشاعل : لا مابي
امها : انزين قومي تغدي
مشاعل : ماتفهمين انتي اقولج مابي يعني مابي ,, لازم اتملغين على الناس
امها : على راحتج يمه
وطلعت من الغرفة والحزن امبين على ويهها .


.

ومرت الايام بسررعة ,,, وبذلك انتهت الاجازة .
صباح يوم المدرسة ,, اول يوم يعني الكل مشتط عشان يجوف ربعه اما البعض الثاني فاكييد ايرونه من اللحاف عشان يقوم للمدرسة
وهاي حال شخصيتنا هيا اللي من زمان ماسمعنا عنها شي

شهد : قومي يالعله روحي داومي بسج رقاد لعنبو ماتشبعين
هيا : مابي اداوم مالي خلق ,, ثانيا اليوم اول يوم يعني مافي دروس
شهد : مايخصني بتقومين وبتروحين يعني بتروحين
هيا : ياااربي شتبين انتي ,, الحين انا بداوم ولا انتي بداومين
شهد : كيفي ,, انا بروح اداوم واكرف ,, وارد من الشغل واجوفج راقدة ,, لا يحبيبتي والله ماخليج قومي بدلي قبل مانادي ابووج
هيا : اوك بقوم بس في يومج انا ارويج
شهد : ماعشتي عشان اتسوينها يلا قومي يلا
هيا واهي حدها مغتاضه : معليه ,, بس في يومج ماراح ارحمج
وراحت وبدلت عشان اتروح المدرسة

.
.

في بيت فاطمة .
فاطمة واهي في غرفتها واهي اتبدل .: يعني ليش ماخليتوني افصل تنورة ثانيه حام عليكم مايسوى علي ,, هاي اخر سنة لي المفروض ادلعوني ,,,
جواهر : قدري ظروف البيت ماعندنا شي الفلوس باليالله اتكفينا بس الحمدالله على كل حال
فاطمة : اوهوو ردينا لظروف وما ظروف ترى مللتوني جني قلت ابي سيارة ولا ابي مليون ريال كلها تنورة ,,, صج قهرر
ارووح مدرستي يكون احسن ,, وراحت واهي معصبة .


.

في المدرسة . وقبل الطابور تقريبا . كل وحدة مستانسة بشوفة رفيجتها .
مشاعل من بعييد جايفة ربعها وبصووت عالي : هلووووووووووووووو ربعي ,, وحشتووووووني
كل البنات اللي كانوا بالساحة ماشالوا عينهم من مشاعل ببين نظرات اعجاب ونظرات لووعة بس الاغلب استخفوا على شكلها . لان شعرها كان منقز وكان شكلها كشخه وطبعا كانت مخالفة << خالف تعرف

ربعها : وانتي بعد
نوورة : شعوول يالدبة ماتصلتي علي غير مرة وحدة اهون عليج لهدرجة يعني
مشاعل : ثلاث مرت ياحلوة ,, واغمزة لها
نوره : يه واتذليني بالمرة الثالثه ,, اهئ الله يسامحج
لطيفة : مو منها انا اللي شغلتها طل الاجازة يا فون يا طلعة ههه احلى اجازة
مشاعل : فديت لطوفتي انا ,, هاي الناس اللي اتقدر اتصالاتي مب نفس بعض الناس احم احم
نورة : افا اتقطون علي كلام ,, لا مارضى
ويت وسطهم فاطمة : بسكم حجي درينا توكم طالعين من الاجازة سكتووا خل انقز بالبنات اشوي وانجوف اليداد
مشاعل : خخخخخخخخخخ اي والله
لطوف : اتقزين ها هاي لعبتج اتخونين وانا يمج
مشاعل :: تبين من وراج ولا من يدامج احسن
لطيفة والزعل باين على وويها : اللي يعجبج ,, وكانت تبي اتقوم ,, الا وتيرها من يدها واتقعدها بحظنها افا زعلتي مني يهون علي علج ,, اتغشمر حياتي اشفييج
في هاللحظة يت هيا وجافت المنظر ,, هيا : شعول كل ما ايي لج اجوف مقعدة وحدة في حظنج شهالمنظر يعني
مشاعل : يه الحياة حلوة واغمزة لها ,, وطق الجرس وبد الطابور
وكل وحدة قامت واهي تتأفف




في الحصة الثانية وفي صف مشاعل وفي حصة التاريخ تحديدا . طقوا الباب .
الاخصائية يابت طالبة واقالت : هاي طالبة يدية توها وابيكم اتحطونها في عيونكم تراها غالية علينا ودشت البنية الصف واهي مدنعة .
شعول تمت اطالع البنية طوول الوقت حتى في الحصة مانتبهت عليها
شي جذبها لها .
وفي الفرصة البنات كلهم تمشووا مشاعل ردت الصف عشان تاخذ شي جافت البنيه اليديده بروحها .
مشاعل : ليش قاعده بروحج
. : ماعرف حد اهني والبنات يخرعون كل مابي اطلع من الصف اجوف وحدة اطالعني بنظرات
مشاعل : خخخخخخخ وشعليج من نظراتهم
: مادري هالشي يزعجني
مشاعل: ماعليج من هالشي ,, انزين ماتعرفين حد في هاي المدرسة ؟
. : لا والله امي وابوي سافروا وانا وخواتي في بيت خالي وينا اهني لانها اقرب لبيته
مشاعل : وليش سافروا؟
. : اونه دراسة ,, ابوي رايح عشان يدرس اونه ,, بس امي لحقته خافت ياخذ عليها وحده انجليزيه شقرا مبرصة
مشاعل : خخخخخخخخخخخخخخخ والله امج فنانة اعرفت اتصيده
: ههههههههه ماعندهم سالفة بعد احسهم كبار في المراهقة
مشاعل : ههههههه اي والله انزين عيل تعالي اعرفج على ربعي ,, الا شسمج ؟
. : انا نوف
مشاعل .: عاشت الاسامي ,, وانا مشاعل ,,, يلا قوومي خل انروح تاخرت عليهم الحين بياكلوني بقشوري

ومشت عند الربع وتعرفوا على بعض
وفي جامعة قطر .
كانت شيخة توها طالعة من محاظرتها دقت على طول على شيما
شيخة : شيوم وينج ؟ انا توني مخلصة
شيما : انا في النشاط تعالي
شيخه : اوك في الطريج سكرت منها . ومشت واهي ماشية جافت وحدة ياية صوبها .
اكيد عرفتوها .!
لولوه : شوااخ لحظه انطريني بقول لج شي بفسر لج شي
شيخة واهي معصبببة : انتي شتبين مني
لولوه : سمعيني الله يهداج بقول لج شي
شيخة : نعم قولي بسرعة لاني بعد مب فاضية لج
لولوه : انتي فهمتيني غلط اللي جفتيه ذاك اليوم كان خطيبي والثاني كان كان اخوه الصغير توه ف الثانوي اخر سنة قلت لج مفاجأة عشان اعرفج عليه لاني ماقلت لج عنها وكنت ابي رايج فيه ,, ان بعد الظن اثم ,, صج زعلت يوم جفت ان تفكيرج وصل لذيج الدرجة ,, يعني انا لولوه رفيجتج من الاعدادي اعرفج دهر اسوي هالحركات وابيعج ابيع عمري ولا ابيعج انتي حسبة اختي وانا اذا ماكنت احسبج نفس اختي جان من الاول ماعرفتج عليه
شيخة

وردة فعلها بتعرفونه في البارت الياي
ياترى راح اتصدقها ولا شنو
اما مشاعل شتبي من نوف ؟
وان شاءالله البارت هاي نال رضائكم

[# بنت عتيبة #]

الفصل الخامس } حبك فوق المستوى
لولوه : شوااخ لحظه انطريني بقول لج شي ,, بفسر لج شي
شيخة واهي معصبة : انتي شتبين مني ؟
لولوه : سمعيني الله يهداج بقول لج شي
شيخة : نعم قولي بسرعة لاني بعد مب فاضية لج
لولوه : انتي فهمتيني غلط اللي جفتيه ذاك اليوم كان خطيبي والثاني كان كان اخوه الصغير توه في الثانوي اخر سنة قلت لج مفاجأة عشان اعرفج عليه لاني ماقلت لج عنها وكنت ابي رايج فيه ,, ان بعد الظن اثم ,, صج زعلت يوم جفت ان تفكيرج وصل لذيج الدرجة ,, يعني انا لولوه رفيجتج من الاعدادي اعرفج دهر اسوي هالحركات وابيعج ابيع عمري ولا ابيعج ,,انتي حسبة اختي وانا اذا ماكنت احسبج نفس اختي جان من الاول ماعرفتج عليه
شيخة وحاسة بتانيب ضمير : اسفة والله اسفة مادري اشلون فكرت فيج جي ,, ايام وانا اصييح ومو مستوعبة اللي صار ,, فدييتج والله ,, وعلى طوول حضنتها
شيخة :اممم خلاص اشرايج بعوض علييج هالشي وبعزمج

لولوة وبخبث : اوك ,, وانا ماراح ازعل علييج
شيخة : ادري ان قلبج كبير وماراح تزعلين من الكلام اللي قلت له صح
لولوه : اي ازعل من الناس كلهم ولا ازعل علييج
شيخة : اوك يلا تعالي معاي النشاط وبعرفج على رفيجتي
لولوه : لا مابي تعالي انروح الاند نتغدى نفس ذيج المره
شيخة : بس انا وعدت اليوم رفيجتي اتغدى معاها ,, خليها مره ثانية
لولوه : خلاص يهون عليج اعزمج واترديني ,, معليه مره ثانيه
شيخة : خلاص باااي معاج وبقول لها عشان ماتنطرني ,, ومسكت تيلفونها واتصلت ,, شيوم انا راح اتغدى مع وحدة رفيجتي لا تنطريني سووري حبي .
شيما : لا عاادي صكرت منها : يعني توج اتقولين وانا صار لي ساعه اهني ومكنسلة محاظرتي عشان اجوفج اوف



.




من بعد هالكلام والمصالحة اللي جفتوها مرت الايام والشهور وعلاقة لولوه بشيخة صارت اقوى من قبل حتى انا شيخة قامت اتحبها اكثر من اهلها . اما مشاعل فصارت ويا نوف رفيجتها الكلوووز اللي ماتتفارق عنها واللي خلى نوف تتغير بسبة تاثرها من مشاعل اللي غيرتها واايد من جهة الشكل والستايل وكل شي . حتى صارت نفسها بالضبط نفس الدفاشة وكل شي


.
.



وفي نهاية السنة على اخر اسابيع من المدرسة .
الشلة وكلهم قاعدين ويا بعض ومساتنسين طبعا بالسوالف والعقار بالناس ,, وكلام تافه
نورة : اي جفتي شكلها ,, اخييي لا طالعي تنورتها وقميصها اشلون
نوف : كااااااااااااااك جنه طرااارة

لطيفة : اي والله ههههههههههه
نورة : ماعلينا من هالاشكال المب صاحية . بقول لكم باقي اسابيع ونفتك من هالمناظر وانجوف مناظر عدله يعني بنروح الجامعه .
مشاعل : الااي ونااسه مابي انطر بس فكه من المدرسة وعوار راسها
نورة : اي والله ,, الا بسالكم انتو اي جامعة بتدشوون
فاطمة : يعني بذمتج في غير جامعة قطر بترضى فينا .
نورة : اي في وايل كورنيل ,, جورج تاون ,, فرجينيا . واايد يمه
مشاعل :انتي بوحمص يعني كل الجامعات تبيج اما احنا مسكينات مع نسبنا الحلوة يبي لنا جامعة تقبلنا مو احنا اللي نختار خخخخخ
نورة : امم يدامكم نورث وجامعة قطر
لطيفة : ها نورث ,, لا حبيبتي انا ماروح هالجامعات كلهم مغازلجية ماابي ,, وثانيا من قال بدش احسن لي اقعد في بيتنا ,, ماصدقت على الله بخلص ثانوي
نورة : صج طموحكم صغير على قدكم . الحين الوظايف ماتقبل الا اللي عنده شهادة جامعية . مال اول يقبلون بو شهادات ثانوية
مشاعل : ومن قال ابي اشتغل انا كل شي موفر لي بس ابي ادش جامعه عشان اقضي فيها وقتي شووراي يعني مب شي قعدت البيت
نورة : هههههههه الظاهر انا الوحيدة الطمووحة تدروون خاطري ادش كورنيل يقولون صعب بس فلله

مشاعل : حد يقط نفسه بالنار الله لا يقول انا مادشها ,, اشرايج نوفو وانتي اي جامعة بتدشين
نوف : مادري بجوف الاغلبية وين بيدشون وبدش خخخ
مشاعل : انتي مع ويهج بتدشين جامعة قطر
نوف : اي شكلي . وتموا يسولفووون لي ماخلصت الفرصة ومن بعدها خلص الدوام









نورة ردت من المدرسة ووصلت بيتهم اول مادشت .
ام نورة :مبروووووك يابنتي
نورة وباستغراب : يمه بشنوو ؟!
امها : اليوم ولد خالج عبدالله تقدم لج واهو كان وده من زمان يخطبج .
نورة : انزين يمه قولوا له اني توني صغيره خل اخلص دراستي عقب بنجووف
محمد ونازل من الدري وسمع الكلام : شنووو انتي شقاعده اتقولين ومن قال انج بترفضينه . انا يوم قال لي انا عطيته خبر وبينت له اني موافق وانتي مب على كيفج ماتوافقين
نورة وبعصبية : على كيفك اتقرر محمد اسمعني لا هي طلعة عشان تحرمني منها ولا كلمة اتقولها واتمشيها علي هاي زواج يعني التزام وطول عمري بلتزم فيه والراي الاول والاخير يعود لي مب لك مثل ماتتوقع واذا اهو رفيجك فهاي شي بينكم ومايهمني
محمد وباستهزاء: من قال ان احنا بناخذ رايج انا قلت لامي بس عشان اتبلغج اما على عبدالله ما عليه كلام كل البنات يتمنونه واحمدي ربج على انه تقدم لج طلع من البيت بعد ماقال هالكلام .
نورة والعبرة خانقتها : يمه انا مب شي تشترونه ولا يبيعونه انا انسان ويحق لي اوافق وارفض وانا طول عمري وانا متحملة هالزفت ومن تسلطه علي بس في زواجي مايحق له . وراحت فووق عند غرفتها وتمت اتصيح .





اما في بيت مشاعل في غرفة شيخة اللي تتكلم بالفون .
لولوه : شواخ امم يبون يقربون العرس من تاريخه
شيخة : صج !! وليش مستعيلين
لولوه : مادري بس اليوم ابي اروح له واتفاهم معاه ,, وابيج اتين معااي
شيخة : لولو احرراج مااقدر والله احرراج لا تحطيني بهالمواقف بلييز
لولوه : يلا عاادي ماقدر اقعد بروحي معااه استحي
شيخة : اذا من ريلج تستحين وانا ورفيجتج شسووي
لولوه : اي بعد شسووي
شيخه : لولو انزين دام انج مصرة انتي لو تبين اتكلمينه انا بتم في سيارتي بعد مامر علييج وانتي تطعلين له اوك ؟
لولوه وحدها مستانسه : اي اي فدييتج شواخ اي اوك
شيخة : لولوه انطري امي اتصارخ مادري اشفيها بتصل لج بعديين وصكرت منها وبسررعه راحت عند امها

اما عند لولوه واخيرا واافقت وتمت تضحك وانزلت وراحت الميلس .
اخوها ناصر : اشفيج مستانسسه وشاقة الحلج ؟
لوولوه : بس جي توني متصلة لرفيجتي وبعد حن وافقت انها اتي معاي واتروح الاند
ناصر : اهااا ,, الا من هاي ليكون ذيج اللي وصلتج معاها المول
لولوه : بل ومتذكر
ناصر :خخخخخ اي افا علييج مانسى بس مشاءالله عليها احسها ذووق ومحترمة ,, ويوم وصلتها معاج ماتكلمت مع انج كنت معاها وكانت طول الوقت مدنعة ,, اممم انزين اخطبيلي رفيجتج
لولوه ومنقهره : قزيت فيها انت اشتبي ,, مخطووبة ياخي
ناصر وتحطم :افاا ,, صج دشت مزاجي
لولوه : ماعليه انا بيب لك وحده خطيييرة بتيننك
ناصر : لا مابي
لولوه :اهوو انا الغلطانه نفس اليهال اراضيك ,, ودشت المطبخ عشان اتسوي لها اكل




.




في بيت مشاعل . شيخة وعند امها ومتخرعة وماتعرف شتسووي
شيخة : يمه اشفييج كلميني
امها : يمه رااسي يعورني ,, راسي مااقدر احسه قاعد يتقطع من دااخل
شيخة والخرعة باينة على ويهها : يمه ليكون الورم رد لج
امها وماسكة راسها بقوو : والله مادري يابنتي تصرفي ماقدر اتحمل ااااه
شيخة : يمه انزين وين دوواج وين حطيتيه
اامها : دوواي ماينفع كله مسكنات
شيخة: يمه لبسي عباتج وبنروح المستشفى وبعدها امها وقفت وعلى طوول طااحت

شيخة واتصيح : يمه يمه ,, الحين بوديج بس قوومي ,, وعلى طول راحت عند مشاعل اللي كانت تسمع اغاني وقاعدة ع النت
شيخة ودشت الغرفة بسررعة شعول قوومي معاي المستشفى قوومي شيلي امج معاي . يلا بسرعة
مشاعل : اهوو شتبوون خلووني في حالي شهالملاغه يعني
شيخة : قوومي امي تعبااانه ابي حد يروح معاي المستشفى ويشيلها ويوديها السيارة
مشاعل وبكل برود : قولي للخدامه اتشيلها معاج ,, وامي اكيد مسوية لها فلم
شيخة : يابررودج اقول امج تعبانة اتسوين هالحركات ,, واطلعت من الغرفة بسرعة ورااحت عند الخدامة اللي شالت معاها امها وودوها السيارة وعلى طول على الطواري ,, ومشاعل ردت للاب توبها وكملت لعبها






.



في الطواري شيخة وبروحها تتصل في اخوها تلفونه مغلق مسافر يعني . وابوها ماايرد عليها وطبعا مشاعل مو مهتمة وراحت واتصلت لخلاتها اللي صار لها زمان ماكلمتهم
شيخة : اه يا يمه محد مهتم فيج ولا داري عنج الكل مطقع حسافة وتمت بروحها ليمايا لها خوالها وخالاتها اللي اهم الوحيدين من الاهل اللي يااو
الدكتور وطلع لهم والكل مترقب بس عشان يقول كلمة خالها : شصااار
الدكتور : حالتها ماطمن واايد صعبة وحساسة الورم رد لها من يديد ومننتشر ومو مستقرة الحالة ادعوا لها يمكن الله يشفيها
شيخة ماقدرت تتحمل انفجرت صياح على حال امها .
خالتها : بسج يمه ان شاءالله ربي يشفيها ادعي لها يابنتي
شيخة : ربي يشفيها وكملت صياحها .





.



ثاني يوم وطبعا مشاعل مازارت امها راحت المدرسة جنه يوم طبيعي واختها من امس واهي في المستشفى اتحاتي امها

في المدرسة الكل حاله غيير مكتئب .
نورة : بنات اتصدقون ولد خالي تقدم لي .
لطيفة وبكل عفووية : مبرووووك ,, وعقبالي بعد ماقالت هالكلمة طالعتها مشاعل نظرة خرعتها وصار هدووء بينهم
لطيفة : اسفة اسفة شعول ,, مابعيدها لاتزعلين علي ,,
مشاعل :
لطيفة وقامت اتصيح : اسفة زلة لسان مابعيدها ,, كلميني
مشاعل : لا خلاص كلش ولا اجوف دموعج
وردوا يسوالفون وكملوا عاادي نورة واتكمل سالفتها : بس صج قهر انا اللي بعمري ماكلمت احد يزوجوني غصب واحد مخلص وجايف ولاعب في نص البنات لااا مابي اتزوجه
مشاعل : انزين عادي ارفضيه
نورة : وانا شقول من الصبح مابيه ولا راح اتزوجه يااربي صج هم ع القلب




.
في المستشفى . والنيرساات كلهم حول ام حمد . واتنادي بنتها بصوت مخنوق . : شـشـيــخة
قربت منها وحدة من النيرسات : هلا يمه بغيتي ؟
ام حمد : اي ابي بنتـ.ـي نادوــهــا
وحدة من النيرسات اطلعت من الغرفة اتنادي بنتها : لو سمحتم في وحده اسمها شيخة اهني
شيخة وعلى طول انقزت : اي انا
النيرس : لو سمحتي تعالي معاي الوالدة اتناديج
شيخة وراحت عند النيرس وبلهفة اتجوف امها . يمكن حالتها تتحسن
دشت الغرفة وجافت منظر امها اللي بعمرها ماتخيلت اتجوفها بهشكل
شيخة ماقدرت اترد على امها وتمت اتصيح
امها : شيخة بنتي ابييج تهتمين لاختج اوعديني ماراح اتخلينها بروحها
شيخة وبصوت مخنوق: اي اي اوعدج يمه
امها : ولا تنسين اخوج صج انه كل يوم والثاني يسافر بس بيظل اخوج
شيخة واتكمل صياحها : ان شاءالله
امها : الله يحفظج بنتي اميين ,, يوم قالت جي النيرسات طلعوا شيخة لانها ماتقدر تقعد عندها وايد بتعبها زيااادة





في هالاثناء لولوه في بيتها والقلق باين على ملامحها وتمت تتصل لشيخة ,, بس تلفونها مغلق.
لولوه : اوهوو انا الحين فاضية لها ,, شسوي ياربي وانا قلت له ان احنا بنجي له ,, يوم قالت جي سمعت تلفونها يرن بس على نغمة خلاتها تتخرع وترتجف ,,,
لولوه : مسا الخير
. : من وين ايي الخير وانتي صار لج شهور تقولين لي انج راح اتيبينها وما يبتيها ها ليكون قاعدة اتقصين علي
لولوه : لا شدعووه اشلون اقص ,, بس مادري تلفونها مغلق وماترد علي
: ما يخصني تصرفي
لولوه : خلاص ولا يهمك انا بتصرف
: اي زين جي بس بقول لج المره اليايه انا بحجز في سيلين انزين وانتي يبيها
لولوه : عاد هاذي صعبه ,, شقول لها ,, اهي ماتحب تبات برع بيتهم
: ماقلتي بتتصرفين , يلا تصرفي
وصكرت منه التلفون ويأسة منه لان شيخة بعمرها ماباتت برع البيت واكيد ماراح اتوافق

.


بعدد الكدرسة الكل قاعد في بيته يرتاح او يدرس لامتحانات اخر السنة لان مابقى عليها شي .
بس في بيت مشاعل غير .
كالعادة قاعدة في غرفتها وتسمع اغاني . وتتكلم ع الفون . وينطق الباب
: يبه مشاعل فتحي الباب انا ابوج بسرعة قامت وافتحت له الباب
ابو حمد : يابنتي شمقعدج اهني ليش مارحتي لامج المستشفى وزرتيها
مشاعل : وراي دراسة لي خلصت بروح لها .
ابو حمد خلي عنج الدراسة وتعالي معاي الحين بروح لها
مشاعل وبملل : اوك خلاص الحين ببدل اطلعت من غرفتها بعد مابدلت وانزلت عند ابوها وراحوا سوا المستشفى .

.
.

في المستشفى بعد وصولهم طبعا . جافوا خالهم والزعل باين عليه
بو حمد : ها طمنوني
.: يقولون حالتها ماتسر وماتحسنت من امس .
بو حمد: لاحول ولا قوة الا بالله ,, وليش محد قال لي
شيخة : يبه من امس وانا اتصل فيك وماكنت اترد
بو حمد اي صح خليت التيلفون في السيارة ونسيته
شيخة : الله يعيين
مشاعل وقاعدة بملل وتتعبث في تلفونها واطالع خالها كل اشوي وبنات خالها اللي متخرعين لخالتهم
حست بضيقة بس على طول اشغلت نفسها وانزلت عند الكفتيريا ومن بعدها ردت البيت
وتم هالحال جي اسبوع كامل لان ابوها كان يجبرها اتروح معاه حتى يوم كانت اترد من المدرسة .



وفي يوم الاربعا يوم مشؤوم يوم نزلت عليهم المصايب يوم توفت فيه ام حمد .
حالهم في المستشفى بعد مال بلغهم الدكتور بوفاتها
الدكتور : اذكروا الله كل واحد وله يومه وادعوا لها عشان الله يرحمها
شيخة حالتها اتقطع القلب اتصييح وماتسكت وماحاسة باللي حولها خالهم علي حط غترته بويهه وخالتها تموا يصيحون ويصارخون وصراخهم واصل لي نهاية الممر .
وبنات خالات وخال شيخة يهدونها وحاسين بالشفقة عليها اما بوحمد واقف على ريله ومو مصدق اللي سمه زوجته اللي صار له سنين متزوجها توفت ! ماصدق الخبر تم طول الوقت واقف وماتحرك
بس في حد من الغرفة شكله ماتغير كله كان تعبر وجهها عادي وبارد وغير المبالاة والاهتمام امبين عليها .؟









كانت مشاعل اللي بعمرها ماسئلت عنامها واللي كانت اتي لها المستشفى واهي مجبورة . وطبعا الكل استغرب من شكلها ,, على بالهم انها مو مستوعبة الفكرة بس اهي كانت تتمنى هاللحظة من زمان تذكررت يوم قالت اتكلم نفسها واتقول : متى بفتك منها
واسئلت نفسها : انا ماكنت ادانيها حتى كنت اتمنى هاللحظة بس انا مو مستانسة بهالشي وتمت اتفكر واسرحت بعيييد .
شيخة ومو قادرة توقف اختها مو مبالية ابوهم يتكلم في تلفونه
حالتهم غريبة





.
.





في اليوم الثاني طبعا البيت الحزن ماليه مفتقد وجود انسانة كانت للبيت نفس العامود انسانة حاولت ولي اخر لحظة اتصحح اغلاطها حاولت لانها اعترفت بغلطها بس في هالبيت محد حس فيها حاولت اتعيد وتجمع اسرتها بس لاحياة لمن تنادي .

طبعا ثاني يوم عزى والميلس مليان حريم وزعلانين وصياح وحالة . في منهم اللي يصيحون بفقدانها وفي منهم يصطنعون هالشي واهم اصلن ماكانوا يعرفونها ولا كانوا يزورونها .
في غرفة شيخة .
شيخة والتعب باين على عيونها من السهر وويها لونه رايح من الصياح اللي صاحته واللي مازلت اتصيح

لولوه اللي معاها بالغرفة وكاسرة خاطررها : خلاص الحين اهي عند رحمة رب العالمين
شيخة :
لولوه : خلاص حبيبتي هونيها واتهون
شيخة :
لولوه يلا عاد عن الدلع وتعالي اكلي معاي شكلج من امس مو ماكلة مو زين جي
شيخة :
لولوه : ياربي تبين ازعل منج وماكلمج ,, صار لي ساعة اكلمج وماتردين وماتبين شي
شيخة : . , وبصعوبة تكلمت , اسفة اعذريني مالي خلق لشي
لولوه : حياتي شوواخ انزين بس اكلي هاي واوعدج مابسندرج من بعدها
شيخة جافت انها اتحاول معاها ومن الصبح كانت معاها احظنتها وتمت اتصييح : مادري من دونج شسوي الله يخليج لي وماياخذج مني نفس ماخذا امي وزااد صياحها
اهني لولوه تقطع قلبها عليها وحست بتانيب الظمير على اللي كانت ناوية اتسوية بس على طول تذكرت يوم كانت في الثانوي واللي صار
وعلى طوول ردت على كرهها وقامت تكرهها اكثر من قبل




.
.

وفي غرفة شيخة الشلةكلهم ملتمين حولها ساكتين يطالعونها واهي قاعدة في السرير سرحانة .
نوف : علىمن سرحانة وابتسمت لها
مشاعل : ها ؟ لا لا محد فكرج راح بعييد ,, اتصدقون البيتاهني خنقة مابي اتم تعالوا نطلع انروح السينما اشوي انغير جو
هيا بققت عيونهامستغربة من كلامها لفت على نورة اللي اهي كانت بعد جي ولطيفة : اشفيكم بنات قوموايلا خل انروح حبيبي يبي يطلع
هيا : شنو ؟ وين حبيبج
لطيفة : ياربي مشكلةاليهال انزين يلا قوموا
هيا : انتو روحوا انا برد بيتنا . وطلعت من الغرفةوراحت بيتهم
ومشت باقي الشلة وراحوا السينما
يوم خلص الفلم واطلعوامنه ,, راحوا يتمشون بس من بعييد جافت لطيفة واحد وكان ياي صوبهم ومستانسبشوفتها في السيتي .






ياترى من هاي
بتعرفوونهوبقولكم في البارت الياي

[# بنت عتيبة #]

البارت السادس
الندم مايفيد } ~

وتم الصوت يناديها : لطيفة ,, لطيفة .
وكان ناصر اخو ابراهيم ريل اختها . تخرعت منه يوم جافته يناديها
واللي خرعها زيادة نظرة مشاعل لها .
ناصر : شخبارج لطيفة شمسووية
لطيفة : الحمدالله بخير
ناصر : سوري ماكنت اقصد اناديج باسمج في مكان عام اسمحي لي
لطيفة : لا عادي ,, في اثناء هاي الحوار نظرات مشاعل مافارقته تمت اطالعه باحتقار ومستغربة منه لنه تم يناديها باسمها ,, ومطيح الميانه
ناصر : ابراهيم طرش لي مسج وقال ان اختج خذت الدريول واهو توه راد من برع وماله خلق يسوق وقالوا لي اوصلج لاني كنت اهني وتموا يدقون عليج بس مارديتي
تلفونها كان سايلنت لانها كان في السينما,, لطيفة انحرجت اهني وبغت تتكلم بس قاطعتها مشاعل وبكل عصبية : لا اخوي انا بوصلها
ناصر : لطيفة متاكدة ماتبين اوصلج
مشاعل وواصله حدها : ماتفهم انت قلت لك بوصلها وليش تسالها اكاني قلت لك انها مابتي معاك ,, وامسكت يد لطيفة وراحوو
ناصر : احترمي نفسج وشهالسلوب ياي اطر انا انا وجهت الكلام لها واظن ماوجهته لج يعني انتي دشيتي عرض
مشاعل : انت اللي لازم تحترم نفسك ,, اشلون اتكلمني جي , جني اصغر عيالك لا تعال بالمره اضربني بعد ,, وااي مابقى واحد من الشارع ويقول لي هالكلام صج اخر زمان وانا مالي خلق اتهاوش اليوم ,, افف يلا بنات قوموا امشوا ولطووف حبيبتي ثاني مره هالاشكال اذا نادتج سفهي لهم .
يوم سمع هالكلام ماصدق اللي سمعه: هاي بنيه ولا صبي ولا اشلون اتقول لها حبيبتي واتمشي كلامها عليها,, آآه بس لو فيدي سلطه عليها جان ماخليتها تطلع معاها .


.
.



البنات يوم راحو بعييد ووصلوا البوابه
لطيفة ومعصبة : هدي يدي ,, خايفة اتركج ولا شنو ,, فضحتيني بين الاهل تدرين هاي من !! هاي اخو ريل اختي ,, يارربي شسوي الحين اخاف يقول لاخوه او اختي الي صار
مشاعل : شنو يعني اتهدديني ,, جوفي ترى انا لحين مستحملتج ,, بعد اللي سويته عشانج اتقولين لي انا جي ,,انا !!! ماصدق صار لي وياج 3 سنين واتقولين كل هاي بس عشااانه ولا وتوج اتعرفينه لو ماتبيني قولي في ويهي عادي اقدر احصل 100 وحده ولا احسن منج ,,
لطيفة وعيونها ادمع : يعني انا سويت لج مشاكل ,, وتتبلين علي ,, وحطيتيني في موقف ,, معليه حياتي لو تبين اتهديني بكيفج بس ما توقعت انج بتكونين معاي في يوم من الايام جي ومن اليوم لا تكلميني وانسي رقمي وفي المدرسة لاجني اعرفج ولا اتعرفيني ,, وتمت اتصيح واطلعت .
نورة: شعول حرام علييج ,, ليش سويتي لها جي
مشاعل : ياااربي فكووني سكتوا عني لحد يكلمني وراحت عند سيارتها
لطيفه راحت البيت واهي معصبة على مشاعل ومستغربه من اللي سوته




.

.





في بيت لطيفة ردت البيت واهي اتصيح .
امها : لطيفة يابنيتي علامج اتصيحين ؟
لطيفة وبسرعه امسحت دموعها : لا يمه اليوم جفت فلم البطل مات تحسفت ومن ذاك الوقت وانا اصييح
اختها منيرة : لطوف ماتيوزين عن سوالفج !! احين من صجج الحين اتصيحين عشان بطل ولا ياريت ان القصه حقيقيه .الممثل اللي مثل دور البطل يايمه عايش الحين نفس السيبال خخخ
لطيفة : ادري بس مادري مزاجي ما كان اليوم اوكي واندمجت مع الفلم عشان جي
امها : الله يهديكم
وراحت لطيفه غرفتها وصكرت على نفسها وكملت صياحها .



.





في بيت فاطمة واهلها
فاطمة في غرفتها بعد ماردت من الطلعة تمللت راحت عند اختها جواهر
فاطمة : جوجو بقول لج شي سمعيني !!
جواهر ولاهية بالتلفون اشرت لها عشان تطلع
فاطمة : اوف انا الغلطانه اني يت اكلمج . اطلعت من الغرفة وصكرت الباب
جواهر وفي التلفون واشوي وبتصيح : انزين انا شذنبي الحين شسوي بالياهل لو هلي دروا بيذبحوني
. : جوفي انا ماغصبتج على شي . كل شي كان برضاج من البداية صح
جواهر : وانت وعدتني بتتقدم لي يعني قصيت علي !!! انا امنت نفسي عليك لانك وعدتني وانا صدقتك . وبعد انت حنيت علي تذكر ولا اذكرك
: اوهوو الحين شتبين من صجج الحين تبين اتزوج وحده كلمتها ولعبت عليها باي عالم عايشه حبيبتي انا عقب 3 اشهور زواجي وبتزوج بنت عمتي اللي مالها سوالف كلش احسن لي من اني ما اتزوج وحدة مكلمتني قبل الزواج اذا قبل الزواج جي عيل بعده شبتسوين !
جواهر : حرام عليك ارحمني ولا اشوي يعني شسوي انتحر ؟ وانت تتكلم عني جني رخيصة وانت تدري انا من منه وسمعتي اشلون كانت وتذكر اشلون كنت تلحقني
. : والله هاي مشكلتج لو من البداية سفهتي لي ماصار هالشي
جواهر والدمعة انزلت من عيونها : حسبي الله عليك اتسوي جي في بنات الناس وتتكلم عن عمرك جنك ماسويت شي اذا ماخذيت حقي منك الله راح ياخذه منك وسكرت ف ويهه التلفون




.
.

وفي بيت نورة جو التوتر والعصبيه ماكان اقل منهم .
نورة وتوها رادة من البيت جافت اخوها محمد قاعد بالصاله ويا امها
محمد: من وين راده
نوره : كل يوم تحقيق شتبي ! مللتني
محمد ويبي يقهرها : خلاص ان شاءالله قريب راح تفتكين من تحقيقي وريلج راح يكون مسؤول عنج
نوره : شتقصد !
محمد : انا وعبدالله جدمنا موعد العرس بنخليه في الاجازه يعني بعد 3 شهور
نوره والعبره خانقتها : لا مستحيل مابيه غصب يعني ,, حرام عليكم ,, يمه تكفيين كلميه ماابيه
امها : يابنتي سمعي كلام اخوج تراه يبيلج الستر ,, ويعني لي متى بتدرسين ماردج بتتزوجين
نوره : ادري بتزوج بس مابيه واحد لاعاب يلعب بالبنات وفاضحهم ,, ياربي مابيه حست انهم ماقاعدين يفهمونها ولا ياخذون كلامها بجدية انقهرت وراحت غرفتها .











بعد يوم مر بالاحداث انتهى هاليوم. ويبدا يوم ثاني يحمل الدموع والقهر والكآبه .
قاعدة بالغرفة اتصيييح واتصيح من اللي صار امس ومحد حاس فيها الكل على باله انها راقده لكن دموع مافارقت عيونها
امها طقت عليها الباب يمه لطيفه قومي يلا صلي الحين الساعة 12 ونص يعني متى بتقومين
لطيفه وماتبي اتكلم احد : انزين بس لحد يزعجني مره ثانيه
امها استغربت من ردها بس خلتها في حالها
وتم حالها جي طوول اليوم . بس حالها ماكان غير عن رفيجتها نورة اللي حاسه ان محد بهدنيا يفهمها صاكه على عمرها الغرفه ,, والكل حسباله انه دلع بنات ,, لك بنفس الوقت جابرينها على شي ماتبيه .
لكن عند مشاعل غير . في غرفتها ومنسدحه ع السرير قايمه لااكل ولا شرب ولا شي ,,طول اليوم مر واهي سرحانه تمت اتفكرواتفكر واهي ماتدري عن شنو اتفكر اصلن وهاي تم حالها طول الويكند .





.






في بداية الاسبوع.
في المدرسة الكل كان قاعد حوالين مشاعل والكل ساكت يوم غير كل واحد ملتهي بمشاكله وهمومه بس في وحده من الشله كانت ناقصة عرفتوها >> لطيفة تمت قاعده بروحها في زاوية ومحد عندها حست نفسها منبوذه بعد اللي صار يت لها هيا

هيا : لطوف شمقعدج اهني وين الشله عنج خخ
لطيفه : مادري مابيهم خلاص لاتيبيلي طاريهم
هيا : اافاا ليش انزين شصاير؟!
لطيفة ولا شي وقامت منقهره وراحت الصف وقعدت بروحها .
اما الشله .
نوف وتبي تقطع الصمت : بنات تعالوا اليوم نطلع !!
مشاعل : انا مابي انتو روحوا وقامت وراحت صفها واهي معصبه
نوف : بل اشفيها
محد رد عليها الكل سرحان











في هذه الاثناء وفي جامعة قطر
شيما : انزين حبي شواخ ليش يايه الجامعه ليش ماقعدتي اليوم بالبيت ابرك
شيخه : لا لا ماقدر والله خنقه ولوعه مادري ليش !
شيما : خلاص براحتج
وقاطعها صوت لولوه اللي كانت يايه من بعيد وكانت يايه صوب شيخه بالتحديد
لولوه : ها اليوم شخبارج
شيخه : تمام
لولوه : يلا قومي مشي معاي بخلييج اتغيرين جو مالي خص بتين يعني بتين
شيخه : انزين وشيما
شيما : لا انتو روحوا انا اصلن تعبانه بروح البيت .
لولوه : عيل الحين ماعندج عذر
شيخه : يلا مشي انزين
قي هاللحظه رن تلفون لولوه
. : الو
لولوه : نعم
: بل سلمي
لولوه : ماعلينا ,, شبغيت
.: شصار بخصوص ذاك الموضوع
لولوه وبصوت واطي عشان لاتسمعها : ياخي توها امها متوفيه انطر اشوي
.: لا مايخصني ,, انا بروح الشاليه الاسبوع الياي وابيها اتكون موجودخ انزين
لولوه : لا عاد هاي صعبه ,, انطر جي شهر شهرين عقب بنتفاهم
.: مافيني صبر ,, وترى انا نطرتج وايد الحين
لولوه : اف ذليتنا مايسوى علي ,, انزين بجوف وبحاول معاها صكرت منه وراحت صوب شيخه اللي ابتعدت عنها يوم كانت تتكلم بالفون واهي ماحست
شيخه : صاير شي بينكم
لولوه : مادري اشفيه هالايام كله معصب علي
شيخه : بال ماسرع مامدا لكم تزعلون من بعض
لولوه : معليه ,, انزين حبي بسالج بس قولي تم

شيخه : قولي الشي بالاول عقب بنتفاهم
لولوه : لا انتي قولي , ياربي ترى بحن على راسج لي ماتقولين
شيخه : خلاص تم
لولوه : اشرايج انروح الشاليهات
شيخه : لا اسمحي لي توها امي متوفيه الاسبوع اللبي طاف واروح شاليهات واستانس ,, لا حياتي مابي
لولوه : موت امج قضاء وقدر ,, يعني طول عمرجبتمين جي ,,امج ماراح ترضى عليج لي تميتي جي
شيخه والدموع ماليه عيونها : خلاص خلاص بروح
لولوه : فديتج حياتي الله ,, اشرايج بالاسبوع الياي انروح
شيخه : اوك خلاص ,, ماعندي مانع
لولوه وشاقه الحلج : خلاص عيل .



.

قاعده بروحها في البيت وكله اترجع ومحد يدري بهالشي
جواهر واتكلم نفسها : حسبي الله عليك ,, الحين انا في اول شهور ياربي شسوي , تمت اتصيح واتصيح . لي مادشت عليها اختها فاطمه
فاطمه ومتخرعه : جوجو اشفيج ليش اتصيحين وشفيه ويهج مصفر؟
جواهر : ولا شي راسي يعورني
فاطمه اخذي لج بندول ولا مسكن وارقدي .
جواهر : لا مابي بيروح من نفسه
فاطمه : والله على كيفج انتي اللي تبين العوار ههههه
جواهر :
فاطمه : الا بقول عرس منور قرب ماقلتي لي شراح نلبس
جواهر : والله مادري
فاطمه انزين اخر الشعر بنروح ونشتري للعرس اوك !! عقب لاتقولين لي لا ومادري شنو
جواهر : خلاص ولا يهمج اول ماينزل الراتب سيدا بنروح ونشتري للعرس
فاطمه ومستانسه : الاااي يعني اوك
جواهر : اي يلا فطوم بندي الليتات وانا بروح ارقد مصدعه
فاطمه : ان شاءالله اطلعت من الغرفه وصكت الليتات والباب . لكن النوم مجافيها اتصيح حسرة على اللي سوته وماتعرف شلون بتصلح هالشي . وكل يوم الحمل يزيد ويبين عليها




.
.





في بيت مشاعل . مشاعل بروحها قاعده وبغرفتها . حاسه انها تبي اتكلم لطيفه بس ماتدري اشلون
التلفون بيدها متردده تتصل لها وفجأة حست ان راسها يدور والدنيا لونها صار اسود وطاحت بغرفتها
تمت جي لي مايت لها الخدامه بعدها بساعتين عشان تسالها عن الغدا
افتحت الباب جافتها طايحه اتصلت لابوها بس مارد عليها عقب مالقت غير انها تتصل بالاسعاف .
جاو الاسعاف وعلى طول ودوها الطواري . بعد العشا الخدامه معاها واتصلت بابوها اللي رد عليها .
الخدامه : بابا

الابو : تيمو شتبين ؟!
الخدامه : مشاعل في مستشفى انا يتصل قبل بس انت مافي يرد
الابو على طول يوم سمع هاي لبس غترته وراح عند بنته .








وفي بيت هيا . الملل لاعب دوره لكن هيا راحت غرفتها عشان تدرس لانها تبي اتحصل نسبه .
شهد دشت عليها الغرفه جافتها مندمجه بدراستها
شهد : هيا قومي عدلي البيت
هيا : انتي فاضيه عندج اجازه عدليه وانا امتحاناتي جربت لازم ادرس
شهد : بلا لام فاضي قومي عدلي البيت
هيا : انزين دقايق ببدل وبنزل اطلعت من الغرفه ويت هيا بسررعه وقفلت باب غرفتها
شهد : يالحيوانه صج جذابه انا اتسوين فيني جي وليش يعني !!
هيا ومن ورا الباب : والله انا مب خدامه انتي ف اجازه اشتغلي ,, انا دراستي اهم ولا ماتبين اخذ درجه احسن منج
شهد يوم سمعت هالكلام بغت تذبحها بس نزلت الصاله وحدها معصبة











في الطواري . ابو مشاعل دش عليها وجاف ان ويهها تعبان والسواد تحت عيونها كبير وذبلان . استغرب من شكلها لان اخر مره جافها كان بنفس هاي المكان بس الشخص اللي كان منسدح ع السرير امها ,, حس بتانيب الضمير وقلبه عوره عليها وعلى اهماله لبنته تذكر يوم ام حمد كانت اتقول له اهتم بعيالك ,, حس بكلامها .

جا الدكتور الغرفه وجاف ابوها .
الابو : دكتور اشفيها بنتي؟!
الدكتور : ماكلت شي من ايام وجفاف في جسمها والضغط منخفض
الابو منصدم : كل هاي في بنتي متى وليش
الدكتور : بنتك مب معاك في البيت
الابو : امبلى

الدكتور : عيل اشلون ماتدري عنها ؟!
الابو انحرج وحس بمسؤوليتها : اي اي مب معاي بس ظروف صادتنا عشان جي ماقمت اجوفها
الدكتور : الحمدالله على سلامتها بس داروها واهتموا فيها .
الابو : ماتوصي حريص طلع الدكتور من الغرفه والابو حاسس بخنقه .









اليوم الي بعدها جا صباح ثاني ويوم جديد غير فيه الاحداث كلها .
في المدرسة
نوره : وين شعول !
نوف : في المستشفى اليوم العشا بتطلع !!
نوره ومو مصدقة : ها كانت في المستشفى ومتى هاي
نوف : اي امس بعد رحت لها والله شكلها متغير وعليه
فاطمة : انزين من شنو .
نوف : مادري ماسئلتها
نورة : اي والله مسكينه كااسره خاطري
يت لهم هيا من بعيد
هيا : هايو بنات !!
البنات : هايات
هيا : الا وين شعول ! اليوم ماجفتها الصبح ولا في صفها ؟!
نورة : هيو ترى شعول بالمستشفى
هيا : ومتى دشت المستشفى مو امس داومت
نوره : اي بس في الظهر ودوها كانت تعبانه
هيا : فديتها والله مسكينه اكيد من سالفة امها
ويت لطيفة صوب هيا ومالاحظت انهم الشلة .
لطيفة : هيو بقول لج شي تعالي .
نورة : الناس اتسلم ولا عقب اللي صار بينكم ماصرنا ربع
لطيفة : اسفه والله .
فاطمه : اشفيها عيونج جنه حد مكفخج هههههههه
لطيفه : مادري يمكن من السهر
نورة : لحين زعلانه من شعول ؟
لطيفة : ماجفتيها شسوت فيني ذاك اليوم ,, الحين ماقدر اقعد ويا هلي اخاف السالفة وصلت لهم
نورة : لا انتي مكبره السالفه .
لطيفة : لا مكبرتها ولا شي الا وينها مسوية لي مشاكل واشردت
فاطمة : وين اشردت ياحظي بالمستشفى
لطيفة الخرعه باينه على ويهها : وليش شصار فيها
فاطمة : مادري بس اليوم بتطلع منه !
لطيفه : انزين ليش ماتقولون عني قلنا متهاوشين بس مب لهدرجة
نورة : تونا ندري بهالشي
لطيفة : خلاص اليوم انروح لها بعد الدوام سيداا

نوف: بل بل اشتطت ,,, خلاص بنروح .














خلص الدوام والكل راح بيته عشانيبدل . ويزور مشاعل






عند لولوه وشيخه في الجامعة . قاعدين ضحكوسوالف بينهم


شيخه : باال احسني من زمان ماستانست جي


لولوه: افا عليججاهزين اي وقت


في نفس هالوقت شيما كانت قاعده ويا وحدة من ربعها قريب منلولوه وشيخه واتقول


. : وين شيخوه عنج من زمان ماجفتها معاج


شيما : لاهيهبوحده من ربعها .


. : كا هاي


شيما : اي والله ,, وكله اطقع لي اما اهيلو قالت لها شي على طول اتسويه لها


.: بل لهدرجة


شيما : اي واكثرجوفيها اكاهي ذيج البنيه .


.: وععععي


شيما : اشفيج


: هالبنيهسمعتها كجرره الكل يعرف انها راعية سوالف والبنيه رايحه فيها اي وحده تتعرف عليهااتعرفهم على شباب وحاله


شيما ومتغرعه : من صجج ,, لا مب لهدرجة


.: ايواكثر والله البنيه مب زينه نبهي رفيجتج قبل لاتسوي فيها شي


شيما : خلاص الحينبقوم وبكلمها


راحت عند شيخة . قاطعت لولوه وبدون ماتسلم عليها


شيما : شواخ ضروري ابي اكلمج الحين


شيخة وقامت وراحت بعيد عن لولوه : هلا


شيما : انتي لحين تمشين مع ذيج


شيخه : من ذيج ,, قصدج لولوه


شيما : اي شيخوه البناتيقولون لي هالبنيه سمعتها رايحه فيها كله اتعرف بنات على شباب شواخ بليز هالبنيهمب اوك والله انا خايفه عليج بلييز


شيخة :




ياترى شقال لها


بتعرفونه بالبارت الياي ان شاءالله

[# بنت عتيبة #]

البارت السابع
ايام وبنعيشها }~
شيخة : لو سمحتي شيوم لطلعين سوالف على اعراض الناس
شيما : شواخ سمعيني بس هاي البنيه كل وحده تعرفت عليها خربتها ودتها الحضيض تكفين سمعيني
شيخه : ماتوقعت انتي شيوم رفيجتي مستواج بيكون جي ,, يعني اذا خليتج يومين ورحت عندها اتسوين جي بال ماتوقعتج بتكونين جي
شيوم : شقصدج ؟
شيخه : يعني اشكره ماتبينها اتكون دوم معاي ,, شيوم خلي عنج سوالف اليهال ,, ومابي اسمع هالكلام منج
شيما ومعصبة : هاي جزاتي اني قاعده انبهج ,, خلاص خل اتسوي اللي تبيه ,, بس تذكري لو يالج يوم وتحسفتي راح تتذكرين هاللحظة
ومشت بسرعه من الحره اللي فيها اشلون اتصدق وحده جافتها من كم شهر وانا معاها من صغرنا الله يستر

.
.

في المستشفى البنات راحو عند مشاعل وجافوا بس بنت خالتها موجوده اما من بيتهم محد استغربوا ومشواعندها وجافوا ويهها متغير وتعبان يوم دشوا ا سلمت عليهم عقب اطلعت من الغرفه
يت نوره : ماتجوفين شر
نوف : ها تدلعين يالعيوز مسويه فينا مقلب
والبنات تموا يضحكون الا وحده كانت واقفه ورا ومو عارفه شتسوي يرتهاهيا من يدها وخلتها اتدش داخل
جافتها مشاعل ولطيفة على طول دنعت
مشاعل استانست يوم جافتها حست انها بتموت من الوناسه بس ماحبت اتبين لها عشان لاتصدق عمرها خخ
لطيفه والدمعه بعيونها : سلامات
مشاعل وانكسر خاطرها عليها : الله يسلمج ,, لحين زعلانه علي
لطيفه وماقدرت تتحمل تمت اتصيح بصمت :
مشاعل وقامت من السرير بصعوبه وقربت منها وامسحت دموعها بيدها اسفه والله ماكان قصدي ازعلج يلا عاد عن الدلع .
ولطيفه على طول احظنتها : اسوء يومين مروا علي الايام اللي ماكلمتج فيهم وتمت صيح
نوف وتبي تقطع عليهم الفلم : ها اجوفج قايمه من السرير ,, خخخ عليج افلام
مشاعل وبدفاشه : هيي انتي شعلييج
نوف : بل كليتي ويهي ,, يلا بطلع
مشاعل : اونه زعلانه اقوول تعالي وين رايحه
نوف : خلاص ماتبوني بطلع انا .
مشاعل : اي صح قبل لاتطلعون باجي معاكم
الكل وباستغراب : وين يايه
مشاعل : الحين بقول لبنت خالتي ابي اطلع والله كتمه مابي
لطيفه : لا بتمين يعني بتمين
مشاعل : فديت حياتي الخايفه علي ,,بس بطلع وبركب راسي خخخ



.
اطلعت من المستشفى ومرت الايام بسرعه بالنسبة لها . وطبعا نفس ماجفتوا تصالحت ويا لطيفة
في هذه الاثناء
عند شيخة ولولوه .
شيخه : ياربي شاخذ الحين
لولوه: يلا بسرعه تاخرنا على البنات ,, اخذي اي شي
شيخه : اشرايج بهاي !!

لولوه : لا مب حلو وايد طويل ,, اخذي هاي ظهره مكشووف واحلى منه بوايد
شيخه : خلاص ,, انزين كم يوم بنتم اهناك
لولوه على حسب الوناسه
شيخه :خلصت ,, والحين يلا مشي خل انروح
لولوه: حطي اغراضج وانا باجي وراج بتصل وبجيك على وحده اذا بتي ولا لا
شيخه : اوك
على طول خذت تلفونها وراحت بعيد عشان لاتسمعها .
لولوه : ها وينك
.: انا الحين في الشاليه
لولوه : جوف احنا والبنات ماخذين فله بروحنا انا وشيخه خذنا فله بعد ,,, انا بروح عند البنات اونه وبخليها بالفله بروحها وانتو سوا اللي تبونه فيها حلالكم .
.: واي ساعه ؟
لولوه: ع الساعه 12 في الليل
. : خلاص
لولوه : وصوري وكل شي محيتهم
.: اي افا علييج
لولوه : انزين كل شي جاهز . واطلعت لها شيخه من وره اتناديها وسكرت التلفون بسرعه وراحت عندها .





في بيت فاطمه يلا جوجو تاخرنا يعني متى بنرد من الصالون
جواهر : اكااني يايه صج حنانه
فاطمه : خخخخ اي لازم نطلع اكشخ ناس
فاطمة : يلاا بسرعه خل نطلع قبل الزحمه.
واطلعوا من البيت .


.
.

في بيت مشاعل
مشاعل قاعده يم ابوها ويطالعون التلفزيون . ابوها حاول يقطع الصمت ويقول لها اللي كان بخاطره
ابوها : مشاعل بنتي
مشاعل : هلا يبه
ابوها : بغيت اقول لج موضوع وابي رايج فيه
مشاعل وباستغراب : شنو
ابوها : انا اجوف ان في هالبيت ان الكل لاهي بشغله حمد كل يوم اطرشه لسفره . وشيخه لجامعتها ولربعها وانا اكيد لشغلي بقى انتي اللي صار ذاك اليوم خلاني افكر اني اتزوج مره ثانيه حد يسليج ويتم معاج في البيت مو اتمين بروحج ولا حد داري عنج اتكون رفيجتج اشرايج؟
مشاعل اتكلم نفسها : اتقط شغلك على غيرك
ابوها : ها شقلتي
مشاعل : بكيفك يبه اللي تبيه
ابوها : يعني ماعندج مانع ؟
مشاعل : لا يبه وليش بيكون عندي مانع ,, هذي حياتك ومايحق لي اتحكم فيها
ابوها استانس على تفكيرها الكبير واكبرت بعينه . لكن اصلن اهي مب فارقه عندها تزوج ولا ماتزوج





في الطريج .
شيخة كانت قاعده يم لولوه في السياره : لولو بطني يعورني مادري ليش جالي قلق
لولوه : من شنو
شيخه : مادري يمكن من الطلعه قلبي قارصني مابي اروح
لولوه : يعني بذمتج شراح يصير احنا بنات وبس يعني من بيكون معانا وتدرين انا وانتي بروحنا في فله عشان مايزعجونا البنات.
شيخه : مادري والله مادري بس الله يستر



.
.

الجو عند فاطمه وجواهر غير كله وناسه وضحك
فاطمه : وععععي جوفي هاي شلابسه بطنها يبين
جواهر : اونه كشخه كاااااااك
فاطمه حمدالله والشكر ,, وااااي لحقي جوفي ام الاصفر عااشو
يت بنت خالتهم : بل بل ماخليتو حد ماحشيتو فيه
فاطمه : بذمتج هاي اشكال تنجاف واااي اهم شي الباروكه وع وع
جواهر : ماعلينا منهم اهم شي احنا خخخخ
فاطمه : واي على التكبر انا احلى منج ادري
بنت خالتهم : اي مشاءالله عليها اتهبل الله يحفظج
فاطمه : وانا اهئ عبرو لي
بنت خالتهم : انتي توج مايهم اذا حلويتي ولا لا
فاطمه : احم ليش يعني
بنت خالتهم : يعني صغيره لحين ,,الكل عيونه دوم اتكون على الكبيره
جواهر : في هاي صدقتي ,, جوفي هالعيوز اشلون اطالعني ,, مايسوى علي
فاطمه : خخخخخ حاطه عينها عليج تبي تحجزج
جواهر وراتبكت لانها ماحسبت لهاي الشي حساب : وين تو الناس على قولتج مابي
وكملوو سوالفهم




.
.

في الشاليهات كله زحمه وبنات وربع ووناسه .
لولوه : قومي شواخ خل انبدل عقب برد
شيخه بعدين نطري ادور على وحده من زمان ماجفتها
لولوه: دوريها باجر تعالي الحين خل انروح .

شيخه : تو الناس وانا عيزانه ابدل , نطري بعدين بنبدل
لولوه وبدت اتعصب : خلاص براحتج وخذت تلفونها
لولوه : اسمع تراها بتم اهني مادري اذا بطول
: يعني جذبتي علي
لولوه : لا وين قلت لك بيبها
.: انزين وينهي اهي ماجوفها .
لولوه : صبر ياخي انا ببات اهي عند البنات وبقص عليها وبخليها اتي بروحها الشاليه جوف لا تشغل الليتات ولا تخليها اتجوفك لانها جافتك مره في الاند واكيد راح اتقطها علي اذا جافتك انزين
.: افاا عليج
لولوه : خلاص عيل باجر الصبح بكلمك وبنجوف شصار
. : انزين ,, وصكر منها التلفون ,, وقال : يالربع اليوم بيب لكم وحده خطييره
واحد منهم : اي انت كل وحده اتيبها عجيبه ,, يلا انجوف اليوم شراح اتيب
. : نطروا وبتجوفون ,, بس بقول لكم لحد يشغل ليتات ولا شي عشان لتجوف ويوهكم الحلوه
واحد منهم : اي اخاف تنعجب فيني عقب وماتخليني بروحي اذا ماصكرتو
وتموا يسولفون لي ماخذاهم الوقت

.
.



في بيت هيا
الكل مجتمع ويسولفون يت ام هيا وقالت : هيا تعالي ابي اقول لج شي
مشوا وراحو صوب الميلس وصكروا الباب طبعا
ام هيا : يمه ابي اقولج شي بس اوعديني ماتقولين لاختج
في هالاثناء قامت شهد وسوت نفسها رايحه المطبخ بس راحت تسمع كلامهم .
وكملت هيا واتقول : اي اوعدج بس قولي لي شسالفه
ام هيا : والله يابنيتي اليوم تقدم لج واحد وانا مادري اذا تبينه ولا لا في نفس الوقت مانقدر نوافق لان الكبيره لحد الحين ماتقدم لها نصيبها
هيا : انزين يمه مب اهي بس بعد شيما ماتزوجت
ام هيا : سيما تقدم لها اخو رفيجتها ووافقنا بس لحين ماصار شي لانه سافر وعقب 4 او 5 اشهور بالكثير راح يرد وبتنخطب وماادري لان هاي اللي تقدم لج يبي انوافق بسرعه والخطوبه واحنا قلنا له ينطر
هيا : يمه فديتج قولي له مابي مايصير انا اصغر وحده انخطب وخواتي توهم
ام هيا : بس اهو ما يتعوض
هيا : مو توج اتقولين شهد لازم تتزوج بالاول عقب احنا
ام هيا : اي بس والله محتاره الولد زين وماينرفض اخلاق ,, ونسب وعيله,, والحاله الماديه زينه واكيد راح يعيشج في عيشه احسن بوايد من عيشتنا واذا رفضتيه هاي بيكون 3 واحد بترفضيه عشانها
هيا: يمه عيشتنا مافيها شي كل شي والحمدالله متوفر لنا وانا بالنسبة لي توني بعد الله يمكن يعطيني احسن منه لكن قبل شهد ماراح اتزوج
ام هيا ومتردده : خلاص يعني ماتبينه اكييد
هيا : اي خلاص ان شاءالله ربي يعوضني عليه باحسن منه
ام هيا وفي نفسها (مافي احسن منه ) :عيل قومي خل انروح الصاله وباجر بكلم امه
افتحوا باب الصاله مالقوا الا شهد واقفه والدموع ماليه عيونها
ام هيا وانصدمت ماكانت تبيها تسمع شي : يمه ليكون سمعتي شي
شهد وصوتها مخنوق : اي اي كل شي وعلى طول راحت غرفتها
هيا زعلت لاختها لانها هاي نصيب الله مقدره ونصيبها يا قبل اختها واختها دوم متحسسه من هالشي وعلى طول راحت والحقت اختها .









بعد العرس . فاطمه وقاعده تمسح مكياجها .: جوجو اشرايج بالعرس بذمتج ماكان فلله
جواهر وسرحانه : اي اي حلو كان
فاطمه : بشنو سرحانه ها ؟ يلا اعترفي
جواهر : ها ولا شي
فاطمه : ليكون سرحانه بذيج العيوز خخخخ وصدقتي عمرج
جواهر وعصبت : نعم انا افكر بهاي لايمه انسي انتي بس
فاطمه : بل كليتي ويهي ,, سووري ,, واطلعت من غالرفه وخذت اغراضها
جواهر واتكلم نفسها : ماقدر اتخيل الحين اشلو بكو متزوجه مع هاي البلوه ياربي ,, لازم اتصرف



.
.



في الشاليهات . والساعه صايره 1 شيخه كانت اتسولف ويا بنات يت لها لولوه واقطعت عليها
لولوه : شوااخ تعالي خل انروح فلتنا تعبانه
شيخه : انا البنات اعزموني انام عندهم وماقدرت اردهم روحي انتي وباجر من الصبح باي لج
لولوه ومتخرعه : ها شنو وليش تعالي معاي مابي ارقد بروحي
شيخه : انزين تمي اهني وارقدي مع البنات . مادري ليش حجزتي لنا بروحنا وناسه الزحمه ويا البنات
لولوه : مادري س ماخذ راحتي يلا عاد تعالي معاي
شيخه : لولو اشفيج خلج اهني انا مابي اروح لوتبين روحي بروحج
لولوه : خلاص براحتج .
وخذت تلفونها عشان تتصل عليه واتبلغه انها ماقدر تقنعها لكن حصلت تلفونه مغلق
لولوه : اووف هاي الحين ليش تلفونه مغلق وتمت تتصل بس مافي فايده
تخرعت ازياده لانها تدري انه ينطرها ويمكن امسكر تلفونه لهاي الشي
وعلى طوول راحت الفله اللي احجزته
دقت الجرس
وطلع لها

وهاي بتعرفونه بالبارتالياي

يلا ابي اجوف توقعاتكم لشخصياتنا !!!

[# بنت عتيبة #]

البارت الثامن
مرت الايام والحلم انهدم } …

طقت الجرس وفتح لها الباب واحد ملامحه مو غريبه عليها . بس مانتبهت .
لولوه : من
اهني اللي فتح لها الباب بقق عيونه وماصدق اصوت اللي سمعه لانه اهو يعرف هالصوت عدل
شغل الليتات ويرها من يدها ودخلها ولحين مو مستوعب .
وطلع .

في بيت مشاعل .
مشاعل والملل واصل حده.وقاعده بغرفتها دقت على نوف .
مشاعل : نواف بموووت
نوف : بل اسمه الله علييج ليش يبه
مشاعل : الملل ضابحني شسوي
نوف : اطلعي من ميودج
مشاعل : محد بس مادري ملل مب طبيعي محد معاي !!!
نوف : عيل تعالي معاي
مشاعل : وين
نوف : في وحده من الربع متعرفه عليها من النت وايد كلوز معاي وعزمتني على حفله على كيف كيفج
مشاعل : ومتى يعني بتبدا الحين الساعه 12 ونص بعد
نوف : اصلن بتبدا الساعه 1 ونص هالحزة
مشاعل : وليش يعني شله كل هاي
نوف : انتي ماعليج بتين ولا لا
مشاعل : اكييد شورانا بعد
نوف : خلاص عيل انا بنطرج في بيتنا عقب بنروح سوا اهناك
مشاعل : اوك . وصكرت منها وراحت وبدلت واكشخت للحفله .

عند بيت نوره
نوره وفي الصاله قاعده اتطالع مسلسل . ومندمجه ,, وينزل اخوها من الدري .
ويقعد يمها . واهي مو منتبهه .
محمد: لهدرجه كارهتني وماتبين اتكلميني اتسوين نفسج مندمجه ويا المسلسل
نوره : اشدخل اصلن ماجفتك
محمد ومو مصدق : اها صدقتج
نوره : كيفك
محمد : انزين نواري باجر روحي وتشري اغراض عشان الملجه قربت يعني ع الاسوع الياي
نوره والدمعه بعيونها : اوك خلاص ,, وكانت تبي اتقوم . ومسكها من يدها
محمد : نواري تراج انتي اختي الوحيده والله انا لو موب خايف جان مازوجتج عبود واهو اقرب الناس لي وانا اخوج الكبير وابي لج الستر
نوره : انت قلتها بلسانك انه اقرب انسان لك يعني تبي اتزوجني اياه بعد ماعرفت انه يكلم بنات ولا واهو يقول لك عن سوالفه ,,, ياربي اشلون ترضى علي انا لو واحد ثاني تقدم لي جان على طول وافقت اما اهو لالالا ماقدر صعبه ,, بس شسوي القرار مب بيدي ليت ابوي موجود بس وراحت وخلته بافكاره
محمد بينه وبين نفسه ) انا اشلون خليتها تتزوجه اي صح كلامها بس من راح يتقدم لها غيره . يلا معليه لي تزوج اكيد راح يتغير وبيحس بالمسؤوليه ويخلي هالسوالف واكييد راح تشكرني عقب لان عبدالله مايتعوض ). وتم مقتنع بالفكره او بالاحرى يقنع روحه بزواج اخته

وفي بيت هيا .
هيا وصار لها ساعه واقفه يدام غرفة اختها واهي مب راضيه تفتح
هيا : شهود حرام علييج صار لي ساعه واقفه وانتي مو معبره
شهد : .
هيا : انزين ليش زعلانه مني انا شسويت . كل واحد ونصيبه
شهد :
هيا: ياربي مب عيب اذا يا نصيبي قبلج معليه شهود ربي ان شاءالله بيرزقج بواحد كل البنات بيحسدونج عليه خخخ
شهد وافتحت الباب وعيونها منتفخه من الصياح ومعصبه : الحين شتبين مني بالضبط . تبين الشماته خلاص فكيني
هيا : الله يسامحج ,, قاعده ادعي لج واتقولين اني اتشمت
شهد : اي تبين الشماته ,, اووف ياريتج مايتي على هالدنيا جان انا الحين مرتاحه
هيا ومو مستوعبه : لهدرجه
شهد : واكثر ماتقدرين تتصورين وصكت الباب بويهها وهيا لحين منصدمه من كلام اختها اللي صار لها

ساعه واهي تراضيها على شي ماسوته .
وراحت غرفتها والحزن باين على ويهها

.
.

في سيلين .
عند البنات .
شيخه : حراام وليش سويتو فيها جي
. : خخخخخخ تستاهل محد قال لها تتفلسف علينا
شيخه : ههههههههههه ما يسوى عليها ,, الا بنات بسالكم مو جنه لولو بروحها
: اي والله حرام وعليه اصلن ليش حاجزه فله بروحكم
شيخه : قالت لان بيكون زحمه ومادري شنو بس ماقدر اخليها اتنام بروحها مب شي
. : اي يلا قومو خل انورح عندها . وقاموا كل البنات

.
.

قبل هالمشهد بدقايق .
يرها من يدها وقعد يضربها ومو حاس باللي حوله
لولو واهي مو قادره تتنفس : اسمعني ترى انا ماسويت شي دشيت بالغلط
: وبعد لج ويه تتكلمين يافضيحتنا والله لذبحج سمعتنا راحت في الارض كله بسبتج وتم يضربها والشباب يحاولون يفكونه وماقدروا عليه
. : يبه خلي اختك مايسوى عليها سوت جي
والتفت اخوها وراح صوبه : انت شنو ماتستحي وتعزم وتم يضربه وبغى يذبحه .
بس الله ستر وويت الشرطه لان واحد من الشباب اتصل فيهم .

.
.

في هالوقت اوصلوا البنات لي الفله اللي كانت كله زحمه وطبعا الهنود واقفين ويطالعون سياير الشرطه اللي كانت برع الفله غير الاسعاف
وحده من البنات: بنات متاكدين ان هاي فلتها
شيخه : اي اي انا متاكده 100% ان هاي اهي لان قالت لي ان هاي رقمها .
.: انزين شصارير
شيخه: مادري والله وقطع عليهم كلامهم وتسائلاتهم يوم جافوا لولوه والمسعفين شايلينها والدم مغطي ويهها وكان كله جروح عرفوها بس من عبايتها اللي كانت كلها كرستال .
شيخه ومتخرعه : هاي لولو
: لا مستحيل شصار فيها
شيخه وماقادره اتوقف : كله مني ليش خليتها بروحها .
. : لحظه بنات خل نسألهم شصار ومره ثانيه طلع واحد من الشرطه وماسك يد واحد تخرعت شيخه ماصدقت اعرفته . تذكرت شكله على طول . هاي اخوها اللي وصلها المول . واللي خلاها تنصدم اكثر جافت المسعفين امطلعين واحد والشباب يقولون لا حول ولا قوة الابالله . طلع اللي كانت اتقول عنه خطيبها . ماقدرت اتفكر ماعرفت بشنو اتفكر وعلى طول طرى على بالها يوم شيما رفيجتها كانت تنصحها
تبين لها كل شي وتحسفت على رفيجتها اللي هدتها عشان وحده ماتسوى تمت اتصيح والبنات حولها على بالهم انها اتصيح لرفيجتها لكنها كانت اتصيح شفقه على حال رفيجتها

.
.

في الحفله .
دشت مشاعل ويا نوف الحفله وكانت الحفله مخصصه للبنات بس
لكن في بعض الاشكال ماتوحي انهم بنات اصلن تموا يمشوون لي مايت لهم وحده من بعيد
. : نوواف حبيبي
نوف : هلا هلا
. : اهلين بقلبي ليش متاخر ؟
نوف : خخخخ هاي كله شعول مادري شعندها
. ولفت على شعول : يه يه شهالكشخه
نوف : اتغازلين يدامي
: لا الصراحه جي ماقدر بموت انا
مشاعل :واااي اشفيج انتي خلي البنيه اتعبر عن مشاعرها كملي يبه خليني اعيش دوري اشوي
: ههههههههههه حلووه ,, نواف وين خاش هالبنيه عنا ليش ماعرفتهم على الربع من زمان
نوف : مايت فرصه
مشاعل : ليش اتعرفون بعض من زمان ؟
. : اي انا اعرفها حوالي 3 اشهور
مشاعل : من النت
نوف : اي اي كله منج خليتيني وايد مدمنه على المسن
مشاعل : خخخ تعلمي مني

: يلا عيل قوموا خل انروح عند الشله

وراحوا صوب بنات واغلبيتهم اشكالهم شباب ماتوحي انهم بنات
. : هاي صبايا وشباب
كلهم : هايات
. : بنات يت لنا وحده يديده من صوب نواف
: زين زين ومن اهي
نوف : شعول تعالي وينج
مشاعل : اكاني
نوف: جوفي هاي اللي لابسه كبوس هاي سلوم وفي الجامعه كل شي عبط عندها . اللي قاعده يمها ولاصقها عليها خايفه حد ياخذه منها خخخ هاي دانه
واللي قاعده اخر شي كلش هاي شيخ الشباب عليها حركات اتموت البنات اسمه بدر اما اللي رازه الويه واللي من مساعه كانت اتكلمنا فهاي ساروه الدبه .
ساره : حرام عليك انا دبه الحين اهئ خلاص لاتكلمني مابي اكلمك
نوف : افا زعلتي مني .ترى اتغشمر معاج
ساره : بس هالمره .
وتموا قاعدين لي الفير والحفله كلها مناظر وحركات شواذ والعياذ بالله
نوف : شعول
مشاعل : ها
نوف : جوفي ذيج اتهبل قاعده بروحها اهناك
مشاعل : لا عاديه
نوف : حرام عليبج خطيره
مشاعل : كيفج
نوف: تكفين خليها اتكلمني
مشاعل : كلميها يبه بروحج انا لي متى بخليهم يكلمونج خخخخ
نوف: بس هالمره
مشاعل : كل مره جي يلا معليه انجوف اخرتها معاج
وراحو صوب البنيه يت مشاعل واقعدت يمها
مشاعل : هلا والله
البنيه : اهلين .
مشاعل : يه وشعندج قاعده بروحج
البنيه : لا ولا شي بس رفيجتي خست فيني وقالت لي تعالي وحنت على راسي يوم يت ماحصلتها .
مشاعل : افا ليج انا ورفيجتي موجودين هاي نواف وانا مشعل
البنيه : عاشت الاسامي : وانا عايشه
مشاعل : عاشت ايامج ,, ها اشرايج بالحفله
البنيه : ممله مادري ليش
مشاعل : اافا ليش الملل و نواف اهني ,,, اكييد بتونسج . وخلتهم وتموا يسولفون
ومشت وراحت بغرفه بروحها . متضايقه من الحفله وتبي تطلع بس تمت يوم جافت نوف مستانسه
يت لها ساره : شقاعده اتسوين
مشاعل : ولا شي
ساره : مليتي من الحفلة شكلج صح ؟
مشاعل : اي من قلب
ساره : تعالي انا بوديج مكان احلى
مشاعل : وين
ساره : تعالي بيتنا وانا بوريج الوناسه

ومرت الايام ركض وماحسوا فيها الا وحدة كانت اتعد الايام عد وكانت تبي الساعه تتجمد والوقت مايمر عشان اهلها لا يدرون وفي يوم الاربعا
جواهر وتوها ماخذه شاور طالعه من الحمام ومتغطيه بالمنشفه . وفاطمه دشت عليها
فاطمه : بل بل كل هاي بطن ,, اشتاكلين
جواهر وتخرعت : يعني شاكل , اكل يبه عادي
فاطمه : اها مادري عنج ,, المهم امي تبي اتكلمج
جواهر : اوك ان شاءالله دقايق وبكون عندها على طول بدلت وانزلت تحت عند امها سلمت عليها عقب قالت : يمه شبغيتي
امها : والله يابنيتي من مساعه اتصلت وحده وقالت انها بتي يوم الاحد عشان تخطب ولدها لج
جواهر وحست الدنيا اتدور فيها مارفت شتقول :
امها : فعشان جي ابيج تكشخين وتطلعين ويا اختج اليوم وتشترين اغراض للبيت واغراض لج
جواهر وبعدها منصدمه ماتقدر اترد : . يت من ورى جواهر : الاااااي بنروح الستي يعني shopping وناسه جوجو قومي بدلي خل انروح الحين ونتغدا اهناك
جواهر وتبي اتصيح وماسكه عمرها : خلاص ان شاءالله يمه اللي تبينه بيصير ومشت وراحت عند غرفتها وصكرت الباب على نفسها
جواهر واتكلم روحها الحين شسوي وين اروح وين اش هالفضيحة ,, المشكله كل يوم ويكبر الله يعيين والحين يبون يزوجوني لالالا اكيد لازم اتصرف ) وافتحت درجها وجافت حبوب ترددت بس ماتبي سمعة اهلها تخترب

في هالاثناء . الندم ياكلها ماتعرف شتسوي واشلون تعتذر لها ,,حست انها حشرة باللي سوتها ,, نصحتها بنصيحة بس اهي ماقبلتها
شيخه : آآآه ليتني بس سمعت كلامها وخذت التلفون واتصلت فيها وعلى امل انها تقدر اتكلمها
شيما بهاللحظة كانت بغرفتها تدرس لكوز عندها يوم الخميس . وفجأه سمعت صوت نغمه خلاها اتفز واتقوم على طول بطريقه عفويه خذت تلفونها بس ترددت يوم تذكرت كلامها
شيما ( الحين اشلون برد عليها عقب الكلام اللي قالته لي يعني بكيفها تجرحني عقب اتكلمني . لا خلاص خل لولوه مالتها اتفيدها باعتني عشان وحده ماتسوى . وكملت دراستها وطقعت لتلفونها .

عند شيخه كله مني ليش سويت فها جي ياربي الحين شسوي ماتبي اتكلمني . لا مب كله مني هاي صار بسبتها . لازم اروح واجوفها على طوول بدلت

الحزن مالي عيونها ومو قادره اتركز وامتحاناتها قربت والملجه اليوم .
بنت خالتها عندها : يه وليش زعلانه وماده البوز انا لو مكانج بستخف وموت من الفرحه اكو وحده يوم ملجتها واتسوي ف نفسها جي
نوره : لا ولا شي متوتره << ماتبي اتقول لها انها ماتبي اخوها واتزعلها
بنت خالتها .: اها بدينا بالدلع خخخخ
نوره : مالت عليج بس الا وينها مالت الشعر لحد الحين مايت
بنت خالتها : اي قالت ماراح اتي وانا اتصلت بوحده ثانيه
نوره : فديتج والله بدونج بضيح
بنت خالتها : احم احم ادري . بعد فتره يت لها الفلبينيه ووسوت لها لشعر والميك اب وخلصوا
. بنت خالتها : ماشاءالله سبحان اللي خلق ,, الله يحفظج يابخت اخوي والله
نوره : تسلمين والله ودشت عليهم ام نوره : مشاءالله يبنتي يلا بنات انزلوا الحين
بنت خالها : نواري قومي خل ننزل
ومسكت يدها ونزلتها تحت وشكلها كان حلو مع الميك اب والتسريحة حتى الفستان كان يهبل
راحت وانزلت عنده وخلوهم بروحهم تمت واقفه عند الباب والدمعه بعيونها واتفكر باخوها اللي قطها هالقطه
واهو ماشال عيونه عنها . وقال: مشاءالله ربي يخلييج لي وقرب منها واهي كانت مدنعه ورفع راسها بيدها : اللي مثلج المفروض مابنزلون راسهم اللي مثلج لازم يرفعونه
وطالعته وجافته . كان كاشخ حده وشكله كان خطير واتكلم نفسها (عشان جي يموتون فيك خساره ). ودخل عليهم اخوها . واهي اطلعت من الغرفه

في المستشفى .
حالتها ماكانت اتسر ويهها تقريبا صار مشوه من الظرب اللي كلته ومكسره حدها حست ان الايام قاعده تنعاد عليها تمت اتصيح واتصيح واتلوم انسانه على اللي صار لها واهي مقتنعه لحد الحين انها سبب اللي يصير فيها من بلاوي
وفجأة تدخل عليها انصدمت وماعرفت شتقول

شيخه :

وجواهروتوهاراده من الستي ويا اختها راحت غرفتها على طول ماقدر تتحمل .
افتحتالدرج وخذت حبوب واقفلت على نفسها الغرفه عشان لحد يدش عليها وسكرت الليتات وحطت كلالحبوب فيها يدها اللي كانوا بالعلبه . وبعد تردد ابلعتهم حبه ورا حبه .
وبعدها ماحست بشي

شراح يصير لجواهر
وشيخه شبتقول حق لولوه

[# بنت عتيبة #]

البارت التاسع
لاجلك كل شي يهون } ~


ودشت الغرفه والغضب ماليها ومعمي عيونها واتفكر بكل شي خسرته بسبتها خسرت اعز صديقة لها صديقة كانت اخت تشكي بهمومها لها وتذكرت كل هاي وغضبها زاد . لكن يوم جافت شكلها واشلون متغير راح الغضب والحقد اللي كان فيها وملى مكان هالشعور الشفقه .
وانصدمت لولوه يوم دشت عليها : . ,, وماعرفت شتقول لها ولا شتبرر
شيخه : مستانسه باللي سويتيه
لولوه ولفت بويهها عنها :تبين الشماته وبس
شيخه : مايت اتشمت يت الومج على اللي سويتيه ,, اللي سويتيه خلاني ابعد عن رفيجتي والحين ماتبي اتكلمني
لولوه وباستهزاء : لا لا وايد عانيتي
شيخه : الحين اقولج تستاهلين اللي سويتيه
لولوه وبقهر ولفت بويهها عليها : شتبين الحين مني طلعي برع مابي اجوف ويهج

شيخه :مابي شي بس يايه اجوفج ,, حرام يعني
لولوه : طلعي برع
شيخه : قبل لاطلع بس قولي لي انا شسويت لج . بعمري ماسويت شي زعلج المشكله كل مره كنت اراضيج
لولوه : انتي بسبتج صار لي كل شي .
شيخه ومنصدمه : انا
لولوه : اي انتي خربتي حياتي الله لا يوفقج بحياتج ولا يسعدج نفس ماخربتي علي حياتي
شيخه ومو مصدقه اللي تسمعه : انتي شقاعده تخربطين شكلج غلطانه
لولوه : متاكده 100% ان انتي اللي قلتي لهلي اني كنت احب واحد والكلام اللي قلتيه راح وخلاني بروحي وغير جي ضيعت سنه من عمري بدراستي .
شيخه : اي كلام .؟
لولوه : لاتسوين نفسج بريئه انتي الوحيدة اللي قلت لها اني احب واحد !!!!
شيخه وبدت تتذكر : اهاا على هاي . صج قلبج اسود السالفه صايره من زمان وثانيا انا ماقلت شي
لولوه : الحين من طلع الحقود انتي كنتي حاسدتني عليه عشان جي قلتي لهم
شيخه : الله يعينج على نفسج وانا مو مضظره احلف بس عشان اريحج ربي الشاهد اني ماقلت الكلام اللي كان بينا لحد واطلعت من الغرفه
لولوه ومو مصدقه واتكلم نفسها اكيد اهي . بس ليش احلفت وليش بررت اصلن ) وتمت الافكار اتيبها واتوديها .















وجا يوم جديد محمل بالكراهية والحقد والالم .
فاطمه وقاعدة على الفطور : يمه بليز ادعي لي باجر االامتحان وانا يادوب الحق اخلص باقي المواد وراجعهم
امها : الله يوفقج يابنتي الا بسالج وينهي اختج
فاطمه وقاعده اتفكر : اظن انها لحين راقده من يوم ماردينا واهي قافله على نفسها الغرفه مادري شعندها
امها : انزين قعديها عشان تتريق اخبر انها كانت اول وحده تنزل للفطور
فاطمه : ان شاءالله . وقامت وراحت عندها تمت اطق الباب جوجو فتحي الباب قومي تريقي
. هدوء لدرجة واضحة
فاطمة : يلا يبه خلصيني فتحي الباب قومي بسج رقاد
وماردت
فاطمه : كيفج وراحت وانزلت عند امها
يمه شكلها ماتبي تتريق ماتبي تفتح الباب
امها : خلاص عيل براحتها
وراحت فاطمه عشان تدرس لامتحان












في مكان اخر
قامت على صوت وحده اتوقضها : يلا عاد قوم بسك رقاد من امس وانت راقد
. :سارو خلاص بقوم ولفت بويهها لصوب الثاني
ساره : افا مشعل ماهقيتها منك وسوت نفسها زعلانه

على طول قامت وانقزت : لا لا مايهون علي زعلج
ساره : عيل يلا قوم اليوم الربع عندهم امتحان توفل وانا ابي اروح عندهم وابيك اتي معاي
مشاعل : انزين وانا عندي امتحان باجر ومايمداني وقت ادرس
ساره : يبه خل عنك الدراسه وتعال معاي الجامعه ربعي كلهم بيون اليوم عقب بنتغدى برع اشرايك
مشاعل : خلاص ولا يهمج













في هالاثناء
صياح من امس دموع ماليه عيونها حتى المكياج ماشلته من ويهها
: كله منك تبي الفكه مني حسبي الله عليك اوف مالي خلق ادرس وباجر امتحاني وكملت صياحها بس قطع عليها صوت الباب
امها : يمه نورة ماتبين تتريقين
نوره واتحاول اتغير صوتها : . لا .لا يمه مابي انتو اكلو
امها : قومي يابنيتي اكلي لج اي شي من امس وانتي ما ماكله شي
نوره : معليه وراي امتحان وماعندي وقت
امها : خلاص عيل
وخلت بنتها بهمها واهي ولا داريه عنها .
وسمعت هاللحظه صوت مسج خذت جوالها وجافت المكتوب

{ ليـه لاذكرتـك آبتسـم فجـآءه !
حآيـره عينـي وآطآلـع بعيـد

تـدري وشـ آلي عآجبنـي بك
" عيينـك "
لاشفتهـآ كنـي بـوسـط آلـ جمـييـد

حبيبك عبود }





يوم قرت الكلام زاد قهرها وطرشت له مسج

{انا اصلن ماكنت افكر اتزوج كنت ابي ادرس بس هلي غصبوني }
وصله المسج وانقهر منها لانها ماتبيه وعلى طول بطريقة عفويه كتب
{ انا كل البنات يموتون عشان ياخذوني واحمدي ربج اني تقدمت لج فاهمه يازوجتي المستقبليه وبلى دراسه وخرابيط انا لي تزوجتج بعلمج السنع }
يوم قرت هالكلام زاد صياحها .



.
.




عند بيت لطيفه واهلها .

كانت يمعة اهل .اختها منيره وريلها ابراهيم وناصر اخوه
ضحك وسوالف جمعتهم بس في احد كان ناقص من اليمعه
ناصر : خالتي بسالج وين لطيفه
امها : لطيفه عندها امتحان باجر
ناصر : اهاا الله يوفقها انزين ناديها تولهنا على سوالفها .
امها : من عيوني .
ونادت الخدامه وقالت لها اتنادي لطيفه
بعدها بدقايق لطيفه انزلت من الدري وكانت امسويه عجفتين ولابسه بيجامه وماسكه بيدها كتاب وراحت صوب امها اللي كانت امجابلتها وماجافت اختها ولا ريلها ولا اخوه
لطيفه : يمه يمه بلييز لحد يناديني ترى بروحي متخرعه وماعرف اذا بخلص الماده اهئ ادعي لي وفجاه تسمع صوت ضحكه مكتومه ولفت الا حصلت اختها والباقي قاعدين ويضحكون وجافت ناصر اللي كان يطالعها بنفس النظرات اللي كان يطالعها فيها يوم ردت اختها من السفرعلى طول تخرعت وراحت فوق عند حجرتها لانها ماغطت شعرها غير انها لابسه بيجامه : اوووبيه فضييحه غير فضيحة الستي اوهوو ياربي كل المواقف الغبيه لازم اتصير لي معاه . خل ادرس عقب بجوف شسالفته
في هالاثناء عندهم
منيره : وعليه مسكينه الله يعينها في امتحاناتها
ابراهيم : ذكرتني بايام يوم كان ناصر بالثانوي كان مسوي لنا قلق في البيت ولف عليه ولقاه سرحان هي اشفيك ؟
ناصر وحس بعمره : لالا مافي شي
وكملوا سولفهم












في جامعة قطر .
مشاعل : ساروه تعبت ماقدر امشي يلا وينهم
ساره : من صجك تونا احين دشينا ومامشينا
مشاعل : يلا عااد وينهم صار لنا ساعتين واحنا ننطرهم
ساره : نطري عشر دقايق وبيون بدر طرش لي مسج وقال لي راح ايي بعد عشر دقايق
مشاعل : خلاص وننطر
ساره : ههههههه فديتك اتهبل وانت معصب
مشاعل :مب معصب ولا هم يحزنون بس مارقدت عدل
ساره : افاا كنتي معاي ومارقدتي عدل
مشاعل : مو منج تميت اسمع صراخ ماخلاني انام
ساره وانحرجت : ها مادري
مشاعل وحست فيها واتغير الموضوع : ماعلينا انزين يلا دقي عليهم
ساره : خخخ سندرتهم ترى
مشاعل : معليه عشان انروح من وهل وانرد بعد من وهل . اي صح سارو بقول لج شي ان انا وقطعت عليهم سلمى من ورى ومعاها دانه
: هاااي
مشاعل + ساره : هايات
مشاعل : مابغيتو اتخلصون
بدريه : اي شنسوي لازم هالمره ناخذه مب كل مره انسويه مسخره وماناخذه
ساره ومستغربه : مشعل شكنت تبي اتقول لي ؟
مشاعل : بعدين بقول لج
بدريه : يه ماسرع ماسويتو لكم اسرار
ساره : اي افا عليج من امس واهي عندي اشلون مايكون عندها اسرار واغمزة لها
مشاعل : يلا قوموا خل انروح الاند عشان ارد من وهل ابي ادرس ياناس وراي امتحان
سلمى :انزين خلاص لاتصيح علينا
وتموا يضحكون وراحو الاند





.
.





اما في بيت هيا
صحت على صوت الباب وينطق بالقو : هيييي فتحي الباب اقول لج لاتسوين نفسج رااقده
هيا ومستغربه وعلى طول فتحت الباب : شتبين
: قومي يلا عدلي البيت
هيا : شهود من صجج انا باجر وراي امتحان وانا ثانويه لازم اخذ لي نسبه
شهد : هاي مشكلتج تصرفي
هيا : يا بنت الناس كفي عن شرج وخليني انام من امس سهرانه وانا ادري عقب ابي اكمل دراستي
شهد : مايهمني كنتي تدرسين ولا لا يلا قومي سوي شغلج امي الحين تعبانه
هيا : انزين انتي سوي
شهد : مالي خلق وماراح اسوي شي
هيا : حسبي الله عليج
شهد : مالت عليج بس قومي يلا انا بطلع الحين
وخلتها والهم ماليها : ياربي الحين اشلون بخلص الماده ولا تبيني اعدل





.
.





تمت قاعده في غرفتها اتفكر واتفكر والكتاب يدامها . استغربت انها اول يوم مالعوزت فيه اختها على طول انقزت وراحت اتسندرها .
تمت اطق الباب واطق بس لاحياة لمن تنادي
انزلت تحت عند امها : يمه جوجو ماتبي تفتح الباب اشفيها ؟!!
امها : والله مادري حتى الغدا ماتبي تتغداه
فاطمه : شسالفتها اليوم وراحت وخذت تلفونها وتمت تتصل عليها بس تلفونها مغلق
فاطمه : يمه تلفونها مسكر
امها : ليكون صاير فيها شي . على طول قامت وراحت بسرعه لغرفتها وتمت اطق الباب واتناديها بس محد جاوبها
امها : قومي نادي اخوج خل يكسر الباب
فاطمه : يمه مايحتاي يمكن من امس راقده
امها : اول مره ترقد كل هالوقت اكييد فيها شي او تعبانه وماتقدر اتقوم
فاطمه ونادت اخوها اللي بسرعه جا وحاول وحاول بعدها كسر الباب .

وجااافووو





.
في هالاثناء وفي الاند بالتحديد
عند مشاعل والشله اللي معاها ضحك وسوالف وقطع عليهم صوت تلفون مشاعل وخلاها على طول تنقز واتقوم واتغير المكان

مشاعل : هلا
لطيفه : باال ناسيتني خير شر اشفيج ماتتصلين ولا تنطريني انا اللي ادق لج
مشاعل : لا التهيت بالدراسه وما مسكت التلفون كلش
لطيفه : اوه شعول اول مره اتزخ كتاب من نفسها خير شعندج يلا قولي
مشاعل وبدت تتنرفز : انزين واشفيها اقول اروح ادرس لي ابرك وبسرعه سكرت قبل لاترد عليها
لطيفه واتكلم نفسها بعد هالمحادثه الغريبه : يه اشفيها ليكون كانت تدرس وانا ازعجتها فديتها وكملت دراستها
اما عند مشاعل اللي ردت عند طاولة الشله
بدريه : ها من اللي اتصل وخلاك تشرد واتروح اهناك
مشاعل : ها اختي
سلمى : خخخ ليكون قاعد اتقص علينا واطلعت الحب
اهني ساره ويهها تغير وعلى طول بغت اتقوم بس ردت مشاعل : ماعندي هديتها من يومين ماتنعطى ويه
ابتسمت وردت مكانها وافهمت النغزه وكملوا سوالفهم الفاضي .





.
.





وعند نوف
نوف وقاعده تتحجى بالتلفون وحدها مندمجه
نوف : اي فديتج والله احلى يوم كان .
. : انزين ماقلت لي ماوراك امتحان
نوف : اي وراي
. : انزين قوم ادرس
نوف : فديت عواشتي الخايفه على رسوبي خخخخخخ
عاشه : لا صج قوم ادري انت شهاده لاتضيع عليك سنه ع الفاضي وانا ابيك اجوفك عندي في الجامعه كل يوم عشان جي ادري .
نوف : ولا يهمج
ويوم سكرت منها دشت الغرفه بنت خالتهم واللي اهي ساكنه عندهم .
ومن دوون ماتحس فيها يت من وراها وكانت لابسه ماسك يخرع . وانقزت فوقها
وافتحت عيونها وماقدرت تتنفس .
بنت خالتها : نوفو اشفيج هاي انا ليكون تخرعتي من هاي
نوف ومو قادره اترد راحت سيدا ويابت البخاخ مالها .
وبعد ماتنفست كلمت بنت خالتها واهي معصبه : كم مره اقولج لاتخرعيني ترى مب زين هالمره الله ستر وكان هاي يمي المره الثانيه الله يستر .
واطردتها برع الغرفه وراحت عشان اتكمل دراستها .






.
.






وانتهى اليوم الطويل بعد مامر باغلب شخصياتنا وباماكن مختلفه . ولكن بيجتمعون صباح يوم جديد
في اول يوم امتحان
وفي صباح يوم الاحد وبالتحديد المدرسة .
كل وحده ساكته ومالها خلق تدرس الا وحده تدوم رايقة .

نوف : بنات اشفيكم ساكتين جنه حد مكفخكم خخخ
محد رد عليها
نوف : ياربي منكم اشفيكم ياحظي تحجو
مشاعل : مادرست عدل
نوره : حتى انا
هيا : نوروه غريبه اول مره اسمع منج هالكلمه ومشاعل كالعادة
نوره : سكتي بس ف الويكند كانت ملجتي حسبي الله عليهم وماقدر ادرس ولا اركز
هيا : الله يعينج واذا هاي يريحكم حتى انا مادرست عدل كله من اختي
لطيفه : يه وكل وحده اتقط على اهلها اشفيكم الا بقول جنه فطوم محد مهووي وين فطوم
مها : والله مادري امس اتصلت لها مرتين وتلفونها كان مغلق
لطيفه : يه شعندها اول مره تغلق تلفونها . الله يستر
وفي تسائلاتهم رن الجرس معلناً عن بدء الامتحان ويدعو البنات لدخول الى اللجان
مها : ياربي وين فطوم ليكون ماحصلت حد يوصلها .
لطيفه : انزين اهي معاي في اللجنه بقول للمراقبات يتصلون فيها

وانتهى الامتحان . وطبعا الكل نفس المود اللي جاو فيه راحو فيه
هيا واهي تنادي مشاعل من بعيد
هيا : شعوول نطريني
مشاعل : اي صح نسيت انا بروح ويا ربع نوفو
هيا وباستغراب : ومن ذيلا
مشاعل : توني متعرفه عليهم اعزموني اذا خلصت الامتحان اني اروح معاهم
هيا : وانا ويا من اروح
مشاعل : خلاص تعالي معانا وانا بقول لهم يوصلونج وانتي على طريجنا
هيا : اوك
ويت سيارة كروزر واركبت مشاعل وقالت لساره اللي كانت اتسوق : حبي بتي معاي هيو بنت جيرانا وصليها البيت لانها كل يوم اتي معاي ونسيت اقول اخبرها اني ماراح اروح مع الدريول وحرام ماقدر اخليها تنطر الدريول
ساره : مايبيلها عزيمه خل تركب وانا بوصلها
مشاعل : فديتج حوبي
اركبت مشاعل ووراها هيا وسلمت
هيا : السلام عليكم
الكل : وعليكم
هيا : سوري ع الازعاج بس ماكنت ادري انها راح اتي معاكم
ساره : لا ازعاج ولا شي كل شي يهون لحبيبي
هيا واستغربت بس طقعت . ويت اللي يمها كانت بدور وامسكتها . لكن هيا شالتها واهي متخرعه من تصرفها
بدريه : سوري بالغلط
هيا : لا عادي وتمت هيا تحسب الدقايق عشان تطلع من السياره وتوصل بيتهم وهالبنيه ماشالت عينها من جسمها وتمت اتسولف لها واهي اتجاملها واترد .
واخيرا اوصلوا بيتها هيا : ومستانسه : يلا بنات مع السلامه ومشكووره .
ساره : العفوو ان شاءالله انجوفج مره ثانيه
هيا وبخاطرها اتقول (الله لايقول ) : اي ان شاءالله وفرصه سعيده
ساره : وانا اسعد يلا تحملي بعمرج سي يو وسرعت بالسياره .
هيا ولحين واقفه مكانها اعوذ بالله من اشكال
ودشت البيت وماسمعت الا صووت اصراااااااخ













في السيارة .
بدرية اتكلم مشاعل : مشعل ترى الي كانت يمي عذاب بغيت اموت وانا يمها ياخي تفجير
مشاعل : خل عنك هالسوالف ترى هيا بنيه سيدا ماتعرف هالكلام بليز لا تقربين صوبها
بدريه : ليش يعني انت تبيها لنفسك

مشاعل : يابنت الناس انااعرفها من واحنا اصغار صدقني ماتعرف عن هالكلام لو اتعرف عنه اكيد ماراح يعجبهاهالشي
بدريه: انا بجرب معاها وبجوف
مشاعل : كيفك مع اني مانصحك




ياترى شصار مع فاطمه واختها جواهر
ونوره اشلون بطلع نفسهامن هالزواج
وشنو مصير بدرية ويا هيا
كل هاي بتعرفونه بالبارتات اليايه

[# بنت عتيبة #]

الفصل العاشر
للاسف كل شي انتهى


ودشت البيت وسمعت صوت صراخ تخرعت والصوت كان ينادي باسمها زاد خوفها . والصوت كل ماله ويقرب منها يوم قرب .
: صج انج قليلة التربيه هاي نهايو الثقة اللي عطيناج اياه
هيا والصدمه باينه على ويهها : انتي عن شنو قاعده تتحجين
.: ولج ويه اتراددين . وضربتها
هيا ومو مستوعبه الموقف : شـشـهد شسويت !!
شهد : ولا كلمه انطري علي خل اقول لخوج واحنا راح انجوف رده اكييد ماراح يعجبه هالشي
هيا ودمعه نازله من عيونها : قولي شصار
شهد : يعني ماتدرين بقول لج شسويتي يا سوادة ويه نازلة من سيارة مشبوهه كله بنات مشبوهين واتتقولين لي ماسويتي شي . اكييد ذيلا اهم الاشكال اللي اترافجيهم مستواج
هيا : ماسمح لج يا. والله شاقول عن بنت امي وابوي اختي واتشككين فيني عيل شتتوقعين من باقي الناس حسبي الله عليج وانا هالموقف ماراح انساه لج ومشت بسرعه وراحت غرفتها ودمووع على ويهها
وشهد واقفه في مكانها ( انا اوريج الشغل السنع والله لخليج تتحسفين على كل كلمه قلتيها في ويهي )
وجا اخوها فيصل اللي كان مستغرب من صوتها : خير خير ليش هالصراخ يعني الوااحد مايقدر ينام .
شهد : جوف اختك اللي كل يوم امسوية لنا سوالف اليوم نازلة من سيارة كروزر وكلها بنات وشكلهم كان مشبوه والناس شبتقول عنا لي جافوها هالبنيه يبليلها حد يأدبها ولا وزيدك جفت معاهم واحد في السيارة كان قاعد يمهم .
اهني فيصل ماقدر يستحمل الكلام اللي اخته كانت قاعده اتقوله . : شنو شقاعده اتخربطين انتي
شهد : اي والله وانا اقول لك يبيلها حد يكسر ظهرها عشان تتأدب
وعلى طول راح غرفتها . وفتح الباب بالقوو .
وجافها


.
.




.
.


في هالاثناء وفي جامعة قطر
شيخة قاعده بروحها في النشاط وهالشي كان غريب لان الكل متعود يجوفها مع لولوه بس كلام الناس مايرحم لان بعض الناس فسروا ان لولوه وشيخه كانوا ناويين يروحون لشباب وياخذون البنات معاهم . وصارت سمعتها في الجامعه فالحضيض حتى كل اللي كانوا يحبونها ويسلمون عليها كل يوم قاموا يتجنبونها عشان مايبون لانفسهم الكلام .
ومرت شيما مع رفيجتها وجافت شيخه قاعده والهم باين عليها واكيد سمعت بالسالفه وماهان عليها اتجوف رفيجتها بهالحاله وتتخلى عنها
وقربت صوبها
شيما : السلام عليكم
شيخه واستانست : وعليكم السلام هلا وغلا
شيما : اهلين اشفيج قاعده بروحج
شيخه : ولاشي بس مادري احس كل اللي حولي تغير محد يبي يكلمني وانا مادري ليش حتى اللي كنت اظنهم ربعي خلوني وصاروا يتفشلون من قعدتي معاهم مع انهم قبل كانوا يموتون بس عشان يقعدون معاي دقايق
شيما : ماعليج منهم ماعندهم سالفه غير انهم يطلعون اشاعات في اعراض الناس
شيخه : اي ناس وشسالفه
شيما : مادريتي
شيخه : ادري عن شنو
شيما : عن كلام الناس وعنج وعن لولوه يوم رحتوا الشاليه
شيخه : لا مادريت
وتمت اتقول لها حتى جافت انها انزعجت فسكتت ومرت بينهم لحظات هدوء لي ماقطعت عليها شيخه الهدوء وقالت : وانتي بعدج تبين تمشين معاي!
شيما :اذا كل اللي بالدنيا راحو عنج انا ماخليج طول عمرنا سوا مايصير على شي تافه ولا وحده مريضه اتخرب صداقتنا
شيخه : يعني عادي الناس تتكلم عنج
شيما : يابنت الناس لو طول عمري مشيت ورى كلام الناس ماراح استفيد شي بس المهم انج تعلمتي انج ماتثقين باحد بسهولة .
شيخه : اي والله ماقول غير حسافة اني ضيعت وقتي وخليتج
وتموا يكملون سوالفهم لي ماخذاهم الوقت وراحو البيت .



.
.



في هالاثناء وفي ابل بيز .
مشاعل : بنات يلا عاد قومو بسكم زط وسوالف خلوني اروح البيت عشان ادرس كافي اليوم انا بغيت ارسب بس الله ستر وكان اسهل والمشكله البنت اللي كانت اتيب لي الاجوبه مايت اليوم
ساره : يايبه وين تو الناس خلك كول واقعد
مشاعل : شنو كول ولا تبوني ارسب واعيد السنه ومابتجوفوني عندكم خخخخ
سلمى : خلاص قوم خل انوصلك عقب بنروح احنا الحفله وانت ادرس
مشاعل : حرام عليكم ليش تبون اتحروني
دانه : عشان اتقدر رفجتنا معاك هههههههه
والكل ضحك عليها .
بدريه : مشعل طلبتك
مشاعل :آمر
بدريه : مايامر عليج عدو بغيت رقم هيا بليز لاتردني ابيه
مشاعل : اسفه ماقدر اعطيك
بدريه : افاا والله حبيتها امبين من شكلها انها حليوه
مشاعل : إلا هاي نفس ماقلت حليوه وكل شي بس مالها بهالسوالف
بدرية : انزين بس ابي اكون رفيجتها
مشاعل : خلاص رقمها 55****************************************
بدريه وسجلت الرقم بجوالها : فديتك والله
سلمى : يبه اشتبي بالبنت ليكون حب من اول نظره كاااك
بدريه وطالعتها بنظره خليتها تسكت . : يلا بنات قوموا عشان انوصل مشعل . والكل قام وطلع
عقب اركبوا السيارة . وووصلوها البيت وفي اللحظه اللي كانت مشاعل نازلة من السيارة وكانت تضحك معاهم واتسلم .
جافتهم اختها شيخه اللي كانت داشه البيت انصدمت وبسرعه راحت عندها : مشاعل انتي شعرفج بهالاشكال
مشاعل ولفت عليها : انتي شتبين . وثانيا مالج خص
شيخه : انا اختج الكبيره والمفروض تسمعين كلامي
مشاعل : جوفي لاتتدخلين ولا تسوين نفسج مهتمه ويلا ذلفي داخل
شيخه ومنقهره من حركتها : يت ويرتها من عبايتها : اقولج دشي داخل ولا تسوين لج شخصيه يدامهم
مشاعل والنار مبين على ويهها : جوفي انا لحين حاشمتج يدامهم فسكتي عني وحسابي معاج داخل . حبي يلا باي اجوفكم باجر
ساره : اوك لا تنسى تتصل لي وعلى طول مشت بالسياره
ومسكت يدها بقو ودخلتها داخل البيت وراحو .
في البيت .
مشاعل : يالي ماتستحين على ويهج انا اتقولين عني جي واتفشليني يدامهم باي حق اتين واتقولين عني جي
شيخه : جوفي بكلمج بالعقل سمعيني انتي بس والله لو اني مو خايفه عليج جان خليتهم معاج جوفي ساره وحده تتعلق بالبنات عقب تاخذ منهم شي واتخليهم طبعا عقب ماتفضحهم واهي وايد منحرفه وايد بنات اعرفوها اخرتهم انفضحوا وصار فيهم بلاوي والله جنها شيطان على هيئة انسان
مشاعل : حدج عليها كل هاي تبين اتخربين سمعتها اقول انتي اخر وحده تتحجى عن اعراض الناس ترى انا اعرف شصار والبلوه اللي سويتيها حمدي ربج اني ما راح اقول لأخوي او ابوي فانطمي احسن لج
شيخه : اي كلام
مشاعل وباستهزاء : انتي والشباب ورفيجتج المشبوهه على بالج ماعرف اقول مالج خص باللي اسويه وياني واياج تتدخلين ف اموري وراحت غرفتها وخلت شيخه وسط دموعها عن اختها اللي شاكه فيها واهي كانت تبي لها الخير .


.
.


جو الكآبه مسيطر على المكان . والكل مابين صياح وصدمه ومحد منهم تحرك من مكانه من بعد ماسمعوا الخبر .
فاطمه واتصيح : يمه وبخصوص العزى
امها : هالبنت عقب اللي سوته حرام انسوي لها عزى
فاطمه : يمه الناس شبتقول عنا
امها وزادت عصيتها : شبتقول غير اللي راح اتقوله عن انها انتحرت والله بيقطها النار ولا انها كانت حامل وودت سمعتنا الارض
فاطمه : مب لازم ان حد يدري انها انتحرت
امها : واذا الناس سئلوا عنها شبنقول .
فاطمه : بنقول انها سوت حادث وتوفت . والحين محد يدري انها كانت حامل ولا انها انتحرت بس احنا اللي ندري . والمستشفى اكيد مابيقولون شي وطبعا الشرطه مابقولون
امها وبدت تقتنع بالقصه : انزين نادي اخوج خل انقول له وابوج لاتيبين له طاري الانتحار بنقول له انها سوت حادث ويا رفيجتها
فاطمه : خلاص
وراحت عند غرفة اخوها وكان قاعد على طرف السرير والدموع بعيونه مليانه
فاطمه ضاق صدرها يوم جافت دموع اخوها وحزنه وراحت لعنده استغفر ربك خلاص توفت ادعي لها
جاسم : اشلون يعني قولي لي بعد اللي سوته انا ماصيح عشانها اصيح من مصيرها عند رب العالمين اللي سوته مب هين صلحت غلط بغلط
فاطمه يوم سمعت الكلام قامت اتصيح معاه وتذكرت كل الايام اللي كانت بينهم وانها كانت اختها الوحيده ومن بقى لها بعد موتها تشكي له .



.
.




وفي المغرب ع الساعه 5 وفي بيت هيا وبالتحديد بغرفتها .
هيا وقاعده يم اخوها فيصل وتشتكي على اختها وكل اللي صار بينهم ومر الوقت ساعات من دش الغرفه واهي تشتكي له
فيصل : ماصدق كل هاي من راس شهود
هيا وبصياحها : اي واكثر يعني شسوي فيها هم وقاعده على قلبي
فصيل : لو تبي تتزوج انا بيب لها زوج بس خل تتحمل النتايج . اتصدقين ان في واحد صار له تقريبا 6 شهور واهو يحن علي انه يبي يتزوجها وانا ماكنت ابيه بسبب عيلته بس الحين كل شي تغير لو تبي تتزوج انا بيب لها واحد على كيف كيفها
هيا : اشلون يعني
فيصل : العيب اللي فيه انه عصبي وايد
هيا : خلاص خل تتزوجه المهم نفتك من عقدتها اذا تبي تتزوج خل تتحمل النتايج
فيصل : خلاص عيل بروح اكلمها عشان اتخلييج واقول لها اني زفيتج خخخ
هيا : فديتك والله لو انت مب معاي ف البيت جان من زمان شارده
فيصل : ادري ادري لو انا مب في هالدنيا جان ضيعتوا من زمان
هيا : لحد يصدق عمره اصلن انـ. وقطع عليها صوت تلفونها
وقام فيصل واهو طالع : اخليج بس عقب نبيج اتيبين نسبه
هيا : ان شاءالله ولا يهمك وعلى طول ردت يوم طلع وسكر الباب
. : الوو
هيا : هلا
: ااهلين ويامرحبا
هيا : اسفه بس من انت
واضحكت : ماعرفتيني
هيا : ولحين مستغربه لا من ؟
: انا بدر اوه اقصد بدرية
هيا : اووه اسفه والله ماعرفتج شخبارج
بدريه : انا الحمدالله تمام اسفه اذا ضايقتج بس خذيت رقمج من مشاعل واتصلت لج
هيا : لا عادي مافيها ازعاج خذي راحتج .
بدريه : تسلمين امم بغيت اسئلج
هيا : تفضلي .؟
بدريه : تقدرين باجر اتين عندنا الجامعه واحنا بنمر عليج
هيا : اسفه والله اسمحي لي لان لازم ادرس والحين ثانويه عامه مب لعبه
بدريه : انزين هالمره سامحناج بس المره اليايه بليز لاترديني
هيا : من عيوني ان شاءالله ولا يهمج
بدريه : فديت عيونج خلاص عيل اخليج عشان تدرسين مابي اعطلج
هيا : خلاص يلا مع السلامه
وسكرت منها واهي حدها معصبه من مشاعل . وانها تصرفت برقمها بدون ماتقول لها
وعلى طول اتصلت بمشاعل.
وردت عليها هيا : مالت عليج يالزفته
مشاعل : بل بل اشفييج ؟!
هيا : ليش عطيتيها رقمي اهي بالذات
مشاعل : اها شكلها اتصلت لج خخخ ماسرع
هيا : ولا تضحكين
مشاعل : عادي يبه هالبنيه بس تبي اتكون رفيجتج عادي
هيا : وااي ع البروود انا الحين بموت من القهر وانتي بارده يمه البنيه اتخرع مابيها اتكون رفيجتي . طريقة كلامها مريبه
مشاعل : حرام عليج البنيه اتضحك واتونس
هيا : خلاص مابي اظلمها
مشاعل : خلاص فديتج انزين انا اخليج بروح ادرس لي اشوي لان فطوم ماظن انها راح اتسوي البراشيم
هيا : اي صح على طاري فطوم وعليه مسكينه وينهي
مشاعل : والله مادري بتصل لها باجر لي خلصت
هيا : الحين بتصل لها وبجوفها اكيد صاير شي .
مشاعل : خلاص عيل سكري مللتيني
هيا : افاا حد يمل من صوتي الشجي خخخ
مشاعل : ارجوج مانقدر كملي بعدين انا بسكر باي
هيا : بايات
وبعد ماسكرت منها على طول اتصلت بفاطمه وبعد مارن ورن واخيرا ردت
فاطمه : الو.
هيا : هلا
فاطمه : من معاي
هيا : انا هيو اشفيج
فاطمه : اها هلا
هيا : عسى ماشر ليش غايبه والله والكل يسال عنج اليوم ويدورج
فاطمه : اختي توفت امس وماقدرت اجي
هيا : لا حول ولا قوة الا بالله عظم الله اجرج وان شاءالله ربي يغمد روحها الجنه
فاطمه وبصوت مبحوح : ان شاءالله
هيا : واذا تامرين بشي انا حاظره حتى لو اتصلتي الساعه 1 ف اليل حاظرين لج مايردج الا لسانج وان شاءالله انا والوالده باجر باني عندكم
فاطمه : تسلمين غلاتي
وسكرت منها
فاطمه واتفكر ( والله وفيها الخير سبحان الله الوحيدة اللي كنت اكرهها اهي الوحيدة اللي سئلت عني صج اني ظلمتها ) .



.
.




عند نورة .
محمد قاعد في الصاله ويطالع التلفزيون . ونوره قاعده يمه وتدرس . ياله مسج من عبدالله والمكتوب :
{ خل اختك تكبر عن سوالف اليهال وتعقل }
لف عليها : انتي شمسوويه ؟
نوره : ها مسويت شي
وعلى طول قام فيها ضرب : على بالج ماادري هين اوريج انا
نوره : ماقلت لك لاتمد يدك علي ,, والله هاي اخر ممره واللي بعدها بقدم عليك بلاغ وبقول لهم انت خليتني اتزوج غصبن عني .
مرت بينهم لحظة صمت . محمد يطالعها ومنصدم من جرأتها واللي خلاها اتسوي جي
محمد : اتسوينها يعني انا اخوج الوحيد تبيني ادخل مراكز وتدخلين معاي شراح يصير فينا وكلام الناس
نوره : قبل لاتفكر في نفسك فكر فيني انت بديت كل شي تبي تتحكم فيني لو انت كسبتني بالطيب جان انا من زمان دورت رضاك بس انت . مافيك شي واحد يخليني احترمك كافي اللي سويته بابوي وامي اتخاف على نفسها وماتبي اتروح المكان اللي وديته ابوي عشان جي لأسف اتوافق على كل شي اتقوله . وانا بعمري مادعيت على احد بس انت الوحيد اللي دعيت عليه وتمنيت الله يستجيب لي ويكفي انك ضيعت مستقبلي
محمد :
نوره : اي ماعندك شي اترد فيه لانك تدري انك غلطان وانا من الحين اقولك ماراح اتزوجه واللي يصير يصير وبروح المحكمه وبقول انكم غصبتوني واكيد بيطلع باطل
محمد:.
نوره : جنه حد ماكل لسانك ماتيون الا بتهديد
محمد : طلعي برع البيت مابي اجوف رقعة ويهج ماعاشت وحدة اتذلني
نوره : الحمدالله يت منك اروح بيت اعمامي ابرك لي من الغث اهني . وراحت وعدلت شنطتها وخذت الدريول معاها وراحت بيت عمها واللي استانسوا بشوفتها لان اخوها ماكان يخليها اتزورهم

.


.



وفي هالساعة تقريبا وفي بيت لطيفة .
امها ادق عليها : لطيفة قومي صلي أذن
لطيفة : اوف اوف انزين
امها : وبعدين تعالي انزلي وتعشي .
لطيفه : زين زين
وقامت وصلت وبعدها بدقايق انزلت عشان تتعشى . وجافت امها وعلى ويهها التعب ومسنده راسهاا للكرسي
لطيفه : خير يمه فيج شي
امها : لا يبنتي مافيني الا العافيه بس شوي تعب
لطيفه وبخرعه : يمه ليكون السكر ارتفع
امها : مادري
لطيفه : يمه تعالي بوديج المستشفى دقايق بروح اتصل ف منيره وبسرعة راحت غرفتها واتصلت باختها بس تلفونها كان مغلق .عقب راحت واتصلت بريل اختها وكان مغلق بعد وشوي بتصيح لان مافي ريال ف البيت وابوها مسافر مالقت الا تتصل بناصر اخو ريل اختها الا على طول رد
لطيفه ومتررده : ناصر
ناصر ويفكر لان الصوت مو غريب عليه : اي نعم انا ناصر
لطيفه : معاك لطيفه اسفه على الازعاج بس امي تعبانه وماحصلت احد اختي تلفونها مغلق و
كانت تبي اتكمل وقطع عليها الكلام : خلاص دقايق وبكون عندكم
لطيفة يوم سمعت هالكلام راحت عند امها وماحصلتها الا وعيونها اتناظر السما وشكلها كان انها بين الحيا والموت . وتمت اتصحيها بس امها كانت اتهلوس واهي اتصيح واتصيح فوقها
وفي هالدقايق كان ناصر يسرع بسيارته عشان يوصل لهم وكان حده مستانس ليش انها تذكرته واتصلت فيه وماصارت دقايق الا واهو يدام البيت .
وتم يطق الجرس وافتحت له ومشت معاه بسرعه لي الصاله : لحظه بنادي الخدامه عشان اتشيلها معاك لي السياره . ونادتها وشلوها وودوها السياره : ناصر لحظه باجي معاك
ناصر: انزين واختج اذا صحت من النوم من راح يقولها احنا وين
لطيفه : الخدامه عندها وان شاءالله برد ف الليل
ناصر : يابنت الحلال باجر وراج امتحان قومي روحي ادرسي وانا لي وديتها باتصل وببلغج
لطيفه : تكفى خلني معاها وان شاءالله برد بعدين
ناصر : خلاص . وراحو المستشفى وتمت تنطر امها لي ماقال لها الدكتور انه ارتفاع بالسكر.وانا حالتها راح تتحسن اذا تمت عندهم يوم يومين
ولف عليها ناصر بعد ماسمع كلام الدكتور وجاف على ويهها علامات الارتياح : يلا الحين بعد ماتطمنتي على امج بوديج بيتكم وروحي عشان تدرسين باجر عندج امتحان
لطيفه : بس من راح يتم عند امي ؟
ناصر : كلمت اخوي واهو راح يقول لمنيره اتي واتم عندها وماعندج عذر عشان تتهربين من الدراسه
لطيفه وبابتسامه خفيفه : تسلم والله على كل شي
ناصر : الله يسلمج يلا خل انروح . ومشوا وراحو البيت وفي الطريج كان ميت من الوناسه على الموقف اللي صار وحمد ربه انه تلفون اخوه واختها كان مسكر
وتم في قلبه يقول :
أنا مقدر أڪـون أصدق من إحساسي ومن أشواآقي
تبي تعرف كبر شوقي ,شوف عيوني وتكفي
إذآ مآيكفي اني اصرخ بإسمـڪ داخل آعماقي
وأشوف العمر بڪ وحدڪ, فرحي صار ملك إيديڪ

تراني ماعرفت القى لحبــڪ حل أو معنى
تخيّل كثر مااحبـڪ انا صاحي وأحلم فيڪ

تعــال وناظر بقلب علّـڪ فيني تلاقي
جواب لـڪ أسئلتـڪ غراآم يسرّڪ ويرضيـڪ
انا يومي عشقتــڪ قلت ياشمسي وإشراقي
ترى من يومها ماغاب نور ٍ اشرق بطاريـڪ

انت بقلبي الدايم وانت ببالـي الباقي
لك الله كيف ماتدري ابيع الـڪــون لـڪ وأجيـڪ
لقيت بحبــڪ الراحه بعد ماكنت انا الشاقي
صرت بعمري القصه ولا مر إلا احكيــڪ






وانتهي اليوم بعد ماكان طويل ع البعض والبعض الثاني كان قصير وودهم لو يجمدون لحظاتها
وجا يوم الاثنين وطبعا ايام الامتحانات مازالت مستمره .
في المدرسة وقبل الامتحان بنص ساعة . الشلة مجتمعة على مكانهم المعتاد .
نوره وقاعده وسرحانه والكتاب يدامها تمت اتفكر بحالها ولي متى بتعيش ويا اعمامها
ولطيفه اتفكر بامها التعبانه وعن جرأتها اللي خلتها تتصل بناصر . ونوف اتفكر بعاشه اللي ماخذه تفكيرها وكيانها .
اما مشاعل اتفكر بيوم ميلاد ساره اللي قرب وماتعرف شراح اتيب لها كمفاجأه
يت هيا من بعيد . : بنـــــــات
الكل تنبه على صوتها . هيا : بنات تدرون اكتشفت وين راحت فطوم .!!
الكل وبصوت واحد : وين
هيا : وعليه اختها متوفيه والله وكاسره خاطري اختها الوحيدة توفت بحادث سيارة
نورة : لا حول ولا قوة الابالله ربي يعينها
لطيفة : لا الله الا الله والله وكانت اتحبها الله يصبرها
هيا : انزين بنات انا قلت لها ان اليوم بعزيها انا وامي من راح يجي معانا اكيد متوهقه ويا الحريم وحاله خلونا انساعدها .
نوره : اسفه بنات اعذروني انا في بيت عمي وماعندي لا حد يوصلني غير جي مادرست شي للمواد قبل يعني لازم اكل الكتاب اكل .
لطيفة : حتى انا امي تعبانه مرقدة في المستشفى
هيا : وانتي نوفوا مابتين
نوف : والله بجوف الوضع اذا اقدر ولا لا
هيا : شعول بلييز تعالي معاي محد يبي .
مشاعل : اسفه بعزيها بالتلفون وانا بعدين بروح لها لازم اليوم امر على وحده من الربع
هيا : من
مشاعل : ساروه
هيا : اها . ويت نوفوا واقطعت عليهم : يه يه ماسرع
طالعتهم لطيفه بنظرة خلت نوف تسكت وعلى طول جاوبتها مشاعل : لا حبي هاي وحده اتصير رفيجة اختي واختي اتقول انها تبيني اجي معاهم
لطيفه : زين زين ماعلينا انا بروح اراجع لي اشوي قبل لايطق الجرس .
والكل من بعدها قام .
وبعد ماخلص الامتحان . قامت مشاعل ونادت هيا
مشاعل : هيوو يلا قومي قاعدين ينطرونا
هيا : افف شعول لي متى بتروحين معاهم ؟
مشاعل : لي نهاية الامتحانات خخخ
هيا : والحين عقب مانزل وين بتروحون ؟
مشاعل : بنرد الجامعه ساروه عندها محاظره ولي خلصت بنروح السيتي
هيا : اوك خلاص ومشت معاها لي صوب السياره .
وطبعا مشاعل اقعدت يدام يم ساره وخلت هيا تقعد ورى يم بدريه اللي تعمدت تقعد بالنص عشان اتكلمها
ودشت السياره : السلام عليكم
الكل وعليكم السلام
هيا : اخباركم بنات شمسوين ؟
ساره : والله تمام . اانتي اخبارج
هيا : والله بخير
وحبت تقطع السكوت بصوت الراديو . ساره مممكن اتشغلين الراديو
ساره : اي ممكن افا عليج
وشغلت الراديو . واغنية ميامي ماخذة الجو
أهون عليك ****************

ودي أعرف شلون تقدر على بعدي
خلك معاي ماأقدر أعيش وحدي

زادت علي الهموم كل شي إنقلب ضدي
الله ياطول اليوم الوقت ما يعدي

ودي أشوفك يمي دايم وانته صاحي والا نايم
بالمحبه القلب صايم يا هوى وانته بعيد

لا تخليني لا تخليني آه لو تدري بعذابي ما تخليني
لا تخليني لا تخليني آه لو تدري بعذابي ما تخليني

بدونك لما أنا أمشي أطيح
بدونك لما أنا أضحك أصيح

أهون عليك
أهون عليك
ياحبيبي أنا أهون عليك
حرام عليك
حرام عليك
اذا أنا أهون عليك

ودي أكون دايم بقربك
بس أنا اللي في قلبك
أنا والله موت أحبك
يا هوى وانته الوحيد
وبعد ماخلصت الاغنيه قربت منها بدريه وبصوت واطي اشرايج بالاغنيه
هيا : اي حلوه كلماتها عجيبه
بدرية : هاي ابي اهديها لشخص عجبني وودي يكون يمي
هيا : اها زين والله
بدرية : الا نسيت اسالج بتين حفلة يوم ميلاد ساره
هيا : مادري مابي اتلقف
ويت ساره وعلى طول قالت : لا لا وين اللقافه بالعكس انا اليوم كان ودي اعزمج ويلا فرصة نتعرف عليج اكثر .
هيا : تسلمين والله خلاص ان شاءالله بستأذن من امي وياجي
وبعدها اوصلوا البيت . وسلمت عليهم وانزلت





.



وفي السياره
بدرية : ملاك على شكل انسان ماقدر ياربي اتحمل
مشاعل : اشفيك خفيف
بدريه : مادري اول مره اجوف انسانه جي وايد بريئه واحس قلبها ابيض
مشاعل : اي والله فديتها تخيلي مرات كنا نتهاوش كانت اتحس بالذنب على طول واتسامحني حتى لو انا الغلطانه
بدريه : اه ياقلبي . خلاص ماقدر ابيها
مشاعل : هههههههه يبه اهي لو درت انك تفكر فيها جي على طول ماراح اتكلمك اهي وايد سيدا كم مره اقولك
بدريه: اي هاي الشي المزعلني
ووصلوا الجامعه .
وفي الجامعه جافتهم .




وانصدمت !!؟!؟!





.



التعب وقلة النوم فيها . دشت الحمام وخذت لها شور وبعد ماطلعت سمعت صوت تلفونها جافت رنة المسج واقعدت ادور التلفون لي ماقرت المسج .
وكان مكتوب فيها
{ ماعاشت وحده اتخليني واتهدد ربيعي ,, انتي الظاهر الطيب ماينفع معاج وبتجوفين راح اخذج يعني راح اخذج }
وعلى طول ارتسم على وجهها ابتسامة استهزاء وبسرعة طرشت
{ ضحكتني وانا مافيني ضحك ,, بنجوف اذا تهديدك راح يصير يازوجي المستقبلي اوبس نسيت اقول لك عمي راح المحكمة وراح يخلص الاوراق يعني انت بالعربي مااكنت شي لي وماراح اتصير }
بعد ماطرشت المسج ارتاحت بعد مانست اشلون يكون شعور الراحه اللي ماذاقته من زمن










عند هيا بعد ماخلصت دراستها راحت عند امها .
يمه يمه رفيجتي اختها متوفيه ولازم انوجبها وانروح انعزيها ابيج اتين معاي
امها : ان شاء الله واهم من منه
هيا : اهم من **************************************** وبيتهم يم بيت رفيجتج ام محمد عرفتيه
امها : اي عرفتهم والله ناس طيبه ماقد مره سمعت عنهم شي شين ومن اللي مات
هيا : اختها الكبيره جواهر
امها : لا حول ولا قوة الا بالله الله يصبر امها صعب الواحد لي فقد انسان انه يتجاوز هالشي وخصوصا لو كان هالشخص ام وخسر ضناه
هيا : اي والله انزين يمه انا بروح ابدل وانتي بعد
امها : ان شاءالله
وراحو عند بيت فاطمه . وقبل لايدخلون البيت جافوا زحمة السياير والناس ولفت نظرها انها جافت واحد ويصيح ويمسح دموعه بغترته كسر خاطرها يوم جافت شكله .
وراحت البيت ووعزت ام فاطمه ببنتها ودورت فاطمه وماحصلتها
راحت ودورتها . وتمت تمشي وافتحت الباب غرفه وجاافت .


كل هاي بتعرفونه بالبارت الياي
واتمنى انه هالبارت نال رضاكم
يلا انتظر التوقعات =)