الموضوع: ازيكم يابنات جايبة لكم اكلة محشي تاكلوا اصابعكوا وراها يم يم يم

محشي, لكل, اصابعكوا, ازيكم, اكلة, يابنات, جايبة

النهارده عامله لكم محاشي ورق عنب و كوسه و باذنجان و فلفل روم

بس عندي لكن رجاء

لو سمحتوا ما تدققوش اوي علي الصور

أنا عارفه انها سيئه جدااااا و كنت ناويه اعيد تصويرها مره تانيه

بس اللي خلاني انزلها النهارده هي ان المحشي طلب مني من اكتر من عضوه اليومين دول و ما حبيتش اتأخر عليهم

بس احب احكيلكم حكايتي مع المحشي

ماما و الحمد لله طول عمرها مشهوره بأنها استاذه محشي

و السر طبعا في خلطة الحشو لأنها بتعملها بطريقه مختلفه شويه
و الحمد لله اتعلمته منها

و يوم ما جات حماتي و حمايا و اخوات زوجي و زوجي طبعا علشان يخطبوني كنا عملين من ضمن العشا ورق عنب و كنت عاملاه بنفسي

حماتي ما كانتش مصدقه جماله

و كلمتني تاني يوم الصبح بنفسها علشان تقول لي ان المحشي بتاعي كان جميل جدا و ده طبعا بعد ما عرفت من جوزي (اللي كان خطيبي وقتها) ان انا اللي عاملاه

و بعد ما اتجوزت بقت طريقتي هي المعتمده لدي حماتي و ده طبعا بعد ما علمتها لها ههههه

ايه الرغي ده كله

خلصينا بقي

حاضر حاضر

ها تكلم اهه



الكميات اللي انا استخدمتها هي:

1/2 كيلو كوسه
1/2 كيلو فلفل رومي
1/2 كيلو باذنجان ابيض
1/4 كيلو ورق عنب

مقادير خلطه الحشو:

مقدار من الزبد او السمن (حوالي 6 م ك )
2 بصله كبيره مفرومه
ربطة بقدونس
ربطة شبت
ربطة كزبره خضراء
1/2 كيلو طماطم معصوره
4 كوب أرز مصري مغسول و غير منقوع

م ك ملح – 1/2 م ص فلفل اسود – ا/2 م ك من خلطه مكونه من (بهارات – قرفه – قرنفل – جوزة الطيب – ورق غار)



الطريقه:

تحضير خلطة الحشو:

نحمس البصل المفروم مع السمن او الزبد حتي الاصفرار
ثم نفرم البقدونس و الشبت و الكزبره و نضيفهم الي البصل
نضيف الطماطم المعصوره مع الملح و الفلفل و التوابل
حتي تتسبك الطماطم تماما و تصبح هكذا


ارفعي الاناء عن النار

نغسل الأرز جيدا

و يضاف الي الخلطه و يقلب جيدا



بعد كده نحشي الكوسه والبطاطس والبذنجان


وهذا الشكل النهائي

---

h.d;l dhfkhj [hdfm g;l h;gm lpad jh;g,h hwhfu;,h ,vhih dl dl dl