الموضوع: رواية دار الزمن

(عدنا للقصة)
كان ان احنا نروح بس يومين في الأسبوع لمدة 6 أسابيع يعني كانت المده قصيرة
انزين في اليوم الثاني رحت انا وحسنو وماكان في الصف أحد وقعدنا نشخبط على الطاولات وحسن قاعد على كرسي المعلمة ومقابلني ويشخبط
انتبهت على صوت الباب شفت بنية شكلها جديدة ومو عارفة شتسوي و هي واقفة ومو عارفة شلون تطوف لأن حسنو قاعد في المكان الي يطوفون منه
أنا: أبو الشباب
حسن: ها تقصدني أنا ؟
أنا شفته مفهي قلت بسوي فيه مقلب
انا: لا الي وراك
عاد حسنو طالع وراه الغبي وتفشل لأن شاف البنية واقفة وسيده تباعد وصار وجهه طماطة
وأنا قعدت اضحك عليه
عاد جت المعلمة
وعرفتنا على الطالبه الجديدة
المعلمة تأشر على الطالبة الجديدة : شسمج يالحلوة؟
الطالبة: اسمي زهراء
وعاد انا من شفت هالبنيه قلت لحسن انها مغرورة مادري ليش
عاد مرت أربع حصص تقريباً يعني أربعة أيام وباقي على نهاية الدورة ثمانية أيام وانا كنت احس بملل في المعهد مافهم شي ولا شي وكنت انتضر بس آخر يوم
في هاليوم عاد ماجا وياي حسن قال بيجي ويه ابوه
أول مارحت دخلت الصف شفت زهراء قاعده انا سلمت ومادري اصلا ردت او ماردت لأن ماسمعتها قلت يمكن صوتها ماينسمع رحت وقعدت مرت عشر دقايق انتضر حسنو هالغبي تأخر واااجدوزهراء كانت قاعده ولا مهتمة تلعب في تلفونها مادري شتسوي المهم ولا كأن أحد قاعد اصلاً يعني مو مثلي كنت مستحي ومتردد لأن من أول الحصص كله نتهاوش قلت بطلع بره لأن اصلا مادري وش فيي
عاد بعدين وصل الشيخ حسنو ودخلنا الصف وجوا ربعها اكتشفنا ان هم ربع مسوين شله وجاين مسجلين في المعهد
وبعد ماجت المعلمة الحصة وقامت تشرح بعدين قامت تدور لينا شي تعطينا اياه
المعلمة: يلا أحمد انت كله تقول اني كله اقوم البنات يشاركون وانتون ماهتم فيكم يلا قوم اقرا هذي الفقرة
سمعت وحده من البنات تقول: مشكل كأن هم يعرفون شي او يهتمون عاد ،أظن إنها كانت زهراء
انا سكت عنهم عاد يوم شفت الكتاب انصدمت
أنا: واااجد كبيرة الفقرة خلي وحده من العبقريات تقراها
زهراء: اني معلمة بقراها
في هالوقت قلت لحسن: تقول لي مو مغرورة هذي شكلها واجد متكبرة ومغرورة
حسن: انا صراحة ماشوف فيها شي انها قالت بتقراها انت مادري وش فيك
عاد هي قامت تقرا وأنا احاول افهم شي صراحة ولا ادري هي في وين وصلت تقرا كانت بسرعه عاد قلت بسوي حركه اخليها تنتبه لروحها
احمد: بال بال طيران الخليج
لكن زهراء هالمرة ماردت مو متعود منها تسكت
سكتت وكملت القراءة
ملاك: تيجر شوفيهم مايخلونا ننتبه يسوون ازعاج كله يهدرون
انا قمت اعيب على صوتها سويت روحي بنية:ويي صدق احنه واايد مزعجين واي واي
عاد اهني الكل ضحك حتى المعلمة لأن ماكانت متوقعه مني مثل هالحركةوعلى فكره حتى زهراء قامت تضحك
(نطلع من القصة شوي stop)
(الحين في الواقع)
علي: انزين الحين ويش الزبده نبي نعرفها
عبد الله: اي ويش الجبنه نبي نعرفها؟!
أحمد: وااجد ظريفين انا قاعد اقوليكم القصة فانطموا واسمعوا لا اكنسل
علي: لا كمل كمل
(عدنا للقصة هع p:
المهم مرت عن ديك الحصة تقريباً سبع حصص يعني بقوا حصتين وعاد الحصص الي طافوا مامروا بسلام كله هواش وأكثر شي ويا زهراء لأن زهراء ماكانت تحب تسكت عن حقها وأنا كنت اعاندها واخلي حمصتها تحترق مادري ليش كنت استانس إذا هي تعصب
وصارت تكرهني ماتطيقني كلشش كله هواش ويايي

هععع كلمه خيو عندنا عادي للولد وللبنت :)-
----------
وعلشانج يالغـلا الحين بكمل



المهم عاد في يوم في نهاية الدوام قلت لحسن ان نروح نداور على مايجي اخوه يوسف ووافق
ورحنا ندور ونجنن الجهال مال المعهد الهبلان للحين أذكرهم عاد واحنا نمشي شفنا بنية تمشي قدامنا متقدمه عنا شوي شكلها خايفة تمشي أصلاً لأن بروحهاوأظن إنها كانت خايفة تمشي لأن كانوا وراها صبيان في مثل عمرنا أو اكبر منا بسنة كانوا يمشون وراها ويتحججون وهي عاطتنهم (السيين) لأان كانت خايفة
قعدنا نسولف ونهر وهي يوم سمعت ان في صبيان غير وراها صارت تمشي بسرعه مادري يعني ليش هي خافت أو طلعت من الخوف الي كانت فيه
عاد دخلت زرنوق وراحوا وراها الصبيان يوم مرينا على الزرنوق انتبهت ان البنية هي نفسها زهراء وكانوا الصبيان محاصرينها ويتعلفون وأنا ماكنت ادري وش اسوي سحبت وياي حسنو وانتون تعرفون حسنو موته المضاربه ونطيح فيهم طيح نتفناهم
7
7
(الواقع الحين)
عبدالله: قوم علوووه قم جيب نفيش المقطع لا يفوت
علي: انجببب انت احمد كمل كمل شوقتني صراحة
أحمد: هههه انزين انتون سكتوا علشان أكمل
علي:اكو سكتنا يلا كمل
انزين نرجع للقصة
يوم طحنا فيهم ضرب هربوا
وأنا مادري أصلاً ليش دخلت روحي في الموضوع يمكن لأن انا كنت أعتبر زهراء مثل اختي ومارضى عليها ويوم دلاك هربوا طالعت زهراء كانت واقفة تطالعنا ووجها كله دموووع انا أول مره اشوف زهراء ضعيفة جدي وخصوصاً قدامي لأن هي كانت ماتحب تبين روحها ضعيفة وانا اعترف انها قوية وماتحب تسكت عن حقها
ماشفت روحي الا اقول ليها: ليش كنتين تمشين بروحش
زهراء وهي مو عارفة تتكلم من االصياح:اني كنت بروح بيت عمتي لأن قريب ومافي أحد يجي لي يوديني
أنا: وين بيت عمتش؟
زهراء: قريب ماباقي عليه شي
أنا : حسن انت روح انتضر يوسف إذا جا روح وياه أنا بوصلها وإذا انتون مشيتون بتصل لفيصل يجي ليي
حسن: اوكي
زهراء كانت واقفة ومو عارفة شتسوي فشلانه من الموقف الي صار: لامايحتاج بيت عمتي قريب
أنا: لايحتاج يلا امشي
أنا في داك الوقت صراحة ماكنت ادري ليش سويت جدي وليش كنت خايف عليها لهدرجة !! يمكن لأن في داك الوقت كنت اعتقد إنها مثل اختي
وعاد وصلتها بيت عمتها وطلع بيت عمتها مافي احد تخيلوا!! يعني تحمد ربها إن انا بقيت وياها
(الواقع الحين)
عبد الله:يعني كل هالبلاوي الا صارت وآخر شي بيت عمتها مافي أحد صدق هبلة
أحمد: انت اسكت واسمع السبب
نرجع للقصة
أنا في ديك الحزه مادري وش اسوي قلت ليها: ليش ماتصلتين قبل
زهراء من الفشيله الثانية الا صارت ليها حطت الحره فيي انا:اول شي لأن تلفوني مافيه كردت انزين وثاني شي اني قلت لبيتنا ان اني بروح بيت عمتي وعمتي ماتطلع هالحزه مادري ويش صاير اليوم كل شي ضدي
انا تعاطفت وياها شوي قلت هي مو قصدها تحط الحره فيي من المواقف الا صادتها وحطيت روحي بدالها: انزين امشي نرجع المعهد واتصلي لبيتكم من تلفوني
زهراء: اوكي
يوم وصلنا صوب المعهد ماكان في احد وكان قريب بيأذن أذان المغرب
عاد اتصلت لأبوها وقال ليها عشر دقايق وهو عندهاصكت التلفون ،،
زهراء: يلا اتصل لبيتكم يجون ليك الصراحة ماعرف شلون اشكرك أول مرة احس ان فيك شويه من الطيبة
انا في ديك الحزه قلت في قلبي مغروره وبتظلين مغروره طول عمرش
انا: انا اصلا طيب من زمان بس من يقدر، وانا مابتصل الحين بكمل جميلي لين يجي ابوش بتصل ليهم اخاف بعدين اتصل وتبنجر سيارة ابوش وتبقين بروحش ويجون ليش دلاك الصبيان ،، انا قلت جدي بطريقة مزاح
زهراء: تتطنز ها لكن ماعليه بتشوف بتطيح في مثل موقفي بعدين بتقدرني يالمغرور
انا اهني ماقدرت اجود روحي تقول عني مغرور واسكت قلت ليها: محد مغرور غيرش
زهراء: صدق مغرورلو ماكنت بعيد عني شوي شان فلت عليك الدفتر على راسك علشان تعقل
انا: حشى حشى هذي مو بنية صبي جزات خيري واقف وياش واساعدش لكن ماعليه بروح وبخليش بروحش اهني .سويت روحي بمشي وانا اصلا امزح ماكنت ابي امشي بس ابي اشوف ردت فعلها
زهراء: لابس خلاص اقعد اهني اني المغرورة اخاف دلاك يردون يرجعون
انا اهني في هالموقف ماقدرت اتحمل موقفها فقمت اضحك واضحك وحتى البنية لعنت الساعه مسكينة الا عبرت فيها عن خوفها
أنا: اوووه طلعت زهراء تخاف بعد
زهراء: لاجايفني ويش مو انسان؟
انا: الصراحة اي
قامت تطالعني بنظرات كأنها خاطرها تعطيني كف اشوى انا مو اخوها لو اخوها شان مابقى فيي ضلع صاحي وهذا الي مشجعني له انا مو اخوها ماتقدر تسوي لي شي


بعدين كسرت خاطري لأن ماعرفت ترد قلت ليها: امزح انتين انسان خخخ
هي سوت روحها ماتهتم لرأيي قالت: انزين انت بيتكم أي دوار؟
قلت ليها : ليش بتخطبيني؟!
الا تسوي: حدك بااايخ
انا: شرحت ليها وين بيتنا
زهراء: امم يعني قريب من بيتنا انزين ليش ماتجي ويانا وتخلي ابويي يوصلك
أنا: الا اذا كنتين ماتبيني عاد
زهراء: سخيف حدك
وبعدين جا ابوها وقالت ليه علشان يوصلني وبعدين رحت وياهم يعني طبعاً انا الي قعدت قدام لأن انا صبي يعني
7
7
علي: أكيد هي انقهرت
أحمد: حدهاا ماتتصور
عبدالله: وانت شلون عرفت إنها منقهرة
أحمد: صبر له بقول ليكم
علي: انزين يلا خلص
يوم في السيارة
ابو زهراء: وليش مارحتين بيت عمتش؟
قالت ليه زهراء السالفة من طأطأ لسلام عليكم
ابو زهراء: اي ماشاءالله عليه احمد ولد عائلة محترمة
عاد انا ابتسمت يعني أكيد لين واحد يمدحك بتستانس
ماشفت الا زهراء تقول : اي حددده محترم ماشااء الله عليه هي،( تقول جدي تبي تبين ليي ان العكس يعني)
ابو زهراء: وين بيتكم؟
شرحت ليه بيتنا وقال انه يعرف ابوي وقعد يمدح في اصلنا
ابو زهراء: اي ماشااء الله عليك ولد عائلة محترمة
(وبعدين وصلني البيت وقال لي سلم على ابوك )
7
7
أحمد : الساعه كم
علي: اثنعش الا ربع
أحمد: باال انا لازم اقوم باجر اول يوم جامعه ماقدر اتأخر
عبدالله: اقعد كمل هاليومين الباقيين بسرعه لاتقوم الا مخلصنهم احنا بعد وياك في الجامعه لاتتهرب بديت القصة كملها
أحمد:خخخ اوكي بقوليكم عالسريع
واليوم الي بعده يعني تدرون هذا اليوم قبل اليوم الأخير
دخلت انا وحسن الصف وتوقعنا نشوف زهراء قاعده لأن دائماً كانت تجي أول وحده لكن ماكانت هناك استغربنا يعني أول مرة قلنا يمكن متأخرة
عاد بعدين يوم جت المعلمة وجت سارة وياها ملاك
سألت المعلمة عن زهراء
المعلمة: شفيها زهراء للحين مايت مو من عوايدها تتأخر
ملاك: زهراء مريضة
سارة: اي مصخنه
انا استغربت صراحه توني شايفنها من يومين مافيها شي صدق يعني المرض مايخلي أحد في حاله
المعلمة: ماعليها شر وقامت كملت الدرس.
وعاد هذا اليوم كان هادئ مافي تعليق ولا هواش لأن مو اهني زهراء له مافي أحد نتهاوش وياه
ومر هاليـوم على خير الا بالنسبة لزهراء يعني لأنها مريضة وماعتقد إنها كانت بخير


وبعد يومين رحت المعهد وهاليوم رحت انا وحسنو من وكت حتى الليتات مال المعهد ماشغلوها<<حشى خخ
رحنا الصف وقعدنه نشخبط مثل أول يوم جت فيه زهرااء بااال من زمان مانشخبط يعني بس اول يوم وآخر يوم لأن زهراء تجي أول وحده مانقدر نشخبط
7
7
عبدالله: تشخبطون وش تكتبون
أحمد: ويش يذكرني وش كنا نكتب اعتقد ايميلات احرف ارقام المهم ان جدي يعني
علي: اي مغازلجيين
أحمد: خخخخ مالت عليك
عبدالله: انزين كمل
أحمد: انزين هذا اليوم كان عجيب ومو عجيب لأن مو حليو أنك تعودت على ناس وبعدين تخليهم
علي: حشى هذي مو ستة أسابيع
أحمد: حتى لو كان أسبوع بالنسبة لي انا ماحب صراحة شعور غير رائع
عبدالله: خخخ انزين كمل يبو شعور غير رائع
أحمد:المهم عاد واحنا نشخبط هالمرة دخلت زهراء
زهراء: السلام عليكم
انا وحسن: وعليكم السلام
هالمرة انا الي كنت قاعد في المحل الي يطوفون منه لأن حسن خاف يقعد وبعدين يصير ليه نفس داك الموقف خخخ
عاد انا نسيت اتباعد
جت زهراءوقالت: واني إن شاء الله شلون اطوف
انتبهت لروحي وتباعدت بدون كلام لان للحين ماأعلنت الحرب قلت بخلي شوي للحصة بنخفف عليها توها صاحية من المرض ههههه
عاد في الحصه قلت بعلن الحرب
رن تلفون زهراء
انا سيده صرخت: معلمة مايصير جدي صراحه احنا نفكر وهي تسوي لينه ازعاج بتلفونها
المعلمة: زهراء سوي تلفونش سايلنت
زهراء: معلمة هذي بنت عمي برد عليها بسرعة
انا: لا لا بتزعجينا أكثر
زهراء عناد لي شالت التلفون وبعد ماصكته سمعتها تقول: الظاهر اليوم مابينتهي الا بطراقات
انا اهني ضحكت بالقوة
المعلمة: يه شفيك أحمد استخفيت
زهراء: تيجر هو مو توه مستخف من زمان على فكره بس محد منتبه
أنا: محد مستخف غيرش
حسن: اي سكتوا عن ولد خالتي يلاا
ملاك: انتون سكتوا مو تلفون هذا الي رن حشى حشى
حسن: ولا بعد حاطه ليها مدافعين .
زهراء: انت ليش تدافع عن ولد خالتك هالهبل بعد له
أنا: معلمة جوفيها تغلط
المعلمة: يلا خلاص سكتوواا وآخر مرة احد يشيل التلفون وكلكم سوووه سايلنت
أنا: مشكل اليوم آخر شي
المعلمة: انزين أحمد لاتتكلم ترى بطلعك برا
زهراء: اي تيجر زين ماتسوين فيه
أنا: مايصير مايصير مو بس انا ظلم ظلم
المعلمة: حتى زهراء الحين إذا سمعت ليش صوت بتطلعين وياه برا
ملاك: معلمة هم الي يبدون
المعلمة: انزين خلاص سكتوا ونقلوا الفقرة الي على السبورة
وبعدين خلص الوقت وطلعنا بره عاد أنا فيي حره مو قادر اسكت عن زهرو لازم اطلع حرتي فيها لازم توقيع قبل لاتروح
وقفت انا وحسن بعيد عن البنات بشوي ننتظر ولد عمي فيصل
وبعدين جوا لملاك وسارة وبقت زهراء بروحها
وانا حالف ماتتحرك الا بتوقيع ماامشي من هناك الا بشي يقهرها من زود قهري
7
7
عبدالله: بل وش بتسوي فيها كل هذا علشان تبي تقهرها علشان انت تستانس خخخ
أحمد: اي تقدر تقول ههههه المهم رحت ليها وقفت تقريبا في جهتها وسويت روحي اسولف ويه حسن
أنا: شفتها اليوم تشلخ تقول بنت عمها الي اتصلت ليها ابصم ليك بالعشرة مو بنت عمها واحد غير
حسن: اي انا بعد أقول جدي
أنا: بس ازعجتنا وخلت المعلمة تزفنا وهي الي مبدية
حسن: خخخ مشكل حصلت زف هي بعد
انا انتبهت ليها انها كانت تسمعنا وش نقول بس كنت انتضرها تجاوب تقول شي تنفعل كانت ساكتة وتسوي روحها ماتسمعقلت ماالي الا الفكره الجهنمية الا مايحبونها البنات.
أشرت ورا ماكانت واقفة زهراء قلت: وزغه وزغه طالع حسنو وزغه كبيرة
وتطفر ليك زهراء ديك الطفرة وياها صرخه كل الي كانوا هناك انتبهو ليها واقوم ليك من موقفها اضحك ضحك والله العظيم ماضحكت مثله
7
7
عبدالله:ههههههه الله يغربل بليسك
علي: ماصار فيها شي له؟
أحمد: قامت تصيح هههههههه
عبدالله:مسكينة ماتسوى عليها ورطت روحها ويا واحد مجرم مثلك
أحمد: انقهرت علي حدها وبعدين جا ليها أبوها وأخذها تخيل آخر يوم وقعت عليها توقيع مابتنساه طول عمرها هههه
علي وعبدالله:هههههه
أحمد: لكن الحين نادم يعني من بتذكرني بتذكر سواياي وياها ومتأكد كرهتني كره خخخ
علي: خخخ قصةالصراحة ولا في الأحلام
عبدلله: اي جتني النومة روعه صراحة مافي قصة غيرها
أحمد: قوموا ذلفوا عن وجهي تطنزون ها ،انزين انا الحين بقوم الساعة اثنعش ونص علشان اتسبح واجهز روحي لأول يوم جامعه
علي: ايي أول يوم جامعه كشخه كشخه
أحمد: يلا مع السلامة أشوفكم في الجامعه
علي وعبدالله: الله يسلمك
تجمعوا الربع في الجامعه
حسن: يلا شكلنا تأخرنا
علي: وش فيك مستعجل على رزقك توها الناس
أحمد: خله منزهق انه وصل الجامعه مو مصدق ان هو في الجامعه هههه
علي وعبدالله:هههههه
علي: ماعليه الأيام جايه وبتكرهها
أحمد: وين يكرهها وكل هالأشكال اهني
حسن: هي انتون واجد مصختونها انا عندي مره
علي: اي صدق شخبارها وياك أمس
حسن طالع أحمد فهم إن أحمدو قال ليهم: زينة تسلم عليكم
عبدالله:ههههه صدقنا لكن ماأقول مالينا اللا الله محد يسأل عنا
علي: وأنت كله تسوي روحك تكسر الخاطر
عبدالله:انا اقول الصدق له انا اكسر الخاطر محد يسأل عني ،، قام يسوي روحه باقي شوي ويصيح
حسن وعلي: ههه اي واجد مسكين تكسر الخاطر
أحمد قام وسحب الكتاب الي عند عبدالله ومشى بسرعه
وقام عبدالله يلحقه
عبدالله: جيب الكتاب سويتنا جهال
أحمد يطالع وراه: تقول تكسر الخاطر واحنا وياك وماكمل كلامه الا هو راقع في بنية
البنية: آسفة وفي نفس الوقت
أحمد مو عارف وش يسوي تفشل: آسف ماكنت منتبه
البنية مو عارفه شتقول من الفشله: لا عادي ماصار شي
وقام أحمد يشيل أغراضه الي تنفروا وهي بعد قامت تشيل أغراضها وكملت طريقها ويه ربعها
عبدالله: ههههههههههههااااااااااي وييييليييي
أحمدوو أحول ويو ويو
أحمد متفشل حده: اسكت لا ادوس في بطنك اهني
حسن وعلي:ههههه
حسن: أحمدو ماليك حل تضحك وأنت متفشل
أحمد: الحين عاد ولا بيسكتون
عبدالله: تصدق لكن حليوة
أحمد: احس كأني شايفنها من قبل
حسن: في وينه يعني في القهوة خخخخخخخ
علي وعبدالله: هههه اي يمكن
أحمد: بايخين حدكم
علي: هي انتون لا تتكلمون على البنية مايصير الظاهر كان وياها خطيبها
عبدالله: اي كان وياهم صبي
حسن: عجل أحمد خلاص مافي أمل تصير ليك خخخ
عبدالله:هههههه حلوة حسون حلوة
أحمد:انا من قص علي وقال لي امشي وياكم ،، قالها عن طريقة مزح وهو يضحك
كملوا المزحه وياه،،
حسن:قوية والله قوية
علي: افا بس افا
أحمد:ههه امشوا يلا تأخرنا، وكملها وقال : على هالأشكال الي عليكم

البنية الي دعم فيها أحمــد كانت زهراااء<<<تخيلوا الاي فن
زهراء: هههه انزين خلاص سكتوا بلعتوني وش فيكم والله حاله
ملاك: تستاهلين علشان هالمرة ماتعيبين عليي يوم اطيح
عماد اخو ملاك: خلوها في حالها بكبرها صايرة طماطة من الموقف
سارة: ايي لو اني بدالها ماتكلم
زهراء: خخخ
ملاك: انزين يالمرشد يلا علمنا وين نروح الحين
عماد: امشوا ورايي
زهراء تكلم ملاك: مصدق عمره هذا المغرور
ملاك: وانتين من ماقلتين ليه مغرور كل الناس عندش مغرورين ولا عاد أحمد الحب الأول
زهراء: انجبي اي حب واي خرابيط كنا جهال وكان مجرد إعجاب
ملاك: لكن تصدقين هذا الي رقع فيش شايفتنه من قبل
زهراء: اوهو رجعنا لهسالفة
سارة: وش فيكم انتون تساسرون
ملاك: مافينا شي

بعد ماخلص وقت الجامعه رجع أحمد بيتهم
أحمد: السلام عليكم
أبو أحمد: وعليكم السلام ها شخبار أول يوم؟
أحمد: الحمدللهمشا اليوم على خير
أبو أحمد: الحمدلله الله يوفقك ياولدي
أحمد: الله يسمع منك يلا انا أستأذن بروح ارتاح شوي
أبو أحمد: مابتتغذا اكو امك طابخه خوش طبخه
أحمد: انا اكلت في الجامعه وشبعان حدي
أبو أحمد: اوكي عجل روح ارتاح ليك كم ساعه علشان اليوم بنطلع ويا بيت خالك
أحمد: اي اشوى ذكرتني
راح أحمد غرفته وحط كتبه فوق الطاولة الي كانت بغرفتهتسبح وصلى.وراح على سريره انتبه فوق الطاولة دفتر وردي بنوتي غريب راح أخذ الدفتر من على الطاولة وقعد يفرفر فيه يقول في قلبه لا يكون أخذت دفتر البنية يوم ادعم فيها ياربي ناقص انا بلاوي حط الدفتر مكانه ورجع السرير وناااام.
المغــرب.
منال اخت احمد الوحيدة عمرها17 سنة دخلت غرفة أحمد: أحمدوو يلاا قووم كلنا جهزنا قوم جهز روحك راحت صوب سريره وشالت للحاااف ،، يلااا قوووووووووووم الكل ينتضرك
أحمد: انزين ذلفي بره الحين بقوم
منال: انزين لا ترد تنام
أحمد قام من على السرير : انزين انا بجهز بسرعة انتين قومي عدلي هالكشه الي عليش
منال وهي تصك الباب : ماعليك من كشتي الا يقول الحين شعرك حرير واجد علشان تفوشر علي وصكت الباب وطلعت
أحمـد ( أهمشي شعري احلى من شعرش ) راح جهز روحه وتكشخ توه بيطلع شاف الدفتر الوردي وراح خلاه على السرير علشان يتذكره بكرى ياخذه وياه
في السيارة:
أحمد:وين قرروا يتجمعون
منال: الكورنيش
أحمد : انتين سكتي يم كشه انا اسأل ابويي
منال: ويييع
أبو أحمد:بسكم هواش عاد ايه قرروا يتجمعون في الكورنيش
منال: شاف روحه هو الي يسوق السيارة نفخ روحه
أحمد: سمعي انتين لاتتحججين لا اوقف السيارة وانزلش بروحش في الشارع تمشين
أم أحمد: إنا لله وإنا إليه راجعون . انتون يعني متى طلعنا وماتهاوشتون في السيارة انتبه ياولدي لاتسبب لينا حادث الحوادث زايدة هالأيام
أحمد: إن شاء الله علشانكم بس مو علشان هالجنية
منال: ماااااالت
سكت عنها أحمد علشان أمه




يوم وصلوا الكورنيش وسلموا على اهلهم حسن وأحمد راحوا يتمشون صوب البحر
حسن: ليش قومتنا جان خليتنا نقعد وياهم
أحمد: او نسيت حبيبة القلب اهني سامحني حبيبي
حسن: اييه نسيت قول متعمد
أحمد: اي متعمد عجل انت تقعد ويه حبيبتك وأنا لا
حسن: مالت عليك يالهيس ، انت حصل حبيبتك بعدين عارض
أحمد: آآه ،،إن شاء الله بحصلها
حسن:وين بتحصلها هذي شكلها جنية تندعس في اماكن ماتتحصل فيها
أحمد: خخخ ، قلت ليك إن شاء الله له بس خلاص سد السالفة .
حسن: وإذا ماحصلتها مابتتزوج يعني
أحمد: ديك الساعة يحلها ألف حلال
حسن: بتحصلها حشى مو مهاجرة هي وبيتهم قريب من بيتكم بس عليك تعرف تحبك او لا
وبعد خمس دقايق اتصلوا ليهم قالوا ليهم يرجعون يتعشون
أحمد: جاك الخير
حسن: هههه،، يلا مش خل نروح
أحمد: تبيها من الله انت
حسن: خخخخ،، محد فاهمني غيرك
ويوم وصلوا قعدوا ويا ابوهتهم وخيلانهم
حسن يساسر احمد: طالع اختك منال تساسر فاطمة تطالعنا وتضحك
أحمد: انت بعد ساسرني واضحك
حسن: ماعندك الا هالحل مالت عليك
أحمد: عجل وش تبيني اسوي يساسرون ويضحكون وش اسوي انا بعد لا تراقب خلاص بتموت بعدين
أبو حسن:حسن
حسن: نعم
أبو حسن: روح ود علاوي اخوك لامك اكو يصيح
حسن:إن شاء الله
أخذ اخوه الصغير علي وراح بوديه لأمه .
يوم وصل وعطاه أمه. حسن طالع منال وفاطمة نظرة سريعة وتوه بيمشي
فاطمة: حسن ناد في طريقك سلمان اخوي
حسن سيده وقف مستانس يوم كلمته كانه يبغيها من الله
حسن في قلبه من عيوني: اوكي
يوم مشى حسن
منال: هذا احس طبايعه غريبه
فاطمة: ليش يعني
منال: مادري احسه مليئ بالأسرار
فاطمة: أقول سكتي يالمحللة النفسية لا تجننيني
منال: خخخخ
حسن يوم وصل للرجال: سلمانوا يبونك ؟
سلمان اخو فاطمة عمره 15: من الي يباني
حسن: اختك فاطمة
سلمان: اوهو وش تبي في هالهبلة بعد
حسن: تبيك بعد وش تبي فيك روح شوف وش تبي صدق خايب
سلمان: انزين الحين برووح
عقب ربع ساعه رجع سلمان
سلمان: لوزين مارحت
أحمد: ههههه وش سوو فيك هالسحليات
سلمان: طرشوني اروح اشتري ليهم وهناك زحمة كنت مابشتري ليهم بس لان عطوني علشان اشتري لي بعد
أحمد: صدق مصلحجي
حسن: ليش ماخلوني انا الي روح
سلمان: ليش تبي يعطونك تشتري لروحك
أحمد ضحك على أسلوب سلمان لأنه فهم غلط: ههههههههههههه
حسن: لا يالغبي بس انا مثلك صبي ليش ماطرشوني يعني مشمعنى خلوني اجي اناديك
سلمان: وشدراني انا،، ومشى
أحمد: يستحون يمكن
حسن: اي دلين يستحون طل كم مرة طرشتني منال اشتري ليها
أحمد: يمكن فاطمة تستحي منك
حسن عصب: مالت عليها لازم ماتستحي مني
أحمد: خخخخخخخخ
و بعدين استانسوا . ورجعوا بيوتهم متأخر الساعه 12:40
أحمد يوم وصل بيتهم سيده بدل وانبطح على السرير من التعب فتح عيونه شاف صوبه الدفتر
اخذه قال بيشوف وش اسمها
فتح اول صفحه مكتوب يومياتي وتحت مكتوب اسم البنية ((زهراء محمد حسن ))قام مرة وحده من على السرير
أحمد بصدمة:زهراء!! ،،(طارت النومة) لا يمكن وحده ثانية نفس اسمها ،،

معقولة الزمن بيرد يجمعنا فتح الصفحه الثانية شاف مكتوب .
15/7/2004 مـ ( أول يوم في المعهد) وقعد يقره وهو منصدم كل الي يقراه نفس الي قاله في القصة كانها سامعتنه ومسجلتنه قعد يقره صاده فضول يبي يعرف وش كاتبه عنه شاف مكتوب ( كان ويانا واحد حليو كنت ابي اعرف اسمه وطلع اسمه أحمد) أحمد: الله انا حليو توني ادري فر الصفحه الي بعدها شاف مكتوب( اكتشفت انه مغرور مايناسب عليه ) اهني أحمد ضحك ، أحمد: كأنها سمعتني وردت تقول حليو واذا استانس تقول لي مغرور ، تذكر سوالفها وهواشهم ،، وقعد يقره وكلما يقره شي يذكره بالأشياء ،، قرأ عن يوم كانت بتروح بيت خالتها ولصبيان يتعلفون ابها وهم دافعوا عنها كانت كاتبة(اصلاً اني انزهقت ماتوقعت هالمغرور يدافع عني ) أحمد يقول في نفسه: حتى في مذكرتها كاتبه اني مغرور حشى واصل القراءه ( لكن مسكين وقف ويايي وساعدني ) صارت الساعه 2 الفجر وهو للحين يقرأ في هالمذكرة ( هذا اليوم ما رحت المعهد لأن صادتني انفلونزا وذبحتني ماقدرت اقوم خسارة فاتني يوم كامل ماتهاوشت فيه) أحمد: طلع حتى هي تستانس إذا تقهرني خخخ، وصل لآخر يوم في المعهد شافها كاتبه(آخر يوم كان المعهد كشخه، كله هواش ، هو صح اني اتهاوش ويا احمد لكن اني مااكرههـ ) اهني احمد تطمن استانس (بس خسارة والله مو حليو آخر يوم ، مو حليو إن إذا شخص يتعود على ناس وتالي يخليهم ) احمد: تبوق كلامي بعد،،قام يقره بسرعه يبي يوصل لتوقيع الي سواه ليها يبي يشوف وش كاتبه عنه ( كنت واقفه ماشفته الا يصرخ ويأشر ورايي ويقول وزغه شان اطفر واصرخ صرخه عمري ماصرختها تفشلت حدي ومن الفشله قمت اصيح ، وقاموا يضحكون عـليي ، انقهرت عليه ، بعدين مشيت واني كان خاطري انتقم كنت اتمنى ان اني انتقم بس ماصار وقت ، وانتهت أيام المعهد لكن كنت اتمنى لو ترجع ) ابتسم احمد وارتاح ظميره لان طلعت ماتكرههـ صك الدفتر لأن خلص الي يبغيه مايبي يتجسس أكثر ،، احمد: وأخيراً حصلتش يازهرو ، حشى وينه منخشه ، بل شلون بعطيها الدفتر باجر وين بحصلها وشدراني وش ماخذه هي ، حتى لو حصلتها ماقدر اطالعها اخاف تعرفني ، لا ماعتقد تعرفني بعطيها الدفتر وبمشي ولا كأني قريته وسويت شي أكيد تدور على دفترها الحينلكن تستاهل محد قاليها تاخذه وياها الجامعة لهدرجة ماتقدر تفارقه،، وقعد يهر ويا روحه لين مانام.
في بيـت زهراء زهراء مو عارفه تنام تفكر في دفترها الي ضاع لأن هو علطول وياها محد يقراه غيرها
زهراءتكلم نفسها: ياربي أكيد الصبي الي دعم فيي شال دفتري وياه ،، ونامت وهي تفكر في دفترها
في الجامعه بعد يومين (الأحد):-
احمد: انزين شباب انا استأذن بروح شوي وبجي
حسن: وين بتروح بعد
أحمد: بروح وبجي مابتأخر.وتباعد عنهم.
عبدالله: اي حسون يقولون تقدمت لحبيبة القلب
حسن: احم احم ايه له
علي: اوه صدق مبروك مبروك متى الخطوبة إن شاء الله
حسن: خلها توافق هي اول بعدين بقوليك متى الخطوبة انا بس خليت امي تكلم امها امس
علي: يعني هي غبية بعد مايبي ليها تفكير انت مافي مثلك لو انا بدالها شان سيده اوافق
حسن: لو انت بدالها شان انا الي اكنسل
عبدالله: هههههههااااي مسكين فشلوه، حسون لو انا اصلح اكون بدالها له
حسن:لا ولا واحد يصلح يكون بدالها ولا بنية ابغيها بدالها مامبيها الا هي ويلا انجبوا
علي: وييييو فشلوه فشلوه
عبدالله: سد بوزك اقول
حسن: انزين يلا قوموا بنشوف احمد في وين بنروح ليه
أحمـد قام يدور زهراء وأخيرا حصلها قاعده ويا ربعها
أحمد: لو سمحتين انتين زهراء محمد حسن؟
زهراء دارت راسها شافته وانزهقت تذكرت دفترها: اااي اني ههي آمر ؟
أحمد ابتسم( هو كان يدري ان هي بس يسوي روحه مايدري): اول شي السلام عليكم
زهراء: وعليكم السلام
حسن: ها اكوها قاعد ويه البنات اسود الوجه
عبدالله: احممد
احمد:سوى ليهم بالاشارت( لحظة شوي صبروووااا)
أحمد: مسامحه على الازعاج بس انا بالغلط داك اليوم حملت دفتر من عندش وجيت برجعه لش واعتقد ان هذا هو صح؟ مد ليها الدفتر
زهراء: اخذت من عنده الدفتر، لا عادي مافي ازعاج واي هذا هو دفتري مشكور ،
أحمد: العفو ويلا أنا أستأذن مع السلامة
زهراء : مع السلامة
ملاك: قسم بالله شايفتنه من قبل صدقيني شايفتنه ماااجذب حتى طريقة كلامه
زهراء: انجبي يالهبلة يالملقوفة مالحق يتباعد فضحتينه، حشى حشى في وين شفتينه؟
سارة: على فكره اسمه أحمد ها
ملااك: ايييييييييي عرفت في وين شفته هذا احمدو الا كان ويانه في المعهد
زهراء: يوو استخفوا لو هو شان بينعرف هو صح فيه شبه شوووي لكن مو هو، اقول قوموا لا تجننوني خل نروح تأخرنا
ملاك: ان طلع اسمه أحمد جاسم تعشينا على حسابش ،،
زهراء: الي كان ويانه يالغبية مو اسمه احمد جاسم اسمه احمد علي و انزين خلوا هالهرار عنكم ويلا قوموا
ملاك:حافضة اسمه بعد لكن بتشوفين اني متأكدة ان هو 100 % صح نسيت اسمه لكن مانسيت شكله
أحمد: وش فيكم انتون شان انتضرتوني له قلت ليكم بروح وبجي
حسن: جزات خيرنا جايين نتطمن عليك
أحمد: جى انا جاهل
عبدالله: الصراحه اي
أحمد:قول والله!!
عبدالله يأشر على روحه: لازم قبل لاتتحرك تقول للبابا ،(أشر على علي) ،و للماما وين بتروح
أحمد: هههههههههه إن شاء الله مرة ثانية بابا
علي يقلد على النسوان وضرب أحمد على راسه: وانت تعال يلي ماتستحي اني جم مرة قايلة ليك لاتروح ويه البنات مايفيد فيك انت بناتي متى نزوجك ونفتك منك
أحمد وعبدالله: ههههه
حسن: صدق وش كنت تسوي هناك؟
أحمد: رحت ارجع دفترها اخذته وياي داك اليوم بالغلط
عبدالله: شفتون ولدي ونعم الولد طلع مقصده شريف
حسن: خخخخخ انزين يلا امشوا تأخرنا
عبدالله: يلا مشينا
العصـــر الساعه 4:00.
أحمد:آآلو
حسن: هلا هلا بالطش والرش
احمد: وش تبي قعدتني من احلى نومة في حياتي
حسن:افاا بس افااا ماهقيتها منك
أحمد: والله امس مانمت شي ،، انزين يلا حبيبي قول وش تبي اسمعك
حسن: خلاص مابقول
أحمد: يلا قول لا اصكه في وجهك الحين ماتنعطى وجه
حسن: بل ، المهم ماعلي منك ، اهم شي انا مستانس
أحمد:على ويش مستانس؟
حسن: الله مستانس على احلى امنية تمنيتها وتحققت
أحمد: لاتقول فطمو وافقت!!
حسن:اييييييه وافقت، ولو سمحت لاتقول عن خطيبتي فطمو اسمها فاطمة
أحمد يبي يغربل حسن:انزين ياخطيب فطومة
حسن: لاتقول فطومة اغار انا قول فاطمة
أحمد: خخخ انزييين كلشي ولا حسون، اي صحي ماباركنه ليك مبروك مبروك
حسن: الله يبارك فيك
أحمد: وإن شاء الله متى الخطوبة
حسن: وشدراني للحين ماحددوا انا من دريت سيده جيت قلت ليك
أحمد: خخخ اكيد لازم انا اول واحد ادري احم احم
حسن: بسك نفخه ويلا اذلف خلصت رصيدي
أحمد:يلا انقلع طيرت نومتي الله يغربلك انقلع يلا باي
حسن: خخخ باي
الســاعة 9 على العشاء
أم أحمد: اكو حسن خلاص خطب وخلص يلا الحين دورك لمتى بعد
أحمد غص بالسندوييشة:كححح احم احم
أبو أحمد: بسم الله ، شوي شوي
منال: اي متى بتجيب لي وحده في البيت كله بروحي حشى
أبو أحمد: خلوا الصبي في حاله توه اول سنة لاحق على الزواج
أم أحمد: لا مو لاحق ماابي ولدي يتأخر في الزواج اباه يتزوج وهو صغير علشان الحق على اولاده
أحمد: الله يعطيش طولة العمر وتشوفين اولادي واولاد اولادي بس انا ما افكر في الزواج الحين وإن شاء الله إذا الله أراد انتضري سنة بعد
بعد تقريباً شهر وتحديداً في ليلة خطوبة حسن وفاطمة
في بيت أبو احمد
أحمد في غرفته رن تلفونه
أحمد:ألوو
عبدالله:هلووو
أحمد: هلا حيا الله عبود
عبدالله: الله يحيييك
أحمد: ها شطاري عليك تتصل
عبدالله: لا بس جذي ابارك ليك على خطوبة حسن
أحمد:الله يبارك فيك ،، عقبالكم
عبدالله: قول عقبالك انت انا خلاص بتصير لي ريم بنت خالتي ، كلمت امي خالتي وباقي رد ريم
احمد: اوووه مبرووووك
عبدالله: الله يبارك فيك
أحمد: الا اشوف من ينوي واحد يخطب يخطب الثاني نفس يوم يخطب اخوك خطب رفيقه هههه
عبدالله: بعد هذي الحياة خخخ،، وانت إن شاء الله لمتى لا يكون تنتضر بطلة القصة لما تشرف
أحمد: هههه من زمان شرفت
عبدالله: احلف متى شفتها،ولا يقول بعد
أحمد: خخخخ اليوم إذا تجمعنا في الليل بقول ليكم السالفة كامل
عبدالله: اوكي انا بسكر التلفون سهى اختي تناديني
أحمد: اوكي يلا باي
عبدالله: باي
منال دخلت على أحمد.
منال: احمد شوفني حليوة
أحمد: اووه اووه بتغطين على العروس لاتروحين بعدين بيذبحش حسن
منال: مو على كيفه، وش ذنبي اذا اني احلا من زوجته
أحمد: طالع صدقت عمرها صدق مغرورة لاتنسين هي عروس يعني بتصير احلى منش
منال:ياعلي متى اصير عروس
أحمد: خخخخ طالع هذي إن شاء الله قريب.
منال: وانت عرس له خلني اتعدل يمكن لين شافوني في عرسك تخطبني وحده لولدها
أحمد:هههههه صدق اما انتون سوالفكم مادري من وين تجيبونهم، اقول روحي جهزي روحش لا آخذ امي بس وماوديش الصالة اخليش اهني
منال: انزيييين
أحمد: ليش بس عشر دقايق ها مستعجل انا ابغي اطلع
منال: اففففف خمسةعشر دقيقة اني جاهزة وطلعت
أحمدبصوت عالي: قلت عشر ها اذا ماجهزتين بمشي عنش
سمع صوت منال تقول:ههههااااي قولي لي شلون بتمشي عني يالغبي .
أحمد:يعني ماقدر تحسبين ، الحين بقوم وبخليش
منال: اتحداك
عصب احمد وقام بيطلع،، يدور مفتاح السيارة ماحصله
منال: هههااي عرفت ليش ماتقدر تطلع الحين ماتطلع الا رجولك على رجولي، وتصك باب غرفتها بسرعة
أحمد وقف عند باب غرفتها: طلعي المفتاح احسن لش
منال: انتضر لما اخلص
أحمد: قسم بالله اذا ماطلعتين الحين بكسر باب حجرتش
منال علطول فتحت الباب: بس خلاص يالمجنون اكو خلصت مو متبرية من باب حجرتي اني ابغيه
أحمد:هههااااي كشتش طارت عدليها ويلا لبسي دفتش وخلاقينش وامشي انا ويه امي ننتضرش تحت ها
منال: كله منك حتى كشتي تخرعت منك
أحمد: يلا روحي لايجيش كف واجد اخرتينا
منال: انزييين
وبعد ساعة كانت منال وامها في الصالة
واحمد راح لعبدالله وعلي.
عبدالله: حيا الله البطل
أحمد: الله يحيييك
علي: شخبارك؟
احمد: تمام الحمدلله اسأل عنكم
عبدالله: احنا تمام، ويلا قول لينا السالفة
أحمد: اي سالفة؟
عبدالله: طالع هذا، سالفة بطلة القصة وكيف ظهرت
علي: يتكلم فصحه بعد مو هين خخخ
أحمد:خخخخ اييي تذكرت، منال ماخلت معلومة في مخي الا طيرتها تطلع الواحد عن طوره
عبدالله:ههههههه البنات كلهم جذي
علي: الا الحين هي في اي صف؟
أحمد: توجيهي يازعم خخخ ،انا مادري شلون وصلت لتوجيهي حدها هبلة
عبدالله: ويش تدرس؟
علي: حقويه بتخطبها هههههههاي
عبدالله: مالت عليك عندي خطيبةانا
أحمد: خخخ ماخذه علمي تبي تصير دكتورة واجد تحلم هذي
علي:الله يوفقها
احمد: يوفق الجميع
وقاموا يسولفون لين ماصارت الساعة 12 وقال ليهم
أحمد كلشي
رن تلفون احمد
أحمد: اوهوو وش تبي هذي بعد
عبدالله: شيله علشان تعرف له خخخ
أحمد: هاا ويش تبين
منال: لا احلف تعال لينا لايكون بتخلينا اهني
أحمد: انزين بجي ليكم الحين
منال: انزين يلا بسرعة
أحمد: سمعي من اسوي رنة سيده تطلعين انتين اول وحده وأن تأخرتين بدخل ليش بجرش من شعرش قدام الناس
منال: مالت عليك يالمتوحش
أحمد: دلفي اقول (وصك التلفون في وجهها)
عبدالله: حشى حشى ماكأنكم أخوان العدوان مو جذي خخخ
أحمد: انت ماتعرفها هذي وحشة
علي وعبدالله: بل ههههاي
أحمد: يلا علي قوم وياي بوصلك على طريقي
عبدالله: خله انا بوصله
أحمد: اقعد انرز في بيتكم على طريقي وبوصله ويش بينقص مني
عبدالله: انزين فكنا
أحمد: هههه يلا علوي قوم
علي وأحمد: يلا مع السلامة
عبدالله: الله يسلمكم كل يوم تعالوا خخخ
وصل أحمد الصالة اتصل لمنال علشان تطلع وماشافها الا عند باب السيارة مالحق يصك التلفون
دخلت السيارة:
منال شافت علي انزهقت توها بتصرخ ، انطمت ودخلت
أحمد: ياعلي اقوليك هبلة سلمي على الأقل
منال تفشلت: السلام
علي: وعليكم السلام
أحمد: الا وين امي؟
منال: شافت ام سلمان (الا هي ام زهراء) وقعدت تسولف وياها قالت لي روحي واني بجي وراش
أحمد: بل ولا بتخلص عجل ، الا اشوف نفع وياش التهديد
منال ماقدرت تسكت: اني جيت بسرعة مو خوف منك اني جيت بسرعة لان مافي احد في الصاله بس احنا وكم وحده، وي يحسب كنت خايفة منه
علي: خخخخخ
منال تقول في قلبها : يو وش فيه رفيقه يضحك بروحه استخف
أحمد: قولي لانش خايفة مني لا تستحين
منال سكتت عنه علشان تطلع حرتها في بيتهم وماتتفشل قدام رفيقه
دخلت أم احمد
أم احمد: السلام عليكم
الكل: وعليكم السلام
أم احمد: شخبارك ولدي علي وشخبار امك ؟
علي: الحمدلله نسأل عنكم
أم احمد: سألت عنك العافية سلم عليها ها لاتنسى
علي: الله يسلمكم إن شاء الله يوصل

:) شكرا قلبي على مواصلة قراءة روايتي والله يعطيج العافيه

--------------------------------------------------
في بيت زهراء .
زهراء قاعده في البلكونه تطالع القمر وتكتب في دفترها وتقراا الي كتبته قبل من الملل .
تذكرت أحمــد وأخذت نفس طويل علطول راح بالها للي عطاها الدفتر وقفت
زهراء: معقوله أن يكون أحمد أخو منال هو الي كان في الجامعه!! يصير لأن اني ماشفت اخوها من خلصنا معهد .
طالعت السما الي كانت حدهاا عجيبه صافيه شافت ثلاث نجمات صايرين فوق بعض
جا على بالها انها تسميهم لأنها من صغرها تحب تسمي النجوم سمت الي فوق الأمل والي في الوسط الحب والأخيرة احتارت ماعرفت شتسميها رن تلفونها
زهراء: هلا والله
ملاك: ياهلا بيش شخبارش شحوالش إن شاء الله زينة اكيد زينة
زهراء: شوي شوي عاد أخذي نفس ياعلي لا غلطانه اني زهراء خخخ
ملاك: بايخه
زهراء: انزين خلصينا وش تبين قطعتين علي شغلي
ملاك: الله! وش هالشغل الي قطعته عليش
زهراء: مالش دخل انزين وش تبين؟
ملاك تسوي روحها زعلانه:يؤؤ شكلش حدش مشغوله و مالش زاغر تكلميني يلا باي باي
زهراء: هههه تعااالي لو تدرين وش قاعده اسوي تفطسين ضحك علي ياليت شغل عدل
ملاك: ههه وش تسوين؟
زهراء : الله يسلمش قاعده اسمي النجوم
ملاك: حدددددش متفرغه
زهراء: ههه أدري
ملاك: انزين تعالي مو بكرى عيد ميلادش؟!
زهراء: اي ؟
ملاك: وشرايش نتجمع احنا الربع بهالمناسبه في اي مكان
زهراء: اممم هع اوكي في البيت لأن أريح لينا وش رايكم ؟
ملاك: اوكي في بيتكم عاد هاا اخوش سلمانو مانباه
زهراء: هه طالع لا تخافين بكرى محد اهني كلهم بيطلعون
ملاك: اي زين عجل يلا بكرى بنتفق
زهراء: اوكــــــــيه
ملاك: لاتنسين منال اخت أحمد أول وحده ها
زهراء : هههههه لاتوصين
ملاك: يلا قلبي سي يو
زهراء: يو تو

صكت التلفون .
وطلعت من البلكونه ونست ماتسمي اخر نجمه
في اليوم الي بعده .
بعد الجامعه رجع أحمد تعبااان وعلطول تسبح ونااام .
بعد ساعتين وتحديداً الساعه 5 العصر
دخلت منال غرفته
اول مافتحت الباب شافت الغرفه ظلام ومشغله موسيقى هادئة
منال بصوت منخفض: الله ماأقدر على الرومانسي هاهاهاهاها
راحت صوب السرير تبي تقعد .
منال: حموود
-------- مافي رد ولا كأنه يسمع شي
منال ضربته على راسه : حموووووووود
أحمد:شال للحاف من على راسه. اففف وش تبين الله يغربلش على هالكشه كأنش أم السعف والليف
منال: وانت وش فيك على كشتي كلمرة ولا قال كشتش وكشتش
أحمد: ذلفي خليني انام غطا وجهه
منال شالت للحاف: حمموود يلا عااااد ابي منك طلب
احمد قام قعد : إنا لله وإنا إليه راجعون وش تبين؟.
منال: ابيك توديني بيت رفيقتي وبسرعه كملت قبل لا يرفض ،، قريييب والله قريب مابتتعب وااجد
أحمد: روحي قولي لأبويي
منال: ابوي طلع
أحمد: مو لازم تروحين
منال: أحمد يلا عاد لازم اروح اليوم عيد ميلادها وربعنا كلهم بروحون
أحمد: جاهله دي بعد تسوي ليها عيد ميلاد
منال:اي احنا للحين جهال نبي نستانس بعمرنا ياعلي
أحمد:انزين هذي وين بيتهم؟
منال: قوم انت تدليه
أحمد: ويش اسم ابوها عاد
منال: الله يسلمك ويخليك اسمه محمد حسن
أحمد مانتبه للأسم عدل: محمد حسن؟
منال: اي انت تدليه الي صوب المسجد يلا عاااد قووم زهرو بتذبحني تأخرت واجد
أحمد يحاول يركب الأسم لأن يحسه مو غريب عليه (زهراء محمد حسن):زهراء!!
منال: اي زهراء وش فيك متخرع
أحمد بدون شعور: يعني اليوم عيد ميلادها؟!
منال: يوو وش فيك لا يكون تعرفها بعد؟
أحمد استيقظ من عالمه الثاني وسمع جملتها الأخيرة: من وين بعرفها انتين بعد انزين يلا روحي جهزي روحش
منال استغربت بهالسرعه!: اني جاهزة يلا قوم
أحمد: اوكي روحي انتضريني تحت بلبس وبجي
منال: اووكي لا تتأخر ها
أحمد: انزين يلا ذلفي
بعد ربع ساعه نزل أحمد
منال سمعت صوت أحد على الدرج: شان قعدت أكثر بعد يوم شافت أحمد: الله الله الله وشهالكشخه مانقدر لا يكون اليوم عرسك واحنا ماندري
أحمد: امشي وبلا هرار أحمد كان روووعه حده كان لابس جينز أزرق متدرج للبحري واسع شوي وفانيلة سوده روووعه فيها كلام بالأحمر وكاب أحمر ونظارة شمسيه ولا أروع )
يوم وصلوا بيت زهراء
نزلت منال من السيارة وقبل لاتصك الباب
منال: حاسب لتلفونك ها من اسوي لك رنة تجي لي مابغي انقع في بيت الناس لباجر .
احمد: انزين دلفي
صكت الباب وراحت داخل .
اماا أحمد ماقدر يتباعد عن المكان الموجوده فيه قلبه بركن على صوب وقعد يفكر
في بيت زهراء:



منال: زهروو والله آسفة لاني تأخرت هذا الغبي اخوي الا اخرني قعد يتكشخ الا يقول اليوم عرسه



زهراء تذكرت احمد تسوي روحها ماتدري عنه شي: هههههههههه الا هو الحين ايقد وفي وين يدرس؟


ملاك غمزت ليها: تعرفينها من سنة جدي ولا تعرفين شي عن اخوها


زهراء تكمل الخطه: يؤؤ جى لازم اعرف اخوها


منال: هههه اخوي قدش له ويدرس في جامعة البحرين


زهراء:اهااا


سارة: ويش قاعدين تهرون.


زهراء انتبهت:هااا


ملاك تضحك: ههه الي ماخذ عقلش يتهنا به


منال: اييي يابخت الي ماخذ عقلش<<<مسكينة ماتدري انه اخوها


زهراء صار وجها قوس قزح: بس خلاص انجبوا


ملاك وسارة ومنال: ههههههههههههههههههه


بعدين حطت لهم زهراء اكلات وحلويات مسويتنهم وحلويات مسويتنهم مـلاك وأمها وكانوا فننن عطوها الهدايه وباركوا ليها وقاموا يسولفون



زهراء:اوكي حبايبي بروح دقيقة وبجي


سارة: وين؟


زهراء: بروح لسلمانو بجيبه من بيت جيرانا قاعد ويه اولادهم عافسنهم


ملاك: بل اني بقوم اطلع عجل


منال: يؤؤ ليش


ملاك: امووت عليه هالنتفه ومايطقيني اهئ اهئ


سارة: هههه لانش ماتخلينه في حاله


منال: هههه وعليه


زهراء : اوكي يلا اني بروح اجيبه لا يشب حريقة في بيتهم



منال : اوكو



لبست زهراء عبياتها وشالها وطلعت .


يوم طلعت من البيت شافت سيارة واقفه صوب بيتهم وواحد متسند عليها ومنزل راسه والكبس مغطي راسه. ( كان احمد) مانتبهت له عدل


دخلت بيت جيرانهم . وفي الطلعه هرب من ايدها سلمان اخوها وراح يراكض . ضربت زهراء على راسها زين ماصاحت خخخ ،،،راحت تركض وراه مانتبهت الا سلمان عند احمد . جوده احمد ورفعه وقعد يلاعبه يوم رفع راسه انتبه لزهراء ونزل سلمان مو عارف وش يسوي وانتبهت له زهراء وكان قريب منها كلش وقفت مده تطالعه




زهراء في البدايه شكت في الوجه بس يوم صارت عيونها في عيونه طاحت الدمعه من عيونها بدون احساس اما احمد وقف مثل الصنم مايحس بشي لان ماكان متوقع ان يشوفها .زهراء نادت سلمان وراح ليها توها بتمشي


أحمد: زهراء .


زهراء وقفت بدون شعور ورفعت راسها : نعم


أحمد كان يبي بس يسمع صوتها لان من زمان ماسمعه ووحشته سوالفها وهواشها تذكر كل هذا في لحظة وحده: كل سنة وانتي طيبة وعقبال ألف سنة


زهراء وقلبها يدق بسرعه: تسلم . توها بتمشي


أحمد لان وده تبقى معاه للأبد وماتبتعد و بدون شعور : وحشتيني ( بل وش هالجرئة الا علي الله يلعني والله مو قصدي وش بتقول الحين )


زهراء وقفت لكن مادارت راسها لان وجها مايبين من الدموع ، سلمان راح يركض ودخل بيتهم خلاها بروحها وهي كانت واقفة في نص الطريق <<<مو مستوعبة الأمر الأخت .


أحمد يوم شافها وقفت ماعرف وش يسوي حس روحه غلط واكبر غلطه لكن انتبه لها تكمل طريقها ارتاح شوي وركب السيارة بيمشي لان مايقدر يوقف زياده مايقدر يتحمل زيادة ان يعيش قبل لايدري تحبه او لا


زهراء مشت لان ماتبي تبين له انها مهتمة راحت صوب بيتهم بس مادخلت وقفت عند الباب


يوم مر أحمد خلاص بيمشي صوب بيتهم حتى مارفع راسه لان يحس روحه غلطان


زهراء قالت: شلاخ يالمغرور وعلطول دخلت


أحمد يوم سمعها تكلمت ضرب بريك قوي لأن اصلا مو مصدق


يمكن حتى زهراء في بيتهم سمعت صوت البريك خخخخخ


احمد يوم وقف ضحك بالقوة واستانس حس ان في امل انها تحبه لان لو ماتطيقه ماعطته حتى فيس ضحك بالقوة <<<استخف الرجال


كان يبي يرجع مكان ماكان موقف لكن وش بتقول اذا رد رجع . قال جذي جذي بعدين بجي باخذ منالو راح المسجد علشان يصلي لان توه كان مأذن.



في بيت زهراء .


زهراء دخلت بيتهم لكن ماراحت داخل تسندت على الباب تاخذ نفس وعلشان تهدا دقات قلبها لان وش بيقولون اذا شافوها جذي قوس قزح هههههه وتسمع صوت البريك . خافت صار فيه شي وقف قلبها توها بتطلع سمعت صوت السيارة تواصل ارتاحت



بعد مارجعت طبيعيه شوي دخلت الصاله .


ملاك: جان تأخرتين شوي بعد ^_$


منال: اي حليو بدونش


زهراء عرفت تغير تعابير وجها بسرعه علشان مايبين عليها الخجل والخوف سوت روحها حزينة : افااااا


سارة: ماعليش منهم من طلعتين قعدوا لي يتأفأفون متى تجي زهراء ومتى تجي زهراء لاعت جبدي


زهراء : احمممم ادري مايحتاج تقولين لي مو حليو بدوني


منال: ارجووووووش


ملاك: زهرو تدرين انش مغرورة


زهراء رجع وجها قوس قزح تذكرت يوم قبل لاتدخل انها قالت لأحمد مغرور


منال: يوو الحمدلله والشكر احد يقولون ليه مغرور يصير طماطه


سارة:لاتخافين هذي محد ،غير عن الناس كلشي فيها عكس ضربوها تضحك مستانسة تصيح معصبة تخجل كلشي كلشي


زهراء خلاص بتصيح صدق : افاااااااا اني محد لكن ماعليه خلاص اني زعلت ماني ماني.


سلمان متربع في نص الصاله ويطالع زهراء من أول مادخلت يوم شافها قريب بتصيح ،، سلمان: دهلا لاتثيحين من الي دلبش؟( زهراء لاتصيحين من الي ضربش؟)


زهراء نست الي صار برا وتأقلمت مع الجو الي اهني تأشر على سارة وملاك ومنال: هذي ودي ودي اهئ اهئ <<<تسوي روحها تصيح علشان تشوفه وش يسوي


سلمان: لا تخافين انا لجال بدلبهم كلهووم( لاتخافين انا رجال بضربهم كلهم) راح ضرب سارة على رجولها وضرب منال على راسها وملاك يوم جا بيضربها طبت عليه بسرعه وجودت اياديه وهي تضحك


سلمان: دهلاااااااااااااااااا سيلي هدي الكليهة ))) زهراء شيلي هذي الكريهة))


زهراء: تباعدي عن اخوي انتين يالغوله


ملاك : اني غوووولة شوفي اذا خليته لكن


زهراء راحت طبت على ملاك علشان تاخذ سلوم<<<,مثل الجهال


سلمان: دهلااا خلاااث بمووت من هذي الدباا . ( زهراء خلاص بموت من هذي الدبا))


زهراء تضحك ومنال فاطسه ضحك لان سلمان جودها من شعرها مو راضي يخليها


منال عجبها الوضع طبت وياهم في المعركه


منال تدغدغ ملاك علشان تخلي سلمان وزهراء تسحب سلمان .


ملااااااك: لااااااااااااااااااااااااااااااا مابتخلى عن حبيبي مستحيل


سارة: ههههههههههههههههههههههههههههههه


زهراء: اني براويش شلون تتخلين صبري شوي


منال تسحب من صوب وزهراء من صوب ثاااني


سلمان: خلاااااااااااااااااااااااااااااااااااث بتقثين رجولي خليهاااااااااااااااااا خلووووووووووووووونييي (( خلاص بتقصين رجولي خلوني) وقام يصييييح .


زهراء : بل خلاص خليه ملاك لا يزلزل البيت


ملاك قدرت تعدل روحها وشكلها كان تحفه الشيله في مكان وشعرها تفلل والدموع من الضحك تارسه وجهها . عدلت سلمان


ملاك: بس حبيبي آسفة انت بعد آسف له


سلمان قام وقف ويعدل روحه . سلمان: لوووحي انا مو آثف (( روحي أنا مو آسف ))ورفسها وهرب ركب الدرج


منال انبطحت في الصاله من الضحك مو قادره تسيطر على روحها


سااارة: ويليييي فشلوهااا هههههههههههههااااااااااااااااااااي


زهراء:هاهاهاهاهاههااي زين ماسوى فيها


ملاك فيها الضحكه بس ماتبي تبينها: خله ينزل لكن انا ماجودته ولا خليته


سارة: انزين شعب قوموا نصلي آذن من زمان


منال: يوووو نسسسسييييت ماتصلت لأحمد قايلة ليه بعد الأذان يجي لي


زهراء كانت تمشي يوم سمعت اسم أحمد وقفت . ملاك انتبهت ليها تبي تغطي عليها


ملاك:انزين صلي انتين بعدين اتصلي ليه خليه يجي


منال: اوكي


وقاموا يصلون . وبعد ماخلصوا اتصلت منال لأحمد وقال خمس دقايق وهو عند باب البيت .


زهراء ارتاحت ان رد يعني ماصار فيه شي ( بسم الله عليه))


زهراء: انزين منال ليش ماتتعشين ويانا


منال: لا ماأقدر .لأان بنروح بيت جدي جدتي بتسافر


زهراء : اهااا سلمي عليها وعلى الكل وين بتروح؟


منال: الله يسلمش العمره


زهراء: يووو يعني بشوفها هناك


منال:اي ههههه


زهراء : من بروح بعد . ومتى بيروحون؟


منال: بيروحون وياها اولاد عمي وعماتي سلوى وزينب وأحمد اخوي ورفيقه وبيروحون عقب باجر


زهراء استانست وخافت مرة وحده انها بتشوف احمد هناك لكن اكثر شي مستانسة لان يمكن تشوفه اكثر من اهني


زهراء: بيروحون ويانا عاد ويه اي حمله


منال: حملة ××××× .


زهراء وقف قلبها <<<كم مرة وقف قلبها اليوم دي بسبب أحمد ماتسوى عليها: بل قصدي يو يعني ويانا


منال: يعني اذا بروح اودعهم بودعش مرة وحده


زهراء : ايي


ملاك وسارة دخلوا من الصالة خلصوا صلاة .


زهراء ومنال: غفر الله لكم


ملاك وسارة: جميع يارب


ويرن تلفون منال ردت على التلفون


منال: اوكي الحين بطلع يلا باي . سكرت التلفون .


ملاك: احمد؟!!


منال: اي يلا بقوم مع السلامة


ملاك وزهراء وسارة : الله يسلمش


طلعت منال لأحمد دخلت السيارة تحرك احمد وهو خاطره مايمشي الا لمى يشوف زهراء .
منال: عجيييييييب اليوم فناااااتك


أحمد: جى وش سويتون


منال: سلمان اخوها فنتك لعبنا حلبة مصارعه هنااك


أحمد : ههه ليش؟


قالت ليه منال كل شي من البدايه للنهاية وكلحين تضحك


أحمد: اشك فيكم جهال انتوا خخخخخخ


منال: ههههههه اخوها سلمان لو تشوفه ماتتركه عجييب


أحمد في قلبه ماتدرين ان انا شفته وقبل لايدخل ليكم بعد : هههه اي ابغي اشوفه اناا


منال: انزين وش فيك مارحت البيت


أحمد: بنروح علطول بيت جدي لان البيت كلهم هناك مافي أحد .


منال: اهااا الااي عجيب عجل اليوم كله هياااته وناااسه


أحمد: جب لا اخليش في البيت بروحش


منال: ويع مايحب يشوفني مستانسة .


أحمد: افاااا ماتدرين انش اذا استانستين انا استانس اكثر منش ماعندي الا انتين اخت والله لايحرمني منش


منال: فديتك حموووودي الله بعد لايحرمني منك اخوي الوحيد مادري بدونك وش بسوي .


مهلت شوي وردت قالت: متى اشوفك معرس افففف متىىىىىىى؟


أحمد: هههههههه يلا على ايدش جان عندش عروس لي


منال: صدق ؟!! امممم اي عندي واحلى وحده تجنننن


أحمد: من؟


منال: ريييييييييم رفيقتي


أحمد توقعها تقول زهراء : لاااا


منال: ليش وش فيها والله تجننننننن


أحمد: لا انا احب بتزوج حبيبتي


منال فتحت عيونها مترين:احلف!!!! منهي دي قووول لي


أحمد: ههههههه لا أخاف تقولين ليها


منال: لااااا والله قول لي


أحمد: ليش اقول اسمها وهي ماتحبني انا بس احبها


منال: يعني ماتدري انك تحبها


أحمد: لااا


منال: يمكن تحبك بس بعد هي ماتدري انك تحبها عاد منهي ديييييييي


أحمد: بقوليش لان ماعندي اخت غيرش اقوليها بس عاد حلفي ماتقولين ليها ولا تعلمين احد بس لكن تساعديني


منال: والله العظيييم بس انت قووول


أحمد: اممممم زهراء


منال: اي زهراء


أحمد: رفيقتش


منال مو مستوعبة : رفيقتي .؟!!


أحمد: إنا لله وين عقلش انتين الا توش جايه من عندهااا


منال: زهرااااااااااااااااااااااء .ايييييييييييي احلف!!


أحمد: هههه ليش احلف بعد


منال: ههه مادري بس وش عرفك ابها


أحمد: صارت وياي مرة في المعهد كنت ادرس صيفي .


منال: اهاااا . لكن تدري زهرااااء عجيييبة اشوى اختار قلبك وحده عدله مو عوجه


أحمد: وش جايفه قلبي انتين،، اعقل منش


منال: هههه ايي


أحمد: وانتين ماعلمتينه تحبين او لا ومن سعيد الحظ.


منال: ههههههههههههههههه ياليت في والله لاقولك اول واحد لو كنت احب بس مو راضي احد يدخل قلبي


أحمد: ههههه مثلي يوم كنت أصغر منش بشوي تقريبا كان قلبي متكبر لكن بتشوفين كبري شوي بس بتحصلينه وإن شاء ماتعرفينه الا لمى يتزوجش


منال: إن شاااااااء الله لكن بعد ابغي احبه قبل له


أحمد: ههههههه لاإن شاء الله ياخذش وانتين تكونين تحبينه علشان ماتتعذبين مثلي.


منال: إن شاااء الله


وصلوا الديرة . وقالت ليه بتكمل وياه السوالف في السهره بتقول ليه كلشي عن زهراء استانس احمد


في بيت جدهم


ام فاضل ( ام ام احمد) : حيااا الله الغاليين


منال وأحمد: الله يحيش حبوا راسها وراس جدهم وقعدوا .


دخلوا بعد خمس دقايق فاطمه وحسن .


أحمد": هلا هلا هلا والله بالمختفيييي


حسن: ههههه هلا بيك حبيبي . مانا مختفي ولا شي تدري انت وين تقدر تحصلني ليش ماتجي لي له


أحمد: وانت يعني ماتدلي وين تحصلني ليش ماتجي لي


أم فاضل: ههههههه والله وكبرتون وقمتون تتكبرون على بعضكم قبل لاصقين ففي بعض ماتتفرقون عفر حسدوكم


أبو أحمد: هههههههه اي والله عمه من كبروا تغيروا على بعض


أحمد: لاهذا الي تغير من خـطب ماقام حتى يتصل ×_×


فاطمه: ههههههه هييي لاتحطونهااا علي مو منيييي الا ماخليه يتصل او مايطلع


حسن: ماعليش منه داا هو الي مايسأل حتى


منال: هييي خلو اخوي في حاله كلكم عليه


أم أحمد: اووووه منال الا صايرة في صف اخوش اليوم


أحمد: هي علطول في صفي لان مالينا غير بعض


أم فاضل: الله يخليكم لبعض


أم أحمد:الله يخليهم يارب وابلغ فيهم واحضر عرس اولادهم .


الكل: إن شاااء الله


بعد خمس دقايق من العراك طلع أحمد ويه حسن .


في سيارة أحمد ،،،


حسن: ها وين بنروح


أحمد: انت صبر وبتشوف


حسن : اوكي بنتضر وبشوف إن شاء الله مكان عجيب عاد ^_^


أحمد: لا تخاف عجيب


حسن: بنشوف


وصلوا عـــند البحر


أحمد: وصــلنا


حسن: الله اي والله احسن مكاان


أحمد: آآه مافي احلى من البحر كل ذكرياتنا عنده


حسن: اي تذكر قبل نجي اهني وانا كنت كله اتهاوش ويه فطوم واقول ماتحبني هههه والحين شوف الزمن صرنا لبعضنا وطلع انها كانت تحبني وانا كنت متعب روحي احسب ماتحبني


أحمد:ياليت تطلع زهراء جذي بعد


حسن: إن شاء الله تحبك ، بس انت لاتفكر واجد


أحمد:آآآآآه ياخي انت عايش مثل حالتي لازم تعذرني مو تقولي لاتفكر


حسن: انا عاذرنك بس مابيك تتعذب مثل ماانا تعذبت


أحمد سكت واكتفى بابتسامه


وقعدوا يسولفون لساعه 10 بعدين اتصلت فاطمه لحسن ورجعوا


وبعدين بيت أبو أحمد قالوا بيرجعون بيتهم بعد


في السيارة.


منال: رحتون البحر له


أحمد: وش دخلش


منال: ليش ماودييييتني


أحمد: عيب اذا الرجال يطلعون مايطلعون وياهم نسوان


منال: احلللف ، الحين انتون رجال؟!!


أحمد: لا نسوان عجل


منال: اي له خخخخخخخخ


أحمد: انا بحقرش لأن انا كرامتي ماتسمح لي ارد على جهال


منال: هههههههههههههههههههههههههااااااااي مغرور


أحمد: جب لاتقولين مغرور بس وحده الي تقولي مغرور


منال:أمااه شوفي ولدش خرف <<<تبي تقهر أحمد


ام أحمد: وش سوى؟


منال: يقول أن ,,,


أحمد: تبي تقول ان انا عقب مارجع من العمره إن شاء الله بخليش تخطبين لي


أم أحمد:صدق!! فرحتني ياولدي احلا شي سمعته ، اي انت خلاص كبرت بعد بتنتضر لمتى


منال انصدمت لأن ماتوقعته يتسرع جذي :اماه اني عندي ليه وحده


أم أحمد: من؟


أحمد لف راسه يطالع منال لأن خايف تقول وحده غير زهراء


منال: زهراء رفيقتي


ارتاح أحمد .


أم احمد: اي زهراء خوش بنية . بس خلاص من ترجع نروح نخطبها


منال: بزيدكم من الشعر بيت بعد


أحمد: زيدي وش ورانا


منال:زهراء بتروح وياكم العمره في مثل الحمله


أحمد ضرب بريك قوي زين مادعمته السيارة الي وراه


أم أحمد: يااعلي وش صاير


أحمد خاف امه تكتشفه كمل السياقه: لا السيارة مره وحده شيرت


منال: اييي اماه كله يصير جذي حتى من شوي صار <<<وززز


أم أحمد: حاسب عجل ياولدي لا يصير شي


أحمد: لاتخافين أماه


أم أحمد: انزين نرجع لسالفتنا ،، متأكده انتين بتسافر وياهم


منال: اي هي قايلة لي


أم أحمد: زين عجل أحمد علشان تعرفها عدل قبل لاتاخذها


أحمد( انا عارفنها من زمان مايحتاج لكن احسن بعد علشان اعرف تحبني او لا): اي صح علشان اعرفها عدل


منال :خخخ ماكأنه عرفها وخلص


أم أحمد: وش قلتين؟


منال: لا أماه ماقلت شي كنت اكلم روحي


أم احمد: اي يعني


أحمد:مجنونة لأن خخخ

وصــلوا البيت .



بدلت منال وراحت علطول غرفة أحمد علشان تقوله اي شي يبي يعرفه عن زهراء



منال: ويش نسولف ولا تبي تنام



أحمد : دام السالفه فيها زهراء اكيد نسولف اعوف النومه وطوايفها



منال: احممم ماقدر على الحب



أحمد: يلا بدي



منال: وش تبي تعرف انت بالضبط ؟



أحمد: كلشــــــي



منال: زهرااء صفاتها العامه حساسه واااجد وطيبه وربشه ماتزعل بسرعه وحتى لو سوت روحها زعلانه ترى هي مو زعلانه بس جذي تتغلى وتحب الناس وماتكره أحد



أحمد : الحمدلله يعني ماتكرهني



منال: اي ماتكره أحد هي الا إذا .



أحمد: ويش



منال: إلا اذا هذا الشخص يعني شسمه شسمونه أهانها أو أهان أمها وأبوها



أحمد:اهاا ،، بقولش يعني لو أحد جذب عليها وقاليها ان في وزغه وراها وقامت تصارخ قدام الناس كامل وتصيح بسبب شلخته بتسامحه؟<<<تعقد الصبي



منال: أممم اي اكيد بتسامحه بتزعل عليه بس البدايه بس بعدين عادي ولا كأن صاير الشي



أحمد: اهاا ،، انزين وش تحب



منال: تحب الورد تحب اللون الأحمر والوردي والأسود تحب الهدووء لأنها رومانسية حدها مثلك خخخ



أحمد: طبعااًً أحمم



منال: ايي وفي مرة سألتها عن أحلا شخصية صبي عجبتها



أحمد: وش قاااااااالت



منال: قالت واحد كان وياهم في المعهد حليو وربشه وعلطول يتهاوش وياها ويهتم لأمرها وفي مرة ساعدها من صبيان كانوا يلاحقونها تقول كانت تحبه ولو واصلوا كان للحين تحبه لكن بعدين تفرقوا بعد المعهد



أحمد استااااااااانس يعني تحبه أكيييد تحبه:حلفيييييييي



منال: بسم الله الرحمن الرحيم وش فيك؟



أحمد: هذاا اناااااااا منااااااال



منال : يعني تحببببببببك الاااااي



أحمد: منال تدرين انا احبش انتين قمر من وين بحصل اخت مثلش



منال سوت روحها زعلانه: طالع علشان المصلحه صار يحبني وصرت قمر



أحمد: لا والله بدونش مادري وش كنت بسوي



منال ابتــــسمت ووقفت : يلا بخليك في احلامك العجيبه الحين لأن فيي نومة



أحمد: اوكي تصبحين على خير



منال(طرده دي لو وي؟!): وأنت من أهل الخير



أحمد في ديك الحزه مستانس حده مو عارف شيسوي حتى مانام للصبح طارت النومة



الساعه 6 تسبـــح نزل تحت أكل له شيئ وراح يطالع تلفزيون




الساعه 9 نزلت منال



منال فتحت عيونها مو مصدقه: اووووه الاخ اليوم قاعد من وكت وش صاير




أحمد: خليني انام انا علشان اقعد



منال: يعني مانمت!!



أحمد: اي



منال: يوووووه كله علشان عرفت ان زهراء تحبك للحين؟



أحمد: مو مجبور ارد عليش



قام وقف علشان بيطلع



منال:وين رايح إن شاااء الله



أحمد: لا والله احلفي من وكلش علي تسأليني وين رايح ووين جااي



منال: كنت ابي منك طلب لكن تدري روح تيسر اني حماره لاني سألتك ، لكن شوف الي تقولك شي عن زهراء



أحمد:خلاص مايحتاج تقولين لي بتسافر ويااااي وبعدين بيخبطونها لي ويووو




منال: تدري روح روح انت مو وجه واحد يسووون له خير




أحمد اكتفى بس بضحكه علشان يقهرها وطلـــع




منال من القهر صرخت قالت : لاترجع ها مانباك نام برا <<كانت تتطنز بس من القهر يعني



أحمد سمع صراخها وماقدر يوقف من الضحك لان يدري اذا تعصب تستجن هع



منال من القهر ردت رجعت فوق علشان تنام <<ماتشبع




اتصل أحمد لحسن علشان يبي يطلع وياه طلع حسن بيروح بيت خطيبته فاطمه بيتغذا في بيت عمه



اتصل لعبدالله وطلع ماعنده شي ،قرروا يطلعون يتريقون برا




مر أحمد على عبدالله




في السياارة :



عبدالله : اشوى اتصلت لي انا كنت متمللللل حدي زين ماقرعت روحي من الملل



أحمد: ههههه جى انت من متى قاعد؟



عبدالله : من الساعه 7 مقعدني ابوي علشان اوديه المستشفى



أحمد: ليش عسى ماشر؟



عبدالله : ماشر بس الله يسلمك الوالد رايح علشان يقيس ضغطه يقول يحسه نازل حده




أحمد: اهاا ماعليه شر



عبدالله: الشر مايجيك ، انزين انت من متى قاعد؟



أحمد : ههه انا مانمت علشان اقعد



عبد الله: ليش مانمت



أحمد: حاولت انام قمت اتقلب فوق السرير من الساعه 3 لساعه 5 استمليت وقمت بعدين ههه



عبدالله: ههه الله يساعدك الظاهر وياك أرق انت



أحمد: هههههه يمكن بعد كلشي جايز



عبدالله: ناام لاتقعد تدلع لينا باجر بتسافر علشان مو تقضي السفر كله في النوم



أحمد: هههههه إن شاء الله عمي



عبدالله: اي حسبالي بعد



أحمد: هههههه



وعند دوار النويدرات الي وشطوله



كانت في سيارة مسرعه حدها تمشي في الدوار ومرة وحده دخلت في شارع سيارة احمد



وأحمد فقد السيطره ماعرف وش يسوي لان مرة وحده طلعت عليه السيارة



افترت سيارة أحمد وركبت فوق الرصيف ودعمت بالقوة في حجره كبيره كانت فوق الدوار. وصاحب السيارة الثانية هرب ولا كأن مسوي شي لكن الحمدلله واحد من الي وقف سجل رقم السيارة سيارة أحمد تكسرت كلها من قدام



وفي أقل من خخمس دقايق تقريبا تجمعت الناس والمرور والاسعاف ،، الحادث كان فضييع عبدالله طلع من السيارة وطاح علطول في الارض من الضربه الي صادته في راسه وأحمد ماطلع من السيارة لان ماكان موتعي ,,,



شالهم الاسعاف وعلطول عالطوارئ



اتصلوا في أهل أحمد وعبدالله .

في بيت أبو أحمـــــد .




رن التلفون .




أم أحمد من المطبخ : مناااااال ،، منالو وصمخ تلفون



منال: انزيين اماااه سمعته




راحت شالت التلفون



منال: الو



.: بيت أحمد.؟



منال حست من نبرة صوته ان في شي: اي ، خير ؟



: حبينا نخبركم ان ولدكم أحمد عندنا في الطوارئ بسبب حادث



منال وقف قلبها: صاااده شي؟



: هو للحين في الطوارئ وللحين ماوصلنا عنه خبر بس يعني نبي نخبركم



منال علطول حطت ايدها على قلبها



وصكت التلفون في وجهه من الصدمه وعلطوول ركييض المطبخ



منال: اماااااااااااااااااه



أم أحمد: وش فيش وش صاير



منال والدموع في عينها: أحمد



أم أحمد سيده صرخت وبدون شعور قالت:مات!!!!



منال من الدمع مو عارفه تتكلم: لاأماااااااااااااااااااااه في الطوارئ مسوي حاادث



أم أحمد بدون شعور تركت الي في ايدها وصرخت: بســــــــــــرعه بسرعه اتصللي لابوش يجي بسرعه الحين



وراحت منال علطول ااتصلت لابوها وهي مو عارفه وش تسوي من الخوف وعشر دقايق وهو عندهم



وعلطول طيران عالمستشفى



ونفس الشي أهل عبدالله كانوا هناك .



في الطوارئ وتحديدا العنايه المركزة



منال تروح وتجي



أم احمد: ويلي على ولدي في شبابه بيضيع مني



منال: امااه أحمد ماصاده شي بيطلع الحين مافيه شي



وتطب الدموع



منال في قلبها تحس بالذنب :مني اني الي قلت له لاترجع البيت مانبيك ،، افف استغفر الله وش قاعده اقول اني أحمد ماعندي الا هوو حرااااام يروح عني ، لا مابروح عني هو يحبني وعلشاني مابروح ياربي لاتبعد عني اخوي الوحيد الي عندي في هالدنيا




رجع ابو أحمد من عند الدكتور



أم احمد: وش قال الدكتووور؟



أبو أحمد وفي عينه دمعه بس يكابر : عبدالله الحمدلله مافيه شي بس ضربه خفيفه في راسه ماأثرت فيه



منال: ابووووووي نسألك عن أحمممممد؟



أبو أحمد نزل راسه: يقول الدكتور أحمد صادته ضربه قويه في راسه والحين هو دخل غيبوبه



منال قعدت على الكرسي ونزلت راسها وقامت تصيح صياح



أبو أحمد يوم شاف بنته علطول طاحت الدمعه




اما أم أحمد وقفت من الصدمه ماقدرت تتحرك ومرة وحده طاحت ( صادها هبوط من الخبر)




أبو أحمد انتبه لأم أحمد وبسرعه ناده الممرضات واخذوها علشان ترتاح



منال نزلت راسها ولا رفعته كانت تصيح خايفه تفقد اخوها



أذن أذان الظهر



منال راحت المصلى تصلي وتدعي لأخوها



وبعد ماخلصت راحت شافت امها وتطمنت عليها كان ابوها وياها و الحمدلله هدت شوي،



طلعت وراحت لاخوها



شافت علي رفيق أحمد قاعد على كرسي ومنزل راسه يوم حس ان في احد جاي رفع راسه ،،يوم شافها علطول وقف



منال راحت قعدت على كرسي من الكراسي وحالتها حاله وجها صاير ميت مافيه روح



علي يوم شاف حالتها كسرت خاطره : لا تخافين ، الله إن شاء الله بيشافيه وبيرجع مثل قبل



منال يوم سمعته قال جذي زادت في الصياح



علي بدون شعور جا صوبها يقول في نفسه بل وش سويت انا ، يبي يتذكر اسمها مو متذكرنه قال اسم وبس : ليلى



منال( وش فيه دا): : منال



علي ابتسم: اهمشي لاتصيحين احمد في هالوقت مو محتاج دموعش محتاج دعائش



منال مسحت دموعها : إن شاء الله بس شسوي بروحها الدموع تنزل



علي: لا مو بروحها منش انتين كلما تشوفين روحش بتصيحين روحش غسلي وجهش اذا خلصوا دموعش من وين بنجيب دموع لمنال بعدين



منال (والله العظيم متفرغ): إن شاء الله



راح وقف صوب الجدار الي قبالها



علي: شخبار امش الحين



منال(إنا لله): الحمدلله اشوى



علي: الحمدلله،. اكلتين شي؟



منال: لا



علي: شتبيني اجيب لش



منال (افف الناس في معمعه والعروس تبي رجل مالي خلق اكل الحين) : لا مابي شي الا لمى اشوف أحمد واتطمن عليه



علــي: بس عجل انا بقول للدكتور مايدخلش الا لمى تاكلين



منال ( يؤ وش فيه داا) : ------



عـلي: ووووش تبين اجيب لش



منال: لا مابي شي



عـلي: بس عجل مابتدخلين لأحمد



مـنال(؟!!) .: اول بدخل ليه بعدين باكل



علي :بنشوف



راح يقول لدكتور عادي او لا



عـلي: انزين دكتور على الأقل خمس دقايق بس



الدكتور: مايصلحش ياحبيبي هذا لمصلحتو



عـلي: خمس دقايق عاد دكتور مابتأثر



الدكتور: طيب حخليها تدخل بس من دون كلام ولا خمس دقايق بس تشوفو وتطلع



عـلي :إن شاء الله



راح علي لمنال



علي: يلا يقولون لش دخلي عاد وما تتكلمين وياه يقولش الدكتور(( من دووون كلااام وبس تشوفينه وتطلعين ))



منال( اهمشي اشوفه الحين) : إن شاء الله



دخلت لــأحمد



اول مادخلت غمضت، عمرها ماتوقعت تشوف اخوها بهالحال



فتحت عيونها شافته عليه الاجهزة ووجهه مايبين من الي عليه .



طبت دموعها بدون ماتحس ( أحمــد الله يخليك لاتخليني بــرووحي ) قعدت تتأمل في وجهه وتصيح



دخلت عليها الممرضة قالت ليها لازم تطلع مايصير تقعد اكثر



منال جودت ايده وضغطت عليها بالقوة ترتجااه يتقوى ويتشافى



طلعت وشافت ابوها علطول نزلت راسها ماتبيه يشوف الدموع الي في وجهها



أبـو أحمد: ها شخباره ؟



منال: هذا هو حاله انصحك لاتخلي امي تدخل



أبو أحمـــد: على طاري امش رجعي ويااها البيت بوصلكم انا وبرجع



منال: لا اني بقعد اهني



أبو أحمد: لا مايصير تقعدين اهني لازم تروحين البيت ترتاحين وعلشان امش بعد ترتاح



منال:إن شاء الله



عـلي: عمي خلني انا بوصلهم في طريقي مايحتاج اتعب روحك



أبو احمــد : فيك الخير ابو حسين



مــنال (بل مانبيي) :------



أبو احمــد: وسألت الدكتور عن حالة أحمد كم بتطول قال إن شاء الله إذا قدر يقاوم بسرعة بيتشافى



منال: يعني مابيطول؟



أبو أحمد: على حسب مقاومته

طلعوا من المستشفى وركبوا السيارة وام أحمـــد كانت حدها تعبااانه غمضت عيونها تبي ترتاح شوي



عـلي: انتين قتلين بتاكلين اذا طلعتين من عند أحمد



منال(ياربييي احسب نسى بعد):والله مابي مو جوعانه



عـلي : غصباً عليش تبين<<<قوية



منال( يوو وش فيه دا برمي روحي من الدريشة الحين)



وصـل عند مطعم واشترى ليها على كيفه لانها مارضت تقول وش تبي واشترى لأم أحمـــد بعد



منال من دخلت من بابا البيت علطول ركيييض على سريرها توها بتغمض الا تلفونها يرن



شالته بدون ماتشوف الرقم



منال وصوتها يبين عليه تعبان: الو



زهراء : هلا هلا والله بالغداره تقول بتجي ولا جت



منال يوم عرفت انها زهراء علطول تذكرت أحمد وطبت دموعها بهدووء على خدها : هلا بيش



زهراء(حست فيها شي): وش فيش؟



منال خلاص انفجرت صياح: أحمـــد



زهراء تخرعت حست ان قلبها تقطع: وش فيييه أحمد؟



منال: سوى حادث والحين هو في العناية المركزة



زهراء وقف قلبها من الخبر ماعرفت وش تسوي سكتتت



منال حست ان هدوء (وين راحت دي): الوو؟



زهراء بهدووء وحزن واااضح:والحين وش اخباره؟



منال حست من طريقة زهراء انها تحبه صدق وابتسمت ابتسامة حزينة: في غيبوبة



زهراء انفجررت صياح بعد ماكانت مستانسة قبل ماتتصل لمنال لأن كانت تنتضر اليوم الي بعد هاليوم بفارغ الصبر لأنه اليوم الي بيسافرون فيه العمره وبيكون وياها أحمــد ،،



منال: زهراء وش فيش؟.



زهراء مو عارفه شتسوي ماتبي تبين لمنال انها تصيح



منال سمعت صوت صياحها الهادئ واضح وعورها قلبها عدددل ( ويـــنك يأأحمد تشوف الي يحبونك شلون حالهم)



زهراء انتبهت لروحها ومسحت دموعها وقالت بحزن: الله يشافيه ويخليه ليكم

منال: إن شاء الله



زهراء: يلا مع السلامة



منال حست ان زهراء تتهرب ماتبي تبين حزنها: الله يسلمش




زهراء بعد ماسكرت التلفون علطول طبت على السرير وقامت تصيح (حراام والله حرام )



دخل سلمان اخوه الصغير ولا حست فيه



راح صوب سرير زهراء رفع راسها



سلمان: سفييس تسيحين؟ (شفيش تصيحين)



زهراء ابتسمت في وجه اخوها الصغير علشان مايخاف عليها: مافي شي حبيبي مريضة شوويه



سلمان:تبين توا؟ ( تبين دوا؟)



زهراء :لا عندي حبيبي انت روح للماما اني بنام شوي وبصير اوكي



سلمان : اوكي



زهــراء : تعال تعال اني بروح وياك علشان بقول للماما شي



سلمان : يلا



جودته من ايده ونزلت وياه



أم زهراء: تعال حبيبي



سلمان راح ركييض وحضن امه



أم زهراء: وش فيش زهور؟



زهراء: اماه اني باجر مابروح العمره



أم زهراء: ليييش؟ وش فيش عمري؟ وينها زهراء الي كانت تبي يجي هاليوم بسرعه



زهراء نزلت راسها وهي فيها الصيحه:بس ما أقدر اروح إن شاء الله الشهر الجاي بروح وياش



أم زهراء: سبحان مغير الأحوال ، انزين بعدين بقول لابوش يخبر المقاول لأن بعد في وحده مسكينة بتموت تبي تروح وياكم كانت ومافي مجال



زهراء: امااه تدرين عن ولد أم احمد وش صار فيه؟



أم زهراء: لا وش صار؟



زهراء: سوى حادث والحين هو في غيبوبه



أم زهرااء: يووو من متى هالخبر؟



زهراء : اليوووم توني متصلة لمنال اخته وقالت لي



أم زهراء: يوو على افادي الله يشافيه على عمري ام احمد ماعندها الا هو



الله يخليه ليها ويشافيه



زهراء:إن شااااء الله



اليوم الرابع من الخبر:



في بيت أبــو أحمد.



البيت صاااير حزييين وهادئ



منال قعدت من النوم كانت الساعه 11 الظهر



شافت امها قاعده على المصلى وتدعي ،، كسرت خاطرها



راحت شربت ماي لأان كانت عطشانه حدها



سمعت صوت الجـــرس



منال من ورا الباب: مـــن؟



---:عــلي



منال: علي؟! اي علي ؟



علي : شكلش توش قاعده من النوم او مانمتين متأثر مخش شوي



منال عرفته من طريقة كلامه :اي عليي



علي: صح النوم ، المهم جاي اقوليش ان ابوش متصل لي يقول يتصل ليكم محد يرد اتصل لي اجي اخبركم ان أحمـــد



منال وقف قلبها:وش فيييه



علي: أن أحمـــــــد



منال طبت دموعها خافت حدها ان صار في احمد شي



علي: أن أحمد اوتعى الحمدلله والكل مستغرب قدر يقاوم بسرعه



منال يوم سمعت الخبر علطول راحت ركيض علشان تبشر أمها ،



حضنت أمها وقاموا يصيحون ، علي المسكين الي كان برا استمل وهو واقف <<<خلته ومشت (وش فيها دي راحت ولا جت ماكملت حتى كلامي لا إله الله أشك في مخها شي دي أنا)



طق الجرس.مافي رد . مرة ثانية طق الجرس مثل الشي محد يرد .بعد خمس دقايق تكلمت منال من ورا الباب: نعم من؟



علي: وش فيكم محد يرد؟



منال تذكرت إنها خلت علي برا بدون ماترد عليه تفشلت حدها



منال: من الفرحه نسيناك برا



هلي: ههه لا عادي عساه دوم



منال صارت طماطه مع أن الجمله مو قويه عاديه



علي: المهم إذا تبون تروحون أكو أنا اهني امشوا بوديكم لأن أنا جذي جذي بروح ليه الحين.



منال:أني اكييد ابي اروح بس لحظة شوي بشوف أمي



راحت منال لأمها وأم أحمد كانت تبيها من الله قامت علطول راحت تجهز روحها ومنال بعد، ولمى توها منال بتطلع من الباب الا زهراء داخله !!



زهراء السلام عليكم



منال فرت راسها: هلاااااااا وعليكم السلام



زهراء: يوو لايكون طالعين



منال: اي بنروح لأحمد يقولون تحرك يعني خلاااااص زهراء عدت على خيير



زهراء حدها استانست وتمنت لوهي تقدر تروح ليه



زهراء: الحمدلله والله العظيم فرحتيني أوكي عجل خيو أني برجع البيت وإذا رجعتين اتصلي لينا طمنينا



منال حست بالي فيه زهراء : ليش ماتجين ويانا ، لأن أصير بروحي هناك أني <<تبيها حجه



زهراء في قلبها( أكييييد وألف أكيد ابي أجي) بس ماتبي تبين :أمممم أوكي j بتصل لبيتنا وبخبرهم .



منال: أوكيj



طلعت ام أحمد وسلمت عليها زهراء



وعلي المسكين استمل بروحه في السيارة نص ساعه وهو ينتضر يشيل شريط ويحط شريط غيره لين مااستقر على شيخ حسيــن واشتغلت (أتعبتني ياقلب في دنيا هواك )



ركبوا السيارة . علي قصر على الصوت احترام <<هع هع



أم أحمد: شحوالك علي؟



علي: الحمدلله من بعد ماسمعت الخبر الي عن أحمد



أم احمد: الحمدلله ، ماصدقت الخبر يوم سمعته أمس يقولون لينا حالته خطره خرعونا



علي: أي هو لأن بعد يعتمد على قوة تحمله



أم احمد: أي الحمدلله عل كل حال



زهراء كانت متشوقه إنها بتشوف أحمد وطول الطريق وهي تحمد الله وتشكره على هذا الخبر



أما منال مندمجه ويا القصيده الي خالنها علي ، هي لان طبعها تحب تندمج وتفهم الكلام قامت تقول بالعدال ويا القصيده بدون شعور<<<نست عمرها



وكانت هي بعد قاعده في الكرسي الي ورا علي بالضبط يعني ينسمع هو سمعها تقول يبي يعاندها بند المسجل منال انتبهت لروحها وسكتت وانقهرت حدها على حركته بس ماتقدر تسوي شي



يوم وصلوا المستشفى زهراء كانت متوترة حدها خايفة ماتدري وش صاير فيها رجولها مو راضية تمشي بالغصب تمشي<<<مستحيه عفر


احمممم ردوووووووووووووووودكم

يوم وصلوا قريب من غرفة أحمد شافوا أبو أحمد واقف برا



أم أحمد: ليش مو قاعد داخل ويا أحمد؟



أبو أحمد: لأن نايم مابي ازعجه طلعت عنه برا.



أم أحمد: شخباره الحين. يتكلم؟



أبو أحمد: أي يتكلم عادي بس تعبان شوي ، عيونه مايقدر يشوف منها زين



أم احمد: وي على عمري، أني بدخل ليه ماأأقدر انتضر وحشني الغالي



منال: أني بعد بدخل وياش



أم احمد: يلا امشي



أبو أحمد: أنا بروح الشغل تامرون على شي؟



أم أحمد: سلامتك



دخلت ام أحمد ودخلت وراها منال من فرحتهم نسوا زهراء برا



وزهراء استحت تدخل بدون مأأحد يقوليها ، بقت برا المسكينه بروحها



يوم دخلت منال وأم أحمد ،أحمد سمع صوت فتح عيونه ، أمه يوم شافته علطول راحت ليه وحضنته وقامت تصيح ، منال راحت لأمها وهي مستانسه وقعدت تطالع في وجه أحمد ( حده متغير يلا أهمشي رجع لينا )



انتبهت لأحمد يناديها



منال: هلا هلا هلا بالقمر



أحمد يحس جسمه بيتكسر لكن يوم شاف أمه ومنال استانس وحاول يقاوم الألم : ههه يعني يوم شفتيني على فراش الموت قمتين تدلعيني



منال:ههه اي حسينا بقيمتك



أم أحمد: شحوالك حبيبي الحين؟



أحمد: الحمدلله أحسن بس عيوني ماأشوف منها زين كأني أشوف ضباب



منال: العيون نقدر عليها أنت الأهم الحين، مابغينا نسمع صوتك.



أحمد حس بحب أهله ليه وحنانهم عليه : ههه لو أدري بتخافون علي جذي جان ماقعدت بسرعه>>كان بالغـصب يتكلم تعرفون يعني لين أحد دخل غيبوبه ويطلع منها مو بسهولة يتكلم



أم أحمد عصبت : لاتقول جذي أحمــد ، تباني أموت يعني؟



أحمد: بسم الله عليش اتطنز انا بس



منال تذكرت زهراء: يووووووووووووووووووووووووووووووو!!!!!!!



أحمــــد: وش فيش يالهبله وقفتين قلبي؟



منال: امااااااااه نسيناااا زهراء براا



أم احمد: يوو خليتين البنية بروحها برا رووحي ليها



أحمد يطالعهم ومو فاهم شي ( أي زهراء دي؟)



منال طلعت برا



زهراء كانت قاعده على كرسي مقابل الغرفة وحاطه ايدها على خدها المسكينة تمللت



منال راحت ليها: زهراااااااااااء على عمررررررري



زهراء علطول : شخباار أحمد؟



منال: يووو الحين بدال ماتصطريني لأني خليتش بروحش قاعده تسألين عن احمد



زهراء: هههههه <<من الفشلة



منال: سامحيني خلف جبدي من الفرحه نسيناش برا



زهراء: لا عادي عمري ، المهم وش أخباره الحين؟



منال: الحمدلله اكو يسولف عادي ويانا



زهراء استانست : الحمدلله



منال: امشي ويانا داخل



زهراء: لالالالالالا استحييي مستحييل



منال: وش مستحيل إلا احمـــد



زهراء خاطرها تدخل وتطمن عليه لكن مستحيه حدها تشوفه



منال: وش الحين؟



زهراء: أمم خلاص بقعد اهني



منال: زهرااااااااااء



زهراء: منال عاااااااااد والله استحيي



منال: تدرين خلش اهني بروح أنادي أمي لش



ومشت عنها



زهراء: منااااااال تعااالي



منال: ولا كأنها تسمع شي



زهراء : أفففففف



دخلت منال الغرفة الي فيها احمد



أم احمد: وينهي ليش ماجت؟



منال: تقول تستحيي



أحمد: منهي دي<<<هو شك في زهراء لكن مستحيل زهراء تجي لأن لازم الحين مسافرة هي



منال: زهراااء رفيقتي له



أحمد انصدم حده مو مصدق( زهراء جايه ليي المستشفى معقولة!) كان خاطره يقوم بكبربه ويروح ليها



منال انتبهت لوجه أخوها شلون تغير: مو راضية تدخل تقول تستحي منك



أحمد سوى روحه ماهتم وهو من داخله حده مشتاق لزهراء: أنزين خلاص لا تدخل مو لازم



أم أحمد: وش ماتدخل اني بروح ليها الحين .



طلعت أم أحمد لزهراء ، وزهراء ماتبي تعترض لوحده أكبر منها . استسلمت وراح ويا أم أحمد



أحمد: وينه أبوويي وعلي عجل؟



منال: ابوي راح الشغل من أمس ماراح وعلي بعد راح الجامعه.



أحمد: اي زين مايسوون



منال: ها ويش شخبار عيونك ؟



أحمد: أشوف منها بس أحس نظري كلما يجي ليه ينقص.شكلي بأعمى



منال: لالاإن شاء الله مافيك شي لاتفاول على عمرك



دخلت ام احمد ، منال واحمد يطالعون وراها ينتضرون زهراء تدخل وأخيرا دخلت وهي منزله راسها متفشله حدها



أحمد في قلبه ( غصبا عنش) حس روحه بيطير من الفرحه



زهراء بالعدااال: السلام



أحمد عدل روحه : وعليكم السلام



أم احمد : خلك منبطح علشان ترتاح



أحمد: لا جذي أحسن



زهراء راحت انخشت ورا منال كلش ماتبي تشوف أحمد مع انها خاطرها تشوفه



احمد: شخبارش زهراء؟



زهراء قبش لازم اني الي اسألك مو انت: زينة الحمدلله اسأل عنك



أحمد: أنا الحمدلله



زهراء: الحمدلله على السلامة



أحمد: الله يسلمش



زهراء متوترة حدها تنتفض بالعدال في قلبها( ياربي ابي اطلع )



منال مستانسة قاعده تشوف فلم هندي قدامها



منال تبي تزيد الفلم بهارات ـ منال: بروح وبجي



زهراء : لحظة بجي وياش



منال: لا قعدي مابتأخر وعلطول طلعت، زهراء حدها صارت طماطه تبي تلحق منال لكن وش بيقولون ؟



رجعت زهراء وقعدت على كرسي كان صوب الدريشة نزلت راسها تحاول تسوي أي شي بس ماتطالع أحمد لأن احمد كان يطالعها



أم أحمد: حمود اني بروح لام صادق مرقده اهني



زهراء تبي تهرب بس: أجي وياش؟



أم احمد: لاقعدي اهني احسن بتجي منال الحين لأن ان شافتش مو اهني بتقول بقنا رفيقتها.وعلشان مايصير أحمد بروحه بعد



زهراء يؤؤ بخلوووني بروووحي ماني ماني : ابتسمت لام احمد وهي من داخل باقي شوي وتصيح



طلعت أم أحمد وعلطول قامت زهراء تبي تطلع



أحمد:وين رايحه



زهراء انزهقت : بروح اشوف منال



أحمد( تبين تهربين يعني؟) بنشوف اذا قدرتين: قعدي الحين بتجي ، لا يكون خايفه مني؟!



زهراء وقف قلبها مو عارفة وش ترد ماردت، رجعت مكانها وقعدت سوت روحها قاعده تطالع برا من الدريشة <<تبي تغاور



أحمد:تستحين مني يعني؟



زهراء تمنت لو الأرض تنشق وتبلعها:ها ؟ لا



أحمد: وش فيش عجل باقي شوي وترمين روحش من الدريشة



زهراء بل انتبه غبيه اني يبين علي اني خايفة : لا بس قاعده اطالع<<وزز



أحمد: مشكورة على زيارتش ماتوقعت انش تجين ، توقعت سافرتين



زهراء خايفة تطالع أحمد في وجهه وتصيح: لا ماسافرت ،



أحمد: ليش؟



زهراء ( بل): يوم سمعت الخبر كنسلت قلت ببقى ويا منال



أحمد: خربت عليش يعني



زهراء ( وش هالكلام ، الا يقول منك الي صار، كل الي صار قدر): لا جذي جذي امي بتروح الشهر الجاي بروح وياها



أحمد:إن شاء الله انا بعد أروح كان خاطري أروح



زهراء ارتاحت من طريقة كلام أحمد يعني هدء التوتر الي في داخلها: يلا خيرها بغيرها



أحمد: وش فيش انزين تكلميني وانتين تطالعين الدريشة ، انا الي اكلمش مو هي<<ههههههه



زهراء تفشلت فرت راسها وقامت تطالع الأرض(وينش يامنالوا تقول مابتتأخر بعد)



أحمد حس إنها الفرصة علشان يستسمح منها على سالفة المعهد: زهراء



زهراء ( ردت رجعت دقات قلبها تدق بسرعه): ننعم؟



أحمد:أنا آسف على أيام المعهد يوم أفــشلش كنت جاهل



زهراء (وش ذكرك بهالسالفة الحين): لا عادي كنا جهال



أحمــد: يعني ماتكرهيني؟



زهراء بل وش فيه هذا يمكن مصخن لو شي : لا السالفة مو قوية يعني توصل لدرجة الكره عادي



أحمد: عجيبة أيام المعهــد من أحسن الأيام



زهراء: ههه اي هبلة كنت اني



أحمــد :ههه اي وانا مغرور



زهراء: ههههه لا مو مغرور اني الكل كنت اقوليهم مغرورين وهم مساكين مو مغرورين



أحمــد: ههه يعني



زهراء: اي



أحمد: مو مصدق ان انا الحين قاعد اكلمش احسه حلم



زهراء بــل!! بقوم بقوم ابي اطلع منالوا تعالييي



أحمد بدون شعور : زهراء تدرين ان انا وتدخل منال وخاشه شي في ايدها ورا ظهرها



زهراء ارتاااااحت وفي نفس الوقت صادها فضووول على الي كان بقوله أحمــد



منال حست أن فاتتها أشياء واجد لأن من دخلت صار المحل هدووووء



زهراء: تقولين مابتتأخرين



منال خخخ (آآخ يالملاعينخسارة فاتتني أشياء واجد)): ماتأخرت ولا شي