((تعّبت لك شعري))

السلام عليكم ورحمة الله وبركاته

((اهدي هذه القصيده الى كل من تقع عينه عليها والى كل عضو وعضوه ومشرف ومشرفه عبر هذا المنتدى الراقي))

لو كـل مـا يِكتَـب مـن الشعـر يعجبـك=مـا كـان غنّـت مـن قصيـدي شفاكـي
ولـو كـل شاعـر يوصـل أدراج مكتبـك=ما ضـاق مـن شعـري حنيـن وضماكـي
يا أغلـى مـن الإلهـام والسبـك والحبـك=يـا عــز تحـفـه نــادره بإمتـلاكـي
فيـك القصايـد حايـره كـيـف تعـربـك=بيـت القصيـد إن مـا هدمنـي ,, بناكـي
ذوقـك خطيـر وأخطـر الحسـن يكسبـك=لـو ماخـذا منـك حـلا . مـا عطـاكـي
أضما لقـا كلـي لهـف شـوق وأشربـك=طيـفـك نتيـجـه بائـسـه لإرتـبـاكـي
تمطـر غـلا كــل الحنـايـا وتعشـبـك=وأثمر:- وفا . وأقطف :- وله ,, من غلاكي
حنّيـت مـن دمّـي خضايـب روايـبـك=وأشعلت مـن ضلعـي شمـوع وضواكـي
تسهـر علـى ضمّـة جديـلـك مناكـبـك=والصبـح فـي خـدك طفـا وإشتكـاكـي
مـن سلهمـة رمشـك طوتنـي حرايـبـك=خضـعـت لعيـونـك وقلـبـي رقـاكـي
مشيـت عـن ظلمـا ســرابٍ يقـرّبـك=وأبعـدت عـن دربـي رجـاوي خطاكـي
أغيـب عـن عينـك علـى شـان أعاتبـك=وأنسى العتـب مـن فرحتـي فـي لقاكـي
وآكــذب عيـونـي وقلـبـي يـكّـذبـك=وآصـدّق دمـوعـي وحلـمـي لمـاكـي
وآذوب لــى هـبّـت علـيّـه هبايـبـك=وتفـوح فـي صـدري نسايـم هـواكـي
شهريـن مـا مــرن علـيّـه سحايـبـك=ملّيـت مـن ضيـق النـهـار ودجـاكـي
البارحـه جيـت أمسـح الشـوق وأكتبـك=ثرني كتبـت الشـوق غصـب وبكاكـي!!
تعّبـت لــك شـعـري لعـلّـه يتعّـبـك=وأرتـاح مـن جمـر الفـراق وشتـاكـي
وأجهـدت فـي نوقـي رحايـل ركايـبـك=وأمرحت فـي صحـرا همومـك حراكـي
ولـو كـان بيـدي كـان والله بحاسـبـك=وأعطيـك حـريـه // وبطـلـق يـداكـي
ولو كـل مايكتـب مـن الشعـر يطربـك=مـا كـان يكتبنـي ضـمـا وإرتـواكـي