الموضوع: رواية متى ستعرف كم أهواك

الساعة خمس العصر نزل من غرفته وحصل الكل متيمع في الصاة ابتسم يووم شافهم
خالد : السلام عليكم
الكل : وعليكم السلام و الرحمة
خالد راح صوبهااا وابتسم : هلا و الله بأم سالم زارتنا البركة
بسمة (أم عبيد ): هلا فيك الغالي اشحالك
خالد : يسرج حالي الغالية عيييل وينهم أفراح وعبيد
بسمة : عبيد ما ادريبه جنه عند ايماان وفروحه راقده
خالد يبتسم : شخباره حمد عساه بخير
بسمة : يسرك حاله بخييير رايح اليوووم ويا ابوووه المزرعة قلتله خطفني بيت هلي عقي روح
وديمة : اب اب متكشخ اخووويه على وين النية
خالد يبتسم : طالع عند ربيعي
بسمة اطالع وديمة :ودوم خلصتي كل اغراااضج ترااا ما باقي شي اسبووعين تقريباا
وديمة مبوزة : تقريباا في اشياء مخلصتهن
ام سالم : انا وياااها مطيحاات في السوووق وتيلس تنقي الشي ساااعه عسب جيه ما مخلصه اغراااضهااا
بسمة : خلاص خليناا المغرب اروح نشتري اللي باقلج انزينه .وتصد صوووب خالد : هااا خلوود بتودنا
خالد يطالعهااا : لا ابوويه انا مواعد ربيعي حميد وين اوديكن خلن الدريوول والا ابووويه يوديكن
ام سالم : هيه شخبارحميدوهل عساااهم طيبين
خالد : بخير الحمد الله يسرج حالهم
بسمة : صح امايه جيه تروحين انتي وبناتج ولا حفلتيني ولاسويتي لي تيلفووون كنت بروح وياااج
ام سالم : يله سووويت لج قالت الخداامة سايرة بيت عمتج
بسمة : جيه ما بطيت عندهااا
ام سالم : عاد انا شدراني فيج
وديمة : بسووم لو تشوووفيهن ما شاء الله حلوووات
بسمة : ما اذكرهن اذكر شمسة وهيه صغيرة هم عندهم بنت وحده صح
وديمة : هيه بس لووو تشووووفين بنت عمهم سارة و الله انهاا تخبل وعليهااا جمال هااادي
بسمة : حتى شمسة اتذكر كااانت حلوه
وديمة : هيه حلووه بس بنت عمهااا احلى عنهاااا وبنات عمتهم ليتني ما شفتهن
ما ادري شوو سمهاا جنها الريم شايفه عمرهاا ما ادري على شووو بطت جبدي بصراحه
خالد ينش : بسكم حش في خلق الله صدق الحريم حاله.ويصد صووب امه : امايه انا ظاهر
ام سالم : برايك الغالي في حفظ الرحمن وطلع خالد عنهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
راقدة في غرفتها وشوووية وتسمع دق على الباب وتقوووم تفجه حصلتهاا ليلااا
سارة : هاا ليلااا شوتريدين
ليلاا: بابا ازاع في صالة تهت
سارة : اوكيييييه وين ماماه
ليلاا: ماما في حرمة داخل مجلس
سارة : اوكييييييه الحين نازله سيري انتي حطي قهووه
وراحت تتغسل وبدلت ثيابهااا لبست شيلتهااااا ونزلت الصاله اللي تحت
سارة مبتسمة حصلته يشرب عصير
سارة : مرحباا ولد العم اشحالك
هزاع واقف : تمام ما شي الحال الا ملطووع من الصبح هنيه
سارة تبتسم : السموحة و الله هزااع
هزاع يلس : لا افا عليج عااادي
سارة تذكرت ميرة وابتسمت وردت اطالع هزااع بنظرة استغرب منهاااا
هزااع يطالعها ويبتسم : اشعندج
ساره : هزااع شو هالحركات الماصخه هااا
هزااع اونه مستغرب يعرفه انهاا بتخبرسارة : أي حركاات
سارة :شووو بعد أي حركااات اللي في كارفور شووو نسيت
هزاع : ههههههههههههههههههههههه
سارة : يا الخاام ليش تسوى جذيه مب فضيحة
هزااع : حبيت اغلس عليهااا اشووية
سارة : شوو تغلس عليهااا هيه اختك والا بنت عمك الا وحرمتك عسب تغلس عليهاا ها
هزاع يبتسم : احب اغلس على أي حد اعرفه مهما يكووون
ساره اطالعه بنص عين : صدق مفوووله ومعصبة لو انا كنت مكانها صفعتك جداام الناس
هزاع: ههههههههههه انزين انا ما غازلتهااا قلتلهاا ليش يايه السوووق وانتي عليج امتحانات لازم تشكريني لاني حريص على مصلحتها وانصحهااا
سارة : لا و الله احلف بس انت
هزاع مبتسم : ياتج وخبرتج
سارة: رمستني في التيلفووون لوما المستحى كانت ضربتك بنعالهاا
هزاع : ول تسويهااااااااااااا و الله ههههههههه
سارة : خل عنك الحركاات هاي لو درابك عمي احمد كنت رحت فيهاااا
هزاع : و الله مب قصدي شي بس في خااطري ادبهاا اشوووية
سارة : نعم
هزاع : هيه اونه اقولهاا بوصلكم وكان غرضي نبيل رحمتهم يمشووون وشالين الياهل قالت لا مشكووور ورضخت بالباب وسارت
ساره مستغربه : اثرك مب هين عييييييييييل شووو تباها تقولك يلا نسير
هزااع : لا بس لو ردت باكثر لباقه كنت طوفتهااا
سارة : و الله والحين
هزاع يوقف ويبتسم : سلمي عليهااا اوكييييييييييييييييه
سارة : حووو وين رايح ايلس
هزااع : موااعد ربيعي يلا مع السلامة مرت اخي .وابتسم
ساره عاقدة حياتها : بعدناا بدري على هاللقب وبعدين في حفظ الرحمن .وطلع عنهاااا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــت
الساعة خمس العصر نزل من غرفته وحصل الكل متيمع في الصاة ابتسم يووم شافهم
خالد : السلام عليكم
الكل : وعليكم السلام و الرحمة
خالد راح صوبهااا وابتسم : هلا و الله بأم سالم زارتنا البركة
بسمة (أم عبيد ): هلا فيك الغالي اشحالك
خالد : يسرج حالي الغالية عيييل وينهم أفراح وعبيد
بسمة : عبيد ما ادريبه جنه عند ايماان وفروحه راقده
خالد يبتسم : شخباره حمد عساه بخير
بسمة : يسرك حاله بخييير رايح اليوووم ويا ابوووه المزرعة قلتله خطفني بيت هلي عقي روح
وديمة : اب اب متكشخ اخووويه على وين النية
خالد يبتسم : طالع عند ربيعي
بسمة اطالع وديمة :ودوم خلصتي كل اغراااضج ترااا ما باقي شي اسبووعين تقريباا
وديمة مبوزة : تقريباا في اشياء مخلصتهن
ام سالم : انا وياااها مطيحاات في السوووق وتيلس تنقي الشي ساااعه عسب جيه ما مخلصه اغراااضهااا
بسمة : خلاص خليناا المغرب اروح نشتري اللي باقلج انزينه .وتصد صوووب خالد : هااا خلوود بتودنا
خالد يطالعهااا : لا ابوويه انا مواعد ربيعي حميد وين اوديكن خلن الدريوول والا ابووويه يوديكن
ام سالم : هيه شخبارحميدوهل عساااهم طيبين
خالد : بخير الحمد الله يسرج حالهم
بسمة : صح امايه جيه تروحين انتي وبناتج ولا حفلتيني ولاسويتي لي تيلفووون كنت بروح وياااج
ام سالم : يله سووويت لج قالت الخداامة سايرة بيت عمتج
بسمة : جيه ما بطيت عندهااا
ام سالم : عاد انا شدراني فيج
وديمة : بسووم لو تشوووفيهن ما شاء الله حلوووات
بسمة : ما اذكرهن اذكر شمسة وهيه صغيرة هم عندهم بنت وحده صح
وديمة : هيه بس لووو تشووووفين بنت عمهم سارة و الله انهاا تخبل وعليهااا جمال هااادي
بسمة : حتى شمسة اتذكر كااانت حلوه
وديمة : هيه حلووه بس بنت عمهااا احلى عنهاااا وبنات عمتهم ليتني ما شفتهن
ما ادري شوو سمهاا جنها الريم شايفه عمرهاا ما ادري على شووو بطت جبدي بصراحه
خالد ينش : بسكم حش في خلق الله صدق الحريم حاله.ويصد صووب امه : امايه انا ظاهر
ام سالم : برايك الغالي في حفظ الرحمن وطلع خالد عنهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
راقدة في غرفتها وشوووية وتسمع دق على الباب وتقوووم تفجه حصلتهاا ليلااا
سارة : هاا ليلااا شوتريدين
ليلاا: بابا ازاع في صالة تهت
سارة : اوكيييييه وين ماماه
ليلاا: ماما في حرمة داخل مجلس
سارة : اوكييييييه الحين نازله سيري انتي حطي قهووه
وراحت تتغسل وبدلت ثيابهااا لبست شيلتهااااا ونزلت الصاله اللي تحت
سارة مبتسمة حصلته يشرب عصير
سارة : مرحباا ولد العم اشحالك
هزاع واقف : تمام ما شي الحال الا ملطووع من الصبح هنيه
سارة تبتسم : السموحة و الله هزااع
هزاع يلس : لا افا عليج عااادي
سارة تذكرت ميرة وابتسمت وردت اطالع هزااع بنظرة استغرب منهاااا
هزااع يطالعها ويبتسم : اشعندج
ساره : هزااع شو هالحركات الماصخه هااا
هزااع اونه مستغرب يعرفه انهاا بتخبرسارة : أي حركاات
سارة :شووو بعد أي حركااات اللي في كارفور شووو نسيت
هزاع : ههههههههههههههههههههههه
سارة : يا الخاام ليش تسوى جذيه مب فضيحة
هزااع : حبيت اغلس عليهااا اشووية
سارة : شوو تغلس عليهااا هيه اختك والا بنت عمك الا وحرمتك عسب تغلس عليهاا ها
هزاع يبتسم : احب اغلس على أي حد اعرفه مهما يكووون
ساره اطالعه بنص عين : صدق مفوووله ومعصبة لو انا كنت مكانها صفعتك جداام الناس
هزاع: ههههههههههه انزين انا ما غازلتهااا قلتلهاا ليش يايه السوووق وانتي عليج امتحانات لازم تشكريني لاني حريص على مصلحتها وانصحهااا
سارة : لا و الله احلف بس انت
هزاع مبتسم : ياتج وخبرتج
سارة: رمستني في التيلفووون لوما المستحى كانت ضربتك بنعالهاا
هزاع : ول تسويهااااااااااااا و الله ههههههههه
سارة : خل عنك الحركاات هاي لو درابك عمي احمد كنت رحت فيهاااا
هزاع : و الله مب قصدي شي بس في خااطري ادبهاا اشوووية
سارة : نعم
هزاع : هيه اونه اقولهاا بوصلكم وكان غرضي نبيل رحمتهم يمشووون وشالين الياهل قالت لا مشكووور ورضخت بالباب وسارت
ساره مستغربه : اثرك مب هين عييييييييييل شووو تباها تقولك يلا نسير
هزااع : لا بس لو ردت باكثر لباقه كنت طوفتهااا
سارة : و الله والحين
هزاع يوقف ويبتسم : سلمي عليهااا اوكييييييييييييييييه
سارة : حووو وين رايح ايلس
هزااع : موااعد ربيعي يلا مع السلامة مرت اخي .وابتسم
ساره عاقدة حياتها : بعدناا بدري على هاللقب وبعدين في حفظ الرحمن .وطلع عنهاااا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

في غرفة سيف ربيع ياسر يالسين يشوفوون أفلام ماصخه ويدخنووون سيجارة وقافلين على عمارهم الباب
سيف: تبانا انأدبه كريم هنديكم هذااا عشان مره ثانيةما يخبر
ياسر ويطلع الدخان من ثمه وخشمه : لا دخيلك لو درى سلطااان صدق برووح فيهاااا لا اتخبرك سيف من ويايبنه هالفلم صدق فنتكه
سيف يولع سيجارة ثانية : لا هذي مصادر خااصة
ياسر يطالعه بنص عين : عليه يا سيف اونه ربع
سيف : خل عنك انته من هالرمسة الحين وراى باااجر امتحاني الدور ثاني رياضيااات وبش لتيلفوون واباك تغششني
ياسر يطالعه : يووم رياااضياات جيه اغششك في التيلفوون وبعدين ما تخافهم يطالعونك ويرسبووونك
سيف: لا ما يقدرون بس كيف انته نجحت واناااا كل اجابتي منك واناا دور ثاني و الله قهر
ياسر : تراااك احووول يمكن تغش خطأ وبعدين اعرف ان اجابتي صحيحه ومتاكد منهااا الله يخلي ولد المصاروة اللي متفيزر جداامي ههههه
وشووويه ويسمعوون دق على الباب ويقووموااا زايغين يبندوون الفيديووو
سيف: منوووووو
ام سيف (غاية ) : سيفووه فج الباب وابووويه اشفيك مسكرنه
سيف : انزين صبري امايه
فجواا الدريش ورشوووهاا عطر وسبحواا عمارهم بالعطر وراح سيف يفج الباب
سيف : خير شوو بغيتي
ام سيف : اشفيك اتكلم جذيه مب جني امك
سيف : امايه شعندج يايه تقولين ليه هالرمسه يعني
ام سيف تهز راسه طوول عمره يعاملهااا ويرد عليهاا جذيه اتعودت الله يهديك يا ولدي : اخووك علي طلع وما ادريبه لين الحين ما رد ابوويه روح شووفه في الحاارة الثانية
سيف : اففففففففففف امايه علي مب صغير يدله الدرب الحين بيروح رابع. ويشوووف الساعه : وبعدهاا الساعة ثمان
ام سيف : سيفووه بتخلاني اناا اطلع ادوره
سيف : امايه جان تبين ادورينه سيري برااايج انا عندي ربيعي
ام سيف صدت عنه ياها الضغط و القلب منه ومن معاملته ومشاااكله : الله يسامحك يا وليدي ويهديج
سيف : اففففففف شوووو شايفتني مينون .وبند الباب بقووووو
ياسر يطالعه : سيف حراااااام جيه تعامل امك جذيه
سيف ياشر بايده : سير لاه فكنا انت الثااني يلا شغل الفيديووو نكمل الفيلم
ياسر يسير صووووب الفيديو وشغله ويلسوووااا يطالعوو الفيلم واندمجووواااا وياه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
بعد ما تناااقشوااا بالموووضوع وقال ابو عمر انه ولد عمهاااا واحق ابهاا من الغريب و البنت ما لها الا بيت ريلهاااا وارتاااحت ساره من بعد رمسته وتعشواا كانن سارة وميرة في المطبخ
سارة : ليش ميرووه ما اتحنيتي
ميرة اطالعه : ليش انتي ما نحيتي
سارة : ما لي خااطر للحناء واصلااا تعرفني اني ما احب اتحنى
ميرة : وانا ما فيه بعد اتحنى
سارة تذكرت هزاااع : هههههههههه صح هزاااع يسلم عليج
ميرة فاجه عينهااا : الله لا يسلمه وهذا اتخبرج امره ما عنده مستحى هو يااكم اليوووم
سارة : هيه يى وقالي سلمي عليهاااااااا ههههههه
ميرة : لا و الله صدق انه سخيف
سارة : تعرفين شووو قال
ميرة : شوووو
سارة : اونه يبى يادبج
ميرة فاااجه حلجهااااااااا : يادبني انااااااااا
سارة يلست تقوله ليش وتضحك
ميرة معصبة : و الله صدق انه حقير واكرهه من الخاااطر
سارة : ههههههههههههههههههه ما يقصد شي بس جذيه هزااع طبعه
ميرة : دخيلج صكي على هالسالفه لوعت بجبدي
شلت سارة صينية العصير وسااارن صوووب الصاله
ابو عمر : خلاص يا ام سارة على راحتكم
ام عمر : عيييييييل بنترياااكم المغرب
ام سارة : خلاص ان شاء الله
ويلسوووااا شوويه عقب ما خلصوووا شرب العصير استاذنوااا وسارواا صوب بيتهم

الجزء التاسع
يووم الخميس الساعه خمس ونص تووهاا اللي تعدلهاا مخلصة وهيه يالسه اطالع عمرهااافي المرايا وابتسمت وايد على النتيجه مع انه سووت شي خفيف وايد كانت مسوووية تسريحة بسيطة لامه فيهااا شعرهاا الحريري ومكياجها وردي كان هاادي جداا وياي وايد حلوو على ويه الطفولي الناعم وكانت لابسه فستان مخصر وردي على اخضر يعني مزيج من الالواان وهو نص كم وعليه شال من نفس الالواان والنتيجة باختصار تبهر اللي يشووفهاا
مدام حنان ابتسمت : ان شاء الله التعديل اوكييييييييه
سارة صدت عليها مبتسمة : تسلم ايدج وايد عايبني
مدام حنان تبتسم وتقترب منهاا : لانك انتي ما شاء الله كتير حلوووه
ساره ابتسمت : مشكورةعيونج الحلووة
مدام حنان : الحين عن اذنج ان شاء الله عقبال ما اعدلك وانتي عروس
ساره تبتسم: ان شاء الله وطلعت اللي تعدل عنهاااا
وردت اطالع عمرهاا واحمر ويه فجأة يووم تذكرت انه حميد بيوصلهم وهالشي اللي اصرت عليه عمتهاا ام حميد بعد ما قالولهم انه الدريوول بيوديهم وبما انه خالتها ظبية عازمه قووم عمهااا بيروحون واقترحووا عليهم يروحون وياهم وما حست بدخوول امهاا الا من بعد ما وقفت وراهااا وشاافت سارة صورتهاافي المرايه عقب لفت وابتسمت لامهاااا
ام سارة : ما شاء الله عليج يا بنتي الله يبعد عين الحسد عنج
سارة تروح وتحط ايدهاا على جتف امهاا وتلفهااا : طالعه عليك يا جمييل
ام ساره مستانسة بدت سارة نفسيتهاا تتحسن بشكل ملحوووظ بدت ترد سارة الاولية ربشت البيت : فديتج يا ربي
سارة تشووف ساعتهااا : متى امايه بنروح جنه تأخرناا هبابنا نوصل بوظبي
ام سارة تبتسم : توها حرمة عمج مسوووية بيظهروون ياين صوبناا
سارة : اهااا عيل بلبس عباتي وتروح صوووب المعلاج عسب تلبس عباتهااا : اماية
ام سارة : ها الغالية
سارة: شووو شمووس بتروح
ام سارة : و الله ما ادريبهااا جاان بتروح .يلا انا بنزل انقفضي
سارة تبتسم : ان شاء الله ناازله ورااج
في سيارة حميد الرنج
حميد يطالع شمسة من المراية متنرفز: اتخبرج ماا ادري انتي شووو مودنج
شمسة مبوزه : اشفيك عليه حميد الله يهديك يووم ابوويه واماايه موافقين
حميد يطالع امه : ملجة نااس غرب ما ادري شوو مسيرنهاا
ام حميد : خلاهاا اشفيهاا بنت عمهااااتبااها تروح وياها
حميد يطالع امه : هو بكيفهاا بنت عمهاا وهذيج اهلهاا بس هاااي لا
ام حميد اطالعه : اشفيك الحين خلاص بنروح وبعدينه ابووك راضي والبنية ما تطلع من البيت حليلها ملانه
شمسة مبوزه : مب انته قايل انا بتكفل ابهاا وبمشيهااا
حميد يطالعهاا من المراية : هيه قلت بس مب امشيج في الملجات و الاعراس
ام حميد : وصلنا بيت عمكم ولا تفضحوناا جدامهم انطمووو
حميد سكت ما رد ووقف سيارته في الحووووش جداام باب الصاله وشمسة ردت : ان شاء الله
ام حميد اطالع حميد : اشفيك يالس سير شوفهم خلهم يطلعووون
حميد يطالع امه : انا لاما بسير .ويصد صوووب شمسة : شموووس نزلي شوفيهم
شمسة مبتسمه : اوجييييييه
ونزلت شمسة وحصلت ام سارة يالسه في الصاله وسلمت عليهاا وشوية نزلت ساارة من بعد ما شاافت سيارة حميد في حووش الفله من البلكوونه
شمسة تبتسم : يالله يالله شو هالزين كله مرت اخي
ساره تيي صوبهاا مبتسمة : فديت روحج ا شموووس اشحالج و الله زين بتروحين ويااانااا
شمسة : بخير الحمد الله بعد جهود جبارة اقنعناااهم هههههه
ام سارة : يلا بناات تاخرناا ولطعنااهم في السيارة
وطلعواااا وركبواا السيارة
سارة وامها : السلام عليكم
ام حميد وحميد : وعليكم السلام و الرحمة
ام حميد : هلا و الله اشحالج ام سارة عساج طيبة
ام سارة : بخير ربي يعاافيج الغالية اشحالج انتي وابوحميد و العيال عسااهم بخير
ام حميد : الحمد الله يسرج حالهم وصدت صووب سارة اللي يالسة بين شمسة وامها : اشحالج سارة
سارة مستحية : بخير الحمد الله .يسرج الحال
من بعد ما تخبرت ام سارة حميد عن حاله واخباره وبعد السلامااات ام سارة يلست تسولف وياا ام حميد وشمسة تسوولف وتخربط ويااااا سارة وهو مصدع راسه ويالس يطالعهن بعصبية مسجل ماا عرف يسمعه من حشرتهن مب من حد مني انا رضيت اشلهن الله يصبرنااا لين مااا نووصل
شمسة اطالع سارة : اشفيج جيه زايغه
سارة اطالعهاا : مب جنه اخوووج يسرع
شمسه تضحك واطالع عداد السيااارة : شووويه ما بين 140 ــ 160 ههههههههههه
ساره اطالعهاا : شيااج تضحكين و الله اني اخافهااا السرعه
و الحبيب يالس يتسمعهن شووو يقوولن من سمعهاا انها تخااف زيد السرعه ما يدري ليش بس يمكن جذيه يحرر جزء زهيد من غيضه
ام حميد تلف على ولدهااا : حميد مب جنك تسرع
شمسة : هههههههه امايه تووج دريتي وبعدين مااا يسرع واطالع العداد : 160 بس
حميد يطالع اخته من المراية وعطهاا نظرة بمعنااها انطمي
ام حميد : وابووويه عليك خفف شو تبى تنفدناا يلا خفف اشوووف
حميد يخفف السرعة : ان شاء الله
ومر الوقت ومااا باقي شي بيوصولووون بوظبي
شمسة اطالع حميد : حميد
حميد يقصر على المسجل : نعم
شمسة متردده خيفانه تقووله تدريبه انه معصب ومب متفيج لهااا : عطشاانه
حميد يطالعهاا من المراية وشكله معصب ولا رد عليهاااا
ام حميد : هههههههههههه شموووس عطشهاا دوم ايي يوووم تطلع من البيت
شمسة مبوزة : و الله عطشااانه حلجي جااف
ام حميد تلف صووب ولدهااا : ابووويه اول ما تحصل دكااان لف صوووبه
حميد يتنهد ويطالع شمسة بعصبية في المراية : ان شاء امايه نحن كم شمسة عندناااا
ومشوووا مسافةوحصلووااا استراااحة لف حميد صوووبها تشققت يووم شافته يلف
شمسة : فديت روح اخوية و الله
حميد وقف السيارة وصد صوبهن ورى وطااحت عينه في عين سارة يالسه يطالعهااا ثوااني منبهرمن حلاتهااا بس مسرع ما لف ويها وصد صووب شمسة
حميد يطالعهااا : هااا شوتبين عصير بيبسي شوووووو
شمسة تبتسم : أي شي المهم يسد عطشي
حميد : و البقية شووووتشربووون
ام حميد : فديتك على كيفيك بس انقفضوا الحين الساعه 7
حميد ينزل من السيااارة : ان شاءالله
يالسه اطالعه وهو يمشي وابتسمت ياتهاا نفضه من طااحت عينهاا في عينه حميد ريال تتمناااه كل بنت وفيه صفاات قريبة من اللي رسمتنهن وحددتهن لفارس أحلامهااا صح هيه امممره ما تعااملت وياااه غير مرتين او ثلاث تبادل السلامااات بس رمست شمسة عنه من بعد خطب سارة ومدح الكل له ولي طيبته اللي تغلب عليه خلاهاا تتاقلم ويا الامر وترسم حياااتهاا الزوجيه وياااه صحاهااا من سرحانهاااا صوووت شمسة وهيه تقووول
حووووووووووو سويرة وين سرحتي
سارة اطالعهاا وما سمعت رمستهااا : هاا
شمسة تبتسم وتعلي صوووتهاااا : اللي ماااخذ عقلج يتهنى
ساره اطالعهااا : شموووس شو بغيتي
شمسة : اقووول شووو تشربين برتقال او منغاااا
سارة تبتسم : برتقال
قربوووا من البيت يالسه ام سارة ادليهم على البيت لانه حميد اووول مره ايي ووصلوااا جداام بيت ابو مااايد ونزلن الحريم وساااار حميد صوووب الريايل
ــــــــــــــــــــــــــــــــــــــــــــــــــ ــــــــــــــــ

في بيت عامر بن سالم البيت متروس حريم وربشه والابتسااامه على ويوه الكل والبناات الصغاارمرتبشاات على المسجل ويرقصن وام مايد تقرب بالنااس هيه وام المعرس و في غرفة موزة كانت مخلصة متعدله وطالعه جناان ما شاء الله عليهااا كانت لابسة فستااان الوانه بني وتدريجه وياا اصفر مخصر على الجسم وطالع على جسمهاا يخبل وناشله شعرهااا الطويل ومسوية حركة بسيطة فووق ولقصتهااااوالمكياج بني واصفر وناسب وايد بشرتهاااونورة وبخيته لابساات نفس الشي فستااان مخصر والوانه فاتحه وردي ويا ابيض واصفر وسوون نفس التسريحاات و المكياااج والحريم ماايفرقن بينهن وطالعااات بصراحه بشكل حلوووو ميرة كانت لابسه فستاان رصاصي وياا عنابي منتفش شوويه ومكيااج عناابي وطالعه شي وفاجه شعرهاا اللي يوصل حد خصرهااا وقصوص على شكل مدرجااااات
يالساات البناات يضحكن على موزة يشوفنهااا مرتبكه وخاايفة
ميرة : ههههههههههه و الله مويز شكلج يضحك اشوي اشووي اشفيج جذيه
موزه اطالع ميرة : ميروه انطمي عني ابرك لج لاقوم لج الحين
بخيته : هههههههه وين تضربين يالله يالله تشلي عمرج انتي
ووشوية يندق باب الغرفة وتدخل سارة ووراهاا شمسة
موزة تنش واقفه: سويرة فديت هالويه يا ربي
سارة تبتسم وتسير صوبهاا : هلا و الله بالعروس الف الف مبروووك حياتيوتلفهاااا
وراحت شمسة تسلم عليهااا وتباركلهااااا وسلمن البنات على بعض
ميرة : سويرة فسخي العباة اشووف
سارة تفسخ عباتهااا
موزه اطالعهااا :حوووو سويرة ما ابى اشوووف رقعت ويهج يووم يدخل بدر لا يشوووفج ويغير رايه اوكييييييييييه ههههههههههههه
البناات يضحكن
سارة مبتسمة : هو بيحصل نفس بنت عاامر
موزة : فديتج يا ربي
شمسة اطالع بخيته ونورة باين عليهن توام يشبهن بعض وايد وكشيخاات كله نفس الشي وساره يالسه اطالعها وتبتسم
سارة : شمسه هذيلااا نوير وبخووت توام السنه ثالث وينتقلن الى الجامعه باذن الله
شمسة تبتسم واطالعهن : ان شاء الله
ميرة اطالع سارة : شوو سويرة الدريووول يايبنكم
ساره اطالعهاااا : لا ياين ويااا قووم عمي
ميرة تبتسم : منووووو يابنكم
نورة : يا الفضوول اشعليج انتي
سارة عرفت قصدهااااا : حميد
ميرة تبتسم : قولي خطيبي وخلاص
شمسة اطالعهن وتبتسم
وشووية تدخل ام مايد على البنااات واطالعهن
ام مايد اطالعهن : وابووويه متيلساات هنيه قومن سيرن قربن بالعرب اشفيكن منخشااات
بخيته تروح صووب امهااا وتلفه : شوو هالزين كله يااام ميود اخااف ابوويه ايه شي من هالحلا كله
ام مايد متشققه: وابووويه عليج يا ام لسااان شو هالرمسة بعد
ميرة : وهي الصادجه خالووه اليوووم ما شاء الله عليج قمر
ام مااايد : يا كثر هذربتكن ولواتتكن انتن الثنتين
نورة تبتسم بمكاارة : سكتوا سكتواا لا تصدق امايه عمرهااا
ام مايد اطالع بنتهااا بنص عين : ساكته طوول الوقت عقب يووم ترمسين تظهر منج هالرمسه يا الحمارة
البناات تمن يضحكن وتنط نورة تلف امهاااا
نورة تضحك : فديتج يالساات يمدحنج وانتي تتغلين ولا صدقيتيهن وتصد وتمسك ويه امهااا : اصلاااا هذاا الويه طول عمره بدر
ام مايد تضحك : فديتكن كلكن وعقبالكن ان شاء الله اشوفكن عرايس
البنات بصووت عالي و يرفعن ايدهن: آمييييييييييييييييييييييييييييييين
ام مايد اطالعهن وتبتسم : وابووويه اشوفكن متصربعااات شعايلنكن
بخيته : شووو شعايلناااا ماااا باقي شيوبنصير عواانس
ام مايد : عوااانس يا الضالمة 17 سنه عانس الحين يلا يلا ظهرن للعرب الحين
البناات : ان شاء الله .وطلعت عنهن ام مايد
موزة اطالع سارة : سارونه يلسي انتي ويايه
سارة تبتسم بايدهااا على عينهاااا: من عيووني ما طلبتي وتصد صوووب شمسه : بتيلسين شموس والا بتسيرين وياااهم
ميرة تبتسم : يلا شمسه بنسير بنشوووف خبال الصغاار يووم يرقصن في الصاله
شمسة تبتسم : اوكييييييييييه خلاص سارونه وبسير وياااهن
وعند الريايل في الخيمة اللي مسوينهااا جداام البيت رحبوووا بحميد وقربواا به ويلس ابو مايد عنده ويتخبره عن ابوووه
ابو مايد : من زمااان و الله ما شفناه من يووم عزا المرحووم خليفة
حميد : و الله يااا عمي اشغال الدنيااا
ابو مايد يبتسم : الله يعينه يا ابوووي .الا انته شووو تشتغل
حميد يطالعه : انا توني ياي من استراالياا وبعدني ما اشتغلت
ابو مايد : الله يوفقك يااا ولدي
مايد ياشر على ابوووه من بعيييد انه يباااه
ابو مايد : عن اذنك ابووويه
حميد يبتسم : تفضل عمي اذنك معاااك وراح عنه
يلس حميد يالس اروحه ما يعرف حد يرمس وياااه ويطالع الساااعه صدق متملل بعدهاا الساعه تسع الا ربع وهالحريم سالفتهن ما تخلص هز راسه وشل قطعة بقلاوووه ويلس ياكلهااا ويى صوووبه
عمر يبتسم : السلام عليكم
حميد يرفع راسه افففي شووو يبى هذاا بعد : وعليكم السلام و الرحمة
عمر ييلس عداله ويصد صوووبه : شفتك يالس اروحك وييت ايلس وياك
حميد يطالعه ويصد يشررب عصيرما ناقصني الا هالياهل
عمر يطاللعه : مب انته اللي اخوووك هزاااع ولد عمهااا سويرة
حميد عاقد حيااته ويطالعه :ولد منوو انته
عمر يبتسم ويعدل كندروته ويرد ظهره على ورى : انا عمر بن أحمد
حميد يطالعهاا مب عاارفنه : حصلناا الشرف بس منووو احمد
عمر يطالعه ورااافع حاجب : ما تعرفه
حميد يتنهد من اول راسي مصدع ياي هذاا المفعوووص يفجره لي : لا ماا اعرفه
عمر يهز راسه بالايجااب : زين اناا عمر ولد خالة سارة ويصد صوووبه : تعرفهاا منوو سارة .وسكت اشووية وكمل كلامه : سارة بنت عمك
حميد يطالعه مستغرب منه هالولد يهذرب وااايد : هيه اعرفهااااا
عمر يطالعه : مب انته اللي ياي من استراااليا
حميد يطالعهاا : هيه انااااا
عمر ويهز راسه ويتكلم بكل ثقه : شوو اسمك نسيته
حميد يطالعه وضحك في خااطره من طريقه هالولد في الكلام : اسمي حميد
عمر يهز راسه بالتااييد : هيييه صح حميد
حميد يطالع ويبتسم : انته أي صف
عمر : اروح خاامس ابتدائي
حميد : شووو انته اكبر اخوااانك
عمر يطالعه : بالاولاد هيه
حميد بتلقااائية : يعني فيه بنااات اكبر عنك
عمر يطالعه بنص عين : وانته شدخلك تسأل
تفاجأ حميد من رده وضحك ويلس يطالعه اليلسة ويااه فنانه عليه سواالف : بس جذيه
عمر : انته خطيب سارة صح
حميد يطالعه : منوو خبرك
عمر يرد ظهره على ورى : شوووو منوو خبرني تراهاا شاورتني ووافقت عليك
حميد صدق ما قدر يمسك ضحكته : لا و الله
عمر يطالعه : اشفيك تضحك
حميد : لا سلامتك ماا فيني شي
وشوووية يرن تيلفووون حميد ويطالع في الشاشه اسم خالد ويشله
خالد : هلا و الله اشحالك
حميد يبتسم: هلا فيك الغالي حيا والله بهالصوووت انااا بخير اشحالك انته
خالد : يسرك الحال هااا يا ريال وين ديااارك
حميد : و الله في بوووظبي ياي ويااا الأهل
خالد :اهااا في بوظبي. زين زين
حميد :هييه صح ليش غالق تيلفوونك سويت لك العصر حصلته مغلق
خالد : اليوووم رقدت لين المغرب ما حسيت بعمري ونسيته مغلق من الظهرمن يووم ياي من المسيد
حميد : بتمووت من كثر هالرقاااد انته والحييييين وين ديارك اسمع حشرة الشباب
خالد : هيه و الله يالسين بميلس بوجاسم
حميد : زين زين عيييل انا يووم بوصل العين بسوي لك تيلفووون ان شاء الله
خالد : خلاص عيل مع السلامة
حميد : في حفظ الرحمن وبند عنه ويصد على عمر بس ماا حصله وين ساار هذاا يخليني اروحي يلسته بعدهااا سلتني



ووشوية حطواا العشاء ويلسواا الجمااعة يتعشووون وعقب ماا تعشواا نزلت موزة وشافنهاا الحريم ولبسوووها الخاتم و العقد وكل صل على النبي وعلى الساعه 11 البيت فضى محد تقريباا بس قووم بوعمر وقووم سارة وعمهاا وعقب شوووية دخل ماايد على اخته موزة عسب ترووح ميلس الحريم بدر يبى يشوووفهاااا
موزة واقف عند الباب لابسة شيلتهاا وعباتهاااا وميرة عدالهاااا واطالعهاااااااا : وليش ان شاء الله لابسه عباة وشيله ترااه ريلج
مايد يبتسم ويطالع ميرة كشخه مع انهاا طووول عمرهااا حلووة ويالس يتأمل شكلهاااا
ميرة اطالعه : ميووود قول لهاا شي وين رايحه جي
مايد يبتسم ويطالعهاا بنص عيين : كيفهاا البنت انتي شحارج
ميرة اطالعه بنص عين : عنلاتك مسود الويه
مايد يقترب منهاا ويمسك ايدهااا ويلويهاااا وهو مبتسم على سخاافته : انا مسوود الويه
ميرة اطالعه هالخايس جرئ : وخر عني .وابتعدت عنه
بخيته تيي صوبهم وتمط عباة موزة : سيري من متى وانتي تستحين
مايد يطالع موزة : شو هاللبس
موزة اطالعهاا مبوزه : عنبووو ما تعرف تجااامل حتى
يلف عليهاا بايده : فديت روح ام يابتج وانتي حد شراتج يا اخت مااايد
ميرة اطالعه : ابى اتخبرك انته شايف عمرك على شووووووو
مااايد : فديت روحي كل شي فيني حلوووووووووووو
موزة : يلا خلصووونا تأخرناا على الريال
مايد يطالعهاا ويضربهاا على الجتف : ومسودة الويه انتي الثانية شوو عايلنج جني عااطينج ويه .طوفي جداامي يلا
وسار مايد وموزة صوووب الميلس وترخصواا قوم سارة وعمهااا وقووم بوعمر وساروااا صووب دار الزين
أما في الميلس دخلت موزة ويلست اشووويه ودخل بدروفي ايده كيسه وعنده مااايد
بدر مبتسم : السلام عليكم
موزة اشووية وبتنخش في ثيابهاا وبصووت واطي : وعليكم السلام
ماايد يالس يطالع اخته منو يابته هالمستحى كله ووين دفاااشتهااا
رااح بدر ويلس في الكنفه اللي عدال موزة
ماايد واقف على الباب ويطالع بدر ويبتسم من بعد ماا طالع ساعته : الحين الساعه 11.15 ونحن نرقد ونقفل بيبانا الساعه 11.30
بدر يطالعه : انزينه فهمنااا
وطلع ماايد عنهم صد بدر على موزة يطالعه نفس ماا قالواا عناا ام وخوااته حلوووة ما شاء الله عليهااا
بدر يبلع ريجه : احم .الف مبروك يا موزة
موزة والمستحى مشتل عندهااا ما ادري وين اختفى صوووتهاا اللييهزالبيت يوووم تصرخ وردت بصووت هادي وواطي : الله يبارك فيك
بدر يبتسم : قال لي خواتي انج حلووه بس طلعتي
موزة يالسه تسمعه بس فجأة سكت ماا عرفت ليش رفعت راسه شوووية
كمل بدر كلامه : احلى بواايد عن اللي قالنه مزيونه
موزة متشققه من هالمدحه : مشكور
بدر يبتسم : الا صح شخبااارج
موزة ترد تووطي راسهاااوتبتسم : الحمد الله بخير اشحالك انته
بدر يطالعهااا ويبتسم : انا بخير بس بطلبج طلب
موزة مستغلابه شوو يبى : آمر
بدر يبتسم : رفعي راسج ليش موطتنه البدر دووم رافع راسه
موزة احمرت وغدت ما شي حالتهاا حاله ورفعت راسهااا ويلس يطالعهاااا مبتسم
وشوووية حد يقتحم عالمهم الوردي ويرفعوووا راسهم وحصلوووا ماايد والابتساامة شاقه الحلج
مايد يبتسم ويأشر لبدر يطلع ويااه
بدر يووقف ويطالعه : انزينه اممممره على الووقت لووو ساعة .جان ما دقت على الوووقت
ماايد يطالع موزة : يلا مويز دااخل يلا يلا
بدر يطالعه : يالدفش لا تزهب حرمتي وشوي عليهاا تراااهااا ما تستحمل دفاشتك
ماايد يبتسم ويطالعهاا قاصه على الريال لوو يدري انهااا ام الدفاااشه وزادت ابتسااامته واطالعهاا وقال بهدوء : موزة الغلا يلا سيري داخل
بدر يطالعهااا : يلا الغالية مع السلامة
موزة مووطيه راسهاا : في حفظ الرحمن
بدر يمسك الكيس ويعطيهاا اياه : هذاا تيلفوون ومخزن عليه رقمي سووي في أي وقت تريدين
موزة سااكته راح صووب مااايد وهو يتثاااوب : هيه ان شاء الله برايك الغالي مع السلامة
بدر معصب على سوالف ماايد السخيفه وعقب ما طلعواا من الميلس : ميوود و الله انك سخيييييييييف اشوووف فيك يوووم وتتبهدل وياا اخووه والا ابوووه اللي بتاااخذه ولا يخلووونك اطالعهااا ولا ترمسهااا
مااايد يضحك ويشوووف بدر معصب وتم يهديه ويسولفوا عقب ترخص عنه بدر
وفي غرفة موزة بخيته ونورة مستلماتنهاا اسئلة
بخيته : انزينه مويز شووو قالج
اطالعهاا موزة وطنشهاا ما ردت عليهااا
نورة اطالع اختهاااا : انزيييييين انتي شوو قلتي وجيه تصرفتي وياااه
وهيه عاطتنهن بو لباااس بخيته اطالع نورة وتقووول : نورة ابدا لا تضايجين الحين مويز بتخبرنااا بس بنغير صيغة السؤال مب عايبنهااا
مويز انتواااا شو قلتوااا لبعض
موزة توقف وتبتسم وبخيته تاشر لنورة شفتي اناا قلتلج
موزة وتمشي وياااهن صوووب الباب لين مااا ظهرن براا الغرفه : موزة تبن تعرفن شووو قلناااا
و الحبيبااات مندمجاات و الفضوول ذبااااح : هيييييييييييييييييييه
تبعدهن موزة عنهاا ودخلت غرفتهاا وبندت الباب وتمت تضحك عليهن ونورة اطالع بخيته : شفتي قالت لنااااااا
بخيته مبوزة : اناا بروح ارقد ابرك لي .وتصد على باااب موزة وتكلم بصووت عالي : ما عليج يااا مويز وين بتروحين باااجر بتشووفين ليه ما ترجيتيني اني اسمعج وانااا رافضه الامر وابتسمت على هبل كلامهااا وراحن البناات يرقدن من التعب اللي فيهن
واااما في سيارة حميد مغتة الحريم مشتغله حلووه ذيج وفستاان ذيج يا حلاته وذيج مب حلوووه وذيج شااايفه عمرهاااا والي لابسه الاسود شعرهاا الحريري يهبل و اللي لابسه الاحمر معقوووله انهاا معرسة والله مب باين عليهاا وعندهاا ولد بعد وهووو تايه ويا هالطووشه اربع يسووون جيه الله يعين يووم يتجمعن حريم الحااارة شووو يسووون هذيلالا اسمهين يجمعن سيئاات بالهبل
ـــــــــــــــــــــــــــــــــ

يالس هزااع وربعه في ميسلفلتهم حد يلعب ورقة و اللي يلعب كريم وعاافسين الدنيانا مب جنهم ريايل كبااار
خليفة يعق الورقة : ما العب رشووود و الله انك غشااش انته ما تبى تلعب
هزااع يطالعه ويفر الورقة عقبه : حتى انااا تعبن بس ما ابى العب
سالم : اوهوو اشفيكم انتوااا ضيعتواا اللعب
علي يقووم واقف : ها ما بتروحوون المقهى والا شووووو
خليفة : ما فيني انااا رايح البيت بااجر ورايه قوومه بدري بسير صوووب المزرعه
ويقومواا الشباب يترخصووا اللي رايح المقهى اللي رايح صوووب بيته
خليفة عدال السيارة يرمس هزااع : يلا ابوويه اشفيك ما بنتاخر بنسير الصبح وبنرد العصر
هزااع يطالع : و الله متعايز عن قوومة الصبح
خليفة يركب سياارته : يلا فمان الله بااجر الساعه سبعة بخطف عليك اوكيييييييييه
هزااع يبتسم : هيه قوول ما تروم تستغنى عني
خليفة يبتسم : ما ادريبكم يا اولاد بطي خقتكم هاااي ليش
هزاع يبتسم : تراك قلت ولاد بطي بن سعيد
خليفة يحرك السيارة ويبتسم وياشر بايده : مع السلامة
هزااع : في حفظ الرحمن
وساار صووب الفلااا وتذكر لنه قووم حميد لحد الحين ماا وصلواا ودق تيلفوون لحميد يسال عنهم
حميد: هلا هزااع
هزااع : هلا فيك ها وين انتوااا جنه الا بوظبي عيبتكم
حميد : توناا وصلناا الحين بنروح بيت عمي ويايين
هزاع يبتسم حب يبدا شغل الغلاسة : اهاا الخطيبة الا اتخبرك عطني ارمسهاا اسلم عليهاااا
حميد مزااجه مب رايق من حشرة هالحريم واروحه طفراان : هزاااع خل عنك السخاافه الحين
هزاع يعق عمره على الكنفه في الصاله ويبتسم : قووول تغاار
حميد ما رد عليهاا وبند السمااعة في ويه هو ناقص استهبال هزااع عليه وتذكر الريم وتنهد من الخااطر محد يدري كيف اشتاااق يشووفهاا في خااطرهاا يرمسهاا بس ما سمعت رمسته اخر مره يا ترى بطيع ترمسه اه يا الدنياا جيه جاااسية عليه كيف ينسى حبه للريم اللي داايم فووق 6 سنوووات ويووم هوو بعيدعن البلاد كاان دومه يحلم ويتخيل زواجه منهاااااا اه الله يصبرني على بلواي
وشوويه ووصلوا بيت عمه عقب سارواا صوووب البيت الي اول مااا وصلواا الكل رااح غرفته يرقد من التعب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
يووم الجمعه الصبح الساااعة تسعة يالسه ويا ريلهاا يسوولفون وهوو يطالع ما عاارف شوو يقوول او يرد عليهااااااا
ابو سلطاان : ما هقيتهاا و الله منه حميييييد وهو من زمان رايد الريم
ام سلطاان تتقهوى : ها نصيب بس صدقه اخوويه بطي سارة يتيمة وبعدين نخلي عويش وهلهاا ياخذوون حلالناا ونحن ساكتين
يهز راسه ما فيه على صدعة الراس ويتنهد وينش : و الله ما ادريبكم اهل وتصرفواااااا .وطلع عنهااا
وشووية تنزل الريم ممن فوووق وهااي كانت اول نزله لهاا من بعد ما رمست حميد ودرت بالمووضوع وويااها شااحب على غير عاادة الريم اللي دومه تحافظ على نظارة ويهاااا وتهتم بصورتهاا ومظهرها
ام سلطان تبتسم : هلا و الله بالريم شيخة الحريم
الريم تحب راس امهاا وتيلس عدالهاا : هلا فيج امااايه
ام سلطان : اشفيج تقولينه جيه وجنج ماا تبين تقولينهاااااااااااااااا
الريم ودموووعهاا متيمعه في عيووونهااااااااا : ما شي
ام سلطاان : الريم الغالية تراه اللي سوينه بيكوون لمصلحتج .الريم تقطع كلامهاا واطالعهاا ودموعهاا تنزل على خدوده : تقوليييين مصلحتي مصلحتي انااا يا امايه دخييييييل والديج لا ترمسين جيه أي مصلحه انا الخسرااانه انا اللي خسرت كل شي
ام سلطان تتقرب منهااا : الريم لا ترمسين عقب بتقوولين امايه عندهاا حق ورمست حمييييد هيه الصح واكيييد انتي موافقه عليهااا
الريم اطالعهااا بنظرة احتقاار : انتي شووو تقوليييين استحالة وتقوووم ناشه عنهااا واطالعهااا : ما توقعتهاا منج يا امايه
وهيه واقفه عند الدري اطالع امها واختهاا هزت راسهاااااا واصطدمت الريم بهااااا وطلعت فووق بس هيه كملت طريقهاا صوووب امهاا
مزنه : صبااح الخير اماية
ام سلطااان : صبااح النور مزنوه
مزنه : نعم امايه
ام سلطان : سيري قولي لميري اتزهب للدلال و الضغاطات وطلعهن برااا وشوفي حرمة اخووج هالطمة بعدهاا ما نزلت عسب نزور أمل بنت خالتج راية .يلا اتحركي
مزنه : ان شاء الله
وسارت صوووب المطبخ وخبرت الشغاله عقب راحت لحرمة اخووها اللي حصلتهاا تسبح عيالهاا وقالت لهااا ونزلت تحت تتريق وتجااابل هالتلفزيوون الاجازة ملل والسفر لين الحيييييييييين ما حددواا للحين يمكن نساافر ويمكن لااااا




الساعة عشر وربع كااانت ايمااان ناشه ويالسه تلاعب ولد اخوووها عبدالعزيز وتاكله وهيه في ايدهاا ورقه وقلم شلت سمااعة التيلفووون ويلست ادق لاختهاا بسمة
بسمة : هلا و الله
وديمة تبتسم : هلا فيج ام عبيد اشحالج الغالية وشخبار الكتاكيت
بسمة تبتسم : الحمد الله اشحالج انتي وشخبار اماية وابووويه والجمااعة
وديمة : الكل منيح ما ناشكي باس شخباره حمد
بسمة : الحمد الله بخير يسرج حاله .جنج اليووم قايمة تحلميني صح
وديمة تبتسم : هههههه لا
بسمة تبتسم : ما لت عليج
وديمة : بسوومة
بسمة : هلااااا
وديمة : كيف يسووون بريااني في خاااطري اسووي انا اليوووم الغداء وامايه طالعه هيه وشيبتهاا صوووب المزرعه وتعرفينهن بيردوون حزت الغدا
بسمة : شوو تتعلمين ما باااقي الا كم اسبووع وبتروحين بيت ولد العم المووقر
وديمة تبسم : هيه وعاادة لازم نتعلم اشووويه لايقوولوون عني خسفه ما اعرف شي
بسمة : ههههههههههه
وديمة : ها جيه يسوونه
بسمة : سمعي المقاادير
دجاجتان بدون الجلد ومقطعتان. 3 علبة لبن زبادي 2 حبة بصل 5 فصوص ثوم البهارات (قرفة ، قرنفل ، هيل ، كركم ، شطة حمراء ، زعفران) 3 كاسات عيش(ارز)
وديمة : اهاااا
بسمة : انا اقول المقاادير اللي انا اسويهن انتي عاااد جاان تبين تزيدين كيفج
وديمة : اوكييييييييييه انزينه خبريني جيه الطريقه شووو نسوووي قبل
بسمة مبتسمة : اوكيييه سمعي الشيف بسمة شووو تقوول
وديمة تبتسم : كلناا أذان صااغية لشيف بسمة
اول شي تسوووينه تبلين الدجاج باللبن الزبادي مع قرفة وقرنفل وهيل وملح وتودرينه لمدة ساعة تقريبااا
اوكيييييييييييه
وديمة يالسه تكتب على الورقة : ايوووه ويااج
بسمة : تحمري البصلتين اللي مقطعتين شرايح لين مت تصير ذهبية اللون وتحطين عليها الثوم وبعدين تبعدينه من على النار وتصفينه من الزيت.
وبعدين تحطين نصف البصل في قدر وتحطين الكركم والملح والشطة الحمـراء مع ملعقة زيت وبعدين تحطين خلطة الدجاج وتحطين الجميع على نار هادئة حتى ينضج
وبعدين الله يسلمج صبري وديمةاسمع فروحه تصيح بشوووفها وبيج
وديمه : اوهوو هذي وقتهااا الحين
وساارت بسمة تشوووف بنتهااا يووم شاافت وياها الخداامة ردت تشل سماعة التليفوون
بسمة : عدناااا
وديمة : اوكييييييه يلا كملي
بسمة : تسلقين العيش نص سلق ثم تحطين طبقة من العيش فوق خلطة الدجاج وفوقها نصف البصل وبعدين حطي طبقة عيش ثانية وتحطين عليها الزعفران بعد ما تحلينه بالماي وتغطين عليه وتحطينه على ناار هادية
واخر شي تسوووينه تقلبين القدر على صحن دائري وتزينيه باللوز والزبيب والفلفل الأخضر.جااان تبين
وصحتين وعااافية
وديمة تبتسم : الله يعاافيج يا ام عبيد مشكووورة الغالية
بسمة : العفوو حبيتي لو طبقتي اللي قتلج ان شاء الله بتنجح وتطلع اوكيييييييييه
وديمة : ان شاء الله الحين بودرج مع السلامة
بسمة : فمان الله سلمي
وديمة : السلام يوووصل في حفظ الرحمن وبندت عنهاااااا
ايماان اطالعهاااا : شووو ناوية انتي تسوين الغدااا
وديمة واقفه : هيه
ايمان تبتسم : هالله هالله عليناا خيتووو
وديمة طنشتهااا وسارت صوووب المطبخ عسب تبداا بتجهيز الغداااااااااا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

نزلت من فوووق الصاله ادور على امهااا ومااا حصلتهااا وسارت صوووب المطبخ وحصلت ليلااا تعابل بالغدا
ليلاا اول ما جافتها ابتسمت : سباح الكير ( عاد صباح الخير )
سارة ابتسمت : صبااح النور ليلاااا عيل وينهاا ماماه
ليلااا : ماماه برا داقل هووش منك فيه حرمه ( هوووش : الحووش)
سارة هزت راسهاا : اها انزين ليلاااا حطيلي ريوووق
ليلااا : اوكيييييييييييييييه
وصدت سارة عنهاااا عقب ردت تصد صووبهااا : ليلاا ابااج تسوين حق العصر حلوياات وفطاير وهالسوالف صديقه مال انا اجي اوكيييييييييييه
ليلاا تهز راسه : اوكيييييه انا بسوووي
سارة رااحت عنهااا وسارت تيلس في الكنفه اللي في الصالة الا اشوووي وداشه عليهاااا امهاااابتسمت سارة لهاا يووم شافتهااا
نشت تحبهاا فووق الرس : صبااح الخير امايه شصبحتي
ام سارة تيلس : صباح النور فديتج ها الحمد الله
سارة : منو كانت ويااج قالت لي ليلااا حرمة
ام سارة تتهد : هااااذي ام خولة تعرفينهاا ما شاء الله عليها من تيلس يلس وحده وفلانه وعلانه
سارة تبتسم و اطالع امهااا طوول عمرهاا طيبة وما تحب ادخل في مواضيع الناس ولا تحب الحش والنم
ام سارة : شوو تريقتي والا بعدج
سارة : قلت ليلاا تحطلي اريوووق توني مرمسه هند وعزمتهاا العصر بتي عندنا
ام سارة : حيابهااا و الله عييييييييييل قولي ليلااا تزهب لج فواله
سارة : قلتلهااااااا
وشووية وداشه ليلااا بريوووق سارة ووقفت ام سارة تبى تروح
سارة : امايه فديتج يلسي ويايه وين رايحة
ام سارة تبتسم : بسير فديتج اصلي الضحى وبييج
سارة تبتسم لهااااا ويلست تسمي بالله عسب تاكل .صلاة الضحى و الليل امهاااا ملازمه عليهن لازم تصليهن وتصوووم الاثنين و الخميس ومن وفاة ابوووها ختمت امهااا القرآن خمس مرااات امهاا دارسة لحد الثانوووية العامة وعقبهاا ما كملت دراسة هيه عمرهاا في بداية الاربعين سارة طالعه تشبهها. وايد ماخذه ملامح منها بس عيووونهاا تشبه عيووون ابووهاااا خليفه الله يرحمه

الجزء العاشر
مرن الايااام وطلعن نتايج الثانوووية العااامة ميرة كانت فرحانه حيييل على نتيجتهااا يابت 95.3 والكل فرح لهااااا وبارك لهااا على هالنسبة السنعه اللي ترفع الراس ونفس الشي كانت نسب بنااات عامر ((ابو مايد ))حلوااات نورة يابت 91.9 وبخيته يابت نسبة محد توقعها لها تيبهااا لانها ما كانت تذاكر لين هناك ومب شاطرة ذااك الزود يابت 89.3 وطااارت من الوناااسه وتمت ترقص من الفرح يوووم سمعت نسبتهاااااا وبعد ملجة موزة حرمة يت تسأل عن سارة تبى تخطبهااا وحزنت يووم درت انهااا مخطوووبة لانهاا كانت من خاااطرها تباها حق ولدهااااا بعد ما شافتهااا في ملجة موزة
موزة كانت مستااانسة ويا بدر وعلاقتهاااا وياه اوكييييه بدت تتعرف عليه وعلى شخصيته وشووو يحب وشوو يكره كانت دوووم يسويلهاا او تسويله تيلفووون وطايرة من الوناااسة حصلت فيه اشيااااء وايد قريبة من اللي كانت تتمناااه وبعد هووو ما مقصر مطيح في بيتهم ما صدق على الله الريال
أما مايد محتشر ويحن على امه يباها تخطب له ميرة يخااافهااا طير من ايده البنت كبرت و الكل عينه عليهااا وهو مرتبش ودومه يحن ويصر على امه تكلم اختهااا وفعلاااا وعدته انهاا تكلمهاااا وتخطب له ميرة بصرااحة بنية ما تتفوووت ومن زمااان ام مايد تتمنااااهاا حق مايد
في بيت ابوو سالم الكل محتشر ورى باااجر عرس وديمة و البنااااااات يالساات يتحنن ويعدلن الشنط و الربشه
ايمااان : بسووم حلو حناااي و الله احسه مب حلوو حناااج وايد حلوووو
بسمة اطالعه : من قال و الله انه حلوووو اشفيه مب عايبنج
ايماان مبوزه : سوت لكن انتي وعفراا(حرمة عبدالعزيز) فناااااااااااان
وديمة: ايماانووو ترى الغيار يقولون ما يعلقه الحنا
ايماان اطالعهااا : كيفي برايه ما يعلقني
عفرااا : انزين الحين خلاص تحنتي شوو بتسوبيه .تعالي صوووبي اشوووف
تنش ايماان صوووب حرمة اخوها تراويهاا حناها
عفراا : عن الدلع حلووو حناااج
ايماان مبتسمة : و الله
عفرا : هيه صدقيني صح يابووه فستانج
بسمه عاقده حياتهاا : جيه لحد الحين فساتينكن ما يبتنهن
عفرا تصد صووب بسمه : لا يبنهن بس فستان ايماان طلع وسيع وردينه يعدلووونه
ايمااان : هيه يابه لي خلوود بس ما جربته
بسمة: يووم تخوزين الحنا جربيه ليطلع مب زين عسب تواحين تعدلينه
ايماان : انزين
وديمة : اوفف تعبت
بسمة تبتسم : فديتج ماا باافي شي
وديمة : من الصبح ونحن على يلسة وحده والله اني ميته يوووع
عفرا تبتسم : العروس ما تاكل
وديمه : لا و الله عييل انا يوووم الخميس ما باكل شي
بسمة : هييييييييه
وشويه تدخل عليهن خولة (حرمة سالم )
خولة تبتسم : السلام عليكم بنااااااات
البناات : وعليكم السلام و الرحمة
وديمة تبتسم : هلا و الله بحرم أخي الموقر
خولة تيي صوبهاا : مرحبااا بالعروس شوو هالنور اللي يشع من هالويه الحلوووووووووووو
وديمة تبتسم : فديت روحج عيونج الحلوووة
خولة : ها خلصتن متحنيااات ابى اتحنااا
بسمة : شياج اتاخرتي انا من متى مسووية لج تيلفووون
خولة (ام علي) : لين اسبح عيالي ولبسهم وروح سالم الدواام عقب ييت
بسمة: فديته عبوودي وفروحه من الصبح عاقتنهم عند الخدامة
عفرااا تبتسم : و الحين حمد يمكن يدعي على ودوووم من اسبووع لاطعتنه ولاهيه عنه
الكل يضحك
وديمة : خيبه ما سوى عليه .وتصد صووب اختهااا: يا ابوويه سيري عند ريلج ما نباااج
بسمة تبتسم : فديته يا ربي و الله اني اشتقت له
خولة : يا سلااام وينك يا حمد تعال اسمع بسوووم شوو تقوول
عفرااا تصد على خولة : تعالي هنيه خولة انا خلصت خليهاا تحنيج
ويلسن البنااات يسولفن ومرتبشااات ووديمة صدق مستااانسة من الخااطر انها خلاص باقي يومين وبتسير حرم سعيد اللي حبته من ايااام المراهقة وما تصورت عمرهاا تاخذ غيره تحمد ربها ان حلمهاا تحقق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
دشت سيارة حميد الرنج حوووش بيتهم وياه خالد ووقف السيارة في الحوووش ونزل منهاا وصد على خالد
حميد: اشفيك متفيزر انزل انا بسير ابدل كندورتي وبيك ما تشوووفهااا متخيسة دم
خالد يطالعه : ريلك تعورك الحينه والا خفت
حميد يطالع ريله : اوكيييه بعد ما لفهاالدكتور وعطاني مسكن صاارت اوكيييييييييييه
خالد : الحمد االله عسب مره ثانية ما تمشى في العزبة بلياا نعال
حميد يطالعه : ما بتأخر عليك سير ايلس في الميلس وبطرش لك عصير وفواله اتسلابهاا لين اييك
خالد يبتسم : جيه انته شوو ناوي اتبااات المهم لا تتاخر .وينزل من السيارة
وسار حميد صوووب البيت ويلس يزاعج على فكتورياااا
فكتوريااا : نأم بابا
حميد يحس بالم في ريله : سيري حطي قهوووه ريال في الميلس
فكتورياا : جين بابا
وطلع فوووق غرفته ويمشي بشوي شوي ريله تعوره مب شوووي الجرح فيهااا وعوره هالكتور من كثر ما يحفر فيهااا يطلع الزجااج منهاااا دخل غرفته وشل ثيااابه عسب ياخذ له دش سريع وينشط عمره اشوووي
في غرفة الطعاام الملاصقة للميلس يالسة شمسة وويااها ربيعتهاا روضه وهالغرفة بينها وبين الميلس باااب
روضه اطالع ربيعتهاااا : حووو وين سايرة
شمسة تسير صوووب الباب بروح اييب الدخوون من الميلس عسب تدخنين
روضه مبتسمة : ما يحتاي خيتووووو
شمسة : ما دام انج بتركبين ويا اخووج مب الدريول مب مشكله
روضة مبتسمة : اوجيييييييييييييه
راااحت شمسة صوووب الباب وفجته ودخلت الميلس وانصدمت شهقت بصوووت عالي ويلست فاااجه عيونهااا اطالعه .رفع راسه بعد ما سمع الشهقه ويلس يطالعهاااا عقب انتبه لعمره وحط المدخن فوووق الطاولة ردت تركض وسكرت البااااب بقووو
روضه اطالعه : بسم الله اشفيج خرعتيتي
شمسه حاطه ايدها على قلبهااااا
روضه اتيي صوبها مستغربه : حوووووو الخبله اشفيج
شمسه تروح تيلس على الكنف :سكتي رويض عني سكتي
روضه مستغربه منهاااا : وينه المدخن مب رايحه تيبينه
شمسة اطالعهااا : دشيت وحصلت ريال في الميلس وانا بلا شيله ولا شياته يا الفضيحة يا فضيحتيه رويض شووو بيقول عني
روضه تيلس عدالهاااا : صاااار خيييييييير يعني انتي شدراااج انه موجووود
شمسة وهيه تنافخ : اففففففف ما ادريبه منووو هذا ماحد في البيت لا هزاع ولا حميد
روضه يرن تيلفوونهااا : حووو بروح عنج هذااا اخوويه راشد يدق تيلفوون
شمسة توقف وتروح تشل شيلتهااا من فووق الكنفه : اوكيييه الغلاااا يلا بوصلج
وطلعن البناااات وسلمن على بعض ويلست شمسة اطالع ما حصلت الا سيارة حميد عيييييييييل منوو في الميلس ووين سيارته سااارت صووب الصاله وشاافت حميد نازل من فوووق
شمسة تتجدم وعقدت حياتهااا : حميد فديتك شووفيها ريلك واشله لافنهااااااااا
حميد يوووصل عنده ويبتسم : جرح بسيط مب واييد وطيت على زجااج ويبتسم : لا تخاافين الغلاااا
شمسة : فديت روحك انزينه وين بتروح الحين
حميد :ربيعي يتريااني في الميلس بنطلع انااا ويااااااااه
شمسة تبلع ريجهااا طلع ربيع حميد الله يستر ما يخبر والا يقووول لحميد انه شافني : برايك فديتك في حفظ الرحمن
حميد يبتسم ويبى يطلع عنهااااااااااا
شمسه تلف صوووبه : حميد
حميد يلف صوووبه : هلا
شمسة : ابى اسير السووق بعد المغرب وبشووف سارة جاان بتروح ويايه فديتك بتوصلني
حميد يطالعهاا : خلي هزاااع يوصلج
شمسه تسير صوووبه : اشفيك حميد عنبووو و لامره رحت تسلم على خطيبتك
حميد كشر ويهه : برايهاااا مب لازم اسلم وبعدين تصدقين مااا احب اسمع كلمة خطيبتك هااااااااااي
شمسة اطالعه ولا ردت عليه
حميد يبلع ريجه ويطالعهااااا وشجع عمره يسأل عنهاااا : شمسه انتي ترمسين الريم
شمسه اطالعه : وبعدييين يا حميد انسى الريم ما باقي شي عن عرسك بسارة وتقووول الريم
حميد يطالعها : اشفيج شمسة انتي تدرين اني طووول عمري ما بنسى الريم
شمسة تتنهد : وسارة
حميد مضايج حييييييييييل: اففففففففففففف من هالسارة يلا فمااان الله وطلع عنهااااا
وراح صووب الميلس وحصل خالد يالس وجدااامه الفواله
حميد يجدم صووبه : يلا خالد رحناااااا
خالد يطالع حميد ويبتسم اللي شافهاااا فيها شبه منه وايد العيووووون نفس عيوون حميد ويالس يطالعه بطريقه خلت حميد يضحك عليه
حميد : ههههههههه حووو اشفيك اطالع جذيه من زماان ما جفتني
خالد تووه الريال منتبه : هااا
حميد يتقرب منه : حووووو خلوود اشفيك رحت عنك ربع ساااعه ويتتت حصلتك حالتك جذيه اشفيييك
خالد يقووم واقف شو شفيني هو شووويه اللي شفته بس صدق انا ما استحي افففف ويطالعه : يلا رحناااااا بطيت عليه
حميد : سوووري ويصد صوووب الفواله : شوووو ما كلت شي ولا شربت العصير
خالد واللي شفته رحمني و الله نستني يووعي وانا كنت ميت يوووع : لا ما ابى يلا نروح
وطلعواااا صوووب السيارة وركبواا وكاااان خالد يسوووق
خالد : الحيين نسير البيت بالاول العيوووز محتشرة من زماان قايله لي اعطيك بطااايق لبيت عمك وعمتك
حميد يتافف من الخاااطرشارد من شمسة اييني هذاا بسالفة البطاااايق واذكر انه قال بيت عمته اااااااااااه يا الريم يا ترى بقدر اشووفهاااا بعد اللي سويته ابهاااا جرحتها اااااه يا الريم لو تشوووفين جرحي عمره ما بيبرى الا يوووم انتي تكووونين ملكي
خالد سرحاان من الصووب الثاني صدق يووم قالن خواااته مزاااين ما شاء الله عليهاااا حلووه ويصد صوووب حميد اصلاااا كلهم حلويين ما شاء الله عليهم حميد وهزاااع
مسكتين يا ترى اخته والااااااا لا اكيييييييييد اخته تشبه حميد وايد يا ربي شو هالملامح الحلووووووووه اللي شفتنهن يااااااا ربي صدق انااا ما استحي اشفيني افكر جيييييييييه هااي خت حميييييييييييد يا ربي وطووول على المسجل عسب يندمج ويغني وياااه ويلتهي عن هالتفكيييييير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
في ابوووظبي الساعه 1.30 الظهر كانت سارة وميرة وامهاااتهن ويااا الدريووول في السوووق سارة طبعااا تتجهز لعرسهااا ما باقي له الا عشرين يوووم قريب وااايد وطبعاا لوازم واغراااض العرس واييييد وميرة تساااعدها وتتجهز بعد لازم تكووون كشخه عرس اختهااااااا وحبيتهااا سارة
وفي السيارة
ام سارة ترمس في التيلفوون : عييييييل برايج ظبية الغالية سلمي على العيال وابو مايد
ام مايد : يعني خلاص ما بتخطفوون صوبنااا عنبو تراكم واصلين وما بنلهيكم
ام سارة : فديتج عذرينه هالمره وبعدين عمر وحمد في البيت وياا الخداامة وتعرفين من الصبح ظااهرين عنهم وورانا اغراض وايد بعدناااا
ام مايد : مهذروين فديتكم سلمي على البنااات وثريااا سلمي عليهاااا
ام سارة : السلام يوووصل الغالية يلا مع السلامة
ام مايد : في حفظ الرحمن وبندت عنهااااا
ام سارة تكلم اللي في السيارة : تسلم عليكم ظبية
سارة وميرة وامها : الله يسلمها من الشر
ميرة تصد صوووب سارة : سارونااا جاااااان تبين فساتين جاااهزة يقولووون دونامود في فساتين جاهزه حلوووه وبعد انفابوتيك
سارة : هييييييه ابى اخذ انا ما خذيت الا ثلاثة فساتين سهره لحد الحين
وبعد مويز قالت لي سويتش،جعيدي ، قصر ملكه فيهن اشياااء حلوووه
ام عمر : بتلفيييين وبتشوووفين اللي يعبج تاخذينه نحن كم سارة عندناااااااا
ام سارة تبتسم : وحده يا ثرياااااا
سارة : فديت روحكن يا الغاليااات
ميرة : امايه صح ليش ما بيووون هل البحرين
ام عمر : اونه عيسى ما بيقدر ايي وهونواا ايووون
ميرة مبوزة : عيييييييييل لا بيووون ونحن ما بنساااافر
ام عمر اطالعهاااا : وين تسااافري وعرس سارة
ميرة تبتسم : جيه عرس سارة 30/7 وشهر ثمااانية شووو بنسوووي عيييييييل ليش سارة ترووح تتمشى ما ادري وين بتروح شهر العسل وانا لا
ام عمر : مب مشكله الغلاااااااااا اللي بياخذج خليه يمشيج على كيفج
ميرة اطالع امه وعلى شفاتها ابتسامه : ااااااااااااااااااااااااااه وينه هوووووووو
ام عمر اطالعها بنص عين : وابووووووويه عليج شووو هالرمسه الخاايسه صدق ما تستحين صدق بنااات هالزمن الحيااا بعيد عنهن
ميرة وسارة وام سارة : ههههههههههههههههههههه

الساعه 5.15 العصر في بيت أبومايد يالس يطالع امه معصب عليهااا من الخاااطر من متى فاتح الموضوووع ويااه وهي ما معبرتنه ومبوووز
ام مايد اطالع ولدهااا : اشفيك اطالعني جذيه
مايد معصب : امايه من متى قلتلج كلمي خالوووه ثرياا اني اريد ميرة
ام مايد اطالعه ك وانا شوو رديت عليك قلتلك برمسهااااااااا و الله يارمسهااا
مايد : هيه امايه رمسيهااا يووم اطيييير البنية الحين هيه تخرجت من الثانوووية مال عادت صغيرة
بخيته نااازله من فوووووووووق : ههههههههههههههه كل هالحجشرة عسبت ميرووه يا ميووود
مايد يصد عليهااا : جب انتي مالج خص
بخيته وفي ثمهااا علووج : اوووه ميوود يحب و الله
ام مايد تصد صوووبها : بخوووت خس الله ويهج يا السبالة شووو هالرمسة
بخيته اطالع امها مبوزه : امايه انا
قطعتهاااا امهاا مره ثانية وهيه تقووول : وابووويه على البنية وبعدج يالسه تعلجين جداامناااااااا متى بتعقلين انتي
موزة وفي ايدهاااا صينية كيك وفطاااير : يوووم تغقص الرخمة بخوووت بتعقل
وحطتهااا جدامهم ويلست عدال اخوووهااا مايد : و الله انه ميرة فنانه وحرمه مسنعه ما بتحصل احسن عنهااااااااا
مايد متشقق من الفرحة : فديت يااا ربي اختي اللي فاهمتني
ام مايد : يوووم هيييييه اللي فاهمتنك عيييييييل خلهااا هيه ترمس خالتك
مايد يسير صوووب امهااا ويلوووي عليهاااااا ويحببهاااااااا
ام مايد : خز عني يا المكاااار انته
بخيته : صدقج امااايه مصلحجي ميووود
ام مايد اطالع بنتهاا : تعرفيييييين بخوووت هاللسااان يباله قص عسب ما ترمسين مررره ثانية
موزة+مايد : ووووووووووووووو و الله انج تستاهلين
بخيته : ما عليه ليه ما خبرت ابووويه عليكم كلكم
موزة اطالعهم : انزين ذووقواا شوو سويت
مايد : مادامه من ايد مويز اكيييييييد بيطلع فنتكه
ام مايد خذت حبه تذوووقهااااا : فديت انا بنيتي صااارت تعرف تطبخ وعقلت
موزة فااااجه عينهااا على الاخر : جيه انا قبل كنت مينووونه امااااية
الكل يلس يضحك عليهاااااااااا
مايد ياكل فطاااااااير : شوو هالطبخ السنع بس نحن الحيييييين لين فتره ومابنذوووقه بيذقووبه بدور ابوو كرش
موزة تصد صوووب اخوها : ابو كرش في عينك حليله لووح من وين يابها الكرش
ام مايد اطالعهم : عيييييييل وينهااا نوروه ما شفتها من الضحى
بخيته : فوووووق احيييييييدها يالسه على النت
مايد يطالع بخيته: روحي زقريهااا وودرن عنكن يلساات النت هااااااي بصراااحه ما تعيبني
ام مايد : حتى انا ما تعيبني
موزة: وابووويه اشفيه صح النت فيه الزييين و الشين بس انا ضامنتنهن وهن عاقلات يعرفن مصلحتهن
مايد يصد صوووب امه ويوقف : امايه فديتج قووولي تم
ام مايد اطالعه : شله اقووول تم
مايد : يلا فديتج قولي شي بسيط
ام مايد : برمس خالتك ميووود تراك حشرتني
مااايد يبتسم : امااايه اوعديني انج الليلة ترمسينهاااااا
ام مايد : حل عن سمااااي برمسهااا الليله ان شاء الله
مايد و الابتسامه شاقه الحلج : فديتج ياربي يلا فماااااان الله
ام مايد : هاااا على وين النية
مايد : برووح عند الربع ما بتاخر ان شاء الله
ام مايد : انزينه في حفظ الرحمن وسووووق بشووي شوووي اعرفك من تطلع من البيت تخترش
مايد يهز راسه : هههههههههههههه ان شاء الله يا الغالية
ـــــــــــــــــــــــــــــــــــ

الساعة تسع ونص في الليل واقف جداااااااام بيت عمه ويتأففففف ما له خاااطر يدخل وشاااف البطااقه بايده عقب ساااااار صوووب بااااب الصالة
حميد : هووووووووووود هوووووووووووود يا هل البيت
هزااع يبتسم : هداااااااا هداااااااا
حميد استغرب هذااا صوووت هزاع ودخل الصاله وحصل هزاااع والابتسااامة شاقه الحلج وصد الصوووب الثاااني وشاااف سارة ونزل عينه
حميد : السلام عليكم
هزاع + سارة : وعليكم السلام و الرحمة
سارة ويهااا طماطه من المستحى : هلا حميد تفضل
حميد : داام فضلج .وسار ويلس عدال اخوووه
هزااع يدز خووه بكوووعه على خصره ويهمس له انه يسالها عن حالهااا
حميد : احم اشحالج سارة بربج بخير
سارة تبتسم : الحمد الله اشحالك انت
حميد : بخييييييير ربي يعااافيج ويحط البطااقه فوووق الطااولة : هذاا عرس خت ربيعي وعازمينكم .عيل وينهاا عمووه عايشة
سارة توقف : امايه في الميلس عندهااااا حريم
حميد يوووقف : وين سايرة ما ابى فواااله بروح
سارة في خااطره عنبووو ما واحى شعايلنه هذااااااا : افاا ما يصير
هزااع يمسك حميد من ايده : ايلس يااا ريال بتتفول عقب بتروووح حميد يالس يطالعه وسارة ابتسمت وراااحت صوووب المطبخ
هزاااع يبتسم ويتقرب من حميد : ها اخينااا ياي تعزم الخطبية عرس ربيعك لا تماااااام استوووى تطور .ويدزه بكووعه : مسوووي البطااقه حجه عسب اتيى وتشوووفهاااا هاااااا
حميد يدزه عنه : خز عني صدق انه ما عندك سالفه وبعدين وينك من الصبح تهيت
هزااع يبتسم : رحت العزبة وعقب عند الربع
حميد : دورتك عسب اتيب البطاااقه بس ما حصلتك واضطريت اييييي
هزاع يطالعه ويبتسم : اشفيك تبرر ييتك
حميد يطالع اخووه وهو معصب : هزاااع ودر عنك هالسوالف تعرف اني ما احبهاااا
هزااع سكت عنه وخذ كوووب العصير ويلس يشربه وحميد يطالعه هزااع ماخذ عليهم وااايد الظاااهر
حميد: وينه سيارتك ما شفتهاااااااااا برااااا
هزاع : سيارتي في البيت انا ياي ويا ربيعي نزلني وراح صووب هله هنيه وبيرد ياخذني
حميد : انته من متى هنيييييييه
هزاع يطالع ساااعته : تقريبااا من ساااعتين
حميد يطالعه : من ساااعتين
هزااع بدى مره ثااانية شغل الغلاسة : شووو تغااار على الخطيبة
حميد يطالعه ووشوووي بيعطيه بكس على عينه وقطع نقاشهم دخووول سارة وفي ايدهااا صينيه
هزاع : شووو هذاا كله عييييييييل انا من الصبح هنيه ما يبتي لي هالشي
سارة تبتسم ومستحيه واطالعه بنص عين : ودر عنك هالرمسه وقووم نزل هالصينية عني
هزااع يشرب عصيره ويدز حميد بكووعه : وابووووويه حميد قووم ساعد شيخه الحريم ما تشوفني انا مشغوول اشرب الغصير وانته اقرب .
سارة احمرت من الخاااطر ما تبااه يتقرب منهااا بتموووت صدق وحميد يتحلف على هزااع اليووووم ما بينفذ مني براويك يا هزاااع .ونش يشل الصينية عنهاااا وهو يالس يطالعهااا جمالهااا يلفت الواحد بس الريم هيه اللي ملكت قلبي محد غيرهاااا ونزل الصينية عنهاااا
سارة : تفضل حميد هبش
هزااع يبتسم : لا تستحي اخووويه البيت بيتك الغالي
ساره يلست اطالع هزااع وتبتسم من الخاااطر
مضت 20 دقيقه وترخص حميد يبى يروح
هزااع يطالع سارة : يلا الغالية عن اذنج عاااد انا بروح
سارة اطالعه : وين بتروح انته الثاني ايلس يلاا هزاع
هزاع يبتسم : بااجر بيي ان شاء الله وسلمي على خالوووووووه اوكيييييه
سارة تبتسم : اوكيييييييييه اترياك باااجر
حميد وهزااع يبوون يطلعوون وصد هزااع على سارة : بييج واباااج تسووين بسبوسه انزينه وفيهاا مكسرااات
حميد يدز اخوووه : يالله خل عنك اتشريط وشله تعبل عليهااااا
هزااااع يلف على اخوووه ويطالعه ويبتسم عقب صد على سارة : خلاص يااا ابووويه ما دامهم نااااس مب راضيين عليج دشين المطبخ لا تسوووين مستغنين
سارة كلمة حميد خلتهااا في حاله الله الوحييد العالم ابهااا واستانس خاااطره وهالفرحه كلها انعكست على ويهااا : افا يا هزااع تعبك راااح الا بسويهااا لك بس انته تعال
هزااع يبتسم : تسلميلي بنت العم
وطلعوااا وركبواا السيارة وسوووا هزااع لربيعه خليفه يقوول انه بيرد البيت ويااا اخوووه وحميد يطالع هزاااع كيف اجتمكاااعي ويتأقلم اللي يطالعه وهو يرمس سارة يقووول متربين ربااعه وهم صغاااار ما بيقووول الا من ثماان شهووور يرمسووون بعض بس و الله ادري انها ما لها ذنب بس قلبي هوووى الريم محد غيرهاااا
وشووويه ووصلوااا بيتهم ونزل هزاااع ويطالع اخوووه
هزاع : اشفيك شووو ما تنزل
حميد يطالعه : لا ما بنزل بسير بيت عمتي شيخه
هزاع يطالع اخووه : اهااااااا اسير عنك
حميد : لا انا بسير وبند هزاااااع الباب وتحرك حميد ساير صوووب بيت حمدان (ابو سلطان )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
يالسه تسمع رمسة اختهاا واستانس خاااطرهاااا من زماان تتريا هاللحظة تيي وابتسمت وهيه تقووول : فديتج بنشاور البينية وبرد عليج ويعدين ميرة ما بتحصل احسن من ولد خالتهااااااا
ام مايد مبتسمة على الرمسة : انتي الغالية شاوريهااااا وردي عيه تراااه هالولد مخبلبي يبااها من الخاطر
ام عمر تشققت على هالرمسه: ان شاء الله قريب برد عليج وان شاء الله ما يحصل الا كل خييييييير
ام مايد : ان شاء الله فديتج سلمي على ابو عمر و العيال
ام عمر : السلام يووصل الغالية سلمي انتي على عااامر ومايد وقوليله تقوول خالتك ثريا ميره ما بتحصل احسن عنك اممممممممره هووو لو طلب عيوني ترخص له
ام مايد : يبلغ السلام الغالية ويزااج الله الف خير يلا عيل فمااااان الله
ام عمر : في حفظ الرحمن .وبندت عنهااااا
شلت حمد من جداامهاااا وسارت فوووق صوووب غرفتهاااا بتخبر ابوو عمر وبتشووف رايه بالموووضوع ووصلت الغرفه وسكرت الباااب وطالعته مبتسمه
ابو عمر يطالعهاا : يعلهاا دوم هالابتسامه خير ام مايد شعندهااا
ام عمر اتيي تيلس على الشبرية وتحط حمد جدامها : الله يسلمك تسلم عليك
ابو عمر : الله يسلمهاا من الشر
ام عمر تكمل كلامهااااا : وتبى تاخذ ميرة حق ولدهااااا مااايد
ابو عمر مستغرب بعده : ميرة
ام عمر : هيه تبى تخطب ميرة لمااايد هااا شرايك
ابو عمر : و الله يا ثرياا تعرفين انتي مايد ولد ما ينعاااب ولا ينرد بس الشووور للبنية
ام عمر : اكيييييييد الشور لميرة بس ما بتحصل احسن عنه
ابو عمر يتلحف : ان شاء الله باجر بنرمسهااا وبنشوووف رايهااااا مع اني اشوووف مب بدري عليهااا توها صغيرة
ام عمر: شوووو صغيرة الله يهديك الحين 18 سنه صغيرة عييل انته ماخذني وانا بنت 15 سنه
ابو عمر : خير ان شاء الله اناا اقولج من صووبي موافق لكن راي البنت هو الاهم وبنشوووفهاا باجر
ابو عمر يتذكر شي : يا ثرياااااا
ام عمر ترقد حمد : هلااا
ابو عمر: يا الغالية ذكريني اشل بااجر وانا ظااهر ساير صوووب الشركه ملف من مكتبيصاير انسى وايد هاليوميين
ام عمر تبتسم: ان شاء الله .ترااك شوبت
ابو عمر :ههههههههههه لاانا بعدني شباب جاان الا انتي عيزتي
ام عمراطالعه : الحين انا عيوزززز
ابو عمر : هههههههههه تصبحين على خير
ام عمر :وانته من اهل الخير


كااان تفكيره عندهااا صدق اشتاااق لهااا حيل وده يشوووفهاااا يكحل عينه من شوووفته وتنهد من االخااااااااطر الله يسامحك ياااا ابووويه ياللي فرقت من بينااااااااا الله يسامحك يحس انه يتنفس بسرعه يووم شااف بيتها في خااااااطره حتى لووو يلمحهاااا .دشت سيارته الحوووووش ما حصل سيارة ابو سلطاان ولا سلطااان نزل من السيارة وكان يحس انه مشيه ثقيل وسااار صوووب الصاله وخذ نفس كبييييييييييير
حميد بلع ريجه : هوووووووووووووووود
مزنه تعدل شيلتهاا وتوقف عرفت صوووته : هدااااااااا
حميد دش الصاله وابتسم يوووم شاااف مزنه : احم السلام عليكم
مزنه وهيه مكشر وترد بدوون نفس وله عين ايي : وعليكم السلام
حميد يلس يطالعهااااا مب من عادتهااااا مزنه بس يوووم مزنه زعلانه جيه وين الريم : اشحالج مزنه
مزنه اطالعه بنظره : الحمد الله
حميد : عييييييل ويتهم عمووه وعمي
مزنه: ابووويه رايح يوووصل امايه بيت بدوووه (ام ابوها ) اشووويه تعبااان
حميد : شياااه
مزنه : ما ادري تعبانه جنه الضغط مرتفع
حميد: سلامتهااا
مزنه: الله يسلمك
وشووويه نزلت من فووووق ويلس يطالعهااا واطالعهاا بنظره غريبه اول مره يشوووفهااااا وردت تطلع فوووق تركض
حميد يسير صوووب الدري : الريم الريم .وسارت عنه ولا ردت عليه
مزنه : ايلس حميد بروح احط فواله
حميد يطالعه بنظره ترجي: مزنه سيري شووو فيهااوقولي لهاا اني ابى ارمسهااااااااا
مزنه اطالعه وتنهدت : ان شاء الله
طلعت لهااا فووق وفجت باااب الغرفه وتمت اطالعهااا وهيه تصيح
مزنه : الريم
الريم تصيح بصووت عالي : طلعي برااااااااااااا
مزنه تتجدم : حميد يبى يرمسج
الريم وويه محمر من الصيااح : انا ما ابى اشوووفه ولا اسمع صووووته ما ابى ما ابى تفهمين روحي قولي له جيه
مزنه ووطت راسهااا وكانت تبى تطلع بس وقفهااا صوووت الريم : مزنوه
مزنه تصد صوووبهااا: نعم
الريم : سيري فجي الدرج الاول من التسريحه وبتحصلين دفتر وفيه ورقه طلعيهااااا واطالعهااا بنظره مكسورة: وعطيه اياها
مزنه نفذت الكلام اللي قالته اختهااا ونزلت له تحت
حميد يطالعهاا عرف انها رفضت تنزل
مزنه : مااا طاعت تنزل
حميد يوقف واشر على البطااقه : هذي بطاااقة خت ربيعي وعازمينكم واطالعه وتقرب منهاااااا واطالعه بنظرة حزن وتعب : مزنه قولي لها اني احبهااااااااا
ومشى بيطلع عنهااااا وقفه صووت مزنه : حميد خذ هالورقه قالت لي عطيهاا حميد
خذ حميد الورقة وسااار صوووب سيااارته ضيجة الدنيااا كلهااا في صدره يحس عمره مب قااادر يتحمل زود ما يقدر يبتعد عن الريم
وركب سياااارته ومشى لحد ماااوصل لبيتهم ووقف السيااارة ويلس يطالع الورقة وهيه عبارة عن ورقتين ورديااات اللون وشكلهن مرتب متلاصقات شلهن ويلس يقرأ شوو مكتوب فيهن

كـــذاب
كذاب انت ولا تقدر تصارحني كذاب انت ومثلك حالته صعبه
شاطر تبرر معاذيرك وتخدعني تحسب باني بحبك عايشٍ كذبه
دريت عنك ولا قلبك درى عني دريت اني بقلبك تسلية لعبه
تمنى فوادي بانك يوم تواجهني خيبت ظني ولا حققت ذي الرغبه
يا ليت مره بصدقك بس تخيبني يا ليت قلبك مشى بالصدق في دربه
خلني اعترف لك،ضعيف ولا تناسبني لا انت حبيبي ولنته لي انا احبه
لا قلبي منّك قريب ولا بعد مني خل المحبه لروحٍ صادقه رحبه
حرام مثلك يمر في قلبي وظني وحرام مثلي يعيشك حتى لو كذبه
يا ليته ما قراهااااااااا يا ليته ما شل الورقه ليششششششش الريم تظن جيه احبهااااااااا و اللله احبهاااا .حط راسه على السكاااان وخانقته العبره في خاطره يطفش من هالعالم كلهم اكرهم كلهم ليش يبوووووووون يفرقووني عنهااا ليش ما اقدر اتكلم واقووول لا ؟ ليش انا سلبي ليش ما اقووول يا ابوووويه ما اقدر اسوووي اللي تبيه ؟ ليشششششششششششششششششش
شل راسه ويطالع الورقه بحززن ويلس يطالع الورقه الثانيه شوو من العذاااب اللي شايلته
مكتوووب فيهاا
ليش يا حميد سووويت فيني جذيه وين الحب اللي تقووول عنه
يا خسارة حبي لك يا حميد

يلس يهز راسه : لا يالريم دخيلج لا تقوووولين جذيييييييييه دخيلج كله و لا هالشي انا احبج احبــــــــــــــــــــــــــــــــــج

ورد يقرأشووو مكتوووب وحصل فيهااا خاطرة مفرغه الريم غضبهااا وحزنهااا وزعلهااااا عليه


سارحل ذلك هو أصعب قراراتي.سأرحل واترك لك ذاك الماضي

القبيح لكي تعيشه وحدك أرفض واقعي الكئيب معك وأرفض إنكساراتي بعثرت حروف إسمك فلم تعد

خالداً في قلبي واميراً على عرشي .سأبحر بسفينتي بعيداً عنك وبعيدا عن همومي وإحباطاتيوسأنسى

ضحكتك التي كانت أغنية على مسامعي وسأمحي صورتك التي كانت خيالا على مدامعي .لملمت كل

جراحي .وقررت الرحيل ومعي قيثارة حبك .أعزف بها مقطوعةً لم تكتمل أنغامها وأضم بصدري ذكرى ليلة جمعت

بيننا .فنحتنا فيها ما بنا من شوقٍ على صخرة ورميناها على ضفاف ذلك النهر الذي ارتوينا منه.لا أنوي الثورة

ضدك ولكن .أصبحت أنت وحبك من بعض إستثناءاتي.أصبحت أكره غدرك .وأملُ خيانتك ونكرانك

يسري في شراييني .وغرورك كتبته في دواويني وفي ذلك المساء البارد من شتاء حبنا جعلتني كقطعة ثلج

بين يديك وذلك الشوق .جعلني كقطعة حجر ترميه بقدميك .فعذرا قررت الرحيل فلا تسأل لماذا لن

أعود .لأسكن تلك القرية التي سكناها معاً .ولن أعود .لكي نجلس في ظل تلك الشجرة التي حملت أسرارنا

الصغيرة ولن أعود .لكي أمشي على شاطيء البحر ويدي في يديك .ولن أعود .لكي أريح راسي على

صدرك ولن أعود .لكي تعبث بخصلات شعري كي أنام سأبقى ذلك السراب الذي تلمسه فيختفي سابقى تلك

التي أحبتك بجنون .إنتهينا قبل أن تعرف من أكون لقد أصبحت في كتابي حكاية قديمة .وفي أحداقي دمعة

سقيمةوفي خافقي آهةً أليمة سأرحل قبل أن يرحل فصل الشتاء ويعود الربيع ويزهر حبنا من جديد.وقبل أن

تكبلني بقيد من حديد.لكي أحبك .أرجوك عد إلي ذلك الركن المعتم في حياتك عد إلي من ستكون

حبيبتك .حبيبةً تكون لك على السمع والطاعة فأنا قررت الرحيل ومن دون وداع سأرحل ومعي باقي ذاك

الرماد بقايا حبٍ إشتعل فينا وأصبح حفنة من رماد

الجزء الحادي عشر
يووم الاربعاء الجووو متكهرب ومتوتر وايد من عقب ما ظهر حميد الثلاثاء في الليل ما رد و الحين صااارت 3.30 العصر وام حميد تصيح من الخاطر وتلوووم بوحميد وهو يطالعها وما يرد عليهااا ومن درى هزاااع طلع يدور عليه ويشووفه
ام حميد تصيح واطالع بو حميد : كله بسبتك يا بطي يووم ما يباااه شله تغصبه مب جنه ولدك وانااا طاوعتك لين مااا ضاع ولدي من ايدي
وترد تصيح مره ثانيه : الله يسامنحك يااااااااا بطي .وتهز راسها
شمسة دموعهاا على خدهاااا : خلاص امايه فديتج ان شاء الله حميد ما عليهشر تعوذي من الشيطاان
ام حميد : وا ويلي عليك يا وليدي من امس ظاهر من البيت ولا ندريبه وينه.وتصد صوب ريلها : قوووم انزين دور على مظنونك نش
وهو يطالعهاااا ولا جنهاا ترمسه حاااز في خااطره الموضوووع وتصرف حميد وما عارف يفكر راحت شمسة صوووب ابوووهاااا وشلت التيلفووون ويلست تسوووي لحميد للمررررره الالف من طلع من البيت ودوم تحصله مغلق بس هالمره يصيح
شمسة : يرن تيلفووووووونه يرن اماييييييه
ام حميد تفز صوووب بنتهااا : عطيني ارمسه
شمسه : صبري فديتج ما رد عليه
وفي ميلس بو سالم يالس حميد يطالع التيلفووون وهو يرن ومب راضي يرد عليه شله خالد وشااف في الشاشه اسم بو حميد ورفع راسه يطالع ربيعه
خالد : هذااا ابووك رد عليييه يا حميد مب زين اللي تسوووووويه اكييد متوشلين عليك
حميد صد عنه ولا رد عليه
خالد : ترااااني انا برد عليييييييييييييه
حميد واقف : قوووم يلا نطلع و الله احس عمري مختنق
خالد يطالع حميد وهووو يمشي صوووب الباااااب
خالد يشوووف التيلفووون اللي في ايده ويرد عليه
شمسه وهي تصيح : الووو حميد فديتك جذيه تسوووى فينااااااااااااا نهووون مب اناا شمس حياتك من امس اندق ولا ترد ما تحاتاني ما حاتيت امك يا حميد
خالد ما عرف شووو يقووول هااي جنهااا اخته : احم الو هلا اختي
شمسة ادركت انه مب صوووت حميد : منوووووووو معااايه
خالد : انا خالد ربيع حميد
شمسة : وينه حميييييييييد
خالد : حميد ما عليه شر عندي في البيت
شمسة : لو سمحت اخووووووويه عطني ارمسه
خالد : اااااااممممم بخليه يسوي لكم تيلفوووووووووون هو الحين مشغوووول
شمسة : مشكور اخوووي مع السلامة
خالد : في حفظ الرحمن وبند عنهااا
وطلع براااا وحصل حميد يالس في السياااارة يتريااااااه وركب عداله وتم يطالعه
حميد : ابوووووووووووووويه شووو قالك
خالد : مب ابوووك
حميد عاقد حياته : منوووووو
خالد متردد : جنهاااا اختك
حميد يطالعه : اختي
خالد : قلتلهااا بيدق لكم حميد بعد شوووي
حميد طالعه وشغل السياااارة ومشى
خالد : خلناااا نشوووف سعيد ولد عمي وودر عنك الحززن وهالتكشيرة شووووووووي ويلااااا الحين دق لاهلك طمنهم والله يحاتونك وايد
حميد يبى يدق علىشمسة ورن تيلفووونه ورد عليه
هزاع: الوووووووووو هلا حميد
حميد باين على صوووته تعبان : هلا هزاااع
هزاع : وينك ياا اخووويه الكل يحااتيك وامايه متلعوزة وانته غالج تيلفووووووونك
حميد ساااكت مارد عليه
هزاع : وينك انته الحين بييك
حميد : انا عند خالد لا اتي الحييييين برد البيت
هزاع : خلااااص عييييييل برايك نتريااااااااك.وبند عنه
بعد ما راحواااا خالد وحميييييييد عند سعيييييييد وساااعدوووه لانه باجر يوووم عرسه رد حميد خالد بيتهم وسااااار صوووب بيتهم هو بعد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
اطالع امهااا وابوووها وما عارفه شووو تقولهم ما توقعت انه مايد يخطبهاااااا : مايد
ابو عمر : هيه مايد عااااد انتي حبيتي فكري في الموووضوع وردي عليناااا ما بنفرض راينااا عليج بس مايد ريال والنعم ما ينعاااب ولا ينرد
ميرة موطيه راسهاااااااا : بس ابووويه طول عمري احس بمااايد انه شرااا اخووويه
ام عمر : فديتج انتي كبرتي وفكري زيين وبعدين هووو شارنج ويباااج من الخااااطر
ميرة متردده : ما اعرف يا امايه بس ما ابى افكر زود انا فعلاا احس مايد شرااا اخويه ولا مره فكرتبه كزوج اتمصخر وامزح ويااه واغايضه غلاته من غلاااا عمر
ابو عمر : من كلامج معنااااه انج رافضتنه
ميرة : هاااي شعوووري يا ابووويه و لاابى اظلمه ويايه بس اعده اخوووووووويه وما فكرت به كزوج
ام عمر اطالع بنتهااا : فكري يا امايه ما نبى ردج الحييييين وبعدييين مايد شارنج وحاااشر البقعه عسبج
ميرة تبتسم : احس يا امايه اني ما ابى افكر زود ما اقدر اتقبل الامر اناااااااا احسه نفس اخووويه وبس ما اظن التفكيير بغير رايي الا تضيع وووقت وانعشم قووم خالوووه
ابو عمر : هذي حياااتج يا بنتي واناااا امممممره اللي تبينه بسوووويه وجاااان ما تبين مايد ويصد صوووب حرمته : يا ثريااا سوي لاختج وتعذري لهاااااا وخبريهااا رمست ميرة
ام عمر حااز في خاطره : يا بنتي فكري لو تسمعين رمست خالتج وهيه تطلبج حق مايد
ميرة ووطت راسهاااااااااا خالتهااا تحبهااا وعازه عليهااا بس جذيه شعورهاااااا وما تقدر تبدله
ابو عمر يطالع ام عمر : خليه البنية يا ثريا لا تضغطين عليهااااااااااا هذا رايهاا وما نجبرهااااااا
ابتسمت ميرة لرمست ابوووهاااا
ثرياااا : ما اقدر ارد على ختيه اشقووولهااا
ميرة اطالع امهاا صدق حطتهااا في موقف مب حلوووه ويااات تيلس عدالهااااا ومسكت ايدهااا ويلست اطالعهااااااا : امايه ادري انه خالتي عزيزة عليج وما تهووون و الله حتى انا عزيزة عليه واحبهااااااا بس هذي حيااااة وزواج وامايه اخاااف اظلم مايد تقولين هووو يباني ومتعلق فيني وانا ما اقدر ابادله هالشعور لاني طوول عمري اعتبرته شرااا خووويه صح يمكن يختلف الشعور بعد الزواج ويمكن لا وتكووون حياتناااااااااا مب سعيدة .ما ادري يمكن كلامي مب مقنع بس هذااا اللي ابيه وما افكر في الارتبااط الحين وانتي تعرفين ورايه دراسة وجامعه المهم الغالية لاتزعلين ولا تحطين في خاطرج انا برمس ماااااااايد وبقوووله هالرمسة وانا اعرفه زين بيتفهم شعوووري ولا تحااااااااااتين
رفعت امهاا راسهااااا ما تبى تغصبهااااا على شي ما تباااه هاااي ميرة الغالية وردت ميرة اطالعها وتبتسم
ميرة : انااااا برمسه مايد اوكييييييييييييييييييييييييييييييه الحين
ام عمر : وخالتج بتحط في خااااااطرها
ميرة : امايه خالتي طيبة وما اظني هالشي بتضعف الرابطة القوووية اللي تجمعنااا ابهم مب صح اصلاااا اللي يربطنااا اكبر من أي موووقف بسيط شراات هذا
ابو عمر يبتسم : الله يوفقج يا بنتي ويوفجه هو بعد لبنت الحلال اللي تعرف جيمته
واقف على الباااااااااب ويطالعهم باين على ويه مكشر رمستهم مب عايبتنه
عمر : وليش مااااااااا تبينه
الكل يرفع راسه
ابو عمر : افاااااااا يا عمر مب من طبايع الريال يتسمعووون ويتصنطوون عند البيبااان مب صح
عمر يطالع ابوووه : لا لا ابووويه و الله انا مااار وصووتكم كااااااان عالي
ميرة تبتسم : لانه اعتبره شراتك يعني اخووويه
عمر : مايد طيب وانا احبه حراااااااااااااااااااام يزعل
ميرة : انته ما عليك مايد ما بيزعل وبيفهم الموووضوووع .وتنش واقفه عن اذنكم وطلعت عنهم وسيده سارت صوووب غرفتهااا وشلت تيلفوووونهاا اللي شرالهااااياه ابووووهااا هدية وحط في حساابهاا في البنك عشرة آلاف وكانت هدية امهااا عقد المااااس وعطورااات ومكياااج وشرت لهاااا بدل ولبسااااااااااات
سارة : مرحبااا ملايين بالامورة اشحالج
ميرة : الحمد الله بخير اشحالج انتي
سارة : الحمد الله مع اني هلكااانه توني يايه من السوووق
ميرة تبتسم : الله يعطيج العااافية
ساره تبتسم : الله يعااافيج ها شخبارج انتي وخالوووه وعمي عساكم طيبين
ميرة : مناااح الحمد الله .سارة
سارة : هلاااااا
ميرة: بخبرج سالفه وقولي رايج فيهاااا اوكييييييه
ويلست ميرة تخبرهاااا من الالف الى الياء
سارة : رفضتي مااااااااااايد
ميرة : و الله احس انه شراا اخويه وتعرفين و لافي عمري فكرت به كزوج
سارة بنبره حزن : بس هو يحبج
ميرة : اشدرااج
سارة : ادري و الله انه مايد ما يستاااااااااهل
ميرة : ساره افهميني
سارة : و الحييييييييييييين انتي اللي بترمسينه
ميرة : هيه بس و الله متردده
سارة : انزين ميرة فكري بالموووضوع قبل عقب ردي
ميرة : صدقيني لوو فكرت هذاااا بيكوون ردي وبعدين انا احسه بدري توني مخلصه الثانوووية
سارة : جاااااااااان تبين نصيحتي فكري عقب ردي عليه دخييل والديج يا ميرة تفكرين لاتكسرين بخاااطره
ميرة خضعت لسارة: ان شاء الله ونحن نقدر نقووول لااااااا بفكر
ساره : مايد طيب ويحبج وجااان ما تبين تعرسين الحيييييين قولي له وسالفة شعورج وتعدينه شراااات اخووج
اكيييييد بيتلاشى عقب ما تفكرين به كزوج وانتي صدقيني تقدرين تتحكمين في هالشي
ميرة تفكر كلام سارة يمكن يكووون صح : ان شاء الله خير بفكر
اوكيييييييييييه الغلاااا سلمي على خالوووووووووووه وايد
سارة : السلام يوووصل سلمي انتي بعد
ميرة ان شاء الله مع السلامة
سارة : في حفظ الرحمن
ـــــــــــــــــــــــــــــــــــــــــــ

واقفه جدااام غرفة ولدهااا سلطااان واطالع ميثة
شيخه : اسميج مب حرمة عنبو ما تعرفين السنع انامن متى مطرشه الريم تزقرج ليش ما نزلتي هااااااا
ميثه تهز راسهااااا : عموووه سئلي الريم و الله ما ياتني ولا قالت انج تبيني
شيخه : خسج الله دومج منزربه دااخل غرفتج عندج اثنينه وبعدج ما تعرفين المذهب وسنع الحريم
ميثه بداا ويه يحمر وايد زودتهاااا عمتها : عموووووه قلت ما ياتني واحلف لج ما تسمعين
شيخه : واتراديني بعد انا قلتله سلطااان هالاشكاااااااااااال ما ابااااها بس الله ياخذ الشيطااااااااااااااان يوووم خلاه ياخذج انتي والا انتي ما من ثوووبنااااااا وين عشتج اول وعيشتج الحيين لازم تحبين ايدج من ورى وجدااام وتخدمينا وتحطيناا في عيووونج بس من وين بيي الخير منج انتي و هلج امممممممممممممممره ما علموووج السنع
ميثه تصرخ بصوووت عالي وتطلع الريم من غرفتهااا ويووووا ياسر ومزنه من تحت يركضووون
ميثه : هليه ربوووني و الحمد الله و الفقر مب عيب يا ام سلطاااان تراااج دومج تعقين الرمسه قبل ما تثمنينهااا وانا ساااكته خااافي ربج و الله لو مب العيال وسلطان ما قعدت عندج و لادقيقه من هي اللي تروم تستحملج انتي
شيخه تتقرب صوووبهاااااا : تسبيني يا الخااايسة يا قليلة الادب
وتيي مزنه تركض صوووب امهاااا
مزنه : امايه فدريتج خلااااص خليهااااا
شيخه تعق مزنه على اليداااار وتزخ ميثه من شعرهااااا : صدق انج ما تستحين جيه ترفعين صوووتج هااااااا
ميثه زادت حمورت ويهااا تحاول تكووون قووويه بس هيه محطمه ضعيفه ما تقدرلهاااااا ما تبى دمووووعهااا ينزلن
ميثه تمسك يد عمتهااااا : وخري عني .ودرزتهااا على ورى بغت اطيح ام سلطان بس تمسكت في اليدااار وسارت مزنه و الريم ويااااسر صوبهااااا يركضووون.من شااااف هالمنظر صعق واستغرب ميثه تسووووي جيه ياااي يركض صوبهن وفي عيوووونه شرار يطاااير ومن كثر ما معصب صاير ويها أحمر
سلطان وهو مب شايف الدرب جدااامه : مييييييييييييييييييييييييييييييييييييثثثثثثثثثثثه
ميثه نزلت دمعتهااااااا ورفعت راسهاااا ما عرفت ليش سوووت جذيه بس ما استحملت كل يوووم تهينهااا وتخليهااا ما تسووى بيزه
سلطاااان يطالع امه ويتقرب صووووب ميثه ويعطيهااااااااااا كفالكل يلس يطالعه وعقب مسكهاااا من شعرهاااااااااااا
سلطاااااان بعصبية وصريخ : سيري لمي اغرااااااضج وذلفي بيت ابووووج وورقة طلاقج بتوصلج يا الخايسة
وهيه تصيح من الخاااطر ما قادرة ترمس والا تقووول شي وعقهااا على داخل الغرفة وطااااحت لا حول لها ولا قووووة وتصيح و الكل ساااكت ما تكلم وسار صوووب امه ومسكهاااا
سلطان : امايه سمحيلي
ام سلطان تصيح بمكاااره وخبث :انا تضربني حرمة كبيرة وبحسبت امهااااا
سلطااان يمسح دموووع امه : دخيلج يا الغالية اسمحيلي
ومشووووا كلهم دخلت الريم غرفتهاااااا اما سلطااان وامه سارواا صوب غرفة ام سلطااان ياسر يطالع مزنه ولوح راسه ونزل تحت .مزنه اطالع حرمة اخوووهااا وتصيح بحراره وساااارت عندهاااا ويلست عدالها ولفتهاااااااااا
مزنه وهي تصيح : ميثه تعورتي
ميثه مكسورة : انا شوو سويت لهااا مب شوويه اللي سوووته لي الله ينتقم منهااااااااا
مزنه تسد حلج ميثه بايدهااااااا : سكتي ميثه فديتج لا يرد سلطااان ويضربج مره ثانية سكتي وقوومي ابرك لج تسيري بيت هلج
ميثه تقوووم وتساعدهاا مزنه راحت تغسل ويهااا وساااعدتهاااا مزنه في لم اغرااااضهاااا واتصلت ميثه بأخووووها منصور ايي يشلهاااااااا
في غرفتها شي كبير اللي استوووى بس تستاااااااااهل الخااايسة خلني اعلمهاااا منووو الريم توز سلطاان علي وتقوووله انه حميد ما يريدهااااااا وهيه تصيح عليه بزوالهااااااااا .وشوووية ينفج الباب بقووووووووووو واطالعهااااا
مزنه : مب حراااااااام عليج اللي سويته الحين عيبج اللي صاااار
الريم فاااجه عيووونها : هيه مب ناقصني الا انتي الياهل طلعي براااااااا يلاااااااااااااااااا
مزنه ودموعهاا على خدها : حرااااااااااااااااام عليج يا الريم
الريم اطالعها وتوقف وتسير صوبهااااا ودزهااا صووووووب برا وتبند الباااااااااااااااب بالمفتااااااااااح
جدااام باااب الصالة واقفه ميثه وعدالهااا جنطتهاااا تبى تطلع الحووووش تتريااا اخوووهااااااااا
تصد صوووب الدري عقب ما سمعت صوووته
سلطاااااان : من قالج بتشيلنهم
ميثه فاااجه عيووونها وويه محمر وتلف شيخه ومحمد صوووبهاااااااااا
سلطان يسير صوبهاااا : شيخه تعالي
شيخه متمسكه بأمهااااودموعها على خدهاا ما عارفه شووو صاير حواليهااااا
سلطااان ايي يشلهااااا وتمت تصيح من الخاااااااطر وبصوووت عالي اتييي ميثه صوووبه واطالعه
ميثه : سلطااااان خلاهاااا تعرف ما اقدر اصبر عنهم كله ولا هم دخيلك
سلطان : انتي جب يا الخايسه بعد اللي سويتيه لج عين ترمسين وشووويه هذاااا هذا معناته هلج ما ربوووج حرمه شراات امج ادزيها صدق انكم ما تنعطووون ويه
ميثه دموعهااا بدن يزيدن : انته ما سالتني ليش سويتي جذيه والا
سلطااان قطع صوووتهااا بكف ثااااني خلى الدم يطلع من خشمهااااااااااااااااا وسكتهاااا
مزنه اتيي تركض وتوقف جداااام حرمة اخوووهااا وتصيح
مزنه : خلاص سلطااان دخيلك خلاص
سلطااان يطالع بنته وهيه تضربه تبى تروح لامهااااا وينزلهااااااا وركضت صوووبهاااااااااا
وسمعوااا سيارة داخله الحووووش لفت ميثه عنهم وتغشت
سلطااان يطالعهم : ورقة طلاقج بتوصلج وباخذهم منج عيالي
مشت بسرعه صوووب سيارة أخوهاااااااااااااااا أول ما ركبت وحطت جنطتها ورى وركبت عيالها
استغرب من الخاطر ويلس يطالع اخته بندت الباب
منصور : ميثه شووووو صاير
ميثه تصيح : امشى منصور اطلع من هنيه ابى اسير البيت
منصور و الشرار يتطاااير من عيووونه
منصور: شوو سلطاان. شووو سوووى ويبعد الغشى من على ويهاااااااااااا
ويطالع ويهاااااااااااا ويبى ينزل
ميثه تمسكه وتصيح : دخيلك يا اخووووووووي خله دخيلك جااان انك تعزني يلااااا نروح
منصووور : الهرم و الله انه مب رياااااال خليني اادبه
ميثه : منصوووور وغلاتي يلا نطلع من هالبيت .
شل كلينكسه ويلس يمش الدم من على ويه أخته بحنيه وهيه دموعهاااا ما توقفن من على خدهاااااا
ميثه : يلا منصووور نطلع من اهنيه
منصور مشى ودمه ثااااير معصب من الخاااااااااطر اخته ما تستاهل هذا كله وبعدين توهاااا عشرين سنه الله يسامحك يا ابووويه يوووم زوجتها وهيه صغيرة




يوووووم الخميس الساااعه سبع ونص المغرب بيت بووو حميد بعدهاا الاوضاااع مب هااادية من رجع من البيت ما صادف ابوووه ولا خلى حد يناقشه في السالفه و الحين يتريااااااااااا شمسة وامه عسب يوديهن العرس
شمسة تركب السيااارة : هاااااااااااااااااااااااااااااااااااااااي
حميد يصد صوووبهااا : عيل وينهاا امايه تأخرنااااا على العرب
وشووويه يرن تيلفووونه ويرد عليه
خالد : حوووو وينك
حميد : الحييييييييين ياي
خالد : صارت الساعه ثمااااااااااااااااان خلص
شمسة تفج جامة السيااارة وتصارخ: تعالي امايه هنيه بنسير بسيارة هزااع
حميد يصد صوووبهااا ويخزهااا بعين تسكت.
خالد يبتسم : خلاص برايك اترياااااك وبند عنه
حميد : شووو هالصوووت عنبوو ما تشووفين اني ارمس ريال في التيلفووون
شمسه قافط ويها مستحيه : ترا امايه سارت صوووب سيارتك وزقرتهااا عسب اتيييي
وشووويه تركب ام حميد ويسيروااااا صوووب العرس
وهو من سكر التيلفووون وهو مبتسم من الخاطر تذكر البنت اللي شاافه في ميلس قووم حميد اكيييييييييد هذا صوووتهااا ونفسهااا اللي رمستني يوووم كانت تسأل عن حميد اللي دريته انه ما عنده خت غيرهااااا فديت يا ربي حسهااا من شفتهااا وانا حالتي حاله وزاد حالتي حسهاااااا ياربي مب شمس حياة حميد هذي شمس حياااتي انااااا وزادت ابتساااااامته
عبد العزيز : خالد .خالد
خالد انتبه وطالعه : هلااااا
عبد العزيز : يأشر عليه من بعييييييييييييييييد : تعال اشووووووووويه
خالد يسير صووووبه يشوووف اخوووووه شو يريد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
بدا العرس وكاااااااان العرس حلووو مرتب بطريقة حلوووه وتنسيق فخم وجميل الخيمة الديكورات الفرقة والكوووشة كانت رهيبه و المعازيم مستانسين ترحيب فنان وكل شي يسر الخاااطر
كانن شمسة وامهاااا وسارة وامهاااا اللي يابهن هزاااع بعد رفض حميد القاطع انه يخطف يشلهن يالسين في طاولة وحده وام سارة مستغربه من ام حميد شي فيهااااا مب لين هناك تسووولف كعادتهااا وتضحك ما ادريبه يمكن شي مزعلنهاااااا
وتيي بسمة تسلم عليهن وترحب فيهن
بسمة : هلا فيج يا شمسة من زماااااااان ما شفناج من ايااام الابتدائي و الله كبرتي وحلويتي
شمسه مبتسمة : فديت روحج عيونج الحلوووة اشحالج انتي عساااج بخير
بسمة : الحمد الله يسرج حالي .خذوا راحتكم عن اذنكم الحين بدش العروووس بروح اشوووفهم
شمسة : اذنج معاااج الغلاااااا

الجزء الثاني عشر
مرت الايااااام بسرعه وصااار يووم الثلاثاء باااقي يومين عن عرس حميد وسارة و الكل يحضر ويجهز ومشغووول ابوووحميد كااان فرحته كبيرة ويسعى جاهد انه يكووون عرس كبير وحلوووو والا يشوووفه يقووول حبه لساااره خلااااه يسوي ذااا كله وطبعااا ام سااارة ما قصرت جهزت بنتهااااا من احسن ما يكووون هاااي سارة بنت خليفه لازم تكوون في قمة السعااادة و الجماااال وفكرت انها بنتهااا الوحيدة لازم يكووون عرسهااا يتكلمووون عنه الناس نفس ما يقووول ابوووها الله يرحمه و هالشي اللي قررت واصرت ام سارة لتحقيقه وخالاتهااااااا بعد مااا قصرن و الكل فرحااان لها ومستااانس من الخاااطر .البناااااااات متجمعاااات في الصاله اللي فووووق موزة وبخيته ونورة وميرة وهند ربيعة سارة وسااارة يالسااات يسووولفن ومستانساااااااات توهن مخلصاااااات حنااا ما باااقي الا العروس بعدهااا الحناااية اللي بتحنيهاااا ما يت
هند اطالع سارة : سويرة صااارت الساااعه تسع ابى اروح
ساره اطالعهاااا : يالسين بعده الوقت وترى بيتكم الا فرت حصااااه
هند : لا فديتج لازم اروح امااايه تعرفين انهااا اروحهااافي البيت وانا من الصبح متفيزره عندج
ميرة : انزين صبري اشوويه لين ما تخوزين الحنااا عقب روحي
هند اطالع حناااهاااا : بسه نشف الحين بروح اخوزه
موزة : بعده هند لا تخوزينه خليه عسب يعلقج
سارة : صدقهاا مويز خليه لين بعدين وجاان تبين تسيرين سيري براايه في ايدج
هند تبتسم : اخوووويه محمد بييني وما بيخليني اركب سيااارته جيه بيقولي بتوسخينهاااااااااااا
ميرة : انزين صبري نص ساااعه بعدج عقب روحي
وشووويه داشه ليلااا وفي ايدهااا صينية عصير وبسكووويت وكيك
موزة اطالع ساره : ليش يايبتنه هذي ما تشوووفنا متحنين والا عسب تشهينااا وبس
ساره : هههههههههه لا لاني انا قلتلهااا تيب يوووووووووووووعانه
نورة : عييييييييييل انتي تاكلين ونحن انطالعج
سارة : انزين شوووووو اسويبكن
بخيته : بسيطه يا بنت خالتي لقمينااااااااااا
ساره : ههههههههههه ان شاااء الله
وشووويه ويندق بااااااااب الغرفة وتدخل الحنااايه اللي يايه تحني سارة
وابتسمن البناااااات ويلسن يطالعن سارة
موزة : ها يت الحناااااااااااية سيري بابا تحني ودري الاكل عنج الحييييييييييين
ساره ماسكه عصير وفي ايدهااا بسكووويت واطالع الحنايه : تفضلي
و الله باكل اشوووووووووويه عقب بتحناااااه عيل بموووووت يووووع لين اخوز الحنا هذيلااا ريول وايدين
وعقب شوووي بدت سااارة تحنى ومضى الليل واستأذنت هند وراااااااحت و البناااااااات يلسن يسولفن ويضحكن ويرمسن عن العرس ويت الساعه 1وصاااااح تيلفووون موزة وشااافت الشاااشه وابتسمت
ميرة تبتسم : مويز ابتسمت اكييييييييييييييييييييد هذا بدور ها مويز
بخيته : ولل قبل شوووووويه مرمستنه ما واحى يشتااااااااق لصوووتج
موزة اطالع : بخيته جب انتي وتصد صوووب ميرة : هذاااا مايد مب بدر
ميرة هزت راسهاااا بالايجاااب من بعد مااا رمسته في التيلفووووون آخر مره ما رمسته ولا شااافته
موزة : مرحبااااااااااااا و الله بهالصوت
مايد يبتسم : هلا و الله بمويز شو رقدتن
موزة : لا و الله يالسين نسولف ما رقدنااااااا
مايد : وانا ملااااان اروحي ملطوووع جدااام هالتلفزيوووون الممل ولا يااااني رقاااااد
موزة : ههههههههههه فديت روحك يا ربي شو امايه وخالو رقدن
مايد : طالعات من الصبح يرقدن
موزة : اهااااااااااا يعني تباااااانا ننزل
مايد : هيييييييييييييه تسلني عنبووو
موزة : بس نحن متحنياااااات ومالي خاطر انزل
مايد مبوز : ما احبج يا الدبة
موزة : هههههههههههههههه
مايد : انزين انا يووووووووووعان نزلي سوي لي شي
موزة تبتسم : اقووووووووول لك متحنيا انااااااااااااا طرش لك كافتيريااااااااااااا
ماايد : المهم بندي ما طلع منج فايدة يا العيوز انتي
موزة : انا العيووووز مب منك مني انا يالسه ارمسك
مايد : هههههههههه باي
وبند عنهاااااااااااا
سارة : اشفيه يوووووعااااااااان
موزة : هههه هيه اونه وملاااااااان نزلن سلني
سارة : لو ما يالسه اتحنى كنت نزلت عنده حليله وسووويت له سندويجااااات سيري مويز حرااااااام
ميرة توقف : انا بروح سارة ابتسمت لهاااااا
موزة : فديت يا ربي ميروه اناااااااااااااا
ميره اطالعهااااا وراحت عنهاااااااااااااااااااااا
بخيته : حراااااااام عليهاا لو مارفضت وكسرت بخاطره فديته اخوووووويه من زمان رايدنهااااااا
موزة : الزواج قسمه ونصيب
نورة : تعبااااااااانه ابى ارقد
بخيته اطالع ساره : و الله انهااا سريعه هالحناااااايه ما شاء الله الحين خلصت الايدين وحناااااااها فنتكه
ساره راضيه على الحنااا : هيييييييييييييه حلووو
في المطبخ التحضيري جهزت ميرة سندويجاااات وصبت له عصير برتقال وسااارت صوووب الصاله من وين يالس عند التيلفزيون
كانن البااااب شبه مفتوووح دزته ودشت وابتسمت يوووم لف صووبه
مايد ينش واقف مستغرب انه ميرة هيه اللي دخلت ونزل راسه من بعد آخر مره رمسته ما شااافهاااا ويحس بعمره ما يقدر يطالع في عينهااا وسار صووبها يشل الصينيه وابتسم لهااااا : مشكووورة بنت خالتي
ميرة تبتسم : العفوووو
شل الصينيه وحطهااا فوووق الطاوله وصد صوبهاااااا : اشحالج ميرة
ميرة تيلس على الكنفه اللي تبعد حوالي كرسيين عن مكااان مايد : بخير الحمد الله .اشحالك انته
مايد يلس : بخير
تموااااا ساااكتين فتره ميرة تحس مايد مب نفس اول يمازح ويغاااايض و الله اشتقت لسوالفه
ميرةتبتسم : اشفيك ما تاكل والا لاني انا مسووتنه مب حلوووووووو
مايد وعينه على التيلفزيووون: افااااااااااا ما داام انتي مسوتنه اكييييييييييييد بيطلع حلووووو
ميرة اطالعه مايد زعلاااان مب مااايد الاولي
ميرة اطالعه : تبااني اروح والا ايلس عندك
مايد يشل السندويجه : على راحتج بنت خالتي
ميرة توقف حز في خاااطرها انه ماااااااايد بعده زعلاااان عليهااااا : تصبح على خييييييييييييير
مايد يطالعهااااا مايباها تروح بس هيه يمكن ما تبى تيلس وياه : وانتي من أهل الخيييييييير
ميرة مشت عنه وهو يطالعهااااا و الله يحبهاااااا وايد حس بالخسارة يوووم انها رفضته تحرااا ميرة متعلقه فيه وتحبه شرااااات ما هو يحبهاااااا ويموووت على التراااب اللي تمشي عليهااا تنهد من الخاااااطر ودر السندويجه وطفئ التلفزيوون وراح يرقد غرفة الضيوووف
.بعد ما خلصت سارة متحنيه وراحت الحنااايه تريت حناها ينشف شووويه ورقدت وراحت نورة وبخيته وميرة يرقدن في الغرفة اللي عدالهااااا وموزة رقدت ويااااا سارة في غرفتهاااااااا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
يوم الاربعاااااء الساعه 12 توووه ناش من رقااااااده وراح صوووب الصاله ماااا حصل حد موجود غير ايمااان تشخبط على كراسه وترسم وهذي هوايتهاااااااااا الرسم ورسمهااااااااا فنااااان وايد ودقيق اللي يقووووول مب رسم بنت عمرهااا 16 سنه
خالد يطالعهاا ويبتسم : صباح الخير
ايمان ترفع راسهاااااا : صباح النور
خالد : اشوووفج يالسه اروحج وينهم الباجي
ايماااان : امااايه راحت بيت بسوووم ونصووور راقد وما ادريبهم الباااجي
خالد يتقرب صوووبهااا : شووو يالسه تسوووين
ايمااان تبتسم : يالسه ارسم
خالد يلس عدالهااا : اشوووف شووو ترسمين
كااانت راسمه جرار وحريم واسقى ودلال يعني صورة تحوووي بالماااضي وكااانت صدق فنااانه بالرصاص مرسووومه بعدها ما لونتهااااا
خالد فاج عيووونه : انتي راسمتنه
ايمااااااااااان تبتسم : هيه
خالد : ما شاء الله عليج تعرفيييين ترسمين من متى
ايماااااان اطالعه : من زماااان .اصبر اشوووويه براويك شي
خالد : شوووو هو
ايماااان توقف : اصبر بيب لك لوحه راسمتنهااااااااا اوكييييه .وتركض صوووب غرفتهااااااااودقايق قليله الا وهيييييييييه يايه وفي ايدهاااااا لوحه مطوايه
ايماااان توقف جدامه : غمض
خالد : هههههه يلاا غمضنااااااا
ايماااااااااان تفج اللوحه : افتح
بطل خالد عيووونه ويلس يطالع اللوحه وعلى ويه ابتسااامه وانبهااااااااااااار
خالد : وااااااااااااااااو ايمااااااان و الله انج رسااااااااامه
ايماااااان : شرايك حلوووووووووه
خالد : مب حلوووه وبس الا انتي مبدعه
كانت راسمه اخوانهاااااا سالم وعبدالعزيز وخالد وهم صغاااار
ايمااااان : شليت الصورة من الالبوووم اللي في غرفة بسمة الاوليه وقلت برسمهااا في لوحة
خالد يالس يدقق على الصورة : سالم وعبدالعزيز شافوهااااا
ايمان تيلس عداله : هييييييه واصروااااا انهم ياخذونهاا ورفضت
خالد يطالعهااااااااااا : واناااااااااااااا فديت اختي الصغيروونه
ايمان تاشر بايدهاااااا لالا
خالد : فديت اناا اموني عطيني اياااهااااااااا
ايماااااااااااان تحج راسهاااااا : خلود لا تصر انا ما ابى ازعلك
خالد : لو قلت وغلاتي عندج
ايمااااااااان بدلع : خذهااااااااا
خالد : ههههههههههههههههههههههه وباسهاااا على خدهاااااا
ويلس يجلب الكراسه ويطالعهااا اشيااء وايد راسمه ورود ، طبيعة ، أخووها ناصر .يوووم وصل هنيه ابتسم
ايماااااااان : هههههههههههههه حلوووه
خالد : ههههههههههههه فنانه وراسمه عنده فطاير سندويجااااااااات حرام حليله شافهااااااا
ايمان : هيه وقال وهيه تقلده : ايمان عطيني براويهاااا ربيعي
خالد : هههههههههههههههههههههه
ايماااان : اشتقت لودوم واييييييييييد
خالد ابتسم
ايمااااااااان : متى بيرجعون من السفر
خالد : عقب شهر ما ادري والله
ايمااااان : بتطلع اليوووووووووووووووم
خالد : ليش ؟
ايمان تبتسم : بس
خالد : هههه هيه بسير وياا حميدباجر عرسه ولازم اساااعده هذااربيعي
ايماااان : هيه صح فنااااااااانه بطاقتهم وما شاء الله حلووو هو بعد
خالد يبتسم : هيه حاط صورته في بطايق الدعوة
ايمان : وانته خلووود متى بتعرس
خالد : عقب مااا استقر اشوووي واشتغل بعدييييييييييين بفكر
وشووويه رن تيلفوونه ورد عليه
خالد : هلا و الله اشحالك بوعلي .يسرك حالي ،.خييير ان شاء الله بشر و الله الحمد الله هههههههه الله يبشرك بخيييير زين زين عيييييل بسووي له تيلفوووون مع اني ما شبعت اناا بعدني من الراحه ههههههههه .المهم زيييين الحمد الله مشكووور يا اخووووي ان شاء الله السلااام يوووصل سلم انته الغالي فمان الله .وبند عنه
ايمان : هذا سالم
خالد و الابتسامه شاقه الحلج : هيه طلعن اسماءنا نا وحميد في الاتصالات من يوووم السبت انداوم
ايمااااااااان : و الله مبروك هههههههههه عيل خلااص ما باقي غير الحرمة
خالد يبتسم : شووو عندج وحده تزوجيني ايااااااااااااااهااااااااا
ايمان : هيه شما بنت عمي
خالد يطالعها : شماا شو اباها اربيهااا انا هذي ياهله
ايمااان : تروح ثالث ثانوووي وين ياهله
خالد : ايمانووووا خلي عنج هالرمسه .اتخبرج بدشين علمي والا ادبي
ايمااااااااان : بعد تفكيييييير طويييييييييل ادبي
خالد : زين زين ابااااااااااج ترسميني في لوووحه كبيرة
ايمان تبتسم : ان شاء الله وبرسم وياك ربيعك حميد
خالد : كيف بتعرفييييييييين ملامحه ابى تكوون اللوحه دقيقه جدااااااا
ايماان : ههههه يا فطين من الصورة اللي في بطاااقة الدعوة
خالد يوووقف : اهاااا يا ذكية انزييين انا بروووح ادقله ابشره بالوظيفه عقب بروح المسيد اصلي
ايمان : الله يحفظك
وردت ايمااااان تكمل رسمتهاااااا وتبتسم تحب خالد من الخاااطر لانه اطيب اخوانهااا وأحنهم عليهاااا ويدلعهااا ويعتبرهااااا صغيرة عكس اخوانهاااا اللي يقولولهااااا لو سووت أي تصرف عيب عليج كبرتي بس خالد غيييير وابتسمت ويلست ترسم اليوووم بتبدأ بصورة خالد وربيعه

الساعة خمس العصر في بيت ابوووو حميد وصلت اليازيه اخت ام حميد وبناتها (اليازية متزوجه محمد يقربلهم من بعييييد يشتغل سفير وهم مب مستقرين في البلاااد وعندهم رغد عمرهاا16 وريد13 سنه وآخر العنقوود رهف 8 سنين ) البيت ربشه ومستااانسين لانه الكل متيمع وخااصة ام حميد لانهااا شافت اليازيه الا ما تشوفهااا وايد بسبب ظروف شغل ريلهاااا وأما أختهن مريم في الطريج ما وصلت (مريم متزوجه ولد خالهااااا فيصل ويسكنووون في دبي وعندهم بنت وحده مهاا عمرهااا 19 سنه)

و في الصالة يالسااات ريد ورهف يترين البناااااات ينزلن من فوووق عسب يروحن الصالوون الا تبى تصبغ شعرهااا واللي تقص وهالسوالف وشغلااااات البناااات

دخل هزاااااع اللي يترينه يوووصلهن الصالووون

هزاع يطالع ريد ورهف : هلااا و الله بحسناااوات خالوه اليازيه اشحالكم

ريد : بخييير

هزااع : انتي شووو اسمج و الله اني انسى أسماءكن

ريد : أنا ريد

هزااع يبتسم ويطالعهاااا : ريد والا رايت

رهف : ههههههههههههههههههههههههههههههه

هزاع يسير صوووب رهف : كفج كفج ههههههههههه

ريد مبوزه : مب حلوووووووووووه

وشووويه تنزل شمسة ورغد : السلام عليكم

هزاع :وعليكم السلاااااااااااام ها تزهبتن

شمسة: هيييييه يلاااا

هزاع :كلكن بتروحن

شمسة : هييييييييييييه

هزاع :حتى رايت بتروح

البناااااااات يضحكن

ريد تيلس على الكنفه : انا مب رايحه

هزاااع يروح صوبهااااا : افااااااااا كله ولا ويلس يطالعهاا ويبتسم : الشيخه ريد

ريد مبوزه : ما ااااااا بى

رغد : يلاا ريد بلا دلع قووومي

هزااع يصد صوووب رغد : فديت انا هالصوووت الحنووون اللي يطلع جنه موسيقى

وهنيه رغد احمر ويهاااا غداا شرات الطمااطه

ويصد صوووب ريد : قومي والا بشلج ترااااني

ريد تنش مبوزه ويطلع هزاااع لين الباااب و صد على البنااااااات

شمسه : اوفيييييييي اشفيك تأخرناااااااااااااااااا

هزاع يطالع رغد وريد : صح انتن بتروحن جذيه

ردن يطالعن عمرهن وشمسه اطالعهن

ريد : اشفيناااااااااااااا

هزاع عقد حياااته : انتي لابسه بنطلووووووووووون وقميص و الثانية تنورة وبلا عباءة

رغد اطالعه : نحن ما نلبس عبااايه

هزاع : لا و الله

ريد بتحدي : هييييييييييه ابووويه ولا في عمره سألنااا ياااي تتحكم حضرتك

هزاااع يسير صوبهااااا ويلوي ذنيهااا : انطمي يارايت انتي

وشووويه وتدخل خالتهم مريم وعندهااا بنتها مهاا

مريم ومها : السلام عليكم

الكل : وعليكم السلااام و الرحمة

شمسة : مرحباااااا الساع قربوا قربوااااااا

وسلمن البنااات على بعض

هزااع : مرحباافيج خالوووه اشحالج توه ما نورت العين و الله

ريد ادز هزااع بكوعهااا على خصره : عوذ بالله يا الجذاب تووك قايل لاماايه هالرمسه

الكل يلس يضحك عليه وهزااع احمر ويه من المستحى ويصد صووب مهااا : هلا مهاا اشحالج

مهااا : بخير الحمد الله اشحالك انته

هزاع يبتسم : الحمد الله

شمسه : قربي خالوه. أمااايه وخالووه اليازيه في ميلس الحريم وعااد سمحيلناانحن بنروح الصالوون ونشل ويانا مها

مريم : مرخوصين الغالية

هزاع : اوكييييييييييه يلا الحييييين .ويصد مره ثانية بابتسامه

قبل ما يرمس شمسه قالت : هزااااع لو تميت جيه ترى و الله ما بنسير وياك معذرين بتصل حق الدريووول ايي يشلنااااا

هزااع : ولللللللل يلا انزين

وهيه تمشي اطالعه فديت روحه من زمااااااان ما شفته يكبر ويحلووو صدق من الخاااطر اشتقت له لو يحس بس

طلعن اوول ماااشاف هزاع سيارة خالد ربيع حميد في الحووش وهم في السيااارة لف عليهن

هزاع : اتغشن

تغشت شمسة و مهاااا وكملووو دربهم صوووب سيارة هزااااع اللي اشر بايده على خالد يسلم عليه ابتسم له خالد واشر بايده وزادت ابتسااامتهااا هو يطالعهااااا تمشي شافهاااااا من قبل ما تغشى طاحت عينه عليهااااا

انتبه لربيعه وهز راسه : عنبوووو يقول ميت عندك حد ما جنه باجر عرسك يا ريال

حميد يتنهد : تعباااااااااااااااااااااااااااااان

خالد يضربه على جتفه : هونهااا يا ريال هااااا تأكدت انه كله خلااااااااص ترتووب

حميد ينزل: ماداااام ابووويه يبى الشي كل شي يبكوون ترتووب .انزل يا ريال نسير الميلس

خالد ينزل ويسكر الباااااااب وراه وساروااا صوووب الميلس

خالد :خلاااص رمست سالم اخووي قلته عنك وانا ان شاء الله السبت بداوم

حميد يصد صوووبه يبتسم : مشكور يا خالد

ردله خالد الابتسااامه ودشوااا الميلس

ـــــــــــــــــــــــــــــــــــــــــــــــ