الموضوع: رواية الواقع المؤلم

الجزء الثاني - ( والأخيــر )


وصلت عند باب المجلس كانت بتتراجع بس سمة بالله ودخلت
يوم دخلت انصدمت باللي شافته داخل

وقفة مصنمه في محلها

سعًَوُِدٌٍٍٍََِِِ

جواهربينها وبين نفسها: معقولة هذا سعود ولا انا انجنيت وصرت اهلوس فيه

ابو جواهر: حياك جواهر لا تستحين مافي احد غريب

جواهر: السلام عليكم

كانت مستحية وحالتها حالة سلمة بصوت واطي لو الغرفة مو هدوء ماكانو سمعوها

ابو جواهر+ سعود: وعليكم السلام

------------------------------------------------------------------------------------------

العنود: اووف شكلها طولت بنات وش تتوقعون يسون هناك

ملاك: يعني وش يسون اكيد تتعرف عليه ويتعرف عليها

ندى: اووص اسكتو شكلها جات

دخلت عليهم جواهر بالصالة

العنود+ندى+ملاك: ها بشري وش صار.

جواهر للحين منصدمه: سعوود

العنود تستهبل: ههههه وش فيك لاتقولين المعرس اهو نفسه سعود نياهاهاه

جواهر للحين على حالتها: ايه

ملاك بققت عيونها@@: ها سعود المعرس .؟

ندى: يوووه شكلها انهبلت البنت

جواهر: والله سعود يوم شفته تذكرة شي

العنود: شنو تذكرتي

جواهر: تذكرة اني شفته مره من المرات واحنا طالعين من عرس واحد من قرايبنا

واني انهبلت فيه هع يعني طلع مو من خيالي انا فكرة اني انا اللي راسمته من راسي بس يوم شفته تذكرة

العنود: والله وناسة وايش هالصدفة صرتي خطيبته

جواهر توها تستوعب : ايه جد والله وناسة حلمي تحقق



ضلت جواهر تسولف لهم عن سعود وعن بطولاتها معاه في خيالهاوقالت لهم ان اسمه الحقيقي فهد مو سعود اسم سعود كانت مطلعته من راسها له

----------------------------------------------------------------------------------------------------

مرة سنة جواهر تزوجت سعود سوري قصدي فهد

واكتشفت انه غير ماكانت متخيلته غير عن سعود اللي كان بآحلامهاوخيالها



والعنود واخيرا اخطبها طلال خطبة رسميه

في باريس وبالتحديد بالمطعم

جواهر : فهود حبيبي

فهد وعيونه بالجوال: هلا.

جواهر: ايش اكثر لون يعجبك.؟

فهد: الاسود

جواهر: الاسود.؟ يعني مو الاحمر

فهد: هههه ليه يعني كنتي متوقعتني احب الاحمر .؟ اصلا اكره لون عندي الاحمر

جواهر مستغربه: ليه ؟

فهد : كذا ماحبه يذكرني بالحروب والدم

جواهر: هه طيب والاسود مايذكرك بالحقد والكره

فهد: بالعكس الاسود لون فاخر وراقي

جواهر : يمكن انا عندي احسن لون الاحمر لون رومنسي ومره جميل

فهد: احلى يالرومنسية . بس للاسف للحين ماشفت من رمنسيتك شي هههه

جواهر بخجل: هههه خلاص اليوم عازمتك على عشاء رومنسي

-----------------------------------------------------------------------------

العنود: اووف اشتقت لوجوجو البيت فاضي بدونها

ام جواهر: ايه والله وانتي بعد قريب بتتزوجني وهالبيت بيفضا

العنود: هههه لا لا تخافين يمه انا ناوية اعبيه لكم بدرزن عيال

ام جواهر: ان شاء الله اشوف عيالكم وعيال عيالكم بعد

العنود: آمين يمه مادقت عليك جواهر اليوم.؟

ام جواهر: الا دقت وتسلم عليك تقول عقبالك تلحقينها وتجين باريس

العنود: ههههه

--------------------------------------------------------------------------------------------------

ام طلال: كلووووش

طلال: الله وناسة كله اعراس عندنا من عرس يمه انتي .؟ لاني ماظن ملاك او ندى

ملاك: خ خ خ دمك سخيف

طلال: ههههه مو اسخف منك

ام طلال: لا والله محد عرس بس ان شا الله يعرسون

طلال: اجل وشو له هالزغاريط؟

ام طلال: اختك ندى توظفت

طلال: اووه حركات مبرووك ندوي

ندى مسويه نفسها ماتسمعه يعني لحد يقرب مني رافعه خشمها البنت

طلال: هيي انتي اكلمك

ملاك: ماراح تعطيك وجه عاد شافت روحها علينا كل شوي بتسمعها تمدح نفسها

طلال: اذا بتسوي كذا بروح احرض ابوي عليها علشان مايخليها تداوم

ندى: هههههه ياشين العذال ملاك قومي معي الغرفه بقلك سالفه

ملاك : يالله قمت طلول لا تلحقنا سوالف بنات ولاالوعد في خطيبتك

طلال: هههههههه انقلعي بس

{ في المستشفى ندى تضرب كتف صديقتهاريماس

ندى : رموس شووفي شوفي

ريماس: اه ووجعه وش تبين ؟

ندى: شوفي هالرجال معا كشته ههههه يفشل

ريماس: ايه والله وش هالشعر ههههههه

ندى: تعالي معي عندي خطه

وتجرها معاها يمشون ورا الرجال اللي كان مسوي كدش

ندى: اقوول رموس شسالفه اليوم اسبوع الشجره ولا ايش

كانت مكبره صوتها قاصده علشان يسمعهم

ريماس: ايه والله فديت هالكشه بس

وينحاشون }

ملاك متسدحه من الضحك: ههههههه وربي انكم مجانين

ندى: لا ومو بس كذا ايش تتوقعي كمان صار ؟

ملاك متحمسه: مدري ايش صار.؟

ندى: كان اول يوم تدريب لي عاد يوم دخلنا غرفة التدريب

طلع الدكتور اللي يدربنا اهو نفسه بوكشه وطلع ولد مدير المستشفى

واااي قسم اني تفشلت طاح وجهي ههههه

ملاك:هههههاااي وعرفكم .؟

ندى: هههه ايه وقام يلمح يقول انا عارف انه شكلي مايوحي لكم اني دكتوريعني شعري وستايلي ههههه مااالت عليه

ملاك: ههههه اووم الفشله ياشيخه

ندى: فشلة وبقووه هههه تخيلي في اليوم اللي بعد كان معدل شعره

طالع شكله خقق عاد جاني يسألني يقولي ها كذا احسن ولا للحين اسبوع الشجره

انا رحت ماعطيته وجهه

ملاك: كفوو

---------------------------------------------------------------------------------------------------

في باريس

جواهر: اوووف وش فيه طول لايكون صار له شي لالا الله لايقوله

تسمع صوت الباب بدخلت فهد

جواهر: حبيبي وش فيك طولت انتظرك وين كنت ؟

فهد: انا اكره سوال عندي هالسوال لا تبدئين من الحين تسوين لي فيها شغلة الزواجت

جواهر : طيب اسفه

قرب واهو يغني ويرقص

جواهر انقرفت وعصبة: اوف سكران ماالت والله منت كفو انا طول هالوقت اجهز لك العشاء والجو الرومنسي وانت حضرتك سكران

دخلت الغرفة تبكي وتندب حضها

------------------------------------------------------------------------------------------------

في صباح يوم جديد

كان الجو حلو صحت جواهر على شي ازعج خدها

يوم فتحت عينها شافت فهد ماسك وردهـ حمرآء ومزعج خدها فيها

فهد يمد الورده لها: آنا اسف وحقك علي

جواهر: تحلف انك ماتعيدها.؟

فهد يمسك يدها ويبوسها: وعد ماعيدها

جواهر: خلاص سامحتك

فهد: قومي اجهزي محضر لك مفاجاه

جواهر تحمست: ايش هيا ؟

فهد: لا مفاجاه مايصير اعلمك قومي بسرعه ولا بغير رايي

جواهر خافت لا يسويها ويغير رايه قامت بسرعه: لالا خلاص دقايق وجهز

بعد دقايق طلعت وشافته جالس على الكنب ينتظرها

فهد: ههههههه

جواهر مستغربه : وش فيك .؟

فهد: عادي انتي في بلد اجنبي مو ضروري تتحجبين

جواهر: لا مايصير

فهد: هههه وش فيك محد يعرفنا هنا

جواهر استغربة من تفكيره السخيف وانه مايغار عليها

جواهر: انا مرتاحه كذا

فهد: اوك اجل مشينا

جواهر: وين بنروح

فهد: بنفطر بعد الفطور نروح نركب من هالزوارق الموجوده ابي اوريك الطبيعة الخلابة عندهم

جواهر: الله وناسه اول مره اسافر بلد اجنبي

فهد: انا كل اجازه اجي هنا

---------------------------------------------------------------------------

في المستشفى

الدكتور نايف: السلام عليكم اخبارك ندى.؟

ندى مستغربه: امر اخوي بغيت شي .؟

د. نايف: ههه مايمر عليك عدو بس حبيت اسال عن اخبارك

ندى: لو سمحت اخوي مابيني وبينك غير الاحترام رجاء لا تتعدى حدودك

د. نايف: انتي اللي بديتي وقطيتي كلام علي ولا ناسيه

ندى: كانت لحضة طيش وانا اسفة عليها يالله توصي شي ؟

د. نايف: سلامتك وانا اسف تجاوزة حدودي

ندى: حصل خير فمان الله وراي شغل

-------------------------------------------------------------------------------------------------------

في بيت ابو جواهر

كانو ملاك والعنود جالسين يسولفون دخلت عليهم ام جواهر

ام جواهر: السلام عليكم شخبارك ملاك وشخبار الاهل

ملاك : وعليكم السلامتمام الحمدالله يسلمون عليك

ام جواهر: الله يسلمهم يالله اخليكم تكملون سوالفكم

ملاك: لا عادي خالتي حياك معانا

ام جواهر: لا اخاف ازعجكم او عندكم سوالف خاصه

ملاك: لا شدعوه

العنود: خلاص لا تصرين عليها الحين تصدق وتجلس هههه

ملاك: ههههه حياها

ام جواهر: قليلة الحياء تعلمي الذرابه منها

العنود: يمه امزح معك وش فيك صدقتي ههههه

ام جواهر: شايفتني كبرك تمزحين معي

العنود: هههههه

ام جواهر: والله انك ماصخه الله يعين طلال عليك

العنود صار وجهها احمر من الفشله

ام جواهر: يالله استاذنكم

ملاك": اذنك معك خالتي

بعد ماطلعت ام جواهر

ملاك تسدحت ضحك ههههااااااي ويك ويك احرجوها الهبله

العنود: هههههه انطمي

ملاك: ايوه اكمل لك تذكرين الولد اللي شفناه في البحر

العنود: اي واحد اللي رقمكم ولا الثاني اللي مسوي فيها محترم ؟

ملاك: ههههه اللي مسوي فيها محترم

العنود: وش فيه

ملاك: تذكرين يوم طلول قال انه شاف واحد من ربعه وبيروح يسلم عليه

العنود : ايوه ؟

ملاك: طلع هذا هو اللي مسوي فيها محترم صديقه

العنود: وكيف عرفتي .؟

ملاك: واحنا راجعين من البحر سلمو على بعض مره ثانيه قبل لايمشي وشافته

العنود: طيب شنو يعني ؟

ملاك: ههههه لا ولا شي بس قلت اقولك

العنود تغمز : ها لا يكون

ملاك: لا ووجعه مافي شي من اللي براسك

العنود: ههههه ماقلت شي انا

ملاك: ماقلتي بس اعرفك

------------------------------------------------------------------------------------

في مطار السعودية

فهد: جواهر جوجو خلاص عاد كلميني

كانت تمشي قدامه بخطوات سريعه ركض وراها ومسك يدها

جواهر:.

فهد: وش فيك.؟

جواهر: وش فيني .؟ اسال نفسك

فهد: اسال نفسي.؟ ماظن اني سويت شي

جواهر: ايه فعلا ياحرام مره مظلوم ماكنك طالعت كل البنات اللي معنا بطياره مابقا بنت ماطالعتها او ابتسمت لها

فهد: هههههه هذا اللي مزعلك .؟

جواهر عصبت: لييش هذا شي مايزعل .؟

فهد: هدي اعصابك اصلا انا ماطالعت غيرك ولا فكرت اطالع

وش لي بالنجوم والقمر موجود

جواهر استحت : جد والله ؟

فهد: عندك شك

جواهر بغرور: لا طبعا واثقه من عمري

فهد: هههه خلاص اجل

-----------------------------------------------------------------------------------------------------

بعد عدة اسابيع

ملاك خطبها صديق طلول اللي مسوي فيها محترم على قولتها هع بس ماسوو خطبة على طول عرس لان خطيبها تركي كان يبغا يروح يكمل دراسته بالخارج واهله مايبونه يسافر قبل لايتزوج وملاك وافقت علشان حتى هي تكمل الدراسه معه بالخارج

العنود تزوجت طلال وسافرو الاربعه للندن

وجواهر حامل وتوها بشهرها الاول

----------------------------------------------

في لندن

كان في تنافس بين عنوده وملاك من يدلعها زوجها اكثر

ومزعجينهم بطلبات

ملاك: ترووك حبيبي تكفى خل ندخل هالمحل نفسي

في هالجاكيت

تركي: ملووك حبيبتي ناوية تفلسيني انتي .؟ خلاص ماضل شي ماشريتيه

ملاك بوزة ينقال عنها زعلانه : وينك يايمه تشوفين بنتك طاح حضها توها عروس وفي شهر العسل ومن الحين زوجها مايسمع كلامها

تركي فقع من الضحك عليها: ملوك انا اعطيك عيوني لو تبين بس انا ادري فيك تبين تشترينها حسد في العنود لان طلال مارضا يشتريها لها

ملاك: ها كيف عرفت .؟

العنود: ايه لا تشتريها لها كفو والله

ملاك: هيي انتي وش دخلك تكلمين زوجي

طلال: لاحوول اقول تركي شكلنا ماراح نخلص منهم اليوم

تركي: ايه والله شكل امي داعية علي وموراضية عني

طلال: وش رايك نسحب عليهم بس هههه.

تركي: يالله مشينا

وقامو يمشون ولا عبروهم واثنتين يمشون وراهم ويتهاوشون

-----------------------------------------------------------------------------------------------------------------

في المستشفى

ندى جالسه وطفشانه تكلمة صاحبتها ريماس

ندى: اووف طفش ملوك وعنوده تزوجو وخلوني مسافرين ياحضهم وجواهر حامل اهئ اهئ ماضل غيري وانتي بعد قريب بتتزوجين

ريماس: ههههه الفال لك والله يعينك

نايف: آمين

ندى: بسم الله خير وش دخلك انت

نايف: ربك كاتب اني امر وسمع كلامكم علشان تسنح لي الفرصه

اكلمك وقولك اني ودي اقابل ابوك اذا موافقه

ندىاحمر وجهها من الخجل ماعرفت وش تقول

ندى: عن اذنكم عندي مريضه لازم اشيك على وضعها

ريماس: هههه ابشرك معناها موافقه

------------------------------------------------------------------------------------------

في بيت فهد وجواهر

جواهر: يالله فهد ماخلصت كل هذا سبوح

فهد من الحمام يكلمها( وانتو بكرامه )

فهد: هههه خلاص عدي للعشره وتشوفيني طلعت

جواهر: ههههه طيب واحد

وبدت تعد وهي تعد رن جوال فهد وازعجها من كثر مارن

راحت تشوف من المتصل شافت

اسم بنت بعد خمس اتصالات رسلت البنت رساله

جواهر ماقدرة جاها فضول تشوف الرسالة وفتحتها

{حبيبي فهد. اشتقت لك تكفى رد علي

وش فيك البارحة مشيت بدري .؟تدري اني من

تطلع من الشقه اشتاق لك لا تطول علي انتظرك اليوم

المرسل: حبيبتك }

فهد: ها عسا ماتاخرت عليك وتعبتي وانتي تعدين.؟

جواهر:

قرب منها فهد: وش فيك ليه تبكين.؟

جواهر تبكي من قلب منقهره كيف انها كانت غبية وكان يكذب عليها بكلمه او كلمتين

رفعت الجوال بوجهه

جواهر وهي تبكي: ممكن تقلي ايش هذا .؟

فهد عصب: وانتي بأي حق تفتحين جوالي

جواهرعصبت وقامت تتكلم بصوت عالي قريب للصراخ

: بحق اني زوجتك ياخاين انت طلعت غير اللي كنت اتوقعك

مافيك اي صفة زينه خاين من اول يوم ماحترمتني

وسخييف وتافه

انا سكت عن علاقاتك الغراميه اكثر من مره قلت يمكن يعقل بعد ماحمل بس شكل مافي فايده ذيل الكلب عوج مهما فعل

وربي منت كفو كلمة رجال

فهد عصب وضربها كف قوي على وجهها من قوتها طاحت على الارض

فهد: انا رجال غصبن عنك فاهمه

جواهر للحين تبكي : انت لو كنت رجال ماكنت خنتني



( اكره كلمة عند الرجال هالكلمة (منت رجال) من

قالتها جواهرو قامت الشياطين اللي براس فهد تنقز

وقام يضربها بوحشية من غير لايحس )

طلع من البيت وتركها وراه غرقانا بدمها والمها

-----------------------------------------------------------------------------------------------

صحت ولقت نفسها بالمستشفى

جواهر: اه

ام جواهر: بسم الله عليك ليت الاهـ فيني ولا فيك

جواهر قامت تبكي وتشهق من البكي: يمه شفتيه شفتيه وش سوا فيني الخاين

ام جواهر: حسبي الله عليه الله لايوفقه لادنيا ولا اخره

عدلت جواهر جلستها على السرير وحضنة امها

جواهرتبكي : مابيه يمه مابيه تكفين ابي اطلق

ام جواهر تبكي معا بنتها وتمسح على راسها : خلاص يابنتي ماراح يصير الا اللي تبينه بس انتي لاتسوين بعمرك كذا وربي مايستاهل دمعه من عينك

جواهرتبكي: حتى اللي في بطني مابيه

ام جواهر رفعت راس بنتها لعندها: يابنيتي اصلا الولد طاح

جواهر انصدمت وقامت تبكي: طاح؟ حسبي الله عليه الله لا يوفقه

-------------------------------------------------------------------------------------------------------

بعد فترة تطلقة جواهر من فهد

وخلصت من العذاب اللي كانت فيه

فزيت اسابق خطوتي لاجـــــــــل اعزيك,,,,,,

في موت حبـــــــــــــــــــــــك وانتهي من حياتي

طويت ذاك الحــــــــــــــب وعهود ماضيــك,,,,,,

,ابعد خلاص اليوم بعـــــــــــــــــــــــــــدك غناتـــي

مات الوفاء والقلـــــــــــــب ماعاد يرجيــك

ودفنت ماضـــــــــــــــــــــــي حبك بذكرياتي



خلال تجربتي معا فهد تعلمة ان المظاهر خداعه.

وان الرجال بدون اخلاق مايعتبررجال وان الاحلام مودايم تتحقق بشكل مثالي مثل مانتمنى لازم يصيبها جزء من النقص

هذا هو واقع الحياة

بس الحمدالله بعد فترة ربي عوضني باللي احسن منه

صحيح مو ذاك الزود من الحلا ولا ينقال عن فارس الاحلام هع بس يمشي حاله

محمد خطيبي الجديد رجال بطيبته ووفاءه وحنانه علي وخفة دمه

قدر يخليني احبه ولا انتبه لعيوبه اما بالنسبة للعنود وملاك للحين في تنافس وطلال وتركي علشان يأدبونهم قررو يسوون فيهم مقلب ويقولن لهم انهم بيجيبون على روسهم حريم > بس كلام ماراح يسووونها

بس مافي فايده منهم ابو طبيع مايجوز عن طبعه هع



وندى تزوجة نايف والحين اهم في شهر العسل

:$ the End

تمت بمساعدة بسيطه من بنت خالتي

تحــــــياتـــــي :-

نبض قلـ،ـبي أنت


انتــــظر ردودكـــم

شكرا الك على الموضوع

يسلموووووووووووووووو الايادي