قصائد تستحق القرائه

10:06 PM

فديت رموش عينه

هلا بك عد ما وبل(ن) تهاما=سلام(ن) خالطه ريح الخزاما
تحيه عاشق لا شاف غالي=يقابله بتحيه واحتراما
وانا وجدي على خل ملكني=هو اللي محتويني بالغراما
فدريت رموش عينه والثنايا=وفديت الخد مع نقش الوشاما
جعل روحي فدا خلي ضحيه=واشوفه لا حزين ولا يضاما
عطيته هاجسي مع قلب عاشق=صفاله .. عن جمع الخلق (شاما)
ذبحني بالغلا ما اقدر اكابر=سهير الليل حاربت المناما
ولا لي فرحة(ن) الا بشوفه=تنور دنيتي بعد الظلاما
واعاهد صاحبي عهد المحبه=علي البيض من بعده حراما

نزف الشاعر

عبدالله العصيمي

10:07 PM

إلى من يهمه أمري

يا مسندي ناخيك تفـزع لمضيـوم=شخصن تحـداه الزمـن واستفـزه
عينه سهيره حاربـت لـذة النـوم=ومن اولـن مافيـه شييـن يهـزه
الوقت خللى روحي تصارع همـوم=وانت السنـد للـي ظروفـه تلـزه
من فارقتني مهجتي بـاول الصـوم=صارت حياتـي نزتـن تلـو نـزه
مثل الذي غارت علـى ذوده القـوم=يطيـح قدامـك علـى ادنـاة كـزه
انخاك يا شهمن عزيزن ومحشـوم=انخاك يا مـن يفـزع بكـل حـزه
حرن ولد حرن معـررب وشغمـوم=نسل الرجال اهل الشرف والمعـزه
شرواك يا الغالي على الطيب مفطوم=لا من حضر تلقى الرجاجيل فـززه
تفز ماهـو خـوف تقديـر لقـروم=من ما يخللف مثلك اليـوم عـززه
قرمن ورث عن والده طبع وسلـوم=يبـرز ليـا مـن الاوادم تــوززه
والله مالـي غيـر رفقتـك ملـزوم=ما صرت اذوق لتالي الوقت مـززه
لا طامع بدنيـا وراضـي بمقسـوم=ولا ارتجي منصب ولا احتـاج رزه
عسى الهي يحفظـك دايـم الـدوم=انته عزا روحـن بشخصـك تعـزه

نزف الشاعر

احمد الجريفاني

10:09 PM

تعبت أجامل

تبعثرت كـل المشاعـر حبيبـي=في سكة الحرمان بينـي وبينـك
يوم الوفا يصـرخ ولاتستجيبـي=تعبت اجامل والخطايـا تدينـك
في غفوة ايامي حسبتـك قريبـي=دروب ذاك العشق تاهـت بعينـك
عايش انا وياك واقـع غريبـي=قررت انا ابعد عن مآسي سنينك
خل العيون اللي هدبها عجيبـي=تمسي وربـي ياانانـي يعينـك
دام الجروح اللي تظنك طبيبـي=ماعاد تطلب لمسة مـن يدينـك
ولابيك تطلبني حنانـي وطيبـي=وانا الذي مانلت همسـة حنينـك
حتى الغلا قد ضـاع لاتنتخيبـي=ماعاد يجذبنـي دلالـك وزينـك
هذا غرورك من شموخي صويبي=شوف الاماني تشتكي من ونينـك
ماني نصيبك لو تنادي نصيبـي=وانت الهوى بالذات غلطة يمينك

نزف الشاعر

عبدالله شبنان

10:11 PM

أكره غيابك

قالت تضيـق أن غبـت بالحيل قلت أيـه=أكـره حياتي كلها في غيابــك
وشلـون وأنتـي قلـب (خالد) ملكتيـه=أكيد نبضـه يختلف فـي ذهابــك
قالـت صحيـح..؟وقلـت ياغايتـي ليـه=ماتعرفيـن أنـي أمـوت بجنابـك
أعشــق وصالـك وأكـره الهجـر طاريــه=وأعيـش لحظات الغـلا في رحابـك
والليـل فـي ذكـراك تطــرب مساريـه=ويشوقنـي بالحـب لحظـة عتابــك
والقلـب لـو بيـدك جرحتيــه منّيــه=ماقـول غيـرإلا هــلا مرحبا بــك
القلـب وعيونـي وروحـي وراعيــه=كلهـن رصيــد مسجّــل فـي حسابــك
يفـداك من تمشـي على الأرض رجليـه=ويفداك من ذاق الغلا واعتـزى بـك
قالت حبيبـي,,وقلـت لبّيــه لبّيـه=لبّـا الخدود اللي زهـت في شبابـك
قالـت أحبـك والغـلا شـف مواريـه=وسط العيـون السـود يشكــي عذابـك
أنـت الحبيـب وباقـي الناس ما بيـه=أمـوت فـي لامـاك وأعشـق ترابـك
الحــب فـي عيونـك غرقـت بموانيـه=والشـوق وقّــف بي على حـد بابــك
ولو تلحق الشرهه حبيبي مشاريــه=مابيـع حبّـك دام قلبـي رضــى بــك
ميـرالدلـع مابيـن غالـي وغاليـه=أنـا أدرى أنـه مايزعّــل جنابـك
قلـت الدلـع والزيـن عندك مباديـه=والعـشق يحيا لأرتـوى مـن سحابـك
يااللي ورود الحـب فينـي زرعتيـه=وأنا كتـبت الشـوق داخــل كتابـك
ليـن الغـلا مـن نهـر حبـي سقيتيـه=وأحيا بساتين الغلا وأرتـوى بـك
يافرحــة الحاضـر بنكهات ماضيــه=أكــره حياتـي كلها فـي غيابــك

نزف الشاعر

خالد بن سكران

10:12 PM

غايتك

ملت عيوني تنادي لي متى بصبر عليك=والغرام اللي في قلبـي كـل دقيقـه لـك يزيـد ..
مابي مرسالك يجيني ولابي مرسالي يجيك=ودي لو نبـدى الغـرام ونلتقـي إيـدن بأيـد ..
غلطتك انك أناني وغلطتي أني أبيك=وفـي خفوقـي بانـيه لـك بيـت جدرانـه حديـد ..
مابقالي ويا قلبك كثر ايامي هذيـك=ومابقالـي مـن جروحـك غيـر جرحـن لـي وحيـد ..
جرحي اللي لاذكرته قمت أصرخ وانتخيك=وين خلـي وينـه اللـي لانخيتـه مـو بعيـد ..؟؟
مانسيتك لو دقيقه وكل قصيده إتعنيك=ولـو قصيـدي جـا فغيـرك لعنـة الله ع..القصيـد ..
وادري قلبك مانساني دام قلبـي مشتريـك=دام قلبـك مانسانـي بالجفـا وش تستفيـد ؟؟
وش يفيدك لو يعاني قلبي اللي مهتويك=تكفى غيرلي كلامك حتـى لـو رايـك سديـد..
أدري إنّا انتهينـا بـس تونـي ابتديـك=لاتقـول اننـا انتهينـا لاتـقـول ولاتعـيـد ..
خلني أبدى بغرامك حتى اني أنتهيك=ولا أنتهى درب المحبه ببتـدي بـه مـن جديـد ..
صد عني..قول رايك أعشقك واموت فيك=إبتعد واطعن خفوقي وسـو كـل اللـي تريـد ..
غايتك تملك خفوقي تحكمه مابين ايديك=وبعدها تنسى وجودي وتلتهي بواحد جديد ... ؟؟!!

نزف الشاعره

أنوار

10:14 PM

غيبة الروح

جيتك مشاعر صادقة .. صوت مبحوح=جيت ألتمس لدفاك تسمع لبوحي
جيت أوعدك بالسر لا يمكن يبوح=وإن الغلا فالقلب يبني صروحي
وأثرك غشيم الحب ما تعرف النوح=وأكبر ذنوبي كيف سلّمت روحي
ما ساهر عيونك عن النوم ذرنوح=والقلب جاله بين الأضلاع فوحي
ما يستوي في الحب حيٍ ومذبوح=ولا يستوي بالشوك وردٍ يفوحي
كيف الجسد يعيش في غيبة الروح!؟=وكيف الطعون الخضر تشفي جروحي!؟
شفتك تصد اليوم وأقول مسموح=بودّعك وأقول لا لا تروحي
قالوا طريق الحب ذا درب مفضوح=وبعض النتائج فيه عكس الطموحي

نزف الشاعر

خالد السبيعي

10:16 PM

جروح الزمان

إيه يا الوقت الردي وش باقين ما صار فيه=وش بقى من جرح فالخافق ولك يمه نوايا
شوف طعناتك هنا وسط الضلوع الداخليه=وتعرف يا لوقت الأغبر وش وراء ذيك الحنايا
ما ذخرت من الطعون التاليه والأوليه=غير طعنه مايجي من عقبها كود المنايا
المصيبه اطعونك اللي سقتها يمي هديه=كل طعنه منك جتني جاء يعادلها هدايا
حلت مابيني وبين المترفه والشمس حيه=جادلٍ ما شفت والله مثلها بين الصبايا
عشقتي مرباعها مرباعها نجد العذيه=آه يا نجد العذيه يا منى النفس وهوايا
جادلٍ من روس قومً في اللقاء ما هي رديه=ما يهابون العدو ولا يهابون السرايا
روحت واليوم منها يازمن فرقت يديه=والخطاء منك لك الله ولا أنا وشهو خطايا
أستمع يا وقت لِييه أستمع وأنصت شويه=قبل أحملك الذنوب ..ولا تحملني زرايا
وين قيس ابن الملوح وين ليلى العامريه=وين وين اللي بعدهم.. ليه أطول في الحكايا
سدد أطعونك هنيه والصبر خله عليه=جدد جروح الزمان وخلها بين الحنايا

نزف الشاعر

بدر المعصيري

10:17 PM

متلف الروح

يامتلف الرّوح روحي فيك مشغوله=ماتتصل بي ولاتنشد عن أخباري
كثرالجفا والهجريازين وش هوله=ماكنّ لي عندكم يامهجتي طاري
صدّيت لك صدّتٍ ماهيب معقوله=فاجأتني يالغضي ويش اللّذي جاري
أن كان في خاطرك شئٍ علي قووله=حتّى لوانك تغصّب نفسك اجباري
تراطراة الهوى لاجاء على أوصووله=يقوله اللّي عن أطرووق الهوى داري

نزف الشاعره

رجا الهاجري

10:19 PM

أهل العقول

ياهاجسي كثرت عليـك الهواجيـس=هوجاس يلعبـك وتلعـب بهوجـاس
اعـوذ بالله ...وآتعّـوذ مـن ابليـس=والحمد لله دام في راسـي اعطـاس
لو لا العقل نفقد شعـور الاحاسيـس=يابو العقل ترى البهايم لهـا احسـاس
وين انت عنها وين يا امـرؤ القيـس=عقدين من لؤلؤ وعقدن مـن المـاس
الدنيا مدرستـك والاقـدار تدريـس=والماضي عبره والتعابيـر بالـراس
وقت الرخا يرخي مع مرخي الكيس=واللي يحسب الخمس مايصفق اخماس
سعر السهم و البورصـه يالمفاليـس=الربح مضمونه سهم يشغـل النـاس
ينزل اساس الجيل مع كـل تأسيـس=وحلم الشباب المنتخب يرفع الكـاس
حرب البسوس بفكر حرب الجواسيس=الزير ماوده علـى مـوت جسـاس
المنطقه و الارض حسب التضارريس=بيت ٍ على راس ٍ و مبني على ساس
بين الاسد والكلب والذيـب والتيـس=راس السهم والرمح والسيف والفاس
لابووك ياوقـت الدنـس والدنافيـس=لابـاس ياعدنـان وقحطـان لابـاس
لاعادبـه خييـل ٍ ولافيـه فـريـس=هلوّو دموع العين من فعل الانجـاس
لجل الشريف اللي تعـرض لتدنيـس=ولجل كرامة اشرف الخلق و النـاس
ويالادمي قـدرك ولافيـه تخسيـس=تحت القدم والارض فوقك وتنـداس
ولاصار مابه قدس ! مافيـه تقديـس=واهل صلاة الفجر بالمسجـد اقيـاس

نزف الشاعر

فارس عفاس

10:26 PM

ليت الخطأ مني

ليت الخطــا منـــي واجيـــك اعتـذر لـك=ليت الذي جـا (منك) (مني) واراضيك
اجري جــــري واقطع مسافــات لاجلـك=واجيب كل المستحيلات لرضيك
حاولت اجــد لك عــــذر وابحث لمسلك=اقنع خفوق(ن) بات سهــــران يشكيك
واعـــدت الــــى ذهني جميلـك وفضلـك=لعـــل يشفـع لك جميـــــلك وينجـــيك
ينجيك مـن غلطـــــة عمر ساقت اجلـك=علـــى يـدين اللــــي يحبـــــك ويغليك
اجهـل ولكـــن اعتـرف لـــي بجـــهلـك=وانا على استعداد اسامحــــك واعفيك
اخــــذك فـــي الـــزلـه علــى قـد عقلـك=واغض طرفي عن خطـــايك واراعيك
ضحيت لك قـــدمت لك كل مـــا امـــلـك=دللتك اكـثر كــلما تطـــــلب اعطيــك
حققت لك مــا لا يحــقـق مـــن اهـــلـك=حتى اعتـــبرتك ثالث اثنين حـــب فيك
واليوم تشـهر ســن رمحـــــك ونصلـك=وتقلب الحــق باطــــل الله يكــــــافيك
فـــــرقت شملـــي يــوم لميـت شمــلـك=واسقيتــني سمـا ذحــاحا بيــــاديك
عمـــوما ارجـــوك ابتــعـد شـد رحلـك=وخلنـي فـي حــالي الله يخــــــــليك

نزف الشاعر

طالب الذبياني

10:29 PM

يجزاك بالخير

يجـزاك بالخــيـر ياحــظ ٍ وقــف ضــدي=عـلمـتـنـي كـيـف اوجـه جـرحي لحـالي
ذكـرتـني بسـلـمي الـلـي مـن زمـن جدي=ونـسّـيـتـني كـيـف طعـم الـمـر ّ والحالي
خـلـيـتـنـي بـجـــد ابـيّـح لـلعــرب ســدي=وانـا الـذي مــا شـكــيت اول ولا تــالـي
كــنـت احـسـب اني حظيظ وماحد ٍ قـدي=إلـيـن زال الغــمـام وشــفــتـك قـبــالـي
ياحـــظ كـانـك عـلـى مـاقـيـل مـتـردي=لاتقـطع بقـسـوتك وجـهـي مــن عـيـالي
ان كا ن لي دون غيري صرت متصدي=اقـــول انـا حــســـبـي الله والله الــوالـي
لـيت الدمـوع الـدفـوق اللي غـزت خدي=تــبـيـت بالعــيـن حـتى تـركــد احــوالي
لـي خا فـق ٍ عـن مــواطي الـذل متعـدي=خلــّى المــطامن ورام الـنـايـف العـالي
ما هـاب جـرح ٍ نـفــذ بالجوف متحدي=ومـا خـاف هــم ٍ قــديــم ٍ دارس ٍ بــالي
والله كــريــم ٍ والى مـــديـت لــه يــــدي=ألـقـى كـــريــم ٍ أبـــد مــاردنـي خــالي
ويجـزاك بالخـير ياحــظ ٍ وقـف ضــدي=عـلمـتـني كـيـف اواجـه جـرحي لحـالي

نزف الشاعر

قديم الشوق

10:32 PM

غاية مرادي

غاية مرادي عكس غاية مرادك=تعبت اصّحح بالظنون الخفيه
مدري متى ياصلني مركب فؤادك=الموج هادي والمشاعر قويه
حرارتي بالشوق جابت برادك=غلطة ( وفا وإخلاص ) تحسب عليه
صابر ولي عامين رهن إعتقادك=واقول خله يقرى نص القضيه
مرات اقول الخوف شتت ودادك=خايف على الفنجال والشاذليه
ومرات اقول الطيش ماسك قيادك=تلعب على الحبلين روحه وجيه
غلاك عندي يلتقي مع عنادك=دايم وانا بين الثنين الضحيه
لمعة بياضك مع عتامة سوادك=متى تصير الصوره صوره نقيه
جابتني نارك وإلتقاني رمادك=خليت ذيّ ورحت تركض لذيه
من عادتك تجرح وتهدي ضمادك=مايجتمع بالحب حسنه وسيه
دايم افكر وش نتيجة حصادك=الارض صبخا والموارد هبيه
لاتحسب إني تحت رحمة زنادك=ماجيت ابشحذ وإلا ادور عطيه
وان كان ودك فيني تبلغ مرادك=وش حاجتي لاصار فالخرج حيه
بانت مع المضمار كبوة جوادك=خسران والخسران ماله هديه

نزف الشاعر

خالد الديحاني

10:36 PM

حضرة السلطان

يتوهن الخُطا ويدوّر الساري على عنوان=وطريق الألف ميل بنظرتي يبدا من النيّه..!!
انا هذي اساساتي ولو أخسر ... انا الكسبان=عملت اللي علي والرزق عند الله وبأيديّه
تعال نفضّها سيره / ونتفائل / ترى الأنسان=ماراح يشوف خير ونظرته للناس سلبيّه
وكيف يعيش واحد من حياته كلها (زهقان)=وهو في داخله يملك حياه , وروح عصريّه
على ماتشتهي خذني معك ياحضرة السلطان=انا شعبك مدام ان الخطايا منك عفويّه
أنا ماني حزين ولو تشوف بعالمي احزان=ولاهو عابس ٍ وجهي ولا اخلاقي تجاريّه
وكيف احزن وانا احسك معي في معظم الأحيان=وتحييني بكلماتك اذا جت لا إراديّه
صحيح الزين مايكمل ... وصدقني ماني غلطان=ولكن الجمال / يكون كامل .. وانت بك زيّه
لأن ماللندى روعه بدون الورد والأغصان=أقوله وأتخيل منظره في حضن جوريّه
تسمى لوحه الرسمه / بليا لمسة الفنان=وماللشعر متذوق بلا صوره جماليّه
حلاة الكلمه احساسك بها تطلع من الوجدان=وياشين الكلمه اللي تحسها كلمه صناعيّه
لك الله شاعرك لك قالها ياحضرة السلطان=واذا قصّر بها حرفه , ترى روحه رياضيّه

نزف الشاعر

ماجد الرويلي

قصائد تستحق القرائه

عيون الشعر