الموضوع: تهمك اخر اخباري؟

اخباري؟؟؟, اخر, تهمك

السلام عليكم ورحمة اللة وبركاتة
وإليكـم الـقـصـيـدهـ

تبيـن علومـي الغبـرا تهمـك آخـر أخبـاري
على خبرك أبـد يابنـت أعـد انجـوم وأرقبهـا

أساير وقتـي الظالـم واسـرِّي ليلـي السـاري
ولالي بالسهر مصلـوح سـوى صـوره أقلبهـا

أبروز صورتك وأخشـى أعلقهـا علـى جـداري
يهـز الزيـن جدرانـي ويفضحـنـي يسربـهـا

ويشرب دمـي الصـوره بهـا موتـي تـرا داري
أنـا ماهمنـي موتـي أخـاف ذنبـي يعذبـهـا

وينشدها ضميـرن حـي إذا جـا للهوى طـاري
عن أرواحن غدت بالحب وزينـه هـو سبايبهـا

وقالـت يابعـد حـي صـدف بحـري ومحـاري
طعـم هالمـوت مالـذه طعـون الحـب جربهـا

وش أفضحلك من همومي وش أفشيلك من أسراري
طعنت الشوق في غيـرك ولاادري وش عواقبهـا

ولكن صورتي تكفى زهر شوقـي مـع اشجـاري
أبيهـا تظـل لعيونـك وعيـنـي لاتحاسبـهـا

وقلت الموت من عينك بها سحر الهـوى جـاري
مدام الموت هـو منـك أبيـك الـروح تطربهـا

أبـد لاتهمـك طعونـي لخناجرهـا انـا شـاري
حـلاة المـوت بعيـونـك تكفـنـي حواجبـهـا

---

jil; hov hofhvd?