الموضوع: رواية للأمل بقية

الجـــــــــزء الثالث عشر

للامــــــــ بقيه ـــــــــــــل
باقي على زواج حنان يوم واليوم أسعد يوم في حياتي
ماني مصدقه اللي قاعد يصير أبوي مسوي عزيمة لاهل زوجي لانهم جايين
يحددون الزواج وخلافه من مهرومسكن
بس يارب يتم كل شئ على خير لاني وبصريح العبارة متخوفه من زوج حنان وزوج هيام أنهم يفشلونا
لان الاول يقلون مهبول والثاني دلخ سبحان الله فرحتي دايم ضايعة
يعني أهم يوم بحياتي يروح تركيز الوالده على حنان لانها ماخذة الغلا كله
بكره زواج ست الحسن وبما أنه ماراح يسوون عرس الوالدة حلفت يمين وثنتاها أن حنان ماتطلع من عندنا ألا بعرس وطقطقه طبعا هذي أمي وهذي سوالفها
XXXXXXXXXXXXXXXXXXXXX

طبعا بعد الاتصال اللي تلقيته من أم سعود والشعور اللي جاني من خلال مكالمتها أتضح لي أنها غير راضيه على الزواج فعشان كذا حبيت أوصل لها معلومه أني أنا وبنتي موسهلين بالدرجه اللي توقعتها علشان كذا قررت أسوي لحبوبتي حنان حفله صح مو حفلة كبيرة بس توفي بالغرض اللي بتسوى له
طبعا أبو نادر ماكان موافق على هالشئ خاصه بعد ما سمع وجة نظر بناخيه ناصر أن العرس ماله لزوم خاصه أن قد سبق له الزواج وأمة كبيره في السن ومريضة وماعنده أحد يقوم بالزواج بس أنا ضد الشئ هذا لان العروس من حقها تفرح بها اليوم ولو ماسوى ناصر الزواج أبو نادرهالشئ عندة عادي لانه مايرضى بناته يدخلون ألا في بيته لان في أعتقاد عايلته أن الزوج ما يحافظ على زوجته ألا أذا أخذها من بيت أبوها فعشان كذا فضلت أهل زوج سارة يحضرون حفله حنان ويشفون بعيونهم من هم مناسبين
XXXXXXXXXXXXXXXXXXXX
مارتحت لهجة أمي وهي تكلم أم نادر ذاك اليوم وطول الطريق وأنا أقول الله يستر شكل العرس مابيتحدد خاصة أن أمي معروف عنها أنها مرة عوبا حتى أبوي الله يرحم حاله مايقدر عليها وشلون خالتي أم نادر شكلها بتفركش العرس وأبصم بالعشرة أن هذي نيتها
بس الله يعدي الامور على خير يارب
XXXXXXXXXXXXXXXXXXXXXXX


للامــــــــ أمنيه ــــــل
أستغربت من الاتصال اللي جاني من خالي أبو نادر يخبرني فيه أنه راح تكون هناك حفله بسيطه كنوع من الفرحه بحنان أول شئ تضايقت
لاني من البدايه قايل ل هم ومبين أسبابي بصراحة حبيت أوري لهم أني أنسان عاقل ومانقص من عقلي شئ لان خالتي أم نادر دقت على أمي وخبرتها أن فيه مجموعة أشاعات وصلتها وأنها فقط حابة تتاكد من صحتها بس أمي ماعطتها فرصة وكذبت كل اللي قيل

منيرة : ناصر مر المحطة اللي على طريقنا لوسمحت خلنا نصلي الظهر فيها
ناصر أن شاء الله يمه من عيوني
منيرة : ناصر حابة أسألك سؤال وخايفه تزعل كل العاده
ناصر : ههههه أسألي ماراح أزعل كالعادة يمة
منيرة : ناصر أنت مبسوط
ناصر :هذا سؤالك يمه
منيرة :أنت بس جاوب أنت مبسوط
ناصر : بصراحه أيه مبسوط
أنتِ الحمد لله موجودة وصحتك ممتازه وأنا وظيفة ومركز بين الناس والكل يحترمني ويقدرني حالتي الماديه كويسه
ينعني مايوجد أي شئ يعكرمزاجي أويخليني مو مبسوط
منيرة : ناصرالحمدلله بس كل هالاشياء ذكرتها ولاجبت طاري حنان ليش ممكن توضحلي
ناصر: الله يهديك يمه أوضح لك أيش
منيرة : أنك ماذكرت حنان من ضمن الاشياء اللي أنت مبسوط فيها ممكن أعرف السبب
ناصر : يمة الله يخليك لي مايوجد سبب
كل مافي الموضوع أنها ألا الان مادخلت حياتي علشان أقولك وبصراحه أكثر ماني متعود عليها
منيرة : ناصر أنتبه وأنا أمك بكره زواجك أبيك ترد كل كلمة أنقالت عنك أبيك ناصر ولدي اللي الكل يحلف بخلاقة
ناصر : خلاص يمة لاتشلين هم كلها الليله وترجعين بنت أخيك للرياض
منيرة: ناصر يمه قول آمين الله يفرح قلبك مثل ماأنت ناوي تفرح قلبي
ناصر :أمين يمه أقول يمه وش قصه زواج الثانيه اللي ماضهر ألا في الوقت هذا
منيرة :الحقيقه علمي علمك بس صدقني الايام كفيله أنها تكشف لنا خبايا الناس اللي حولنا
XXXXXXXXXXXXXXXXXXXXXXX

للأمــــــــــ بقيه ــــــــــــــــــــل
أوف تعب ماهقيت أن زواج البنات متعب لهاالدرجة مع أني زوجت هيام قبل بس أني ماتعبت كل ها لتعب من الصبح قمت وأشرفت على كل شئ جتني شغاله مع أنها جديده بس أشوى تفهم
شوي شوي خلصت كل الترتيبات وأتصلت على أم ناصر تحاول تجي
بدري لان وجودها فا لجو هذا مهم بحكم أنها مرة ماشاء الله عليها فاهمه وعاقل وأنا ماعزمت أي أحد أجنبي ألا حمواتي خوات أبونادر من أمه
طلعت لغرفتي أتجهز وألبس ملابسي اللي كانت كلها يغلب عليها اللون الكحلي الفستان كنت مفصلته عند الخياطة الموجودة عندنا بالمزارع
كان لونه كحلي مورد بفضي من فوق مدلوع والدلعة واسعة مرة والموديل ضيق والكم سويته حفر لاول مرة في حياتي كل هذا لعيون حنان وسارة أبي أمهم تكسر عيون الناس اللي تكلموا عنهم وماكانوا يرونهم شي
أخذت طرحتي كان لونها أسود واطرافها كحليه ورقيت الدرج طالعة لغرفه سارة وحنان طقيت الباب ودخلت
أم نادر : السلام عليكم
البنات : وعليكم السلام
حنان : ماشاء الله يمه وش هالزين
ساره : يمه طالعه قمر
أم نادر : أنتم اللي الحلا كله لولاكم ماتزيينت الزين هذا كله يالله يحنان تعالي أبيك تحطين لي مكياج خفيف وتسريحه بسيطة
حنان : حاضر يمه من عيوني كم أم نادر عندي أنا

xxxxxxxxxxxxxxxxxxxxxxxxx

خلصت أمي في سرعة قياسيه لا ن الخدامة بلغت أمي وهي عندنا أن خالتي أم ناصر جت أمي بدون مبالغه طالعه قمر
كانت لابسة الفستان وطالعه قمه فيه خاصه أنها بيضا
والفستان زايد بياضها ومكياجها كان هادي بس حطيت لها روج فوشي زادها حلاوه
وشعرها أستشورته وخليته طايح على ظهرها
وهي لبست عليه الطرحه ونزلت لضيوفها طبعا أناوساره ممنوع ننزل أوحتى نطلع من باب الغرفه لان بكرة زواجي واليوم يحددون موعد زواج سارة ومن العيب الناس يشوفونا
xxxxxxxxxxxxxxxxxxxxxxxxx
بعدما نزلت أنا وناصر للصلاة في المسجد دخلت دورة المياة وبديت أضبط نفسي نزلت عبايتي الراس وبرقعي الاسلامي وحطيتهن في شنطة السفر الصغيرة اللي معي وطلعت عبايتي اللف وبرقعي اللي ردته صغيرة
وحطيت مكياج نفس لون ثوبي وكحل سايل ومسكرة ماحطيت كريم أساس وأستبدلته بواقي أخذت شنطتي وطلعت لناصر اللي كان يحتريني في السيارة
وشكله طفشان بس يقلبي مايقدر يقول والدليل أنه وصلني بسرعة وماحسيت بالطريق وصلت لبيت خالي بو نادر وأستقبلتني الخادمه ودخلتني مجلس الحريم

xxxxxxxxxxxxxxxxxxxxxxxxxxx
بعد مادخلت أمي قسم الحريم ركنت سيارتي بالباركن تبع البيت وتوجهت لمجلس الرجال اللي أستقبلني عند بابه نادر
ناصر : السلام عليكم
نادر : هلا وعليكم السلام أقلط حيا الله من جانا
ناصر :الله يحيك وشلونك يانادر
نادر: بخير الحمد لله
ناصر : أقول نادر وين خالي
نادر : واصل مشوار قريب وجاي
ناصر : الله يعين
قعدت أتامل في نادر سبحان اللي خلقه ماشاء الله تبارك الله جميل وماطلع على خالي أبو نادر أبد بس الشئ هذا أقلقني حيل الله يستر لاتطلع العجوز شينه صحيح مقيولة قبل لاشفت الزين عند الباب ترى القرود داخل


الجزء الرابـــــــع عشر

للامـــــــ بقيه ــــــــــل
الحقيقيه ماشاء عليها أم ناصر ماقصرت معي يوم جو ضيوفي قامت بالواجب وأكثر جاني من طرفهم الام العقربه والبنات وكانوجايبين معهم مجموعة هدايا وبعد القهوة والحلا ويوم عينومن الله خير
أم سعود: أقول أم نادر وين البنات ورى ماجو يسلمون
أم نادر : بناتي الله يسلمك ويخلي لك واليك مايطلعون


على أهل أزواجهم خاصه أذا تحدد كل شئ
أم سعود : ليش أش دعوة ياحافظ نبي ناكلهم
أم نادر: لاالله يسلمك يستحون



xxxxxxxxxxxxxxxxxx
الحقيقه لاحظت أم سعود تحاول تستفز أم نادر بأي طريقه فحبيت ألطف الجو شوي
أم ناصر : أقول أم سعود ماشاء الله هذول بناتك
أم سعود : أيه الله يسلمك
xxxxxxxxxxxxxxxxxx
شفت أم سعود ألتهت بالكلام مع أم ناصر تركتهم ورحت أشوف أبو نادر ياربي الرجال هذا تاخر مرة الله يستر خاصه أن أبو نادر تجيه أحيانا حالات غريبه وينام وهو يسوق أنا مادري وين راح أف صدق طول

xxxxxxxxxxxxxxxxxxxx

للامـــــ أمنيه ــــــــــــــــل

كنت قاعد أسولف مع نادر وفجأة سمعنا حس سيارات وقف في سور الفله طلعت أنا ونادر نشوف من اللي جا ونستقبله كانوا أنسبا أبو نادر اللي طلعوا في البخت فجاة
دخلناهم المجلس أنا ونادر بما أنه خالي مو موجود تصرفت بسجيتي وقلط الرياجيل وبدا نادر يضيف الرياجيل وأنا أتحفابهم

سعود :انت من عيال أبو نادر
ناصر : لا أنا ناصربن شقران
سعود : والنعم
ناصر : ماعليك زود

ملت على فيصل

سعود : أقول فيصل
فيصل : نعم
سعود : من تتوقع يكون الرجال هذا
فيصل بهمس : مادري
سعود : تتوقع أنه زوج العانس
فيصل : بعيد عنها أنت ماتشوف عمى الرجال شكله أصغر مني ولا ما تلاحظ
سعود : ألا ملاحظ بس قلت في نفسي يرزق من يشاء بغير حساب
فيصل : أنت ماتجوز هذي شايب ويخب عليها
سعود : ياليته شايب علشان ماتقعد عنده

فيصل: وليه أن شاء الله

سعود : ياغبي علشان لاتطلقت أخذاها
فيصل : حمد لله والشكر تاخذ وحده أكبر منك الله يخلف عليك بس

كنت أسمع الكلام اللي دار بين سعود وفيصل لان المجلس كبير وحنا بس ثلاثه والصدى يرد علينا
بس وش اللي صار تحطمت زيادة وصارت نفسيتي في الحضيض وحسيت أنه أمي لعبت علي من كثر ماتوصف لي زيونها
حسيت أني زي ماقولون وقعت في الفخ

شفت نادر جاه أتصال وطلع برا المجلس وتاخر
طلعت وراه أشوف وش صار لقيته عند مغاسل الرجال يكلم بالجوال قربت عنده وسكر
نادر : عن أذنك بدخل أتوضا للمغرب
ناصر : أذنك معك
كنت بارجع للمجلس بس صوت جوال نادر نبهني ورجعت أشوف المتصل
xxxxxxxxxxxxxxxxxxxx

للامـــــــ بقيه ــــــــــــــل

صراحة ماقدرت أصبر كني على مله المغرب قرب يأذن وأبونادر الى الان ماجا ياربي سترك

مالي ألا حنان طلعت فوق أدورها علشان تدق على أبوها
أم نادر: حنان حنان
حنان: نعم يمه بغيتي شئ
أم نادر :حنان بالله شوفي أبوك وين من العصر مابين ومايرد
على جواله حنان دقي عليه شوفيه وين راح
حنان: أبشري يمه الحين أجيب جوالي
أم نادر : عجلي يمه بسرعه
حنان :طيب يمه ثواني


طلعت أشوف جوالي وين علشان أزهم علي أبوي كان جواله يدق يدق ومايرد

دقيت على نادر ونفس الشئ ماحد يدق
ياربي وين راح الولد أكيد في المجلس ومستحي يرد قدام الرجال

XXXXXXXXXXXXXXXXX


للامــــــ أمنيه ـــــــــل

قربت من الجوال أشوف المتصل
كانت الشاشه تنور باسم آخرشخص توقعته
حنـــــــ يتصل بك ــــــــــــونه
قربت من الجوال أتأكد ونفس الشئ
طلع نادر من الحمام وأرتبكت صراحه لان جواله كان بيدي
نادر : تبي تتوضا تفضل
ناصر : أيه ياليت عن أذنك دخلت الحمام وسكرت الباب وحطيت أذني عليه وحاولت أسمع الكلام اللي تقوله حنان لاخوها

كان عندي أحساس غريب
مدري أيش هو فسرته في وقته أنه فضول كانت تقوله شئ وهومو فاهم بعدين قال لها تعالي في مقلط الرجال لجظه سولت لي نفسي أني أتبع أخوها مكان ماهو رايح علشان أشوفها بس تراجعت
في الحظه الأخيرة شكله من أثر الوضــــــوء
xxxxxxxxxxxxxxxxx
للامـــــــ بقيه ـــــــــــــــل
واعدت نادر في المقلط علشان أفهم منه السالفه لانه يقول أبوي كلم عليه وأنه سيارته تعطلت ومالقى أحد يجيبه للبيت
نادر : حنان السيارة تعطت ومالقى أبوي أحد يجيبه
حنان : نادر خله يكلم على أي أحد يجيبه
نادر: المشكله الجوال قضى شحنه وأنا مادل الطريق زين
حنان : نادر كلم على خالي دحيم وخله يجيبه
نادر : جبتيها الحين أكلمه يالله أدخلي داخل

xxxxxxxxxxxxxxxxxxx

بعد أشوي دخل نادر وجلس جنب اللي أسمه سعود
سعود :أقول نادر أبوك طول وحنا ورانا مشوار وينه
نادر :الوالد في الطريق وانتم عشاكم الليله عندنا قولوا تم
سعود : ههههه الله يقويك
ونعم بيمنا ربتك
أبونادر :السلام عليكم
الكل وعليكم السلام
جلس أبونادر المساءالخير ياناصر وشلونك
ناصر: الله يسلمك ياخالي
أبو نادر: أعرفك ياناصر فيصل نسيبي وعديلك
وأخوه سعود
أعرفكم فيصل شقران نسيبي والله يحيكم على زواجه القابله
سعود : فيصل أنت تسمع
فيصل : أسمع بس سكر فمك
لا تفضحنا
XXXXXXXXXXXXXXXX
أقلقتني أم سعود بسوالفها
وللاسف مالي حل ألا أسمعها
أم سعود : أقول أم ناصر بسأل سؤال وياليت ماتزعلين
أم ناصر : لا مارح أزعل تفضلي
أم سعود : ليش تزوجين ولدك وحده أكبر منه
أم ناصر : نعـــــــــم سمـــي

XXXXXXXXXXXXXXXX
قلطت الحريم بعد
ماتعشوا الرياجيل
وطلبني أبو نادر للمقلط يقول أن بنخيّ بيسلمون على طبعا هذا في الظاهر أما في الباطن أنا اللي طلبت منه الشئ هذا علشان أكسر الحاجز في نفوسهم وأعودهم علي وأشوف طريقتهم في الكلام وأقيمهم
قلت في نفسي فكه من أم سعود

رحت أتعطر ودخلت المقلط
أحتري أبو نادر

XXXXXXXXXXXXXXXXX

صراحه تفاجات من خالي أبو نادر لما قال ناصر. فيصل تفضلوا لمقلط الرجال
XXXXXXXXXXXXXXXXX
توقعت أبونادر مناديني علشان أشوف زوجتي وأشوف طلباتها
بس طلع يبيني أشوف زوجته بالله أنا وش أبي بحرمته أبي حرمتي صدق ناس عقولها ناقصه

XXXXXXXXXXXXXXXXX
نادنا خالي أبو نادرللمقلط وجلسنا أخنا شوي ودخلت علينا حرمه سبحان خالقها
عرفت بعدين أنها خالتي أم نادر
طيب أذا كانت عجوز أبو نادر كذا
أجـــــــــل أنا عجوزي كيف ؟

الجزء الخامس عشر

للامـــ أمنيه ـــــــــل
دقت علي الوالدة وقالت ألحقها لملحق الضيوف طبعا مانتظرت وطلعت بسرعه للوالدة بعد مادلني نادر على الطريق دخلت عليها عسى ماشر يمه
منيرة: ابد يمه بس أبيك ترتاح علشان بكره تقوم بدري ومايصيبك أرهاق الساعه هالحين 12:30






متى تنام
ناصر: أشوى يمه روعتيني أحسب فيك شئ
منيرة: لا حبيبي مافيني ألا العافيه

ناصر: أن شاء الله يمه هالحين رايح
مادري ليه أمي ماهي طبيعه أحس بالشئ هذا لو ماتكلمت
دخلت غرفتي وسكرت الباب وتمددت على السرير وجلست أفكر بخالتي أم نادر وأتخيل حنان هل راح تكون بمثل جمالها ولا تطلع نسخة من أبوها
غمضت عيوني وأنا أحاول النوم يجيني بس بدون فايدة

xxxxxxxxxxxxxxxxxxxxxx

لما دخل ولدي ناصرينام رحت للصالة أجلس فيها بصراحة أنا حزينه أن ناصر راح يتزوج
في الفترة الاخيرة بدت تجيني مخاوف أن ناصر أذا شاف حنان ماراح يداريني ويخاف على خاطري مثل أول لان اللي يشوف حنان مو بس ينسى أمه ينسى طوايفها بعد
توكلت على الله وحطيت كل ثقتي فيه ودخلت أنام
للامــــــ بقيه ــــــــــــــل


كنت أتقلب على فراشي عيا النوم يجيني
التفت على سارة لقيتها مهي يمي في عالم ثاني
بعد شوي أنطق الباب كانت الوالده جايه ومعها مفرش تبي تنام عندنا
ْْXXXXXXXXXXXXXْْْْXXXX

أحس فرحتي اليوم ناقصه لان هيام موفيه ماقدرت تجي تشارك خواتها فرحتهن الجو عندي أكتاب وأبو نادر حط راسه ونام الدنيا عندي ظلما
أحس حياتي بعد حنان من غيرشر عليها راح تكون بلا طعم أو لون
ياربي صبرني على فرقاها
طبعا ماقدرت أستحمل الجلسه لحالي طلعت لغرفت البنات وأخذت معي لحاف ومخدة لاني قررت أنام عندهم
xxxxxxxxxxxxxxxxxxxxx
صراحه ماصدقت عيوني الوالدة زايرتنا في غرفتنا الفرصه جت ليما عندي علشان أسألها عن زوجي طبعا مو قادره أقول أسمه مو من شئ من الفرحه وأحس بخجل لاذكر أسمه لاني الى الان ماني مصدقة
xxxxxxxxxxxxxxxxxxxxxx

السلام عليكم وش أخباركم يابنات أن شا الله بخير
حنان : هلا يمه تفضلي
سارة : حياك يمه تعالي
أم نادر : يابنات أنا قررت الليله أبات عندك
حنان : يمه تحسين بشئ
أم نادر: لا بس أبي أكون معك بأخر ليله لك هنا
ولا فيه مانع
سارة : لا يمه مافيه مانع تفضلي
أم نادر: زاد فضلك ياخوفي يكون ورا هالترحيب مصلحه
سارة : دايم فاهمتني تعالي يمه أنسدحي معي على السرير

أم نادر : لا ياسارة الليله أنا ضيفت حنان تسمحين ولا لا
حنان : تفضلي يمه تعالي هنا
أم نادر : ها ياسارة شكل في صدرك كلام ودك يطلع
سارة : بصراحة أيه بس مستحيه
أم نادر : طيب أنا بقول منعا للاحراج تبين تسألين عن فيصل
سارة : يمه حرام عليك لازم تحرجيني
أم نادر : وأنتِ ياحنان ماتبين تسألين عن ناصر
حنان : لا يمه رجاءً لا تقولين شي أبي أكتشف بفسي أبيها مفاجأة من جد
أم نادر: وأنتِ ياسارة
سارة : لا يمه أبي أعرف هالحين مابي مفاجأت
أم نادر : حاضر ياسارة
فيصل على أنه مادخل مزاجي
ألا أنه بشوية دهن بيطلع مافيه منه بس عنصر الصبر راح يكون ملازم لك فترة طويلة
الله الله وأمك من الحين أقول لك أذاتخليتي عن الصبر راح
ينهار زواج خاصة مع وجود أمه الصبر ثم الصبر
حنان : يمه ماشاء الله عليك عندك خبرة في كل شئ يمه ليش هيام ماجت
أم نادر :أنا قلت لها لا تجي علشان تجي بكرة ومايعند زوجها
حنان: يمه ليش ماجبتي ألا ثلاث بنات وولد مع أنك شكلك صغيرة
أم نادر :شوفوا يابنات الله رزق أبوي تسع بنات وثلاث عيال
البنات ماتوا كلهم في حياة أمي وبعد ما ماتت أمي تزوج أبوي ورزقه الله بالاواد اللي صاروا له عزوة وسند
وتزوجت أنا وكنت مجروحه لاني كنت أفقد كل سنه وحدة من خواتي وأخرهم أمي
ويوم رزقني الله بهيام كانت بلسم لي وعوضتني عن فقد أمي وعاملتها كاني أعامل أمي
وبعدها حنان اللي عوضتني عن خواتي وبدها ساره اللي كانت هديه من الله لي ونادر اللي عوضني عن الدنيا ومافيها
حنان: يمه لاتبكين تكفين
أم نادر: يا لله ناموا بكرة ورانا شغل كثير
xxxxxxxxxxxxxxxxxxxx
ماكنت مستانس عمتي شرطت على بيت وأمي طول الطريق
أصدعت راسي وفضحتني في أنسباي يوم عيت تقعد لحفلة بنتهم وحلفت علي أطلق سارة لوما مشيت معهم وطنشتهم على قولتها
وما با ليد حيله وامي دايم ماسكة علي قول مستحيل تغيرة ورابطتني فيه مثل الخرووووووف
الجنه تحت أقدام الامهات
والله يخليك لي يايمه بس لو تتركين العوابه

xxxxxxxxxxxxxxxxxxx

الدنيا قاعدة دور فيني معقول ماحضر مناسبة كبيرة عند أهلي والسبب زوجي مو راضي علي أروح
أنا ماعاد اقدر أستحمل الوضع مو أول وحدة ولا أخروحدة تطلق العيشة مع زوجي لا تطاق
xxxxxxxxxxxxxxxxxxx
منيرة : يمه ناصر قوم الساعة أربع العصر
ناصر : يمه شوي بس
منيرة : اليوم دخلتك والا نسيت
ناصر : والله ههههه مادريت
ثواني بس
منيرة : ناصر قوم أنا رايحة للكوفيرة وأنت شوف ملابسك
وأغراضك والحمام جاهز يالله قوم
xxxxxxxxxxxxxxxxxxx

خلصتني الكوفيرة بدري عالساعة ثمان كنت خالصة
طبعا بطلب من الاستاذ ناصر
هالشئ ضايقني لاني ماأمداني أجلس مع أهلي ويشوفوني على الكوشه زي العالم والناس
xxxxxxxxxxxxxxxxxxxx
للامـــــ بقيه ــــــــــــــــــــــل

بعد الاحداث بأسبوع
واقف عند باب غرفته أمي
وشماغي في يدي
يمه خلي حنان تطـــلع تكوي
شماغي
منيرة : ثواني يمه
طلعت كانت لابسة جلابيه فسفوريه وجــــــميله مافيها
كلام بس أكتشفت شئ مهم أن
العجايز كلهم حلواتــــــــــــ




الجزء السادس عشر
للامـــــ بقيه ــــــــــــــــل
كنت جالسة أقهوي خالتي في الصالة الجانبية للجناح تبعها
بعد شوي جاني صوته ينادي
ماأقدر أقولكم وش أحس فيه يوم سمعت صوته
ياناس صوته غير أحس بالفرح لاسمعتة جتني خالتي
بشماغة
منيرة : حنان ولا عليك أمر أكوي شماغ ناصر بيطلع عنده شفت بالليل

XXXXXXXXXXXXXXXXXX

ماقدرت أقول شئ طبعا
حنان : أن شاء الله خالتي
طلعت من الجناح وكان ناصر واقف قبالي بس ليش شافني تجنبني بصراحة كل شئ في هالانسان يحيرني ويخليني أفكر ليش يعاملني كــــــــذا
دخلت غرفة الكوي وبديت أكوي الشماغوأنا أفكار كثيرة تدور في بالي عجزت أفسرها
خاصة ذاك اليوم
يـــــــــوم الدخله
ماكان طبيعي الرجال كيد فيه شئ كان مرتيك بشكل الكل لاحظه حتى أمه وأكر هيام علقت ع الموضوع
هيام بصوت واطي : أقول حنونه كانك الرجال وهو المرة تصدقين
أم نادر : يالله حبيبتي غطي الطرحة زوجك بيدخل
حنان : يمه بيدخل معه من خوالي أحد
أم نادر:لا أبوك ونادر بس
حنان : يمه خلي البنات يحطون الزفة
يمه عريسنا يابدربادي مو غيرها
أم نادر :أبشري من عيوني

XXXXXXXXXXXXXXXX
دخل كان أبوي معه وأخوي نادر أسم الله عليه يجنن كان كاشخ من قلب
جاء ووقف جبي وقالي كلمه يتيمة أغرمت بصوته عن طريقها
ناصر : مبرووووك
حنان: لا تعليق
طبعا أبي ماقصر فيه بالوصايا
ونادر أسم الله عليه قال كلمة حسيت يوم قالها أن لي عزوة وسند
نادر : ناصر حط حنان بعيونك
ناصر بون نفس طبعا : أن شاء الله
نادر : شف وأذا زعلتها عيونك اللي حطيت حنان فيها أباأخذها معاهم فاهم
وأنا حاول أبتسم رغم الضيقة اللي أحس فيها
ناصر : أسم الله وش جاب طاري هالكلام
نادر : بس أحط عندك
خبر
XXXXXXXXXXXXXXXXXX
ماني مصدقة نفسي معقول نادر يقول الكلام هذا
يحرام أكيد ولدي متأثر بسالفة هيام حبيبتي والله
قبل كم يوم جتني تشتكي من زوجهاوتبي الطلاق والله بناتي صاقتهم عين ماصلت على النبي يعني ماأمداني أفرح بزواج هالثنتين ألا الثالثة مطلقه حاولت أهديها وأبين لها رفضي بما أنها عندها بنات يسّون الدنيا ومافيها ويتاهلن التضحيه لو شوي
أم نادر: حنان علامك يمه فيك شئ
حنان بنفس الهمس : لا يمه بس أنتي توتريني بالهمس هذا
XXXXXXXXXXXXXXXXXX
بعد ماعطيت أمي الشماغ نزلت تحت للصالة أشوف التلفزيون وحطيت عالاخبار وجلست أنتظر الشماغ يخلص وياليل ماأطولك
XXXXXXXXXXXXXXXxX

ناصر: يمه لو سمحتي لحظة شوي
منيرة :نعم يمه
ناصر : يالله مشينا
منيرة : وين يمه
ناصر: وين يعني لبيتنا
منيرة : ناصر تعال شوي
ناصر :حاضر يمه
منيرة : ناصر أنت ما حجزت لك ولعروسك في فندق وألا أيش
ناصر : يمه تنكتين أنتِ فندق في المزارع يمه صراحة وسعتي صدري وهو ضايق
منيرة : أسم الله عليك تحس بشئ
ناصر : أبد أحس بشوي تضايق علشان كذا أبيك تجين معي
منيرة : أسم الله عليك يمه خلاص ثواني بس
أنت روح ناد عروسك وأنا راح أجهز أغراضي
XXXXXXXXXXXXXXXXXX
بصراحة يوم نادا ناصر أمة أرتبكت خفت أن حنان ماتكون أعجبته ياربي سترك
أم نادر : خير ياأم ناصر عسى ما شر
منيرة : لاأبد بس ناصر بيسري للرياض عنده أرتباط مهم
أم نادر : طيب ليش تروحين أنتِ
أجلسي عندي هاليومين ونسيني
منيرة : كانت هذي نيتي بس ناصر الله يهديه أصر أني أسري معه
أم نادر : خلاص أجل ماتشوفون شر
منيرة :أم نادر ياليت تجهزين حنان بسرعه لان ناصر مستعجل
أم نادر: خلاص صار ربع ساعة وتكون جاهزه
XXXXXXXXXXXXXXXX
ماكنت أبي ناصر يجلس أكثر من كذا ويصير مضاعفات غير التضايق أبي أطلع من البيت هذا بأي طريقه كل اللي أفكر فيه هالحين ناصر وبس
تذكرت اللي صارله في زواجه الاول الله لايقوله
دخل على زوجته نجلاء وكانت الدنيا مو سايعتني
وهو فرحان فرحتة ماتوصف كان أسم الله علية جميل بشكل والفرحة تنط من عيونه
أخذها وراح للفندق وأخذني أنا وأمها وخالتها مهم
دخلنا الفندق وطلعنا عالجناح تبعهم أول مادخلت نجلاء الغرفه هي وناصر ولعت نار أسم الله علينا
الغرفة ماصار فيها شئ بس السرير هو اللي أحترق شئ
وناصر صار يصارخ
طبعا الزواجه تفركشة بس نجلاءجلست على ذمة ناصر حوالي السنتين وناصر تعب على بشكل كان ماياكل ويرجع كل اللي ياكله دخلته المستشفى كثير وفي كل مرة يطلعونه ويقولون ولدك مافيه شئ
آخر العلاج الكي بس ماحبيت أستخدمة مثل ماشارت علي أم حسين علشان
كذا فضلت ألجا للمشايخ وأشوف وش ردهم
ودرت على كثير منهم وبدا ناصر يتحسن شوي شوي
وصار يعتمد على نفسه
وأرتاح لاحد المشايخ ساكن بالمدينه اللي حل مشكلته جذريا وعلمه أن معمول له عمل علشان مايتزوج وبالذات نجلاء وعلمه باللي سواله العمل
بس ناصر ماعلمني
XXXXXXXXXXXXXXXXXX
طلعت بسرعة وأنا أحس أني مكتوم رحت للباركنج تبع المزرعة وشغلت سيارتي وقربتها للباب الرئيسي للفله
طلعت العروس وطبعا ماتقدر تمشي من فستانها
شفت أمي وخالتي يمشون وراها وأمي خدامتها تشيل شناطها
نزلت بسرعة وفتحت الباب اللي قدام أبي أمي تركب جنبي
ناصر : تفضلي يمة
منيرة :لايمه عروسك تركب جنبك
ناصر: يمه والله ماتركبين ألا هنا
منيرة : الله يهديك بس
XXXXXXXXXXXXXXXXXX
ركبت أمي قدام وعروسي ركبت ورى مع شغالة أمي
هههههه شر البليه مايضحك
طول الطريق على أني أحس بنغزات بصدري وشوي تضايق ألا أني ماسك نفسي بالغصب لا أضحك وكل ماجت الضحكة رصت أمي على يدي وسكت
XXXXXXXXXXXXXXXXX
الله يعينك ياحنان يعني يوم تزوجتي ماخذتي زي الناس
من كثرماأحب حنان شكلي باوسوس
دخلت داخل أشوف ضيوفي وأودعهم بعد ماراحت حنان الله يسعدها ويهنيها ودموعي مو راضيه تفارق عيوني
XXXXXXXXXXXXXXXX
وصلت الرياض عالساعة ثلاث الفجر تقريبا
نزلت من السيارة وناديت الوالدة
ناصر : يمه قولي لحنان تغير ملابسها وتاخذ شنطة ملابس تكفيها لسبوع بعد نص ساعة
ماشي للمدينه

الجزء السابع عشر
للامــ بقيه ــــــــــل
تفاجأت أن خالتي هي اللي تدلني عالجناح تبعي وأن عريس الغفلة ماأهتم فيني
ولا يكلف على نفسه يقول أبا أشوف وجة اللي أخذها واللي أزعجني أكثر يوم ركبني مع الخدامة اللي طول الطريق مطربتني بصوت شخيرها لدرجة أني أحس راسي بينفجرمن الألم
دخلت الجناح بصراحه كان ماعليه زوين صالة صغيرة تفتح على غرفة النوم وغرفة ملابس وحمام بس المشكله أن غرفت النوم مفتوحة على الصالة بدون باب وغرفة الملابس كذالك الوحيد اللي فيه باب الحمام وغيره المدخل الرئيسي للجناح
ومثل ماقالت لي خالتي غيرت ملابسي بسرعة لبست فستان أسترش لونه أصفر وكان ماسك على جسمي وأخذت الشنطه اللي جهزتها لشهر العسل و قبل أطلع من الجناح رجعت وشفت الفستان كان أسطورة بجد كنت حاطته على السرير علشان لارجعت ألفة زين يشبه تصاميم العصور الوسطى لونه روعه سكري وأخترت التسريحة والمكياج على أساسه بس ياخسارة اللي تكلفت علشانه ماشافهم
طلعت وسكرت الباب وراي وأنا نازله مع الدرج صادفت الشغاله طالعة وقلت أن عمتها منيرة تبيني في مجلس الحريم
نزلت مع الدرج وانا مستغربة درج فلتهم كان لولبي يعني اللي طالع مستحيل يشوف اللي نازل
xxxxxxxxxxxxxxxxxx
بعد ماراحوا ضيوفنا
أم نادر : أخيرا خلصنا
هيام : الله يعافيك يمه
أم نادر : تسلمين حبيبتي عقبال شيخة وشهد أن شاء الله
سارة : وعقبال حفلتي أن شاء الله
أم نادر: يعني مستعجله ع فرقانا
سارة : لا يمه لاتفهميني غلط
أم نادر : فهمتك وخلاص الله يذكر حنان بالخير
ياربي تساعد حنونتي بالحظ الطيب يارب
xxxxxxxxxxxxxxxxxx
كنت أفكر وش راح أسوي بعد ماشرطت خالتي أم نادر البيت معاد لي أي مفر من أن أجهز بيت لسارة وأخذها معي
سعود : وين يابو الشباب
فيصل : قريب ليه تبي شئ
سعود : أبد ياخي أشوفك سرحان قلت أشوف وش فيك
فيصل : ياخي متورط وأبي لي حل
سعود: في أيش ماشاء الله عليك أمورك كلها تمام
فيصل : تمام طل مالت على وجهي بس قال تمام قال
سعود :طيب الحل تبيه عشان أيش
فيصل : أنت تدري ياسعود أني أشتغل بحقل شيبه
تعرف وش لون يعني أقرب مدينه له تزخر بالاجانب وشلون أودي أهلي هناك
سعود : حصل خيريا خي روعتني خل أهلك عند أمي وبكذا تحل المشكله
فيصل: يا حليلك أجل أخليها عند أمي عز الطلب والله
xxxxxxxxxxxxxxxxx


نزلت الدرج وأحاول أستعجل نفسي لاني مستحيه منها خاصة لما قالت لاتتأخرين
xxxxxxxxxxxxxxxxxx

بعد ما شيكت على سيارتي لاني أبي أسافر فيها طلعت بسرعه لجناحي لاني أبي أبدل ملابسي وأغسل يديني كنت طالع
وأناأحاول أتصل بامي علشان أشوف حنان وين مابي أحرجها كنت بصراحه طاير وماني منتبه لاحد
مرتني روسّي وهي مستعجله
ناصر : روسّي نادي ماما بسرعة
.: حاضر بابا
ناصر : نعــــــــــــــــــــــــم
xxxxxxxxxxxxxxxxxx
بصراحة لما مرني ناصر موشت
ماقدرت حتى ألمحة
ولما أعتقد أني الخدامة
رديت عليه بسلوب الخدامة حقتهم
حاضربابا
ويوم سمعت صوته مستغرب
ركضت بسرعة بأتجاة المجلس اللي تنتظرني فيه خالتي

xxxxxxxxxxxxxxxxxx

يوم قالت حاضر بابا عرفتها
لان الخدامه ماعمرها قالت بابا دايم تناديني ناصر
ركضت على الدرج أبي أشوفها ماقدرت ماشفت الا زول من بعيد
رجعت فوق وأنا أصبر نفسي مصيري شايفها
دخلت الجناح وأنا أشم ريحة عطرها حسيت بشوي دوخه ودقات قلبي تزيد وش هذا دخلت الغرفه وشفت الفستان حقها معقول وش هالذوق والاناقه شكلها فاهمه في الموضة وأحسب بنات المزارع دجة طلعوا يفهمون بالموضه أكثر منا ياحلو فستانها
رحت يمه برهبه ومسكته رفعته شوي شميته كانت حاطته من خلطته العاذرية اللي حسيتها صكت راسي


xxxxxxxxxxxxxxx
رحت أستعجل ناصر بصراحه أستحيت أقعد مع البنت وهي حدها ميته من الخجل ماتنلام أول ليله لها وأنا اللي أقعد معها الله يهديك ياناصر
بجد احراج
منيرة :عن أذنك حبيبتي
حنان : تفضلي
دورته وأخر شئ صوت عليه
ناصر وينك يمه
ناصر: ثواني يمه الحين جاي

xxxxxxxxxxxxxxxxx

نزلت بسرعه ودخلت المجلس يالله مشينا
ناصر :يمه توصين شئ
منيرة : لايمك أنتبه لنفسك وحط حنان بعيونك
ناصر : أن شاء الله

xxxxxxxxxxxxxxxxxx
طلعت أدور الخدامه وأوصيها على أمي ومواعيد علاجها
طلعت للسيارة وفتحت الباب اللي قدام علشان تركب
xxxxxxxxxxxxxxxxxx
شفته يركض ويحط الشناط بالدبه تبع السيارة ويفتح الباب اللي قدام شكله موحلو ألا احلا من الحلو كان متروش ووجهه أحمر والمويه تنزل من شعره يعني شئ فوق الخيال
حبيت أخوفه وفتحت الباب اللي ورى
سمعته يقول
ناصر : حنان تعالي قدام
ياربي أحسه طفل
نعمت صوتي شوئ
حنان : أن شاء الله بس أحط شنطة مكياجي
xxxxxxxxxxxxxxxxxx

ركبت معي قدام وكانت الوالدة تودعني بكشل صراحة أثر فيني
حركت وأخدت الخط السريع وشوي شوي
بديت أندمج بالسواقه هذا طبعي لاسقت
كنت أفكروريحتة عطرها والفستان مسيطر على كل جزء مني وآخذ كل تفكيري
التفت أشوفها
لاماأقدر كانت لابسه برقع ياحلوه عليها كان خيال كانت لابسه عبايه ساتره
وأكمامها ماسكها على يدينها
لالا أيدينها خيال أصابعهاطويله وحاطه مناكير أحمر مبين بياض يدنها
يعني خمس ساعات من العذاب وساعه ورا ساعه رغبتي فيها تكبر
xxxxxxxxxxxxxxxxxx
ياترى ليه ساكت مايتكلم الله يستر فيه أحد يجلس خمس ساعات مايهرج صراحه غريبه ولاحتى مر محطة ولا كلمني وقال لاتبين شئ
وقفنا عند شقق الساعة الحين ثمان الصبح نزل وبعد شوي قالي يالله تفضلي
xxxxxxxxxxxxxxxxx
طلعت معها وأنا حدي سكران منها ومن عطرها ومشيتها حتى من مسكتها لشنطتها
فتحت باب الشقة
ناصر : تفضلي حنان
حنان : زاد فضلك
ناصر: خذي راحتك
xxxxxxxxxxxxxxx
دخلت الحمام وأنا أحاول أهدي نفسي غسلت وجهي ونشفته
وطلعت أدورها
xxxxxxxxxxxxxxxxx
دورت غرفة النوم دخلتها ونزلت عبايتى صلحت الفستان ودخلت الحمام أشوف شكلي

xxxxxxxxxxxxxxxxxxرحت أدورها في غرفة النوم ماحصلتها
رحت لشنطتي فتحتها وأناأدور ساعتي ولقيت العطر وحطيت منه مافيه مانع
كانت في الحمام طلعت صراحه تفاجأت منها وكنت خلاص مو قادر أسيطر على
نفسي
رحت لها موقادر أفسر شعوري
سندتها على الجداروبست شفافها بدون شعور
غبت في عالمها والسكره تزيد مره بعد مره


الجزء الثامن عشر
تركتها ودخلت غرفة النوم جلست على السرير ثواني القط أنفاسي وبدون مقدمات لقيت نفسي أرجع دم بشكل مخيف الحقيقه أنا تروعت
أخذت لي شماغ بسرعة وطلعت مستعجل من غرفة النوم وصادفتها في الصالة الى الان واقفه في المكان نفسه وشكلها مرعوبه كنت باأطلع أروح للمستشفى أشوف وش السالفه نادتني

XXXXXXXXXXXXXXXXXX
تفاجأت منه أنه راح يركض لغرفة النوم والشئ اللي فاجأني زيادة بوستة لي لاني ماكنت متوقعتها خاصة في الوقت هذا يعني مسرع خمس ساعات مايكلمني ويجي فجأة يبوسني الشي ها شككني فيه شفته طلع مستعجل حولت أناديه وأستحيت أناديه بأسمه ففضلت أناديه بكلمه حياديه
XXXXXXXXXXXXXXXXXX
فتحت الباب أبي أطلع يوم سمعتها تنادي
حنان : لوسمحت
جاوبتها وأنا حاط شماغي لطمه
ناصر : نعـــــــــــــم تبين شئ
حنان: أنعم الله عليك بس بتطلع
ناصر : أيه فيه مانع
حنان : لاأبد بس بتطول
ناصر:يمكن تبين شي
حنان : أنا خايفه ماأقدر أجلس لحالي
نزلت الطمه عن وجهي و
ضحكت من قلب خاصة وهي تقولي أنا خايفه والروج حايس على فمها شكلها شئ
اللي يشوفها يقول عمرها عشرين مو خمسة وثلاثين وشوي
ناصر : سلامات اللي مثلك جدة وأنتي الى الان في قاموسك الخوف
وطلعت حتى بدون ماناظر لها وأشوف ردت فعلها على أني تحسفت بس ماعليش الحواجزفي الوقت هذا مطلوبة

xxxxxxxxxxxxxxxxxxxxxx

انصدمت من ضحكته في البداية وبعدين عرفت السبب أكيد ما عجبته وألاليش تركني بالطريقه هذي
هديت نفسي وذكرت الله في سري وحاولت أني ماأزعل من الشئ هذا لانه متوقع بس أنا اللي كنت مستسهله الامور
صرت أتذكر كلام أمي الله يخليها لي واللي راح ألتزم فيه من اليوم ورايح
أم نادر : حنان حطي في بالك أن الزواج في هذا السن مو هين ولازم تعرفين تستغلين هالشي في صالحك
حنان : كيف يمه
أم نادر : حنان أنا لازم أشوف ولدك قبل دورالحول لازم أتطمن عليك
حنان : بس يمه أناودي في البدايه يكون الوضع بدون أطفال علشان أقدر أتعود عليه أدرس شخصيته أشوف أطباعه يصلح يصير أبو وألا لا
أم نادر: وأنتِ وش عليك أن كان يصلح أبو ولا مايصلح
أنا أبي أشوف ضنا لك ينفعك في كبرتك مفهوم
حنان : حاضر يمه

xxxxxxxxxxxxxxxxxxx


طلعت من عندها وسيده على أقرب مستشفى خاص أشوف سبب الدم
دخلت على الدكتور وطمني أن
هذا شئ عادي طبعا ماقلت له عن اللي صارلي مع حنان
سويت تحاليل
وجلست في الاستراحه أنتظر النتيجه
اتصلت على الوالدة أطمنها أني وصلت
ناصر : صباح الخير ياحلو
منيرة : ناصر حبيبي
ومامسكت نفسي وقعدت أبكي و أشاهق
ناصر : يمه فيك شئ
منيرة : أبد حبيبي بس أشتقتلك
ناصر: تشتاق لك العافية ها يمه أخبارك وشلون السكر معك عساه مظبوط بس
منيرة : الحمد لله

جت نتايج التحاليل
ناصر: يمة توصين شئ

منيرة :لا حبيبي بس وين حنان
ناصر : في الحمام
منيرة : خلاص سلملي عليها
ناصر : أبشري كم منور عندي
منيرة : تسلم حبيبي مع السلامة
ناصر : يمه أنتبهي على نفسك مع السلامه

سكرت من أمي وعلى طول

رحت لغرفة الطبيب
دخلت وسلمت عليه
ناصر: ها دكتور طمني
XXXXXXXXXXXXXXXXX
أتصلت على أمي بطمنها
حنان : الو صباح الخير يمه
أم نادر :حنونه هلا ياقلبي
أخبارك
حنان : يمه بخير أنتم وش أخباركم أبوي وخواتي وش أخبارهم
أم نادر : طيبين ياقلبي حنان أنتي وين هالحين
حنان : يمه أنا وناصر طلعنا للمدينه
أم نادر :سم المدينه وش وداكم ألها
أطريت أكذب على أمي
حنان : تغير يمه ألا نادر وشلونه عساه طيب بس

أم نادر :طيب ماعليه أنتي بشريني
عنك وشلون ناصر معك
حنان : يمه الحمد لله
أم نادر : حنونه ملاحظتي عليه شئ موطبعي

ماحبيت أعلم أمي بكل شئ
قلت أعطي نفسي فرصه أشوف وش يصير
حنان : لا يمه الحمدلله مالاحظت شئ

أم نادر : حنان صار بينك وبينه شئ
حنان : وش تقصدين
أم نادر : الله يهديك وش أقصد بعد
حنان : يمه لا ماصار شئ من اللي تقصدين وبعدين تو الناس الرجال أول مرة أشوفه في حياتي البارح وين يصير شئ الله يهديك
أم نادر : طيب حنان الله يوفقك
حنان : يمه أنا بسكر تبين شئ
أم نادر : مع السلامة حبيبتي
حنان : الله يسلمك يمه

XXXXXXXXXXXXXXXXX
الدكتور :تطمن أخ ناصر ما أشوف أي شئ يخوف في حالتك والتحاليل سليمه

ناصر : دكتور أنا رجعت دم
وهالشئ يخوف
الدكتور : طيب أول مرة تصير معك
ناصر :أول مرة
الدكتور : أحتمال يكون التهاب بسيط سبب في النزيف راح أعطيك بعض الادويه وأن شاء الله كل شئ تمام

مارتحت لكلام الدكتور
طلعت من المستشفى
وأخذت جوالي بكلم الشيخ وأشوف وش راح يقولي
ناصر: ألو السلام عليكم ورحمة الله وبركاته
الشيخ : وعليكم السلام
ناصر : كيف حالك ياشيخ
الشيخ : الحمد لله
ناصر : الحمد لله
الشيخ : أخوي ماعرفتك من معي
ناصر : ياشيخ معك ناصر بن شقران

XXXXXXXXXXXXXXXXXX

بعد ماسكرت من أمي حسيت بصداع فضيع طبعا كان بسبب قلت النوم والسفر
أخذت لي ملابس ودخلت الحمام أخذ لي دوش
أول مادخلت الحمام وجهي في المرايه ماله حيله الرجال يوم طفش
الحين هذا شكل عروس الله المستعان
xxxxxxxxxxxxxxxxxx
سمعت ضحكة الشيخ ووناسته يوم أتصلت عليه

الشيخ : حيا الله ناصر وش مسوي أخبار
ناصر : بخير ياشيخ بس أبي أتواجه أنا وياك عندي موضوع حاب أخذ رايك فيه
الشيخ : خلاص ياناصر تعال للمسجد النبوي نصلي العصر وبعدين نشوف وش عندك
ناصر : خلاص صار ياشيخ
xxxxxxxxxxxxxxxxxx

طلعت من الحمام وجلست أجفف شعري وانا أفكر كيف أقدر أجيب الولد مع أسلوبه الغريب هذا بجد المهمة صعبة
خليت التفكير في الموضوع
لان النوم بدا يدخلني وماعاد أميز
رحت وطفيت المكيف لاني ماأحبه خاصة أذا كنت متروشه
سكرت باب الغرفة من داخل بالقفل ورحت أنام لاني وصلت خلاص
xxxxxxxxxxxxxxxxxxxxxx

مدري وش أسوي انا مارقدرت من عقب أمس المغرب والحين الساعه أثنعش الظهر فكرت وبعدين قلت في نفسي أكيد أنها هالحين نايمه مستحيل أنها تكون واعيه
دخلت الشقه بعد ماصليت كانت هاديه وظلما سكرت الباب وشغلت الانوار وكان مثل ما توقعت رجعت أطفي النور وأخذلي غفوه قبل أروح للشيخ
xxxxxxxxxxxxxxxxxxxx
قمت العصر على صوت المنبه ورحت للمسجد أصلي العصر وأشوف الشيخ
xxxxxxxxxxxxxxxxxx
منيرة : ناصر ناصر
ناصر: نعم يمه بغيتي شئ
منيرة : ناصر الشماغ والا
ماتبيه
ناصر: لايمه أبيه
منيرة : تفضل
ناصر: تسلمين يمه ها تبون شئ من برا
منيرة : لا يمه سلامتك
xxxxxxxxxxxxxxxxxxxx

سمعت الباب الخارجي تسكر وبدون وعي رحت أركض لغرفة نومه علشان أجلس فيها وأحس أنه موجود
معي ويبيني
الحقيقه أنصدمت من أمه مايقول أنها بالجبروت هذا وفوق هذا قاعدة تحاول تبعدني عنه وتتحج بالمرض وأنها ماتقدرتنام لحالها أحس أنها تبيني ممرضة لها وبس
طيب بس خلوني أحمل أن مانحشت

xxxxxxxxxxxxxxxxxxxxx
طلعت من عند أمي وصورة الشيخ مازالت ملازمه لي أنصدمت يوم قالي
الشيخ: ناصر أنت لازم ترجع ترقي عندي
ناصر : ليه ياشيخ جد شئ
الشيخ : تطمن ياناصر لما يتبين لي راح أخبرك به
ناصر : خلاص ياشيخ صار بس ودي أقولك أني تزوجت البارح ويوم حسيت بالضيق سريت يمك تشوفلي حل
الشيخ:ولوأنك أستعجلت بس حصل خير
ناصر: ياشيخ أحس بضيق مستمر مادري منويش خاصه البارح
الشيخ : حاول ماتقرب لاهلك ألا بعد ماتخلص العلاج
ناصر : ليش ياشيخ
الشيخ : ناصر السحـــــــــــــر تجدد لــــــــــــــــــــــــــك



الجزء التاسع عشر
للامـ بقيه ـــــــــل

كلام الشيخ الى الان محيرني
كيف اللي جدد السحر مو نفس الشخص الشيخ ياربي أرحمني أحس راسي بينفجر
رحت للمسجد وأنا مخنوق موقادر أدخلة بس وش أسوي ماقدر لازم أضغط على نفسي
جلست شوي وجا وجلس جنبي أخر شخص أتمنى أشوفه
حسين : هاناصر مبروك الزواج
ناصر :الله يبارك فيك
حسين :عساك مستانس بس
ناصر :الحمد لله

بعد شوي جاالشيخ
الامام : السلام عليكم
ناصر : وعليكم السلام ورحمة الله وبركاته
الامام : مبروك ماأتممت ياناصر
ناصر : الله يبارك فيك ياشيخ
أخذت بيد الشيخ وابعدت به شوي عن حسين
الامام : نعم ياناصر
ناصر : أبد ياشيخ أبيك بموضوع مهم ومايقدر عليه ألا أنت
الامام : أبشر ياناصر باللي أقدر عليه
ناصر: أنت عارف ياشيخ أني تزوجت من حوالي أسبوعين تقريبا
الامام : الله يهنيك ياناصر وين المشكله
ناصر : المشكله ياشيخ أن السحر تجدد لي
xxxxxxxxxxxxxxxxxx

هذي حالتي من أسبوع تقريبا
كل يوم عند خالتي ضيوف وكل يوم وحدة تجي وتجيب قهوة وتعزم الكل معها يباركون لي اليوم اللي عزمنا وحدة يقولون أسمها أم سعد
xxxxxxxxxxxxxxxxx
قررت أكلم أمي بخصوص سارة وأني أبيها تروح معي بعد الزواج
لقيتها في الصاله جالسه تابع مسلسل خليجي
شكل أمي متعقدة من هالمسلسلات لاني لاحظت أدمانها عليها
جلست عندها بالصالة وكل ماجيت أبي أكلمها
سكتتني مادري ليش بعد شوي جن البنات وجلسن وصارن يسلفون بصوت عالي خلا أمي تطفي التلفزيون من قهرها
أم سعود : خير أن شاء الله ماتقدرون تسكتون شوئ
هنوف : يمه المسلسل هذا ثالث مرة تابعينه
أم سعود : وخير ياطير أتابع اللي أبي وخلي اللي أبي أحد عنده مانع
مي : يمه فيصل من اليوم جالس وشكله عنده كلام وده يقوله
فيصل : مي قولي أمين
مي : أمين الله يخليك لي ولايحرمني منك
أم سعود : كل هذا مصلحه
فيصل : لاوالله شاهد حب أخوي يمه
أم سعود : خير
فيصل: يمه بطلب منك طلب ويارب ماترديني
أم سعود : عرفته ومولا وحده ألف لا
فيصل : يمه الله يخليك
أم سعود : فيصل أتكلم هندي أنا
أبوسعود : السلام عليكم
الكل وعليكم السلام ورحمة الله
قربت أمي مني وقالت لي ياويلك يافيصل لو تجيب طاري لبوك بها الهرج الماسخ
فيصل بصوت واطي أن شاالله
أبو سعود : فيصل ورى مارحت لدوامك
فيصل : أبد طال عمرك بس عندي شغله ضروريه ولازم أخلصها
شفت نظرات أمي لي وبصراحه خفت قلت موضوع يخص الشغل
أبو سعود : أقول فيصل منت ناوي تستأجر لك بيت وتأثثه
فيصل : ودي يبه
أبوسعود : عجل وأنا بوك ترى مامعك وقت
أم سعود : أبوسعود الله يخليك لي فيصل بخلي حرمته عندي على الاقل السنه الاولى
أبو سعود : ليه أن شاالله أخذتك وألا أخذه فيصل الحمدلله والشكربس
أم سعود : أقول ياخالد مالك دخل بين وبين ولدي حنا حرين
أبوسعود : والله أسكتي بس لاحد يسمعك يضحك عليك
وأنت ياولد أمك ماعندك راي كل شئ تقوله أمك صح
فيصل : يبه لاتظلمني أنا كنت بقول لامي أبي حرمتي تروح معي بس أمي الله يهديها أنا ماودي أخذها معي وأمي زعلانه
أبوسعود : أخذها وأنا أبوك وأمك ماهيب زعلانه أمك ماتبي ألا فرقى الحريم
صح يام سعود
أم سعود : صح ياحظي
xxxxxxxxxxxxxxxxx

اليوم أحس بتعب غير طبيعي
أحس خاطري ضايق والدنيا عندي مو دنيا
اليوم تهاوشت أناويا المقرود وكله بسبب طبينتي سكرت المويه علينا أزريت أغسل أوحتى أطبخ لبناتي دقيت عليه وعلمته أن المويه مسكرة من الدور اللي فوق وزوجته موراضيه تفتحها كل اللي سواه قالي أذا جيت أن تفاهم
وجا وليته ماجا أستلمني بالعقال قدام البنات وصوته واصل للشارع تفلت منه وركضت على غرفتي ماقفلتها
أنسدحت على السرير وراسي يألمني غمضت عيوني ونمت نوم عميق صرت ماحس بشئ
xxxxxxxxxxxxxxxxx
جو ضيوف خاتي وقلطتهم في المجلس وأنا زي كل مرة ضربت عمري بالشيطان الرجيم لبس أحلى لبس وحطيت مكياج بس ماكثرت لان العجايز مايحبون المكياج الكثير وفكيت شعري اللي يوصل لاخر ظهري ومسكته على ورى بكلبس وطلع شكلي جنان طبعا ماأمدح نفسي بس أنا خلقة ممدوحة
نزلت تحت وسلمت على صديقات خالتي وجاراتها
منيرة : يمه حنان جيبي بيالات وفناجيل زود
حنان : أن شاء الله خالتي
يوم رجعت سمعت أم سعد تقول لخالتي
أقول منيرة تصدقين أنها أحلى عن نجلاء بس الظلم شين نجلاء أشب منها
منيرة : خلاص يم سعد كل شئ قسمه ونصيب

ماعطيتهم فرصة يكملون ودخلت عليهم وسكتو وصارت السوالف تقريبا عاديه
دخلت علينا روسّي
روسّي : ماما ناصر يبك في غرفه
منيرة : أن شاء دقايق بس
حنان : خليك ياخالتي أنا بشوف وش يبي
xxxxxxxxxxxxxxxxxx
رجعت للبيت بعد صلاة العصر وماحصلت الوالدة وقالت لي الخدامة أن عندها حريم جاين يقهوون حنان الحريم عليهم طبايع أنتظرت
حوالي ساعة والحريم ألا الان مارحوا وأنا بعد شوي عند شفت بشوف الوالدة وأعلمها
أني طالع بس شكلهم ماعندهم نيه
أرسلت روسّي وطلعت لغرفتي أتروش و أغير

ملابسي واتحري أمي في نفس الوقت
xxxxxxxxxxxxxxxxxx
يوم نادت الخدامه خالتي وقالت أن ناصر يبيها شفت أن هذا فرصتي أشوف ليش يتجنبني ومايبي يشوفني لازم أعرف السبب
دخلت الغرفه بسرعه وسكرت الباب علشان خالتي ماتقطع علينا
ناصر : تعالي يمه
دخلت وشفته ينشف شعره وشكله عذاب
بدون شعور طبعا
حنان : لبيه
ناصر : حنان
xxxxxxxxxxxxxxxxx
اليوم قلبي مو بخير أحس فيه شئ موطبيعي بصير
دق تلفوني ودق قلبي معه
أم نادر : نعم
هيا : جده لحقي علينا أمي نايمه ومو راضيه تقوم
أم نادر :سم الله عليك خلاص وأنا أمك الحين جايه
أبو عندك
هيا : لا ياجدة
أم : خلاص سكري
رحت لغرفتي وأخذت عباتي وعلى طول قلت لنادر يوديني يم بيت هيام
وأنا أحس قلبي بينفجر
xxxxxxxxxxxxxxxxxx
ناصر: حنان وين أمي ورى ماجت
حنان وأنا ذايبه في شكله ليه وأنا ماسد
ضحكت من قلبي على شكلها
ناصر : لاتسدين ياجدة
حنان : ناصر ودي أسالك سؤال ليش تعاملني كذا
أذا ماتبيني ردني لبيت أبوي
ناصر: ومن قال أني ماأبيك
حنان: تصرفاتك دايم سافهني
وتخليني أنام عند أمك
ناصر : حنان بالنسبه للنوم تعالي من اليله ونامي هناوبعدين أنت عارفه أن أمي أنسانه مريضه وش فيها لانمت عندها وأنا بالدوام
وقربت عندها ومسكت
القمر بيديني كان نورها طاغي على كل المكان قربت منه وأنا ناسي كلام الشيخ وبستها وأنفاسي تحترق شوي شوي
والسكر في فمها يقلب كرميل
لين حسيت بطعم الدم في فمي
أنطق الباب وفكيتها أشوف من وأنا أمسح فمي عن الدم
من
منيرة : ناصر أفتح الباب أبيك شوي
ناصر: نعم يمه فيه شئ
منيرة :ناصر سكر الباب وتعال لغرفتي
سويت زي ماقالت أمي ولحقتها
ناصر : خير يمه وش فيك
منيرة :اناما فيني شئ بس بلغ
حنان أن أختها هيام تطلبها
الحــــــــــــــــــــــــــــل

للامـــــــــ بقيه ـــــــــــــــل
الجزء العشــــــــــــــرون
بعد ما طلع ناصر لامه حسيت نفسي أني موأنا معقوله أنا حنان أسوي الشئ هذا الحين أنا أقول للرجال أبي أنام
عندك صدق مافي وجهي حيا بس وش أسوي أنامقدر أخلي أمي تفقد الامل فيني أبي أحمل بأسرع وقت لاني أحس ناصر وأمه موحابيني تصرفاتهم غريبه تخلي الواحد يشك في نفسه صحيح في نفسي بديت أحب ناصر بس كل ماحاولت أعطي نفسي فرصة أسمع كلام
أمي وهي تقولي أول شئ أحملي وبعدين سوي اللي تبين ياحنان
بعد يمكن أقل من عشر دقايق رجع ناصر وكان وجهه موطبيعي أبد الرجال فيه شئ

xxxxxxxxxxxxxxxx

صدمتني أمي ماني عارف وش أسوي أول مره تمر علي المواقف هذي
ناصر : أقول يمه وش رايك تعلمينها أنتِ
منيرة : لا يمك مايجوز
ناصر : ليش أن شاء الله مايجوز أنتِ مرة وأفهم مني في السوالف هذي
منيرة : لاياحبيبي أنت زوجها وأقرب مني لها في ها لمواقف
ناصر : لاوالله الحين صرت زوجها
منيرة : يالله وأنا أمك الله يخليك الوضع مو مستحمل
ناصر: يمه وش رايك أقول الحين وألا بكره
منيرة : لابكرة أحسن الحين ليل ومايصلح تهجدها
ناصر : يمه
منيرة : وصمه ناصر تراي مومستحمله
ناصر : سلامتك يمه فيك شئ
منيرة : أنا مافيني شئ بس روح شوف زوجتك
ناصر : طيب
xxxxxxxxxxxxxxxxxx
طلعت من عندأمي وأنا ماودي أطلع عندي أحساس أني ماراح أقدر أخبي ياربي وش السواة
أول شئ سويته أتصلت على المستشفى وأعتذرت عن المناوبه وطلبت أجازة أسبوع أحضر بكره ووقع عليها
رجعت لغرفه أمي وخبرتها تمشي الوضع عادي لاني ماأقدر أبلغ حتى الصباح لازم قبل أروح الدوام
قالت خلاص أبشر بس حاول يكون بسرعة قبل أي أحد غيرك يخبرها وبعدين بجد تبلش
xxxxxxxxxxxxxxxxx

يوم رحت لبيت هيام أنا ونادر وقفت عند عتبة البيت أزريت أدخل أحس أني أنشليت بجد الدنيا قامت تدور فيني
جتني هيا وأختها يبكون وأنا موقادره أفهم وش يقولون دخل نادر البيت وسيده على غرفه هيام
xxxxxxxxxxxxxxxxxx
ماكنت عارف وش أسوي لما شفت أمي طاحت عند باب البيت ماكان قدامي أي حل ألاأني أشوف بنفسي وش صار داخل دخلت البيت وطلعوا البنات يركضون لامي
دخلت غرفت هيام ولقيتها ممده على سريرها تشجعت
وقربت منها ونديتها هيام هيام لاجواب حاولت أقرب عندها وأسوي زي ماعلمونا في الاسعافات الاوليه بس مالقيت نبض وعلى طول أتصلت بالهلال الاحمر التابع لمركز قريب من عندنا وأرسلونا سيارة أسعاف ماقدرت أطلع أشوف الوالدة لاني عارف أنها بتسويلي مناحة فضلت أبقى ألين وصول المسعفين وفي أقل من عشر دقايق كانوا عندي شالوها وكان عندي أمل ولو واحد بالمئه أنها عايشه

موظف الطوارئ : هانادر في أحد معك كبير
نادر : أيه يادكتور أمي معي
موظف الطوارئ : نادر أبوك وين دق عليه خله يلحقنا على المستشفى
نادر : خلاص أن شاء الله
xxxxxxxxxxxxxxxxx
وخرت عن الباب وشفت الاسعاف يشلونها كنت ضامه البنات وأنا عارفه أن هيام خلاص مراح ترجع أبد
لان المسعفين ماحطولها كمام الاوكسجين
أخذت جوالي ودقيت على أبو نادر أقوله ان الاسعاف أخذ هيام للمستشفى وشكلها تعبانه مره وكذبت عليه وتبينا حولها أنا وأنت
أبونادر : لاحول متى صار الكلام هذا
أم نادر :قبل ساعة تقريبا
أبونادر: والبنات وين
أم نادر : معي في بيت هيام أبونادر تعال مرني وأنا برسل البنات مع نادر لبيتنا
أونادر : خلاص أرسليهن وأنا هالحين بجيك مع أني أشوف مالك لزوم معنا
xxxxxxxxxxxxxxxxx
جاني أبونادر ورحت معه وأنا في راسي موال مع أني ألا الآن ما تجاوزت صدمة هيام
دخلنا المستشفى وخبرونا باللي توقعته أن هيام ماتت الله يرحمها
الحقيقه أبونادر أنصدم وماقدر يتحمل الخبر بعكسي اللي كنت متوقعته
طلبت مدير المستشفى وطلبت منه أستدعاء الشرطه لاني شاكة أن بنتي مقتوله مع أن الدكتور أكدلي أن هيام ماتت بسكته دماغيه كل هذا صار وزوج هيام موجود
جت الشرطه وبدت التحقيق المبدئ اللي من خلاله أتهمت زوج هيام أنه قتلهاوطلبت من المستشفى تشريح الجثه ومعرفة أسباب الوفاة وكل هذا وزوج هيام يقولي أتعوذي من أبليس ياخالة
توك عرفت خالتك
أتقفل المحضر لابعد أيام العزاء
رجعنا البيت أنا وأبونادر بسيارة أجرة لان أبونادر مايقدر يسوق خبرت ساره ونادر ساره صجتني ونادر أسم الله عليه رجال أسترجع وقال العوض في بناتها أن شاء الله
أخذته وضميته وقلت له
نادر الله يخليك لي سند وعزوة بنات هيام أنت أبوهن من اليوم ورايح
xxxxxxxxxxxxxxxxxx
دخلت الغرفة ولقيت حنان جالسه على الكنبه مقابله للتلفزيون وشكلها سرحانه
أخذت نفس وحاولت أرسم أبتسامه على وجهي وسلمت
ناصر : السلام عليكم
حنان : وعليكم السلام
جيت وجلست جنبها غصب عني لاني أحس بضيق في النفس وصدري ضيق بيطبق علي
ناصر : أقول حنان
حنان: سم
ناصر : سم الله عدوك وش رايك أطلعك أمشيك أنتِ من يوم جيتي الرياض ماطلعتي
حنان : لامشكور ماله داعي
ناصر :أفا مشكوروماله داعي
حنان أن زوجك ومابينا هالسوالف
لاتقولين الكلام هذا مره ثانيه ولا أزعل
بصراحه أنا مستغربه هالحين هذا ناصر اللي قبل شوي بغى ياكلني بزرياه ماني مصدقه

رديت
حنان : أن شاء الله تامر على شئ

ناصر : ليش وين بتروحين
حنان: أبد بروح عند خالتي
مسكت يدها وأنا ضاغط على نفسي
لاأجلسي عندي أنا أخذت أجازه من الدوام علشان أجلس معك وأنتِ بتروحين عند أمي
حنان : لاأناتوقعتك تروح للدوام علشان كذا مابغيت أعطلك
رديت من ورا قلبي اللي بدا يعورني من الكذب ياربي سامحني
ناصر: حنان أنا الحين مخلي كل شي وجاي بجلس معك وعازمك برا وأنتِ تقولين دوام
صدق عجوز
حنان : مشكور ياولدي ماتقصر
xxxxxxxxxxxxxxxxxx

صدق غبي وش هالكلام اللي قلته هالحين أنا عارف الظروف كلها وأخر شئ تفلت مني هالكلمه اللي هالحين مو وقتها وش أسوي البنت هجت كيف أتحايلها وأدخلها الغرفه مرة ثانيه مالي حل ألا أتأسف لها مع أني عارف أنها بتشوف نفسها بس للضروره أحكام
xxxxxxxxxxxxxxxxxx

بعد مارد علي الكلمه قال أني عجوز زعلت بجد قبل كنت أخذها بروح
رياضيه بس الحين لامسحيل
من زين طبايعه فيني علشان أسكت له مستحيل أعديها له رحت لغرفة خالتي أشوفها خاصه بعد ماكسحتها قدام الحريم حرام والله هي اللي حدتني أحس لو كنت في بيت لحالي راح أقدر أتفاهم مع ناصر بشكل أكبر خاصه أنه بين عليه طيب بس الشئ هذا مايظهر لي ألا مع وجود أمه يصير الملاك الطاهر على قولتهم
طقيت الباب
منيرة : خير يا ناصر فيه شئ بعد
ماقدر أمسك أعصابي يعني كل التلزيم على بالطلعه من تحت راس العجوز طيب الايام جايه
أخذت نفس نظيف
حنان : أنا حنان ياخالتي جيت أسألك تبين عشا
منيره: لامشكورة أنا لاشتهيت أكلت
بعد من زين الرد مسكرة الباب وترد
وش أسوي ملابسي داخل عندها
طلعت لمجلس الحريم أخذ جوالي أبي أتصل على أمي
دخل علي ناصر
ناصر : وش تسوين
تصنعت اللا مبالاة وقلت
حنان: أبد بكلم على أمي من زمان عنها
xxxxxxxxxxxxxxxxx
الصراحه الخبر كان صاعقه علي بعد ماكان زواجي بعد شهر بس الحين راح يتأجل ألى أجل غير مسمى وش هالعايله اللي بلاني ربي فيها
أخذت أجازة من العمل لمدة أسبوع وخبر الوالد يعلم أمي
علشان نروح نعزي على الله تستاهلي صبري عليك ياسارة
xxxxxxxxxxxxxxxxx
بعـــــــد أسبوع

كنت جالس أنتظرها في حوش بيتهم طلعت علي حنان ومعها بنت متمسكه في ثوبها وموراضيه تفكها كانت لافه شرشف أبيض على راسها وبدون مكياج صفحه بيضاء سبحان اللي خلقها
قربت عندي وقالت
حنان : نعم ياناصر بغيت شئ
ناصر: لارد
حنان : من الصبح صاجهم أبي حنان وأبي حنان وآخر شئ ساكت أن ماتكلمت بدخل
ناصر: بالفعل الصمت في حرم الجمال جمال
أخذتها لحضني وأنا مو حاس باللي حولي ولا اللي يصيح بنت أختها فضحتنا ماجلس أحد في البيت ماطلع وشافنا ممن قو صياحها فكيت حنان وهي مافي أي ردت فعل منها أخذت البنت ودخلت داخل
نادر : ناصر لو سمحت تعال المجلس أبو ينشد عنك
ناصر :روح وأنا جاي وراك
دخلت المجلس وجلست جنب خالي بو نادر وهو موحاس بالناس اللي حوله
جلست أتذكر حنان ذيك الليله كانت أيه من الحسن سبحان من صورها

xxxxxxxxxxxxxxxx
ناصر: أقول حنان ياليت تأجلي مكالمه أمك شوي
حنان : ليه الحقيقه أنا متشفقه على تكليمها الحين فيه مانع ولا شي
بدون شعور قمت وجلست جنبها وبست أيدها اللي ماسكه التلفون
وحطيت يدي عليها حنان الله يخليك بس شوي عندي كلام ودي أقول لك
نزلت التلفون غصب عني أستحيت منه من اليوم يترجاني
حنان : خلاص حاضر أمر ثاني
ناصر: أيه عطيني جوالك
حنان : ليه وش تبيبه
ناصر : بقفله هو وجوالي لان
عندي سوالف ماراح تخلص للصبح عندك مانع
ضحكت موضحكت بشر ألاملاك وأخذتها لغرفتنا
كل مارقيت درجه أحس روحي تطلع ويارب صبرني




الجزء الواحد والعشــــــــرون

للامـــــ بقيه ـــــــــــــــــــل

كنت أرقى الدرج والفرحه مو سايعتني معقول هذا أنا واللي وراي ناصر ماني مصدقه اللي يصير
حاسه أن بعد السعادة هذي شئ
لاني كل عمري فرحتي ماتكمل
XXXXXXXXXXXXXXXXXX


كانت حنان مرتبكه
أحس فيها شئ مو طبيعي جيت بسألها بعدين تراجعت دخلت الغرفه ودخلت وراها
فجأة جلست على أقرب كرسي
ناصر :حنان عسى ماشر
حنان :مادري ليش أحس بغصه
ناصر : سلامتك يمكن عندك ضغط أنا رايح أجيب مقياس الضغط أبي أشوف ضغطك
حنان : ناصر تعال صدقني مافيني شئ
ناصر: أذا مافيك شئ تعالي وأجلسي هنا

رحتله وجلست جنبه وأنا أحس فيه شئ مضايقني بس مادري وش هو كنت أتوقع أني متضايقه من ملابسي
حنان : ناصر ممكن تسمحلي شوي
ناصر :تفضلي
طلعت من عندي وأنا محتار البنت وش صار فيها توها وش زينها يا ترى درت عن شئ وألا لا
طلعت من الغرفه ورحت غرفة أمي طبعا ماطقيت الباب لاني توقعت الوالدة نايمه وماكنت أبي أزعجها كنت أبي أشوف شلونها مع السكر خاصة بعد الخبر اللي سمعته وتركها للعشاء توقعت السكر معها نازل
أخذت علبة عصير ودرعمت
مالقيت أمي في سريرها وسمعت صوت عند دولاب الملابس ميلت جسمي أبي أشوف من اللي عنده طلعت حنان واقفه عند الدولاب وماعليها ألا شلحه لونها أسود وتطلع في الملابس وتحذف وهي تكلم نفسها
جيت من وراها وضميتها وشكلها خافت مني
حنان: بسم الله من
ناصر : أنا لايطلع لك صوت
حنان:ناصر بعد شوي لاتجي أمك وتشوفنا
خلاص معاد أقدر أتكلم من سكرة قربها ناصر: حنان ودي الحين أكون معك بكوكب ثاني أعيش فيه بعيد عن الناس وأذاهم
يوه أزريت أتخلص منه وأنفاسه تحرقني وأناخلاص منحرجه خاصة أنه أول مره يشوفني بالشكل هذا
لزني على باب الدولاب وصار وجهي مقابل لوجه وأنا مغمضه عيوني وفي نفسي أقول خلاص ماأبي ولد يمه
منيرة : ناصر وش تسوي هنا
معادلي وجه سحبت حنان اللي دست وجها في صدري وطلعنا لغرفتنا
يوم أقبلت حنان على الغرفه فتحت الباب
وسكرته في وجهي
الحقيقه مازعلت لاني قدرت أنها منحرجه مني
رجعت لامي
ناصر : يمه تبين شئ
منيرة :لا يمه ما بي شئ
ناصر
ناصر :نعم يمه
منيرة :أتمنى ماوشوف المواقف هذي مرة ثانيه
ناصر : أي مواقف
منيرة: مايحتاج أوضح أنت
فاهم
ناصر : يمه أنا بمشي الفجر وش رايك تخاوينا
منيرة : لايمك أنا ماحب المواقف هذي
روحوا الله يستر عليكم

xxxxxxxxxxxxxxxxxxxxxxx

طلعت من عند الوالدة ورحت غرفة التلفزيون شغلته على الاخباريه وأنسدحت وغطيت في النوم ماوعيت ألاعلى صوت حنان توعيني على صلاة الفجر
XXXXXXXXXXXXXXXXXXXXX

بعد ماسكرت الباب في وجه ناصر ماعاد سمعت له حس لفيت علي جلال صلاة وطلعت لغرفة خالتي علشان أغير ملابسي
دخلت الغرفه وأخت لي جلابيه لونها أحمر لبستها وطلعت أسكر لمبات البيت زي كل ليله
لقيت غرفة التلفزيون شغاله أنوارها
وناصر نايم على الكنبه طفيت التلفزيون وخليته نايم
وطلعت للجناح وأنسدحت ونمت وعيت على صوت المؤذن رحت للحمام توضيت للصلاة وطلعت أشوف ناصرهو قام للصلاة والا الى الان راقد
دخلت لقيت المكان زي ماهو
قربت عنده سبحان الله أحس ناصر قريب مني مشاعري ناحيته تشبه مشاعر الامومه اللي يحسون فيها الحريم
حنان: ناصر
ناصر : همممممممم
حنان بهمس: ناصرقوم صلاة الفجر
ناصر: خلاص زين
حنان بهمس أنعم : ناصر بتفوتك الصلاة يالله قوم
XXXXXXXXXXXXXXXXXXXX
فتحت عيوني بسرعه وشفت حنان واقفه عند راسي
ناصر : نعم وش تبين
وخرت عنه حنان: أبد صلاة الفجر ما ودك تصلي
ناصر : يالله قايم
XXXXXXXXXXXXXXXXXX
طلعت لغرفتي على السريع وتروشت
ونزلت بسرعه ألحق على الركعه الاولى
فتحت الباب وسكرته بسرعه
ناصربصوت عالي : حنان
توقعته طلع من رجده للباب
ويوم ناداني تروعت
حنان : بسم الله
ناصر: أسم الله عليك تروعتي
حنان: لابس ماتوقعتك ترجع
ناصر : أنا راجع علشان أقول أنّا بعد الصلاة ماشين للمزارع
حنان: ليش فيه شئ
ناصر: مافيه شئ بس ماودك تزورين أهلك
حنان: ناصر وين جوالي من البارح وهو معك
ناصر : الجوال في الغرفه فوق الطاوله
تبينه روحي أخذيه بس و فيك
حنان: بعد عني وأشوى أنها جت منك أنا عارفه من البدايه أنك ما تبيني
XXXXXXXXXXXXXXXXXXXXXXX

الحرمه و جاها سبحان الله أنقلب مزاجها علشان قلت أبي أوديك لاهلك
مسكت يديها وعيوني في عيونها اللي كلها دموع خلاص قررت أعلمها وفي النهايه
تراجعت
سلم الشيخ وفاتتني صلاة الفجر
ناصر : عجبك كذا
حنان:
رحت أصلي الفجر وبعد الصلاة
طلعت اشغل السيارة وأجيبها عند باب البيت
تركت السيارة ورحت أناديها لقيتها منزله القش كله
حزت في نفسي أنها تاخذ أغراضها كلها
وقررت أعلمها قربت شناطها من السيارة
ناصر : حنان وين الشنطه اللي فيها الاغراض الضروريه
حنان: ناصر شيل الشناط كلها
ناصر: حنان يمين بالله ماتروح معي ولاشنطه ألااللي فيها الاغراض الضروريه
حنان: الحمــــــراء
XXXXXXXXXXXXXXXXXXXXXXX
رجعت الشناط داخل ورجعت للسياره
لقيتها ركبت
ناصر : حنان عطيني أيدك
حنان : وش تبيها
ناصر : أبد بس أبي أمسكها علشان لانمت تصحيني
حنان : ليش أجل أنت فيك نوم
ناصر: أحس بشوي نعاس
حنان: مو لازم نسافر اليوم خل العصر
ناصر: ليت ينفع
XXXXXXXXXXXXXXXXXXX
مرت الاربع ساعات زي البرق
دخلت سور البيت ووقت السيارة عند باب الحريم اللي كان زحمة فيه حريم كثير طالعات منه كانت الساعة تقريبا عشر الصباح
أرتعبت حنان وحولت تنزل وأنا ماعطيتها فرصه قفلت الباب بسرعة
حنان : ناصر أفتح الباب ليش قفلته
ناصر : لاني أبيك شوي
حنان : ناصر أجل كلامك بعدين
ناصر: صبري بس
شوي
لما شفت الحريم راحوا نزلت من السيارة ورحت لباب المساعد وفتحه ونزلتها
ناصر:حنان ماودي أقولك الخبر هذا بس والله مطر
حنان: ناصر أبوي فيه شئ

قربت منها وضميتها بقوه وهمست في أذنها
ناصر: حنان هيام تطلبك الحل
وتلطمت بشماغي وتركتها وراي وأنا أسمع صياحها ومع كل صيحه لها قلبي
يتقطع عليها
دخلت المجلس ومن يومها الى ذا اليوم وأنا ماشفت حنان زي الاوادم
نادر : ناصر فيصل من اليوم يكلمك ماتسمعه
فيصل : عسى ماشر يابو شقران ورى ماترد
صراحه مدري ليش ماطيقه
ناصر :أبد الشر مايجيك
ناصر : نادر شوف في حريم أبدخل عند خالتي وأم شقران شوي
راح نادروبعد وشوي جا
نادر: ناصر تفضل الدرب سمح
طلعت وتركت فيصل بلشان بخالي ونادر يقهويه وأسمعه من بعيد يقول
فيصل : أقول نادر كل واحد ياخذ من خواتك يدخل عليهم بدون محرم
نادر: فيصل لاخذت سارة أن بغيت تدخل غرفتها مارديناك ولوسمحت أسكت
لاني أبوي ينعس
فيصل : أفا يا لنسيب بس كذا ما طلبت شئ

XXXXXXXXXXXXXXXXXXXXXXX
رحت داخل وأنا مالي خاطر أسمع ألاصوت حنونتي

الجزء الثاني والعشرون

للامـــــ بقيه ـــــــــــــــل
ناصر : ياولد
أم نادر: حياك أدخل ماقدامك أحد

دخلت المجلس حق الحريم وما لقيت ألا خالتي جالسه وفي حضها وحده من بنات هيام الله يرحمها
ناصر : مساء الخير ياخاله
أم نادر : هلامساءالنور وشلونك ياولدي عساك بخير
ناصر: الحمد لله خالتي وينها حنان ما شوفها
أم: نادر قريبه الحين تجي
قامت خالتي تنادي حنان وانا أنتظرومر الوقت يمكن ماحد حس به كثري نعست مادري كيف وليه
بس تفاجأت بحنان تقومني بهمس كعادتها
حنان: ناصر قوم كسر المركا رقبتك

ناظرت في الساعه شفتها ثنعش ونص يعني صار ساعتين ونص نايم والهانم خبر خير


ناصر: حنان وينك من اليوم
حنان : موجوده وين تبيني أروح
ناصر : حنان مومعنى أني ساكت عنك قمتي تستهئزي فيني
حنان أحترميني وألاوالله تصير علوم
على فكرة ألا الان مقدر ظروفك ولاودي أظغط عليك بس أنت موكفو

حنان: وليش أن شاء الله مقدر ظروفي
عادي قلها وخلصني وو ألا أنت موقادر
ناصر : حنان وش تقصدين مافهمت عليك
حنان : أبد سلامتك فهمك كفايه
ناصر: أقول بلا كثرت حكي ويا لله
جهزي أغراضك
حنان : وين بنروح
ناصر : على بيتك ياهانم وين بعد
حنان : ناصر أنت صاحي أختي مالها متوفيه أسبوع وتبيني أمشي معك الظاهر أن مخك فارغ
ناصر:صحيح صدقتي مخي فارغ اللي تارك أمي وراي أسبوع ومقابلك
حنان : اللحين أنت جالس تلف وتدور وش تبي
ناصر:
أبيك تمشين الحين قدامي وبدون صوت
مادري وش أسوي أحس حشرني في الزاوية زي مايقول دايم
حنان:ناصر الله يخليك بجلس يومين
ناصر :وشهوله يالله بلاكثرت حكي بسرعة تراني مصيف
حنان : ناصر واللي يرحم والديك الله يخليك لي ولا يرحرمني منك تكفى بس يومين
يوم سمعتها تقول تكفى والله يخليك ماقدرت أستحمل شفتها وهي ترجاني كني أنا اللي أكبر منها وهي اللي أصغر مني
سبحان الله في الموقف هذا ماأقدر أرد لها طلب بس قلت في نفسي أحاول أستعطفها وأشوف تحن علي مثل ماأحن عليها ولاماتبي ألافرقاي
ناصر : حنان يعني يرضيك أخلي دوامي أسبوع كامل والوالدة مادري عنها شئ بس بالتلفون متواصل معها يعني حتى لوفيها شئ ماراح تقول
حنان : بس يا ناصر تشوفها حلوه أترك أمي وأبوي وهم محتاجين لي ناصرتكفى
ناصر : حنان يعني تعبي ومشواري للرياض رايح جاي خلال أسبوع مايعني لك شئ
حنان : ألايهمني ويعنيلي بس
ناصر : لابس ولاشئ يالله روحي جهزي شنطتك بنرجع الفجر
حنان : تو الناس
ناصر: لاحول وبعدين
حنان : خلاص أن شاء الله يالله عن أذنك
ناصر: وين
حنان:

أجهز الشنطه وأشوف أمي يوم تركتها كانت مقطعه نفسها من البكى
ناصر : وأنا من يشوفني
حنان : ليه علامك ميته بنتك وأنا ماأدري
ناصر : مو بنتي اللي ماتت الظاهر زوجتي
حنان : سمله علي عدويني أول
ناصر : أي والله سمله عليك بس لي أسبوع يامدام وثوبي واحد حتى التروش ماتروشت لاني نسيت أجيب لي ثياب وزوجتي اللي تسمي على نفسها ناسيتني
حنان : ناصر لاتحسسني بالذنب خلاص تعال معي باغسل ثوبك
ناصر: كيف يهانم وانا مامعي غيار حتى
حنان : خلاص أمش وأنا أدبرك

طلعت وطلع معي لغرفتي دخلته الغرفه ورحت عند أمي لقيتها ضامه هيا اللي أول ما شافتني تعلقت فيني الله على الدنيا صار كلام أمي يدور في بالي الحين لوطعت أمي وجبت عيال لكبرتي زي ما تقول ومت قبل أشوفهم يكبرون ويتزوجون وهم بصحه وعافيه
وش راح يكون شعورهم أتوقع المرار
اللي مايقدر يستحمله أي شخص خاصة أذا كان طفل
يالله
حنان: وشلونك يمه الحين عسى ماتحسين بتعب
أم نادر: التعب موجود بس موبا لجسد هنا وأشرت لقلبها اللي فقدته ياحنان مو با لشئ البسيط أنا فقدت أنسان عوضني عن أمي فترة فقدت الحنان اللي كان يتمثل فيها حنان هيام كانت تقريبا تجيني كل يوم تشكي من رجلها خاصه بعد ماتزوج عليها وأنا أقول أصبري وأجلسي على بناتك وهومصيره يرجع لك مادريت أنها هي مصيرها الموت وعلى يدينه بس ماجاب أبوي حره أن ماخليته يترجاني أطلعه من السجن
حنان : يمه أذكري الله واسترجعي
مافكرتي في البنات وش يكون مصيرهم لكبروا وش يقولون الناس عنهم أبوهم قتل أمهم وجدتهم سجنته
يمه فكري في أبوي قدام الرياجيل
وش موقفه أقل شي بيقولون أن حرمته مسيطرة عليه وأنه رخمه
أم نادر: حنان أفهميني أنا في قلبي حره ماراح تطلع الا لما أخليه يعفن في السجن
وبعدين يتنازل عن البنات ويفارق الله لايرده
حنان : يوه يمه نسيتيني
أم نادر : خير حنان وش نسيتك
حنان : أبد يمه ناصر يبيني أغسل ثوبه ووماجبت معي ملابس
xxxxxxxxxxxxxxxxxxxxxx
أحس أني لي قريب السته شهور وأنا أعيش في دوامةغير راضيه عن نفسي الملل مسيطر علي الرجال اللي أخذته طول وقته مشغول طلعاته من الأولويات وأنا وين أنا في حياته الان أنا في بيت أهلي أنتظر متى يحن علي ويرجع وياخذني علشان أروح لبيتي
الحين أنا متحسفه كد شعر راسي أبي ناصر يرجعلي بس وش الطريقه اللي تخليه يفكر فيني من جديدأول خطوه راح أسويها أن أتطلق من القرف اللي تزوجته وبعدين أفكر على رواق
XXXXXXXXXXXXXXXXXXXXXXX
ماأدري وش أقول لعمي بعد مادقت علي الوالده وقالت لي أنها تبيني أطلق سارة لان أسرتهم باين عليهم مشؤومه
للاسف كل مازاد كره أمي لها حسيت أن جنوني فيها يزيد بس لمتى راح أستحمل راح أفاجئ أمي والكل علشان كذا طلبت من نادر أني أتكلم مع أمه على أنفراد




الجزء الثالث والعشرون
للامـــــــ بقيه ـــــــــل
جلست في الغرفة وانا اتاملها وبعد شوي دق جوالي كان رقم الوالدة مادري ليش حسيت برعب
ناصر: الو
منيرة : هلا ناصر وشلونك
ناصر: انا بخيريمه انت وشلونك
منيرة : انا بخير ناصر بتجي بكرة
ناصر: ان شاء الله ليه يمه جد شئ
منيره : لا يمه بس بعد صلاة العشاء دق ولد جيرانا حسين ويقول ان الامام يسال عنك له يومين ويبيك ضروري
ناصر : غريبه طيب لو كان الكلام اللي يقوله حسين صدق ليه الامام مادق مباشره
بدون حسين
منيرة : وش تقصد ياناصر
ناصر : اقصد يمه ان حسين قصده بس يبي يعرف
وين انا مختفي هالفترة علشان يبدا بالبربره والكلام اللي ماله داعي
منيرة : ناصر كل شئ الا الظن ان بعضه اثم
ناصر : المهم ها يمه توصين شئ من هنا
منيرة : من المزارع عاد لا ماوصي شئ بس سلملي على خوالي اذا واجهتهم
ناصر :وصل يمه احرصي على نفسك وانتبهي على علاجك
منيرة :ناصر
ناصر: سمي
منيرة: حنان بتجي معك
ناصر : ان شاء الله اذا ماجد شئ
منيرة :على خير
xxxxxxxxxxxxxxxxxxxxx
رجعت من عند امي ولقيت ناصر معطي قفاه للباب ويكلم بالجوال وشكلها امه ماحبيت أبين اني غثيثه وابي اسمع اللي بينهم مع اني بموت واعرف وش يقول لها حطيت الملابس على الطاولة واشرت له وكاني بطلع لشئ مهم
xxxxxxxxxxxxxxxxxxxxxxx
بعد ما توفت هيام صرت احس بالقلق والنوم صارله اسبوع مازارني زي الناس احس الدنيا اسودت في وجهي ما عادلي خاطر اقابل احد صديقاتي جوني يعزوني في وفاتها ماقدرت اقابلهم احس بشئ طابق على صدري وماني قادرة اتنفس منه
كنت دايم الوم حنان على تاخرها في الزواج وحاطه انها العقبة الوحيدة الموجودة في طريقي وبس تروح راح يجيني نصيبي لين عندي لاني الحمد لله موشينه ملامح ولا طبايع والوالدة كل الناس تمدح في طيبها وسنعها والوالد كلن يشهد له بالدين والخلق الحسن يعني وش ناقصني غير حنان تزوج
بس وش الفايدة هذي حنان تزوجت وراحت وحسيت بالفراغ في بيتنا ولما ماتت هيام حسيت ان الدنيا مالها لاطعم ولا لون ليش الايام تحرمنا من اشياء ولما نتمنى انها تجينا نقول ليت الله ماقسمها ليه النفس ماترضى باللي انقسم لها
خلاص ياربي معاد ابي اتزوج كرهت الرياجيل ولاهيام وش الذنب اللي سوته
سمعت دق خفيف على باب الغرفه ورحت اشوف من
xxxxxxxxxxxxxxxxxxxxxxx
حنان: سارة
سارة: نعم
حنان: للحين قايمه مانمتي
سارة : اية بغيتي شئ
حنان: لابس بغيت انبهك ان ناصر موجود عندي في الغرفة علشان ماتطلعين
سارة : حنان تعالي ابي اقولك شئ
حنان: قولي حبيبتي وش عندك
سارة : حنان بترجعين مع ناصر للرياض
حنان: ايه ان شاء الله واحتمال يكون بكره
مقدرت امسك نفسي وبكيت بقوة
حنان: سم الله عليك سارة تحسين بشئ
سارة : حنان لاتروحين تكفين
حنان: ليه وش صار
سارة : حنان اجلسي عندنا ماتشوفين مابقى لاهلي الا انا ونادر تكفين خلك معنا
حنان: سارة وبيتي وزوجي وش اسوي فيهم
سارة : حنان من زينه خليه يطلقك وارجعي عيشي معنا
xxxxxxxxxxxxxxxxxxxxxxxxx
ماحبيت اعطي واطول في الكلام مع سارة لان شكل نفسيتها في الحظيظ بعد وفاة هيام عطيتها شوي امل
وقلت خلاص بكلمه واشوف يالله حاولي تنامين
سارة : اكيد
حنان: بسم الله صايرة بزر
سارة : خلاص
xxxxxxxxxxxxxxxxxxxxxxxxx
طلعت من عند سارة وبالي مشغول معها يحرام يا سارة شكلها متاثره مرة
رحت للمطبخ باشرب مويه قلت في نفسي
بسوي شاهي لناصر حاسه بلذنب تجاهه اسبوع كامل وهو معي وأول مايدري ان احد تعبان يجي يركض ويشوفه صح انه مو طبيب بس شئ اهون من شئ
ناصر اثبت للكل في فترة عزاء هيام أنه السند لبوي وأن ابوي عرف يزوج بناته
xxxxxxxxxxxxxxxxxxxxxxx
بعد ماخذت قراري بالطلاق قمت افكر بكل الوسائل اللي ممكن تقربني من ناصر وامه مرة ثانيه كيف يا نجلاء كيف بس مافيه غيرها اروى بنت جيرانهم واخت حسين هي الخيط اللي راح يوصلني لناصر طلعت من الغرفه للصالة واخذت رقم بيتهم من الدليل وسجلته في جوالي وارتحت نسبيا
xxxxxxxxxxxxxxxxxxxxxxx
احس ناصر هادي هالايام كنه راجع زي الاول حتى في راكازته وردوده بعد زواجه الاول والفترة اللي عقبتها ناصر كان عصبي وماكان يفكر في ردوده كان يرد والسلام
يارب انك تشفي ناصر وترده لي مابي غير كذا ياكريم
xxxxxxxxxxxxxxxxxxxxxxxx
يحرام يابونادر صاله اسبوع ينام في المجلس كله علشان مايشوفنا متاثرين
مادخل البيت هالايام الانادرا وكله علشان يبدل ملابسه ولايتروش كل هذا وهو ساكت مايكلمني ولاعلى لسانه الاانا لله وانا اليه راجعون
الله يصبرك يابونادروالله اللي صارلياأنا وانت مو قليل بس والله لاخذ حق بنتي من الكلب عاجل والا اجل
xxxxxxxxxxxxxxxxxxxxxxxx
تروشت و
بدلت ملابسي ولبست الملابس اللي جابتهم لي حنان وماعرفت وين أنام هل أطلع بالشكل هذا للمجلس طيب والنسيب اللي داخل وش نظرته لي رحت وجلست على كرسي التسريحة انتظر حنان وماجت طولت صرت اتامل في الغرفه والبنت اللي نايمه على السرير اكيد وحدة من بنات هيام ياربي شكلها يشبه حنان الخشم والعيون حنان بين عيونك قربت منها بتاكد من ظني وتكيت عى كوعي وغطيت في سابع نومه
xxxxxxxxxxxxxxxxxxxxxxx
دخلت الغرفه وأنا أشيل كاس الشاهي بس ماحصلت ناصر حطيت الكاس على التسريحه ويوم ألتفت لقيته نايم جنب هيا على السرير وشكله تعبان من طريقة نومته فكيت الجلال اللي على راسي ورحت أغير ملابسي لبست جلابيه شيفون أكمامها قصيرة وفليت شعري لاني ماعرف أنام وهو مربوط
جيت جنبه علشان اقومه بس لاحياة لمن تنادي الرجال غاط في النوم صح
جيت جنب هيا بحاول أقومها بس ان قومتها تبي تزعجني لانها مانامت الا
بالغصب وش الحل أخلي البنت نايمه جنب الرجال أخاف تقوم وتروع وانا مو ناقصه
معندي الاهالحل زحفت هيا شوي بحيث يكون بينها وبين ناصر مسافه وسقط عمري بينهم وأول مرة أضحك على نفسي لاني شكلي حشرتهم لان ناصر بدا يعقد حواجبه
ضميت هيا ورحت في النوم وكأن ماحولي أحد
xxxxxxxxxxxxxxxxxxxxxxxx
بعد ماصليت الفجر طلعت أحمي سيارتي أبي ارجع لعملي مباشرة قلت لنادر رح لامك خلها تجيني في الحوش أبيها في موضوع مهم وبعد شوي طلعت لي قربت منها وسلمت على راسها وسالتها
فيصل : وشلونك ياخاله عساك بخير
أم نادر : تسلم يافيصل والحمدلله على كل حال
فيصل : الحقيقه ياخالة عندي موضوع والله أني مستحي منك بس وش أسوي الظروف ماتجي دايم على الكيف
أم نادر: فيصل أنت ولدي ولاتستحي ولاشئ والكلمه اللي في خاطرك بدها وأن شاء الله تسمع اللي يسرك
فيصل : تسلمين ياخاله بس حاب أقولك أن سالفة زواجي طالت لها الان فوق الاربع سنوات وأنا رجال جاهز وقادر على الزواج وانتوا ياخاله أدرى في ظروف عملي ويشهد الله أني مانويت أتكلم هالحين ألا أنه جدت أمور أنا ماني قدها والاسلم انا نتمم الزواج وكثرة التأجيل ما له داعي
أم نادر: طيب يافصيل ورا ماكلمت عمك أبو نادر هو ادرى بها لامور مني
فيصل : انا عارف اني مخطي ياخاله بس وش أسوي مالقيت فرصه أكلمه وخفت ياخذ على خاطرة مني خاصة أن بنته مالها أسبوع متوفيه والبركه فيك ابيك تحددين الوقت المناسب لي ورقم جوالي مع نادر أن احتجتوا أي شئ لاترددين
أم نادر : ماتقصر يافيصل دايم راعي أوله
فيصل : يالله فمان الله أشوفكم على خير
أم نادر : مع السلامه واحرص من الطريق

ركبت سيارتي وأنا مبتسم مادري ليه تخيلت أن سارة هي اللي واقفه وتكلمني وتوصيني على نفسي يالله أن شاء الله هانت
xxxxxxxxxxxxxxxxxxxxxxxxx
بعد ماحرك فيصل دخلت البيت سكرت الباب وسمعت دق الباب وكل مابه الدق يقوى
xxxxxxxxxxxxxxxxxxxxxxxxx
كنت نايم صح النومه مومريحه بس وش هذا اللي على وجهي شكله شعر بس البنت شعرها على ماذكر مربوط فتحت عيوني وشوي شوي بسم الله هذي حنان
فتحت عيوني اتاكد لان البنت يوم نقزت واللي جنبها صاحت وباب البيت يدق
وأنا ألى الان في عالم حنان



الجزء الرابع والعشرون


للامــــــــــ بقيه ــــــــــــــــل

قمت من النوم كعادتي من يوم رجعت من بيت أهلي بدري رحت أقوم ناصر يروح للدوام دخلت المجلس ولقيت كل شئ حايس وناصر في سابع نومه

حنان: ناصر.ناصرقوم تاخرت على الدوام
ناصر: كم الساعة
حنان : سبع ونص

ناصر: خلاص قايم
حنان: ناصر كل يوم تقول نفس الكلام وما تقوم لين تطلع روحي
ناصر : خلاص حنان قايم بس شوفي أمي وعت وألا لا
حنان: أن شاءالله
xxxxxxxxxxxxxxxxxxxxxxx

طلعت من عند ناصر وانا على هالحال كل يوم
من يوم سفر ناصر الشغاله وانا المسؤولة عن كل شئ في البيت رحت لخالتي ودقيت الباب عليها وقالت أنها نازله وراي
طلعت اجهز فطور لناصر وخالتي علشان تاخذ علاجها
خلصت الفطور وقدمته في غرفة الجلوس كالعادة
جلست انتظر شوي دخل علي ناصر
وبعدها بشوي دخلت خالتي
وبدو يفطرون وانا جلست أصب الشاهي لهم
منيرة : ناصر اناطالعة العصر
ناصر:وين
منيرة : عند الجيران مسوين قهوة عصر وعازميني
ناصر : يمه روحي بس انتبهي لنفسك وأخذي حنان معك
حنان: ناصر والموضوع اللي كلمتك فيه امس
ناصر: حنان روحي مع أمي وأذا جيتي نتفاهم
منيرة : عن أذنكم
ناصر : يمه أفطري زين ماأفطرتي
منيرة : الحمد لله
ناصر : براحتك بس لاجا الضحى أكلي لك شئ
منيرة : خلاص لاتشيل هم حنان أسم الله عليها ماتقصر
xxxxxxxxxxxxxxxxxxxxxx

طلعت أمي وأنا حاولت ما عطي حنان فرصه تكلمني
طلعت وراها على طول رحت لغرفتي أبي أخذا شنطة الدوام ومفاتيح سيارتي

اخذتهم بسرعة وطلعت وصادفتها على الدرج بس فاجأتني أنها ما تكلمت معي بس قالت
حنان: ناصر سكر الباب الخارجي معك
ناصر: أن شاء الله
طلعت وركبت سيارتي وأنا أشوف حنان غريبه
تصرفتها أحيانا تشككني في نفسي ماعجبني أنها ترد رايي قدام أمي
تذكرت ذاك اليوم اللي نمت فيه في غرفة حنان وكيف قمنا من النوم أنا ماقدرت أسيطر على نفسي وأنا أشوف حنان نايمه في حظني نسيت العالم كله وأنا ماشوف ألا حنان
حنان: بسم الله ناصر ماتسمع الباب
ناصر : ألا
حنان: شوف من
ناصر : أشوف من شوفي لي الدرب أطلع وألاما أطلع ناسيه أن في البيت حريم


xxxxxxxxxxxxxxxxxxxxxxx

طلعت من الغرفة أشوف الطريق لنا صر وأتا كد أن سارة موفيه وأنا شعري حايس وعيوني يالله أفتحها من النعاس رجعت له واشرت له يطلع

xxxxxxxxxxxxxxxxxxxxxx نزلت للصاله أشوف من عند الباب لقيت خالتي أم نادر واقفه عند الباب وتكلم لها أحد مادري من هو بس بعدين توضحت لي الصورة
أم نادر: أنا مابيني وبينك كلام اللي عندك قوله للشيخ
زوج هيام : ياخالة خافي الله الشرطه تطلبني في ذنب مالي دخل فيه والسبه دعوتك على

أم نادر : شوف أنا من يوم زوجت بنتي هيام وانا واقفه معك ضدها كل ماجتني الله يرحمها تشتكي منك أوقف معك واقول زوجك وعونك والحين من حقها علي الله يرحمها أني أخذ حقها
ناصر: السلام عليكم
أم نادر: وعليكم السلام
زوج هيام : جابك الله يابو شقران
ناصر:نعم
زوج هيام : تكفى كلم خالتك تنازل عن البلاغ الشرطه تلاحقني وحياتي أن قلبت فوق تحت تكفى ساعدني
ناصر : أعذرها يابوهيا خالتي جرحها توه طري وانت بعد الله يهداك مسعجل
أم نادر: ياناصر أنا مراح أتنازل عن القضيه وخل العدل ياخذ حق هيام من الظالم

زوج هيام : أسمعيني ياخالة وافهي وضعي حياتي صارت فوق تحت زوجتي طالبة الطلاق وانا تبهذلت
قلها يابو شقران تكفى تنازل عني
ناصر : طيب يابو هيا ترضا بحلي للموضوع
زوج هيام :موافق
ناصر: وانتي ياخالة
أم نادر: وانا موافقه
نادر: وش صاير هنا
ناصر : ماصار شئ أسمع يابو هيا تنازل عن ولايه هيا واختها وتنازل خالتي عن البلاغ
زوج هيام : موافق بس عندي شرط
ناصر : وحنا موافقين على الشرط بس أذا كان يناسبنا
زوج هيام : هيا واختها مايدرون
ناصر: خلاص موافقين
زوج هيام :متى تنازلون
ناصر: أكلم المحامي يجهز الاوراق ونشوف متى الموعد
زوج هيام : يصير خير
xxxxxxxxxxxxxxxxxxxxx

راح زوج هيام ودخلت داخل ابي أسبح وأغير ملابسي وأصلي صلاة الفجراللي ماذكرتها الابعد ماراح دقيت باب غرفة حنان ولقيتها جالسة على كرسي التسريحة تسرح شعر هيا وهي شكلها خلصة سبوح قبلي طلبت ملابسي ودخلت الحمام
xxxxxxxxxxxxxxxxxxx
نزلت الصالة عند أمي ولقيت عندها ضيوف مصبحينا واخرشئ توقعته أن ناصر يشوفهم
ناصرمن فوق الدرج : حنان
حنان : لحظة لحظة تغطوا

• 
  
  • 
  • 
  • 
  • 

{[ اللهم نسألكـ الهدى والتقوى والعفاف والغنى والحمد لكـ والشكر لكـ ]}32
05-09-2011, 04:24 AM
أنثى على هامش الحياة
[وش ْ يفيد ِ البوحْ , والواقع ْ | أصَمّْ ؟!،*

رد: رواية للأمل بقية / الكاتب : قمم الأعالي ظلالي


الجزء الخامس والعشرون
للامــــــ بقيه ــــــــــــــل

الايام تمر بسرعة ماتوقعتها بكرة زواجي من سارة والحين أنا في طريقي للمزرعة شعوري غير أربع سنوات من الانتظاروبكرة كل هذا بينتهي الوالدة تقول أنها بكرة جايه مع أستبعد هالشئ لها فتره تقنعني اني أخلي سارة عندها لو شهر بس انا رفضت الشئ هذا والحين لها أسبوع ماتكلمني وأذا حاولت أكلمها تصد عني
xxxxxxxxxxxxxxxxxxxxxxx
أحاول أقنع خالتي تروح معنا لزواج سارة وهي موراضيه وش اسوي كلم علي ناصر وقال تجهزي أنت وامي وهي موراضيه ترد علي
طلعت من عندها ورحت غرفتي أنزل شناطي تحت وأخذ فستاني معي كنت معلقته لحاله لان قماشه حساس ويترمش بسرعه أتذكر ذاك اليوم اللي أترشتريته فيه كانت خالتي تبي تطلع تروح لجيرانها لانها معزومه عندهم وانا كنت ابي أروح للسوق وكنت قايله لناصر قبل وفجأني لما قالي روحي مع امي طبعا كنت أبي أنفجر بس ربي ستر علي
دخل علي ناصر وأنا في الغرفة اسفط لغسيل
ناصر : يالله حنان بسرعة اجهزي والبسي عباتك
حنان: على وين أن شاء الله
ناصر : للسوق ماتبين تشترين ثوب لزواج أختك
حنان: الا
ناصر :اجل بسرعة عندي مناوبه ولازم أرجع المستشفى الساعة 12
حنان : ثواني بس
اخذت عباتي ونزلت بسرعة بالحق ناصر على الدرج مسك يدي ونزل فيني وانا الكون كله مايسعني من الفرحة قبل افكر بالولد والحين معاد أبي من العالم الا ناصرتفاجأت لما قال لمه تروح معنا للسوق
كنت ماسك يد حنان ولاداري عن العالم اللي أنا فيه مادري كيف مسكت يد حنان يمكن لاكان الانسان قريب منك وحواليك تهتم له وتحس انه لك بكل مافيه من أحاسيس شفت أمي وقلت لها
ناصر: يمه تروحين معنا للسوق
منيرة : لايمك مالي خاطر
ناصر: براحتك بس لاتنسين علاجك
حسيت بتضايق حنان لما قلت لامي تروح معنا
ركبت انا وياها السيارة وهي ساكته ما اسمع ألا صوت تنفسها
ناصر: حنان وش فيك
حنان : أبد ما فيني شئ
ناصر: مادري عنك من يوم طلعنا من البيت وانت مو على بعضك
حنان : ناصر طريقه معي اليوم الصباح مو معجبتني
ناصر : على طاري اليوم كلامك اليوم معي قدام أمي ماأعجبني تكلميني كاني واحد من عيالك مو زوجك
حنان : ناصر أنت الله يهداك نرفزتني ولااكلمك في الليل وتقول أن شاء الله والصباح تقول سيري مع أمي
ناصر : مرة ثانيه ياهانم أذا بغيتي تكلمني
تكلمني في غرفة النوم موقدام أمي
حنان : خلاص امر ثاني
ناصر: لايازوجتي العزيزيه
من أول يوم أخذت فيه حنان وأنا حاس انها مو محترمتني أبد وشكلها ماراح تتعدل بس هين أنا اللي راح أعدلها بس صبر ياحنان أنا تنفخين علي قدام أمي
لولا كلام الشيخ لي واني ما أستعجل كان من زمان علمتها أن الله حق هين ياحنان صبر علي بس
xxxxxxxxxxxxxxxxxxxxx

وصلنا السوق وناصر في عالم ثاني
حنان : ناصر علامك فيك شئ
ناصر: أبد سلامتك يالله نزلنا

xxxxxxxxxxxxxxxxxxxxxxx

نزلنا للسوق وناصر أبد ماعلق على الفساتين اللي كنت أختارها بس حافظ كلمه وحدة بسرعة أخلصي علينا
خلصت على قولته ورجعنا للبيت وحصلنا الست الوالدة جالسه سهرانه تحترينا
وبدون قصد طلعت مني أوف وشفت نظرت ناصر وليتني ماشفتها
طلعت غرفتي على طول بدون مانطق بحرف
xxxxxxxxxxxxxxxxxxxxxxx
أمي صار لها شهر تحاول تقنعني بموعد الزواج وانا أرفض لين يأسات مني وحددت الموعد وخلتني قدام الامر الواقع صحيح جاب فيصل المهر بس ولو مالي نفس في شئ أبد حتى لوازم الزواج ماشتريت شئ أبد
خاصة أن حنان رفض زوجها تجي عندنا ألاوقت العرس فامي حاولت تقضي اللي تقدر عليه وأنا منت أنول معها للسوق من باب التغير فقط لاغير على أنا رحنا للرياض نقضي من هنا بس مامرينا حنان ولا ألتقينا فيها بكرة زواجي أحاول أقلم نفسي على الفكرة هذه الساعة اربع العصر وحنان لسه ماجت مادري وش أخرها

xxxxxxxxxxxxxxxxxxxxxxx
دخلت البيت مستعجل على غير العادة بكرة زواج أخت حنان وانا كان عندي مناوبه ماقدرت اتركها لان المريض حالته صعبه ناديت عليها أبي أشوف وينها لقيتها مجهزة شناطها في الصالة وهي مو موجودة طلعت غرفة الوالدة علشان أشوفها هي والوالدة
ناصر: مساء الخير
منيرة وحنان: مساء النور
ناصر : عسى ماشر ليش مجتمعين في الغرفة مؤتمر عالمي والاايش
منيرة : لامؤتمر عالمي ولاشى بس حنان قاعدة تقنعني أروح للزواج وانا مالي خاطر

ناصر : ليش يمه ماتبين تروحين
منيرة : بس يمك احس أني متكاودة على المراحومالي خاطر
ناصر : يمه أنت تدرين أني ماأقدر أخليك في البيت لحالك
منيرة : بس يمك
ناصر: لحظه يمه حنان روحي جهزلي لي ملابس والحمام أبي أتروش

حنان: أن شاء الله

طلعت من عند ناصر وخالتي رايحه لغرفتي كنت لابسه عبايتي وطرحتي ومستعدة للمراح لان ناصر قالي خلك جاهزة بس شكله غير رايه رحت أجهز الحمام له
xxxxxxxxxxxxxxxxxxxxxxx

دخلت الغرفه وقفلت الباب لقيت حنان مجهزة الملابس وهي داخل الحمام
أخذت الفوطة ودقيت باب الحمام عليه
ناصر: عجلي
حنان : لحظة ناصر
طلعت من الحمام ودخل ناصر وأنا رحت بانزل شنطة المكياج وشنطه ناصر بس تفاجأة أن الباب مقفول

xxxxxxxxxxxxxxxxxxxxxxx

بعد محاولات عديدة ومريرة مني أقتنعت أمي أنها تكلم أم ناصر وتاخذ علومها وأنا من معرفتي بام حبيبي داريه أنها أم الكرم كله وأنا في نهاية المكالمة راح تعزم أمي
فنبهت الوالدة أنها تمم لها وماتردها
وبالفعل عزمت أم ناصر أمي وتممت لها بكرة لاناصر والمقرودة زوجته معزومين على حفلة زواج طاح حظها
اناحالفه لاتفرغ لها بس لين أخلع زوجي النشبه
xxxxxxxxxxxxxxxxxxxxxxx
ناصر من يوم رجع من عند أنسباه وهو يحاول يتجنبي بس أنا أحاول أكون قريب منه مادري ليش من يوم طلق زوجة الاوليه وهويحاول يبعد عني بكل الطرق مادري ليش أحس أن أحد ناقل عني عندة كلام شين ومخلفه علي
كلمت امام المسجد بهواجيسي بس قال أنها مالها أي أساس من الصحة وانا الى الان مرتاب
xxxxxxxxxxxxxxxxxxxxxxx
دخلت على زوجتي وأنا ماني مصدق عمري والله وصبرت ونلت يافيصل

الجزء السادس والعشرون
للامــــــــ بقيه ـــــــــــــــل
حنان: ناصر ليش قافل الباب
ناصر :
حنان : ناصر رد علي
طلعت من الحمام ولقيت حنان واصله حدها من الزعل
ناصر: نعم أمري
حنان : ناصر ليش الباب مقفل
ناصر : أنا قفلته
حنان: ليش
ناصر: من غير ليش
حنان : ناصر
ناصر: نعم
حنان: ناصر هونت عن المراح لل
زواج
ناصر : من قال
حنان : انت
ناصر: أنا قلت أني هونت ماني برايح
حنان: ماقلت قلت بس فعلت
ناصر: يالليل تصدقين حنان كل يوم أكتشف فيك شئ جديد
حنان: ياسلام موأنت بس حتى أنا
ناصر : أنا كيف
حنان : راح أجاوبك بس قلي أول شئ بتوديني زواج أختي ولا لا
ناصر: بوديك بس مو اليوم
خلاص بانفجر ماني قادر أستحمل زواج أختي بكرة وانا مو قادرة أروح حولت أظبط أعصابي
حنان : ناصر الله يهديك ليش ماتبي توديني
ناصر: الله أن شاء الله هاديني بوديك بس أول شئ بنام
ملاحظه أن هذي جيتي من الدوام وانتي حتى قهوة ما قهويتيني مالي حق أرتاح طول الليل مواصل وانت ماعندك ألاودني ودني
حنان : ناصر أنا اسفة بس أنت تدري انا من يوم عزا هيام الله يرحمها وانا ماشفتهم وبدون شعور جلست أصيح
ناصر: حنان خلاص
حنان: لارد
ناصر : حنان الله يرحم والديك خلاص اللي فيني مكفيني
حنان تعالي
رحت لعنده وانا ماتوقعت اللي قاعد يصير ناصر ضمني
وكان هذا أقصى أمنياتي بس تفاجأة من لما قربني منه وباسني على راسي
حسيت أول مرة أني أنثى متزوجة عشت مع ناصر ثلاث شهور عمري ماحسيت أنه مهتم فيني ألافي حلات نادره
بعدت ناصر عني وانا أحاول أتماسك علشان أساله
حنان: ناصرليش غيرت رايك
ناصر: بوديك ياحنان بس بكرة مواليوم
حنان : ليش بكرة
ناصر: عندي أسبابي أولا أمي مورايحه وانا ماقدر أخليها لحالها ثانيا أنا جاي مواصل وماقدرأسوق في الليل بنام شوي ممكن
حنان: بس هذي هي كان قلت من قبل لازم تقفل الباب علشان تقولي الكلام هذا
ناصر :لا لاني أبيك في موضوع أهم
قفلت الباب خفت من حنان أنها تروح تتكلم على أمي وانا حنان ماضمنها لازعلت معاد تعرفها من بعد ذاك اليوم في بيت أهلها وأنا تاكدت أني ماعرفت حنان وان الحنان اللي أخذته وتوقعت أني ممكن أتأقلم معه وأحس فيه ضاع وحل محله اللي ماكنت أتوقعه حنان وهي زعلانه خالتي أم نادر على حصاة

حنان : لحظه لحظه تغطوا
بسرعة وبدون شعور تراجعت للغرفه وشفت حنان جت مسرعه وسكرت الباب علي
حنان: ناصر كيف تنزل كذا
ناصر: وش دراني أن عندكم أحد
حنان : لاوالله يعني تبي تعلمني أنك ماشفت الحريم اللي دخلوا على أمي
بكل براءة
ناصر : لا والله حنان تقولينه صادقه
حنان:ايه صادقه ونص
ناصر: حنان لاتكبرين الموضوع وروحي لخالتي وقولي لها تلبس عباتها وتطلع للسيارة وانت جهزي أغراضك لاجيت بنمشي
حنان:ناصر
ناصر : وجع يقوله ناصر
حنان: الله يسامحك
ناصر:آمين يالله بسرعه أخلصي علي
طلعت وبسرعه رجعت
حنان: أقول ناصر
ناصر: سمي
حنان : وين بتروح بامي
ناصر : أبد ياعمري بروح أناوياها للمحكمه علشان سالفة بنات هيام الله يرحمها
حنان: أبوي بيروح معكم
ناصر: لاماودي أتعبه المدعيه خالتي وهي الوحيدة اللي معها الصلاحيه للتنازل وانا بصراحه ماوي يروح أخاف الرياجيل يطيحون عليه ويتنازل ويروح كل اللي بنيناه في الهوا
حنان: ناصر قلبي لاتطلع من الغرفة لين أناديك
ناصر: الله ماطولك ياروح
أنتظرت في الغرفه لين نادتني حنان ورحت للسيارة أنتظر خالتي فجأة داهمتني الافكار من الحريم اللي خلوا وخلواحنان تنجن ماكان ودي أسالها شفتها معصبه والاوادم حولها ولاشئ لاعصبة قلت أسكت أحسن لي
قلت في نفسي مالي ألاخالتي أسالها واشوف من اللي خلى حنان تعصب بالشكل هذا
أم نادر : مرحبا
ناصر : هلا وشونك خالتي اللحين
أم نادر:بخير جعلك بخير
ناصر: آسف خالتي طلعت من عند ضيوفك بس وش أسوي ببوهيا أزعجني
أم نادر : أبدمافيه أحد غريب هذي أشواق وأمها جايبين فطورلنا

صدمة بس الحين عرفت سبب حمق حنان ياقلبي أنا صراحة شعور لايوصف أقول ياربي الحرمه عارفها
وعارف زولها أجل أشواق وأمها
خلصت أنا وخالتي الاجراءت ورجعنا للبيت والبنات صارن تحت ولايه خالتي وارتاحت نسبيا
الحمد لله لقيت حنان جاهزة وتحتريني
أخذت الشناط وحطيتهم في السياره وحنان ركبت جنبي
حنان: السلام عليكم
ناصر: وعليكم السلام
تكيت على السيت وجلست أفكر والتفكير ذبحني
اسال ناصر ولاماساله ياربي بانفجر
حنان: أقول ناصر ليش نزلت اليوم بدون ماتنحنح
ناصر: أبد جت عفويه قلت اكيدمافيه تحت ألاخالتي
وحنونتي
حنان: صدق ناصر
ناصر: وش هو اللي صدق
حنان: أني حنونتك

ناصر: أفا حنونتي ونص بس أقول حنان
حنان: نعم
ناصر: من الحرمتين اللي كانوا عندكم
حنان: وانت وش يهمك
ناصر: أبد فضول
حنان: شحادات
مسكت نفسي بالغصب ماودي أضحك واكشف عمري أني عارف الحريم أجل مرت خالك ياحنان شحادة
xxxxxxxxxxxxxxxxxxxxxxx
حنان: ناصر وين رحت
ناصر: أبد موجود حنان تعالي
حنان: وين
ناصر : أسم الله عليك ننام
حنان: هالحين
ناصر: أيه هالحين عندك مانع
حنان: أيه مافيني نوم
ناصر: وانا فيني النوم ويالله غيري ملابسك وتعالي
xxxxxxxxxxxxxxxxxْْxxxxx
ياربي الرجال وش صارله بصراحه خفت منه ياربي وش أسوي أحترت في البدايه بس بعدين فكرت وقلت أدخل الحمام أول شئ أخذت لي قميص نوم لونه كحلي صحيح لك عليه بس أستر ماعندي العوض ولاالقطيعه زي مايقولون

xxxxxxxxxxxxxxxxxxxxxxx
تاخرت ياربي وين راحت وش فيها أبطت في الحمام
ناصر: حنان وين رحتي
حنان:ناصر دقايق بس
ناصر: بسرعة أستعجلي
حنان: طيب
xxxxxxxxxxxxxxxxxxxxxx
ماحبيت أن حنان تغافلني وتنزل تح حطيت أحتمال أنها تشوف امي وانا مابيها تقول كلمه يمكن ماتصدها وتأثر في الوالدة
علشان كذا فضلت أن حنان تنام في حضني واضغط على نفسي على أنها تزعل الوالده ويصير بينهم سؤتفاهم
xxxxxxxxxxxxxxxxxxxxxxx
من يوم راحت شغالتي وانا أحس نفسي مو مرتاحه أبد أحس عمري عاله على اللي حولي وخاصة حنان لما يقول لها ناصر شوفي علاج الوالدة ولاحظيه يالله بحاول في ناصر يايجيب شغالة والاأنا بجيبها لاني بجد في حاجتها فكرت في عمري والضيوف اللي بيجوني بكره وش أسوي استعنت بالله وسواته أبرك
xxxxxxxxxxxxxxxxxxxxxxx
ماجاني نوم قمت أفكر والهوجاس يلعبي وشلون أستعطف خالتي أم ناصر وأخليها ترجعني لناصر وبطريقه تحفظلي كرامتي وماتخليني أطلع كني راميه نفسي عليها فكري يانجلاء فكري مافيه غيرها حنان نفسها هي اللي بتوصلني لناصر
xxxxxxxxxxxxxxxxxxxxxx
أحس بثقل ظاغط على صدري ياربي حلم ولاعلم وش الشئ اللي قاعد يصيرلي أحس أني وسط مكان ضيق وان فيه شخص قاعد يضغط علي بيدينه وموراضي يفكني أجيه يمين يروح لي شمال وش السالفه ياربي أقوم من الحلم هذا ليش عيوني موراضين يفتحون وش العله
قمت مرتاع وانا عيوني ترمش بسرعة وادعي الدعاء اللي علمنياه الشيخ بسم الله
حنان,حنان ليش مو راضيه تقوم شلت يدينها عني وحاولت أقوم ماقدرت في حلقي شئ يشبه الشعر اللي يوديه المشط ويجيبه وضايق وحالتي حاله مالي غير الوضوء رحت امشي وأنا شبه متوازن للحمام وأول ماقلت بسم الله أحس صدري أشرح
xxxxxxxxxxxxxxxxxxxxx
كنت أسمع ناصر وهو يناديني بس مابغيت أقوم لاني كنت آخذه راحتي في النوم وعايشه جو كنت أتخيّل نفسي في بيت اهلي لها الحين والى الان عايشه أحلامي
ويجني حبيبي ويبوسني ويحضني وانا حاطه يديني من ورى ظهره وأحس بالامان في أحضانه كنت أحس بطعم البوسه على شفايفي ولاني مصدقه أحس نفسي في الجنه موعلى الارض
xxxxxxxxxxxxxxxxxxxxxxx
ناصر: حنان .حنان
حنان: لارد
ناصر: حنان أسم الله عليك يالله قومي
حنان: وين
ناصر: لاأكيد فيك شئ ماتبين تحضرين زواج أختك
حنان : ألا ليش تقول كذا
ناصر: لاانتِ عقلك مغيب ماتحسين يالله قومي غيري والبسي عباتك
حنان : أن شاء الله
xxxxxxxxxxxxxxxxxxxxxx
شفتها وهي جالسه على طرف السرير وتتحسس شفايفها بطراف أصابعها تاهت مرة ثانيه في عالمها
ناديتها ماردت ماقدرت قلت في نفسي بروح أقومها
شكلها تعبانه جيت ومسكتها مع زنودها بقومها ويوم قومتها ماقدرت اقومها وأقاومها بستها وانا قول سامحني ياشيخ ما قدرت أسيطر على نفسي وصار اللي صار

الجزء السابع والعشرون

للامــــــ بقيه ــــــــــــــــــل
كنت أظن ،/ الحظ جابك وإبتسَم

أثر أنا و ( الحظ ) مانواطن بعض
الأمل في دنيتي ياما ،
إنهدَم
و " الفَرَح " مايوم في عمري ومَض

شعور غير أحسه الحين أنا واقفه جنب زوجي والمصوره تصورنا ماكنت حابه الشئ هذا يصير بس وش أسوي علشان حلف الوالدة ماكنت أبي أزعلها خاصة بعد وفاة المرحومه

xxxxxxxxxxxxxxxxxxxxx

مزاجي ماكان رايق الوالدة الله يهديها مدري وش فيها كنت تناظر لي بنظرات مافهمتها كنها زعلانه ومو راضيه علي جا في بالي كلامها قبل يومين كانت مو طبيعيه أبد مادري وش فيها
أم سعود: فيصل أبي اطلب منك طلب وترى زعلي ورضاي متعلق بها الطلب
فيصل : أمري يمه والله لايجيب الزعل أبد
أم سعود: فيصل خل مرتك عندي العشر أيام الاولى طلبتك يمه
فيصل : يمه أنا مادري وش سبب تمسكك بان زوجتي تجلس عند وش السر أبي أعرف
أم سعود: لاسر ولاشئ كل اللي أبيه أني أشوفك كل خميس وجمعه حولي تشوف هذا واجد علي
فيصل :أسف يمه ماقدر اللي تطلبينه صعب علي
أم سعود : والله يافيصل أن ماطعتني والله ماحضر زواجك
أبوسعود : علي الطلاق لتحضيرين وحلفك كفري عنه عاجك والا لا
فيصل: يمه لاتزعلين مني
أم سعود : مبروك دوبك تذكربعد ماعصيتني
فيصل : حشاك يمه ماقصدت
في ذاك اليوم طلعت من عند امي وانا ماني عارف أرضي مين والامين
خليتها على الله هو الوحيد المتصرففي جميع أحوالي لاني عارف مصير سارة لو طاحت بين يدين الوالدة

xxxxxxxxxxxxxxxxxxxxxx

ماني عارفه وش أسوي أحس أن يوم الوعد قرب وانا عاجل ولا أجل مصيري أفقد عيالي للابد صحيح قدرت أطفش مرت سعود وأخليها يطلقها بس هذا بين أنها راعية طويله وبتاخذ مني شغل وجهد أكبر من اللازم
xxxxxxxxxxxxxxxxxxxxx
سافرناصر وزوجة قريب الفجراليوم أحس البيت فاضي علي متى ياربي أشوف ضنا ناصر لازم أول مايرجع افاتحه في الموضوع واخليه يشوف حل لاحد يلومني أبي أشوف عيال ناصر وشكل حرمته مافيها ضنى أوساكته على شان وجع ناصر بس الحين وبعد ماطاب ماعنده عر أنه يتزوج ويملا البيت علي
xxxxxxxxxxxxxxxxxxxxx

اليوم على كثر حزني على كدة فرح الدنيا موسايعتني وانا أشوف الله اكرمني وخلاني أعيش لين شفت اليوم اللي بناتي متزوجات وكل وحدة ماخذه رجال والنعم فيه الحين بس أقول أني أرتحت من هم كان كاتم على صدري بقى نادر ياربي متى أفرح فيك ياقرة عيني
xxxxxxxxxxxxxxxxxxx
من يوم وصلت حنان عند أهلها وأنا احس اني على أعصابي خاصة أني أدق على الشيخ ما يرد والحين الساعه عشر في الليل أبي راي الشيخ ومشورته في الليل سويته وش راح اسوي بعد الخطوه هذي يارب سترك
xxxxxxxxxxxxxxxxxxxxxx
زهمت جارتنا أم ناصر على الوالده تعزمها على قهوة العصر قفلت أمي السماعه وسالتها بفضول

حسين : من عندها أم ناصر
أم حسين : وحدة من جارتنا ماتعرفها
حسين : من يعني يمه
أم حسين : أف منك هذي نجلاء وأمها
حسين: نجلاء اللي طلقها ناصر
أم حسين : عليك نور
حسين : وش يوديها لبيت ناصر بعد ماطلقها
أم حسين : مادري بس يمكن تبي ترجعله
حسين : هي ماتزوجت
أم حسين : ألا بس طامح عند أهلها وريحه للمحكمه وشاكيته تبي الطلاق
حسين :معقوله الله يعينك ياناصر وش تشيل وتخلي
xxxxxxxxxxxxxxxxxxxxxx
زارتني العصر أم نجلاء وبنتها نجلاء اللي دريت بالصدفه من أمها أنها ناويه الطلاق من زوجها ولاني أعتبر نجلامن يوم هي صغيرة بنت لي سألتها
أم ناصر : لا لا ينجلاء عطي نفسك فرصه أكبر
نجلاء : ياخاله الحاله مايعلم فيها ألا الله ماتتوقعين وش كثر صبرت عليه بس الاجر عند الله مو عند الناس
أم ناصر: الله يعينك موكل أحد ساكت متهني وانا أمك
مابغيت أزيد على نجلاء خاصه بعد ماشفت حالتها بس في نفس الوقت بغيتها تقطع الامل نهائي في ناصر اللي نجلاء في نظري بانيه عليه حصار وعارفه أنه في النهايه بيرجع لها الحين وألابعدين
الله المستعان
xxxxxxxxxxxxxxxxxxxxx
من بعد زياتي لبيت خالتي أم ناصر وانا أحس لأن الحياة دبت في جسمي من جديد كل شئ على حطت أيدي والشئ هذا أكد لي أن ناصر مازال متمسك فيني ولو بالذكرى
تغافلت خالتي أم ناصر وقلتها أني أي الحمام وانا في الحقيقه غايتي ومقصدي شئ ثاني أشوف جناحي اللي ماتهنيت فيه ولاقدر أحقق حلمي من يوم أنا صغيرة فيه ناصر والله أحبك معقول الجناح على ماهو عليه شفت أثر النار اللي شبت وشكل الجناح اللي شكل ماأحد دخلته من مدة طويله فقت على صوت خالتي أم ناصروهي دورني وطلعت بسرعه وفي صدري صوت يقول ولو كونه خل الجناح فانا مازلت سكنة أفكاره ومعشعشه في قلبي ناصر الله يمدك بالعمر المديد وترجعلي وأكون أنا وانت تحت سقف واحد وعلي هذا غفيت
xxxxxxxxxxxxxxxxxxxxxx
سارة أذهلتني بجمال الخارجي وجمال المنطق لاشفتها ماذكر الاخالتي أم نادر ياحلو ردها على أمي وأبوي كانت في كل كلمه تقولها أحس بالسعاده وأحمد ربي ألف مرةأنها كانت من نصيبي
xxxxxxxxxxxxxxxxxxxxxx
شفت حنان في دخلة أختها الفرحه بتنط من عيونها
معقول الكلام اللي قالوه خواني عنه يكون غير صحيح معقول ناصر صاحي وماهو مختلف زي مايقولون الناس اللي يشوف حنان يقول هذا عايشه في الجنه من كثر ماهي مبسوطه
xxxxxxxxxxxxxxxxxxxxxx
بعد ما الامور هدت وتم اللي أنا خططت له قررت أزور أختي بعد غياب دام سنتين


الجزء الثامن والعشرون
للامــــــــــ بقيه ــــــــــــــــــل

دخلت لغرفة الفندق وانا أقدم رجل واخر الثانيه اليوم أنا أحقق الحلم اللي عشت تسع سنوات موراضي يفارق بالي مادري ليش أحس بروحي ضايعه ومو عارفه أتصرف أحس اللي قاعد يصرلي مو طبيعي وين الفرح اللي ممكن تحس فيه أي بنت مثل حالتي الدنيا عندي فراغ مو قادره أملاه دخلت وجلت علي كرسي بوسط صالة الجناح وصرت أتأمل الشخص اللي واقف قبالي صحاني صوته بكلمه فجرت كل أحاسيس الحزن داخلي


فيصل : مبروك
مادري وش فيهاأحسها مستغربه اللي قاعد يصير فها شئ موطبيعي يمكن لانها عروس حاولت أشيل بعض الحرج اللي حاصل بيني وبينها بس ماقدرت اطلعت معي الاكلمه وحدة وقلتها وليتني ماقلتها فكتها مناحه بسم الله هذي كيف اسكتها قربت من عندها وناديتها
فيصل : سارة
رفعت عيوني والدموع خانقتي ماقدرت أرد

فيصل : سم الله عليك تحسين بشئ

أشرت براسي علامة أني طيبه ومافيني شي
بس وش أقول فجاه حسيت بحنين لامي وخواتي وقلت له

ساره : فيصل
بدون وعي كني سمعت احد يكلمني وردتها علي ثاني

ساره : فيصل

فيصل : أمري
ساره: أبي مويه
فيصل :من عيوني ثواني
جبيت المويه وانا أركض كني ماصدقت احد أمر علي
فيصل : سمي
ساره : سم الله عدوك
بغيت أقول وعدوك بس خفت تكون الوالده علشان كذا رديت رد دبلوماسي شوي وقلت
فيصل :تسلمين
بعد كذا شفتها جالسه وشكلها متوهقه بالفستان اللي عليها فقلت أبي أكلمها واذا شفتها ماعطتني وجه بسكت
فيصل : ساره أذا مضايقك الفستان غيريه على مايجي الاكل

XXXXXXXXXXXXXXXXXXXXXX

اخيرا من اليوم أنتظره ينطقها لا الفستان مو مخليني أتنفس
سارة : ياليت عن اذنك
فيصل : تفضلي
XXXXXXXXXXXXXXXXXXXXXXX



دخلت دورة المياه وانا أتعوذ من ابليس احس قلبي يرقع كن تاتصير لي مصيبه الله العالم فيها
اول شئ نزلت الفستان والجيبون حقه أنظرت شوي لانه أستنف كل طاقتي
غيرت ملابسي وتوضيت وطلعت من الحمام
لقيته مغير ملابسه وشكله متروش لان شعره مبلول

فيصل : حياك سارة تعالي
سارة : لامشكور
فيصل : أفا ترديني ماتوقعت من بدايتها كذا
سارة : ماعاش من يردك بس
فيصل : لابس ولاشئ اذا ماترديني تعالي
XXXXXXXXXXXXXXXXXXXXXXX
البيت تغير علي مو بيت أختي الاولي كل شئ تغير من يوم صارت السالفه ورحت عند زوجي بالشرقيه معاد جيت مادري ليش هو خوف وألا ايش طقيت الباب وطلعت لي خادمة شكلها جديد سألتها وين ماما ونجلاء
قالت مو فيه عند بيت جيران
خليتها تدخل شنطتي ودخلت للمجلس أحتريهم
وماطولت شوي ودخلت نجلا وامها

أم نجلاء : هلا والله القمر والاشبيه زارنا اليوم
عزيزة : لا أنا وويارب يكون مرحب فيني
أم نجلاء:العين أوسع من البيت
عزيزه : تسلمين هذا العشم والله أخبارك يانجلاء
نجلاء :تمام
عزيزه: مبروك الزواج الثاني

نجلاء: ماقدر أقولك الله يبارك فيك لاني نويت الطلاق على قولتك للمره الثانيه

XXXXXXXXXXXXXXXXXXXXXXX
آخر ماتوقعت أن خالتي عزيزه تزورنا من بعد سالفه طلاقي من ناصربس الغريب أنها ترجع بعد المده هذي كلها في نفس الوقت اللي قررت فيه أرجع لناصر
XXXXXXXXXXXXXXXXXXXXXXX
شفت سياره غريبه موقفه عند بيت الجيران أستغربت ويوم نلت الحرمه عرفتها من ولها وطريقتها في العبايه كانت لابسه عبايه لف هذا عزيزة أم الفتن بس قلت أتاكد من السواق حقهم لاجا لصلاة العشاء
XXXXXXXXXXXXXXXXXXXXXXX
عند باب المسجد سألته
حسين : هارفيق أخبارك
السواق: تمام كلشئ تمام
حسين : مبسوط كويس
السواق: الحمد لله
حسين : رفيق فيه اليوم سيارة غريب يجي عند بيت بابا مين
السواق : هذا عزيزه أخت مدام يجي من شرقيه يمن يجلس أثنين اسبوع أوثلاثه بس هي يجي يزور مدام
ياكثربربرتك حسين : صديق أنت كيف أعرف
السواق : هذا شغاله مال هم كلام
حسين : تدري صديق الصلاة فاتتنا ياالله عجل
XXXXXXXXXXXXXXXXXXXXXX
أحس البيت بعد ناصر ظلام البيت مافيه ونس

أخذت تلفوني بانبهه لموعد علاجي لقيت مكالمتين من ناصر ورساله يمكن قبل دقايق فتحت الرساله كاتب فيها (يمه ردي علي فيك شي )
دقيت عليه ورفعت الخط من أول رنه
ناصر: يمه فيك شئ ليش ماتردين
منيره : سم الله لامافيني شئ بس أنت وش فيك
ناصر: أبد تروعت عليك أحسب فيك شئ

منيره : لامافيني شئ ناصر
ناصر: نعم يمه
منيرة : متى بتجي
ناصر: بكره بعد صلاة الفجر كنت ناوي أمشي الليله بس بعدين أستخرت قلت الصباح رباح
منيره :طيب ناصر نام بدري ولامشيت دق علي
ناصر : طيب يمه يالله فمان الله
منيره : فمان الكريم
XXXXXXXXXXXXXXXXXXXXXX
التفت للمجلس حولي مافيه أحد الدلال زي ماهي عقب الرياجيل خالي ونادر راحوا ينامون وفي الصجه واللجه ماحد ذكرني

رفعت تلفوني أشوف ست الحسن اللي من يوم جت زابنه أمها وانا في خبر كان بس ولو شكلهم حالتهم صعبه
الجوال يدق ماحد يرفعه وين راحت
سويت أعاده للاتصال وأخيرا ردت
حنان : هلا ناصر
ناصر: هلا فيك
حنان : ناصر وينك
ناصر: وين بعد في الرياض
حنان : ناصر من جدك متى سريت
ناصر: من بدري
حنان : وليش ماقلت لي
ناصر: أنا ادري عنك من جينا ماشفت وجهك
XXXXXXXXXXXXXXXXXXXXX
ماصدقت ناصر لان ناصر شكله جالس بالمجلس لاني المكيف وراه يطلع صوت وهذا مكيف مجلسنا الخربان
نزلت بسرعه أبي أشوف هو ليش جالس يكذب علي
وكانت السماعه على أذني
دخلت المجلس من الباب الثاني وكان معطيني جنبه اليمين ولا حاس علي ومستمر في الكذب نزلت الجوال وجيت من وراه بشويش ولفيت يديني على رقبته

ناصر : بسم الله
XXXXXXXXXXXXXXXXXXXXXXX
فيصل : ساره ودي أقولك شئ بس ياليت تقدرين موقفي وتتفهمينه

يوم قال الكلام هذا حسيت أن فيه شئ مو طبيعي أنا دايم كذا أذا تغير على شئ أتشاءم وبدون وعي حواسي كلها أتوجهت للشئ اللي راح يقوله
فيصل : انا راح أخذك للمكان اللي أشتغل فيه وماراح نقدر نتمشى مع بعض أبي أقضي أجازتي معك هناك علشان تتعودين على المكان

بدون شعورقلت : أشوى

يوم سمعتها تقول أشوى ماقدرت أسيطر على نفسي
فيصل : اشوى ههههههههههه
انحرجت منه توقعته مافهم الكلمه بما أنهم ساكنين في المدينه واحنا في المزارع

فيصل وانا مو قادر أسيطر على نفسي الى الان : اشوى ليش
سارة : بس كذا
حسيت دموعه بدت تصب صب من الضحك ولقيت نفسي أضحك معه بس فجاة توقف وسألني
فيصل: سارة وين جوالك
سارة : مادري
فيصل : ماتدرين وين جوالك
سارة : يمكن في الشنطه
فيصل : وين الشنطه
سارة : في الغرفه
فيصل : تمام اجل أمشي أنا وياك نشوف وين الجوال

مادري ويش أسوي صراحه أربكني دخل قبلي الغرفه قال عطيني رقمتك عطيته رقمي ودق على جوالي وعرف مكان الشنطه واخذ الجوال منها وانسدح على السرير وانا ماني مصدقه ومذهوله أنه فتح شنطتي واخذ جوالي منها
فيصل : سارة تعالي هنا
ساره : وين
فيصل وين بعد جنبي
ساره : علي السرير
فيصل : على ويش أجل
حسيت بشوي ضيق من لهجته وزريته علي قلت في نفسي هي خربانه خربانه هالحين والا بعدين
أنسدت على السرير وانا حذره ماحسيت بعمري ألا وانا في حضنه
سارة : يمه
فيصل : وش فيك أبي الرقم السري

XXXXXXXXXXXXXXXXXXXX
حطت يدينها على رقبتي وعرفتها على طول
ناصر : حنان بدال اللعب روحي جيبي فراش أبي أرقد
حنان : الشرهه مو عليك على اللي ياخذ بخاطرك ويقول أنك موجود
ناصر : ليه وانا في نظرك ماني موجود أدري مستخفه فيني ومعتبرتني بزر صح

حنان : انا
ناصر : أيه أنت
حنان : ناصر ماعرفتلك أن دلعتك قلت أنا بزر وان سفهتك قلت اني موحاطه لك أعتبار ماعرفت أبقطك
ناصر: تعالي بقولك
من نظرت ناصر قلت أكيد بقولي كلام رومنسي
جيت عنده وقلت
حنان :لبيه حبيبي
ناصر: روحي جيبي فراش
أنصدمت بس مع ناصر أتجاوز الصدمات بسرعه
ناصر : عندي أقتراح
حنان : وش هو
ناصر : نطلع غرفتك لان ظهري يوجعني ويبيلي أحد يمسح على ظهري لين أرقد
حنان : لاوالله







xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


ما ارتحت لجية عزيزة حيست أن وراها مصيبه وان الماضي راح
ينكشف بس تأخر



الجزء التاسع والعشرون
للامـــــــ بقيه ــــــــــــل
احس المشاكل راح ترجع من أول وجديد عزيزةماورى جيتها خير أبد
xxxxxxxxxxxxxxxxxxx
طلعنا من الفندق أنا وسارة وتوجهنا للربع الخالي المسافه حوالي ست ساعات لهناك
قررت أقضي اللي باقي من أجازتي معها حتى تتعود على الجو والمكان طبعا ماغفلت عن شئ مهم أني أشتري لسارة سلاح وأعلمها عليه لاني أشتغل في منطقه نفطيه تبعد حوالي 70 كيلو عن البلدة الاساسيه اللي أغلب سكانها من الاجانب ونادرا ماتلقى سعودين
وأنا خايف عليها ومادري وش لون أفاتحها
الله يستر
دق جوالي وانا اسوق وكانت سارة أقرب له مني
ومدت لي كان المتصل أمي وشكلها تبكي بجد
فيصل : الو يمه
ام سعود : فيصل وينك من الصبح وانا أحتريك
فيصل : يمه أنا أخذت سارة ورحت لبيتي
أم سعود : تروح لبيتك وماتجي تسلم على هذي مو طبايعك يافيصل
فيصل : اذكري الله يمه وانا قريب وأن شاءالله يوم الاربعاء أكون عندك
أم سعود : طاوعك قلبك
فيصل : يمه الله يهديك وش هالكلام يالله مع السلامه
أم سعود: مع السلامه مو منك من اللي جنبك
xxxxxxxxxxxxxxxxxxx
الساعة 7:30 وناصر الى الان مادق ليكون غير رايه ومامشى والامشى وصار عليه شئ الله يسترأخذت جوالي ودقيت عليه
xxxxxxxxxxxxxxxxxxx
مادري ليه الدنيا غير الدنيا المكان ظلام وعيوني ماني قادر أفتحها أسمع صوت الجوال
بعد شوي كني أستوعبت الوضع فتحت عيوني ولقيت حنان ترد على الجوال
xxxxxxxxxxxxxxxxxxx
الجوال من اليوم يدق وناصر موراضي يرد أبد
وش فيه يارب كان صاير له شئ
ناظرت جواله وكانت خالتي أم ناصر رديت عليها وانا أحس النعاس كابس علي
حنان : الو
منيره : حنان
حنان : اهلين خالتي صباح الخير
منيرة : صباح لنور
حنان : أسفه خالتي رديت على جوال ناصر بس هو الحين نايم وانا عجزت فيه
منيرة : أشوى أذا كان نايم خليه أنا حسبته مشى ومادق على خفت أنه صار له شئ لاسمح الله
حنان : لا خالتي الله يحفظه خالتي ناصر قام تبينه أيه عطينياه

xxxxxxxxxxxxxxxxxxxx
ناصر بصوت كله نوم : هلا يمه
منيرة : ناصر وينك كم لي أحتريك
ناصر : يمه مسافة الطريق أن شاء الله
منيرة : توقع يمك
ناصر : يمه أخذتي علاجك

منيرة:
له هالحين ماخذته
ناصر: يمه أخذيه وعلى طول أكلي لاتحتريني
منيرة : أن شاء الله يمه
xxxxxxxxxxxxxxxxxxx
التفكير بيموتني وش الكلام اللي قاعدة تقوله نجلاء ليش تبي تتطلق من زوجها وش المشكله اللي له الدرجه بينهم معقول ناصر له دخل في الموضوع حتى ولو اللي وصلني من أخبار تقول أن زوجها الثاني ماعليه ماليان ومايشكي من شئ أنا لازم أقوم أسأل أختي عن الاسباب راسي بينفجر
xxxxxxxxxxxxxxxxxx
خالتي ماجت ألاوراها شئ بس وش هو أنا ليش غلطت قدامها وقلت أني بطلق من زوجي المفروض ماتدري ألالما أتطلق واخلص علشان ماتسوي لي مشاكل اللي يستر خالتي من يوم قات تزورنا في الفترات الاخيرة تسبب لنا مشاكل اولها طلاق أمي من أبوي مرتين والسبب هي وبعدين طلاقي من ناصر انا واثقه أنها وراه والا وش اللي خلاها ترجع في نفس ليلة زواجي لزوجها مع أنها كانت تبي الطلاق منه وش اللي جد بالموضوع ياليت أعرف السر
xxxxxxxxxxxxxxxxxxx
احس أخلاقي ضايقه والدنيا عندي ولاشئ خاصه بعد اللي سواة فيصل فك عمره من أمي وراح وأنا الى الان مقابلها وابكي على الاطلال
مادري وش اللي صارلي اكيد أبليس يلعب علي امي مستحيل تفكر لي باللي يضرني لازم أخ قرار في حياتي قرار أقدر أستقل بعيد عن أمي
xxxxxxxxxxxxxxxxxxxx

نزلت عند أختي وماحبت اني أسألها من البدايه عن اللي صاير مع نجلاء وليش ماتبي زوجها لاني عارفه نجلاء وطريقتها لابغت شئ لازم تجيبه
عزيزة: صباح الخير
ام نجلاء : صباح النور
عزيزة : وين الباقين أشوف البيت فاضي
أم نجلاء :ابد نجلاء نايمه وابوها راح الدوام
عزيزة : على طاري نجلاء وش صايرمعها ليش جالسه عندك وانت تقولين متزوجه
أم نجلاء :أبد جالسه عندي لانها ماتبي رجالها وطامح عنه تبي الطلاق
عزيزة : ليه وش المشكله وش صاير
ام نجلاء : أبد تقول مارتحت معه
عزيزة: حتى الاول مارتاحت معه وش جد
أم نجلاء: والله مادري يا ختي
xxxxxxxxxxxxxxxxxxxx
منسدح على السرير النوم موراضي يجيني من بعد صلاة الفجر وافكر ياترى عزيزة ليش تختار الاوقات الصعبه وتظهر فيها اكيد وراها شئ
ماني قادر أنسى ليلة زواج ناصر وش سوت الايام تجري بسرعه كنه البارح
كنت طالع من البيت ماقدرت أروح للزواج جتني حمى ويالله أقدر اتحرك طليت مع الشباك كنت ابي الهوا البارد خاصه أن الوقت خريف وشفت حرمه تدخل بيت أم ناصر وشكلها مو مرتاح خاصه أنها تركض بسرعه توقعت أنها من اهل العرس لانها لابسه ملابس زواج وعليها عبايه رهيفه بس اللي تفاجاة من ذالك الوقت فتحت الباب ودخلت ودخل وراها هندي معه شنطه مارتحت للموضوع ونزلت أشوفه مع اني تعبان
xxxxxxxxxxxxxxxxxxxx
بعد الاحداث بفترة

ثلاث أرامل نقضي فترة حداد صعبه لاأدري هل هوالحظ أم انه قدركتب علينا ونحن رضينا وقبلنا متى الايام تقبل علينا بالفرح مازال

الامــــــــــــــــ باقي ـــــــــــــــــــــــــل

في الجزء الاخــــــــــــــــــــــــير


الجـــــــــــــــــــزء الاخير



هل مازال الامـــــ باقي ــل

نزلت بسرعه كنت أراقب الباب وانتظرالحدث اللي راح يصير وش جاب الحرمه هذي وفي الوقت هذا بالذات وش تسوي في بيت ناصر هالحزه سمحت لنفسي أدخل البيت بما أنها دخلت هنود معها شفتها تطلع للدورالثاني ولحقتها بس بدون ماتدري دخلت وحدة من الغرف أنتظرت شوي وبعدين دخلت وراها كنت شاك أنها تبي تسرق شئ وألا وش يحدها تجي في الوقت هذا بالذات واهل البيت كلهم في الزواج
كنت أمشي وراها هي وهنديها بدون ماتحس لقيتها تشيل بلاط من الحمام وتحاول في الهندي يطلع ثواني
ولمحت معها شئ أشبه بالصرة لمحتني وقلت مافيه مهرب
تنحنت وقلت
حسين : ياولد
عزيزة : من هنا
حسين : اسف بس من أنتي
عزيزة : أنت من
حسين : أنا جار أهل البيت هذا شفت حركه غريبه كنت ببلغ الشرطه بس يوم شفتك قلت أكيد انت من اهل البيت والاتقربين لهم
عزيزة : صحيح أنا خالة العروس
حسين :أسف على سؤالي ولو فيه تطفل وش المشكله
عزيزة: لامشكله ولاشئ ابد جايبه أغراض لبنت أختي
ومالقيت وقت اجيبهن ألا هالحين
حسين : الهندي ليش داخل
عزيزة : أبيه يدخل الاغراض
حسين :وشيل لبلاط وترجيعه من الاغراض
عزيزة : يالاخو هذا شئ مالك دخل فيه
حسين : يصير خير بس راح ابلغ أهل البيت باللي صار قدامي واسف مرة ثانيه
عزيزة : لحظه لوسمحت
حسين : نعم
عزيزة: لك خمسه الآف ولا تعلم أحد
حسين : ليه
عزيزة : مالك شغل تبي الفلوس والا لا
حسين : أبيها
عزيزة : لحظه طيب
xxxxxxxxxxxxxxxxxxxxxxx
دخلت عزيزة في ذاك الوقت وجابت الفلوس وللاسف أخذتها حتى بدون ماأسأل عن مصدرها
الى الان متندم لاني مابلغت عن عزيزة ماقدرت أتكلم لان الناس ذيك الايام أنشغلوا بسالفة طلاق ناصر يوم الصباحيه وانه دخل في حاله من الضيق مارتاح منها ألابعد ماطلق نجلاء كنت أرقب باب بيت أبو نجلاء علشان أشوف عزيزة واعرف منها وش اللي سوته لناصر بس مافيه أمل أذكر في وقتها جتني أمي وقالت لي أنه انسرق من بيت ناصر ليله الزواج مبلغ كبير بحدود العشرين ألف ويقولون اللي سرق واحد من الحارة يعني مافيه غريب
كنت أيامها مراهق
وخفت انه يتهموني بالمبلغ وخاصه أن معي خمسه ألآف وراح يسألون منين جبتها
خفت خفت ولاحد يلوموني
xxxxxxxxxxxxxxxxxxxxxx

الحقد ماليني من كل جهه ماقدرت أتخلص منه الله ماقسم لبوي ألابنتين عايلتنا فيها سرعقم للاسف ماطلع ألا فيني تزوجت قبل أم نجلاء بدل الواحد أثنين وكل ماتقدم لها أحد ويعلمني فيه أبوي أحاول بشتى الطرق أن الزواج مايتم لحد ماتوفى أبوي أنا وقتها كنت متزوجه وعلى ذمة رجال وام نجلاء ساكنه عندنا زوجي ماكان حابها وانا ماكنت أبيها تعيش سعيدة من زود حبي لها حقدت عليها تقدم لها زوجها هالحين كان مطلق بنت عمه لانه مايجيب عيال قلت في نفسي هذا هو حاولت فيها لين قبلت تخذه مع أنه أكبر منها وعلى قد حاله
بس للاسف مع أول سنه لها كانت حامل وأنا اللي ماخليت مستشفى مارحت لها ولامعالج ماجلست عنده حتى الدجالين
بس ماكانت قسمتي أني أجيب أحد
بس هي جابت نجلاء بعد سنه وحدة من زواجها يعني العيب ماطلع الا فيني
ليه الدنيا ماتعطي الواحدعلى كيفه
xxxxxxxxxxxxxxxxxxxxxxx

قررت أسير على أم ناصر واحاول أتسلل لجناح ولدها
علشان اشوف هل فكوا السحر عن طريق الصرة اللي تحت البلاط والابشئ ثاني بس كيف أقول لام نجلاء
xxxxxxxxxxxxxxxxxxxxxxx

عشت أحلى أسبوع مع سارة أنسانه هاديه ومطيعة وماترد لي طلب مشاء الله عليها كانت قمه في كل شئ الاكل واللبس والنظافه يعني مرة بكل معنى الكلمه وامها الله يستر عليها ماخلتلي على بنتها درب
فيصل : سارة
سارة : نعم
فيصل : تعالي حبيبتي ودي أشورك بشئ
سارة : آمرني
فيصل : لاتعالي جنبي أول

جت وجلست جنبي أسم الله عليها حطيت يدي ورا ظهرها وقربتها
فيصل:
الاربعاء بنطلع لاهلي وش رايك
سارة : حبيبي ماعندي راي بعد رايك
فيصل : خلاص تم
سارة : تم
xxxxxxxxxxxxxxxxxxxxxx
سعود
جهزت شنطة ملابس ولدي وقررت أوديه عند أمه واسافر للخارج أكمل دراستي هناك وأشوف
نفسي احس ان اربع سنين راحت من حياتي هدر كله وانا امشي وراى امي وللاسف ماحصلت شئ ابي ابني حياتي بعيد عن اهلي بعيد عن تسلط امي وسليبة ابوي
كذبت عليهم وقلت اني باخذ دورة تقريبا شهر ويوم اسقريت ارسلت لهم اني مراح ارجع الا بعد سبع سنوات
وان ولدي تنازلت عنه لامه لين رجوعي من سفرتي
xxxxxxxxxxxxxxxxxxxxxx


فيصل اليوم الاخير
رحت لاهلي يوم الاربعاء سارة ما كانت مبسوطه بس وش أسوي امي وحقها علي أني ماتذمر من تصرفاته
من يوم جينا وهي تحاول تطفش سارة باي شكل نفس طريقتها مع مرة سعود ماكانت سارة ترد وألا تشتكي مادري اللي في نفس أي هل هو سبب منطقي للي قاعدة تسويه وتحاول تذيل أفعالها به مادري هل من الممكن أنه شخص يحطم حياة الاخرين بمجرد دعوة من شخص طاعن في السن ربما كانت في وقت غضب
xxxxxxxxxxxxxxxxxxxxx
أبونادر اليوم الاخير
طلعت بسيارتي العصر كالعادة مع أني من يوم توفت هيام وحالة الوسواس من الموت صايبتني مع أني أنسان مؤمن بس ماأقدر أسيطر على الشئ هذا شئ خارج أرادتي
كنت أسوق وافكر وش لزمتي في الحياة أحس الدنيا ضيقه علي واالشيطان ماخلا لي طريق أحيانا أطلع من غرفتي أركض واقول لام نادر أني هالحين بموت بس بعد شوي أكتشف أني روعتهم على الفاضي وأني مافيني ألا العافيه
ماكنت عارف وين أنا رايح بس أكتشفت أني رايح البروامشي على غير هدى
xxxxxxxxxxxxxxxxxxxxxxx
ناصر اليوم الاخير
رحت للوالدة بعد ماخليت حنان عند أمها تطمنت عليها ورجعت لدوامي وفي الفتره هذي تواجهت أنا وحسين اللي علمني بسالفه السحر وعزيزة وانه ندمان وتفاجأة يوم درى أني عارف أنه هو مشترك بالسالفه لانه كان يطلع لي في أحلامي والشيخ يقول لي أنه الرجال هذا هو اللي بيوصل لك للي سحرك بس للاسف يوم دريت عن الصرة كانت عزيزة قد أخذتها وسافرت
بس الشيخ أكد لي أني أن شاء الله ماعلي خوف مادامها راحت بس أنتبه منها مع أن الشيخ قال لي أني مو المقصود من السحر
بس قررت أبيع البيت وأدور لي بيت ثاني في حارة ثانيه بعيد عن الماضي وابد حياة جديدة
مر أسبوع مثل البرق رجعت يوم الاربعاء العصر أجيب حنان خلاص ماصارت وصلت المزرعة وقلطني نادر في المجلس
ناصر : وين خالي
نادر: طلع مشوار
ناصر: متى يرجع
نادر : والله مدري
ناصر: خلاص ناد خالتي بسلم عليها وخل حنان تجي معها
نادر : ثواني
xxxxxxxxxxxxxxxxxxxxxx
جتني خالتي وسلمت عليها ولحظات وخلت حنان ياربي هذي حنان وألا القمر نور علينا كانت لابسه جلابيه حمراء وطالعه عليها شئ الوجه سبحان الله ينور شعرها على أني ماحب الشعر الطويل معطيها أكبر من سنها بس ماعليه كل شئ على حنان حلو ولايق قربت منا
حنان : السلام عليكم
ناصر : وعليكم السلام
مدت يدها وخميتها بدون شعور وبستها على خدودها وجلستها جنبي وانا أشوف خالتي زاريه علي
أم نادر: أخبار أمك ياناصر

وانا مو حول الدنيا ناصر: بخير وتسلم عليكم

أم نادر : الله يسلمها يالله عن أذنكم
xxxxxxxxxxxxxxxxxxxxxxx
طلعت خالتي وعلى طول ألتفت لحنان وبستها بسرعه ماانتبهت ألا يوم قالت
حنان : ناصر بعد
ناصر: حنان وش فيه
حنان : خشمي يعورني
ناصر: ألتفت لها وركزت في خشمها حنونه ليش لافه على خشمك
حنان : راح أقول بس ما تزعل أنا قلت لامي أمس أني مشتهيه تحط زمام بخشمي وهي سوته لي
ناصر: ياسلام وبأمر من ورى ماعلمتيني
حنان : ناصر أنا حبيته وتوقعتك تحبه بس أصبر لين يتحسن هالحين هو ملتهب
ناصر: ومن علمك أنه ملتهب
حنان : أمي
ناصر : أجل امشي ورى أمك لين يقطعون خشمك
حنان : ناصر لاتبالغ
ناصر: أصلا أنت مومعبرتني لو معبرتني كان شاورتيني

حنان : ناصر الله يهداك
ناصر : يالله روحي جيبي شناطك
حنان : ماراح تسلم على أبوي
ناصر: ماعندي وقت أنا مارقدت من البارح وأمي مخليها في البيت لحالها
حنان : ثواني أجل
ناصر : أحتريك في السيارة
xxxxxxxxxxxxxxxxxxxxxxx
طلعت حنان جنبي في السيارة وكان باين على وجهها أنها عندها شئ تبي تقوله
ناصر : ها حنان وش عندك
حنان : ولاشئ


اخذت يدها في يدي وقلت يالله حنونه أعرفك أذا عندك حكي
حنان : ناصر ودي أسألك من زمان بس خايفه ماتجاوب علي والاسؤالي يضايقك
ناصر : لا أسالي ليش يضايقني
حنان : ناصر ليش سفرت الخدامه
ناصر: وبس هذا اللي شاغلك أحسب الموضوع أكبر من كذا
حنان : بس الموضوع هذا محيرني من زمان وهي عندكم ليش بالوقت هذا سفرتوها
ناصر : بساطه لاني أكتشفت أنها تنقل أخبارالبيت لعمال البقاله
حنان : معقول بس شكلها هاديه وماتعرف الكلام
ناصر : هذا بلا بوك يعقاب موبس العمال حتى الجيران وبصراحة خفت على أمي منها لاتعرف طبيعة علاج أمي وطريقه أستخدامه
حنان : أذا كان كذا معك حق
ناصر خفف السرعه أنا ماحبها
ناصر : كيف نلحق نتعشى مع الوالدة
xxxxxxxxxxxxxxxxxxxxxxx
فقدت الامل في كل شئ خاصه يوم كسب زوجي الدعوة وقدر يرجعني لبيته فقدت ناصر للابد ماراح أقدر أرجعله لانه باين أنه نساني بعد اللي سمعته من أمه أنه راح ينقل من الحي ويدور مكان أقرب لوظيفته هنا الدنيا
كلها تسكرت في وجهي ومالي ألا أجلس عند الجلف زوجي اللي أحسن مافيه أني ماأشوفه ألا بعد شهرين والا ثلاثه
أسقريت صح بس ماخذت الشئ اللي حلمت فيه ناصر من كثر ما فكرت فيه احس أنه صار وهم مو حقيقه
بس اللي أيقنت فيه أن الدنيا قسمه ونصيب
xxxxxxxxxxxxxxxxxxxxxxx
مابعـــــــــــــــ أمــــــــــلي ــــــــــــد

الامل مازال باقي على فقدي أغلى ماأملك من أحبتي
أتي في مقدمتها زوجي وحبيبي ناصرتوفي في حادث مرعب نجوت منه بأعجوبه ولاكني فقدت فيه المسبب الرئيسي ودافعي للزواج طفلي اللذي فقدت في أبشع يوم في حياتي حيث فقدت الزوج والابن والاب كم الانسان مبتلى
ماذا بعد دخلت أنا وامي في الحداد وبعدها أنظمت لنا سارة عندما فقدت زوجها والسبب أنفجار في أحدى انابيب الغاز ياربي رحمتك
مرت الاشهر الاربعه بطيئه علينا ماعندنا ألا نادرالوحيد اللي أعتمدنا عليه
بعد مافكت سارة الحداد تفاجأنا باتصال من حماها سعود اللي طلب سارة للزواج وامي وافقت على طول
بعد فترة جا واخذ ولدة وسارة وسافر
خالتي أم ناصر كنت أتطمن عليها بين فتره وفترة
بس بيوم جاني خبر وفاتها اثرنوبة سكر ماقدرت أروح للرياض لانها بعيدة وخبر الوفاة وصلني متأخر
xxxxxxxxxxxxxxxxxxxxxx
اتممت عامي الستين وأمي والحمدلله مازالت على قيد الحياة أمي أصبحت مقعدة وفقدت حاسة السمع والنطق
نادر تزوج ويسكن بالقرب منا وله من الاولاد مايسد به عين الشمس كما يقول
xxxxxxxxxxxxxxxxxxxxxxx
ماذا حدث لم تكن عنوستي هي من أوصلتني الى هذا المصير اللذي توقعته امي وأخواتي ان أبقى وحيدة لازوج ولاولد لم أكن أعلم وانا أطاوعهم أني سافقد الاثنين في يوم واحد يال أقداري لم تبقي لي سوى الحسرة والندم
ربي اني رضيت بقسمتي ونصيبي فرضني


النهايــــــــــــــــــــــــــــــة