الموضوع: رضيت بردى حظي. وحظي مارضى فيني

الجزء الثامن

اليوم عرس حمد على اميره
اميره اللي من يوم خطبتها وحركة حمد معاها . وغير كذا التهميش اللي حسته من حمد بعد الخطوبه والافكار ذبحتها. معقوله مغصوب عليها !!!

يااااااااااااااااااااااه ياشين الشعور اذا الواحد شاف اغلى انسان عنده مغصوب عليه
بس اعذار ايمان المستمره ان حمد مشغول تهديها بس المشغول مايقدر يفضي نفسه نص ساعه يكلم خطيبته

كانت الافكار منكده عليها عيشتها.
طلال كان بقلبه غصه بس روحه المرحه وتفائله بالحياه كان قادر انه يتغلب على جرحه ويتظاهر باللا مبالاه اقل شي قدام خالد

امل وغاده وهند كانو بالصالون يتجهزون للعرس
امل كانت يتقطع قلبها كل ماشافت غاده تمسح دمعتها وماتبيهم ينتهبون لها. يااه ياغاده تبكين تتذكرين فاطمه وتتمنينها معنا
يااااارب ارحمها برحمتك انك انت الغفور الرحيم

طلعو من الصالون غاده واللي كانت متضايقه من شعرها
غاده: ياربييييه راسي عورني حشا هرم مو شعر
امل: ههههههههههههههههههههههههههه اوص لا تفضحينا هههههههههه
هند: والله ياغدو لو تشوفين شكلك بالطرحه وهالشعر المنتفخ فوق راسك تموتين ضحك ههههههههههههههههههههههههههههههههههههه

ركبو السياره امل قدام وغاده وهند ركبو ورا

كان طلال مشغل اغنية يعني تحسبين لعبد المجيد
امل صارت تطق اصبع مع الاغنيه طلال التفت عليها وهو مبتسم الا وانتبه لطرحة امل اللي مرتفعه: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
امل بذهول: خير وش قالو لك تناظر وتضحك
طلال مو قادر يتكلم من الضحك :: ههههههههههههههه بالله عليك ههههههههه من اللي كافخك مخلي راسك متورم هههههههههههههههههههههههههههههههههههههههههههههههههه ههه
غاده فطست ضحك بدون شعور
وصلو القاعه
طلال واللي اعتذر من ابو اميره مايقدر يحضر العرس بسبب اشغاله. بس خالد هو الوحيد اللي فاهم طلال بس سوا نفسه مو فاهمه

نزلو البنات وحرك طلال السياره

دخلو البنات وفسخو العبايات والكل صاير يناظرهم كانت ام خالد وبدريه سابقينهم للعرس دقت امل على بدور:: بدور تعالي حنا عند الباب
بدريه:: طيب اللحين جايتك انا

طلعت لهم بدريه حضنت خواتها وبنت عمها فرحانه فيهم لانها اول مره تشوفهم بكل هالجمال من يوم رجعت من برا
بدريه: ها حصنتو انفسكم قريتو المعوذات
امل و غاده: ايه
هند: امممممم انا لا
الكل: هههههههههههههههههههههههههههههههه

دخلو جميع كانت امل لابسه فستان لونه احمر ضيق لين نهاية الخصر ويوسع لين عند الركبه ورافعه شعرها ومنزله منه خصل بسيطه وحاطه اكسسوار احمر بشعرها ومكياج احمر ناعم زايدها حلا على حلا
اما غاده كانت لابسه فستان بني طويل مخصرها زود واكسسوار ذهبي ومكياج ذهبي رايق ورافعه شعرها كله ومدخله فيه لون ذهبي
اما هند واللي كانت ابسطهم لابسه تنوره نص الفخذ لونها اسود وسندل حبال لين اعلى الركبه لونه اصفر وبودي لونه اصفر وشعرها سوته كيرلي كله وكان شعرها لين نص ظهرها وحطت مكياج وردي مرررررره نعووووووووووووووم
وكانو يمشون بثقه




بالعرس عند الرجال
ثامر:: والله يا ابو خالد هالحين هو بالمستشفى يتعالج عن هالسموم اللي كان يلطها بعد مايشفى بيحاكمونه
ابو خالد: وتهقى بيقصونه؟
ثامر: ما ظنتي يا ابو خالد سألت المحامي حق لشركه يقول ما اظن يقصونه يمكن سجن وديه وصوم بس
ابو خالد: ااااااه حسبي الله عليك يا راشد

اما غاده كانت فعلا ملكة جمال العرس كانت كل العيون يناظرونها كانت مرتبكه لانها اول مره تحضر عرس بس مابينت هالارتباك
جات اغنية الشاكي
امل: غدو قومي بنرقص عليها
غاده: لالالالالالالالالا استحي
امل: تكفين ياللي تستحي ههههههههه قومي يالله
واخذت يد غاده وقامت وراحو للكوشه كانت كل العيون على غاده ماحد عارفها توقعو انها من صديقات امل بس طبعا مايعوق على الحريم شي
راحت وحده من الحريم عند ام خالد. وتقصت الاخبار لين عرفت انها بنت عم امل واللي ماتت اختها قبل فتره.
رجعو من العرس كان حيلهم مهدود
خالد راح يشوف طلال وينه
لقاه نايم صكر الباب بشويش ودخل ياخذ له دش
البنات طايحين عالكنب بغرفتهم مهدود حيلهم
هند: الا مادريتو اليوم اش صار
امل: وشو؟
هند: يوم قمتو ترقصون قبل العشاء وحده من الحريم جات تسأل عن غاده
غاده عدلت جلستها بسرعه:: انااااااااااااااااااا ياربيييييييي اش فيهم اليوم علي
هند:: ياخبله الوحده تفرح مو تضايق هذا معناه انك بهرتيهم
امل: ههههههههههههه اما انتي ياهنو عليك افكار يالله بس خلونا نرقد
غاده: اوكي انا بمسح مكياجي وابنزل اشرب لي مويه والحقكم بالحلام هههههههههه

تسبح خالد وطلع لقى امه وبدريه يتعشون
خالد: ههههههههههههههه لحول توكم جايين من العرس ومتعشين
بدريه: تعرف يا اخوي الفستان ضيق مايمديني اشبع
الكل : ههههههههههههههههههههههههههههههههههههههههههه
خالد: تعشي بسرعه وروحي سوي قهوه
بدريه: قهوه
خالد: اممم ايه قهوه ولا اقولك طسي سولفي مع رجلك
بدريه: اييييه قول تبي تصرفني
خالد: اشوى فهمتيها ممكن تطسين اللحين ؟ ههههههههههههههههههههههه
بدريه: ممكن ونص ولا كم خالد عندنا
اتجه خالد لبدريه وباس راسها: الله يخليك لنا يا امنا الثانيه
ابتسمت ام خالد ابتسامة رضا
طلعت بدريه وخلت ام خالد وخالد بالصاله
خالد:: امممممممم يمه
ام خالد: هلا وش تبي
خالد: .
ام خالد: تبي فلوس
خالد باندفاع : لاااااااااااا
ام خالد: اجل وش تبي
خالد:يمه ليش عمي راشد ذبح عمتي عايشه
ام خالد:: من قالك؟ قصدي وش هالحكي
خالد: يمه !!
ام خالد: كل انسان له يوم وعايشه ماتت بيومها

غاده بهاللحظه كانت طالعه من غرفتهم وسمعت صوت يمكن هذولي واحد من العيال ابتسمع ان كانه واحد من العيال بروح انام وانا عطشانه

خالد بعصبيه: يمه عمتي عايشه ماتت مذبوحه ليش؟

غاده انصدمت كأن فيه لغز من الالغاز اللي بحياتها بينحل. ارخت اذنها لهم اكثر واكثر

ام خالد:: بشويش لا تفضحنا طيب من قالك
خالد: ابوي
ام خالد: منهوووووو مستحيل
خالد: زل لسانه بكلمه وانا عرفت يمه انا رجال ابفهم وش اللي يصير قدامي ابفهم كل شي
ام خالد: ياولدي هذي سالفه انتهت وليه نتكلم فيها
خالد: ما انتهت والدليل موت فاطمه الله يرحمها

غاده ماقدرت تشيلها رجولها جلست عالسيراميك وتسقيها عيونها.
ام خالد صارت تمسح دموعها: شف ياخالد ما ابي احد يدري بهالسالفه انا بقولك اياها عشان ما تصدق ان ابوك قاطع عمك بدون سبب مثل ما ابوك دايم يقولكم
خالد: ان شااااء الله يمه بس انتي تكلمي
ام خالد: من زمان كنا ساكنين بالبيت الكبير ان كنت تذكره جدك وجدتك توفو وكتبوه باسم ابوك لانه اكبر من عمك . عمك واللي كان يموت بالارض اللي تمشي عليها عايشه اختار يكون جناحهم ابعد جناح بالبيت عشان عايشه الله يرحمها تاخذ حريتها
سكتت ام خالد فتره ثم رجعت تتكلم:: لكن شف يا خالد عايشه كانت اطهر انسانه بهالدنيا واللي صار لها ظلم والله ظلم ودخلت ام خالد بنوبة بكاء
خالد مو فاهم شسالفه؟
غاده يكفي ان السالفه فيها موت امها صارت تبكي بدون صوت

ام خالد اللي صارت تغالب دموعها: مره كنا بالصاله واتصل عمك على عايشه وقال لها انه ماراح يجي الا الفجر مع انه كان مواعدها يطلعها يتمشون لانها كانت توها طالعه من الاربعين وكانت فاطمه الله يرحمها توها مولوده

غاده بس سمعت صوت فاطمه شهقت بصمت عضت على يدها عشان مايطلع صوتها ورجعت تسمع كلام ام خالد

ام خالد:زعلت عايشه وقالت لي تكفين يام خالد خلي فاطمه عندك انا بروح انام احس اني تعبانه وجاها اتصال وانشغلت شوي مع التلفون
كانت الشغاله واقفه عندنا بسرعه اختفت الشغاله ما شغلت بالي بحركة الشغاله بعد خمس دقايق بالضبط دخل عمك راشد انا تغطيت ببرقعي وعايشه الله يرحمها انهت المكالمه بسرعه لانها كانت زعلانه عليه التفت عمك راشد على عايشه وابتسم لها وقال لها : معك ثواني اغير ملابسي والاقيك لابسه العبايه
طارت من الفرحه عايشه الله يرحمها عرفت انه باتصاله الاول كان يمزح معها
دخل عمك جناحهم سمع صوت
دخل الغرفه لقى فيها رجال غريب الرجال شاف عمك شرد مع الدريشه واختفى عمك انصدم وما انتبه ولا استوعب اللي صاير الا عقب ماطلع الرجال راح عمك ورا الرجال بس للاسف ماقدر يلحقه
رجع عمك ومسك عمتك عايشه وضربها الله يرحمها ضرب لين طلع دمها وهو يصارخ منهو ذا يالفاجره منهوووووو
بعدين التفت على فاطمه ومسك عمتك مع رقبتها يقول يالفاجره يوم قلت لك مابجي دقيتي عليه اعترفي هذي منهي بنته
عايشه الله يرحمها كانت تبكي ما هي فاهمه شي انا رحت ركض اخذت فاطمه ودخلت داخل واتصلت على ابوك
ماوصل ابوك الا وعمتك بين الحياه والموت وكانت عليها عبايتها
راح ابوك يركض جهة عمتك يبي يوديها المستشفى الا عمك جاء عند ابوك وضربه كف وصرخ فيه: وش تبي بها بعد انت يالفاجر
ابوك اخذ عمتك وداها المستشفى وراشد عمك صابته حاله نفسيه بس يهاوش ويصايح
تعافت عايشه ورجعت البيت قصدي رجعت للسجن لانها عيشها بسجن لا تطلع ولا تكلم احد ولا تشوف احدوتردت العلاقه بين ابوك وعمك كثير مايسلمون على بعض ولا يتكلمون مع بعض الا بالاعياد مع انهم بنفس اليوم
وعايشه ولدت غاده
في يوم كان مسافر عمك وكانت عايشه مثل العاده مقفول عليها بسجنها
كنت اقعد عند الباب من برا وهي تقعد عنده من داخل ونسولف لين نشبع لانه كان قافل عليها

فجأه رجع عمك شافني عند الباب انا شردت لان شكله كان يخوف دخل الغرفه ماسمعت الا صراااااخ وهواش بعدها صوت مسدس

وطلع عمك من البيت
رحت اركض للغرفه لقيت عايشه غرقانه بدمها وتحتضر طحت على الارض من قوة الصدمه الا جات الشغاله شافت شكل عايشه وشهقت وصارت تبكي وتقول كلام مو مفهوم وصل ابوك ويوم درا باللي صار راح يدور على عمك كان ناوي يذبحه بس الحمد لله مالقاه لانه كان مسافر
مشت القضيه على ان عايشه ماتت منتحره بس انا واثقه ان ابو محمد له دور بوفاتها وان عايشه مؤمنه مستحيل تنتحر
بس المصيبه انها كانت ماسكه المسدس يوم ماتت الله يرحمها

بعد العزا جات الشغاله اللي من ماتت عايشه وهي بحالة بكاء هستيريه وطلب نوديها للشرطه استغربنا هالطلب منها بس يوم اعترفت لنا بكل شي اخذها ابوك وداها الشرطه
قالت انه هي اللي قالت لذاك الشاب ان راشد ماهو راجع اليوم بدري ودخل الولد من الدريشه بنية اغتصاب عايشه وتصويرها لان كان بينه وبين عمك مشاكل على الشغل
ولما ابو محمد سجن عمتك عايشه الله يرحمها كان ساجنها من غيرته عليها لان ذاك الرجال كانت عنده اخبار عايشه كلها ابو محمد انقلب كل الحب اللي بقلبه لغيره وكره لعايشه يحسب انها تستغفله لانه كان يعشقها
وكانت الشغاله هي اللي توصل للشاب اخبار عايشه
المهم ان الشرطه مسكو الرجال واعترف في كل شي . بس ابو محمد مارضى يسمع أي احد ولين اليوم ماهو عارف ان عايشه الله يرحمها بريئه
وفاطمه كانت تشبه امها لدرجه كبيره وكان راشد يشوف عايشه بعيون فاطمه وشكلها وصوتها وكان ينتقم من عايشه بتعذيبه لفاطمه يوم كبرت وكان يشك انها ماهي بنته لان عايشه جابتها قبل السجن
اصلا ابو خالد بعد ما ماتت عايشه كان يسوي حركات مايسويها عاقل كان احيان يبكي يبكي يبكي فجأه يكسر أي شي قدامه ويصارخ
باع ابوك البيت الكبير وحط فلوس فاطمه وغاده بالبنك لان ابوهم ماهو بعقله
وقسمنا حنا اخذناه الحمد لله
خالد: يمه طيب وشلون عمتي عايشه ماسكه المسدس وعمي اللي ذبحها؟
ام خالد: هذا سر مايعرفه الا راشد ووعايشه بس انا اظن انه بعد ما اطلق عليها بالمسدس يوم طلع اخذت عايشه المسدس وكانت ناويه تذبحه بس مالحقت عليه
خالد: طيب وش سوى عمي يوم ابوي باع البيت
ام خالد: اقولك كانت تجيه حالات هبال دخل وهو ساكت وراح يم غرفة عايشه وجمع كل اشياءها ملابسها وصورها واخذ المسدس وطلع بدون حتى ما يسأل عن الفلوس
وبعد يومين جاء واخذ فاطمه وغاده ومن يومها انقطع الوصل بيننا
وعمك ادمن على الخمر والسكار والسفر

خالد بعد ماسمع القصه انصدم انقهر . مات من الغيض كان يبي يروح يذبح عمه بس القتل ماهو كل حل

استأذن من امه.
وراح لغرفته


طلعت ام خالد بتنام لقت غاده ممده عالارض.

من متى

معقوله سمعت كلامي انا وخالد؟

الجزء التاسع


وصلو للفندق ونزلت اميره ونزل حمد وابو اميره من السياره

ابو اميره: لا اوصيك يا ولدي بنتي في ذمتك
حمد بابتسامه صفراء: ان شاء الله يا عمي
ابو اميره: وانتي يا بنيتي لا اوصيك على زوجك
اميره بدلع: ان شاء الله يبه

مشى حمد وجنبه اميره ووصلو لجناحهم
دخل حمد كان مو طايق اميره اميره كانت مختلط فيها مشاعر الرهبه والفرحه ومشاعر القهر اذا تذكرت حمد وتجاهله لها
حمد كان جالس عالكنب واميره قدامه

يااارب ساعدني ماني قادر اشوف وجهها . هي مالها ذنب الله يسامحك يا يمه الله يسامحك يايمه


كانت اميره جالسه وحاطه عيونها بالارض كانت مملوحه ماهي ذاك الزين ولا هي شينه

حمد: اقول
اميره بصوت اقرب للهمس: هلا
حمد: ابطلب عشا تبين
اميره : لا شبعانه
حمد مارد عليها قام وطلب له عشا
واميره كانت ميته من الجوع بس تفشلت تاكل وهو بعد ما عزم عليها

بعد ماخلص حمد ناظرها وقال: الحمد لله شبعت
اميره :.
حمد:
اميره: اقوم اشيله
حمد: ماله داعي انا اشيله

راحت اميره واخذت لها دش عالسريع لبست فستان بسيط لونه وردي لين فوق الركبه وفتحته توصل للفخذ ولبست شبشب وردي وتركت شعرها طايح على كتوفها حطت مكياج وردي خفيف
طلعت من الحمام ناظرت بالغرفه مالقت حمد
طلعت للصاله لقت حمد نايم عالكنبه

ماتت من القهر رجعت عالغرفه وحضنت المخده وتركت دموعها تسيل






اليوم الثاني


خالد: هاه يادكتور طمنا عسى مابها خلاف؟
الدكتور: الحمد لله المريضه بخير اللحين
خالد: طيب هي وش فيها
الدكتور: انهيار عصبي
خالد: لاحول ولا قوة الا بالله

راح الدكتور لمكتبه واتجه خالد لامه وخواته اللي جالسين قدام غرفة غاده
ام خالد: هاه يمه وش يقول الدكتور
خالد: انهيار عصبي
هند: وشوووووووووو ياعمري ياغاده
خالد: بس تطمنو الدكتور يقول انها بخير اللحين


: لسلام عليكم

كان هذا صوت طلال اللي توه واصل للمستشفى
الكل: وعليكم السلام
طلال: وش فيها غاده؟
خالد: انهيار عصبي
طلال: من ايش جاها انهيار
خالد: علمي علمك

ام خالد: خالد اتصل على ابوك طمنه على غاده وتعال ابيك بسالفه
خالد: زين يمه ثواني اتصل على ابوي وارجع لكم

امل: هنو
هند: سمي
امل: تفشلت ماعاد لي وجه اكلم وجدان
هند: ليش
امل: اول مره كانت بتزورنا وقلت لها عندنا عرس اميره
وثاني مره قلت لها غاده منومه بالمستشفى
هند: طيب انتي مالك ذنب باللي يصير وماهقوتي وجدان بتزعل
امل: لااااااا بالعكس ما زعلت الا قالت تبي تزورنا بالمستشفى تتطمن على غاده
هند: اهاا الله يحييها
ام خالد: تدري يا خالد
خالد: وشهو؟
ام خالد: الظاهر غاده سمعت كلامنا عن ابوها
حالد: يؤؤؤؤؤ لا ان شاء الله ماسمعت شي


قامت اميره من النوم مفجوعه ماتدري الساعه كم راحت تركض للصاله لقت حمد نايم المفروض خالتها وايمان وامها يجون اللحين

ناظرت بحمد ياربي اصحيه ولا ما اصحيه اخاف يحسبني ميته عليه وادور الاعذار اتكلم معه

اخر شي قررت اميره ماتصحيه
راحت لبست وتكشخت كانت متحاره أي عطر تحط بس بالاخير قررت تحط سينما الا سمعت صوت جوال حمد يدق
راحت ووقفت على باب الصاله تنتظره يصحى بس حمد ما صحى
خافت اميره راحت عند حمد
اميره: حمد حمـــد
اخر شي هزته مع كتفه وصرخت :حـــــــــــمـــــــــــــــد

حمد بعصبيه: هااااااااااااااااااااااااااااااااااااااااااااه
اميره تشكلت الوانها ماعرفت تبرر حركتها : امممممم جوالك يدق
حمد: وخير ياطير اخر الدنيا اذا مارديت
اميره خنقتها العبره وراحت لغرفة النوم
الا رجع دق جوال حمد
ناظر حمد بالشاشه لقاه ايمان تتصل عليه
حمد: هلا وغلا
ايمان: هلا بالعريس
حمد تضايق من سيرة العرس: شلون امي
ايمان: بخير وتبي تشوفك قبل تسافرون
حمد: ومن قال نبي نسافر؟
ايمان : يحووول بنطول عند الباب افتحو الباب حنا واقفين
حمد: وشووووو طيب طيب اللحين افتح
اخذ حمد المخده والبطانيه وراح ركض لغرفة النوم ماكان يبي اهله يشكون بشي
دخل لقى اميره راميه نفسها عالسرير ودافنه وجهها بالمخده ماتبي صوت شهاقها يطلع
حمد استغرب اش فيها البنت
وصل عندها مسك كتفها بهدوء : اميره اش فيك
اميره اللي كانت تحسبه حلم التفتت بسرعه شافت حمد
حمد انصدم من وجهها اللي سال الكحل واعدم وجهها
اميره: مافيني شي
حمد:
اميره: خالتي جات
حمد: ايه عند الباب
اميره : وشهوووووو
وقامت بسرعه كانت تبي توصل للحمام بسرعه عشان تغسل وجهها وحمد مازال منصدم وواقف لا حركه ولا كلام
اميره كان حمد بينها وبين باب الحمام قالت: مـ ممـ ممكن شوي
حمد : هاه
دق جوال حمد
اميره عرفت ان هذي خالتها كان مالها حل الا انها تدفع حمد عنها عشان تقدر تروح الحمام كان حمد لازال واقف
كان قريب منها حيل وهي بين حمد والسرير حتى ماتقدر ترجع على ورا
اميره: حمد وخر عني شوي
حمد واللي كأنه صحى : ايش اهاا طيب ووخر عنها وراحت تركض عالحمام غسلت وجهها بسرعه وحطت لها مكياج خفيف بينما حمد فتح الباب لاهله وجلس معهم يسولفون ويضحكون
دخلت عليهم اميره رغم ان جمالها عادي بس كانت عيونها الناعسه تذبح
حمد يناظر باميره بانبهار
اميره سلمت على خالتها وايمان وودورت امها مالقتها
اميره: وين امي
حمد: ماتبي تجي
اميره ببراءه: ليش؟
حمد: تقول ماصدقت افتك منها بعد تبوني ازورها
ايمان: ههههههههههههههههههههههههههههههههههههههههههههههه
اميره: انصفق وجهها صدق مايستحي على وجهه بكاني وانا عروس وخلاني انام بلحالي قلت ماعليه بس يهينني قدام اهله صدق مايستحي
قامت اميره
ايمان: وييييييييين
اميره بروح اسوي القهوه
ايمان : خير ان شاء الله تراك عروس ولا بتسوين نفسك سنعه قدام حمد
الكل ماعدا اميره : هههههههههههههههههههههههههههههههه
اميره : تعالي ايمان شوي
راحو المطبخ اول ما وصلت اميره للمطبخ حضنت ايمان وقعدت تبكي ايمان خافت ان فيها شي
ايمان : اميره شفيك اميره فكيني تكلمي اش فيك؟

قعدت اميره تقول لايمان على كل شي
ايمان: بس اللي انا اشوفه غير يعني يسولف معك ويضحك
اميره: لا بس قدامكم

:يحوووووووووول ربي بلاني بأختي وزوجتي ثرثارات
اميره ناظرت بحمد من فوق لتحت
حمد: يممممه بعد تخز بالعين تراك تخرعين ههههههههههههههههههههههه
سكتت ايمان وطلعت من المطبخ وخلتهم بلحالهم
اميره كانت تبي تشرد من نظرات حمد لها كان يدقق بملامحها وجسمها قامت تبي تلحق ايمان حمد حط يده عالباب
اميره: وخر عن الباب
حمد : ما ابي
اميره:.
حمد: فيك خير اطلعي بدون ما اوخر يدي
اميره: نزلت راسها بسرعه تبي تطلع من تحت يد حمد
بس حمد اللي كان متوقع حركة اميره نزل ايده بسرعه ومسكها اميره تجمدت من الاحراج
كان حمد حاضنها من ظهرها ويضحك اجل فيك خير هاه ههههههههههههههههههه
اميره ساكته ووجهها الوان واشكال من الاحراج
حمد مسك اميره من كتوفها و خلى وجهها عليه وهي بتموت من الاحراج
حمد: اميره
اميره: نعم
حمد: ابيك تنسين كل شي كان البارح انتي زوجتي وانا زوجك
اميره اللي بتطير من الفرح ردت عليه بابتسامه
حمد: يووووووووووووووووه امي وايمان بلحالهم
طلعو حمد واميره للصاله لقو ام حمد وايمان طلعو من بدري


بالمستشفى بعد صلاة العصر
كانت امل بحديقة المستشفى تنتظر وجدان امنيه لها ثلاث سنين اللحين بتتحقق كانت يدها ترجف
وجدان كانت مواعدتهم بعد العصر مباشره
فجأه جات بنت لابسه عبايه عالراس وكانت تتلفت
امل قالت الظاهر هذي هي
اتصلت امل على وجدان الا البنت رفعت جوالها تبي ترد
فصلت امل المكالمه قبل ترد وطااارت من الفرحه قالت اكيد هذي هي وجدان
راحت امل باتجاه وجدان
امل: السلام عليكم
وجدان: نعم
امل: السلام سنه ورده واجب
وجدان: وعليكم السلام تبين شي اختي؟
امل: ايه بندردش شوي
وجدان : اسفه مشغوله انا
امل : لا والله يالشيش الحزين<<كان هذا رمز بين امل ووجدان
وجدان شهقت من الفرحه وحضنت امل كان شكلهم تحفه بحديقة المستشفى
كانو ماسكين يدين بعض وماشين لغرفة غاده طايرين ببعض سواليف وضحك وصلو عند الغرفه ودخلو كانت غاده تسولف مع هند
امل: تيرارارااااااااااااااااااااااا وجدان وصلت هههههههههههههههههههه
هند قامت وسلمت على وجدان
وبعدين انحنت وجدان وسلمت على غاده
وجدان: شلونكم عساكم بخير
هند وغاده: بخير الحمد لله

قعدو ربع ساعه سواليف وضحك

وجدان: طيب فيه شي بقوله ان شاء الله يعجبكم
امل: قولي وشو
وجدان : انا قلت لك يا اموله ان طيارتي بعد بكره صح
امل: لا يكون تقدمت الرحله
وجدان مثلت الحزن:
امل خنقتها العبره وجلست تنتظر وجدان ترد
وجدان رحمت امل : الصراحه ان لا طياره ولا هم يحزنون
امل: يعني
وجدان يعني انا رجعتي ذي رجعة استقرار ماعاد فيها رجعه لامريكا

هند: وااااااااااااااااااااو عز الله سحبت علينا امل
الكل: هههههههههههههههههههههههههههههههههههههههههه
امل: الحمد لله يارب الحمد لله

وجدان: اوكي يابنات انا ما اقدر اطول الوالده نبهت علي ما أتأخر واخوي تحت تامروني بشي
امل: ياشينك عاد اجلسي شوي
وجدان: الجايات اكثر وهذا الورد لعيون احلى غاده بالكون
غاده: بعد عمري والله تسلمين
وجدان : يالله مع السلامه سلمت عالبنات وطلعت


جات الاختبارات وانشغلو العالم بالمذاكره وعدت اسابيع الاختبار الثقيله عالقلب

هند وغاده يبون معدلاتهم عاليه عشان يدخلون الجامعه
اما امل خلصت قبلهم لان اغلب موادها عامه فـ خلصت بدري
نتايج التوجيهي تطلع الساعه 9 ونص الصبح
غاده كان وجهها اصفر شايله هم النتيجه
هند: كانت معصبه وكل ماشافت اثير ولا اسيل هاوشتهم
بدريه: خير ان شاء الله تونا مالنا كم يوم جايينكم من الشرقيه وانتي كل ماشفتي بناتي صرختي عليهم
امل: ههههههههههههههههههههه لا تلومينها والله يقطعون القلب بكره نتايجهم اققققققققق
هند: ياربي بطني يعورني يااااليل ما اطولك
غاده: اخف انزل عن التسعين
امل: هذا وانتي ماتنامين الليل تنزلين عن التسعين اجل هند النايمه كم تنزل تحت السبعين
هند بعصبيه : اوووووووووووص ولا كلمه ماني نازله ماني نازله ان شاء الله
الكل: هههههههههههههههههههههههههههههههههههههههههههههه

دق جوال هند كان المتصل طلال
هند: هاااااه وش تبي انت بعد
طلال: افااا شرهتك على اللي متصل يبي يقولك عالنتيجه
هند: اييييييييييييييييييييش نتيجه كم كم
طلال: لا لا هونت يالله سلام
هند: تكفى طلال تكفى

وفعدت تصيح هند غاده نقزت وصارت جنب غاده تبي تسمع اش يقول طلال

طلال اللي شاف هند منهاره استانس: انتي 76 واما غاده الدافوره 89
هند قفلت بوجهه وجلست تصيح وغاده جنبها تصيح

امل ماتت من الضحك عليهم
يامهابيل يامخابيل هماهم يقولون النتيجه بكره احد يصدق طلال
بدريه: ههههههههههههههههههههههههههههههههههههههههههههه
هند : يعني كذاب
امل: ايه يالخبله كذاب هههههههههههههههههههههههه
نام الكل ماعدا غاده وهند من قلق النتيجه


الساعه 9 الصبح
هند وغاده عالنت بس موقع النتايج ثقييييييييييييييل مايفتح بسرعه
طلال واللي كان جالس على لاب توب خالد يبي يطلع نتايج البنات
طلع النتايج الساعه 10 الا ربع بسبب الزحمه عالموقع
غاده نسبتها 98% واما هند نسبتها 94%

راح طلال وقفل المودم حق النت
وطفى النت عند البنات هند: ياربيييييييييييييييييه اش فيه النت
غاده: انا ماعرف له والله شوفي خالد يمكن يعرف
هند: خالد نايم اللحين
غاده: وامل نايمه اللحين
هند من القهر صارت تبكي

طلال راح لمحل حلويات بصعوبه لقى محل فاتح الصبح
وخلاه يسوي كيكتين وحده مكتوب عليها 98% والثانيه 94%
وكل وحده كتب عليها مع تحيات اخوك الرهيب طلال

وصل البيت اول مادخل نادى هند
هند اللي كانت مو طايقه الدنيا
هند: نعم طلال تكفى النت خرب تعال ضبطه لنا
طلال : وش تبون بالنت ونتايجكم طلعت
هند: نبي نشوف النتايج يالذكي
طلال: لا ترفعين صوتك وخوذي هالكيسين وديه للغرفه لك ولغاده
اخذت هند الاكياس بعصبيه وطلعت
حطت الاكياس فتحتهم لقت كيكتين ماكانو فاهمين شي
هند: الو طلال وش السالفه
طلال: السالفه ان هذي نتايجكم وانا اللي خربت النت عشان ماتعرفونها وتخرب المفاجأه
هند: كذاب
طلال: بكيفك بس روحي شغلي المودم من غرفة خالد هههههههههههههههههاااااااااااااي
هند : ايه بروح اشغله باي
طلال : بباي خخخخخخخ
شغلت هند المودم وشبك النت وشافت نتايجهم وفرحت بحركة طلال لانها اكتشفت ان طلال يعتبر غاده مثل اخته

المغرب كانت حفلة نجاح هند وغاده بس اللي نكد عليهم ابو خالد قال لهم فيه ضيوف بيجون الليله
الغو الحفله وغاده وهند كانو معصبين اش هالنكد مالقو الضيوف يجون الا اليوم


كان حمد بيسافر شغل خارج المملكه اميره من الصبح متنكده مع انها تحاول تبين غير كذا

حمد: حبيبتي انا طالع يالله تامرين شي
اميره: ماتبي تسلم على اهلك؟
حمد: الا بروح لهم اللحين البسي بوصلك لاهلك
اميره : لا بروح معك لخالتي واجلس معهم شوي
حمد واللي فهم اميره بس يستهبل: لالا بوديك لاهلك وانا بروح لاهلي
اميره خنقتها العبره: الله يخليك لا تردها بخاطري
حمد : طيب قولي لي سبب مقنع
اميره رفعت راسها وماهي قادره تشوف زين من لدموع: لاني ابي عيني تشبع من شوفك قبل تسافر
حمد انكسر قلبه عليها حضنها وهي كانت تبكي على صدره
طلع حمد واميره وراحو لام حمد وسلم حمد على امه واخته ويوم جاء بيطلع
ام حمد: يا وليدي
حمد: سمي يمه
ايمان: نبيك توصلنا لبيت ام خالد
حمد: ليش
ام حمد: جايهم ضيوف مهمين
ايمان: قصدك جايهم ناس يخطبون
حمد: ماشاء الله بس اسف ما ابي اوديكم امي بس تروح
ايمان: ليييييييييييييييييييييييييييييش؟
حمد: لاني اخاف يشوفون اميره ويخطبونها وتتكنسل خطبة البنت
ايمان: وهـ ياكبدي من ثقل الدم مرتك ذي محد يبيها
حمد: اذا محد يبيها يكفي حمد يبيها
اميره كانت بعالم ثاني مهمومه ودها تسافر مع حمد خايفه عليه وماهي متخيله البيت من دون بس بعد كلمة حمد ما قدرت تمسك دمعتها راحت للغرفه الثانيه تبكي
ايمان: حمد تعال ابيك
حمد: هلا
ايمان: شوف انا ما ابي امي تدري بالسالفه عشان كذا جبتك هنا
حمد: أي سالفه
ايمان: انت ليش معذب اميره ترا هي مالها دخل
حمد انفجر من الضحك ورجع يتكلم بصوت واطي: خبرك عتيق اللحين اميره تساوي عيوني الثنتين ياكثر سوالفك خليني اروح اشفيها البنت وانتي البسي عباتك يالله

حمد: امورتي
اميره: هلا
حمد: عاد خلاص اللي يسمعك يقول ماني براجع
اميره: بسم الله عليك
حمد :يالله قومي حبيبتي ما ابي امي تتضايق اذا شافتك متضايقه
اميره من عيوني
حمد: تسلم هالعيون

وصلهم حمد لبيت ام خالد وقبل لا ينزلون حمد التفت على ورا واخذ شنطة اميره وفتحها ورجع سكرها
حمد: يالله توكلو على الله
اميره: وش تبي بشنطتي؟
حمد: احسب فيها الكبك حقي خذيها يالله
ايمان: يالله انزلو
نزلو الكل وراح حمد لما وصلو لبيت ام خالد فتحت لهم الباب غاده وحضنت ايمان
ايمان: هلاااا ببنت جيراننا اللي ماعاد شفناها
غاده: هلا بك هههههههههههههههههههههههههههه
اميره: شلونك ياغاده؟
غاده: بخير ياعروستنا
الكل: هههههههههههههههههههههههههههههههههههههههههه
طلعو البنات بغرفة البنات
والحريم تحت قامت ايمان وزبطت مكياج غاده ويوم خلصت
غاده: اللحين انتي ماتقولين لي ليش تلعبين بوجهي
اميره: هههههههههههههههههه حرام قولي لهم يا ايمان
امل: وش تقولنا؟
ايمان: ان الضيوف اليوم جايين يخطبون غاده
غاده: هاااااااااااااااه
ايمان : يالله بس تأخرتي عليهم انزلي
غاده: يخسون ما انزلهم
الكل ماعدا امل: هههههههههههههههههههههههههههههه
غاده: امل فكيني منهم
امل: هاااه انا بروح
غاده: اش فيها امل
ايمان : ماعليك منها المهم انتي للحين انزلي
غاده : هنو تكفين انزلي معي تكفيييين
هند: ههههههههههههههه مهبوله انتي


امل اللي كانت مكلمه ابوها يكلم طلال بسالفة خطبته من غاده تحطمت ان غاده بتروح لغير طلاال كانت جالسه عالدرج تفكر
ام خالد: امللللللل صمخا ماتسمعين؟
امل: هاه يمه اش تبين؟
ام خالد: خلي غاده تنزل بسرعه

امل : طيب طيب يمه



امل فتحت باب الغرفه ودخلت على البنات: غاده امي تقولك يالله انزلي
البنات: ههههههههههههههههههههههههههههههههه
غاده بخوف فضيع: ياويلي ويلااااااااااه مقدر مقدر ,,,, سكتت غاده وانزلت عينها للارض وقالت: الله يرحمك يا فاطمه ليتها معي بهاللحظه
فاطمه حضنت غاده اللي طلعت دموعها
ايمان: يؤيؤيؤ اميره الحقينا بمنديل المكياج خرب
ابتسمت غاده
فتحت اميره شنطتها لقت ورقه اعطتهم منديل واخذت الورقه فتحتها

(( احبك من هنا حتى طلوع الفجر حد النور
صحيح انك نقدر مكتوب بس اجمل مقاديري

حبيبك حمد))

انتهى الجزء

الجزء العاشر:

غاده مرتبكه ترتجف مو قادره تمشي ام خالد فرحانه فيها كانت تحسها وحده من بناتها كانت غاده لابسه بلوزه وردي وتنوره نص الساق رصاصي وتاركه شعرها على كتوفها واللي محليها الخصل العنابيه اللي بشعرها كانت تمشي وهي ماسكه ام خالد . ميته رعب ماعمرها جربت هالموقف دخلت عند الحريم مع الباب : السلام عليكم

ام سعود : وعليكم السلام ورحمة الله وبركاته هلا بغاده ماشاء الله تبارك الله

وغاده بتمووووووت من الحيا

ام متعب ((تصير إخت أم سعود)): شلونك يا بنيتي ياعلك بخير
غاده: بخير جعلك بخير انتو شلونكم
ام سعود : هاه بشرينا كيف النتيجه
ام خالد: ممتاز ماشاء الله عليها
ام سعود: ماااااشاااااء الله أجل ناويه تكملين دراسه
غاده واللي بدت ترتاح شوي: أكيد بإذن الله


رن جوال امل ناظرت بالشاشه
الغالي يتصل بك

امل: هلاااا ابو خلود
خالد: هلا بك امول خلي غاده تدخل المجلس الداخلي اللحين
امل: يؤؤؤؤؤ تبيها تموت
خالد: وشهووو؟
امل: لا ولا شي اممم الله يعين اوكي عطني خمس دقايق اوكي؟
خالد: لا تطولين علينا يالله سلام
امل: طيب

امل نزلت تركض لأمها قالت لها ان سعود يبي يشوف غاده
كانت أمل متأكده ان غاده بترفض اقترحت على امها ما يقولون لها أحسن

امل: غدو مابغيتي تقومين من عندهم ههههههههههه
غاده: يمممه قطعوني بعيونهم
امل: ماشاء الله هههههههههههه تدرين؟
غاده: وشو
امل: هذي اللي كانت تسأل عنك يوم قمنا نرقص
غاده: احلللللللفي
امل: خخخ والله هنو تقول
غاده: يمممممممممممممه صدق حريم خخخ
امل: يؤؤؤؤ بغيت انسى
غاده: وشهووو بعد
امل: روحي المجلس الداخلي اللحين
غاده: ليش ان شاء الله
امل: خالد بيدخل اللحين يالله طسي
غاده : طيب لا تاكليني

دخلت غاده مع الباب شافت عمها وبجنبه رجال غريب تصلبت رجولها من الفجعه كان عمها يطالع فيها ومبتسم حست برجفه تمشي في جسمها كله خافت يشك عمها انها فاجره خافت يضربها صارت واقفه تناظر بعمها
ابو خالد: حياك ياغاده تفضلي
غاده كأن احد مصحيها من النوم عرفت ان هذا سعود صارت تمشي وهي تجر رجلها من الحيا والفشيله قعدت جنب عمها كانت البلوزه تبين شي من كتوفها صارت تنزل شعرها على كتوفها تبي تغطيها
سعود: وعليكم السلام
غاده: سسسـ سلام عليكم ورحمـ (( باقي الصوت اختفى من الحيا))
سعود: وشلونك يا غاده
غاده يوم سمعت اسمها بغت تنجلط : بخير
سعود : ماعندنا حريم يكملون دراستهم
غاده رفعت عينها بسرعه فيه فطس سعود من الضحك عليها وتفشلت ونزلت عينها كانت تنتظر عمها يقولها خلاص ادخلي داخل بس ما تكلم آخر شي قررت هي تطلع قامت وراحت عند الباب بسرعه كانت حاسه ان سعود بياكلها بعيونه يوم وصلت عند الباب قال سعود: فمان الله
ماردت عليه طلعت مع الدرج
فتحت باب الغرفه وصكرت وجلسته عنده عالارض وقعدت تبكي
البنات خافو
امل: اش فيك غاده غاده غدو حبيبتي اش فيك
أميره: بسم الله عليك حبيبتي إهدي
ايمان اللي عرفت ان غاده مفتقده فاطمه حضنت غاده وصارت تبكي معاها
تأثرو الكل
هند بغت تغير الجو: غدو هو مزيون
الكل: هههههههههههههههههههههههههههههههههههههههههه
غاده: مدري عنه ماشفته
اميره: ياهووووه بلا نصب انا اللي كانت عيوني بالارض ليلة الملكه حفظت شكل حمد حفظظظ هههههههههههههههههه
الكل: ههههههههههههههههههههههههههههههههه
غاده: يعني مو ذاك الزين
امل: بس بس عرفنا خخخخخخخخخخخخخخخخخخ
هند: اقول ترى طلال وخالد ماقصرو إسألو عن الرجال
غاده: ايه وش صار؟
امل: يقولون ماشاء الله صايم مصلي ماتفوته ركعه واهم شي انه بار بامه وابوه
ايمان: حبيبتي غدو انتي ارتحتي له
غاده: مدري بس بس بصلي الاستخاره ونشوف
هند: الله يوفقك ياااااااااااارب
الكل: اميييييييييييييييييييييييييييييييييييييييييين




: مدري يا ناصر اول شي كنت أكرهها كره الموت لأني كنت أفكر بأمل كانت كل أحلامي متركزه حول أمل رغم إني ما شفتها الا لمحها ولا أتذكر من ملامحها الا ابتسامتها بس تعلقت فيها
ناصر: خخخخخخخ نعنبو بليسك اول ماشفتها قلت حبيتها
حمد:لا يا ناصر انا صادق حسيت اني حبيتها وسألت اختي عنها وقالت لي انها امل تولعت فيها قلت لامي ابخطب شجعتني وقالت البنت موافقه!!
قلت يمه من اللي موافق قالت اميره بنت خالتك . ضاقت فيني الدنيا كرهت شي اسمه اميره يوم الملكه ماناظرت بوجهها حتى وجرحتها بكلامي من عقب الملكه لا زرتها ولا كلمتها ولا حتى ارسلت لها سلام تزوجنا أهنتها إهانه ما ارضاها لعدوي اليوم الثاني شفتها تبكي دموعها فوقتني عرفت وقتها انها زوجتي وخلاص اللي صار صار وتغير اللي بقلبي لها كله
ناصر: ماشاء الله الحمد لله انك عقلت بس
حمد: طيب عن إذنك بروح انام
ناصر : ايه هين بتنام خخخخخخخخخخخخخخخخ بس لاتنسى بكره بدري لازم نروح



اتصل حمد على أميره كانت نايمه عند اهلها ناظرت بالشاشه المتصل حبيب الروح,,
اميره : هلا
حمد: افااا نايمه
اميره: ايه على بالك وقتنا مثل وقتكم
حمد: وانا اللي قايل ماتقدر تنام وانا بعيد
اميره: ههههههههههه بعد عمري والله انك بالقلب وعالبال طمني عنك؟
حمد: ماني بخير
اميره: عسى ماشر
حمد: ماشر بس انحولت عيوني ماغير اصدصد عن هالبنات الصراحه شي يفتح النفس
اميره بقهر: شي يفتح النفس الله لا يفتح نفس العدو
حمد:.
اميره: نعسانه وتعبانه تبي شي بنام
حمد: هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه
يابعد عمرررري تغارين علي
اميره: ياشينك بس
حمد: ههههههههههههههههههههههه تهقين حبيبك يخونك
اميره: مدري عنك
حمد: اوكي حبيبتي انا اللحين تعباااااان وبنام تامريني بشي؟
أميره: ماهو حق تطير نومي وتروح ترقد والله ظلم
حمد: اوكي واحد صفر يالله باااايو
اميره : باي وبكره طمني عليك حبيبي
حمد: وهـ فديت حبيبي ومن قالها يالله سلام
اميره: باي



اليوم الخميس ملكة سعود على غاده رقصو البنات وتعشو الرجال وطلب سعود من ابو خالد انه يشوف زوجته

دخلت غاده لحالها لقت سعود لحاله جالس بالمجلس الداخلي وبنفس مكانه الاول سلمت عليه ورد السلام جلست بعيد
سعود: ليش؟
غاده: وشو
سعود: من قال لك فيني جرب
غاده: هااااااه !!
سعود: هههههههههههههههههههههههههههههههههههههههههههههههههه
غاده نزلت عينها خجل
سعود : اجل ليش بعيده عني؟ ياحبكم للتغلي اجل انا ابجي
غاده كانت مييييته من الرعب كان قريب منها حيل
الا تقولين لي بتكملين دراسه
غاده: ايه
سعود: وش بتختارين تخصص؟
غاده: مدري
سعود: غاده وبعدين
غاده: وشو
سعود: لين متى بتستحين يعني
غاده ماقدرت تمسك ضحكتها: ههههههههههههههههههههههههههههههههههه
سعود: فدييييييييييييييت هالضحكه والله


انتهى الجزء

يااااااااااااااااااااااااااااااااااااااااااااااااا اااااااااااااااي

تسلم يدين الكاتبه وتسلم يدينك عالنقل

الاجزاء رووووووووووووووووووووووووووووووووعه الله يستر مايكون الهدوء اللي يسبق العاصفه

تسلمين حبوبتي وبانتظار الباقي :):)

الله يسلمك ومشكورة على المرور حبيبتي

يسلموا على القصة الرائعة

الله يسلمك مشكوره على المرور

مشكوووووووووووورة الحب المجروح

صراحة مواضيعك كلها روووووووعة

الله يوفقك ياااارب

لك حبي غاليتي

تسلمين على المرور رهف الروح