الموضوع: افتحي قلبي .

افتحي

[align=center]افتحي قلبي ترى أمري خطير
هذي هي ياعمري كل المسألة


الظروف تطفي البدر المنير
الظروف تحط أخيره بأوله


ايه أنا إنسان لي قلب وضمير
بس مكتوبه علي البهذلة


الشقا والهم من يومي صغير
عشت دنيا الذل ويا القلقله


وش أبين ؟! داخلي شي كثير
افتحي قلبي بتلقين علله


قلبي اللي عاش،طيب،صارغير
صرت أشوف الشر وده يدخله


جف دمع بداخل عيوني غزير
وكان لي باقي ترامشتاق له


صرت أحس أني شبيه للأسير
وكل شي ماعادنفسي تقبله


اسمحيلي لاغدا فكري ضرير
وأعذريني بكل غلطة راحلة


أرضي بكاسي ولوطعمه مرير
وأوعدك لأسقيك شهده وعسله


أرفض أقابلك بأوضاع الكسير
وعنك بعدي بأي وضع ما أقبله


افهميني لو غدا أمري يحير
حير أمري الفكر وشتت منزله


قلتي كسرة خبزوقطعة حصير
قلتي أية وضع لأجلك بأقبله


ومرت الأيام تحكي غيروغير
تحكي أنك في الحياة الفاضله


وتحكي أوضاعي وأناعبد فقير
وضع مأساة عجزت أستحمله


طحت من طولي مثل'حبةشعير
أو مثل حبة هوت من سنبلة


شاعر عاجز يقدم لك حرير
وعاجز يعبر عن اللي داخله


شدك وردك وصدك وأنت أمير
من مصابه فاقد حتى هله


والله أني والقطاعة مانصير
ومايصيربيوم حبي أزعله


هذي الدنيا ترا أمره حقير
لأجلها راسي نذر مانزله


دنيا فيها الرزق كاتبه الخبير
وماكتبه الله بلوحي قابله


وكيف بالله يوم يبلاني القدير
أتناسى الحب وأنسى المرجلة


كل شي تعبني والعاشق يغير
جيتلك بأشواقي وكلي وله


جيتك أسأل بالمحبة واستشير
لك قدر بالقلب وراسي شايله


ولك عتاب أشوفه بعيني صغير
ياللي أنسى بك مقامي وأقتله


صدقيني الحب كلمات السهير
وصمتي طبع صار كيف أبدله؟!


آمري بأمر الملك جيت الوزير
جيتلك خادم يا أمير القافلة


كل من حولك ترى بشعورغير
كلهم بشعور غيره ينقله


وش تسمي من خذ أفكارتطير
جابها الجوال وعود يرسله


أي حب معناه مقطوع النضير
اللي منشور أواللي نحمله


المحبة الصادقة الحب الكبير
هي شعور صعب كل يوصله


هي نسايم باردة بعز الهجير
هي دفاء برد رياحه مشمله



حمد الشيحان

[/align]

---

htjpd rgfd >