الموضوع: رواية للأمل بقية

الجزء الثاني


للأمــــــــــــ أمنيه ـــــــــــل



اليوم بودي أمي عند خالها المشكلة أنا

ما أعرفهم ولا أدل بيتهم ومستحي

من أمي يربي وش أقول أقول ما أدل

اتكلت على الله وكلمت أمي

ناصر:يمــــه مساء الخير

منيرة:مساء النور يا عيون أمك

ناصر:أقول يمه عندي سؤال محرج شوي

منيرة:اسأل يمــــــــــك

حكيت أذني بحرج

ناصر:يمــــــه وين بيت خالك

ضحكت أمي على سؤالي

وقالت:خلاص نصوري أنا أدلك

ناصر:يمه لا تقولين كذا أتضايــــــــق

خـــــلاص يمه لا تزعــــــل كلش

ولازعلك

ناصر:خلاص يمه نتوكل على الله

بكره إن شاالله

XXXXXXXXXXXXXXX

للأمــــــــــــــ بقية ـــــــــــــــل

يأرب رحمتك ماني مصدقه أنا

انخطبت أحس أني في حلم يا رب

ما قوم منه أخيرا صدق من قال آخر

الصبر الفرج انتبهت على صوت أمي

حنان وين راح الحلو

حنان :معك يمه

أمي:حنان يأرب أشوفك عروس

حنان: ولأول مرة ماقلت لأمي آمين

أمي: حنان ما سألتيني عن خطيبك

حنان :يمــــه وش أقول يعني

أمي: تسأليني من ولده وش يشتغل

متزوج ولا مطــــــــّلق عنده عيال

ولا ماعنده

حنان:يمه يعني أيش مطلق وعنده

عيال

أمي:حنان وإذا كان مطلــــــق

أعقلي يمـــــه أنتي تعرفين كم عمرك

أنت اللي مثلك لو يجها شايب أخذته

أحمدي ربك أن جاك مطـــــــــلق

يربي ماني مصدقه أن أمي تقول

الكلام .


صراحة تحطمت معقول ها لزين كله

يروح لمطلـــــــــــق

يا لله معليش على قولة أخوننا

المصـــــرين ظل راجل ولا ظل

حيطة صراحة أمي حطمت نفسيتي

وقللت مــــــن جمالي في نظري

حسيت أني بنت غير مرغوب فيها

للأسف.



ينتَابُنَيْ إحسَاسٌ مُخجِلْ
حِينَ أذكَرُ كَمْ مِنْ الأَحْلامِ أخفَقْ
وكَمْ مِنْ الرَتَوقِ مَوشُومً بِها جَسَديْ
وكَمْ وخَزةُ حُزنْ
ونَدبةُ خَيبهْ
حِينَ أستَشعِرُ هَشَاشَةَ الكِبريَاءْ بينَ الجِلدِ والعَظمْ
وأنَ هَذا الأديمَ عَلى هَيكَلٍ مُفَتتْ
تَرقُدُ تَحتَهُ رُوحٌ تَئِنْ
ونَزفٌ لآ يَكُفْ
.

رحت أركض لغرفتي فتحت الباب

وعلى طول للمرايه يترى أنا شينه

لدرجة إن محد يناظر فيني ولا أمي

تقول كذا عشان أقبل بالعريس

المحترم نادتني أمي من تحت يالله

يحنان هونتي عن روحة السوق ولا

أيش

حنان: يا لله يمه جايه دقايق

للأمـــــــــــ أمنيه ـــــــل

ناصـــــــــر: يالله يمه تأخرنا

منيرة : خلاص جايه

ناصر: يمه أخذتي علاجك

منيرة :أيه يمه

ناصر:ناصر يمه عطيني إياه

أحطه با الثلاجة

منيرة: طيب يمه

طلعنا من الرياض ومسكنا خط

المزارع طبعا بعد ما دلتني أمي

وين يكون بيت خالها

خالها ساكن في قرية بعيدة شوي عن

الرياض وكلها مزارع
xxxxxxxxxxxxxxxxxx

بعد ما شفت ناصر اندمج وهو يسوق

ماحبيت أني سولف معه واخرب

مزاجه تركته على راحته وفضلت

أنه هو اللي يبدأ بالكلام وسندت

راسي على سيت السيارة

وصرت أفكر في اللي رايحه أسويه

هل هو صح ولا خطــــــــــــــأ يربي

ساعدني وألهمني اللي فيه صالح

ناصر هالولد يتيم وحســـــــاس والله

ماعطاه أخوان يكونوا عزوة وسند له

غمضت عيوني ودعيت ربي أنه

يكتب اللي فيه الخير والصالح له

لاني عانيه لخالـــــــــي دحيم أخطب

لفرحة عمري ناصـــــــــــــــــــر


للأمــــــــــ بقيه ـــــــــــــــــــل

نزلنا للسوق وقررت أني اشتري

أحلا وأغلى فســتــــــان في السوق

وأمي ماعارضت أبد بالعكس

أستا نست لأنها تبي توري الحريم

على قولتها وش ضيعوا من يديهم

خلصنا من السوق وأمي أصرت

تعزمنا أنا وسارة على مطعم بمناسبة

العريس دخلنا المطعم وشلنا

الغطاوي وجلسنا وطلبنا لنا عشاء

أمي : أقول حنان مسألتي عن

عريسك

حنان: طيب يمه ولا يهمك وش

مواصفات

العريس

أمي : أشوى أنبطيت وأنتي ماسألتيني

هذا يا عمري ولد الشبل أبوه غني

وهو يشتغل

وصاحب مركز مرموق بس فيه عيب

صغيرون

حنان:ليكون صدق مطلـــــــق

أمي: حنان هذا مو عيب

سارة : وش العيب أجل

أمي : قبل ماأقول العيب أوعدوني


تسمعوني للآخر لاني عارفتكم لما

تعصبون

سارة:ريلاكس حنون يا لله يمه نسمعك

أمي : خريج مستشفى الأمـــــــل

حنان: يعني أيش يمه فهميني

أمي: أول شي هدوء

أنا وسارة :هادين يمـــــــه كملي

أمي: كان مدمن مخدرات



للأمـــــــــ أمنية ـــــل



غريبة أمي هاديه على غير العادة

يمكن تعبانه فيها شئ مو طبيعي ابد

ناصر:أقول يمه

منيرة: نعم يمه

ناصر: يمه حاس أنك تعبانه أوفيك شئ

منيرة:لا يمك مافيني شئ

ناصر:يمه حلفتك بالله تقولين وش

فيك

منيرة:ناصر راح أقولك وش فيني

ماسألت

نفسك ليش ذكرت خالي بعد كل

هالمدة خاصة أنه آخر مره زرته

كان عمرك أربع سنوات

ناصر: لايمــــه شفتك متضايقه قلت

أكيد نفسها تزور أحد من طرف

جدتي الله يرحمها هذا كل اللي

فكرت فيــــــــــــــــه


منيرة :ناصر أنا رايحه لخالي دحيم

أخطب لـــــــــــــــــــــــــك

ناصر:نعــــــــــــــــــــــــــــــــــم


اتنظروني في تكملت الروايه

الجــــزء الثالث

للأمــــ بقيه ـــــــــل
قِلبُيِ تِغيُرِ وَصِآإرِ ( يموِتَ ) مآإيَشكيِ
حتىآِ آنيِ آحسُ
* كنِهَ بَ , الوجعِ يفِرحِ !
حسيت الدنيا تدور فيني معقولا


للي تقوله أمي أنا أتزوج

مدمن لا وله سوابق ما قدرت

أعلق أو أقوول أي شي سكت

وكأن الصدمة شلتني

سارة:يمه من عقلك ولا

تمزحين

أمي: لاما أمزح من عقلي

وقلبي وروحي يا سارة وحده

في سن حنان ياترى مين راح

يقبل فيها

سارة :يمه أنت واعية وش


تقولين

أمي :أيه واعية حنان قريب

تدخل الخمسة وثلاثين

وفرصتها في الإنجاب قلت


أفهموني يا بنات نبي نشوف

ضنا حنان .
Xxxxxxxxxxxxxxxx

للأمــــــــ أمنيه ـــــــــل





حسيت أن أمي تمزح أو تجس

نبض زي ما يقولون

ناصر: هههه يمه أكيد تبين

توسعين صدري صح

منيرة: لا يا ناصر أنا أقصد كل
كلمة أقولها أنته

ياناصرماعشت حياتك زي

الباقين حتى زواجك كان

بالنسبة لي ولك كارثة يادوب

من فترة تخطينها

ناصر: يمه

منيرة : لحظه يا ناصر خلني

أكمل اللي في خاطري ناصر

أنته يوم تزوجت كنت يادوب

في الواحد والعشرين زوجتك

لاني مريضه والسكر يوم

ورى يوم قاعد ينهش فيني

وأبي أشوفك تبني أسرة

واتطمن عليك

ناصر: الله يطول بعمرك يمه

لاتقولين الكلام هذا لسمعتك

أحس صدري يطبق علي اللي

منيرة :ناصر أنت منت صغير

عمرك الحين خمس وعشرين

أبي أتطمن عليك ممكن تحقق

لي هالطلب

ناصر:يمه أنتي عارفه

ظروفي

منيرة: عارفة يمه بس نبي

نخطب بس وأبيك تتقبل

الموضوع شوي شوي لين

يوم العرس يرضيك كذا

ياناصر

ناصر:يمه أحسك مو فأهمتني

أناوين وأنت وين يمه الفشل

كان نصيبي وماأبي أجرب

مره ثانيه

منيرة:ناصر إذا كان لي خاطر

عندك لازم ترضى باللي

أسويه لاني مآبي إلا مصلحتك

ناصر:الإله إلا الله اللي تأمرين

فيه يمه بس يكون في علمك

أنا لي شروط لازم اللي أخذها

تتقبلها ومتعارض

منيرة: تامريمه الله يوفقك

xxxxxxxxxxxxxxxxx

للأمـــــ بقيه ــــــــــــــــــــل

حنان:سكت مادي ويش أقول

كل الكلام اللي قالته أمي واقع

وماجابت شي من عندها بس

حسيت من كلام أمي أني

أنسانة تعيش خارج المدار اللي

أنرسم للبشرية حسيت ولأول

مره من فترة طويلة أني

عــــــــــــانـــــــــــــــــــــس!!!
أصَعبْ إحسَآسْ أنخلقَ يغَمرك : حَسِرهَ وَنِدّمْ !

وَأنتْ تَركضْ للأملْ تَوُصلهَ يطّلع ,،/ آلِـمْ .

أمي :حنان زعلتي مني يمك

حنان :لا يمه مو زعلانه منك

زعلانه من الدنيا اللي ما

رضت تعطيني على كيفي

يمه أسألك بالله أنا وش

ينقصني عن بنات جيلي

الجمال موجود بشهادة الكل

من يوم دخلت العشرين والكل

يسأل عني أنت بنت مين
مخطوبه وألا لا

يمه أسالك

وين راحوا اللي يسألون عني

وين اختفوا ليش يبدون

إعجابهم ويقفون يمـــــه

ينقصني أخلاق أخلاقي يشهد

لها الكل
مو نظيفة مو لطيفه

كل هذا مو فيني وقعدت أبكي

بقوة جت أمي وجلست جنبي

أمي:بسم الله عليك ياحنان أنت

كامله والكامل الله حنان

صدقيني ياحنان هم الخسرانين

حنان أنت اللي بياخذك والله أن

أمه داعية له

حنان: تدرين يمه ويش

ينقصني شئ واحد تدرين وش

هو الحـــــــــــــــظ
عندَما يخذلوُن أحسسّسآسي , ويكسسًرونِ أحلآمي

بَ قسَوهٍ ويرحُلون عنيِ

كَ الأيَآم / كَ العُمر

وينبَت فيْ قلبيَ جرحَ بَأتسسَـإع الفرَآغ خلفهُم

ثمْ تأتيَ بهُم الأيَآم إليّ مٍن جديييّييد

فَ كيفَ أسسسَتقبل عودَتهم *ومَآذإ أقَول لهُم ؟
xxxxxxxxxxxxxxxxx
للأمـــــــــــ أمنيه ـــــــــــــل
وصلنا بيت خال أمي اللي هو

في الاساس خالي على قول

أمي بس الصراحة كان

أستقبالهم راقي لا خالي ولا

عياله
رحبوا فينا بعد ماعرفت فينا

أمي أنا قلطوني في المجلس

وأمي دخلت عند الحريم سوى

خالي عزيمه على شرفي أنا

والوالدة وماتركوا أحد من

جيرانهم إلا عزموه وخالي

ماقصر أعتبرني زي واحد من

عياله وصار يتجاذب معي

الكلام بكل طلاقه

خالي دحيم: وشلونك ياناصر

عساك بس طيب

ناصر: بخير يا خالي وأنت

كيفك وكيف الاهل عساهم

بخير
خالي دحيم : بخير يا بوك

وانت عساك بس مستانس
ومبسوط
ناصر : الحمد لله ياخالي

بعدها بنص ساعة قلط خالي

العشاء على شرفي وبعد

ماطلعنا من العشاء طلبت أمي

من خالي أنها تجلس معه على

أنفراد

بصراحة حبيت أني أكلم خالي

قبل أكلم حريمة لاني أعرفة

إذا قال كلمة ما يثنيها بالعربي

أبيه مايردني بعد ما لان ناصر

لانه فرصتي الاخيره

الجزءالرابـــــــــــــع

للامــــــ بقية ــــــــــــــل

عطشان :- للراحه وللفرحه أجوع
أسوق ( عمري ) للسكينه , وأجاهد

وأبكي لو ان العين ماتذرف دمووع
الدمع :- دم ( القلب ) والصدر شاهد

رجعت للبيت بعد ماحسيت أن الدنيا

قفلت ابوابها في وجهي

طبعا ما كلمت أحد

على طول لغرفتي

قفلتها علي وجلست أفكر

با الكلام اللي قالته

أمي هل هو منطقي


سمعت طق عل الباب


وقمت افتح كانت


اختي هيام واقفه


وشكلها سرحانة

Xxxxxxxxxxxxxxxxxxxxxx




بعد ماخبرتني أمي


با لخطيب اللي جاء

لحنان وعن عيوبه


ومميزاتة على قولة أمي

طلبت مني أني ارو ح


وأقنعها بشتى الطرق

لأنه العريس اللي تقدم


لحنان بعد طول أنتظار

طبعا انا كنت معارضه


بسبب اللي حصلي

في زواجي والنكبة اللي


صارتلي فا كان عندي


ان حنان تقعد بدون زواج


أفضل من زواج فاشل

بكل المقايس

طلعت عندها وأنا مو


مقتنعه باللي قاعده أسويه

طقيت الباب وقعدت

احتريها تفتحلي وصرت

افكر بحياتي كيف حاول

زوجي آخر مرة ظربني

ينهيها

هيام هيام

حنان:هيام

هيام : نعم

حنان : لاشكلك في عالم ثاني

هيام :ههه لامعك ممكن ندخل

علشان نتكلم براحتنا
XXXXXXXXXXXXXXXXXX


للامـــــــ أمنيةـــــــــــــــــــــــل


بعد ماطلبت امي من خالها

تجلس معه على أنفراد

خمنت وش تبي تقولة

وفضلت أني اطلع أتمشى

في المزرعه طلعت سيجارة

وجلست على حجر كبير وصرت

ادخن والهدوء يعم المكان اللي جالس


فية وفجاة سمعت صوت بنت


تتكلم مع وحدة عرفت بعدين


أنها أمها


حاولت أني اداري نفسي


سمعت الصوت كل ما به

يقرب

البنت: يمه تتوقعين وش تبي



منيرة ببوي



الام: ولله ماأدري وأنا امك


بس اتوقع جاية تسلم


لانها من زمان ماجت

البنت :الله يهديك يمة

دوبها تذكر

الام :يمكن قالت كبرت في


العمر وأبي آصل ارحامي

البنت :الله يخليك لي بس هالحين


هذي كبرت في العمر أجل أنتِ


بدون زعل ويش إلا اقول


يمه شفتي ولدها يمه ماشاءالله


عليه يمه يا كثر زينه


ويقول دحيم أنه دارس


تمريض

رفعت راسي بشوف اللي


مدحتني ورفعت معنوياتي


وشفت البنت وأمها قريب


حيل مني وش تتوقعون

تسوي


جاية هي وأمها ترمي الزباله


بصراحه شفت الثنتين


علي قولتهم


نضره شرعيه

الام كانت لابسه جلال صلاة

وملثمه فيه أما البنت كانت

لابسه طرحه علي كتوفها


وشكلها مو بطال يعني


بالنسبه لي عاديه

وبماأنها شافتني وسيم

اقول عنها متوسط

كان وجها دائري

عيونها كبار شوي


وشعرها اشقر بخصل

وطويل شوي كل هذا

نضرة شرعيه

بعد ماقفت البنت وامها


رجعت للمجلس عند عيال

خالي وفضلت أستمع للغثيث

دحيم وأنا أتخيل أخته اللي

مو راضيه تروح من

بالي


XXXXXXXXXXXXXXX




للامـــــــــــ بقيه ــــــــــــــــل


حنان :هيام والمطلوب مني

هيام: المطلوب ياعيوني


أنك توافقي علشان أمي

وأبوي تكفين ياحنان


حنان :خلاص أنا موافقه ياهيام

هيام :أجل مبرووووك والله يتمم

عليك بخير

بروح

ابشر أمي وأبوي


نزلت الدرج بسرعة

ورحت لامي وابوي

في المجلس

XXXXXXXXXXXXX




دحيم : تكلمي يامنيرة وش


عندك والله أنك شغلتي بالي



منيرة:مايشغلك غالي ياخالي


اناجايه بطلب



وياليت ماتخجلني


دحيم :ماعاش من يرد يامنيرة


منيرة:خالي انا جايه أخطب



بنتك أشواق لولدي ناصر


وياليت تتم لي


دحيم :من عندي تم يامنيرة


وإنشالله تسمعين اللي يسرك



XXXXXXXXXXXX


للامـــــ بقية ــــــــــــــــــــــل



بعد ماطلعت من عندي هيام

جلست أفكر هاللي سويته

صح والا لا

بس حسيت أن اللي سويته

راح يجي من وراه خير

لي بس ماأدري كيف ومتى


XXXXXXXXXXXXXX


هيام دخلت على أمي وأبوي

وقلت لهم

هيام: يمـــــه يبه أبشركم

حنان وافقت


أمي: الله يبشرك بالخير



أبوي: خلاص أجل قولي لها


تروح بكرة تحلل با لمستشفى


خاص لأني أبي الملكة


الخميس


هيام بلغي أختك



تستعد

هيام : تم يبه


وبسرعة طيران على


غرفة حنان أبشرها


بالخبر السعيد




XXXXXXXXXXXX



للأمــــــــ أمنيةــــــــل

طلعت من عند خالي

وبشرت ناصر با لخبر


السعيد


منيرة : ها ناصر منت فرحان



ناصر: بصراحة يمة حاس


أن ها لخطبة راح يجيني من


وراهاخير بس ماأدري كيف

منيرة : ناصر مبروك إنشالله

ناصر : يمه لا تقولين بر لين نوكيه

XXXXXXXXXXXXXXXXXX


للامــــــــــ بقية ـــــل


بعد مابلغتني هيام


حسيت أني فعلا


عروس

وبديت أستعد على هذا

الاساس وبسرعة البرق


مر الاسبوع مابين بروفة


وسوق وشغلات بنات


ويوم الملكة حسيت قلبي


طبول خاصة أن الوالد ماخلا


أحد ماعزمة من عيال


عمه وأقاربة وحتى

أصحاب المزارع

اللي بجنبنا ماخلاهم

أصر عليهم يجون


ولحضه وصول الشيخ

كانت لحضه بالنسبة


لامي فاصرت

علي أنا والبنات أناّ نجي

نسمع زوج المستقبل والشهود

لما يملك الشيخ وهم يباركو ا

للعريس

بس صار شئ


ما كان على بالي


في مجلس الرجال


فواز :لحظه ياشيخ أبوالبنت

غشني يقول البنت عمرها

في العشرين وهذي

تعدت الخمسه وثلاثين

وأنا مابيها وقف

كتابه ياشيخ




سمعت اللي أنقال


وأنكســــــــــــر


ذاتي


ورحت في عالم

للامجهول

الجزء الخامس


تعبت من كثر الألم
صرت آإأخاف اشكي
وأجرح قلبي بيدي

صعب انك إذا قلت آإأه

رد من حولك وقال : ( ماطفشتي من كثر ماتتألمين )


طيب وش ذمبي إذا ربي بلاني بالألم ؟

يا ربي ساعدني

مرت على سالفة

الملكة ثلاث أيام

وأنا كل ماأتذكراللي

قاله عريس الغفله

أحست بقلبي

يألمي وعيوني تمطر

مطروبدال الدموع

على قولتهم دم

ياربي كيف اتخطى الازمة

قبل كنت عانس هالحين

عانس ومرفوضه

قدام أغلب معارفنا
.
علمتني ذكريآتي
خصّ لآ صآرت اليمة ~
أبتسم قدآم جرحي ،
و أطلق لـ صمتي عنآنه .!
إبتسمت
لــــين صآرت بسمتي فيـني قمــّة~
يعني من كثره جروحي
بسمتي تحتل خآنة !

سمعت طق على باب

غرفتي وطلعت أشوف مين

حنان: مين

أمي: أنا يحنان أفتحي الباب

بتكلم معك

قمت اغسل وجهي ما أبي

أمي تشوفني وتكدر

فيها اللي مكفيها

وأبوي يحرام

ذاك اليوم قام على

الرجال وطرده هو

وأهله بصراحه

أبوي برد حرتي

فيهم وقال قدامهم
xxxxxxxxxxxxxxxx
يوم الملكة

أبو نادر : أنا اللي أقول وقف

ياشيخ

الشيخ : أذكرالله يابو نادر

أبونادر: لا إله إلا الله

وألف من ذكره بس أنا

مايشرفني

أزوج بنتي حنان لواحد مثلك

يا فواز

فواز : لك الشرف يا بو نادر

أبو نادر:أنت اللي لك الشرف

والا واحد مثلك مدمن

مخدرات وعايفته بنت عمه

يحلم أن وحده من بناتي تاخذه

يا بن الحلال أحمد ربك والله

لولا وساطة أمام المسجد

وشهادته لك بنك تعالجت وألا

تحلم تشوف ظفرها والحين برا

من غير مطرود

طلع الرجال وأهله وقام كل


اللي با المجلس يبون

يروحون بس أبوي حلف على

الكل

وقال : الذبايح هذي سلامة

حنان وطلوعها من الشر قبل

تدخل فيه الحمد لله

على كل حال

xxxxxxxxxxxxxxxx

أمي : حنان يوم الخميس دخلة

بنت خالتك ولازم تحضريها

على الاقل نكسر عيون خلق

الله اللي بطت كبدي بشماتتها

حنان : حاضر يمه ومن

وراقلبي أبتسمت

تامر ياجميل أي حاجة تانيه

أمي: حنان قولي امين الله

يرزقك بالزوج الصالح

ضحكت في قلبي وقلت الى

الآن عندك أمل

أبتسمت وقلت: آمين

وأمي طلعت أهم شئ من

عندي مبسوطه

للامـــــــــ أمنيه ــــــــل

بعد ماعلمتني أمي بمواقفه

خالها المبدئيه طبعا أستانست

وعرفت بعدين أن اللي طلبتها

أمي هي نفسها الي شفتها

وزادة وناستي

وطلبت من أمي أنا نروح

الرياض أمي ماعارضت

بس خالها أصر أنها تجلس

وتحضر ملكة بنت أخوه من

الرضاع

اللي با التالي يطلع خال أمي

منيرة : ناصر ما أقدر أسري

معك للرياض خالك حلف علي

وأنا ماأقدر أفجر حلفه وأنا

أمك ومنها أشوف عوانيّ من

جهة أمي وأسلم عليهم بس

تكفى وأنا أمك لاتشغل قلبي

عليك انتبه لدوامك وصلاة والله


الله لاتنسى تطمني عليك

ناصر: خلاص يمه بخليك

عند هم ولاتنسين ترجعين لي

با لموافقه النهاية

منيرة :ههه الله يتمم على خير

ودعت أمي وسافرت

xxxxxxxxxxxxxxxx
بعد ماسافرناصر رجعت داخل

البيت ولقيت أشواق وأمها في

الصاله سلمت وجلست


وصرت أتامل أشواق يا ترى

تناسب ناصر ولا لا بعدين

قمت وأتذكر اللي صارلي

في بيت أم حسين ذاك اليوم

اللي ودوني فيه للمستشفى



أم سعد: دريتي يأم ناصر

منيرة : عن أيش يا أم سعد


أم سعد: لحول عن مرة ولدك

اللي طلقها يقولون أخذت واحد

ماخبِرطيب وصقار ووطلعاتة

وجياته مع الشيوخ و مايستغنون

عنه

ماقدرت أسيطر على نفسي


يوم سمعت الخبر وأنااتذكر

ناصر واللي صارله من ورا

ها العرس وأنها أعرست وولدي

الى الان عايش با الازمة

قررت عقبها أزوج ناصر

باسرع وقت قبل يسمع خبر

زواجها ويتحطم

xxxxxxxxxxxxxxxxx

أم أشواق: أم ناصر أم ناصر

منيرة :لبيه


أم شواق : عسى ماشر من

اليوم وأنا أكلمك ولا تردين

منيرة : ويش بغيتي ياعيوني

أم أشواق: إلا ناصر كم راتبه

أستغربت وأذهلت وش سالفتها

مــــــــــــــن الان بدينا الله

يستر من الجاي

الجزء السادس

للامـــــــــ بقية ــــــل

اليوم الخميس دخلة

بنت خالي نزلت

الصباح وصادفت أمي

وقالت لي :

حنان يالله بسرعة

أفطري علشان

تنزلين مع سارة وهيام

للكوفيرة أبغاك تطلعين

أحلى وحد في الحفلة

أبي الكل يسأل البنت

هذي بنت مين

حنان : حاضر يمه

تبين شي ثاني

أمي: لايا حنان الله

يساعدك با الحظ

الطيب أنشالله

حنان:هههه آمين يامه

xxxxxxxxxxxxx
نزلت عند خواتي في

المطبخ لقيت سارة

وهيام طبعا هيام في

الفتره الاخيرة صارت

مرابطة عندنا لان

زوجها بعد ماتزوج

ماصار يروح لبيتها

وأبوي هو اللي يجيهم

ويشوف طلباتهم

وأبوي أذا شافهم

حالتهم كذا يتكدر

ويخاف يموت ويتركهم

وتجيه حالت الفوبيا

اللي مو راضيه تتركه

جلست على طاوله

الاكل وبديت انا
باالكلام

حنان: بنات أمي تقول

يعجلون أذا يبون

يروحون للكوفيره

سارة:ترى انا راحيه
مالي دخل مو تقولون

أجلسي مع أبوي

والبنات من الحين

أعلمكم

حنان: خلاص يا ساره

وأنتِ ياهيام

هيام : وانا بعدأبي

أروح

ورجع السكوت يعم
المكان
xxxxxxxxxxxxx
حطيت يدي على خدي

وقمت أفكر في الجاي

لان الماضي مايعنيلي

في الوقت الحالي

زوجي خذلني وتزوج

علّي صحيح الدنيا

غداره بس أكتشفت

صحت هال الكلام

بعدين لما روحي بعد

عشر سنوات طلعت

مني

واستقلت

وحاولت

تبني لها

مسكن

مع شخص

لايعرف

عنها إلا

الشئ

القليل شخص

لم تلتقي

روحه مع

روحه إلا


منذ فتره

الى لآن وأنا

أشعر أن

هناك علقم

يسري مع روحي

وطعم المرار

يأخذ

طريقه

في حنايا

كبدي

لتظهر خطوط

الاصفرار

معلمة عليها

لترسم كم عانيت

وأعاني من

ألم الضرة

والصبر من أجل

الاولاد

XXXXXXXXXXXXX

اليوم دخلة بنت خالي

وحنان راح تاخذ الجو

بما أنها احلانا وامي

دايم تمدحها قدام الكل

يا ربي متى أمي تلتفلي

عمري اللآن واحد

وعشرين ولاأحد تقدم
الضاهر أن أمي من

تركيزها على حنان

نستني وحتى السالفه

اللي صارت لحنان

لخبطت كل شي
واحس الناس بعدها

يشوفوني أنا وخواتي

نظره دونيه

الله ياحنان الحظ دايم

ضدنا عمرالظروف ما
كانت على الكيف

بس اللي صار لحنان

أثر علّي وخلاني غير

مرغوبه في نظر نفسي

ونظرتي للنا س دايم
فيها شك أحس أني

غير عن مجتمعي

والسبب عنوسة حنان
XXXXXXXXXXXXX

مادري ليش أحس
خواتي كل وحده في
ديره قررت أكسر

الصمت اللي عايشين

فيه خواتي وبديت

بالكلام
حنان: اقول سارة وش قررتي تلبسين
سارة:مافيه غيره فستان ملكتك اللي ماتمت

يوه حسيتا أني بهالكلمة
جرحت حنان
ساره : آسفة ياحنان
هيام :وبعدين معك يا سارة
تصدقين حنان أنا كنت أقول في نفسي ياليت الملكه ماتتم لاني مابيك تعيشين اللي
عشته
ساره : اصابعك
موسوى ياهيام

حنان: ولا يهمكم كل

شئ قسمه ونصيب

XXXXXXXXXXX

يابنات وينكم بسرعه

تاخرتم عجلوا

حنان : يمه تروحين
معنا
أمي :لاوانا أمك انا
بجلس مع البنات
وابوكم وانتم روحوا

ماتشوفون شر

هيام : يمه تكفين

انتبهي لبناتي

امي: خلاص ولايهمك

للامـــــــ امنيه ـــــــــل


بصراحه حسيت في

كلام أم اشواق شئ

من الطمع كن ناويه

ارد عليها بس سكت

يوم شفت خالي دحيم

دخل المجلس وقتها
طلعت بنته أشواق

خالي دحيم: أقول

منيره

منيره :سم ياخالي

خالي دحيم حبيت
أبلغك بمواقتي على

ناصر زوج لبنتي

أشواق

منيره: تسلم ياخالي

جعل عمرك طويل
والله ياخالي أن ناصر

يحطها في عيونه

خالي دحيم:لحظه

يامنيرة لاتستعجلين البنت وأمها عندهم



شرط يمكن مايعجبك

منيرة : وش هو

ياخالـــــي

للامـــ بقيه ــــــــل

الجزء الســـــــــــــــابع
طلعنا من البيت أنا وخواتي

ورحنا لبيت خالي اللي طلبت

العروس فيه كوفيره وفريق

معها طبعا أخذنا فساتينا معنا

xxxxxxxxxxxxxxxxx

وصلنا لبيت خالي واستقبلتنا

مرته مزنه رحبت وهلت

وركزت نظرها فيني

وقالت

مزنه :عقبال بناتك ياهيام

وأنتي ياساره


هيام :تسلمي يا خاله والله يتمم

لنورة يا رب

XXXXXXXXXXXXXXX

ما دري ليش ما حسيت

بالحزن

لأن الخالة مزنه حذفتني من

القائمه مع ان كلامها فيه شئ

من اليأس أني أتزوج ومع كذا

كان في داخلي شئ يخبرني

أن نصيبي جاي وقريب

ماأدري ليش


إني أعيش على الآمـال

منتشيـا مهما شقيت فحبل

الود ما انصرما

هنا وفي القلب جرح لم يزل

دمه يروي العليل اذا ما شوقه

احتدمـا


خلقت من جمرة الأحزان

يسحرني حلم أشقى به ليلـي

ولـو عتمـا

هذا فؤادي يشاكي الدهر

قسوتـه رغم التألم ماض

يعشـق القممـا


للامـــــــــــ أمنيه ــــــــل

منيرة :وش شرطكم ياخالي

خالي دحيم: بيت لأشواق

لحالها
منيرة :بس أنت عارف يا

خالي أن ناصر وحيدي وانا

ماأقدر أستغني عنه


خالي دحيم: هذا هوالشرط

يامنيرة وانشاء الله توافقي لان


البنت وأمها ما عندهم غيره


ومن دونه ما بيتم الزواج


XXXXXXXXXXXXXXXXX

طلعت لغرفة الضيوف اللي

جهزها خالي لي وكان وقتها

صلاة الظهر استقبلت القبله

وكنت طاهرة ودعيت من قلب

صافي ونيه سليمه أن كان

لناصر خير في ها لزواج أن

الله يتممه وإن كان لا أن الله

يدفعه عنه

صليت الظهر وأ خذت جوالي

ودقيت على ولدي ناصر

منيرة : الوناصر

ناصر :هلا يمه

منيرة : أبشرك بالموافقه من

خالك

ناصر :الله يبشرك بالجنه آمين



XXXXXXXXXXXXXXXXXXX


بعد الاحداث بشهر





تمت ملكـــــــتي على وحده



ماعرف إلا أسمها










حنـــــــــــان

الجزء الثامن
للامـــــ بقيه ــــــــل
اليوم تمت ملكتي وأرتحت بعد

معناة مع العنوسه

بس للاسف تم كل شئ بسرعه

ومالحقت أتعرف لا على

العريس ولا أهله مع أن أمي
تقول أن أبوه متوفي وعايش

مع أمه في الرياض وبس

ماعطتني أمي أي معلومات

ثانيه كعادتها كل ماجا لي

عريس بس أنا أحس أني



أتسرعت بالموافقه

بس لازم هالشي يصير خاصه

بعد رفض الشيخ فواز لي قدام

أغلب معارف أبوي


XXXXXXXXXXXXXX



للامــــ أمنيه ــــــــــــــل



مادري وش جاني ذاك اليوم

لما أمي دقت علي وخبرتني

بموافقة أشواق وأبوها على

الزواج حسيت أني طاير من

الفرحه قررت آخذ اجازة من

دوامي وامسك طريق المزارع

واسمع المواقفه وجها لوجه

هذا كله من الفرحه دقيت على

أمي وقلت لها أني جاي علشان

أرجعها معي للرياض وبعدها

بأسبوع نرجع ونتفق على

التفاصيل

ناصر: الو يمه

منيرة :هلا يمه كيفك وأخبارك

ناصر :تمام يمه

منيرة الحمدلله
ناصر :يمه أنا جاي أرجعك

معي للرياض

منيرة: خلاص يمه تم بس

نسري بعد عرس عوانيّ

ناصر : خلاص يمه أنا في

الطريق ومتى ماوصلت دقيت
عليك
XXXXXXXXXXXXXXX
خبرتني أم أشواق أن خالي

يبني أمشي معه للدخلة هالحين

صراحة أستغربت من خالي

وطلعت أسأله

منيرة : عسى ما شر يا خالي

ما كنا مبكرين
خالي دحيم : لا يا بوك أحسن


هالحين علشان تلحقين تسلمين


على خوالك قبل ماينشغلون


بالمعازيم

منيرة :طيب ياخالي أمهلني

ربع ساعة وأكون جاهزة


خالي دحيم :تم أنا في المجلس

أنتظر وإذا خلصت عطيني

خبر

منيرة : صار

تركت خالي ودخلت الغرفه

الخاصة فيني وطلعت ملابس


كانت عباره عن فستان أخضر

فاتح من فوق فتحت الصدر

واسعه مره على شكل تربيعه

من ورا وقدام ولاكمام كانت

من التل وحاير

بصراحة ما دري ويش

أسوي بشعري اللي كنت

قاصته من فتره مدرجات

ولونه أسود قررت أسويه من

قدام بف بسيط والباقي لففته

حطيت مكياج خفيف وكحل

عربي ولبست برقع مع أني

ماني متعوده ألبسه بس خفت

الناس اللي رايحه لهم

ماأعرفهم وأول مره أشوفهم

وفوق كذا ساكنين في مزرعة

لبست عبايه لف رهيفه وجزمه

نفس لون الثوب

وخذيت بوك صغير حطيت

فيه حفالة العروس لأني

مازلت أذكر عادات أهل

القرى
xxxxxxxxxxxxxxxxxx

للامـــــ بقيه ـــــــــــل


كنت في غرفتي لما طلبت أمي

أنزل لها بصراحة ماكان لي

نفس أنزل وخبرت سارة بكذا

بعد حوالي عشر دقايق لقيت

أمي طلعت لغرفتي وخبرتي

الخبر اللي كان صاعقه

بالنسبه لي

xxxxxxxxxxxxxxxxxxxx


للامـــــــ أمنيه ـــــــــل

كنت أسترجع ذكرى اليوم

التعيس في حياتي كنت متمدد


على سريري والاحداث


تتكرر كنها اليوم

xxxxxxxxxxxxxxxx

كنت ودي أوصل بسرعة

علشان أشوف أمي لاني كنت

حاس فيها أنها مو مبسوطه

زي ماكانت مبسوطه في

زواجي الاول وصلت محطه

بنزين ونزلت أخذت أغراض

بسيطه من المحطه وفللت

السيارة بانزين ومسكت خط

المزارع من جديد والخط ممل

بشكل لانها تبعد

عن الرياض أكثر من ثلاث

ساعات صرت أتأمل المزارع

اللي على الطريق يالله منظر

الاشجار على نور القمر

روعه كنت داخل

جو وفجأه دق جوالي برقم

غريب وفضلت أني ماأرد

وبعد فتره دق الرقم مره ثانيه


خطر على بالي خاطر أن أمي


أكيد فيها شئ ورديت بسرعة

ناصر : الو


الطرف الثاني : الو معي

ناصر ال.

ناصر : نعم وبدون شعور

الوالدة فيها شئ

الطرف الثاني :لا يا خوي

شكلك فهمت غلط أنا داق

عليك علشان موضوع ثاني

ناصر:آمر أخوي


الطرف الثاني :حاب نتواجه


علشان الكلام يكون على
أصول

ناصر : أخوي أنا أول


ماعرفك وثانيا أنت حتى

ماعطيتني لو لمحه عن

الموضوع اللي أنت تبيني فيه

الطرف الثاني : أما المعرفه

فحاب نتعرف وجها لوجه

ناصر : آسف يا خوي كذا

ماراح نتفق أنت ماعطيتني أي

سبب أودافع علشان أتقابل أنا
وياك

الطرف الثاني : صار أنا

بناخي دحيم والموضوع اللي

أبيك فيه عائلي وجد حساس

فعلشان كذا حاب أتواجه أنا

وياك في أقرب فرصه

ناصر : خلاص ع العموم أنا

جاي للديرة علشان آخذ الوالدة


هالحين وين حاب نلتقي لاني

مستعجل

الطرف الثاني : تم في بيت

عمي دحيم تامر على شئ

ناصر: سلامتك بس عسى

الموضوع اللي تبيني فيه

يستاهل


xxxxxxxxxxxxxxxx

بصراحة الجو غريب علي

نزلت من سيارة خالي وأنا


مستغربة المكان مع أنه ما

يختلف عن مزرعة خالي

كثير أرض واسعة يتوسطها

بيت صحيح كان في مزرعة


بس يشابه للطراز الأوربي في


تصميمه وتنفيذه بصراحة


أعجبت فيه أنتبهت على

صوت خالي


خالي دحيم : أم ناصر يالله

أستعجلي قبل يجون الضيوف


منيرة :منين أدخل ماأدل البيت


خالي دحيم: أصبري يابنتي


أنتي بتدخلين معي من الباب

الخلفي


منيرة: ليش الخلفي ياخالي


خالي دحيم : ماتبين تسلمين

على خوالك


منيرة: إلا ياخالي

خالي دحيم : حنا بندخل من

هنا

علشان نسلم على العروس


وخوالك وبناتهم بكونون هناك


منيرة : اللي تامر فيه ياخالي

دخلت ورى خالي وفجأة

سمعت صوت الزغاريد من

البنات الموجودات تحيه

لخالي دحيم لانه دخل عليهم


بصراحة أتفاجأت أن العروس


كانت خالصه ونازله والكل


حواليها


خالي دحيم : قربي ياأم ناصر


منيرة : سم ياخالي


خالي دحيم:تعالي سلمي على


خوالك وبناتهم


قربت لخالي وعرفني عليهم


وبدا باول شخص


خالي دحيم : منيرة هذه خالتك

هيا وهذول بناتها


سلمت بهدوء وكان أنطباعي


عنها عادي بما أني ماعرفها


من قبل وسلمت على بناتها


ياربي الصراحة عاديات بس

اللي قهرني أنهم وللاسف


الشديد أحلا من أشواق

خالي دحيم : وهذا خالك

أبونادر وهذول بناته سلمت

على خالي بو نادر بس ما


أنقهرت إلا مت غيض يوم


سلمت على بناته وقلت بدون


شعور ماشاء الله تبارك الله


وكان عددهم أثنين بسم الله



عليهم

الجزء التاسع



للامـــ أمنيه ــــــــل

وصلت لبيت خالي في

وقت قياسي لان


الفضول شدني أعرف


وش ورى الشخص
اللي

أتصل فيني وحاول


أنه يفتح معي موضوع


وأنا ما عرفه دخلت

المزرعة وكانت

أنورها طافية إلا بعض


اللمبات القليلة


بصراحة ماأستغربت


لأن أكيد الكل رايحين


للحفلة اللي قالت عليها


أمي

دخلت السور طفيت

سيارتي ونزلت

توجهت للمجلس كان

مفتوح وانواره شغاله


تقدمت وسلمت على


الموجودين ووقفوا

للسلام طبعا كانوا

عيال خالي دحيم


وأثنين أول مره


أشوفهم سلمت عليهم

ونظراتهم ماتطمن


رجعت وجلست في


صدر المجلس بعد


ماأشار على عبدلله


وقام صب القهوة وأنا

أشرب فنجالي سمعت

الرجال يهمس لعبدالله

ويقول هذا هو وعبدالله


يقول له أيه يابن

الحلال هزيت فنجالي

وشكرّت من القهوة

وصرت أناظر في


الساعة علشان الرجال

أذا عنده حكي يقوله

وحطيت نفسي

مستعجل


XXXXXXXXXXXXX
للامــــ بقيه ــــل





حنان :وش تقولين يمه اللي

تقولينه شئ مو معقول


أمي : هذا العلم

وماجاك

حنان: يمه من اللي

خبرك


أمي: أقول وماتاخذين

موقف

حنان: قولي يمه الله
يستر

أمي : مرت خالك

دحيم

سارة من ورا الباب

كذب وافترا


حنان: سارة وش دراك


يمكن صدق ولاليش


ماتممت زواجه من

بنتها

سارة :هذي الغيرة

ماتعرفينها

أمي: الله يهديك ياحنان


هذيك سالفه ثانيه


ساره: وأنا أقول الناس

ليش مستعجلين في

الملكه أثر وراهم بلا


أمي :ساره ممكن

تسكتين

حنان: يمه بسألك أنا


ليش حظي دايم كذا

ماعمري تهنيت حتى

الانسان اللي صار


زوجي ماأتكشف علته


إلا بعدماطاح الفاس

بالراس ليش يمه


أمي: بسرعه ياسارة


قفلي الباب وتعالي


مآبي السالفه هاذي


تظهر ولا لمخلوق


كائن من كان

سارة : حتى أختي هيام

مانعلمها


أمي :هيام البلا كله

بتعلمينها منا وتعلم

زوجها المقرود وينتشر


الخبر في المنطقه كلها

علشان كذا أكتمن

الخبر لين أتأكد من

صحته وأذا جاكم أحد


بالسالفة قولوا أشاعة


مفهوم والا لا


أنا وسارة : مفهوم يمه


XXXXXXXXXXX

طلعت أمي وسارة


وجلست أنا لحالي من


جديد

ياربي أنا من شفت أمه


في زواج نورة وانا

أقول الحرمه فيها شي

كنها ماعمرها شافت

بنات
XXXXXXXXXX
الحمد لله جت أم أشواق

في الوقت المناسب

علشان أسالها عن بنات

خالي أبو نادر


أم أشواق: أشوى منيرة

عرفتي تدلين


منيرة :الحمد لله

مايضّيع أحد


أم اشواق :عسى خالك

عرفّك بالجماعة

منيرة : ما قصر الله

لايقصر بعمره


أقول أم أشواق

تعرفين بنات خالي

بونادر

أم أشواق: أيه أعرفهم

ليش

منيرة :حبيت أسأل كم

عددهم

أم أشواق : ثلاث

والولد واحد

منيرة : متزوجات

أم أشواق : جيتي على

الجرح

أم أشواق : هذا يا
طويلة


العمر البنات والحظ


الردي أصحاب يعني

مايجيهم عريس يخطب


إلا وفيه مية عله وعله


يعني بالمختصر مالهم

حظ

تصدقين عاد بنته

الكبيرة تزوجت وبعد

عشرة ماتهون إلا

على الكافر تزوج

زوجها عليها وحده

ماتجي ربعها بالجمال

ولا الاخلاق ولا

الطبايع


بنات أم نادر ذهب يا

أم ناصر مايعرف

قيمته ألامن يثمنه

منيرة : إلا على طاري

أم نادر وينها مشفتها


لاهي ولا البنت الثالثه


ماهم بجاين ولا ايش

أم أشواق: ياحليلك

الحين تشوفينها هي

وبنتها حنان ما تروح

مكان ألا في جنبها

تقول ماخلق غيرها


لحظه لحظه


الذيب عند طاريه


هذي أم نادر وبناتها

منيرة : وينهم

أم أشواق: واقفين مع

أم العروس

XXXXXXXXXXXX
ألتفت جهة ماتقول أم

أشواق شفت الحرمة


ماشاءالله صراحة بيّن

عليها مزيونه كانت

لابسه فستان لونه

كحلي ضيق وقصة من

تحت مبين جسمها

الحلو اللي ما يخفى

على الناظر

ولابسه في وسطها


حزام كرستال طالع


روعة عليها

ولابسه

عليه عبايه لف تاخذ

العقل وكملتها بالبرقع

اللي زادها حلاوة

كانت قمه
وعلى يسارها كان فيه

بنت قمة بالجمال

بصراحة شدتني

بجمالها كانت لابسه

فستان يقارب لون


ثوبي بس أفتح كان

بنفس موديل أمها


وشعرها أسود طويل


بس مو مره يوصل


لاخرظهرها ومسويته

ستريت كانت حلوه



حلوه بس المشكلة

عيونها فيها لمحة حزن

بيني وبين نفسي

قررت

أتعرف عليهم لاني


حسيت أن أفكار أم

نادر قريبه من أفكاري

حتى قبل أتعرف عليهم

xxxxxxxxxxxx


حسيت الرجال ماعنده

نيه يفتح أي موضوع

أو حوار علشان كذا

بادرت أنا بالحوار

وقلت

ناصر أقول عبد الله


متى أهل المزارع

يخلصون حفلاتهم

عبدالله : يعني ع

الساعه 12 آخر حد

لهم خاصه أذا كانت

الحفلة عائلية

ناصر: ماشاء الله

عبدالله : ليش تسأل

ناصر: ابد مواعد

الوالدة نمشي بعد

الحفلة

عبدالله : لايارجال وين

تمشون اليلة تنامون

عندنا

ناصر : تسلم والله بس

عندي دوام ولازم


أرجع اليوم

عبدالله : أقول ناصر


ماعرفتك على عيال
عم أبوي

سالم ,عبدالمحسن

ناصر : تشرفنا

سالم : لي الشرف




ناصر: عرفت

الصوت أنت اللي

كلمت عليّ

الجزء العاشـــــــر
للامـــــ بقيه ـــــــــل
صراحة مليت من التفكير وقررت أنزل تحت عند أمي
نزلت تحت ولقيت أمي في الصالة تكلم بالجوال وما على
لسانها إلا حاضر وأن شاء الله سكرت أمي السماعة وسألتها
حنان : يمه تكلمين مين
أمي: خالتك أم ناصر تبي تحدد موعد العرس
حنان : يمه لايكون حددتي معها بدون ما نتأكد من اللي سمعناه
أمي:الله يهديك ياحنان يعني تبيني أقول للحرمه حنا سمعنا أن ولدكم مسحور واصبروا لين نتأكد من الخبر ونرد عليكم كذا حلو الكلام
حنان :يمه أنا ما قلت كذا بس حابه نتاكد
أمي: طيب يا حنان وإذا تأكدنا

وش راح يصير نقول خلاص
ماعاد نبي ولدكم وطلقوا بنتنا

حنان : يمه ما قلت كذا

أمي : حنان أنا اللي أقول المرة هاذي

حنان عرسك بعد عشرة أيام

وعلى فكرة زوجك ما يبي حفلة
ولا طقطقه الرجال يبي حفله بسيطه وآخرها يا خذك لبيته
قعدت أبكي والدموع تخنق صوتي وقلت لامي كلام ماعمري توقعت أقوله في يوم من الايام
بس فجأه سكت
كان اللي سكتني كف من أمي إلا الآن أذكر حرارته
أمي :حنان يا يمه فكري بهذا وأشرت لعقلها

حنان: يعني أيش يمه
أمي : حنان تعالي جنبي يمه وأعلمك يعني أيش
رحت جلست جنب أمي وأنا مادري وش راح تقول بس كنت واثقه أن امي عندها دايم
حل لكل مشاكلي
أمي : قبل كل شي أنتِ نور عيوني ما قدر أستغني عنك
بس ما راح يكون أغلى منك

ألا ولدك يا حنان صدقيني يا حنان أنا ماعزّمت على زواجك من ناصر ألا علشان الضنى أبي أشوف لك ولد يشيلك في كبرتك
فكري من الناحيه ذي وخلي هذا الهدف بين عيونك الغرض
من الزواج الحمل وبعد ما يتم
لكل حادث حديث بإذن الله
حنان: يمه أحس نفسي كذا تافه
وقاعده أحتقر نفسي

أمي :حنان لا تفكري كذا أنتِ
بس فكري كيف تجهزي نفسك ما با قي ألا عشرة أيام وحاولي
تركزي على المهم وأنا با تكفل بالباقي
حنان: يمه وسالفة سحره الحرمه مو


تقول أنه مسحور عن الزواج وأنه

ما يقدر

يسوي شئ علشان كذا طلق حرمته يمه تكفين أفهميني
أمي : حنان تعوذي من إبليس
وآخر ماعندي الزواج قايم رضيتي وألا أرضيتي
والكلام هذا والله لو أسمعه منك مرة ثانيه والله لاقص لسانك مفهوم والا لا
XXXXXXXXXXXX

للامـــــ أمنيه ــــــــل
كنت في حالة ترقب من اللي راح يصير لاني تقريبا فهمت
الطبخه بس مابي الشين يطلع مني مهما كلفني الموضوع مجهود عصبي ونفسي
بعد شوي بدا اللي كنت متوقعه
وأسرع مما كنت أتوقع بعد
ســـــــالم: أقول يا أخ ناصر
أنا اللي كلمتك وأنت جاي بالطريق وقلت عندي موضوع وأتمنى تسمعني للآخر
ناصر: أتفضل أنا أسمعك وأنشاء الله ماتسمع مني إلا اللي يسرك
xxxxxxxxxxxxxxxxxx
طبعا أنا فقدت الامل من أشواق فا بحكم تربيتي وأخلاقي قررت أطلع بياض الوجه أفضل خاصة بعد اللي قالوه لي أن خالي قال شاورا ناصر وشوفوا وش يقول واللي يقوله ناصر يمشي عشان كذا قلت أنا آخذ الجميله عليهم وبدال ماصير مديون لهم هم يصيروا مديونين لي
عبدالله : مع السلامه يا ناصر ماتشوف شر بيض الله وجهك

ناصر : الشر مايجيك
بس هذا اللي أبيه يا خوال أمي
xxxxxxxxxxxxxxxxxxxx
طلعت من المجلس ولقيت أمي مجهزه أغراضها عند السيارة تبيني أشيلهم
وهي واقفه تسلم على خالها وأنا أشوفه ماسكها ويتعذّر لها وأمي تحاول تهديه بس بدون فايده كان متحمس وهو يحاول فيها ما تزعل عليه جنبت عنهم ورحت أشيل أغراض أمي وأنا أوعد نفسي ما أرجع للديره ذي أبد
XXXXXXXXXXXXXXXX
للامـــــــ بقيه ــــــــل

بعد الكلام اللي قالته أمي مالي أي حل ثاني سوا أني أفكر من الناحية الايجابية اللي هي الولد بما أني وصلت الخمسة وثلاثين فإحساس الأمومة عندي بدا يطغى على كل شئ حتى أحساس الانثى بداخلي
فكان الحل أني أقبل بواقعي وأرضى بالقسمه اللي كتبها الله لي بما أني كنت مؤمنه أن نصيبي جاي لا محاله فا كنت داخل نفس أوبخها على أعتراضها عليه الان الرضى بما قسمه الله شئ تربيت أنا وأخواتي عليه
فكرت شوي وش راح أسوي
ورحت أسال أختي سارة بما أنها لسى بالكلية وعندها خبره بالازياء أكثر مني دخلت عليها لقيتها سرحانة دقيت الباب مره ومرتين ولاجواب
XXXXXXXXXXXXXXXXXX

كنت أفكر بالكلام اللي قالته أمي العصر وماني مصدقه اللي قاعد يصير معقول أمي قاعده ثلاث سنوات على خبر كان أقل شئ يسويه لي أنه يرفع معنوياتي ليش كل هذا خايفين على مشاعر حنان وأنا محد خاف على مشاعري محد قدر وضعي عمري قرب الستة وعشرين وكل صديقاتي وقريباتي اللي في سني موأنخطبوا بس ألا تزوجوا وصار عندهم أولاد وأنا كل ما قالوا فلانه تزوجت وتأكدت من زواجها أرجع لامي وأنا أتذمر من حظي الردي وتقولي لابد الايام تنصفك خلي دايم عندك أمل وتاكدي إذا الله كاتبلك زواج راح تتزوجي ولوكل البشر عارضوا الشئ هذا أفهمي يا سارة كل شي قسمه ونصيب
صدقت كلام أمي ولاضنيت ولو واحد في المئه أنها تخبي علي شئ ألين اليوم الظهر يوم نادتني وقالت لي
أمي : سارة عندي خبر لك وحابه ماتقاطعيني لين أنتهي من كلامي واتمنى يا سارة تقدرين موقفي وتحطين نفسك في مكاني وتعيشين معي اللحظة
سارة : يمه تكلمي خوفتيني
أمي : لا يمه لا تخافين ولا شئ بس أسمعيني للآخر
سارة : يمه الله يهديك قولي صيبتي قلبي
أمي : سارة قبل ثلاث سنوات جاء عند أبوك رجال من أصحابه أيام ماكان يشتغل وطلب يد وحده من منكم لولده بس أبوك ماوافق
سارة: يمه حرام على أبوي أكيد حنان بس ليش مارضى
أمي : سارة لاتسبقين الاحداث
خليني أكمل
سارة: خلاص يمه كملي وعد ماأقاطعك أبد
أمي: الرجال اللي خطب من أبوك خاطبك أنتي
سارة: يمه
أمي : لحظه ياسارة إذا بتسوين كذا ماراح أتكلم وبخلي أبوك هو اللي يتكفل بالموضوع
سارة الرجال خطب في البداية بس أبوك رفض والرفض ماجاء عن طريق أبوك بالعكس أبوك كان مرحب بالخطبه وموافق عليها لأنه على قولة أبوك رجال والنعم لاهو ولا ولده ويشرف أي أحد
يناسبه
بس أنا رفضت هالخطبه علشان شئ أتوقع ما يخفى عليك بما أنك ذكيه
فاكيد راح تعرفين سبب رفضي وأتمنى ماتلوميني

XXXXXXXXXXXXXXXXX

للامـــــــ أمنيه ـــــــــل

بعد ماطلعنا من مزرعة خال أمي ومسكنا خط الرياض رجعين لا ني رفضت أجلس عندهم موزعل بالعكس حسيت أني بعد اللي صار فرحان مادري ليش

سمعت أمي تنادي علّي
ناصر : نعم يمه بغيتي شئ
منيرة : لا يمه بس حبيت أشوفك أذا كنت زعلان والا لا
ناصر : لا يمه ماني زعلان وإنشالله خيره والانسان مايدري وين الخيره فيه
منيرة:ناصر أبي أطلب منك طلب وماتردني مهما يكون
ناصر: عرفته يمه ماأبي أتزوج والديره ذي ما راح أرجع لها مهما يكن أرجوك يمه أفهميني
XXXXXXXXXXXXXXX
وصلنا البيت وأنا وناصر ما تكلمنا في الموضوع وجلسنا أسبوع تقريبا على ذا الحال إلى أن قررت أحسم الموضوع بنفسي وحطيت خطة تخلي ناصر يوافق على البنت اللي رشحتها له من بين مجموعه
من البنات
وكانت حنان لأن عندها ميزه مستحيل تخليها تتشرط مثل بنت خالي أشواق
وهي فرق العمر بينها وبين ناصر يعني راح تقبل ناصر بكل عيوبه
بس كيف أقنع ناصر فيها
واليله قررت أحسم الموضوع
XXXXXXXXXXXXXXXXX
دخلت البيت على غير العاده
دايم أمي والشغاله أصواتهم عاليه يا ينظفون ولا يطرزون ولافي المطبخ
دورت عليهم لا لقيت أمي ولا الشغاله
ياربي وين راحوا
مافيه ألا غرفة أمي وقعدت أنادي عليهم
وطلعت الشغاله من غرفه أمي تبكي وتقول ماما واجد مريض
مانتظرتها تكمل ودخلت غرفه
أمي أبكي
ناصر : يمه فيك شئ وش تشكين منه
منيرة: ناصر حاسه كل جسمي يألمني
ناصر: لا يكون السكر منخفض يمه حللتي
منيرة : لاماحللت
ناصر : روسّي جيبي تحليل ماما بسرعة
منيرة :ناصر والله ماأحلل ألا لين تقولي أنك متمم لطلبي وتحلف على كذا
ناصر : أحلف يمه
xxxxxxxxxxxxxx
في غمضة عين رحت أنا وأمي وأخذنا معنا خالي دحيم علشان مايزعل على قولت أمي
وخطبنا وحده أول شئ وصلني منها أنها أكبر مني
يعني بالعربي
عــــــــــــــــجوز
وزواجي عليها مثل ماخططت أمي بعد عشرة أيــــــــــام
الله يسامحها أحد يرمي ضناه
الرميه ذي