الموضوع: قصائد تستحق القرائه

كفيتي ووفيتي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خلي البكا عنك جف الدمع بأهدابك=ماعاد ينفع رجاك ولو ترجيتي

قبل تشوفين دمعك ويش سوابك=شوفي وش الي مع الأيام سويتي

رحتي لوقتك وخانك وقتك وجابك=لاتقولي إنك عشان الحب رديتي

عودت قلبي على فرقاك وغيابك=كل ماسألني قلت إنك توفيتي

الي قبل كان يكتب بك ويقرابك=في عز ماكان محتاجك تخليتي

هواك كذبه عمر عاشوا بها احبابك=كذابه ان قلتي انك يوم حبيتي

كل الدروب الوداع ان مرت فبابك=وكل الأماني ضايع اليا تمنيتي

وجهك ذبل جف غصنك طارت اسرابك=مثل الشقا يوم مر القلب مريتي

لو صدق كانت دموعي تحرق اعصابك=ماكان خنتي وفا قلبي وتضحيتي

زرعت حلم الزمان ومات فترابك=واغراك صمتي عن البعد وتماديتي

يكفيني الي خسرت وضاع بأسبابك=شكرآ على الحزن كفيتي ووفيتي

أنا انتهت بك سنيني مقدر ابدابك=ودعت الأوجاع من رديت عافيتي

وانتي تركتك على أخر سطر بكتابك=ذكرى رحلتي عن البال وتلاشيتي

لو سامحتك السنين ودمعة عتابك=ماسامحك حلمي الي فيه ضحيتي

ولو كنتي العمر ماعاشك وغنابك=قلب تركتيه للفرقا وصديتي

ردي علي الحزن انتي حزنك اولابك=جيتي حزينه روحي مثل ماجيتي[/poem]



[align=center]
نزف الشاعر

محمد الوسمي[/align]

لاتاخذين الجرح

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياحلوتي مافاد حزني ولابكاي=ولافاد دمع لاجل عينك بكيته

ليتك قتلتي أول الحزن جواي=ماكان قلتي بسألك مانتهيته

من كل عقلي ارسمك داخل الماي=ومن كل قلبي انقهر لامحيته

جيتك وشايل في ضلوعي هداياي=وحلم كبير ومن جروحي بنيته

ياهي حزينه قصة الملح والناي=والشاعر الي في جنوني ابتليته

ماعاد تغزي ضحكة الحب بشفاي=من يوم ماصك الأمل باب بيته

أواه يوم جيت لك اسبق خطاي=حتى زهورك للأسف مالقيته

كني احس ان التعب قال انا جاي=ومن دون روحي جبت روحي وجيته

الياس يرمي اسود الهم بحشاي=والحلم بيدي لليالي رميته

وانتي دخيلك لاتذكرني ابكاي=قولي عطاني بيت ياما قريته

لاتأخذين الجرح خليه وياي=اذكرك فيه ولاذكرتك نسيته[/poem]



[align=center]نزف الشاعر

بركات الشمري[/align]

عليك أخاااف


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ودي اجيك من التعب ثم أضمك=وتشوف أنا وشلون عايش بلياك

قربك عطر ودي من البعد أشمك=أخاف يبرد مابقى لي بذكراك

أبنثرك في عروق قلبي ولمك=وأحسسك بالحب في يوم لقياك

باقي معي أغلى هديه تهمك=صورتك كاتب فوقها مقدر أنساك

متى يزين الوقت وأكون يمك=اقلها اعرف ظروفك ودنياك

ياليتني في أنفاس روحك ودمك=أبقى معك وأعيش الأيام وياك

ياكثر ماني بغربتي شلت همك=انشد نجوم الليل من عقب فرقاك

عليك أخاف أكثر من أبوك وأمك=والله ماتلقى مثل قلبي أغلاك

مارتاح أنا من الوله لين أضمك=وأعلمك وشلون حالي بلياك[/poem]


[align=center]نزف الشاعر

عبدالناصر العالي[/align]

كلام الصمت


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ضاع الكلام وصمتي أصبح مكانه=لوني أبحلـف ياكثـر ماتكلٌمـت

ناظر حنيني واستشف من لسانه=جملة حديثي لو بقولـه تبلٌمـت

شف قلبي اللي بالش(ن) بك أمانه=البلشه اللي من حلاهـا تبسٌمـت

احساس قلبي لـو بحلٌـل بيانـه=من هول مابه تحسب إنك تحلٌمت

محجر كريم وقهٌوته فـي عيانـه=والضيف ماسيٌر وللحال سلٌمـت

قالو إهانه وقلـت أحلـى إهانـه=وأحلى حقيقه منٌها قـد تعلٌمـت

((مابي أصير بحلق غيري لبانـه=والعرف سايد ولحياته تأقلمـت))

والقلب مغرم بس لسانه حصانـه=وللصمت مالوذ وفي عيني تكلمت [/poem]


[align=center]نزف الشاعره

بنت وايل[/align]

الرومنسيه



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاتسأليني ؟علامك طول غيابك!=مدام انا جيت واشواقي جنونيه

ماابغى اعاتب ولا ابغى اسمع عتابك=خلينا نفرح مدام ارواحنا حيه

إشكي همومك وانا اعز احبابك=ودي اعرف اللي سهر عين غاليه

وقولي لحزنك بهذا الوقت وش جابك؟=حنا فرحنا وطبعك هم وآسيه

قولي تراني انا اكثر واحد ادرى بك=اعرف من نظرة عيونك وش النيه

تعالي جنبي ابا احيابك وابا اشقابك=بيني وبينك مافيه اشياء سريه

تعالي كلك وانا باتوه فـ ثيابك=بعلمك ويش تعني الرومنسيه

بعلمك كيف اهدي شدة اعصابك=تعليمي فطري ولاهو إدروس علميه

تعالي ان كان ممكن ودي اروى بك=عطشان وقربك غذى للروح يابنيه

باظم صدري على صدرك وابا احيابك=مابي حناني وباخذ منّك حنيه

ابغي يدنيني وجسمي معك متشابك=احس نبضي ونبضاتك ثنائيه

إتخالط انفاسي انفاسك مع اطيابك=احلامك السود إتصير احلام ورديه

بعلمك كيف انا اكتب وآ تغنابك=بدرسك في فصول الابتدائيه

بعلمك ليه شعري صار يحلا بك=وادخلك داخل اجواء ٍ خياليه

بعلمك كيف انا ارقى بك وابا ارقى بك=ووصلك للمجرات الفضائيه

يزهابك الشعر لا كل شي يزهابك=لانك على مواصلي دايم فدائيه

أصبحت شاعر تراني بس بسبابك=حصري قصيدي وصرتي معه حصريه

تعالي نامي ابا احيابك وابا اشقابك=بعلمك ويش تعني الرومنسيه

وإنسي سؤالك ؟ علامه طوّل غيابك=لاني انا جيت واشواقي جنونيه

ابا اكتفي بالقصيده وآتهنى بك=لو القصيده ماهي ميه على ميه ! [/poem]


[align=center]نزف الشاعر

فهد الديحاني[/align]

نهاية دربنا


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لبيه من قلبٍ بـه الحـب مطبـوع=لبيه يـا حـبٍ سطـا بـه ولاعـه

لبيه لك كلي وكلـي علـى الطـوع=لبيه يـا صـوت يسلـي سماعـه

لبيه ثـم لبيـه بالشـوق مدفـوع=معلـن غرامـه مندفـع بإندفاعـه

دايـم ارددهـا لـه بقـول متبـوع=انه حبيب الـروح سيـد الجماعـه

وحده ووحده من له الحق مشـروع=يامر علي واقـول سمعـاً وطاعـه

يا بحر مما بالبحـر جالـه جمـوع=قدمـه يلبـي رافـعٍ لـه شراعـه

وكل ماهو كان لـو كـان ممنـوع=يكسر سدوده يختـرق كـل قاعـه

جوا المحاني داخل اللـب مـزروع=تحميه من كـل النواحـي ضلاعـه

من جود جودي كنت للخـل ينبـوع=دايم عليـه يجـود دون انقطاعـه

وفيت له بالحـب ماكـان مخـدوع=يجني علي يجهـل بإنهـا اشاعـه

مايدري انه تاج بالـراس مرفـوع=كنه نجم وسط السمـاء بارتفاعـه

ياهيه ابحكي جيتلك صوت مسموع=عما جرا بالحـال معلـن ضياعـه

مالي سواك اشكيه من روح منزوع=منه الجسد يشكي شكـاة المجاعـه

وجيه تتنوّع على كـم كـذا نـوع=مـع كـل نـوعٍ تتسـع باتساعـه

يا حال حال الحال يا حال موجـوع=سبة وليفٍ غـاب عنـي شعاعـه

حتى الفكر منه الفكر صار مشلـوع=ماعاد به تمييـز مـا لـه شفاعـه

ضاعت خطاوي بالخطا تمشي قطوع=على امـل مفقـود تحلـم بساعـه

مابين كل البيـن باليـأس منقـوع=يشكي عـذابٍ فـات كلـه بشاعـه

مع طيوف الفكـر ينقـاد مشيـوع=ماعـاد ممـا جـاريٍ بـه مناعـه

هذي نهايـة دربنـا مابـه رجـوع=مما حصـل يكفـي وكلـي قناعـه

خلاص ارحل وانتهى كل موضـوع=ودعتـك اللـي مايخـون الوداعـه [/poem]


[align=center]نزف الشاعره

غلا أبوها[/align]

غربه



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقصيده تعالـي واشرحـك بالبيـان=لاتصيرين معهـم بالزعـل تبعـدي

ترجمي حزن فارس طاح منه العنان=ذوبـي بدفتـر بالـرف ٍ لاتجمـدي

ماسجدت لجمالـك والله المستعـان=انتي بدون شاعـر يحتويـك تغـدي

وشاعرك لو غديتي مالحقه الهـوان=دام ربي عطاه العقـل بـه يهتـدي

مير انتـي مطيـه مالهـا امتنـان=زادك الحرف ويسكبك العقل في يدي

وصلي صوتي اللي اختفى من زمان=ومع صدى الصوت دايم للبشر رددي

ضاق صدري وحزني ماترك لي مكان=فوق كل الخساير حـظ طايـح ردي

ان تكلمـت ذابـت كلمتـي ماتبـان=وكان بانت يضيع بكلمتـي مقصـدي

عقب ماني مدين اليوم صرت المدان=غبت وسط الضياع بليلي السرمـدي

وين اوجه واروح بدرب مابه امـان=كيف اريح فؤادي والتعـب مسنـدي

كل ما جيت ادور في حياتـي حنـان=انصـدم بالنهايـه لانويـت ابتـدي

مدري ان كنت خاين اوهو الحظ خان=لكن اللي اعرفه ما اعـرف اعتـدي

مشكله كنت جاهل خافي القحويـان=وقحوياني لغيـري تسميتـه بـردي

وناتج الجمر يوحي صعبي اليوم هان=ورحت انا ارقب سهيل وناتجه بالجدي

لين صرت الغريب اللي حداه الزمـان=لاحبيب وأخو ولاصديـق اجـودي

مثل ذاك العزيز اللي بقومـه وهـان=بالاسر ضاع عـزه مالقـى مفتـدي [/poem]



[align=center]نزف الشاعر

بندر المحاسن[/align]

خذ الحذر



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مو كل كلام ٍ ياصلك يعنـي صـدق واتصدقـه=اعرف ترى لو هو صدق ما كان قاله من وراي

منهو يوصّلـك خبـر خلّـك ذكـي لا تعتقـه=يمكن عدو عنده هدف أو من طرف عاذل وجاي

وين الثقة يا محترم ؟ يا محترم ويـن الثقـة؟=وبطيبتي أحكي معك وأضحك و ما حاشك خطاي

صبري وصل حدّه ترى واعلوم صارت مرهقـة=انّك تحاكمنـي حكـم ظالـم ولا تاخـذ بـراي

كونك أنا وحدي أديره واملكـه ولْـكْ أشرقـه=هذا وأنا اللي ما نسيتك في صلاتـي أو دعـاي

يعني جزاي ابقوّتك بابـك بوجهـي تصفقـه؟!=من بعد طيبة تاصلك في ذمّتـك هـذا جـزاي!!

احذر خطر نـاس ٍ هوايتهـا خـراب و تفرقـه=يمكن لجل يصفى لهم جو في هواك أو في هواي

لو جاك و بجيبه خبر لـي عنـد بابـه الحقـه=تعرف عدوّك يا غلا كانـه بصفّـك أو معـاي

لا تتركه اضرب حديـدك و دام حامـي اطرقـه=ابحث ورى أصل الخبر كافي اتكدر لي صفـاي

لا تسمعه و اتسمّعه و ابـدون قصـد اتشوقـه=يعني تحقق رغبته و اخسر أنـا كامـل منـاي

من بعد ما كنت ابهدوء و في الحيـاة مروّقّـة=حضرت جنابك تستعد تشعل حريقة في حشـاي

مو كل كلام ٍ ياصلك يعنـي صـدق واتصدقـه=افهم معاني هالقصيدة عـل تاصـل مستـواي [/poem]


[align=center]
نزف الشاعره

هدى العمادي[/align]

السالفه مشروحه



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خذني مـع روحتـه ولا مـع روحـه=ولا اسمع السالفـه وتركنـي بروحـي

لاصار جو القصيد ينبـش اجروحـه=ماكـانِ الا قصيـدً نبـش اجروحـي

ياللي على شانه الدنيا غـدت دوحـه=اشرح لك اشلون يا سدي ويا بوحـي

البارحه كانت الفرقـا مـن امزوحـه=واليوم لاهي من مزوحه ولا مزوحـي

الله يبيحه من اوضوحه الي اوضوحـه=ماني امشكـك وانـا مازلتنـا اوحـي

صدى كلامـه وهمساتـه مـع نوحـه=تضرب على جمجمه عقلً بغا يروحي

ما كل من يبني ويتعب على صروحـه=يلقا اصروحه مثل ما كانت اصروحي

السالفه يـا رفيـق العمـر مشروحـه=لاعاد تنشد و توجعنـي مـع روحـي

خذني مـع روحتـه ولا مـع روحـه=ولا اسمع النوح في صدري وانا انوحي [/poem]

[align=center]نزف الشاعر

خالد الخييلي[/align]