الموضوع: رواية سوالف بنات

الفصل السادس عشر
ارحل بدربك للأبد { ~

( الدنيا حلوة ) بعد ماكان هاي مفهومها كل شي تغير وسودت الدنيا بعيونها يوم جافتهم بالمنظر اللي كانوا فيه
---
حال الثانيه ماكان يسر ماتوقعت انها راح اتجوفها بهالوضعية مع اغلى ناسها
--
لحين مو مستوعبه اللي قاعده اتجوفه قالت بصوت مخنوق : لييش وحاسه انها لحين ف حلم وان اللي يصير مو حقيقة
--
الصدمة الجمتها وماعرفت بشنو اتجاوبها لفت على اللي حطتها بهالموقف يمكن اطلعها من الورطه اللي انحطت فيها واللي يمها جاوبتها وبكل جرأة قالت : كيفي
نوف وانقهرت من الجواب اللي عطتها قامت تبي تشرح لها اتقول لها اي شي ولا انها تقطع صداقتها معاها كانت تدري انها غلطانه بس سارة كانت تبرر ان اللي بينهم شي عادي
ويت ومشت بخطوات ندم لصوب مشاعل وحطت يدها بجتف مشاعل : شعول سمعيني
--
مشاعل لحين منصدمه ومو معاها واطالع ساره اللي قاعده يدامها واطالعها بكل قواة عين ( حتى ماكلفت نفسها اتقول انها غلطاانه !!) هاي اللي دار ف بالها
وبسرعة تغيرت ملامح ويهها من صدمة الى غضب وقهر ومشت لي عندها وتمت اتسبها وتلعنها وشوي وترفع يدها وساره اتصارخ
ونوف بسرعه مشت لي عندها تبي اتوقفها بس مشاعل دزتها بكل قوة ولفت على سارة وعطتها كف قوي : هاي مب عشان لنج خنتيني هاي لاني ضيعت وقتي بانسانه تافهه نفسج وانا مازعلت ع الشي اللي سويتيه لانج ماتهميني
وعطتها ظهرها عشان تمشي للباب واللي كانت تسمعه يوم اطلعت صياح ساره وصوت نوف اللي كانت تناديها بين شهقاتها لانها دشت بنوبة ربو
اول ماطلعت من الغرفة جافت ام ساره يايه واهي متخرعه : اشفيكم بنات شصار
ابتسمت ابتسامه جافه : لا ياخالتي ماصار شي وطلعت من البيت كله للأبد


إرحلي وإنسيني بدرب الضياع

أنتي كلّك فوق بعضك غلطتي

إبتديتي وإنتهيتي بالخداع

كلّ من حولي بكوْ من قصتي

إرحلي بسكات لاتطري الوداع

والله إنك في حياتي زلّتي

الجروح بخافقي صارت وساع

كلّ دربٍ عاف لجلك خطوتي

ياشقى عمري معك طال الصراع

ياخسارة كنت أظنّك دنيتي

إسألي نفسك عن أسباب الضياع

إنتي كلّك فوق بعضك غلطتي


وهاي كان اخر موقف صار بينها وبين ساره ومن بعدها ماكان بينهم اتصال اي نوع من الأشكال اما نوف راح اتجوفونها ف البارتات الاخيرة والحين اطلعت من القصة مؤقتاً





.
.






بعيد عن هالاجواء
الوضع كان غير عندهم سوالف وضحك بس يوم جافت ساعة يدها
اشهقت : نورو امشي تاخرنا جوفي االساعه كم الحين
نوره : ااوووبيه امشي خل انرد البيت وانا باجر لازم اكمل واجهز حتى اغراض لسفرتي ماشريت
فاطمه وكانها تذكرت شي : اي صح وين بتروحون ؟
نورة وبوناسة : امممم بنروح لندن ومابنرد الا ف الاجازات
فاطمه : ليش بتعيشون اهناك
نورة : لا راح يدرس اهناك ومن اهناك انا بعد ابي اكمل دراستي فرصه ويت لي عندي
فاطمه وبفرحة لرفيجتها وبحزن لفراقها بس مابينت لها : االاااي من قدج راح تاخذين شهاادات عاليه وهاي حلم حياتج الله يوفقج
نورة : جميعا ماجنج فتحيتي معاي تحقيق ونسيتي ان احنا متاخرين
فاطمه :اي صح اشفيني كله انسى . وافتحت شنطتها وطلعت جوالها جافت 9 مكالمات لم يرد عليها : اووووبيه من زمان متصل وينطرني قومي خل اوصلج البيت الوقت متاخر
نوره قامت معاها واهي منحرجة





.
.





دشت البيت واهي حاسه ان روحها اطلعت منها حست انها صارت انسان بلا احساس ماتبي تصيح على انسانه حبتها وهوتها وماتبي تتاسف على رفيجتها كاتمه اسرارها واكثر وحده اتغليها من ربعها اقعدت يم ابوها اللي كان قاعد يطالع التلفزيون مع مرته تمت اتسولف معاه والوضع عادي عنده
ابوهاا : وين كنتي الوقت تاخر
مشاعل : كنت عند رفيجتي قعدت اسولف معاها عن السفره والوقت خذانا
مرت ابوها لفت عليها : احكي لي شو سويتو هونيك سمعت ان ميونخ حلووه بس بعمري مارحت لها
مشاعل وبعدم مبالاة: اي المكان حلو لسياحة
ماريا : صحيح وشو عملتو اهناك وين رحتو وين جيتو ئوليلي كل شي
مشاعل واطفشت منها : ماسوينا شي يبنا مرشد سياحي وخلانا انجوف الاماكن السياحية لفت على ابوها اللي كان يطلعهم ويحسب اذا انسجموا مع بعض : يبه نزل لي المصروف على حسابي الجامعه قربت وقامت من الكرسي
ابوها : ان شاءالله ولا يهمج باجر بنزله لج
باست ابوها على راسه : فديتك والله وراحت ومشت لغرفتها
طول هالوقت ماريا كانت قاطه الأذن عندهم وانقهرت من سالفة انه مسوي لها حساب بس سكتت لانها توها اسبوع وماصار لها قاعده في البيت ومايحق لها تتكلم ف هالامواضيع حاليا فقط لانها توها يديده وماتبي يقولون عنها داشه على طمع

اول ماركبت السياره
بعتاب : لييش تاخرتي نقعتيني اهني ساعه ونص
فاطمه باسف ومنحرجة من نورة اللي معاها : اسفه والله ماحسيت بالوقت جسوم راح اتي معانا رفيجتي الوقت متاخر وماقدر اخليها بروحها اهناك
جاسم تنحنح يوم درى ان رفيجتها معاها ويوم قالت رفيجتي طرى في باله اللي جافها ف بيتهم ( يقصد مها ) استحى يرفع عيونه لويهها : احم حياها الله
وتم طول الطريق مركز عيونه عليه
اول مانزلها ف بيتهم لف على اختها وسالها : من هاي
فاطمه وباستغراب : ليش تسال ؟
جاسم ويتصنع بعد الاهتمام : لا بس جي مادري على بالي انها نفس اللي يت بيتنا
فاطمه : لا لا ذيج وحده ثانيه وواي فديتها مهوي خل اطرش لها مسج وازعجها شكلها راقده
ولف على الطريج وحركوا وفي نفسه قعد يفكر ويحط خطط





.
.






ومرت الايام واهي حاسه بندم يذبحها تبي اتكفر عن الذنب اللي سوته باعتذار لها بس ماتبي اترد عليها
طول هالايام تمت تتصل وتتصل بس كل مره يا تعطيها مشغول او اتصك تلفونها واهي بعدها تتصل
بعد مايئست طرشت لها مسج :

سامحيني مع اني ادري ان الغلط راكبني
ادري اني الغلطانه
مادري اشلون اعتذر لج
بس سامحيني لاتقطعين صداقتنا وعلاقتنا
من راح اشكي له لو غبتي
من راح يفرح لي بفرحي غيرج
ارجوووج
طرشت المسج ودمعه بعيونها ماعندها غير انها تتمنى انها اتوافق على اعتذارها بس هالشي اخر ظنونها
--
جافت المسج وارتسم على ويهها ابتسامه
مب ابتسامة فرحة بالاعتذار
ولا ابتسامة احساس بندم رفيجتها
ابتسمامة استهزاء !!

طرشت لها مسج :
باعترافج هاي هل بتعتقدين اني راح اسامحج او اني اصلن زعلت منج
اذا زعلت هاي يبين انج اتهميني وبالواقع انتي ولا شي لي
اعتذارج هاي مابيغير شي
وعلاقتي معاج انتهت يوم خذتي شي مو لج (تقصد ساره )
لاتتصلين على هالرقم لو اتصلتي لي تصرف ثاني معاج











.
.



بداية لنهاية سيئة لصداقة ضاعت في مافهيم غلط
ياربي ليتهم يفهمون !!
ليتهم يعقلون !!
ليتهم يكبرون !!
بعد ماطلعت من بيت ""رفجيتها "" دقت على رقمها كتغيير لروتين

بعد مارن

ورن

ورن

.: الو
.: هلا والله بهالصوت
باستغراب : من معاي > ردت بدون ماتجوف الشخص المتصل
.: افاا كل ماتصل تساليني
.نفاذ صبر: بتقولين ولا اشلون
. باستهبال واضح : لا اشلون
طوووووط

تعجبني قووية

ف نفس الوقت دزت لها مسج :
انا سلوم ردي علي

---
وصل لها المسج
وافتحته بعد ماقرته
بينها وبين نفسها ( ياثقل دمج )
اتصلت وبعد كم ردة ردت عليها
سلمى : ههههه ليش هالحركات يعني
ريم : ماحب حد يستهبل علي
سلمى تعجبيني والله
ريم :.
سلمى : انزين ليش ماتعرفين صوتي يعني
ريم : مادري عبالي ريال صوتج ولا فيه ذرت انوثه
سلمى وبكل قهر ردت : ومن قال لج اني بنيه عشان يكون فيني انوثه تبيني اطلع اخواني
ريم واشوي وبتنفجر من الضحك بس امسكت نفسها : اذا انتي مو بنيه عيل انتو شنو
سلمى : انا ريال وثانيا كلميني ع اساس انا ريال
ريم : وووويه اذا انتي ريال لازم اتحجب منج ولا اقول هلي راح يذبحوني اذا دروا اني اكلم واحد
سلمى بعصبية: تحجي عدل واحترمي نفسج
ريم بكل برود : انا محترمه من قبل لاكلمج روحي عالجي نفسج ترااج مصدقه عمرج ع ولا شي انتي انسانه ملعووونه
تدرين شنو معنى ملعوونه الله لاعنج
لو متي بهالشي ف ربي يعينج
سلمى ساكته طول ماريم قاعده اترد عليها
الملعون لا ف دنيته راح يحصل شي لا باخرته وماراح تتوفقين باي شي راح اتسوينه
لو تبين سوالف بنات وخرابيط ابعدي عني
انا الحمدالله لا ابي اصير ملعونه ولا ابي اخالف فطرتي
روحي ف حال سبيلج الله يهديج وصكت التلفون قبل ماتاخذ منهاا رد

--
تسمع صوت التلفون طووط والتلفون باذنها
مو مصدقه انها اول وحده ترفضهـــــــا!!
( لييش ارفضتنـــي )
أول خيبة امل اتمر عليها
( لا ماصدق انا اتسوي فيني وحده حشره جي )
بمجرد التفكير ان وحده ارفضتها هالشي يذبحها اقعدت اتعيد المحادثه اللي صارت ف بالها واتفكر
اول وحده ترفضني ؟


* للاسف بدال ما البنات ينبذونهم من المجتمع او يوعونهم يشجعوونهم !!!
واول وحده صدتها كانت ريم






.
.






يوم حلو ومنعش بس منعش هاي كان شعورهم اول مانزلوا من الطيارة بعد غياب طال شهرين ونص
اول مانزلوا من الطيارة تجمعوا ف المطار وافترقوا عند مدخل المطار
بس سلام حار دار بين الجميع
الا بينه وبينه اكتفوا انهم بنظرون لبعض بس نظرات ( هالشي لاتسونه انتو يالشباب غض البصر هع )
حتى وقت الفراق كانوا يتكلمون ويودعون بعض بالعيون
مشت مع اختها الصغيره اللي سندرتها عشان تمشي معاها

اركبت السيارة وعلى ويهها علامات الحزن
لفراقها بلد حبته وحبت مواقف جمعتها مع ناس ماكانت اتحبهم
ومع الايام هالشعور تغير
بس مو بشكل كبير
عالاقل قامت تتقبله وشلت الفكره الغبيه من بالها ( هي لي وانا لها ) مفهوم لكل بنت ماتعرف مصلحتها هاي المفهوم
---
تم واقف ويطالعها ويجوفها واهي تبتعد مع اختها الصغيره
وتم يفكر اشلون علاقتهم تغيرت
اشلون كانت تكررهه
واشلون على اخر ايام قامت اتسولف معاه
يمكن لانها كانت متملله اخر ايام لانها كانت تقعد بروحها
تغير كبير حدث بنظره
وهالشي خلاه يفكر بالشغله اللي راح يسويها
(اه يالطوف متى بتكونين لي )
بعد مامشت سيارتهم ركب مع اخوه ومرته وحركوا



غربيه حال الناس كيف احوالهم وطبايعهم تتغير بسرعه بمجرد تعرفهم على انسان مغاير لصافاتهم او طبايهم
هالشي يوصف حالها على الملازمة اللي لازمتها
اعرفت اشلون تتمكن منها واشلون اتخليها بجنبها
وخلتها نسخه منها بدون ماتدري
للاسف الصاحب ساحب

الفصل السابع عشر والاخير !!
انتهينا
ياحبي انا انتهيت يوم جفتك حلمي كله ضاع وانتهيت
ايه نعم انتهت نظرتها لنفسها صارت غير
بعد ماكانت اتحس ان الكل يدور رضاها او محبة او نظرة منها
صارت اتجوف نفسها على انها ولا شي، وتبي اتسوي اي شي بس عشان اترد هالشعور اللي فقدته من اخر مره كلمتها فيها
: ليش انا اتقول لي هالكلام . ايه اكييد جافت نفسها علي ، لا لا لازم اخليها اتحبني انا حتى لو شبيصير .
كلام يدور ف بالها واهي بغرفتها ، والكلام اللي اخر مره قالته لها زعزع ثقتها اللي بنتها على شي ماكان موجود
ترددت قبل ماتتصل فيها ، مالها ويه اتكلمها ، : شاقول لها اوووف ،(بعد تفكير) . ايه لقيتها
اكتبت لها مسج بيد خاينة تكتب عكس اللي بقلبها ، وعلى ويهها ابتسامة .

.
.

لحظة نهايتي قربت}

ريم انا
مادري اشلون اعتذر لج
ومادري بشنو ابدا واقول
صداقتي معاج من البداية غلط وكل التصرفات والكلام اللي كنت اوجهه لج كان غلط
وانتي الوحيدة اللي بينت لي العمى اللي كنت عايشه فيه
والحمدالله انا غيرت كل شي سلبي وسيء فيني
والحين اتمنى انه احنا نبتدي بداية صح واتمنى اتمين صديقة ورفيجة لي لانج . ودي اقول لج كلام كثير
بس ياريت تقبلين اسفي
سلام
سلمى .
وصل لها المسج ، قرته مره ، مرتين / ثلاث لحد ماستوعبت انه المسج منها
.ريم: وااااي ماصدق الحمدالله على كل حال زين انها تغيرت الظاهر كلامي اثر فيها
واتصلت فيها لهفة منها عشان تسمع صوتها كلامها وشعورها الحين واختلافه عن قبل كل هاي المشاعر اختلطت فيها والتلفون يرن

بعد رنة
ورنة
ورنة
---
ردت عليها بصوت حيل ناعم عشان اتبين انها تغيرت: الو
---
سمعت الصوت حست انها غلطت بالتلفون
شلت اسماعه من اذنها وجافت الرقم تتاكد
المفاجاة انه رقمها
كلمتها والفرحة ماليتها :هلا والله بهالصوت
سملى : اهلين يعني سامحتيني
ريم ولحين فرحانة لها : اااي واشلون ماسامحج الحمدالله الله هدااج
سلمى وبضيقة : والله مادري شاقول وشارد
ريم : لا تقولين ولا تبررين بس اهم من هاي شنو الكلام اللي كنتي تبين اتقولينه لي ؟
سلمى : ماقدر لازم اجوفج بالاول عشان اتجوفين اشلون صرت ومن اخر مره شصار ماقدر اقوله بالتلفون
ريم : والله الحين مافي مجال اجي ماماتي راحت عند عمي وماقلت لها اني بطلع
سلمى وبضيقة : بس انا محتاجة اجوفج
ريم : اوك حيااج تعالي عندنه البيت
سلمى وبفرحة : يعني ماراح ازعجج
ريم :لا لا شهالكلام تعالي الحين بعد لو تبين واختي راقده ومحد ف البيت بالمره تعالي وونسيني حد متمللله
سلمى : افاا عليج اكييد بونسج

. بعد مرور نص ساعة وبالدقيقة .
الساعه 4:48
اليوم : الاحد ف بيت ريم
طقت الباب واهي متاملة اتجوفها . اتجوف ويهها " ااه شكثر اشتقت لها ،،ودي "
وتقطع عليها التفكير ،، الخدامه اللي افتحت لها الباب ,, ودخلتها الميلس
بعد ماضيفتهاالخدامة انزلت لها من غرفتها للميلس واهي اتحس انها تركض
طول النص ساعه واهي اتفكر باللي صار لها
هل اهي مستانسه ، متقبله وضعها مقتنعه ؟
واخيرا اوصلت للميلس بعد ماحست انه الطريج كان طوويل عليها
دشت الميلس واهي متفائلة متأملة انها تغيرت
جافت شكلها اشلون صار " الشكل نفسه ماتغير فيه شي " هاي كان انطباعها اول ماجافتها
بس تغاضت " مامر وقت طويل من اخر مره كلمتها اكيد شعرها ماراح يطول ولا شكلها راح يتغير ! "
تناقض بس تجاهلت اول انطباع وتمت على الفكرة الثانيه
وراحت وسلمت عليها واقعدت يمها
ريم وبلهفة : يلا قولي لي شصار معاج ابي اعرف
وقبل ماترد عليها اخوها اتصل
ريم: الو
عادل : ريمو بليز واللي يسلمج دوري لي ملف فيه اوراق مهمة في غرفتي
ريم وبملل : اوراق شنو
عادل : اوراق مختومه ومكتوبه في ظرف ابيض محطوطه ف مكان بالغرفة دوريه لي مااجي واخذهم
ريم : اوكي
وسكرت منه لفت على سلمى وباحراج : سووري بس اخوي يبيني ادور له شغله واعطيه تعالي غرفتي على مادور اخاف يدش اهني
سملى وبفرحة : اوك يلا

---

فهاللحظه انتهيت }
تتكلم معاها بالتلفون بملل حاسه بفراغ مب طبيعي
: ايه لاتخافين حبيبتي اليوم باي لج
اللي اتكلمها : اكييد
: ايه عاد لاتحنين
.: اوك خلاص حبيبي انطرك
سكرت منها التلفون وحاسه بضيقه مب طبيعيه
" وينج اه ولج وحشه والله اني استاهل "
جافت حواليها لقت انها قاعده بروحها بالغرفة
راحت ادور حد يشيل عنها الضيقة والهم اللي فيها
لقت اختها ف لمطبخ وقاعده اتسندر الخدامه
اختها : نو نو انا ماقلت ابي هاي عيديه مره ثانيه
الخدامه : ماما انت في يقول حط
اختها : لا الحين مابي عيديه من اول
نوف : باال انتي ليش لعينه معاها
اختها : والله اهي باطه جبدي دشت الغفه وعدلتها وضيعت اغراضي وااي بموت قهر
نوف : خلج منها مسكينه
اختها : الا عقربة مب مسكينه
نوف وبنفاذ صبرر : خلج منها الحين ويلا قومي البسي خل نطلع
اختها : وين بنروح
نوف : اي مكاان اي داهية المهم نطلع
اختها : اوك

.
وفي خلال عشر دقايق البست وخلصت
اختها : يلا خلصت وين عباتج
نوف: بنتم اندور في السياره. . يعني مايحتاي
اختها (امينه ):نوفو عن الهبل قومي البسي
نوف :لا بطلع جي واذا مو عاجبج بروح مع الدريول بروحي وشكلي جي
امينة وبخوف : الله يستتر ويهديج امشي
---
ركبوا السيارة وتموا يتمشون فيها
نوف : خل يسرع ليش يمشي بشويش
امينه : جي احسن
نوف : حامد امشي بسررعه اشوي
امينه : لا لا امشي عادي
نوف : مالج خص انتي
وحامد ( الدريول ) : لف عليهم يلا يمشي ولا مايمشي قولي برعه
اميننه : يالغبي انت ليش ماتجوف يدام

وفجاااه
امينه :وبصراخ : اااايه بتدعم
راح ععلى صوب السياير اليايه واهم كانو من الرايحين
وبلمحة بغواا يدعمووان
بس الله ستر
امينه بخوف : يماااه والله يخررع قلبي طاح كله منك ومنها الغبيه
لفت عليها
جافتها تنتفض وماقادره تتنفس

.
.

حبك ماتنهى!! لحين في قلبي يسري }
واقفه ومو مصدقة هالخبر
تفرح ولا تزعل
تساتنس ولا تحزن
ماتدري شنو شعورها واهو الحين متقدم لها
منيره : بااال من الحين بديتي تسرحين فيه
انقهرت من تعليق اختها يدام امها اللي كانت مستانسه بخبر تقدمه لها
رااحت غرفتها عشان مايعلقون اكثر ووتتتهور وترفضه
" يااي الحين اقول لمن مهوي هيوو فديتها خل ادق عليها وبلغها "
اتصلت فيها واهي متشوقه عشان تسمع صوتها
ردت عليها : الو
لطيفه : وااي فديت هالصوت اللي واحشني
هيا ومو مصدقة : لطووف
لطيفه بزعل مصطنع : اووه ليكون نسيتي اسمي
هيا بعتب : اشلون انسى الغالية . وانتي الي اصلن ناسيتني من يوم لسفره ولا جفتج
لطيفه : توني الاسبوع اللي طاف ردينا
هيا: من اسبووع يايه وماكلمتين
لطيفه : اسفه والله مب قصدي اسوي هالشي بس خبرج لي رديتي لازم ترتاحين وحوسه في البيت
هيا : اها ,, الحمدالله على السلامه ,, اهم شي يبتي لي شي ؟
لطيفه : ااكييد ، يبت لج مفاجاه , ويبت لمهوي وفطوم ونوفو وشعول الا تعالي شخبارها طلعت من بالي
هيا : والله مادري اعتقد اهي بعد يت من اسبو شكلكم اتفقتوا
لطيفه : لا اصلن ماكلمتها
هيا: حتى انا التهيت بتسجيل الجامعه وكان لازم اشتري لبس عشان اكشخ خبرج الحي صرنا جامعه
لطيفه : حلوو
هيا وكانها تذكرت : ااي صح وانتي سجلتي لازم تلحقين
لطيفة وضحكة : اتصلت لج عشان اقول لج شي واكوه انتي اللي فتحتيه
هيا : ليش شصار ؟
لطيفة : تقدموا لي
هيا وبصدمة وبفرحة : صج مبرووووووك ,, ومن اهو اللي امه داعيه عليه
لطيفه : هيهيهي ماتضحكين ,, بس بقول لج اهو اخو ريل اختي توم قايلين لي انه تقدم لي
هيا : الله يوفقج ,, وانتي وافقتي ولا رفضتي
لطيفه : انا والله محتاره ومتردده بالقو مادري شبسوي
هيا وبتسال : شقالوا لج عنه هل اهو زين طيب حلو مزيون شسالفته
لطيفه : من ناحية الشكل ياربي عليه يخبل
هيا : اووه اوه شعندهم الي يوصفون لي ولا مره مدحتي ريال يدامي
لطيفه : مادري يمكن اول واحد اتعايش معاه واتعامل
هيا : اشلون
لطيفه : يوم كنا بالمالديف ,, كان كل مايغيت اطلع او يعرض علياطلع كل اتضايقت اول ويه اجوفه اهو ,, ويوم مرضت كان يسال عني لي طبت
هيا : : واي من قددج ,, عقبالي وان شاءالله اخذ واحد نفسه بس ابيه يكون نسخه من بيكهام
لطيفه : وووعي وياشين ذووقج
هيا وتبي اتصلوا لها من الخط الثاني
لطوف يتصلون من الخط الثاني
لطيفه : عيل اخلييج ,, وقولي لباقي الشلة لسالفه ,, كلهم ارمهم انحت اللي انتي رقمج حافظته
هيا : فديت قلبج والله ,, يلا اكلمج بعد ف العصر
لطيفه : ان شاءالله لاتنسين
هيا : لالا مابنسى باي

وعلى طول ردت على التلفون الثاني
. وبعصبية : ليش مارديتي علي كنت اتلكمين من

النهاااااااااااااايه
تكـــــــــــــــــــــــ ــمله " هالاحداث تقريبا على بداية 2006"
ليت قلبك يحتويني
دشت الغرفه وتمت تنتظرها . استغلت الوضع انها بروحها فراحت تتعبث باغراضها
.
بعد ماخلصت وحصلت الاوراق اللي كان اخوها يدور عليهم مشت لي غرفتها وفتحت الباب
ريم : سوري تاخرت عليج
سلمى واقعدت على سريرها : لا عادي
ريم : واقعدت ع الكرسي اللي كان مجابلها : يلا قولي من مساعه وانا انطر
سلمى : مادري شاقول لج ومن ابتدي بتستغربين لو قلتلج اني هديت كل البنات اللي كنت اكلمهم ماخليت وحده مافهمتها اني مابي الطريج اللي يمشون عليه
في بعضهم اللي ماتقبلوا هالفكرة وتموا وراي لين ماوصل هالكلام لهلي
ريم وبصدمه : وهلج شسوا يوم دروا
سلمى وصوتها تغير وخشت وييها بيدها : ابوي طردني من البيت وامي تمت اتصيح ومابيدها شي وانا قعدت ف بيت خالتي و ومـ ـ ـ واختفى صوتها بين صياحها وشهقاتها
ريم وبعمرها ماتخيلت انها بتكون سبب باللي صار لامت نفسها الف مره على تدخلها او تخيلت انها راح اتجوف بيوم من الايام دمعتها وقامت واقعدت يمها اتواسيها
ريم وبشفقه : يمكن هاي بيكون ف مصلحتج اكيد يومين وبيسامحونج ع اللي صار
سلمى .
ريم والدمعه بعيونها : والله اني اسفه ماكنت ادري انه بسبتي بيصير كل هاي
سلمى ورافعت راسها وتمت اطالع ملامح وييها وحطت راسها بحظنها
وريم تمسح على شعرها
لي ماملت وو #&#&#&##&
ريم وبصرااخ وخرري عني
سلمى وبابتسامه : من قالج بوخر من متى وانا كنت ابيج اخر شي اوخر احلمي
ريم وبصياح : وخرري عني وتبعد عنها واتروح صووب الباب بس سلمى اركضت وصكت الباب بالمفتاح وخذته
ريم بعد ماهدت : اشتبين مني الحين
سلمى واتقرب صوبها وتمسك يدها واتيرها بقوو : اتعرفين اللي ابيه
لقيتك للاسف كذبه اعيش بها مع احلامي
نعم صــــدقت كلماتك ولا ادري بنياتك
هذا اليوم انا كلي دم من راسي لأقدامي
ريم وبصوت عالي نادت على اختها : علــيــــه وفضت يدها وراحت وارفست الباب بالقوو عليــــه
يت الخدامه واهي تركض : سنو فيه
ريم : نادي عليه وقولـماقدرت اتكمل لانه سلمى حطت يدها على حلجها وماخلتها اتكمل
سلمى وتضحك : قلت لج باخذه يعني باخذه
وبصوت عالي قالته للخدامه :رووحي مافي شي
ويرتها لعالم مافي منه رجعه
يكفي متاهات وجروح لاجيت انهيها ابتدي
شوف الزمن في حالتي وقف عقارب ساعته
شوف الشقا في دنيتي حصل مونه وغـــــايته
ينسج على حلمي بيوت تشبه بيوت العنكبوت
حالتها الله العالم فيها ماتدري شتسوي اشلون تتصرف
اتحس كل البيبان مقفوله ف ويها
اشلون تبعدها تبي اتضيعها واتخليها ف عالمها
حاولت انها توخرها عن طريجها بس مافي معاها فايده
دموع تطلع من عيونها كلها قهر وندم ع الخير اللي كانت تبي اتسوي لها
دموع غضب على ويهها لانها نوت اتغير حياتها للاحسن
(الظاهر انا الغلطانه هالاشكال عمرها ماراح تتغير (
ومن بين ضعفها طلع منها صوت مخنوق : هـ ـ ـديـيني وبقوـ ـولج شـ ـ ـي
نوف وبسعاده : لو تبيني اهدج ماراح اهدج لين مايصير اللي ف بالي لو شنو يصير انا مايهمني اللي راح يصير عقب هاي
ريم وبصدمه ماتخيلت بعمرها انها راح اتقابل ناس فيهم المرض النفسي اللي فيها
وزاد الالم فيها ماعرفت شتسوي فيها لين الله قدر لها انه اختها اتناديها
طقت الباب عليهم ولقت فرصه تطلع من هالعالم اللي مامنه رجعه
نادت باقوى ماعندها على اختها واحمدت ربها على انه نجاها

والله دنيا غريبه

" أنا الهايم
و أنا المغرم
و أنا الساهر مع النجمات
و أنا اللي قسم أوقاته حنين و صبر و آهات
الا يا صاحب الذكرى .!
من اجلك كم كتبت ابيات.!!
و من اجلك عشقت اللي مضى
و اللي معه فات . "هاي اهو حالها الحين
حاسه انها نفس الملوك عايشه
ماتوقعت انها بتعيش معه احلا لحظاتها
تمنت من قلبها انه الله يحفظه
ويبعد عيون العواذل عنهم
لفت عليه بعيون حالمه ولقته نايم مابعده صحى
" والله فرصه اجهز له فطوره واطلع له ثيابه "
قامت من السرير وحاسه الدنيا مو سايعتها
من يوم ماتزوجته واهي متغيره
طول الوقت ماستانسه
وفرحانه
وغيرت نظرتها لدنيا
بعد ماماتت اختها وحست ان الدنيا مافيها خير
علمتني واشلون احب
علمتني كيف انسى
وعلمتني اشلون احن
بعد ماجهزت كل شي
جافته نازل من الدري والفوطه على راسه والروب عليه
اول ماجافها ابتسم لا اراديا : صباح الخير حياتي وقرب منها
ويهها صار احمر ووابعدت منه
.ضحك ضحكه عذبه وقرب ازياده : اشدعووه صار لنا شهرين ولحين تستحين مني
حست ان ويهها بينفجر من الحيا وراحت ابعيد اشوي وقالت تبي اتغير السالفه : متى راح انرد الدوحة
سوى نفسه زعلان : افاا ملتيني مني مامداج ؟
. وبتأسف : والله مو قصدي بس هلي واحشيني والله اول مره اسافر بدونهم
حس فيها : ولا يهمج خلاص اليوم بحجز كم فطوم عندي
فاطمه وبوناسه وفيها براءه قربت منه : صج والله
ناصر وابتسم : ااايه
فاطمه : الله يخليك لغاليك
ناصر وغمز لها : ويخليج لي
- من كان يتصور انها بتكون مستانسه معاه صج دنيا غريبه -

.
ياصاحبي وينك انت عن همي خلك مني قريب وواسيني

ليت لو كل صاحب بهالدنيا صالح كان عشنا بدنيا غير
بس الحظ الردي جمعها معاها وبدون ماتدري اسحبتها لدنيتها
في اول شهر بالجامعه زاد غلاها في قلبها
كانت معاها وماخلتها بروحها حتى انها طقعت لمحاظرتها مع العلم انها ف اخر سنه جامعه
يمكن بدريه ماصارت تهتم لدرستها من اول ماعرفت هيا
بس زاد اهمالها بعد مايت هيا الجامعه وقامت اطقع لمحاظراتها
وصار عندها انذار ولحين مو مهتمه عايشه بدنيا لوحدها
" اهم شي اتكون يمي قريبه " هاي هو هدفها انها ماتخليها
وصل سالفة الانذار لهيا وراحت عند بدريه والاسى واضح على ملامحها
واللي كانت قاعده بكفتريا مبنى العلوم ويدامها الاب
اقعدت بالكرس اللي مجابلها وباسف قالت : والله مادري شاقول لج
بدريه وبحيره : شنو
هيا : ادري كله مني لهيتج من محاظراتج بس يلا خلاص تعودت ع الجامعه وماراح اضيع فيها تطمني
بدريه " قلبها مادري من شنو يعلج دووم معاي وماتفارقيني " : لا مو منج اصلن من قال
هيا ومستغربه : بس سمعت انه عندج انذار وكله تتغيبين من محاظراتج وماتدرسين
بدريه ابتسمت : اييه ماخذه انذار بس مب لاني طول الوقت معاج لانه -وصرفت السالفه - عندنا دكتوره مب صاحيه
كله اتملغ وكنت ابي اغيرها مع الوقت تسكر علي وماقدرت اغيرها والحين تعودت عليها
هيا وبقتناع : يعني تبين اتقولين لي انج ماتتمصلحين مع الدكاتره الله اكبر
بدريه وشقت الحلج : ههههههه لا لا مب كلهم بس هاي ماينفع معاها شي حاولت اتصدقين
هيا وبارتياح : ايه لازم اتحاولين ماتبين درجات عدله
بدريه وبتفكير : هيو بسالج
هيا : هلا
بدريه وبتردد : امم وينهي مشاعل ماجفتها
هيا وكانها تذكرت شي : اتصدقين مادري بااال صج صرت جاحده نسيتها وااي نسيتهم كلهم
بدريه وبقهر لانها ذكرتها : اهاا يعني مابداوم
هيا : اووبيه اصلن اخر مره كلمتها كان بداية الاجازه ولا نهايتها والله ماذكر ذكرتيني الله يذكرج بالشهاده اليوم بروح لها
المشكله يم بيتنا ومادري اشلون نسيتها
بدريه وبقهر : لو اتروحين قولي لي لاني ابي اوصلج
هيا وباحراج : لا مابي اتعبج بدق عالدريول
بدريه وباصرار شديد : يلا عااد من زمان مارحتي بسيارتي ,, اشدعووه تستحين من رفيجتج - لحين عايشه على غفلتها -
هيا : اوك وجافت الساعه اللي معلقه على يدها : اممم الحين الساعه 1 اشرايج انروح لها ع الساعه 5 ولا 6 تعالي تغدي ف بيتنا وخلينا نرتاح بالاول
بدريه : اجوفج مخططه كل شي
هيا : ههههه شسوي اشتطيت
بدريه وسكرت الاب توب وحطته بالشنطه: يلا عيل مشينا
مشوا بين الزحمه طراااااااخ هيا ادعمتها وحده ضخمة طاحت عالارض بقوووه وكل كتبها صاروا منثورين عالارض معاها
بدريه وشكلها يني راكبها بصراخ : انتي يالعميه ماتجوفين اطالعين السما وانتي ماشيه
البنيه بدفاشه اكبر منها : يه ليش اتصارخين قلت لها سوري وبعدين اشتبين انتي
بدريه سكرت عيونها من القهر وهيا تدري انه هاي يعني بدايه لحرب
هيا قامت بمساعدة وحده من اللي كانوا مع الضخمه وشلوا كل كتبها ولا جنه صار شي ابتسمت للبنيه : حصل خير يلا معليه ماصار شي
البنيه لفت على بدريه : جوفيها صاحبة الشان شمحلاتها ماصرخت مب انتي حتى ماقربت صوبج
بدريه وتبي اتقول شي هيا امسكتها من يدها ووجهت كلامها للبنيه : خلاص قلنا حصل خير
البنيه ابتسمت لهيا ومشت
هيا وبقهر : لازم اتسوين شي كل يوم سالفه يا هواش يا صراخ يا ضرب واتفشلينا بين البنات والسيكرتي
صرتي مشهوره بدفاشتج
بدريه وبصراخ : صج انج ماتقدرين اذا حد يبي يغلط عليج اوقفه عند حده وهاي يزاتي الحين ماقول غير مالت
وهدتها مابين نظرات البنات وشوشراتهم وخلتها بروحها واتحس نظرات البنات إتأشر عليها
مشت والدمعه بعيونها - ماتحب تنحط بهالمواقف- اتصلت للدريول
واقعدت بالكراسي الطويله الخشبيه بروحها
حطت النظاره عشان محد يجوف دمعتها
يت وحده واقعدت يمها ولحين اطالع الارض ومو مهتمه
. : ماعليج منها ,, كله تتعامل بالدفاشه
هيا والتفت عليها جافتها انها اهي نفس البنيه الضخمه اللي ادعمتها من مساعه
: سوري ماكان ودي اسوي لج مشاكل معاها
هيا ابتسمت : لا عادي اصلن من يومها عصبيه مع غيري اسكتت اشوي وقالت : واليوم اول مره تصرخ علي
البنيه : ههههه كل الجامعه يعرفونها ويعرفونج
هيا ولففت عنها :اشدخل
لبنيه : من كثر هواشها صار الكل مايقرب لاصوبج ولا صوبها وانا تراهنت ويا ربعي اني راح ادعمج واهي راح اتصارخ
هيا وبقهر وبضيقه : ليش يعني دام انج تدرين
البنيه : بس جي قلنا نتراهن ومتمللين
هيا قامت معصبه بس عصبيتها ماتخليها تطلع عن ادبها : عن اذنج ومشت
البنيه تمت اتلاحقها بنظراتها ومنعجبه منها ومن اخلاقها ويت لها فكره

طبعا من الصعب انك تترك انسان كان خليلك وبلحظه غباء او سوء تفاهم اتهده
فكرت بالكلام اللي قالته لها . واهي ماتفكر قبل ماتقول
تحسفت ماتدري يمكن لانها تركتها بهالطريقة اولانها اهي الغلطانه
بس تمت اتكابر وانطرت هيا تعترف بالغلط
ماتبي تخسرها اتموت ولا تبي اتفارقها

طبعا بعد الموقف الغبي اللي صار بين هيا وبدريه والبنيه
راحت البيت واهي منقهره ماتدري اذا اهي الغلطانه ولا بدريه بس انتظرت الاعتذار منها
اشتاقت لمشاعل اللي بعمرها ماأهانتها يدام خلق الله مهما كان السبب
حنت لأيامهم بكت لانها نست انسان كان بيوم اغلى واعز البشر على قلبها
انسانه كانت بيوم رفيجتها تشكي لها همها انسانه كانت لها ونيسه واداري دمعتها وتبتسم لضحكتها
وتفرح لفرحها
راحت تشتري لها هديه يمكن تنسيها عن الايام اللي ضيعتها مع بدريه
وبيوم هدت رفيجتها
تمشى ف المجمع وادور بين المحلات
لمحت وحده اتاشر عليها واتكلم رفيجتها وتضحك
تجاهلت هالحركة وكملت تسوقها
لاحظت ان هالبنتين اتجوفهم ف كل محل ادشهم
تضايقت من هالتصرف بس اعتبرته حركات طفولية
وتناست عن هالشي
وماهي الا لحظات
واتي لها وحده واتقرب منها
استنتجت انها تبي اتكلمها وتوقعت انها مشبهه عليها لانها طول الوقت كانت اتلاحقها
البنيه : هاي
هيا : اهلين
البنيه : سوري ع الازعاج , بس بغيت اسالج انتي مع بدر صح ؟
هياوعصبيه واضحة : من بدر
البنيه وبدلع مصطنع وواضح : اشفييج !! انا كل يوم اجوفج معاها ؟
هيا وبدت تستوعب : قصدج بدريه ؟
البنيه اضحكت جنها قالت نكته : اي اللي هو , بس ابي اسالج انتي لحين مرتبطه معاها لان رفيجتي تبي تتعرف عليج
هيا وبققت عيونها : شنو مرتبطه معاها شتقصديين ؟
البنيه : انتي مو حبيبتها ؟
هيا وبقرف واضح : شهالكلام ,, لا طبعا هي رفيجتي
البنيه وبابتسامه : عيل اشرايج نتعرف واتصيرين رفيجتي
هيا .: انتي من وين اتعرفيني
البنيه : انا جايفتج بالجامعه واعرفج حتى انه اسمج هيا
هيا : ماكنت ادري اني مشهوره واضحكت
البنيه : لا انتي واايد بنات يعرفونج ويتاملون انهم يكلمونج
هيا وبلامبالاه : اهااا
البنيه : المهم انا حبيت اتعرف عليج من قريب لانج امبينه انج واايد طيووبه
هيا وبحيا : تسلميين ,, من ذوقج
البنيه : لا من صجي ,, وياريت نتلاقى قريب لان المكان مو مناسب فشرايج ف الجامعه
هيا : اوك , ماعندي مانع
البنيه وطلعت تلفونها : عطيني رقمج خل اسجله
هيا :55*****
البنيه وبسعاده : فرصه سعييده
هيا وبابتسامه : وانا اسعد
وراحت وكملت تسوقها واهي محتاره بالهدية اللي راح تاخذها لمشاعل
وبعد ماتسوقت راحت بيتهم وافتحت لها الخدامه وسالتها عن مشاعل وقالت لها انها بغرفتها
وعلى طول راح لها غرفتها طول عمرها متعوده اتسوي جي من يوم ماكانوا اصغار
كانوا يداومون على بعض هالذكريات ادور في بالها واهي على الدري
اخيرا اوصلت يدام باب غرفتها افتحته بدون مااطق عشان اتسوي لها مفاجئه
وحاطه الهديه ورى ظهرها

.
اطالع فلم سخيف على قولتها بس مندمجه بشكل مب صاحي .
جافت حد يفتح الباب تمت اطالع الباب
بس يوم انفتح جافت هالانسانه ردت عيونها اطالع للاب وكملت الفلم
.
صدمها جفاها " صار لي كمن شهر ماجايفتها وهاي ردها"
بس على طول اعذرتها لانها اهي اللي اقطعتها نفس ماقطعتها
قربت صوبها وحطت الهديه يدام الاب

من طرف مشاعل
تمت اطالع الهديه " ماكل قلبٍ ينشرى بالهديه " بس مع اللي بقلبها
ابتسمت لانها حاولت تبني صداقتهم مره ثانيه بعد ماتخرب من طرف بدريه

ارتاحت يوم جافتها مبتسه : اايه اكيد تبين اتششقين الحلج دامني يايبه لج شي
مشاعل : ههههه اتعرفين القوانين اذا تبين اتيني لازم يكون معاج شي
هيا : الله يخسج لحين على نفس الغباء
مشاعل وعدلت قعدتها : ومن وين راح ايي الذكاء
هيا وتمت تتفحص مشاعل بنظراتها
مشاعل : هييي اشفيج ليش اطالعيني
هيا : مو جنج صايره دبه حتى انه عندج كرشه ماخبر انه كان عندج من قبل
مشاعل : شسوي من قعدت البيت ومن هالافلام اللي اطالعها بدون اكل ماقدر اجوف فلم
هيا : هههههه خلج متينه جي احسن مب قبل جنه في احد ياكل منج الاكل
مشاعل : جوفي نفسج بالاول صايره عصقوله
هيا : يمه منج لحين الجواب في مخباج
مشاعل : ههههههههههه اايه
هيا وتتذكر ايامهم ف الثانوي : والله واحشتني وكل الشله بعد
مشاعل: ايه بعد مادشيتي الجامعه نسيتي ربعج وتكبرتي عليهم
هيا :لا والله مب جي الا جو الجامعه خذاني بعييييد
مشاعل وبخوف خافت من الي كان ف بالها تحقق : شقصدج
هيا : مادري مافي قوانين مافي زي نلبس اللي نبيه الحياه حلوو واذا ماتبين محاظرتج تطلعين بكيفج والله فرق بين المدرسه والجامعه اصلن شياب لياب
مشاعل وبرااااحه : ايه الحمدالله عيل
هيا وبتساؤل : وينج انتي حتى بالجامعه ماجوفج ؟
مشاعل : انا مسجله بس مقدمه اعتذار هالكورس وبداوم الكورس اللي وراه
هيا ارفعت حاجب : ليش عشان اطالعين افلااام وتمتنين وتاكلين
مشاعل: هههههههه لا لاني كنت مسافره ورديت بنص الكورس ويلا شوفة عينج
هيا : الاااي وين رحتي وين يتي اجوف الصور
وتموا في كلامهم يسترجعون ايامهم الضايعه

.
اما نوره فقصتها بالنسبة لي كانت نفس السيندريلا باليوم اللي تزوجت فيه ولد عمها علي واللي غيرحياتها
بعد ماكانت عايشه في ظلمات اخوها
والحين عايشه بهناء ومستانسه بفرحة لاتضاهى
شقت بحياتها مع اخوها وجافت الويل منه
والحين الله رزقها بزوج صالح
حالتها ماتقل عن حالة فاطمه سعادة ورااحة نفسية
نوره وعلي عايشين في امريكا اهو يدرس وياخذ دراسات عليا
واهي اتكمل طموحها الي كانت تحلم فيه طول عمرها
عايشين حياة كلها تفاهم بس كل مايردون الديره لازم يكون بينهم شراره بسبة الاهل
لانه من يوم ماتزوجته خواته ماكانوا مقتنعين انه يتزوجها
وماصارت لحياتها معنى يذكرفي القصة
بس لها عوده بعدين
اما بالنسبة لاخوها اللي كان يعيشها برعب
واللي كان يطغى بحياتها ويتامر فيها
حتى انه حرمها من نعمة الابوه خذ ابوها وقطه ف الرميلة
بس محد وقف بويهه حتى امه عيشها بخوف انه الدور ويجي عليها ويسوي فيها نفس ماسوى بريلها
هالشي كان كفيل انه تسكت عن افعاله ليين
ما لله جزااه على افعاله
الدنيا دواره

الله يمـــــــهل ولا يهــــمل
بعد مالعب بفلوس ابوه وبكل شي وسوى نفسه فيهم بالشغل
كل شي بناه ابوه وتعب على مايسويه طول سنوات عمره
خربه بكمن شهر
والديون اكثرت عليه
يوم طاح بمصيبته مالقى حد يعينه ويوقف معاه ويوقفه على رويله
بس كل الناس لاموه وتشمتوا فيه
الا هله امه اللي كانت تدعي له انه الله يهديه
الله حقق لها دعاويها بعد ماراحت الفلوس جاف اللي صار له
وعى على نفسه
صحى من غفلته غفلته اللي خلته يقط ابووه
صج الفلوس اتغير النفووس
استسمح من امه بعيوون دامعه
ورجع ابووه البيت اللي بسبة عقوق ولده جته جلطه وخلته مقعد وباليالله يتكلم
مع الايام ابوه صار يتعافى .
استسمح من اخته بس للاسف الحقد لحين يعمي قلبها
ورفضت انها اتجوفه اصلن .
ولنااا عودة معهم .
.
نووف بعض الردود وصلتني عن موت نوف
بس هي ماماتت لحين عايشه
يمكن بسب الحادث اللي صار بالسيارة
ودوها المستشفى
ولحقوا عليها
يوم مافتحت عيونها مالقت الا اختها يمها
ومن ربعها ماحصلت احد
زاااد همها
وكتمته لان بنظرها ماعندها احد
وبعد ايام معدودة اطلعت من المستشفى وهمها بظنها اكبر من الجبال
.
مشاعل ردت للكورس الثاني الجامعه
ومالقت غير هيا يمها
مشاعل وبتأفف : الجامعه اتضييع
هيا:هههههههه حتى انا كنت اقول جي اول ماييت بس بدريه كانت معاي فعشان جي ماضعت
مشاعل مستغربه : وينها ماجفتها معاج
هيا : تهاوشت معاها مره يداام البنات ولحين الظاهر ماتبي تعترف بغلطها
اهي الخسرانه
مشاعل وبراااااااحه حست انه هم كبير كان بصدرها وراح : على قولتج اهي الخسرانه
اتمر الايام واهم ويا بعض
ايام عاديه
والملل طبعا سيد هالايام
الا يوم يـا هاليوم
الصراحه اذكره لاني كنت في هالمشهد موجوده
هيا كانت موجوده في نفس المكان اللي تهاوشت فيه ويا بدريه
طبعا كانت تمشي مع رفيجاتها
الا مره وحده واتجوف بدريه يايه من بعيييد وعينها عليها
وبصوووت عالي : هيووو انا اااااااااسفه
هيا اطالعها باحراج احرجتها بين البنات
حست انه الموقف يتكرر صدت عنها ومشت
بدريه قربت منها : والله اني اسفه يلا عاااد نطرتج كورس كامل بس الظاهر نسيتيني
هيا : انتي اللي نسيتي كل مره تحرجيني واخر مره اتقولين انا الغلطانه
بدريه وبصوت عالي : أحــبك مـــوت وقـلــبي بات مـغـــرم بادلني إحساسك الصادق هات كفك هاك يميني
ومدت يدها
هيا مو مستوعبه هالكلام " حتى لو رفيجتي هالكلام المفروض مايكون موجه لي "
اطالعها واهي متسغربه
بدريه وملت انها اتمثل صورة الرفيجة
شلت هالقناع وبصوت عالي كملت :يــــاأغـلــى حـب فـي قلـبي وعــينـي ,ارحمني خلاص أرجوكجف دمـــعي بشرايني , تعبت من الانتظار وكثر صدودك وجفاك هيا اطالعها ولحين مو مصدقه اللي تسمعه اتحس انها ف كابوس وودها لو اتقوم بهاللحظه
والبنات يصفروون اللي بالممر وفي بنات يصفقون وحاله
واللي تحظن الثانيه حتى في بنات غاروا بنظرات وفي بنات عطوها نظره جنها منكر
ويت رفيجتها قربت من اذنها وقالت :من قدج
هيا واتحس الدنيا اتلف وادور عليها " من قدي شقصدها ليكوون "
لحين ساكته جنها خرسا وبدريه ماسكه يدها وقربت منها لدرجه انها الصقت فيها : من زمان وانا كان ودي ان احنا انكون حبايب مب ربع
وهاي اللي خلاني اصارخ عليج سوري
وهيا محد عالم بحالتها تغير لون المكان للأسود
وماقامت اتحس ولا تسمع
ماقدرت تتحمل وطاحت عليهم
بدريه بأسى شلتها وقعدتها بكرسي وقالت للبنات اللي التموا حولها
: وخرووووو عنها يبوا لها ماي يلاا
ووبصراخ تتامر . .
لفت عليها وجافت الصدمه امبينه على شكلها يابو لها ماي
بعد مارشت عليها وشربتها وصحتها هيا قامت اتشاهق واهي اتصيح
وبقرف قالت : وخري عني وينهي مشاعل
اتصيح وصياحها يسبقه شهقاتها
وكل دمعه تتحسر بكل لحظه اعرفتها فيها
بدريه وبترجي وبانكسار وبعمرها ماجافتها بهاللحظه : ارجووج اسمعيني بس
هيا :ساكته و اتصيح وكأن كل دمعه تحكي وتتحسب عليها
بدريه : تكفين هيو لاتتركيني والله اني تعبت من كثر مانتظرج
هيا واتحس اشوي وانها بتموت بعمرها ماتخيلت انها راح اتعرف بنات شواذ
لاعت جبدها ورجعت
--الصراحه ماقدرت اتحمل هالموقف وناديت مشاعل --
رحت دورتها وبالاخير حصلتها في المعامل موجوده
انا : شعوول شتسوين
مشاعل : قاعده اخلص البحث والحين بروح اسلمه يلا مابقالي شي
انا : رحت يمها وقالت لها
بعد ماسعت الخبر هدت اللي كان بيدها وخوفها يسبقه خطوتها وبسرعه راح لها
راحت المكان اللي كنت فيه قبل وجافت الزحمه ودشت بينهم
جافت هيا بحالة اول مره اتجوفها فيها
مشاعل : هيوو اشفيج
هيا ماتقدر اترد : اترجع
مشاعل وكانت تبي اتشيل هيا معاها جافت بدريه اتكلمها
مشاعل وبقهر : هاي كله منج الله ياخذج انا من زمان مكلمتج
بدريه : مب مني من قالج من البداية تعطيني رقمها لو عطيتيني جان قلبي ماتعب كل هالمدة
هيا واتحس انها بتموت حاسه مصايب ووتحذف بويهها
مشاعل وبعصبيه : وخررري عنها اقول لج قلت لج اهي ماتعرف عن هالسوالف
بدريه : انا ماقلت شي غلط
مشاعل وبعصبيه زاايده : هديها شتبين فيها دوري وحده ثانيه اتناسب وصاختج
بدريه باستهزاء : يعني انتي المسكينه البريئه وماتعرفين حد ولا بعمرج شبكتي
حياتي روحي تمسكني على غيري

يوم مشؤووووم لهيا
ردت البيت مع مشاعل بعد صراع مع بدريه انتهت بانتصار مشاعل عليها وخذ هيا معها
هيا طول اليوم لايع جبدها مو مستوعبه الكلام وتمت اتفكرفيه لي ماسخنت " اهي من هالنوعيه اذا فكروا يسخنون ياقلبي عليها "
وماداومت لمدة اسبوعين
وطول هالاسبوعين وبدريه تتصل مسجات وتلفونات متامله انها اترد عليها
ومشاعل طول هالفتره مع هيا اللي بعد غيرت تعاملها معاها عقب مادرت انها على شاكلة بدرية
وصار بينهم فجووه كبيره
بعد اسبوعين كانوا على هيا اسوء ايام حياتها داومت بالجامعه
بين نظرات تقدير لرفضها فكرة الشذوذ
ونظرات اعجاب لبنات فكروا غلط على انها هدت بدريه
ونظرات حب لانها اكسرت خشم بدريه
نظرات اكثيره وتفسيرات اكثرللي صار
جافت بدريه اللي صارت تتذلل لهيا عشان اتصير بس بقربها
واهي طول اليوم اتلاحقها ومامخليتها تتهنى بعيشتها
هيا وراحت لبدريه ملت من الوضع
هييا : الله يرحم والديج وخري عني ولاتقربين صصوبي ابي اعرف اشتبين فيني
بدريه واتصيح : ابييج والله , بعمري ماحبيت حد كثرج , حتى اني احبج اكثر من هلي اعشقج شسوي بموت اذا هديتيني وطول عمرج ماراح تتعايشين مع هالشي
هيا وبدمع بعيونها : انزين انا شسوي والله اني مب شاذه هاي الطريج اخرته الضياع
بدريه وصياحها يزيد : تكفين لاتهديني انا ماسوى شي بدونج انا اصلن ولا شي
هيا ومن قلب ازعلت لها اول مره اتجوفها اتصيح : والله اني ماحب اجوف احد بالهوضع اوعديني بتهدين هالكلام
بدريه وبتامل : وشسوي ف حبي لج والله انا ماخترت هالشي
هيا : حاولي انج تنسين هالحب وهالخرابيط طلعيه من بالج ترا بعمره هالشي ماراح يفيدج
بدريه : ماقدر ماقدر والله انه قلبي هوااج بدونج مادري شراح يصير فيني تكفين لا اتهديني
هيا ماتحب حد يتذلل عندها : بس بنكون ربع نفس قبل بس احبج واتحبيني لا
بدريه وتنهدت : امري لله
هيا : يلا عاد امسحي هالدموع ماحب حد يصيح يدامي والله بصيح
بدريه " اااه ياقلبي اللي يحترق عليج " احضنتها وماكانت تبي اتهدها
هيا وبعصبيه : انا شقلت لج الظاهر ماتبين تفهمين
عطتها ظهرها وكانت تبي تمشي بس بدريه امسكتها من يدها
بدريه : ماتحملت اخر مره الله يعيني
وهيا اعذرتها ولكن للاسف هالفلوب ماتستاهل الاعذار

مشاعل صار لها شعبية بين البنات
وبشكل واسع حول الجامعه
وسوالف البنات صار يضم مشاعل كمحور للحديث
ضحكتها وابتسامتها وغشمرتها اجذبت البنات حولها
وللاسف نست ربعها وخصوصا نوف
مر على ذاك اليوم يمكن 8 اشهور
بس مشاعل لحين متذكره الموقف يوم جافتها ويا ساره
وماقدرت تنسى لها
بس نوف كانت مصره اكثر .
وتمت تتصل لمشاعل
مشاعل بضجر : خير حرقتي تلفوني فشلتيني كل اشوي ومتصله
نوف وتخصبقت : مـ مـ ـشـاعل انـ ـ
مشاعل وبملل : انتي شنو خلصيني فكيني اشتبين
نوف وبصياح : والله اني اسفه مادري ليش سويت جي مع ساره اسفه مادري عذر ادري بس لاتهديني ف وقت حاجتي لج
مشاعل واضحكت بويهها
نوف :والله ماعندي من الربع حد غيرج
ماعندي الا انتي
مشاعل : من قال لج انتي رفيجتي بعد اللي سويتيه خلاص تبرئت منج انتي اصلن ولا شي
نوف وصياحها يزيد : بلييز بس طلبت رفيجه ماعندي غيرج الا انتي واكثر وحده اعزها
مشاعل تتذكر يوم يت اول يوم يوم كانت انطوائية واهي اللي يت وكلمتها ومحد كلمها غير واشلون غيرت شكلها واستايلها حنت للايام اللي كانت معاها
مشاعل وبتفكير : ماادري يمكن اخليج اتردين
نوف وبلهفة : متى اقدر اجوفج
مشاعل : اي وقت ماتفرق عندي
نوف وبوناسه وصار لها فتره ماذاقت الفرحه شقت الحلج وقالت خلاص عيل اجوفج ف الجامعه باجر
مشاعل : اوك

.

بعد ماحست براحه
وبسعادة لانها ردت لرفيجتها
راحت انزلت وتغدت مع اختها
اختها وباستغراب جنه صاير شي:شعندهم
نوف وشاقه الحلج : ولا شي
اختها استانست لاختها لان حالتها تغيرت بعد ماكانت مكتئبه صارت مستانسه ماسئلت عن السبب المهم اهي مستانسه

.
اما في بيت هيا
قاعده ويا اختها شيما يطالعون مسلسل
هيا ويتردد لفت على اختها تسال
هيا : شيوم بسالج
شيما : هممم
هيا : طالعيني اكلمج
شيما : نعم
هيا : لو اتعرفين وحده اشوي مب صاحيه شبتسوين
شيما باستغراب ولفت عليها اطالعها : شقصدج
هيا وبتردد واضح : يعنـ ي امم يعني اشوي منحرفة
شيما : وووع ليكون اتعرفين ناس من هالاشكال
هيا : الله لا يقول بس اجوفهم كثرانين بالجامعه الله لا يقول
شيما وتتذكر ايامها بالجامعه لانها خلصت الجامعه وتشتغل الحين : اايه والله الله يعينج بس كانوا واايد على ايامنا بس الحمدالله ماقربوا صوبي
وانتي تحملي بعمرج لاتقربين صوبهم
هيا بحزن : افا عليج انا اسد من يقرب صوب
شيما اضحكت على غباء اختها
هيا : بس بدريه رفيجتي اتعرف وحده منحرفه اتقول لي انها ماتهدها " تتكلم عن نفسها اهي وبدريه" واهي معترفة لها انها لو هدتها راح تنتحر
شيما بققت عيونها :بال حسستيني ان احنا ف امريكا اعوذ بالله شهالكلام
هيا : والله هاي اللي جفته وسمعته
شيما : انزين خل اتروح عند دكتور نفساني
هيا باستهزاء : اشدعووه هي مينونه عشان اتروح لدكتور نفساني
شيما : من قال لج ان كل من يروح لدكاتره نفسيين فهاي يعني انهم ميانين الله يهديج هاي وانتي العاقله والدارسه
هيا وباهتمام : ليش يعني مب ميانين
شيما واقعدت اتفهم هيا عنهم واشلون تتعامل مع هالنوعيه من البشر .



صباح اليوم الثاني
وتقريبا الساعه 10
نوف راحت الجامعه بالرغم انه الجامعه بعيده عليها
بس راحت واهي ولا هامتها المسافه .
واتصلت لمشاعل اللي قالت لها عن مكانها
تقابلوا ونوف طبعا صاحت لانها ماتخيلت انها راح تبعد عنها
حست بالوحده اللي كانت عايشه فيها
مشاعل :هههههه فشلتينا
نوف وتمسح ادموعها : والله مب قصدي
شلت شنطتها اللي كانت طايحه عالارض ويت شعره طويله على عينها
واللي عطى ملامحها اكثر جاذبيه وانوثه
مشاعل بصدمه : وااي ليش شعرج طويل
نوف وبدون اهتمام : مادري طوول
مشاعل : لا لا لازم انقصه لج ماينفع طوويل
نوف ماهتمت المهم ردت رفيجتها
.
اماا هيا فماتدري اشلون تتعامل ولا اشلون راح تتصرف مع بدريه
اتعاملها كرفيجه نفس قبل جنه ماصار شي
ولا اتهدها " لا لا لو هديتها اخاف اتسوي ف عمرها شي ويكون بذمتي ياااربي شسوووي ؟ "
عايشه الحيره بحد ذاتها وماتدري اشلون اتحل الموضوع
تررددت اتكلم مشاعل ولا لا
فغيرت رايها على اخر لحظه لان مشاعل بعد نفس بدريه اشلون راح تفهم عليها
اختارت الخيار الاول واهي متخوفه على انها تسحبها على طريجها !!!

وهاهي الايام اتمر وتركض ولا حد من شخصياتنا حسوا بمرورها
نوف الحين صارت ويا مشاعل خوش بوووش
حتى صار لها اسم ف الجامعه خخ
وشعبيه ويتهامسون عليها نفس مايتهامسون على مشاعل
نوف واكيد تعلمت من غلطتها انها ماتاخذ شي مب لها
بس للأسف هالمره ماكان غلطها
هالمره كان غلط حبيبة مشاعل اللي انعجبت ف نوف
وماخلتها
كل تمت تتصل فيها
نوف ماستباحت الفكره انه اتسوي جي ف رفيجتها
بعد ماردوا لبعض
حاولت تبعدلها
بس بيوم مصختها قربت منها
لكن نوف وبطل قهر وخرتها
لكن يت مشاعل وجافتهم بهالموقف وماسامحت نوف
ويلا الموقف يتكرر ويعيد نفسه
بس هالمره طووووووول

ولكل شي له نهايته "وبالنهاية كل واحد وياخذ على قد نيته "
مرت الحين 3 سنين واهم على نفس الحال
وونوف تتاسف
مرت 3 سنين وبدريه اسحبت هيا معاها مع ان هيا كانت تبي اتعدلها
يمكن كلكم بتسالون عن نوره
--نورة هالانسانه تغيرت على مر الاسنين عقب ماخذت شهاده محد يقدر يستهين ابها
ولهاي الشي ارفعت خشمهااا فوووق
لدرجة ان ريلها ماقدر يتعايش معاها واخلاقه اخربت وخذ له وحده انجليزيه وياب منه صبي اصغير يهههبل مشاءالله بس الله يهديه

قام يشرب لانه خذ من اخلاق الانجليزز
-- اخو نوره محمد تزوج وعايش هو ومرته وولده عمره 3 سنين مرتاحين ويا امه وابوه اللي استعاد عافيته واشتغلوا وتعاونوا ويا بعض عشان يردون اللي ضااع
--فاطمه نهاية سعيده لها مه ريلها ورب يوفقها وللحين ادور على اللي كانت اختها اتكلمه !!!!
--ريم بعد ماربي نجاها من سلمى اتجهت لدراستها والحين تدرس بكورنيل وقامت تتحسس من البنات
--عليه اخت ريم . كلكم تذكرون اللي كانت اتكلمه من النت !!!
وشاءت الصدف انها راحت عرس وامه كانت موجوده وانعجبت فيها واخطبته لولدها نساها ونسى صورتها
والحن عايش معاها عيشة ولا بالاحلام .
ولكن اهي تتذكره
--شهد"اخت هيا " لقب يديد نُسب لأسمها وهو " مطلقة " اطلعت من عانس ويا لها كابوس يديد وهو الطلاق ماقدرت تتحمل ريلها وتسلطه وامه واهاناتهم والضرب اللي كانت تاكلها من الاثنين !!
--شيما "خت هيا الوسطانيه " انسانه ناجحه وراقية وتقدم لها واحد تقييخاف ربه والكل يمدحه " الصراحه مادري شنو نهايته بالظبط "
--سلمى ضياع مستمر
--بدريه قامت اتزور دكتور نفساني وحست بقيمة انوثتها وتحسفت على الايام اللي ضيعت فيه هويتها لكن اللي معذبها انها تابت بعد ماخربت هيا !!!!
--ابو حمد " ابو مشاعل " لحين متزوج المغربية ومب قادر يوفق بينها وبين مرته لكن بنته فوق كل شي لحين اهي دلوعته
--مرته " المغربيه " تبي تمتلك كل شي دشت على طمع وودها لو انها تاخذ الفلوس وتطرد مشاعل وابوها بس شاءت الاقدار انه ابو حمد يدري في بلاويها ويطلقها ولحين بينهم معاملات الطلاق
--شيخة نهاية عادية تشتغل ومافي شي يذكر بحياتها
-- لولوه اعتذرت من شيخه بس مالقت حد يتقبل هالأسف
-- اخو لولوه طلع من الشجن وبغا يذبحها فعشان جي سافرت برع وهاجر ومادري شصار فيها !!
-- نوووف " عورت قلبي " صار بينها وبين مشاعل موقف ردت البيت واهي اتصيح تمت اتشاهق بغرفتها وماقدر تتنفس وماحصلت احد حولها ولا حصلت البخاخ ماتت بغرفتها ولا حد يدري عنها
اختها حصلتها ف الليل ميته .
-- لطيفة حياة بارده ممله خالية من اي اكشن والرومانسيه اللي كانت تحلم فيها وهاي بسبب بسيط جدا ريلها درا انها شاذه نوعا ما بعد الموقف اللي جافه مع مشاعل عقب الزواج وهاي خلااه يوقف حبه لها
وقام يتعام معاها بكل برود وجفا ! واهي ماحست بقيمة حبه الا يوم افقدته والحين اهي اللي اتحاول تلفت انتباهه عشان يعطيها ويه والحال هاي لحين مستمر
-- مشاعل حالتها حاله يوم درت انه نوف ماتت نست السبب التافه اللي تهاوشوا عليه وتذكرت كل موقف معا ا واشلون غيرت حياتها وانها هاي اللي خلتها نفسها خلتها مدمنه على اللي اتحبه خلتها تمشي معاها بالطريج الغلط تمنت لو امها عايشه لو اي حد يمها بس مالقت من ينقذها . فكرت اتخلي هالخرابيط اللي اتسويها بس البنات شجعوها اكثر واكثر كل ماتبي اتهد هالشي تطلع لها وحده واتشجعها !!
اما مها فهاي انا " الكاتبه >< " ف جامعة قطر وان شاءالله بحول عنها
هيا للاسف راحت عالم باعتقادي مامنه رجعه وراحت معاها برائتها وكل شي كان حلو فيه وبدلت فيه شي مصطنع وتمت في دنيا سمتها سوالف بنات
وياريت لو هالقصة اتكون عبرة لكل من مشى بهالطريج
او من بعد اخته واللي اقرب الناس له من حياته
وعمره الانسان مايصلح غلط بغلط نفس ماسوت جواهر
وياريت محد يعتقد انا اشجع على هالكلام او اني اكتب عشان اسلط الضوء لهم
لاا انا حطيتها لانها تروي قصة ربي واشلون خربت حياة كل وحده
يكفي انها ضيعت حياة رفيجة ردبي
وليتها اتكون عبرررره !!!



وبالنهاية كل واحد وياخذ على قد نيته

النهـــــــــــــــــــــ ـــــــــــــــــــــــــ اية

ان شاء الله يكون عجبكم نقلي للقصه حبايبي